Yangiliklar

2026-yilgi Osiyo kubogining «C» guruhi 1-turidan o‘rin olgan O‘zbekiston – Tojikiston uchrashuvi golsiz durang bilan yakunlandi. Markaziy Osiyo derbisi sifatida katta qiziqish uyg‘otgan bahsda tomonlar 0:0 hisobiga rozi bo‘ldi.

O‘zbekiston terma jamoasi bosh murabbiyi Nodir Eliboyev jamoani Shavkat Ibragimov boshchiligidagi tarkibda maydonga tushirdi. Uchrashuvning dastlabki daqiqalaridayoq darvozabon Ibragimov bir necha bor xavfli vaziyatlarda jamoani goldan qutqarib qoldi. Birinchi bo‘limda Elbek To‘lqinov, Muzaffar Ahadjonov va Ilhomjon Hamroyev tomonidan yaratilgan vaziyatlar Tojikiston posboni Bekmurodovning ishonchli o‘yini sababli golga aylanmadi.

Ikkinchi bo‘limda ham o‘yin keskin va ehtiyotkor tarzda davom etdi. 26-daqiqada Ibragimov yana bir bor birga-bir vaziyatda seyv amalga oshirdi. 30-daqiqada esa...

Markaziy bank raisi Timur Ishmetov chakana kreditlash hajmining oshishiga qarshi emasligini, biroq jarayonning sifati muhimligini ta’kidladi. Bu haqda u 28-yanvar kuni o‘tkazilgan matbuot anjumanida ma’lum qildi, deb xabar bermoqda Kursiv Uzbekistan muxbiri.

Regulyator fuqarolar daromadiga mos kelmaydigan qarz yukiga botib qolishidan ogohlantirmoqda.

Markaziy bank rahbariyatining qayd etishicha, garchi aholi tomonidan kreditlarga talab yuqori bo‘lsa-da, umumiy kreditlash hajmi iqtisodiyotga nisbatan hali ham past darajada. Shu sababli o‘sish tabiiy jarayon sifatida baholanmoqda va uni sun’iy cheklash rejalashtirilmagan. Biroq asosiy e’tibor aholining to‘lov qobiliyati va kreditlarning qaytarilish sifatiga qaratiladi.

«Kreditlar qandaydir emotsional tarzda olinib, ertaga muammoli kreditga...

2025-yil yakunlariga ko‘ra, O‘zbekistondan yuklarni eksport qilish bo‘yicha buyurtmalar soni 29 foizga oshdi. Bu haqda Kursiv Uzbekistan’ga ATI.SU yuk tashish birjasi matbuot xizmati ma’lum qildi.

Eng katta o‘sish Qirg‘izistonga to‘g‘ri keldi – talab uch baravarga oshgan. Shuningdek, O‘zbekistondan Rossiyaga yuk yetkazish bo‘yicha buyurtmalar 24 foizga, Qozog‘istonga 23 foizga, Belarusga esa 48 foizga ko‘paygan.

ATI.SU ma’lumotiga ko‘ra, yil davomida import yuk tashish bozori 21 foizga kengaydi. Yetakchi davlat Rossiya bo‘ldi (+17 foiz). Eng tez o‘sish esa Qozog‘iston (+45 foiz), Xitoy (+54 foiz) va Qirg‘izistonda (+117 foiz) qayd etildi.

Avvalgi yilga o‘xshab, O‘zbekiston ichidagi yuk tashishlarga bo‘lgan buyurtmalar soni ham keskin oshib...

6 – 19-yanvar kunlari «Toshkent» Respublika fond birjasida «O‘zsanoatqurilishbank» ATB (UZ7037560008) oddiy aksiyalari narxlari sezilarli darajada oshgani kuzatildi. Bu haqda fond birjaning rasmiy sahifasida ma’lum qilindi.

Bozor qoidalariga muvofiq, keskin va asoslanmagan narx o‘zgarishlari sababli 21-yanvardan savdolar vaqtincha to‘xtatilgan edi.

Birja nazorat komissiyasi holatni har tomonlama tahlil qilib, savdolarni tiklashga qaror qildi. Tahlil davomida bankning moliyaviy ko‘rsatkichlari, so‘nggi uch yildagi narx dinamikasi, yangiliklar va amalga oshirilgan bitimlar o‘rganildi. Shu bilan birga, Milliy Investitsiya jamg‘armasi 30% aksiyalarga egalik qilgani ham bozor uchun muhim omil sifatida qayd etildi.

Savdolar 2026-yil 28-yanvardan boshlab 20-yanvarda shakllangan yopilish narxi asosida qayta tiklandi.

«Ipoteka-bank»

Shuningdek...

Savdo urushlari, geosiyosiy beqarorlik va oldindan aytib bo‘lmaydigan hukumat siyosati 2026-yilda global iqtisodiyot uchun asosiy xavflar ro‘yxatida birinchi o‘rinda turadi. Bu haqda Visual Capitalist ma’lumotlarida keltirilgan.

Unga ko‘ra, dunyoning eng badavlat shaxslari iqlim o‘zgarishi yoki texnologik uzilishlardan ko‘ra tarif to‘siqlari haqida ko‘proq tashvishlanadi.

Global kapitalning eng ko‘p qo‘rquvi bo‘lgan 3 ta narsa

So‘rov natijalariga ko‘ra, juda boy investorlarning kayfiyatini shakllantiradigan uchta asosiy omil mavjud. Birinchisi tariflar va savdo cheklovlari (66 foiz). Bu yilning eng katta tahdidi. Ko‘pchilik respondentlar protektsionizm o‘rnatilgan ta’minot zanjirlarini buzishidan qo‘rqadi.

Ikkinchisi yirik geosiyosiy mojarolar (63 foiz). Urushlar, mintaqaviy beqarorlik va yirik davlatlar o‘rtasidagi...

Navoiy viloyatida davlat zaxirasidagi yerlarda noqonuniy oltin qazib olish va uni kimyoviy qayta ishlash bilan shug‘ullanuvchilar faoliyatiga chek qo‘yildi. Bu haqda Davlat xavfsizlik xizmati xabar berdi.

Aniqlanishicha, noqonuniy oltin savdosiga ixtisoslashgan uyushgan jinoiy guruh xorijiy davlat fuqarolarini jalb qilgan holda soliq, geologiya, ekologiya va atrof-muhitni muhofaza qilish sohasidagi qator qonunchilik talablariga zid ravishda faoliyat yuritgan. Ularga Karmana tumanidagi sport sohasiga ixtisoslashgan MChJ rahbari boshchilik qilgan.

O‘tkazilgan tadbirda qonunbuzarlardan 17,2 kg oltin va kumush qorishmasi, 20 kg yarim tayyor oltin mahsuloti, tarkibida oltin zarralari bo‘lgan 250 kg boyitilgan ko‘mir hamda 280 tonnadan ortiq qum va rudalar, 230 litr maxsus...

Milliarder Ilon Maskga tegishli SpaceX kompaniyasi 2026-yil iyun o‘rtalarida IPO o‘tkazish imkoniyatini ko‘rib chiqmoqda. Bu haqda Reuters manbalarga tayanib xabar berdi.

Ma’lumotlarga ko‘ra, joylashtirish doirasida $50 mlrdgacha mablag‘ jalb qilinishi rejalashtirilgan. SpaceX moliyaviy direktori Bret Jonsen dekabr oyidan buyon xususiy investorlar bilan kompaniyaning fond bozoriga chiqish tafsilotlari bo‘yicha muzokaralar olib bormoqda. Ilon Mask uzoq vaqt davomida kompaniyani yopiq shaklda saqlash tarafdori bo‘lgan. Biroq Starlink sun’iy yo‘ldosh internet xizmatining muvaffaqiyati va SpaceX’ning tez o‘sib borayotgan qiymati strategiyani qayta ko‘rib chiqishga majbur qilgani aytilmoqda.

IPO’ni tashkil etishda Wall Street’ning to‘rtta yirik banki yetakchi hamkor sifatida jalb etilishi kutilmoqda. Ular listing...

So‘nggi sutka davomida sport yulduzlari ijtimoiy tarmoqlarda nimalarni ulashdi? Abduqodir Husanov «shaharliklar» reklama hamkorlari libosida ko‘rinish berdi, Eldor Shomurodov merganlikda o‘zini sinab ko‘rdi, Maxmud Muradov esa shaxsiy hayotidagi yangiliklar bilan bo‘lishdi.

Husanov «Manchester Siti»ning yangi reklama libosida

O‘zbekistonlik iqtidorli himoyachi Abduqodir Husanov «Manchester Siti» va Puma hamkorligida tayyorlangan yangi libosda namoyon bo‘ldi. So‘nggi uchrashuvlarda muntazam asosiy tarkibdan joy olib kelayotgan futbolchi «shaharliklar»ning ishonchli qo‘rg‘oniga aylanib ulgurdi.

Abbos Fayzullayevdan ajoyib gol

Turkiya yashil maydonlarida o‘z mahoratini ko‘rsatayotgan Abbos Fayzullayev mashg‘ulotlar jarayonida faolligini yo‘qotgani yo‘q. Futbolchi navbatdagi uchrashuvga tayyorgarlik ko‘rish asnosida darvozaga chiroyli gol urishga muvaffaq...

Xitoyning Guanchjou shahridagi Dongfeng-Nissan zavodida Nissan’ning yangi Nissan NX8 elektromobili konveyerdan chiqdi. Bu haqda CarNewsChina nashri ma’lum qildi.

Kompaniya ma’lumotiga ko‘ra, krossover yaqin orada Xitoy ichki bozoriga BEV va EREV modifikatsiyalarida taqdim etiladi. NX8 Dongfeng-Nissan’ning elektr N-seriyasidagi uchinchi avtomobil bo‘ldi. Seriyaga avvalroq N6 va N7 sedanlari kirgan. China EV DataTracker ma’lumotlariga ko‘ra, ushbu modellar jami 52 769 dona sotilgan. NX8’ning ommaviy ishlab chiqarilishi 28-yanvarda boshlandi, bozorga chiqishi esa mart – aprel oylariga rejalashtirilgan.

Kompaniya rasmiy xabarida birinchi seriyali NX8 28-yanvar kuni «binafsha press-rang»da ishlab chiqarilganini bildirdi. Yig‘ish ishlari Guanchjoudagi Huadu zavodida amalga oshirilmoqda. Ushbu majmuaning yillik quvvati...

Chevrolet brendi ostida taqdim etilgan Chevrolet Move N400 modeli avtomobil bozorida katta qiziqish uyg‘otdi. O‘zbekistonda ko‘pchilik uni shunchaki «yangi Damas» deb atamoqda. Ilgari Damas xarakterli, shovqinli va xavfli avtomobil sifatida tanilgan edi. Maqolada Chevrolet Move N400 modeli haqida so‘z boradi.

Mundarija:

Tashqi ko‘rinish

Salon qismi

Kenglik va sig‘im

Dvigatel va texnika

Qanday harakatlanadi

Tashqi ko‘rinish

Yangi Move N400 vizual jihatdan sodda va tartibli bo‘lib qolgan. Old qismi sokin va oddiy dizaynga ega. Multfilm qahramoniga o‘xshash elementlar yo‘q. Maksimal komplektatsiyada xrom panjara va tuman chiroqlari avtomobilni ancha...

Prezident Shavkat Mirziyoyev ichki ishlar vazirining o‘rinbosarlarini yangiladi. Bu haqda prezident matbuot kotibi Sherzod Asadov xabar berdi.

Jumladan, Ayubxon Toshxo‘jayevich Rahmatullayev boshqa ishga o‘tishi munosabati bilan ichki ishlar vazirining birinchi o‘rinbosari — Tezkor qidiruv departamenti boshlig‘i lavozimidan ozod etildi. Uning o‘rniga shu paytagcha favqulodda vaziyatlar vaziri bo‘lgan Botir Bahromovich Qudratxo‘jayev tayinlandi.

Davron Abitovich Nazarmuhamedov ichki ishlar vazirining o‘rinbosari — Ma’naviy-ma’rifiy ishlar va kadrlar bilan ta’minlash departamenti boshlig‘i lavozimidan ozod etildi. Uning o‘rniga Prezident administratsiyasi Jamoat xavfsizligi va qonun ustuvorligi bo‘yicha departamenti sho‘ba mudiri Diyorbek Nematjonovich Sattorov tayinlandi.

Shuningdek, ichki ishlar vazirining birinchi o‘rinbosari — Jamoat...

Markaziy bank raisi o‘rinbosari Nodirbek Achilov asosiy stavka va inflyatsiya o‘rtasidagi tafovutning yuqoriligi sabablarini tushuntirdi. Bu haqda u 28-yanvar kuni o‘tkazilgan matbuot anjumanida ma’lum qildi, deb xabar bermoqda Kursiv Uzbekistan muxbiri.

Achilovning so‘zlariga ko‘ra, inflyatsiyaga bosim beruvchi talab omillari kuchli bo‘lgani bois, joriy qat’iy sharoitda 6–7 foizlik farqni saqlash talab etilmoqda.

Jurnalistlar bilan muloqotda asosiy stavkaning 14 foiz, inflyatsiyaning esa 7,3 foiz ekanligi va o‘rtadagi tafovut optimal hisoblangan 3–4 foizdan deyarli ikki barobar yuqoriligi masalasi ko‘tarildi. Markaziy bank vakilining ta’kidlashicha, regulyator asosiy e’tiborni joriy inflyatsiya emas, balki inflyatsion kutilmalar bilan bog‘liq tafovutga qaratmoqda. Bugungi kunda bu ko‘rsatkich 3–3,5 foiz...

iPhone 17 Pro Max hozirgi kunda eng kuchli iPhone va umuman olganda eng yaxshi smartfonlardan biri. Ammo tajribali foydalanuvchi ham, ayrim foydali sozlamalarni bilmasligi mumkin. Quyida Tom’s Guide nashri asosida iPhone 17 Pro Max’dan yanada qulay foydalanish uchun o‘zgartirish tavsiya etiladigan 7 ta muhim sozlama keltiriladi.

1. Action tugmasini o‘zingizga moslab sozlang

iPhone 17 Pro Max’dagi Action tugmasi eski ovozni o‘chirish slayderi o‘rniga kelgan. U sukut bo‘yicha ovozni o‘chiradi, ammo uni boshqa vazifalarga ham moslash mumkin.
Sozlash uchun: Settings > Action Button bo‘limiga kiring.

Bu tugma orqali kamera ochish, fonarni yoqish, Focus rejimini faollashtirish, ovoz yozish yoki o‘zingiz tanlagan...

Niderlandiyaning Veyk-an-Zee shahrida davom etayotgan nufuzli Tata Steel Chess–2026 turnirining 9-turida Nodirbek Abdusattorov va Javohir Sindorov o‘zaro bahs olib bordi. Qizg‘in kechgan o‘yinda tomonlar murosaga kelib, durang natija qayd etildi.

Ushbu natijadan so‘ng Nodirbek Abdusattorov 6 ochko bilan turnir jadvalida yakka peshqadamlikni davom ettirmoqda. Javohir Sindorov esa 5,5 ochko jamg‘argan holda ikkinchi pog‘onadan joy olgan. Abdusattorov turnir davomida Praggnanandha Rameshbabu, Nguyen Tai Dai Van, Gukesh Dommaraju va Vinsent Keymer ustidan g‘alabaga erishdi. U faqatgina 8-turda niderlandiyalik Anish Giriga imkoniyatni boy bergan bo‘lsa, boshqa turlarda durang natijalarni qayd etgan.

Javohir Sindorov esa hozircha mag‘lubiyatsiz harakat qilmoqda. U 4 va 5-turlarda...

29-yanvar uchun valyutalar kursi yangilandi. Unga ko‘ra, dollar 40,96 so‘mga oshib, 12 168,98 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

21-yanvarda 21,58 so‘mga oshib, 12 072 so‘m, 22-yanvarda esa 48,78 so‘mga oshib, 12 122,07 so‘m etib belgilandi. 23-yanvarda 14,85 so‘mga oshib, 12 136,92 so‘mga yetdi. 26-yanvarda 51,97 so‘mga tushib, 12 084,95 so‘mni tashkil etdi. 27-yanvar esa dollar 13,17 so‘mga tushib, 12 098,12 so‘mga yetdi. 29-yanvarda 29,90 so‘mga oshib, 12 128,02 so‘mni tashkil etgan edi.

Jadval:

Markaziy bank ma’lumotlariga ko‘ra, yevro 169,17 so‘mga oshib...

Toshkentda yangi avlod Yutong E9 elektrobusining sinov ishlari boshlandi. Bu haqda Тоshkent shahar transport bosh boshqarmasining rasmiy telegram kanalida ma’lum qilindi.

Qayd etilishicha, Yutong E9 elektrobusida atmosferaga zararli chiqindilar mavjud emas. Bu esa shahardagi havo sifati yaxshilanishiga xizmat qiluvchi muhim omil sifatida baholanmoqda. Elektr tortish tizimi ekspluatatsiya xarajatlarini ham keskin kamaytiradi. Hisoblarga ko‘ra, gaz va benzin bilan harakatlanuvchi avtobuslarga nisbatan yoqilg‘i xarajatlari qariyb to‘rt baravar kamayadi.

Elektrobus bitta to‘liq quvvatlash bilan 350 km masofani bosib o‘ta oladi. Bu ko‘rsatkich unga qo‘shimcha zaryadlashsiz butun ish kuni davomida shahar yo‘nalishida xizmat ko‘rsatish imkonini beradi. Akkumulyator batareyalari zarbaga chidamli korpus bilan himoyalangan...

O‘zbekiston Respublikasi Milliy gvardiyasiga yangi qo‘mondon hamda yangi Favqulodda vaziyatlar vaziri tayinlandi. Bu haqda prezident matbuot kotibi Sherzod Asadov ma’lum qildi.

Prezident farmoniga ko‘ra, Bahodir Hamidovich Tоshmatov Milliy gvardiya qo‘mondoni bo‘ldi, shu munosabat bilan u prezident huzuridagi Xavfsizlik kengashi kotibi o‘rinbosari lavozimidan ozod etildi.

FVVga esa Azizbek Israilovich Ikrоmov tayinlandi. U bungacha Farg‘ona viloyati IIB boshlig‘i edi. Bundan ilgariroq uning nomzodi Oliy Majlis Qonunchilik palatasi deputatlari tomonidan ma’qullangan edi.

Ma’lumot uchun, Bahodir Tоshmatov Toshkent oliy umumqoʻshin qoʻmondonlik bilim yurtini, Oʻzbekiston Qurolli kuchlari akademiyasini, Rossiya Qurolli kuchlari Bosh shtabi Harbiy akademiyasini, shuningdek, Fargʻona davlat universitetini tamomlagan. U 2017–2020-yillarda ham...

52 yil avval ishlab chiqarilgan noyob «Jiguli» qariyb Chevrolet Malibu narxida sotuvga chiqdi. «Auto.ru»ga ko‘ra, Rossiyada 1974-yilda ishlab chiqarilgan «VAZ-2101» avtomobili sotuvga qo‘yildi.

Avtomobil faqat 38,2 ming kilometr yurgan va to‘liq original holatda. Korpus zavod bo‘yoq bilan saqlangan, chirish yo‘q, bagajda esa zavod stikerlari qolgan. Barcha shinalar yangi, shu jumladan, zaxira g‘ildirak, va avtomobil bilan birga 1:24 o‘lchamdagi model ham beriladi.

Mashina Tolyatti zavodida ishlab chiqarilgan va birinchi yillarda italyan texnologiyalari ishlatilgan. U noyob detalarga ega, polga o‘rnatilgan gaz pedali, qanotdagi dumaloq orqa ko‘zgu, alyuminiy bagaj qutisi, radio va antenna. Saloni qizil rangda, bu standart ranglardan kam uchraydi.

Avtomobil...

1-fevraldan «Tashabbusli budjet» jarayonining 2026-yilgi ilk mavsumi boshlanadi. Bu haqda Iqtisodiyot va moliya vazirligi ma’lum qildi.

Mazkur mavsum loyiha joriy etilganidan buyon o‘tkazilayotgan o‘ninchi mavsum hisoblanadi. Jarayon doirasida 1 – 20-fevral kunlari fuqarolar o‘z loyihalarini taqdim etishi mumkin.

21-fevraldan 7-martgacha loyihalar saralab olinadi. 8 – 10-mart kunlari targ‘ibot bosqichi o‘tkaziladi. 11 – 20-mart oralig‘ida ovoz berish jarayoni bo‘lib o‘tadi. 21 – 31-mart kunlari esa qo‘shimcha g‘oliblar e’lon qilinadi.

Ma’lumot uchun, an’anaviy ovoz berish bosqichi yakunlariga ko‘ra, asosiy g‘olib loyihalar 21-mart Navro‘z bayrami kuni rasman e’lon qilinadi.

Eslatib o‘tamiz, Kursiv Uzbekistan nashri «Ochiq budjet» portalida yangi funksiyalar ishga tushgani...

Dilerlar Moskvich va JAC o‘rtasidagi hamkorlik to‘xtatilgani haqida xabar bermoqda. «Avtopotok» nashriga ko‘ra, Moskvich 6 liftbeklarining yangi partiyasi kutilmoqda, biroq Moskvich 8 bo‘yicha endi yetkazib berish rejalashtirilmagan.

Biroq Moskvich avtozavodi bu ma’lumotlarni rad etdi. Korxona bayonotida Moskvich 6 va Moskvich 8 uchun butlovchi qismlar xaridi to‘xtatilgani haqidagi xabarlar ishonchli emasligi qayd etildi. Zavod xaridlar bo‘yicha tafsilotlarni oshkor qilmasligini bildirdi. Shu bilan birga, kelgusi yilda Moskvich 3 ishlab chiqarishini to‘xtatish rejalari yo‘qligi ma’lum qilindi.

Nashr ma’lumotiga ko‘ra, kam miqdorda ishlab chiqarilgan krossoverlar, asosan, Moskva shahri hukumati tasarrufidagi tuzilmalarga topshirilgan.

Moskvich 8 savdosi 22-iyulda boshlangan. Biroq noyabrgacha atigi 35 ta avtomobil...

Uzbekistan Airways bort kuzatuvchilari uchun yangi libosni taqdim etdi. Bu haqda Kursiv Uzbekistan muxbiri xabar berdi.

Ilk bor ramziy libos to‘plamiga trikotaj matosidan kardigan kiritildi, ustki kiyim sifatida esa palto va issiq plash taqdim etildi. Bu esa kuz-qish mavsumida parvoz vazifalarini bajarish jarayonida qulaylik yaratadi, funksionallikni oshiradi. Liboslar harakatchan ish talablari, uzoq davom etuvchi parvozlar hamda turli tana tuzilishiga ega xodimlar uchun qulaylik yaratishni inobatga olgan holda ishlab chiqilgan.

Ta’kidlanishicha, bort kuzatuvchilar va bort kuzatuvchi-brigadirlarni vizual jihatdan farqlashga alohida e’tibor qaratilgan. Formaning asosiy rangi to‘q ko‘k bo‘lib, brigadirlarning jaket va bosh kiyimlari to‘q qizil rangda bo‘ladi. Bu yo‘lovchilarga havo kemasi...

8 ta hududda 1,2 ming nafardan ortiq fuqarolarga soxta haydovchilik guvohnomalari rasmiylashtirib berilgani aniqlandi. Bu haqda Bosh prokuratura ma’lum qildi.

Prokuraturada haydovchilik guvohnomalarini soxtalashtirish bilan bog‘liq jinoyat ishi yuzasidan tergov harakatlari olib borilmoqda. Soxta guvohnoma olgan 455 nafar shaxs 1,3 ming marotaba yo‘l harakati qoidalarini buzgan. Shuningdek, 9 nafar haydovchi ishtirokida yo‘l-transport hodisalari sodir bo‘lgan. Ushbu hodisalar oqibatida 6 nafar fuqaro tan jarohati olgan. 3 nafar shaxs halok bo‘lgan.

Jinoyat ishining hajmi katta va murakkab bo‘lgani sabab Bosh prokuraturada maxsus tergov-tezkor guruhi tuzilgan. Hozirda soxta guvohnomalar va ularni rasmiylashtirishga asos bo‘lgan hujjatlar to‘liq tekshirilmoqda. Tergov belgilangan tartibda davom etmoqda.

Uzbekistan Airways 2025-yilni 1,3 trillion soʻm foyda bilan yakunladi. Bu haqda Kursiv Uzbekistan muxbiri matbuot anjumanidan xabar berdi.

Unga ko‘ra, 2025-yil davomida Uzbekistan Airways kompaniyalar guruhi tomonidan amalga oshirilgan aviaqatnovlar soni 2024-yilga nisbatan 8,7 foizga ko‘pni tashkil qilgan. Yil davomida 49 ming 258 ta parvoz amalga oshirilgan. Shu davr mobaynida 6,6 million yo‘lovchi manziliga yetkazilgan, bu esa 2024-yilga nisbatan 6,5 foizlik o‘sishni tashkil etdi. Yuk tashish hajmi 52 ming tonnani tashkil etdi.

2025-yilda aviakompaniya parvozlar geografiyasini kengaytirishni davom ettirdi. Toshkentdan Madrid, Islomobod, Tyumen va Krasnodarga, Andijondan Novosibirsk, Istanbul, Moskva va Sankt-Peterburgga, Namangandan esa Krasnodarga yangi yo‘nalishlar yo‘lga qo‘yildi.

2026-yilda kompaniya...

2025-yil yakunlariga ko‘ra, O‘zbekistonga kirib kelgan xalqaro pul o‘tkazmalari hajmi 18,9 mlrd dollarni tashkil qildi. Bu 2024-yilgi ko‘rsatkichdan 27,2 foizga yuqoridir. Bu haqda MB asosiy stavka masalasiga bagʻishlangan taqdimotda e’lon qildi.

O‘sishning asosiy omillari sifatida rubl kursining mustahkamlanishi hamda mehnat migrantlari oqimining boshqa davlatlarga yo‘naltirilishi keltirib o‘tilgan. Shuningdek, aholining valyuta sotuvi va xaridi o‘rtasidagi ijobiy tafovut 2025-yilda 9,7 mlrd dollarga yetib, oldingi yilga nisbatan 1,4 barobarga oshgan.

Oylik statistika tahliliga ko‘ra, eng yuqori ko‘rsatkichlar yoz mavsumiga to‘g‘ri kelgan. Xususan, iyul oyida rekord darajadagi 1,973 mlrd dollar, avgustda esa 1,907 mlrd dollar mablag‘ kirib kelgan. Yil oxiri – dekabr oyida esa...