Yangiliklar

Toshkentda 6-may kuni Plug and Play Uzbekistan Expo 2026 ko‘rgazmasi o‘tkaziladi. Tadbir «Turkiston» san’at saroyida tashkil etiladi.

Ko‘rgazma Plug and Play tomonidan Raqamli texnologiyalar vazirligi va IT Park Uzbekistan bilan hamkorlikda tashkil qilinmoqda. Unda investorlar, startap asoschilari va korporativ rahbarlar qatnashadi.

Ko‘rgazmada sun’iy intellekt va kreativ texnologiyalar yo‘nalishida 30 dan ortiq global startap ishtirok etadi. Ular Markaziy Osiyo, Kavkaz, Yevropa va boshqa hududlardan keladi. Expo davomida sun’iy intellekt, fintex, kiberxavfsizlik, gaming va kreativ texnologiyalar muhokama qilinadi. Startaplar o‘z loyihalarini taqdim etadi.

Dasturda investorlar bilan uchrashuvlar va pitching sessiyalar ham bo‘ladi. Asosiy sahnada xalqaro ekspertlar chiqish qiladi. Maxsus hududda startaplar bilan...

2026-yilning birinchi choragida O‘zbekistonga kelgan pul o‘tkazmalari 2025-yilning mos davriga nisbatan 13 foizga oshdi. Markaziy bank sharhiga ko‘ra, xorijdan yuborilgan mablag‘lar hajmi $3,8 mlrdni tashkil etib, bu o‘tgan yildagiga nisbatan $433 mlnga ko‘p.

Bunda aynan pul o‘tkazmalari aholining banklarga valyuta sotishidagi asosiy manbalardan biri bo‘lib qolmoqda. Bu esa ichki valyuta bozorida taklifni oshirib, kurs barqarorligiga ijobiy ta’sir ko‘rsatmoqda.

Shu bilan birga, mamlakatdan tashqariga yuborilgan pul o‘tkazmalari hajmi $604 mlnni tashkil etdi. Bu ko‘rsatkich o‘tgan yilga nisbatan $39 mlnga kam.

Umuman, valyuta bozorida faollik oshdi. Xorijiy valyutaga talab $14,6 mlrdga yetib, 24 foizga ko‘paydi. Taklif esa $12,2 mlrdni tashkil etib...

2026-yilning yanvar – mart oylarida O‘zbekiston aeroportlari orqali jami 3,9 mln nafar yo‘lovchiga xizmat ko‘rsatildi va 30,8 mingta aviareys amalga oshirildi. Bu haqda Uzbekistan Airports xabar bermoqda.

Xizmat ko‘rsatilgan 30,8 mingta reysning 22,8 mingtasi xalqaro, 7,9 mingtasi esa ichki yo‘nalishlarga to‘g‘ri keladi. Shunga mos ravishda xalqaro yo‘nalishlarda 3,3 mln nafar, mahalliy qatnovlarda esa 663,5 ming nafar yo‘lovchi tashilgan. Parvozlar sonining umumiy o‘sishi o‘tgan yilning mos davridagiga nisbatan 10 foizni tashkil etdi.

Toshkent xalqaro aeroporti mamlakatning eng yirik havo bandargohi maqomini saqlab qolib, 2,56 mln yo‘lovchi va 19 mingga yaqin reyslarni qabul qildi. Hududiy aeroportlar orasida eng yuqori ko‘rsatkichlarni Samarqand...

Turkiyaning «Istanbul Bashakshehir» klubi Oʻzbekiston terma jamoasi sardori Eldor Shomurodov transfer huquqini toʻliq sotib oldi. Futbolchi shu paytgacha turk klubida ijara asosida toʻp surib kelayotgan edi.

«Istanbul Bashakshehir» shartnomada koʻzda tutilgan 2,8 mln yevro miqdoridagi sotib olish opsiyasini faollashtirdi. Avvalroq ijara uchun ham 3 mln yevro toʻlangan edi. Shuningdek, «Roma» futbolchining keyingi transferidan yana 10 foiz ulushni ham saqlab qoldi.

Shomurodov 2025-yil yozida «Bashakshehir» safiga ijara asosida qoʻshilgan edi. U qisqa vaqt ichida jamoaning asosiy hujumchisiga aylandi. Futbolchi Turkiya klubida barcha musobaqalarda jami 40 ta oʻyinda maydonga tushib, 19 ta gol urdi va 5 ta golga hammualliflik qildi.

Eslatib...

O‘zbekiston Max messenjerida ro‘yxatdan o‘tganlar soni bo‘yicha Belarusni ortda qoldirib, xorijiy davlatlar reytingida birinchi o‘rinni egalladi. Bu haqda ilova yaratuvchisi bo‘lgan VK Company ma’lum qildi.

Ro‘yxatdan o‘tgan davlatlarning kuchli beshligiga O‘zbekiston, Belarus, Qozog‘iston, Tojikiston va Qirg‘iziston kirdi. Hozirda ushbu tarmoqda jami 40 ta davlat fuqarolari ro‘yxatdan o‘tishi mumkin. MDH mamlakatlari aholisi o‘tgan yilning noyabr oyida tizimga ulangan bo‘lsa, 2026-yilning mart oyidan boshlab Osiyo, Afrika, Yaqin Sharq va Lotin Amerikasi foydalanuvchilari ham platformaga qo‘shildi.

Xorijliklar dastur orqali har kuni 1,5 mlnta qo‘ng‘iroqni amalga oshirib, 20 mlndan ortiq xabar yubormoqda. Aprel oyi boshiga kelib, dasturda ro‘yxatdan o‘tganlarning umumiy soni 110 mln...

O‘zbekiston Jurnalistlar uyushmasi «Oltin qalam» XX Milliy mukofoti uchun xalqaro tanlovni e’lon qildi. Tanlov jurnalistika yutuqlarini keng targ‘ib qilish va sifatli kontentni rivojlantirishga qaratilgan.

Tanlovda televizion, radio, bosma va internet nashrlari yo‘nalishlari bo‘yicha eng yaxshi materiallar aniqlanadi. Har bir yo‘nalishda 1, 2 va 3-o‘rinlar beriladi. Shuningdek, O‘zbekiston haqida material tayyorlagan xorijiy jurnalistlar uchun ham alohida mukofotlar mavjud.

Bosh milliy mukofot g‘olibiga maxsus diplom, «Oltin qalam» haykalchasi va avtomobil topshiriladi. Birinchi o‘rin egalari 200 baravar (82,4 mln so‘m), ikkinchi o‘rin 175 baravar (72,1 mln so‘m), uchinchi o‘rin esa 150 baravar (61,8 mln so‘m) bazaviy hisoblash miqdorida pul mukofoti oladi. Rag‘batlantiruvchi...

Rossiya 1-maydan boshlab «Drujba» neft quvuri orqali Qozog‘iston neftini Germaniyaga yetkazishni to‘xtatishi mumkin. Bu haqda Reuters xabar berdi.

Ma’lumotlarga ko‘ra, yangilangan eksport jadvali Qozog‘iston va Germaniya tomonlariga yuborilgan. Agar bu qaror tasdiqlansa, Germaniyaning yonilg‘i ta’minotida yana noaniqlik kuchayadi. Chunki Yaqin Sharqdagi vaziyat ham global energiya oqimlariga bosim o‘tkazmoqda.

2025-yilda Qozog‘iston Germaniyaga ushbu quvur orqali 2,1 mln tonnadan ortiq neft yetkazgan. Bu kuniga taxminan 43 ming barrelni tashkil etadi. 2026-yilning birinchi choragida esa 730 ming tonna eksport qilingan.

Yetkazib berish to‘xtatilsa, Germaniyadagi yirik PCK neftni qayta ishlash zavodi uchun jiddiy zarba bo‘lishi mumkin. Ushbu zavod Berlin va Brandenburg hududidagi avtomobillarning...

23-aprel uchun valyutalar kursi yangilandi. Unga ko‘ra, dollar 18,06 so‘mga tushib, 12 042,49 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

16-aprel kuni 49,05 so‘mga oshib, 12 190,43 so‘m bo‘ldi. 17-aprel kuni 25,19 so‘mga tushib, 12 165,24 so‘mga tenglashdi. 20-aprel kuni esa 6,78 so‘mga tushib, 12 128,46 so‘mni tashkil qildi. 21-aprel kuni 31,13 so‘mga tushib, 12 097,33 so‘m, 22-aprel kuni esa 36,78 so‘mga tushib, 12 060,51 so‘m bo‘ldi.

Markaziy bank ma’lumotlariga ko‘ra, yevro 35,69 so‘mga tushib, 14 147,52 so‘mni, rubl esa 0,77 so‘mga oshib, 160,55 so‘mni tashkil etdi.

Eslatib o‘tamiz, avvalroq Kursiv Uzbekistan hafta davomida dollar...

Toshkentda 25-apreldan boshlab 103-sonli avtobus yo‘nalishida o‘zgarish bo‘ladi. Bu haqda Тоshkent shahar transport bosh boshqarmasi xabar berdi.

Unga ko‘ra, Chilonzor buyum bozori – Chorsu savdo markazi yo‘nalishidagi mazkur avtobuslar endi Furqat ko‘chasidan Alisher Navoiy ko‘chasi orqali yuradi.

Yangi tartibga ko‘ra, avtobuslar Milliy drama teatri bekatiga kirmaydi.

Mazkur o‘zgarish yo‘nalishlarni muvofiqlashtirish va yo‘lovchilar xavfsizligini oshirish maqsadida joriy etilmoqda.

Eslatib o‘tamiz, avvalroq Toshkentdan Nurafshongacha 30 daqiqalik avtobus yo‘lagi qurilishi haqida xabar berilgandi. Xalq deputatlari Toshkent viloyati Kengashining 24-martdagi qaroriga muvofiq, «Qo‘yliq» bozoridan Nurafshon shahri markazigacha 23 kilometrlik yangi yo‘l infratuzilmasi quriladi.

Qirg‘izistondan noqonuniy olib kelingan 24,5 kg giyohvandlik moddasi to‘xtatib qolindi. Bu haqda Davlat xavfsizlik xizmati xabar berdi.

Tezkor tadbir davomida qo‘shni davlatdan noqonuniy olib kelingan 24,5 kg «gashish» moddasi to‘xtatib qolindi.

Ma’lum bo‘lishicha, Marg‘ilon shahrida yashovchi, 1973-yilda tug‘ilgan va avval ham sudlangan shaxs ushbu moddani Xo‘jaobod tumanidagi yashirin joydan olib ketayotgan paytda qo‘lga olingan.

Unga nisbatan kontrabanda va giyohvandlik moddalari savdosi bilan bog‘liq moddalarga, asosan, jinoyat ishi qo‘zg‘atildi. Sud qarori bilan unga qamoq ehtiyot chorasi qo‘llandi.

Hozirda uning jinoiy sheriklari aniqlanmoqda.

Eslatib o‘tamiz, avvalroq Xorazmda salkam 9 kg «opiy» giyohvandlik vositasi musodara qilingandi. Birinchi holatda, Xorazm viloyatining Qo‘shko‘pir...

Qozogʻiston Qishloq xoʻjaligi vazirligi 17-apreldan yana tuxum importini vaqtincha taqiqladi. Tegishli qaror mamlakat normativ-huquqiy hujjatlar portalida e’lon qilindi.

Yangi qoidalarga ko‘ra, taqiq mahsulotni barcha transport turlari orqali olib kirishga amal qiladi. Taqiq uzoq xorijiy davlatlardan importga ham, Yevrosiyo iqtisodiy ittifoqiga a’zo mamlakatlardan ulgurji yetkazib berishga ham tatbiq etiladi.

Shu bilan birga, rasmiylar xalqaro tashuvchilar uchun muhim logistika istisnolarini nazarda tutgan. Xususan, Qozog‘iston hududi orqali yangi tovuq tuxumlari tranzitiga to‘liq ruxsat beriladi. Shuningdek, ushbu mahsulotning ittifoq doirasidagi boshqa davlatlar o‘rtasida Qozog‘iston orqali erkin tranzit qilinishiga ham yo‘l qo‘yiladi.

Avvalroq Kursiv Uzbekistan Qozogʻiston 2025-yil aprel oyida ham mamlakatga tuxum olib kirishga...

Yangi avtomobil xarid qilish ko‘pchilik uchun muhim qaror hisoblanadi. Ammo bozorda har doim ham o‘z narxiga arziydigan model topilavermaydi. 2026-yilda ayrim avtomobillar texnik muammolar, past ishonchlilik yoki eskirgan texnologiyalar sabab mutaxassislar tomonidan tavsiya etilmayapti.

Volkswagen ID Buzz

Volkswagen ID Buzz modeli zamonaviy dizayni va keng saloniga qaramay, kutilgan natijani bermaydi. Elektr yurish masofasi taxminan 377 km bilan cheklangan. Bu bugungi elektromobillar fonida past ko‘rsatkich hisoblanadi.

Bundan tashqari, narxi $60 mingdan yuqori bo‘lib, funksiyalariga nisbatan qimmat sanaladi. Model uchun muhim dasturiy yangilanishlar ham 2027-yilgacha kechiktirilgan.

Nissan Rogue

Nissan Rogue tashqi ko‘rinishi bilan e’tiborni tortadi. Biroq uning asosiy muammosi...

Shavkat Mirziyoyev Mintaqaviy ekologik sammitdagi so‘zlagan nutqida bir qator tashabbuslarni ilgari surdi. Bu haqda prezident matbuot xizmati xabar bermoqda.

Birinchi taklif «Markaziy Osiyoning toza havosi» davlatlararo konsorsiumini tashkil etishga qaratilgan. Ushbu tuzilma sanoatni modernizatsiyalash va zararli chiqindilarni kamaytirishga xizmat qiladi. Ikkinchi tashabbus Yashil universitet huzuridagi markazga mintaqaviy maqom berish bilan bog‘liq. Bu markaz cho‘llanish, qurg‘oqchilik va chang bo‘ronlarini oldindan aniqlash tizimini kuchaytiradi.

Uchinchi taklif «Markaziy Osiyo yashil savdo yo‘lagi»ni yaratishni nazarda tutadi. Bu orqali ekologik mahsulotlar uchun imtiyozli bojxona sharoitlari joriy etilishi mumkin. To‘rtinchi tashabbus yagona mintaqaviy investitsiya portfelini shakllantirishga qaratilgan. Bu ekologik loyihalarni tizimli ravishda amalga oshirish imkonini...

Meta kompaniyasi o‘zining yangi sun’iy intellekt (SI) mahsuloti – Muse Spark’ni taqdim etdi. Bu loyiha kompaniyaning SI yo‘nalishidagi qayta tashkil etilgan jamoasi tomonidan ishlab chiqilgan ilk mahsulot hisoblanadi.

Model matn, rasm, video va ovozni tahlil qila oladi. U foydalanuvchi savollariga javob beradi, fotosuratlar asosida ma’lumot beradi va hatto mini-o‘yinlar ham yaratishi mumkin. Muse Spark boshqa SI modellardan farqli ravishda ochiq emas. Uni faqat Meta ruxsati bilan ishlatish mumkin. Bu esa kompaniyaga xizmatni monetizatsiya qilish imkonini beradi.

Meta SI rivoji uchun katta mablag‘ ajratmoqda. 2026-yilda kompaniyaning SI bilan bog‘liq xarajatlari $115 mlrd dan $135 mlrd gacha yetishi kutilmoqda.

Ekspertlar fikricha...

Rossiya Federatsiyasida qarovsiz qolgan 6 nafar bola O‘zbekistonga qaytarildi. Bu haqda Ijtimoiy himoya milliy agentligi ma’lum qildi.

Operatsiya 21-aprel kuni idoralararo hamkorlik hamda Rossiya Ichki ishlar vazirligi bilan olib borilgan ishlar natijasida amalga oshirilgan. Bolalar Islom Karimov nomidagi Toshkent xalqaro aeroporti orqali mamlakatga olib kelindi. Ular Toshkent shahrida oila a’zolariga topshirildi.

Hozirda bolalar va ularning oilalarini qo‘llab-quvvatlash ishlari davom etmoqda. Bu jarayon hududlardagi «Inson» ijtimoiy xizmatlar markazlari tomonidan nazorat qilinayotir. Mutaxassislar bolalarning ijtimoiy moslashuvi va psixologik holatini tiklashga alohida e’tibor qaratmoqda. Ular bilan doimiy ishlash yo‘lga qo‘yilgan.

Eslatib o‘tamiz, mart oyida ham shunday hamkorlik doirasida 5 nafar bola Vatanga...

O‘zbekistondagi umumiy ovqatlanish joylarida yaqin kunlarda alkogol mahsulotlarini naqd pul orqali sotish imkoniyati qayta tiklanadi. Bu haqda Savdo-sanoat palatasida o‘tkazilgan ochiq muloqotda Soliq qo‘mitasi raisi Farrux Po‘latov ma’lum qildi.

«Bu bizning aybimiz. Bu bo‘yicha ishlayapmiz, yaqin kunlarda yechim beramiz. Masala bo‘yicha kerakli tashkilotlarga murojaat qilganmiz. Oshxona va mehmonxonalarda alkogolli mahsulotlarga alohida, oziq-ovqatlarga alohida pul to‘lashmoqda. Bu muammoni hal qilib beramiz», – dedi Soliq qo‘mitasi raisi.

Mamlakatda joriy yilning 1-aprelidan boshlab ayrim xizmat turlari, xususan, alkogol mahsulotlari savdosini faqat naqdsiz to‘lovlar orqali amalga oshirish tartibi o‘rnatilgan edi. Hozirda mazkur tartibga o‘zgartirish va qo‘shimchalar kiritish yuzasidan...

Vazirlar Mahkamasi huzuridagi Atom energiyasi agentligi atom energetikasi bo‘yicha vakolatli organ etib belgilandi. Bu haqda Adliya vazirligi xabar bermoqda.

Qonun bilan Energetika vazirligining ham vakolatlari kengaytirildi. Endilikda vazirlik atom elektr stansiyalari ishlab chiqaradigan energiyani inobatga olgan holda umumiy elektr balansi ustida ishlaydi. Ya’ni ishlab chiqarish va iste’mol ko‘rsatkichlari yagona tizimda muvofiqlashtiriladi.

Shuningdek, vazirlik atom energetikasiga oid davlat dasturlarini ishlab chiqishda ham ishtirok etadi. Bu esa sohaga oid strategik rejalashtirishni kuchaytirishga qaratilgan.

Eslatib o‘tamiz, Kursiv Uzbekistan nashri kichik AES reaktorlari narxi 1 milliard dollarga baholangani haqida yozgan edi.

Soha vakillari ta’kidlashicha, atom energetikasi nafaqat barqaror elektr energiyasi ishlab chiqarish...

Volkswagen Xitoy bozoriga mo‘ljallangan yangi Volkswagen Jetta X konseptini taqdim etdi. Model Pekin avtosalonidan oldin namoyish qilindi. Bu haqda CarNewsChina nashri xabar bermoqda.

Xitoyda Jetta Volkswagen’dan alohida, boshlang‘ich segmentga yo‘naltirilgan brend sifatida faoliyat yuritadi. U 2019-yildan beri arzon benzinli sedan va krossoverlar ishlab chiqarib kelmoqda. Endi esa brend gibrid va to‘liq elektr modellarga o‘tishni boshlamoqda.

Jetta X to‘liq elektr krossover konsepti sifatida taqdim etildi. Hozircha modelning texnik xususiyatlari, batareya sig‘imi va yurish masofasi ochiqlanmagan. Biroq kompaniya dizaynni to‘liq namoyish etdi. Avtomobil tashqi ko‘rinishida keskin chiziqlar va kvadrat shaklli kuzov ustunlik qiladi.

Keng qanotlar, qora plastik himoya elementlari va tor...

Shavkat Mirziyoyev Qozog‘istonga tashrifi doirasida Ostona shahridagi «EXPO» markazida o‘tkazilgan Mintaqaviy ekologik sammit ko‘rgazmasini ko‘zdan kechirdi. Bu haqda prezident matbuot xizmati xabar bermoqda.

Sammitda ekologik siyosatning asosiy yo‘nalishlariga e’tibor qaratildi. Ular iqlim o‘zgarishiga qarshi kurash, oziq-ovqat xavfsizligi, ekotizimlar barqarorligi va tabiiy xavflarga moslashishni qamrab oladi. Shuningdek, chiqindilarni boshqarish, havo ifloslanishini kamaytirish va «yashil» iqtisodiyotga o‘tish masalalari ham muhokama markazida bo‘ldi.

Ko‘rgazmada ishtirokchi davlatlar o‘z yutuqlari va kelgusi rejalari bilan tanishtirdi. O‘zbekiston pavilyoni interaktiv va multimedia elementlari bilan tashkil etildi. Unda mamlakatning ekologiya va iqlim siyosatidagi ustuvor yo‘nalishlari namoyish qilindi.

Pavilyonda «Chiqindisiz hudud», «Toza havo», «Yashil makon», «Ekomadaniyat», «Biomeros» va...

Yaponiya hukumati ijtimoiy tarmoqlarga qaramlikni kamaytirish uchun platformalarda yoshga qarab kontentni filtrlash tizimini avtomatik tarzda yoqishni taklif etmoqda.

Tashabbus Ichki ishlar va kommunikatsiyalar vazirligi tomonidan ilgari surilgan. Vazirlik ijtimoiy tarmoq kompaniyalariga foydalanuvchi ro‘yxatdan o‘tgan paytdan boshlab filtrlarni faol holatda qo‘llashni tavsiya qilmoqchi. Hozirda esa aksariyat platformalarda bunday funksiyalar sukut bo‘yicha o‘chirilgan bo‘ladi.

Rejaga ko‘ra, kelajakda yoshni aniqlash tizimi mobil operatorlar va operatsion tizim ishlab chiquvchilar bilan hamkorlikda yo‘lga qo‘yiladi. Bu orqali foydalanuvchilarning haqiqiy yoshi tekshiriladi. Amaldagi qonunchilik ijtimoiy tarmoqlardan faqat voyaga yetmaganlar xavfsizligini ta’minlashga harakat qilishni talab etadi. Biroq aniq majburiyatlar yo‘qligi sabab choralar samaradorligi turlicha bo‘lib qolmoqda. Ota-onalar...

O‘zbekiston U-17 terma jamoasi a’zolari Sadriddin Hasanov va Sayfiddin Sodiqov Portugaliyaning «Braga» klubiga bir yillik ijaraga berilmoqda. Futbolchilar 2026-yilning yozida yangi jamoasiga borib qo‘shiladi.

«Braga» skautlari o‘yinchilarni Qatarda bo‘lib o‘tgan U-17 Jahon chempionatida kuzatgan. 2025-yilning dekabr oyida ular Portugaliya klubining U-23 jamoasida ikki haftalik ko‘rikdan o‘tdi. Kelishuvga ko‘ra, «Bunyodkor» hamda Odil Ahmedov futbol akademiyasi tarbiyalanuvchilarini to‘liq sotib olish huquqi ham mavjud.

Sadriddin Hasanov uchun 250 ming yevro, Sayfiddin Sodiqov uchun esa 300 ming yevro to‘lanishi ko‘zda tutilgan. Agar klub ularni sotib olsa, har ikki hujumchi bilan 5 yillik shartnoma imzolanadi. Keyinchalik o‘yinchilar boshqa jamoaga sotilsa, «Bunyodkor» va Ahmedov akademiyasi...

O‘zbekistonda import avtomobillarining savdosi ikki barobarga oshib, 5,7 ming donaga yaqinlashdi. Bu haqda Iqtisodiy tadqiqotlar va islohotlar markazi ma’lum qildi.

2026-yil mart oyida O‘zbekistonda avtomobil savdosi 19 foizga oshdi. Eng ko‘p xarid Toshkent shahrida qayd etildi. Hisobotga ko‘ra, birlamchi va ikkilamchi bozorlarda jami 78 mingdan ortiq yengil avtomobil sotilgan. Yillik hisobda esa o‘sish 20,6 foizni tashkil etgan.

Hududlar kesimida aksariyat viloyatlarda faollik oshgan. Faqat Jizzax, Andijon va Samarqand viloyatlarida pasayish kuzatilgan. Eng yuqori o‘sish Surxondaryo viloyatida qayd etilib, savdo hajmi 51,4 foizga oshgan. Toshkent viloyatida o‘sish 46 foizni tashkil etgan. Sirdaryo va Navoiy viloyatlarida ham mos ravishda 34,5 foiz...

Tadbirkor Timur Musin o‘ziga qarashli bir nechta restoranlarni $24 mlnga sotuvga qo‘ydi. E’lonlar OLX Uzbekistan platformasida joylashtirilgan.

Sotuvga qo‘yilgan obyektlar orasida «Palove muzeyi», Caravan restorani va Cinara’s majmuasi bor. Ularning umumiy qiymati 294 mlrd so‘mni, ya’ni taxminan $24-25 mlnni tashkil etadi.

Eng yirik obyektlardan biri «Palove muzeyi» hisoblanadi. U besh qavatli bino bo‘lib, umumiy maydoni 5,8 ming kvadrat metrni tashkil etadi. Restoran yonida Salar kanali bo‘yida 20 sotix obodonlashtirilgan hudud mavjud. Ushbu obyekt narxi 150 mlrd so‘m etib belgilangan. Uni qisman, 1 100 kvadrat metrdan boshlab sotish imkoniyati ham ko‘zda tutilgan.

Toshkent shahridagi Caravan restorani 7 sotix yer maydonida...

O‘zbekistonda qimmatbaho metallar va toshlarni qonunga xilof ravishda olish yoki o‘tkazish bo‘yicha ma’muriy hamda jinoiy javobgarlik kuchaytirildi. Bu haqda Adliya vazirligi xabar bermoqda.

Jinoyat kodeksiga kiritilgan o‘zgartirishlarga ko‘ra, qimmatbaho metallar va toshlarni noqonuniy olish yoki o‘tkazish ma’muriy jazo qo‘llanilganidan keyin takror sodir etilsa, to‘g‘ridan to‘g‘ri jinoiy javobgarlikka sabab bo‘ladi. Shuningdek, kodeksning VIII bo‘limiga «Qimmatbaho metallar» hamda «Qimmatbaho toshlar» atamalarining huquqiy ma’nosi kiritildi.

Ma’muriy javobgarlik to‘g‘risidagi kodeksga asosan, qoidabuzarlik birinchi marta sodir etilganda ashyolar musodara qilinadi. Aybdor shaxsga nisbatan 15 sutkagacha ma’muriy qamoq jazosi qo‘llaniladi.

Ma’muriy qamoq qo‘llanilishi mumkin bo‘lmagan shaxslarga esa bazaviy hisoblash miqdorining 10 baravaridan 20 baravarigacha miqdorda...