Yangiliklar

Xitoyda yangilangan Zeekr 001 elektromobili sotuvga chiqdi. Bu haqda «Kitayskie avtomobili» nashri xabar bermoqda.

Savdolar boshlanganidan so‘ng bir necha kun ichida 10 mingdan ortiq buyurtma qabul qilingan. Modelning narxi 270 ming yuandan ($37 ming) boshlanadi. Dastlabki xaridorlar allaqachon avtomobillarini qabul qilib olishni boshlagan.

Yangilangan model orqa yurituvli versiya 503 ot kuchiga, to‘liq yurituvchisi esa 925 ot kuchiga ega. 0 dan 100 km/soatgacha tezlashish atigi 2,83 soniya davom etadi, maksimal tezlik esa 280 km/soatga yetadi.

Avtomobil bir quvvatda 640 dan 810 km gacha yo‘l bosadi. Bu ko‘rsatkich Zeekr 001’ni Tesla va Porsche elektromobillariga raqobatchi darajaga olib chiqmoqda.

Shuningdek, mashina...

Chernogoriya hukumati O‘zbekiston fuqarolari uchun amal qilib kelgan vaqtinchalik vizasiz tartibni bekor qilish to‘g‘risida qaror qabul qildi. Mazkur tartib 2025-yil 1-noyabrdan kuchga kiradi, deb xabar bermoqda mamlakat hukumatining axborot portali.

Qaror 2024 – 2027-yillar Islohotlar kun tartibi doirasida hamda Yevropa Ittifoqining 24-bobi — viza siyosati talablarini bajarish maqsadida qabul qilingan. Chernogoriya hukumati bu bilan o‘z viza siyosatini Yevropa Ittifoqi me’yorlariga to‘liq moslashtirishni va YI a’zoligiga qo‘shilish yo‘lidagi majburiyatlarini bajarishga sodiqligini bildirdi.

Endilikda O‘zbekiston fuqarolari Chernogoriyaga safar qilish uchun konsullik yoki viza markazlari orqali rasmiy viza olishlari kerak bo‘ladi. Avval esa ular 180 kunlik muddat ichida 90 kungacha vizasiz kirish...

Samsung kompaniyasi Galaxy S22, S22 Plus va S22 Ultra modellari uchun mo‘ljallangan One UI 8.0 yangilanishini tarqatishni to‘xtatdi. Bu haqda Sammobile nashri xabar bermoqda.

Yangilanish Samsung serverlaridan olib tashlangan. Kompaniya bu bo‘yicha rasmiy izoh bermagan, biroq odatda bunday holat muhandislar tizimda jiddiy xatolik aniqlaganida yuz beradi. Ular bunday paytda tarqatishni to‘xtatib, muammoni bartaraf etuvchi hotfix versiyasini tayyorlaydi.

Agar One UI 8 allaqachon o‘rnatilgan bo‘lsa, foydalanuvchilar uni avvalgi versiyaga qaytara olmaydi. Dastlabki fikrlarga ko‘ra, yangi tizim barqaror ishlamoqda va hatto unumdorlik biroz oshgan.

Yangilanishni hali yuklab ulgurmaganlar esa biroz kutishlariga to‘g‘ri keladi — hozircha One UI 8.0 versiyasi Samsung’ning rasmiy...

Bosh prokuratura huzuridagi departamentning Farg‘ona tumani bo‘limi, DXX va IIB xodimlari hamkorligida o‘tkazilgan tezkor tadbirda fuqaroning noqonuniy faoliyati fosh etildi. Bu haqda departament matbuot xizmati ma’lum qildi.

U Xo‘ja Ahmad Vale nomidagi mahalladagi uyida 6880 dona «Zardeks» nomli kuchli ta’sir qiluvchi dori vositasini sotish maqsadida saqlab kelgani aniqlangan.

Tadbir davomida dori vositalari ashyoviy dalil sifatida olib qo‘yildi. Mazkur holat yuzasidan Jinoyat kodeksining 251-1-moddasi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Toshkentda narkotik savdosi bilan bog‘liq holatlar fosh etilgan edi.

General Motors (GM) kompaniyasi uchinchi chorakda $1,6 mlrdlik zarar qayd etishi mumkin. Bu haqda Reuters agentligi xabar berdi.

Bunga AQSh hukumati tomonidan elektromobillar uchun beriladigan $7,5 minglik soliq imtiyozining bekor qilinishi sabab bo‘ldi.

Kompaniya ma’lumotiga ko‘ra, yangi siyosiy o‘zgarishlar tufayli elektromobillarga bo‘lgan talab pasayib, ishlab chiqarish hajmi rejalashtirilgan darajadan kamayishi mumkin.

Bundan tashqari, Tramp ma’muriyati joriy etgan yangi bojlar avtomobil sanoatiga bosimni oshirib, GM’ning o‘tgan chorakdagi $1,1 mlrdlik zararga sabab bo‘lgan.

Tahlilchilarning fikricha, hozirgi bozor holatida gibrid avtomobil ishlab chiqaruvchi Toyota va Honda kabi kompaniyalar afzal mavqega ega bo‘lmoqda. GM esa yangi iqtisodiy sharoitlarga moslashish strategiyasini ishlab chiqmoqda.

Eslatib...

5 grammli oltin quyma 8,3 mln so‘mdan oshdi, Rossiya 770 ming nafar migrantni deportatsiya qilmoqchi — 14-oktabrning muhim hodisalari Kursiv Uzbekistan materialida.

Suv xo‘jaligi tizimida «Davlat suv kadastri» axborot tizimi yaratiladi

Shavkat Mirziyoyev suv xo‘jaligi tizimini raqamlashtirish, quyi bo‘g‘inda boshqaruv samaradorligini oshirish bo‘yicha taqdimot bilan tanishdi. Sohada «Davlat suv kadastri» axborot tizimi yaratiladi va 2026-yil apreliga qadar ishga tushiriladi.

O‘zbekistonda 5 grammli oltin quyma narxi ilk bor 8,3 mln so‘mdan oshdi

14-oktabr kuni oltin quymalar narxi rekordni yana bir bor yangiladi. Regulyator xabariga ko‘ra, narxlar barcha toifadagi quymalar bo‘yicha o‘sdi. Xususan, 5 grammli quyma 8,103 mln so‘mdan...

15-oktabr kuni O‘zbekiston bo‘ylab havo asosan biroz bulutli va o‘zgaruvchan bo‘ladi, yog‘ingarchilik kutilmaydi, harorat kechasi 5–15°, kunduzi esa 18–32° oralig‘ida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Ravshan Haydarov boshchiligidagi O‘zbekiston «U-20» terma jamoasi Qozog‘iston yoshlar jamoasini ikkinchi bor mag‘lub etdi. O‘rtoqlik uchrashuvida o‘zbekistonliklar 3:1 hisobida ishonchli g‘alabaga erishdi.

Uchrashuvning dastlabki daqiqalaridayoq o‘zbekistonliklar tashabbusni qo‘lga oldi. Ammo hisob 8-daqiqada qozog‘istonlik Ali Turg‘anov tomonidan ochildi. Oradan besh daqiqa o‘tib, Abdug‘afur Haydarov O‘zbekistonning dastlabki golini kiritdi. U taym yakunlanishidan avval dubli bilan hisobni 2:1 ga yetkazdi. R. Haydarov jamoasi o‘yin markazini nazorat qilib, raqibga deyarli hujum qilish imkonini bermadi.

Tanaffusdan so‘ng o‘zbekistonlik futbolchilar o‘yinni o‘z nazoratida ushlab turishdi. 53-daqiqada Asilbek Jumayevning zarbasi bilan hisob 3:1 ga o‘zgardi. Bahs davomida O‘zbekiston o‘yinchilari mudofaa va pressingda barqaror o‘yin ko‘rsatib, g‘alabani...

Olmaotada bo‘lib o‘tgan «Qayrat» – «Real Madrid» o‘yiniga kira olmagan o‘zbekistonlik bola fransiyalik futbolchi Klod Makelele imzolagan to‘pni sovg‘a sifatida oldi. Sovg‘ani unga o‘zbekistonlik tadbirkorlar yetkazib berishdi, deb xabar beradi Kursiv Kazakhstan.

Bola va otasi Viagogo.com sayti orqali $1175 to‘lab chipta sotib olgan, ammo stadionga borgach, ularning chiptalari soxta ekani ma’lum bo‘lgan. Stadion oldida yig‘layotgan bolaning videosi ijtimoiy tarmoqlarda tez tarqaldi.

Keyinchalik Qozog‘istonlik ZTB media asoschisi Marg‘ulan Tursunov ma’lum qilishicha, bola oilasi moliyaviy yordamni rad etgan, Viagogo.com esa chiptalar uchun to‘langan pullarni qaytarib bergan.

Ma’lumot uchun, Klod Makelele — 2000 – 2003-yillarda «Real Madrid» safida o‘ynagan fransuz futbolchisi bo‘lib...

O‘zbekiston mehnat bozorida ishga qabul qilish jarayoni tobora ko‘proq ko‘nikmalarga asoslangan yondashuv sari o‘zgarib bormoqda. So‘rov natijalariga ko‘ra, ish beruvchilarning qariyb 47 foizi amaliy tajriba diplomdan muhimroq deb hisoblaydi.

Ish platformasi hh.uz turli sohalardagi 100 dan ortiq kompaniya vakillari o‘rtasida so‘rov o‘tkazdi. Natijalarga ko‘ra, 55% ish beruvchilar lavozim turiga qarab qaror qabul qilishini bildirgan: ayrim joylarda nazariya, boshqasida esa amaliyot muhimroq.

Diplomsiz, ammo malaka oshirish kurslarini tamomlagan nomzodlarga munosabat ham o‘zgarib bormoqda: 34% ish beruvchilar kurs bitiruvchilarini ishga olishga tayyor, 31% esa bunday nomzodlarni boshlang‘ich lavozimlar uchun mos deb biladi. Faqat 2% kompaniyalar diplomni majburiy deb hisoblaydi.

Ko‘nikmalar, asosan, amaliy...

Jahon sog‘liqni saqlash tashkiloti Hindistonda aniqlangan uch turdagi ifloslangan yo‘tal siroplari haqida ogohlantirish berdi. Bu haqda Reuters agentligi ma’lum qildi.

Zararlangan mahsulotlar orasida Coldrif (Sresan Pharmaceutical), Respifresh TR (Rednex Pharmaceuticals) va ReLife (Shape Pharma) bor. Mazkur siroplarda me’yordan qariyb 500 barobar yuqori miqdorda diatilen glikol aniqlangan.

Tashkilot bu mahsulotlarni jiddiy sog‘liq xavfi tug‘diruvchi deb baholadi; ular og‘ir zaharlanish va hatto o‘limga sabab bo‘lishi mumkin. Hindiston sog‘liqni saqlash organlari siroplarning Chhindvara tumanida 5 yoshgacha bo‘lgan bolalar tomonidan iste’mol qilingani va ularning o‘limi haqida xabar tarqalgan.

CDSCO ma’lumotiga ko‘ra, ifloslangan dorilar Hindistondan eksport qilinmagan va AQSh FDAsi ham bu mahsulotlar AQShga...

Google Hindistonning janubidagi Andxra-Pradesh shtatida sun’iy intellekt ma’lumotlar markazini qurish uchun 5 yil davomida $15 mlrd sarmoya kiritadi. Bu kompaniyaning mamlakatdagi eng yirik investitsiyasi hisoblanadi, deya yozmoqda Reuters.

Google Cloud bosh direktori Tomas Kurian ma’lumot berishicha, yangi markaz kompaniyaning AQShdan tashqaridagi eng yirik SI markazi bo‘ladi. Vishakhapatnam shahrida joylashadigan markaz dastlab 1 gigavatt quvvat bilan ishga tushadi.

Google bu yil butun dunyo bo‘ylab ma’lumotlar markazlarini kengaytirishga katta mablag‘ ajratmoqda. Loyiha Hindistonning sun’iy intellekt sohasidagi rivojlanishini tezlashtirishga xizmat qiladi.

Ma’lumot uchun, Hindistonda Microsoft, Amazon, Adani Group va Reliance kabi kompaniyalar ham ma’lumotlar markazlariga katta sarmoya kiritmoqda. Google esa Adani Group...

Oracle o‘z bulutli xizmatlarida AMD’ning yangi MI450 chiplaridan foydalanishni boshlaydi. Bu haqda Reuters agentligi ma’lum qildi.

Dastlab 2026-yilning uchinchi choragida 50 mingta MI450 protsessori ishga tushiriladi. Keyingi yillarda bu quvvat yanada kengayadi. Bitim AMD’ga yangi chiplarini joriy etish, Oracle’ga esa hisoblash imkoniyatlarini kengaytirish imkonini beradi.

AMD yaqinda OpenAI bilan ko‘p yillik kelishuvni e’lon qildi. ChatGPT yaratuvchisi chip ishlab chiqaruvchining 10 foizgacha ulushini sotib olish huquqiga ega bo‘ladi. Shuningdek, OpenAI AMD bilan birgalikda MI450 chiplarini takomillashtirmoqda va shu asosda yirik hisoblash markazini qurishni rejalashtirgan.

OpenAI Oracle bilan ham yirik shartnoma imzolagan bo‘lib, taxminan 5 yil davomida $300 mlrdlik hisoblash quvvatini...

Jahon boks assotsiatsiyasi (WBA) yarim oʻrta vazn toifasida jahon chempioni boʻlgan amerikalik Rolando Romero endilikda oʻzbekistonlik bokschi Shahram Gʻiyosovga qarshi jang oʻtkazishi shartligini rasman e’lon qildi.

WBA ma’lumotiga koʻra, Romero chempionlik kamarini qoʻlga kiritganidan soʻng 120 kun ichida uni himoya qilishi kerak edi, biroq bu muddat 1-sentabrda yakunlangan. Shu sababli tashkilot Romero va Gʻiyosov oʻrtasida majburiy jang oʻtkazish toʻgʻrisida qaror chiqardi.

«Romero kamarni olganidan soʻng 120 kun ichida uni himoya qilishi kerak edi. Bu muddat 1-sentabrda tugadi. Shu sababli, majburiy jang toʻgʻrisida qaror chiqarildi. Romero endi rasman Gʻiyosovga qarshi jang qilishi kerak», — deyiladi WBA...

Oʻzbekiston milliy pochta operatori UzPost’dagi («Oʻzbekiston pochtasi») davlat ulushi Rossiyaning Wildberries kompaniyasi tomonidan sotib olingani haqidagi xabarlar qator ommaviy axborot vositalarida e’lon qilindi.

Bir-biridan mustaqil manbalar Wildberriesʼning UzPost’ning davlat ulushini sotib olgani, bitim esa bir necha oydan beri tayyorlanayotganini bildirdi. Kompaniyaning Oʻzbekistonda elektron tijorat bozorini kengaytirish boʻyicha katta rejalari borligi aytilmoqda. Davlat aktivlarini boshqarish agentligi va Wildberries matbuot xizmatlari hozircha holatga izoh bermadi. Bitim summasi ham oshkor etilmagan.

12-oktabr kuni Kursiv Uzbekistan mahalliy OAVga tayanib, Wildberries UzPost’ning davlat ulushini sotib olgani haqida yozgan edi. 13-oktabr kuni UzPost ham bayonot berib, kompaniya infratuzilma va logistikani rivojlantirish uchun investitsiyalar jalb qilishdan...

Raqobat qo‘mitasi tomonidan o‘tkazilgan tekshiruvlar natijasida 9,1 milliard so‘mdan ortiq qiymatdagi davlat xaridlarida qonunbuzilish holatlari aniqlandi. Ular bo‘yicha maxsus komissiyalar tomonidan ish qo‘zg‘atilib, tegishli ko‘rsatmalar berildi.

Qo‘mitaga ko‘ra, qonunbuzarliklarning eng katta qismi Toshkent shahrida qayd etilgan. Bunda «O‘zbekiston milliy elektr tarmoqlari» AJ tomonidan boshlang‘ich narxi 7,3 milliard so‘mlik tanlov «Raqobat to‘g‘risida»gi Qonunning 29-moddasiga zid ravishda o‘tkazilgani ma’lum bo‘ldi. Holat yuzasidan buyurtmachiga nisbatan ish qo‘zg‘atilib, kamchiliklarni bartaraf etish bo‘yicha topshiriqlar berildi.

Hududlar kesimida ham bir qator qonunbuzilishlar aniqlandi:

Chevrolet Tracker O‘zbekistonda eng ommabop modellardan biri hisoblanadi. UzAuto Sanoat bergan ma’lumotga ko‘ra, yanvar-sentabr oylarida deyarli 28 ming dona Tracker sotilgan. Kursiv Uzbekistan nashrining ushbu maqolasida Chevrolet Tracker avtomobili haqida fikrlar va modelning ustun tomonlari haqida so‘z boradi.

Maqoladan quyidagilarni bilib olasiz:

Narx va sifat nisbati

Chevrolet Tracker O‘zbekistonda hamyonbop narx va yuqori sifat uyg‘unligini taqdim etmoqda. 2025-yil holatiga ko‘ra, uning narxi chegirma...

Afrikaning kichik orol davlatlaridan biri Kabo-Verde milliy terma jamoasi tarixda ilk bor futbol boʻyicha Jahon chempionatida ishtirok etadi.

Pedro Bubista boshqaruvidagi jamoa JCh – 2026 saralash bosqichining 10-turida Esvatini termasini 3:0 hisobida magʻlub etib, 23 ochko toʻpladi va guruhda birinchi oʻrinni egalladi.

Taxminan 525 ming aholiga ega orol davlat Kamerun va Liviya kabi kuchli raqiblarni ortda qoldirib, mamlakat futboli tarixida yangi sahifa ochdi. Jamoa saralash bosqichida 7 gʻalaba, 2 durang va 1 magʻlubiyat qayd etdi.

Jahon chempionati 2026-yilning 11-iyunidan 19-iyuligacha AQSh, Kanada va Meksikada boʻlib oʻtadi. Hozircha musobaqada ishtirok etuvchi jamoalar soni 22 taga yetdi.

Avvalroq Kursiv Uzbekistan JCh...

14-oktabr kuni Shavkat Mirziyoyev Vladimir Putin bilan telefon orqali muloqot o‘tkazdi. Bu haqda prezident matbuot xizmati xabar bermoqda.

Suhbat chog‘ida O‘zbekiston va Rossiya o‘rtasidagi strategik sheriklik va ittifoqchilik munosabatlarini yanada rivojlantirish va mustahkamlash masalalari muhokama qilindi. Tomonlar o‘zaro aloqalarni oliy darajadagi kelishuvlarga muvofiq izchil amalga oshirish muhimligini ta’kidladilar.

Prezidentlar savdo-iqtisodiy va investitsiyaviy hamkorlikdagi o‘sish sur’atlarini saqlab qolish, shuningdek, mintaqaviy darajadagi qo‘shma loyihalarni qo‘llab-quvvatlash masalalariga alohida e’tibor qaratgan.

Madaniyat, san’at va ta’lim yo‘nalishlarida faol hamkorlik kengayib borayotgani mamnuniyat bilan qayd etildi. Xususan, ikki mamlakat o‘rtasida muhandis kadrlarni tayyorlash bo‘yicha qo‘shma dasturlar samarali amalga oshayotgani alohida ta’kidlangan.

Eslatib o‘tamiz, Kursiv Uzbekistan...

O‘zbekistonda tozalik va ozodalik oyligi e’lon qilinadi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Yig‘ilishda ba’zi hududlarda ozodalik talablariga amal qilinmayotgani tanqid qilindi. Shu sababli butun mamlakatda tozalik va ozodalik oyligi e’lon qilinadi.

Shuningdek, obodonlashtirishga mas’ul hokim o‘rinbosarlariga bugunoq 24 soat ishlaydigan brigadalar tashkil qilib, ko‘cha, xonadon, ko‘p qavatli uy, ijtimoiy obyektlar atrofini tozalash topshirildi. «Toza hudud» korxonalariga qarashli maxsus texnikalar ham bunga to‘liq safarbar qilinadi. Ichki ishlar vazirligi va Milliy gvardiya esa bu borada nazoratni kuchaytiradi.

Aholi yashil hudud tashkil qilishi uchun yer ajratiladi

Mahalla aholisi daraxt ekish va yashil hududlar barpo etishda faol bo‘lishi uchun...

Turkiyada o‘zbekistonliklar va boshqa turkiy millat vakillarining ishlash tartibi soddalashtirildi. Bu o‘zgarish «Turkiy millatlar vakillarining Turkiyada kasb va san’atlarini erkin bajarishi hamda davlat yoki xususiy tashkilotlarda ishlashi to‘g‘risidagi qonun»ni qo‘llashga oid nizomga kiritilgan.

Yangi tartib nimani o‘zgartirdi?

2025-yil 10-oktabrda «Rasme gazet»da e’lon qilingan yangi qarorga ko‘ra, endilikda har bir turkiy millat vakili murakkab ruxsatnomasiz Turkiyada faoliyat yuritishi mumkin.

Shuningdek, qaysi turk millatlari bu qonun doirasida tan olinishi endilikda Turkiya prezidenti qarori bilan belgilanadi. Ya’ni bu maqom avvalgidek umumiy etnik asosda emas, balki siyosiy qaror asosida aniqlanadi.

Ishlash uchun qo‘yilgan asosiy shartlar

Yangi tartibga binoan, Turkiyada ishlash istagidagi...

15-oktabr uchun valyuta kurslari e’lon qilindi. Shu kun uchun AQSh valyutasi 12 185,11 so‘m (+35,56 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 8-oktabr kuni AQSh valyutasi 15,78 so‘m oshib, 12 038,68 qilib belgilandi. 9-oktabr 12 072 03 so‘m (+33,35 so‘m) etib belgilandi. 10-oktabr uchun AQSh valyutasi 12 123,38 so‘m (+51,35 so‘m) etib belgilandi. 13-oktabr kuni dollar 12 140,91 so‘mga (+17,53 so‘m) tenglashdi. 14-oktabr uchun dollar 12 149,55 so‘m (+8,64 so‘m) etib belgilangan edi.

Jadval:

Markaziy bank ma’lumotlariga ko‘ra, yevro 6,29 so‘mga tushib, 14 081,11 so‘mni, rubl esa 2,14 so‘mga...

Mahalla raislariga 5 ming kvadratgacha bo‘sh obyektlarni auksionga chiqarish huquqi berildi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Mahallalarda 2 ming kvadrat metrgacha bo‘sh davlat obyektlarini auksionga chiqarish vakolati bor. Masalan, Samarqand shahridagi Shodlik mahallasi 1,5 ming kvadrat metrli binoni sotib, 5 milliard so‘m daromad olgan.

«Ko‘ryapsizlarmi, qolgan mahallalarda ham «yettilik» izlansa, 3 mingga yaqin bunday binolarni sotish orqali ancha masalani hal qilsa bo‘ladi», – dedi prezident.

Shu sabab endilikda mahalla raisi va hokim yordamchilariga 5 ming kvadrat metrgacha bo‘lgan davlat mulkini auksionga chiqarish huquqi berildi. Sotuvdan tushgan mablag‘ning 70 foizi mahalla budjetida qolib...

Oʻzbekistonlik UFC jangchisi Bogdan Guskov navbatdagi jangini yarim ogʻir vazn toifasining sobiq chempioni, polshalik Yan Blaxovichga qarshi UFC 323 turnirida oʻtkazadi. Bu haqda UFC rasmiy sahifasi ma’lum qildi.

Ta’kidlanishicha, jang 6-dekabr kuni AQShning Las-Vegas shahridagi «T-Mobile Arena» majmuasida boʻlib oʻtishi kutilmoqda. Uning raqibi 42 yoshli polshalik jangchi Yan Blaxovich oʻzining boy tajribasi bilan UFC arenalarida yaxshi tanilgan. U professional faoliyati davomida 41 marta oktagonga koʻtarilib, 29 gʻalaba, 11 magʻlubiyat va 1 durang natijasini qayd etgan. Blaxovich oxirgi jangini joriy yilning mart oyida UFC Fight Night 255 turnirida Karolos Ulbergga qarshi oʻtkazgan va hakamlar qarori bilan magʻlubiyatga uchragan edi.