Yangiliklar

So‘nggi sakkiz yilda Farg‘ona vodiysi yalpi hududiy mahsuloti (YaHM) $7,9 milliarddan $19,8 milliardga yetdi. Bu haqda Iqtisodiy tadqiqotlar va islohotlar markazi direktori Obid Hakimov Farg‘ona tinchlik forumining birinchi yig‘ilishida ma’lum qildi.

Shu bilan birga, real o‘sish 60 foizni tashkil etib, o‘rtacha iqtisodiy ko‘rsatkichdan 56 foizga oshdi.

Vodiyning O‘zbekiston yalpi ichki mahsulotidagi ulushi 17,2 foizga yetdi. Aholi jon boshiga to‘g‘ri keladigan real YaHM 37 foizga oshgan. 2020 – 2024-yillarda daromadlar 68 foizga ko‘payib, $1,8 mingdan $3 mingga yetgan.

Bundan tashqari, xizmatlar, sanoat va qurilish sohalari ulushi oshgan, qishloq xo‘jaligi ishlab chiqarishi esa 30 foizga o‘sdi. Hudud eksporti $2,7 milliardga yetib...

Jahon banki O‘zbekistonga $800 mlnlik imtiyozli kredit ajratishni ma’qulladi. Bu haqda bank matbuot xizmati xabar bermoqda.

Bank ma’lumotiga ko‘ra, ushbu mablag‘lar kam ta’minlangan oilalarni qo‘llab-quvvatlash, ayollarni mehnatdagi tazyiqlardan himoya qilish, ijtimoiy xizmatlar va raqobat muhitini rivojlantirishga xizmat qiladi.

Loyihalar doirasida energiya tariflarining oshishidan aziyat chekayotgan oilalarga yordam puli miqdori 1 mln so‘mgacha oshiriladi, xususiy sektor ishtirokida ijtimoiy xizmatlar bozori yaratiladi, telekommunikatsiyada mustaqil regulyator tashkil etiladi va qishloq xo‘jaligi sug‘urtasi tizimi joriy qilinadi.

Shuningdek, energetika bozorini xususiy investorlar uchun ochish, qayta tiklanuvchi energiya ishlab chiqaruvchilarga elektrni to‘g‘ridan to‘g‘ri sotish imkonini berish, hamda energiya samaradorligini oshirishga qaratilgan milliy dastur yaratish...

Vladimir Putin O‘zbekiston bosh prokurori Nig‘matilla Yo‘ldoshevni «Do‘stlik» ordeni bilan taqdirladi. Bu haqda Rossiya prezidentining tegishli farmoni e’lon qilindi.

Shuningdek, orden bilan Venesuela poytaxti Karakas meri Karmen Teresa Melendes Rivas hamda Tojikiston sobiq bosh prokurori, hozirgi Xavfsizlik kengashi kotibi Yusuf Rahmon taqdirlangan.

«Do‘stlik» ordeni Rossiyada davlatlar o‘rtasida hamkorlik, madaniy va gumanitar aloqalarni mustahkamlashga katta hissa qo‘shgan shaxslarni e’tirof etish uchun beriladi.

Mazkur mukofot Yo‘ldoshevning O‘zbekiston va Rossiya o‘rtasidagi huquqiy hamkorlikni rivojlantirishga qo‘shgan hissasi e’tirofi sifatida berilgani ta’kidlanmoqda.

Eslatib o‘tamiz, Kursiv Uzbekistan Shavkat Mirziyoyev Birlashgan kurash dunyosi rahbarini «Do‘stlik» ordeni bilan taqdirlagani haqida yozgan edi.

Prezident qaroriga ko‘ra, elektrotexnika sanoatida 2026-yilda eksport geografiyasi 80 ta davlatgacha kengaytiriladi va eksport hajmi $3 milliardga yetkaziladi. 2030-yilda esa mis xomashyosining birja savdolari hajmi 225 ming tonnaga yetkazilishi rejalashtirilgan.

Shuningdek, 2026 – 2027-yillarda elektrotexnika sanoati korxonalariga aylanma mablag‘ uchun kreditlar bo‘yicha davlat tomonidan qo‘llab-quvvatlov chorasi ko‘rsatiladi. Tadbirkorlikni rivojlantirish kompaniyasi hisobidan:

Avvalroq Shavkat Mirziyoyev elektrotexnika sanoatidagi rivojlanish va eksport salohiyatini oshirish bo‘yicha taqdimot bilan tanishgani haqida xabar berilgandi. Unga ko‘ra, joriy yilning 9 oyida ishlab chiqarish hajmi...

2025-yil 16-oktabr holatiga ko‘ra, O‘zbekiston Henley Passport Index reytingida 72-o‘rindan 82-o‘ringa tushdi. Bu bir oy ichida mamlakat pozitsiyasi o‘nta pog‘onaga pasayganini anglatadi.

Reyting tuzuvchilari ma’lumotiga ko‘ra, hozirda O‘zbekiston fuqarolari vizasiz tarzda 61 ta davlatga kirish huquqiga ega. Sentabr oyida bu ko‘rsatkich 62 ta mamlakat edi.

Oktabr oyi boshida Chernogoriya hukumati O‘zbekiston, Armaniston va Misr fuqarolari uchun vizasiz tartibni bekor qildi. Bu qaror Yevropa Ittifoqiga a’zo bo‘lish jarayoni doirasidagi choralar bilan izohlangan.

Henley Passport Index yetakchilari sifatida Singapur, Janubiy Koreya va Yaponiya qayd etilgan. Reytingning kuchli beshligiga Italiya va Germaniya (4), shuningdek, Avstriya va Belgiya (5) kirgan.

Reytingning eng...

Umumiy o‘rta ta’lim maktablarida o‘quvchilarning kuzgi ta’tili 2025-yil 4-noyabrdan boshlanadi va 9-noyabrga qadar davom etadi. Bu haqda Maktabgacha va maktab ta’limi vazirligi xabar berdi.

Unga ko‘ra, II chorak dars mashg‘ulotlari 10-noyabrdan boshlanadi.

Avvalroq Toshkentdagi maktabda qizni kaltaklagan o‘quvchilarning ota-onasi va maktab rahbariyati jazolangani haqida xabar berilgandi. Maktabgacha va maktab ta’limi vazirligi mazkur holatni o‘z nazoratiga olib, maxsus ishchi guruh orqali o‘rganish o‘tkazdi.

O‘rganish natijalariga ko‘ra, voqea 20-sentabr kuni darsdan so‘ng yuz bergan. 4-sinf o‘quvchisi sinfdoshlari bilan og‘zaki tortishuvdan keyin janjal kelib chiqqan. Maktab ma’muriyati bu holat haqida profilaktika inspektori va maktab psixologlariga darhol xabar bergan. Holat bo‘yicha o‘quvchilarning ota-onalari...

Janubiy Koreyaning The Korea Herald nashri xabariga ko‘ra, Toshkentda barpo etilayotgan yangi xalqaro aeroport 2029-yilda foydalanishga topshirilishi rejalashtirilgan. Loyiha bo‘yicha maslahat va texnik qo‘llab-quvvatlash xizmatlarini Incheon International Airport Corporation (IIAC) amalga oshiradi.

IIAC kompaniyasi O‘zbekiston bilan $24,5 mlnlik besh yillik shartnoma imzolagan. Unga ko‘ra, 2027-yildan boshlab Janubiy koreyalik mutaxassislar IT-infratuzilma, yo‘lovchilarga xizmat ko‘rsatish tizimi va aeroport boshqaruvi bo‘yicha yordam beradi.

Loyiha joylashuvi va ulushdorlar tarkibi

Yangi Toshkent aeroporti Toshkent viloyatining O‘rta Chirchiq va Quyi Chirchiq tumanlari hududida, 1,3 ming gektar maydonda barpo etiladi.

Konsorsium tarkibiga quyidagi kompaniyalar kirgan:

ESPN nashri 2026-yili AQSh, Kanada va Meksikada bo‘lib o‘tadigan Jahon chempionatida qatnashadigan va qatnashishi mumkin bo‘lgan jamoalarning g‘olib bo‘lish ehtimolini baholadi.

Reytingda allaqachon Jahon chempionatiga yo‘llanma olgan va saralash bosqichida ishtirok etayotgan 87 terma jamoa joy olgan. Unga ko‘ra, birinchi o‘rinda Desham boshchiligidagi Fransiya terma jamoasi joy oldi. Tarkibida Kilian Mbappe, Usmon Dembele va Antuan Grezman kabi hujumchilar harakat qiladigan «Uch ranglilar» turnir favoriti sifatida ko‘rilmoqda.

Ikkinchi o‘rinda esa Ispaniya terma jamoasi o‘rin olgan. Amaldagi Yevropa chempionlari tezkor qanotlar va maydon markazidagi nazorat evaziga o‘yin taqdirini hal qila oladi. Lamin Yamal, Niko Uiliams va Pedri «Qizil furiya»ga Jahon...

Isroil bosh vaziri Binyamin Netanyaxu bronxit tashxisi qo‘yilgani sababli bugungi kun uchun belgilangan barcha uchrashuvlarini bekor qildi. Bu haqda bosh vazir idorasi ma’lum qilgan.

Netanyaxu Tel-Aviv tuman sudi majlisida so‘roq paytida o‘zini yomon his qilgani, yo‘tal va shamollash belgilari haqida shikoyat qilgani aytilgan. Shundan so‘ng sudyalar uning so‘roviga binoan majlisni keyinga qoldirishga rozilik bildirgan.

Bosh vazir idorasi xabariga ko‘ra, shifokor tavsiyasi asosida Netanyaxu kunni uyda dam olish bilan o‘tkazadi. Shifoxona esa uning infeksion kasallik bilan og‘rimagani, ya’ni atrofdagilar uchun xavf tug‘dirmasligini tasdiqladi.

Sud majlisi soat 16:30 da yakunlanishi kerak edi, biroq Netanyaxu o‘zining faqat qisqa vaqt davomida ko‘rsatma berishini...

Time jurnali 2025-yil uchun eng yaxshi ixtirolar ro‘yxatini taqdim qildi. Jurnal so‘nggi bir yil davomida ixtiro qilingan 300 ta kashfiyotni ommaga ma’lum qildi.

Ixtirolar asosan Go‘zallik, Robototexnika, Salomatlik, Sun’iy intellekt, Oziq-ovqat va boshqa bir qancha sohalar hissasiga to‘g‘ri keladi. Kashfiyotlar sohaga ta’siri, samaradorligi hamda bir necha mezonlar bo‘yicha baholanadi.

AST SpaceMobile BlueBird

AST SpaceMobile kompaniyasining BlueBird sun’iy yo‘ldoshlari orbitada joylashgan bo‘lib, yuqori 120 Mbps gacha tezlikda internet tarqatishni maqsad qilgan. Bu internet yaxshi bo‘lmagan hududlarda internet aloqa imkoniyatlarini kengaytiradi.

FireSat — erta yong‘in aniqlash tizimi

FireSat — bu Earth Fire Alliance, Muon Space va Google Research hamkorligida ishlab chiqilgan...

Xiaomi Group prezidenti Redmi K90 Pro Max smartfoni haqida yangi ma’lumotlarni e’lon qildi. Bu haqda ITHome xabar bermoqda.

Xiaomi’ning joriy avlodidagi ikkinchi Pro Max modeli bo‘lib, Xiaomi 17 Pro Max dan keyingi navbatdagi premium qurilma hisoblanadi.

Ushbu yangi modelning taqdimoti oktabr oyi oxirigacha o‘tkazilishi rejalashtirilgan. Redmi mahsulot menejeri Sun Tsunning so‘zlariga ko‘ra, Redmi K90 Pro Max $560 (4000 yuan) narxda taqdim etiladi. Mashhur insayder Digital Chat Station ham bu fikrni qo‘llab-quvvatlagan.

Dastlabki ma’lumotlarga ko‘ra, yangi model Snapdragon 8 Elite Gen 5 protsessorida ishlaydi, 2K ruxsatdagi displey bilan jihozlanadi va K-seriya tarixida ilk bor periskopli kamera moduliga ega bo‘ladi.

Redmi...

Pokiston va Afg‘oniston chegarasida so‘nggi kunlarda kuchaygan janglar va aviazarbalar ortidan ikki davlat 48 soatlik vaqtinchalik sulhga kelishdi. Bu haqda Reuters agentligi ma’lum qildi.

Unga ko‘ra, to‘qnashuvlar natijasida 12 dan ortiq afg‘on fuqarosi halok bo‘lgan, 100 kishi jarohat olgan. Pokiston esa to‘qnashuvlarda 4 nafar fuqaro yaralanganini bildirdi.

Pokiston Tashqi ishlar vazirligi sulh Afg‘oniston tomonining iltimosiga binoan e’lon qilinganini ma’lum qildi. Biroq Tolibon bu qaror Pokistonning o‘zi so‘raganini ta’kidladi.

Chegaradagi janglar Afg‘onistonda joylashgan jangarilar Pokistonga hujum qilayotgani haqidagi Islomobodning da’volaridan so‘ng avj olgan. Tolibon bu ayblovni rad etib, Pokistonni Afg‘oniston barqarorligiga putur yetkazayotganlikda aybladi.

To‘qnashuvlar natijasida asosiy chegara o‘tish joylari...

Oksford universitetining «Osiyo va Yaqin Sharq tadqiqotlari» fakultetida endi o‘zbek va eski o‘zbek tillari o‘rganiladi. Bu haqda O‘zbekiston Prezidenti administratsiyasi rahbari Saida Mirziyoyeva ma’lum qildi.

U universitetdan O‘zbekistonda xotin-qizlar huquqlarini himoya qilish va ularning imkoniyatlarini kengaytirish borasida erishilgan yutuqlar e’tirofi sifatida mukofot qabul qilganini bildirdi.

Shuningdek, Mirziyoyeva universitetdagi Bodlian kutubxonasi bilan tanishganini ta’kidladi.

«Mirzo Ulug‘bekning «Ziji Ko‘ragoniy», Alisher Navoiyning «Xamsa», Husayn Boyqaroning «Devoni Husayniy», Boburiylar davriga oid miniatyuralar va boshqa ko‘plab nodir kitoblar saqlanayotgan Bodlian kutubxonasi bilan tanishuv iliq taassurot qoldirdi», — deydi u Telegram sahifasida.

Bundan oldin Saida Mirziyoyeva Buyuk Britaniya G‘aznachiligi iqtisodiy kotibi...

Venesuelalik muxolifat yetakchisi va 2025-yilgi Tinchlik bo‘yicha Nobel mukofoti sovrindori Mariya Korina Machado prezident Nikolas Maduro siyosatiga qarshi Donald Trampdan yordam so‘radi. Bu haqda CNN agentligi ma’lum qildi.

Machado CNN’ga bergan intervyusida Trampni jinoiy narkoterrorizm tizimiga qarshi kurashda qat’iyatli siyosat yuritayotganini ta’kidladi. U, shuningdek, Trampning Yaqin Sharqda tinchlik o‘rnatish borasidagi sa’y-harakatlari uchun Nobel mukofotiga loyiq ekanini aytdi.

So‘nggi haftalarda AQSh harbiylari Venesuela sohillarida bir necha kemalarga zarba bergani, Tramp ma’muriyati ularni giyohvandlik moddalari kontrabandasiga aloqador deb atagani xabar qilingan.

Machado Maduro rejimini oltin, giyohvandlik moddalari va qurol savdosidan foyda olayotgan jinoyatchi tuzum deb atadi va bu oqimlarni to‘xtatish orqali...

Zeekr kompaniyasi Zeekr 001 elektromobili 2026-yilda ishlab chiqarilmasligiga oid xabarlarga izoh berdi. Bu haqda CarNewsChina xabar bermoqda.

Unga ko‘ra, 2026-yilda Zeekr 001 modelini almashtirish yoki qayta nomlash rejasi yo‘q. Kompaniya ta’kidlashicha, 11-oktabr kuni taqdim etilgan yangilangan 001 versiyasi uzoq muddat davomida brendning asosiy modeli bo‘lib qoladi.

Bayonotda qayd etilishicha, yangilangan Zeekr 001’da dvigatel, shassi, xavfsizlik tizimlari, haydovchiga yordamchi funksiyalar va aqlli salon yo‘nalishlarida katta yangilanishlar amalga oshirilgan. Dizayn esa o‘zining shooting brake shaklini saqlab qolgan. Kelgusidagi o‘zgarishlar esa OTA dasturiy yangilanishlari yoki ixtiyoriy jihoz o‘zgarishlari orqali amalga oshiriladi.

Zeekr 001’ning global muvaffaqiyati

Zeekr 001 ilk bor 2021-yilda...

O‘zbekiston va Koreya o‘rtasidagi muzokaralar natijasida E-8 vizasi asosidagi mavsumiy ishchilar dasturi yana yo‘lga qo‘yildi. Bu haqda Migratsiya agentligi xabar berdi.

Migratsiya agentligi direktori Behzod Musayev boshchiligidagi delegatsiya Koreyaning Gyeongsangnam-do provinsiyasi gubernatori Pak Wansu bilan uchrashuv o‘tkazdi. Tomonlar Toshkent viloyati aholisi orasidan ishchilarni tanlab olish va ularni provinsiyaning Hapchon, Chongnyang hamda Miryang hududlarida sakkiz oy muddatga qishloq xo‘jaligi ishlariga jalb etishga kelishib oldi.

Shuningdek, Migratsiya agentligi va Gyeongsangnam-do provinsiyasi o‘rtasida mavsumiy ishchi kuchi bo‘yicha hamkorlik kelishuvi imzolandi. Bu hujjat Koreya bilan tuzilgan avvalgi bitimning amaliy bosqichi hisoblanadi.

Dastlab uchta hududga sinov tariqasida ishchilar yuboriladi. 2026-yildan boshlab o‘zbekistonlik ishchilarning...

Markaziy harbiy okrugning «Kattaqo‘rg‘on» poligonida O‘zbekiston, Qozog‘iston, Tojikiston, Qirg‘iziston va Ozarboyjon mudofaa vazirliklari bo‘linmalari ishtirokida «Birlik – 2025» nomli mintaqaviy harbiy o‘quv mashg‘ulotlari boshlandi. Bu haqda Mudofaa vazirligi ma’lum qildi.

14-oktabr kuni bo‘lib o‘tgan tantanali ochilish marosimida bu mashg‘ulot O‘zbekistonning xalqaro harbiy hamkorlik doirasidagi eng yirik o‘quvlaridan biri sifatida ta’kidlandi.

Mashg‘ulotlarning asosiy maqsadi mamlakatlar o‘rtasidagi ishonchni mustahkamlash, harbiy hamkorlikni kuchaytirish va yangi xavf-xatarlar sharoitida mintaqaviy xavfsizlikni ta’minlashdir.

Ishtirokchilar zamonaviy jangovar tajribaga asoslangan usullarni qo‘llash, artilleriya, dron va zirhli texnikalardan samarali foydalanish orqali o‘quv-jangovar vazifalarni bajaradi.

Shuningdek, mashg‘ulot doirasida harbiylar jangovar tayyorgarlik mashg‘ulotlarida qatnashadi, musobaqalarda ishtirok etadi hamda Samarqand shahrining...

Raqobat qo‘mitasi Umra safariga oid reklama qonunbuzarliklari yuzasidan uchta turfirma va to‘qqizta ijtimoiy tarmoq kanali mas’ullariga nisbatan chora ko‘rdi.

Jumladan, «Mus Ali Tour», «Amirxan Travel» hamda «Travel ata» kompaniyalariga litsenziyasiz reklama joylashtirgani uchun moliyaviy jarima qo‘llandi.

Bundan tashqari, Farg‘ona, Namangan va Toshkent viloyatlarida faoliyat yurituvchi to‘qqizta Telegram va Instagram kanali (Farg‘ona tour 2022, Saidislom, Sux Umra ziyorati, Musaffo Travel, Haj_2025, Shaxand va qo‘shni hududlar, Leaf travel) hamda «Mustafa Travel» MChJ mas’ullari ham reklama qoidalarini buzganliklari uchun ma’muriy javobgarlikka tortildi.

Qo‘mita ma’lumotiga ko‘ra, qonunbuzarliklar bo‘yicha belgilangan tartibda tegishli chora-tadbirlar amalga oshiriladi.

Bundan avval ham Farg‘ona, Andijon va Buxoro viloyatlarida Umra...

O‘zbekistonda ilk bor xalqaro «Halol» akkreditatsiyasini olgan sertifikatlash organi faoliyatini boshladi. Bu haqda Oʻzbekiston ilmiy-sinov va sifat nazorati markazi xabar berdi.

Unga ko‘ra, markaz huzuridagi Halol sertifikatlash idorasi Turkiya Halol akkreditatsiya idorasi tomonidan xalqaro talablarga muvofiq deb topildi. Bu O‘zbekistonda halol standartlari bo‘yicha faoliyat yuritayotgan tashkilotlar uchun muhim bosqich hisoblanadi.

Halol sertifikati O‘zbekiston mahsulotlarini, ayniqsa, Islom mamlakatlariga eksport qilishda texnik to‘siqlarni kamaytiradi. Mutaxassislarning ma’lumotiga ko‘ra, hozirda halol oziq-ovqat va ichimliklar bozori hajmi $2 trillion, halol ziyorat turizmi esa $400 milliardni tashkil etmoqda.

Mazkur natija O‘zbekistonning xalqaro standartlar tizimiga qo‘shilishida muhim qadam bo‘lib, mamlakat mahsulotlarining jahon bozoridagi raqobatbardoshligini oshiradi.

Avvalroq...

Honor kompaniyasi tomonidan yangi Honor Magic8 smartfoni taqdim etildi. Qurilma Snapdragon Elite Gen 5 protsessorida ishlaydi va Android 16 asosidagi MagicOS 10 tizimida boshqariladi.

Model uchun oldindan buyurtmalar Xitoyda boshlangan, savdolar esa 23-oktabrdan start oladi.

Yangi smartfon 6,58 dyuymli OLED displeyga ega bo‘lib, ekranning ramkasi atigi 1,18 mm. Ruxsati 1,5K, yangilanish tezligi esa 120 Hz.

Kameralar tizimi Magic8 Pro modelidan soddaroq bo‘lib, asosiy modulda 50 megapikselli (f/1.9) sensor o‘rnatilgan. Keng burchakli kamera ham 50 megapikselli (f/2.0) datchikka ega. Shuningdek, smartfon 3 karra optik zumga ega 64 megapikselli periskopli telefoto kamera bilan jihozlangan.

Batareya sig‘imi 7000 mA/soat, u 90 Vtli...

Davlat xavfsizlik xizmati Samarqand viloyati boshqarmasi xodimlari tomonidan Narpay tumanida o‘tkazilgan tezkor tadbirda Navoiy viloyatida yashovchi uch nafar shaxs 18 kg kumush qotishmasini noqonuniy sotayotgan paytda qo‘lga olindi. Bu haqda DXX matbuot xizmati ma’lum qildi.

Ular «shartli xaridor»ga har bir grammni 11 700 so‘mdan hisoblab, jami $21 mingga sotmoqchi bo‘lgan. Ashyoviy dalil sifatida olingan kumushning sof og‘irligi 16 kilogramm 744 grammni, asillik darajasi esa «999» ni tashkil etadi.

Shuningdek, tegishli baholash xulosasiga koʻra, ushbu kumush metallning narxi 502 mln 344 ming soʻmni tashkil etadi.

Hozirda ushbu shaxslarga nisbatan Jinoyat kodeksining 177-moddasi 4-qismi «a» bandi bilan jinoyat ishi qo‘zg‘atilib...

Toshkent shahrida Uzbekistan Airports kompaniyasi va Janubiy Koreyaning Incheon International Airport Corporation korporatsiyasi o‘rtasida Urganch xalqaro aeroportini modernizatsiya qilish va boshqarish bo‘yicha davlat-xususiy sheriklik bitimi imzolandi. Bu haqda Uzbekistan Airports ma’lum qildi.

Hujjatlarni imzolash marosimida Uzbekistan Airports boshqaruvi raisi Javlonbek Umarxodjayev, Incheon International Airport Corporation prezidenti Li Xak-Chje, Urganch xalqaro aeroporti direktori Oybek Matkarimov hamda O‘zbekiston transport vaziri Ilhom Maxkamov ishtirok etdi.

Javlonbek Umarxodjayevning so‘zlariga ko‘ra, ushbu hamkorlik O‘zbekiston aeroportlari infratuzilmasini modernizatsiya qilish, yo‘lovchilarga xizmat ko‘rsatish sifatini oshirish va mamlakatning tranzit salohiyatini mustahkamlashda muhim ahamiyat kasb etadi.

Bitim aeroportni «Qurilish, boshqarish va topshirish» (BOT) modeli asosida yangilashni ko‘zda tutadi...

O‘zbekistonda mahsulotlarni raqamli markirovkalash zamonaviy biznes muhitining ajralmas qismiga aylandi. Iste’molchi uchun uning afzalliklari aniq: soxta mahsulotlardan himoyalanish va xarid qilingan mahsulotning haqiqiyligiga kafolat olish. Biznes uchun-chi? Tobora ko‘proq kompaniyalar markirovka nafaqat qonunchilik talabi, balki rivojlanish va samaradorlikni oshirish uchun yangi imkoniyatlar yaratadigan vosita ekanligiga ishonch hosil qilmoqda.

«Asl Belgisi» MAT ma’lumotlariga ko’ra, 2025-yil 1-iyul holatiga ko‘ra, Markirovkalangan mahsulotlar reнestrida 115 mingdan ortiq nom ro‘yxatga olingan. Tizimda 1 068 ta ishlab chiqaruvchi va 3 451 ta import qiluvchi faol ishlamoqda. Ayniqsa, maishiy texnika (2 250 ishtirokchi), dori vositalari va tibbiy buyumlar (1 290 kompaniya), shuningdek, suv va ichimliklar...

Banklar 16-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.