Yangiliklar

Meta kompaniyasi WhatsApp foydalanish jarayonini yanada shaxsiylashtirishga qaratilgan yangi pullik obunani sinovdan o‘tkazishni boshladi. Bu haqda Tech Crunch nashri ma’lum qildi.

Yangi obuna foydalanuvchilarga ilova ikonkalari, mavzulari, qo‘ng‘iroq ohanglari va boshqa dizayn elementlarini o‘zgartirish imkonini beradi. Kompaniya bu bosqichni foydalanuvchilar fikrini o‘rganish va xizmatni takomillashtirish maqsadida amalga oshirmoqda.

Mazkur reja asosan vizual va kosmetik o‘zgarishlarga qaratilgan bo‘lib, funksional jihatdan katta yangiliklarni taqdim etmaydi. Xususan, foydalanuvchilar chatlar uchun kengaytirilgan pinlash imkoniyati doirasida 3 ta emas, 20 tagacha suhbatni biriktira oladi, shuningdek, maxsus ro‘yxatlar va yangi chat mavzularidan foydalanish imkoniga ega bo‘ladi.

Ma’lumotlarga ko‘ra, ushbu obuna narxi Yevropada taxminan...

General Motors (GM) kompaniyasi bir qator davlatlarda Chevrolet Onix 2026 modelini taqdim etdi. «Kursiv» ushbu avtomobilning mahalliy bozordagi kelajagi yuzasidan «O‘zavtosanoat» AJ matbuot xizmatiga so‘rov yubordi.

Kompaniyaning nashr so‘roviga yo‘llagan javobida hozirgi vaqtda Chevrolet Onix 2026 modelini O‘zbekistonda ishlab chiqarishni yo‘lga qo‘yish rejalashtirilmagani qayd etilgan.

«Mazkur yo‘nalishda tegishli qarorlar qabul qilingan taqdirda, bu haqda jamiyatning rasmiy axborot resurslarida e’lon qilinadi», — deyiladi kompaniya izohida.

Model haqida

GM Meksika vakolatxonasi ma’lumotiga ko‘ra, Onix har bir kilometrda o‘z uslubini namoyon etadi. Kompaniya, shuningdek, tejamkorlikka yo‘naltirilgan boshlang‘ich versiyalar ham taklif qilinayotganini bildirdi. Yangi Onix besh xil...

Joriy yilning 17-avgustidan boshlab BAAning Etihad Airways aviakompaniyasi Toshkent — Abu-Dabi — Toshkent yo‘nalishida muntazam qatnovlarni boshlaydi. Bu haqda O‘zbekiston Transport vazirligi ma’lum qilindi.

Ushbu kelishuvga O‘zbekiston Transport vaziri o‘rinbosari Jasurbek Choriyev hamda Etihad Airways aviakompaniyasi bosh operatsion direktori kapitan Majed Al-Marzuki o‘rtasida o‘tkazilgan muzokaralar davomida erishildi.

Aviakompaniya bosh ofisida bo‘lib o‘tgan uchrashuvda tomonlar ikki davlat o‘rtasidagi aviaqatnovlarning bugungi holati hamda yo‘nalishlar tarmog‘ini bosqichma-bosqich kengaytirish masalalarini ko‘rib chiqdi.

O‘zbekiston va Birlashgan Arab Amirliklari poytaxtlari o‘rtasida to‘g‘ridan to‘g‘ri parvozlarning tiklanishi yo‘lovchilar uchun logistik qulayliklarni oshiradi. Xususan, o‘zbekistonlik yo‘lovchilar endilikda Abu-Dabi orqali Yevropa, Osiyo, Avstraliya, Afrika va Shimoliy Amerikadagi 70 dan...

O‘zbekiston Fanlar akademiyasi prezidenti Shavkat Ayupov ilmiy darajalar berish tizimidagi muammolar haqida keskin fikr bildirdi. Unga ko‘ra, ilmiy darajalar sifati pasaymoqda.

«Hozir rahbar bo‘ldimi, ikki yilda PhD olyapti. Yana ikki-uch yil o‘tmasdan fan doktor bo‘lyapti. U rahbar odam qachon ilm qiladi? Mana men endi mana bunaqa mansabga o‘tirib ko‘ryapman. Kitob o‘qishga ham, boshqaga ham umuman vaqt yo‘q», — deya qayd etgan Ayupov.

U ilgari Oliy attestatsiya komissiyasiga rahbarlik qilgan davrini eslab, statistikani keltirdi. O‘sha paytda bir yilda butun mamlakat bo‘yicha taxminan 100 ta doktorlik va 500–600 ta nomzodlik dissertatsiyasi himoya qilingan. Keyinchalik bu ko‘rsatkichlar...

22-aprel uchun valyutalar kursi yangilandi. Unga ko‘ra, dollar 36,78 so‘mga tushib, 12 060,51 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

15-apreldan dollar oshishni boshladi: shu kuni 15,28 so‘mga oshib, 12 141,38 so‘m, 16-aprel kuni 49,05 so‘mga oshib, 12 190,43 so‘m bo‘ldi. 17-aprel kuni 25,19 so‘mga tushib, 12 165,24 so‘mga tenglashdi. 20-aprel kuni esa 6,78 so‘mga tushib, 12 128,46 so‘mni tashkil qildi. 21-aprel kuni 31,13 so‘mga tushib, 12 097,33 so‘m bo‘ldi.

Markaziy bank ma’lumotlariga ko‘ra, yevro 50,51 so‘mga tushib, 14 183,21 so‘mni, rubl esa 0,79 so‘mga oshib, 161,32 so‘mni tashkil etdi.

Eslatib o‘tamiz, avvalroq...

Ijtimoiy tarmoqlarda Markaziy bank raisi Temur Ishmetovning qo‘l soati haqida tarqalgan xabarlar muhokamalarga sabab bo‘ldi. Markaziy bank holat yuzasidan rasmiy munosabat bildirdi.

2021-yilda Ishmetovning Moliya vaziri lavozimida ishlagan paytdagi intervyudan olingan tasvirlarga tayanib, ayrim manbalar amaldor 27,7 ming yevrolik ($32,5 ming atrofida) Patek Philippe Calatrava soatini taqqani haqida xulosa chiqargan.

Markaziy bank matbuot xizmati ushbu ma’lumotlarni rad etdi va tarqatilayotgan xabarlar haqiqatga to‘g‘ri kelmasligini ma’lum qildi. Rasmiy izohda qayd etilishicha, Temur Ishmetov taqqan soat Tissot brendiga mansub bo‘lib, 2021-yilda uning narxi taxminan $300–$350 atrofida bo‘lgan. Hozir ham soat $300 dan yuqori narxda sotilmoqda.

Eslatib...

American Airlines va United Airlines aksiyalari 20-aprel kuni savdolarda arzonlashdi. Bunga American Airlines kompaniyasining birlashish taklifini rad etgani sabab bo‘ldi.

American Airlines aksiyalari 5,8 foizga tushib ketdi. Keyin biroz tiklandi. United Airlines aksiyalari esa 2,6 foizga arzonlashdi.

American Airlines rasmiy bayonot berib, United bilan birlashish bo‘yicha hech qanday muzokarada qatnashmayotganini bildirdi. Kompaniya bunday kelishuv raqobat va iste’molchilarga zarar yetkazishini aytdi.

Ma’lumotlarga ko‘ra, birlashish g‘oyasini United Airlines rahbari Skott Kirbi ilgari surgan. Bu taklif hatto AQSh prezidenti Donald Tramp ma’muriyatiga ham taqdim etilgan.

Agar bitim amalga oshganida, AQSh ichki aviatsiya bozorining qariyb 40 foizini egallagan yirik kompaniya paydo bo‘lar edi.

Isitish mavsumida ehtiyojmand oilalarga elektr va gaz uchun jami 73,7 mlrd so‘m kompensatsiya to‘lab berildi. Bu haqda Ijtimoiy himoya milliy agentligi xabar berdi.

Unga ko‘ra, prezident qarori bilan elektr bo‘yicha 150 kVt va gaz bo‘yicha 250 kub metrdan ortiq iste’mol qilingan qism uchun xarajatlar qoplab berilishi belgilangan.

Tahlillarga ko‘ra, 1,3 mln dan ortiq ariza kelib tushgan. Elektr iste’moli bo‘yicha oilalarning 64,9 foizi 200 kVtgacha foydalanadi. 19,7 foizi 200 dan 350 kVtgacha, 15,4 foizi esa 350 kVtdan ko‘p elektr ishlatgan.

Tabiiy gaz iste’moli bo‘yicha 362,8 mingta oila tahlil qilingan. Ularning 79,4 foizi 500 kub metrgacha, 14 foizi 500 dan...

Serbiyaning Vrnachka-Banya shahrida o‘tkazilayotgan yoshlar o‘rtasidagi jahon chempionatida o‘zbekistonlik Afruza Hamdamova rapid yo‘nalishida oltin medalni qo‘lga kiritdi. Bu haqda O‘zbekiston shaxmat federatsiyasi xabar bermoqda.

Afruza Hamdamova rapid bahslari yakuniga ko‘ra 8,5 ochko jamg‘arib, jahon chempioni unvoniga sazovor bo‘ldi. Shuningdek, 12 yoshgacha bo‘lgan o‘g‘il bolalar o‘rtasida Islombek Husanov bronza medalini egalladi.

Musobaqa doirasidagi blits yo‘nalishida Xusnoraxon Xusnitdinova kumush medal sohibasiga aylandi. Ayni paytda blits bahslari davom etmoqda va oraliq natijalarga ko‘ra, o‘zbekistonlik yoshlar yetakchi o‘rinlarni band etib turibdi.

Xususan, 18 yoshgacha o‘g‘il bolalar o‘rtasida Muhammadzohid Suyarov 5,5 ochko bilan jadvalda birinchi o‘rinda bormoqda. Humoyun Begmuratov (5 ochko), Nilufarxon Imomkuziyeva...

Rossiya va Qirg‘iziston hududlarida yuz berayotgan qoramollar bilan bog‘liq kasalliklar O‘zbekiston uchun ham xavotirli bo‘lishi mumkin. Statistika qo‘mitasi ma’lumotlariga ko‘ra, mamlakatda 14,5 mln bosh qoramol mavjud. Kursiv Uzbekistan vaziyat yuzasidan Veterinariya va chorvachilikni rivojlantirish qo‘mitasi boshqarma boshlig‘i Jahongir Tursagatov bilan suhbatlashdi.

– Rossiya va Qirg‘izistonda qayd etilayotgan chorva kasalliklari yuzasidan O‘zbekistonga kirib kelish xavfi qay darajada baholanmoqda?

 — Respublikamiz hududiga chetdan hayvonlarning yuqumli kasalliklari kirib kelishidan muhofaza qilish maqsadida, Rossiya Federatsiyasining Dog‘iston, Irkutsk, Ingushetiya, Kabardin-Balkar, Qorachoy-Cherkasiya, Shimoliy Osetiya–Alaniya, Checheniston, Qalmog‘iston, Oltoy va Buryatiya Respublikalari, Stavropol va Oltoy o‘lkalari, Astraxan, Novosibirsk, Omsk, Volgograd, Saratov, Tambov, Samara, Chelyabinsk, Tyumen...

Oliy Majlis Qonunchilik palatasi deputatlari Zarafshon shahri hududini kengaytirishga oid qaror loyihasini tasdiqladi. Bu haqda Quyi palata matbuot xizmati ma’lum qildi.

Uzoq muddatli biznes-rejaga asosan, shaharda 250 dan ortiq sanoat va ishlab chiqarish loyihalarini amalga oshirish rejalashtirilgan. Shuningdek, 90 ta ijtimoiy soha obyektini qurish hamda 500 dan ortiq savdo, maishiy va xizmat ko‘rsatish nuqtalarini tashkil etish ko‘zda tutilgan.

Rejalarga muvofiq, hududni kengaytirish ham nazarda tutilgan. Xususan, Tomdi tumanidan 2 459 gektar yer maydonini Zarafshon shahri tarkibiga o‘tkazish rejalashtirilmoqda.

Majlisda ushbu masala tegishli mahalla fuqarolar yig‘inlari, shuningdek, xalq deputatlari Zarafshon shahri va Tomdi tumani kengashlari hamda viloyat kengashida muhokama qilingani...

Rossiyalik sayyohlar orasida may bayramlari uchun eng mashhur xorijiy aviayo‘nalish sifatida O‘zbekiston birinchi o‘rinni egalladi. Bu haqda «Tutu» servisi tadqiqotiga tayanib, «TASS» xabar berdi.

Ma’lumotlarga ko‘ra, O‘zbekiston ushbu davrdagi barcha bandlashlarning 16 foizini tashkil qilgan. Natijada mamlakat o‘tgan yilgi uchinchi o‘rindan birinchi pog‘onaga ko‘tarildi. Ikkinchi o‘rinni 15 foiz bilan Turkiya egallagan. Belarus esa 11 foiz bilan uchinchi pog‘onadan joy olgan. Har ikkala davlat o‘tgan yildagiga nisbatan bir pog‘onadan pastlagan.

Statistika qo‘mitasi ma’lumotlariga ko‘ra, joriy yilning yanvar – mart oylarida 164 ta mamlakatdan jami 2,87 mln nafar chet el fuqarolari turistik maqsadlarda O‘zbekistonga tashrif buyurgan. Ulardan 223 ming nafari...

2025-yilda O‘zbekistonning telekommunikatsiya bozori qo‘shni davlatlarga nisbatan 1,5-2 barobar tezroq rivojlanib, umumiy hajmi 24,9 trln so‘mga yetdi. Bu haqda Nexign kompaniyasi Kursiv Uzbekistan nashriga ma’lum qildi.

Tadqiqotlarga ko‘ra, telekom operatorlari daromadining 81 foizi internet va mobil aloqa xizmatlari hissasiga to‘g‘ri keladi. O‘zbekistonda sohaning o‘sishi 18,3 foizni tashkil etgan bo‘lsa, bu ko‘rsatkich Qozog‘istonda 11,8 foizni, Qirg‘izistonda esa 8,1 foizni tashkil qilgan.

Hozirgi kunda 4G tarmog‘i aholining 95 – 98 foizini qamrab olgan va Toshkent hamda yirik aglomeratsiyalarda 5G tarmog‘i tijorat sinovidan o‘tkazilmoqda. Tarmoq infratuzilmasiga sarflanayotgan yuqori xarajatlar fonida aloqa operatorlari daromadni oshirish maqsadida raqamli ekotizimlar va paketli xizmatlarni kengaytirmoqda.

Yevropa Ittifoqi aholisi tug‘ilish darajasi pasayishi va qariyalarning ko‘payishi sababli 2025-yildan 2100-yilgacha 11,7 foizga qisqaradi. Mintaqaning umumiy aholisi 452 mlndan 399 mlngacha tushishi kutilmoqda. Bu haqda Euronews xabar bermoqda.

Qisqarish darajasi Yevropa bo‘ylab turlicha bo‘lib, eng katta pasayish Latviya (33,9 foiz), Litva (33,4 foiz), Polsha (31,6 foiz) va Gretsiyada (30,1 foiz) kuzatilishi taxmin qilinmoqda. Katta iqtisodiyotga ega davlatlar orasida faqat Ispaniyada aholi soni 1,3 foizga o‘sishi prognoz qilingan bo‘lsa, Italiyada aholi 24 foizga kamayishi kutilmoqda.

Aholi soni sezilarli o‘sadigan davlatlar qatoriga Lyuksemburg (36,4 foiz), Islandiya (27,1 foiz) va Malta (26 foiz) kiradi. Mutaxassislarning fikricha, o‘sish yoki pasayish dinamikasi asosan...

Pochta va videokonferensaloqa xarajatlari, kommunal to‘lovlar bo‘yicha qarzlar, ko‘p kvartirali uylardagi majburiy badallar soddalashtirilgan tarzda undiriladi. Bu haqda Adliya vazirligi xabar bermoqda.

Yangi o‘zgartishlarga ko‘ra, bu tartib BHMning 5 baravaridan oshmaydigan summalarga ham tatbiq etiladi. Qonunda davlat ijrochisi uchun bir qator majburiy choralar ham belgilangan. Ularga ko‘ra, qarzdorning bank hisobidagi mablag‘lariga undiruv qaratilishi mumkin. Shuningdek, belgilangan chegara doirasida qarzni ish haqi, pensiya, stipendiya yoki boshqa daromadlardan ushlab qolish orqali ham undirish mumkin.

Biroq ayrim holatlar uchun istisno kiritildi. Jumladan, videokonferensaloqa xarajatlari, kommunal to‘lovlar va ko‘p kvartirali uy badallari bo‘yicha qarzlar uchun ushbu majburiy choralar qo‘llanilmaydi.

Ma’lumot uchun, Soddalashtirilgan tartibda...

Angliya Premyer-ligasida ishtirok etuvchi «Vulverxempton» jamoasi musobaqani rasman tark etdi. Klub mavsum tugashiga 5 ta o‘yin qolganida xavfsiz hududdan 16 ochko ortda qolmoqda.

«Lids Yunayted»ga qarshi uchrashuvda 3:0 hisobida imkoniyatni boy bergan «Vulverxempton» hisobida, bor-yo‘g‘i, 17 ochko mavjud. Mavsum yakuniga qadar yana 5 ta o‘yin qolgan bo‘lib, jamoa qolgan barcha uchrashuvlarda g‘alaba qozongan taqdirda ham eng ko‘pi bilan 15 ochko to‘plashi va umumiy ochkolari sonini maksimal 32 taga yetkazishi mumkin, xolos.

Shu bilan birga, ligada qolish imkonini beruvchi xavfsiz zonada, ya’ni 17-o‘rinda borayotgan «Vest Xem Yunayted» hisobida hozirning o‘zida 33 ochko bor va ular qolgan uchrashuvlarda umuman ochko ololmagan...

Prezident Administratsiyasi rahbari Saida Mirziyoyeva Jahon sog‘liqni saqlash tashkiloti (JSST) bosh direktori Tedros Adhanom Ghebreyesus bilan uchrashdi. Bu haqda uning o‘zi Telegram-kanalida ma’lum qildi.

Muloqot davomida O‘zbekiston va Jahon sog‘liqni saqlash tashkiloti o‘rtasidagi hamkorlikni yanada rivojlantirish masalalari muhokama etildi. Tomonlar sog‘liqni saqlash tizimidagi islohotlar, raqamli tibbiyot samaradorligini oshirish va farmatsevtika bozorini tartibga solishni takomillashtirishga alohida e’tibor qaratgan.

Shuningdek, mintaqaviy hamkorlikni kengaytirish masalalari ham kun tartibidan o‘rin oldi. Uchrashuvda giyohvandlikka chalinganlarni davolash va reabilitatsiya qilish yo‘nalishida hamkorlikni mustahkamlash zarurligi ta’kidlangan.

Eslatib o‘tamiz, Kursiv Uzbekistan nashri Saida Mirziyoyeva AQShda biznes hamkorlikni muhokama qilgani haqida yozgan edi.

Unga ko‘ra, uchrashuv davomida...

2026-yilning yanvar-fevral oylarida O‘zbekistonning tashqi savdo aylanmasida eksport hajmi $3,5 mlrdni tashkil etdi. Ushbu ko‘rsatkich o‘tgan yilning mos davridagi $4,64 mlrdga nisbatan qariyb $1,14 mlrd dollarga kamaygan.

Taqqoslash uchun: 2025-yilning dastlabki ikki oyida mamlakat eksport hajmi $4,64 mlrdga yetib, 2024-yildagiga nisbatan 27,7 foizga o‘sgan edi. O‘sha davrda umumiy tashqi savdo aylanmasi $10,8 mlrdni tashkil qilgan va $1,56 mlrd miqdorida manfiy saldo qayd etilgan. 2025-yildagi eksport o‘sishiga, asosan, oltin va xizmatlar ta’sir ko‘rsatgan.

2026-yilning dastlabki ikki oyida Rossiya asosiy savdo hamkori sifatidagi o‘rnini yanada mustahkamlab, eksport hajmi o‘tgan yilgi $547,9 mlndan $679,4 mlngacha (+$131,5 mln) o‘sdi. Shuningdek, Xitoy...

Surxondaryo va Jizzax viloyatlarida fuqarolarni xorijga ishga yuborish bilan bog‘liq firibgarlik holatlari aniqlanib, jinoyat ishlari qo‘zg‘atildi. Bu haqda Bosh prokuratura huzuridagi Departament ma’lum qildi.

Ma’lumotlarga ko‘ra, Termiz shahrida o‘tkazilgan tezkor tadbirda fuqaro A.J. boshqa bir fuqaroning ishonchiga kirib, uni tanishlari orqali Germaniyaga ishga yuborishni va’da qilgan. U buning evaziga $9 ming so‘rab, $5 ming va 12 mln so‘mni olayotgan vaqtida ashyoviy dalillar bilan qo‘lga olingan.

Shuningdek, Jizzax viloyatining Paxtakor tumanida ham shunga o‘xshash holat aniqlangan. Tekshiruv davomida fuqaro Z.A. bir fuqaroni go‘yoki yuqori lavozimdagi tanishlari orqali Janubiy Koreyaga ishga yuborishini aytib, $2,5 mingni firibgarlik yo‘li bilan qo‘lga kiritgani ma’lum...

2032-yilga borib O‘zbekistonda aholi soni 43 mln bo‘lishi kutilmoqda. Bu haqda Iqtisodiyot va moliya vazirligi huzuridagi Demografiya, bandlik va turmush darajasini prognoz qilish bo‘limi yetakchi mutaxassisi Maqsud Zokirov ma’lum qildi. U bu haqda «O‘zbekistonda demografik barqarorlik: ma’lumotlar, siyosat va iqlim o‘zgarishi» seminarida qayd etdi.

Ma’lumotlarga ko‘ra, mamlakat aholisi yildan-yilga barqaror oshib bormoqda. 1991-yilda aholi soni 21,1 mln bo‘lgan bo‘lsa, 2020-yilga kelib bu ko‘rsatkich 34,5 mln nafarga yetgan. Prognozlarga ko‘ra, 2030-yilda aholi 41,9 mln va 2032-yilda esa 43,4 mln nafarga yetishi kutilmoqda.

«Demografik barqarorlikni ta’minlash uchun avlodlar davomiyligini ta’minlash maqsadida bir ayol o‘rtacha 2,1 nafar bola tug‘ishi...

Yaponiyaning yirik Willer Express transport operatori o‘zbekistonlik avtobus haydovchilarini ishga taklif etadi. Bu bo‘yicha yangi hamkorlik yo‘lga qo‘yildi.

Loyiha doirasida xalqaro kadrlar tayyorlash bilan shug‘ullanuvchi Onodera User Run kompaniyasi ushbu tashabbusni O‘zbekiston bozoriga olib kiradi. Kelishuv Migratsiya agentligi rahbari Behzod Musayev, Willer Express rahbari Hirayama Koji va Onodera User Run vakili Kato Jun o‘rtasida imzolandi.

Unga ko‘ra, O‘zbekistonda Willer Express uchun avtobus haydovchilarini tayyorlash tizimi yo‘lga qo‘yiladi. Keyinchalik ular Yaponiyada yuqori daromadli ish o‘rinlariga joylashtiriladi. Shuningdek, Toshkent shahrida zamonaviy o‘quv poligoni qurilishi rejalashtirilgan. Amaliy mashg‘ulotlar uchun esa Yaponiyadan o‘ng boshqaruvli avtobuslar olib kelinadi.

Eslatib o‘tamiz, Kursiv Uzbekistan nashri xorijda...

O‘zbekistonlik himoyachi Abduqodir Husanovning ukasi Abdurahim Husanov «Manchester Siti»ning mashg‘ulotlar bazasiga tashrif buyurdi. Kichik Husanov va angliyalik futbolchi Riko Lyuis birga tushgan surat ko‘pchilikning e’tiborini tortdi.

Himoyachining otasi va ukasi dastlab «shaharliklar»ning «Arsenal»ga qarshi uchrashuvini bevosita stadiondan tomosha qilgan. Tashrif davomida Hikmat Hoshimov va yosh Husanov «Manchester Siti» bosh murabbiyi Pep Gvardiola hamda Fil Foden kabi yetakchi futbolchilar bilan uchrashgan.

Internet foydalanuvchilarining e’tiborini esa kichik Husanov va angliyalik himoyachi Riko Lyuis birgalikda tushgan surat ko‘proq tortdi. Muxlislar ushbu suratda yosh Husanov hamda «Manchester Siti» futbolchisining bo‘yi deyarli teng ekaniga e’tibor qaratishgan.

Ma’lumot o‘rnida, jamoalar o‘rtasidagi uchrashuvda «Manchester Siti...

Armanistonda Nestle kompaniyasiga tegishli NAN brendi ostidagi taxminan 9,7 ming kg quruq sut aralashmalari yo‘q qilindi. Bu haqda Armaniston oziq-ovqat xavfsizligi inspeksiyasi matbuot xizmati ma’lum qildi.

Bu qaror laboratoriya tekshiruvlari natijasidan so‘ng qabul qilingan. Tekshiruvlarda mahsulotda xavfli toksin – serulid bo‘lishi mumkinligi aniqlangan. Ma’lum qilinishicha, gap chaqaloqlar uchun mo‘ljallangan quruq va tez eriydigan sut hamda sutli aralashmalar haqida bormoqda. Barcha mahsulotlar oziq-ovqat xavfsizligi idorasi nazorati ostida utilizatsiya qilingan.

Kompaniya bir qator davlatlarda mahsulotlarini bozordan qaytarib olgan. Jumladan, Argentina, Turkiya va Yevropa davlatlarida ham shunday choralar ko‘rilgan. Ommaviy axborot vositalariga ko‘ra, Fransiyada ushbu mahsulot bilan bog‘liq ikki holatda chaqaloqlar o‘limi...

O‘zbekistonda kam ta’minlangan fuqarolar davlat hisobidan yuridik yordam olish huquqiga ega bo‘ldi. Bu haqda Adliya vazirligi xabar bermoqda.

Yangi o‘zgarishlarga ko‘ra, kam ta’minlangan fuqarolar Konstitutsiyaviy sudga murojaat qilganda ham davlat hisobidan yuridik yordam olish huquqiga ega bo‘ldi. Ya’ni agar sudda qo‘llanilgan qonunning Konstitutsiyaga mosligi yuzasidan shikoyat kiritilsa, davlat ularga huquqiy ko‘mak beradi.

Shuningdek, yuridik yordam olish bo‘yicha so‘rovlar maxsus «Yuridik yordam» axborot tizimi orqali yuboriladi. Bu jarayon Konstitutsiyaviy sud tomonidan fuqaroning iltimosi asosida amalga oshiriladi.

Eslatib o‘tamiz, Kursiv Uzbekistan nashri yosh oilalar uchun ipoteka kreditida yangi yengilliklar joriy etilishi haqida yozgan edi.

Strategiyada yoshlarning ta’lim olishi, ish bilan...