Yangiliklar

AQShni qamrab olgan kuchli qor bo‘roni kamida 30 kishi halok bo‘lishi va yuz minglab odamlar elektrsiz qolishiga sabab bo‘ldi. Bu haqda WPRI nashri ma’lum qildi.

Arkanzasdan Nyu Inglandiyagacha bo‘lgan hududlarda 30 santimetrdan ortiq qor yog‘ib, transport harakati to‘xtadi, parvozlar bekor qilindi, maktablar yopildi. Pittsburg shimolidagi ayrim hududlarda qor qalinligi 50 santimetrga yetib, harorat -31 °C gacha pasaydi.

Bo‘ron janubiy hududlarda elektr uzilishlariga sabab bo‘ldi, ayniqsa, Mississippi va Tennessi shtatlarida daraxtlar hamda elektr simlari uzilishi natijasida yuz minglab uy va korxonalarda elektr yo‘q. Mississippi shtatida yordam markazlariga karavot, adyol, suv va generatorlar yetkazildi. Oxford kampusidagi Mississippi universitetini muz qoplashi...

Eronda davom etayotgan iqtisodiy inqiroz va ommaviy namoyishlar fonida milliy valyuta kursi 28-yanvar kuni tarixiy minimumga tushib, 1 AQSh dollari 1,5 mln rialni tashkil qildi. Bu haqda Reuters agentligi xabar bermoqda.

Valyuta kursining qulashi ortidan mamlakatda ijtimoiy keskinlik kuchaygan. 28-dekabr kuni Tehrondagi «Katta bozor»da iqtisodiy qiyinchiliklar sababli boshlangan namoyishlar tez orada siyosiy tus olib, butun mamlakat bo‘ylab tarqaldi. Namoyishchilar siyosiy o‘zgarishlarni talab qilmoqda.

AQShda joylashgan HRANA inson huquqlari tashkiloti ma’lumotlariga ko‘ra, tartibsizliklar oqibatida tasdiqlangan o‘lim holatlari 6 126 kishiga yetgan, shulardan 214 nafari xavfsizlik xodimlari hisoblanadi. Eron rasmiy manbalari esa qurbonlar sonini 3 117 nafar deb ko‘rsatmoqda.

Iqtisodiy ko‘rsatkichlar...

Xiaomi kompaniyasi tomonidan yaqinda taqdim etiladigan Redmi Turbo 5 smartfonining narxi e’lon qilindi. Kompaniya prezidenti Lu Veybing Turbo 5 modeli haqida ma’lumot berdi. Smartfon $300dan arzon narxda yuqori imkoniyatlarni taklif etadi.

Qayd etilishicha, qurilma premium korpusga ega. Orqa paneli shishadan tayyorlangan. Korpus ergonomik va vazni muvozanatli. Dizayni Redmi Turbo 5 Max uslubida bo‘ladi.

Smartfon 6,59 dyuymli ekran bilan jihozlanadi. Yupqa korpus ichida 7560 mA·soat sig‘imli batareya joylashtirilgan. Bu uzoq muddat ishlashni ta’minlaydi.

Qurilma 100 Vt quvvatda simli tezkor quvvatlashni qo‘llab-quvvatlaydi. 27 Vt simli teskari quvvatlash ham mavjud. Smartfon barcha tezkor zaryadlovchilar bilan mos keladi. Redmi Turbo 5 taqdimoti 29-yanvar...

Internet tarmog‘ida Motorola Edge 70 Fusion smartfonining tashqi ko‘rinishini aks ettiruvchi tasvirlar paydo bo‘ldi. Rasmlarda yangi o‘rta budjetli modelning dizaynidagi o‘zgarishlar kuzatildi.

Yangi qurilma oldingi modeldan farqli ravishda burchaklari yumaloqlangan korpus va yangicha shakldagi kamera blokiga ega. Shuningdek, smartfon ekrani chetlari qayrilgan emas, balki deyarli yassi shaklda ekani ko‘zga tashlanadi.

Norasmiy ma’lumotlarga ko‘ra, Motorola Edge 70 Fusion 6,78 dyuymli, 144 Gs yangilanish tezligiga ega AMOLED ekran bilan jihozlanadi. Qurilmaning ishlash samaradorligini Snapdragon 7s Gen 3 protsessori ta’minlashi kutilmoqda. Smartfon 7000 mAch sig‘imli akkumulyator va 50 megapikselli asosiy kameraga ega bo‘lishi aytilmoqda. Yangi modelning taqdimoti 2026-yilning aprel oyida o‘tkazilishi taxmin...

Ispaniyada yuz bergan yuqori tezlikdagi poyezdlar to‘qnashuvida halok bo‘lgan 45 nafar va jabrlangan 150 nafardan ortiq odamlarga 20 mln yevro ($24 mln) kompensatsiya to‘lanadi. Bu haqda mamlakat transport vaziri Oskar Puente ma’lum qildi, deya yozmoqda Reuters.

Halok bo‘lganlarning har bir oila a’zosiga uch oy ichida 216 ming yevro to‘lanadi. Bu summa 72 ming yevro davlat yordamidan, 72 ming yevro sug‘urta oldi to‘lovidan va 72 ming yevro yo‘lovchi sug‘urtasidan iborat.

Jabrlanganlarga to‘lanadigan kompensatsiya miqdori 2,4 ming yevrodan 84 ming yevrogacha bo‘ladi.

Halokat ortidan Puente ommaviy tanqidlarga uchradi. Asosiy muxolif partiya uning iste’foga chiqishini talab qilmoqda. Vazir esa o‘z vazifasini...

Leapmotor kompaniyasi 2026-yilda Ispaniya bozoriga to‘rtta yangi elektromobil bilan kirishni rejalashtirdi. Brend arzon segmentga urg‘u berib, dilerlar tarmog‘ini ham kengaytiradi.

Birinchi bo‘lib uzoq masofali versiyadagi Leapmotor B10 bozorga chiqadi. Keyin 500 km dan ortiq yurish zaxirasiga ega Leapmotor B05 taqdim etiladi. Kuz faslida shahar uchun mo‘ljallangan Leapmotor B03X sotuvga chiqadi.

B05 va B03X Ispaniyaning Figueruelas shahridagi Stellantis zavodida ishlab chiqariladi. Mahalliy ishlab chiqarish logistika xarajatlarini kamaytiradi va xaridorlar ishonchini oshiradi.

Yilning eng muhim yangiligi sifatida Leapmotor A05 kutilmoqda. U 20 ming yevrodan past segmentda joylashadi va BYD Dolphin Surf’ga to‘g‘ridan to‘g‘ri raqib bo‘ladi. Narx Xitoy bozoriga yaqin saqlansa, model...

Xitoyning CheZhi platformasi 2025-yilning to‘rtinchi choragi yakunlari bo‘yicha avtomobillar ishonchliligi reytingini e’lon qildi. Tadqiqot davomida minglab avtomobil egalari qoldirgan shikoyatlar tahlil qilinib, har bir model uchun sifat indeksi tuzildi.

Natijalarga ko‘ra, SUV segmentida o‘rtacha ishonchlilik darajasi 24,8 ballni tashkil etib, bu ko‘rsatkich sedan va minivenlarga nisbatan yuqoriroq bo‘ldi. Eng yaxshi natijalar esa yangi platformalarda yaratilgan va zamonaviy elektron tizimlar bilan jihozlangan modellarga to‘g‘ri keldi.

Reyting yetakchisi kutilmaganda Xiaomi YU7 bo‘ldi. Atigi 0,9 ball bilan u birinchi o‘rinni egalladi. 106,5 ming dona ishlab chiqarilganiga qaramay, ushbu krossover egalari tomonidan deyarli hech qanday shikoyat bildirilmagan.

Ikkinchi o‘rinni gibrid Zeekr 9X...

27-yanvar kuni FIFA World Cup Trophy Tour doirasida futbol bo‘yicha Jahon chempionati kubogi O‘zbekistonga yetib keldi. Sovrinni italiyalik sobiq jahon chempioni Marko Materatssi olib keldi.

Toshkentda bo‘lib o‘tgan tadbirda O‘zbekiston futbol assotsiatsiyasi (O‘FA) birinchi vitse-prezidenti Ravshan Irmatov, Milliy Olimpiya qo‘mitasi raisining birinchi o‘rinbosari Otabek Umarov hamda qo‘mita bosh kotibi Oybek Kasimov ishtirok etdi.

Mazkur tashrif FIFA Jahon chempionati kubogining rasmiy sayohati doirasida amalga oshirilmoqda. 2026-yil 3-yanvar kuni Saudiya Arabistonining Ar-Riyod shahridan start olgan tur jami 75 ta manzilni qamrab olishi rejalashtirilgan.

Toshkentga kelishdan avval kubok Vena, Seul, Tokio, Nyachang va Kuala-Lumpur kabi Yevropa va Osiyoning qator shaharlarida namoyish etilgan.

26-yanvar holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 30,8 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,5 foizni, yuridik shaxslar ulushi esa 23,3 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

Bugun, 28-yanvar kuni Markaziy bank asosiy stavkani yana o‘zgartirmay, 14 foiz darajasida saqlab qolish haqida qaror qabul qildi. Bu haqda regulyator matbuot xizmati ma’lum qildi.

«Kelgusi choraklarda ham inflyatsiya va inflyatsion kutilmalar barqaror pasayishda davom etgan taqdirda, tartibga solinadigan narxlar o‘zgarishidan kelib chiqib, pul-kredit sharoitlari qat’iyligini saqlab qolgan holda asosiy stavkani pasayish tomonga ko‘rib chiqish imkoniyatlari yuzaga keladi», deyiladi xabarda.

2025-yil dekabr holatiga ko‘ra, yillik inflyatsiya 7,3 foizgacha tushdi. Bazaviy inflyatsiya esa 5,7 foizni tashkil etdi. Bunga qat’iy pul-kredit siyosati, so‘mning mustahkamlanishi va import narxlarining sekinlashuvi ijobiy ta’sir ko‘rsatdi.

Biroq xizmatlar sohasida narxlar hali ham...

NATO bosh kotibi Mark Rutte Yevropa AQSh yordamisiz o‘zini himoya qila olmasligini bildirdi hamda davlatlarni mudofaa xarajatlarini oshirishga chaqirdi. Bu haqda CNN agentligi xabar berdi.

Bryusselda Yevropa Parlamentida qilgan chiqishida u agar Yevropa mustaqil himoya qilmoqchi bo‘lsa, har bir mamlakat mudofaa budjetini 10 foizga oshirishi va o‘z yadroviy qurollarini yaratishi kerakligini aytdi. Shuningdek, Rutte AQSh yadroviy soyasi Yevropaning asosiy kafolati ekanini ta’kidlab, uni yo‘qotish erkinlikni xavf ostiga qo‘yishini bildirdi.

Bosh kotib Grenlandiya bo‘yicha ikki asosiy ish yo‘nalishi bo‘lishini bildirdi. Birinchisi, NATO Arktikani himoya qilish uchun kollektiv javobgarlikni oshiradi, Rossiya va Xitoyning hududga kirishini cheklaydi. Ikkinchisi, AQSh, Daniya va...

BYD’ning ultra-lyuks elektromobillar yo‘nalishidagi Yangwang subbrendi 2026-yil uchun Yangwang U7 sedanining yangilangan versiyasi tafsilotlarini taqdim etdi. Bu haqda Bike-ev nashri xabar berdi.

Yangi model 150 kVt·soat sig‘imli LFP Blade batareya bilan jihozlanib, CLTC sikli bo‘yicha 1 ming kilometrgacha yurish masofasini taklif qilmoqda. Bu ko‘rsatkich U7’ni BYD’ning eng uzoq masofaga yuradigan sof elektr avtomobiliga aylantiradi.

Yangilanish natijasida avtomobil og‘irligi taxminan 100 kilogrammga oshgan, biroq energiya samaradorligi aksincha yaxshilangan. Endi elektromobil 100 km masofada 17,7 kVt·soat energiya sarflaydi, bu avvalgi modelga nisbatan qariyb 10 foizga tejamkor degani.

Lyuks va quvvat uyg‘unligi

Yangwang U7 2024-yilda taqdim etilgan bo‘lib, BYD’ning 1 million...

2025-yil dekabr oyi yakunlariga ko‘ra, milliy valyutadagi bank depozitlari va kreditlari bo‘yicha o‘rtacha tortilgan real foiz stavkalari nisbatan yuqori darajada saqlanib qoldi. Bu haqda Markaziy bank tahlillari e’lon qilindi.

Unga ko‘ra, milliy valyutadagi muddatli depozitlar bo‘yicha real foiz stavkalari noyabr oyiga nisbatan jismoniy shaxslarda 0,3 foiz bandga, yuridik shaxslarda esa 0,5 foiz bandga pasayib, mos ravishda 8,2% va 4,8% darajasida shakllandi.

Shu bilan birga, milliy valyutadagi jami kreditlar bo‘yicha real foiz stavkalari o‘sish qayd etdi. Xususan, jismoniy shaxslar uchun stavkalar 0,5 foiz bandga, yuridik shaxslar uchun esa 0,6 foiz bandga oshib, mos ravishda 10,1% va 9,4% ni tashkil qildi.

O‘zbekistonda 5 grammli oltin quyma narxi ilk bor 10,3 mln so‘mga yaqinlashdi. Markaziy bank 28-yanvar Toshkent vaqti bilan soat 09:41 holatiga oltin quymalarini sotish va sotib olish narxlarini e’lon qildi.

Xususan, 5 grammli oltin quymaning narxi 10,187 mln so‘mdan 10,291 mln so‘mga oshdi. Uni qaytarib sotib olish narxi esa qadog‘i but holatda 9,791 mln so‘mdan 9,796 mln so‘mga, talablarga mos kelmaydigan holatda 9,692 mln so‘mdan 9,698 mln so‘mga ko‘tarildi.

Quyida oltin quymalarining grammlariga nisbatan sotish va sotib olish narxlari keltirilgan:

Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi mumkinligini...

Consumer Reports 2025-yil yakunlari bo‘yicha yangi avtomobillar ishonchliligi reytingini e’lon qildi. Tadqiqot 380 mingga yaqin avtomobil egalarining real tajribasiga asoslangan. Eng ishonchli kompaniyalar qatorida yana Toyota, Subaru va Lexus yetakchilik qilmoqda.

Reytingda Toyota 66 ball bilan birinchi o‘ringa chiqdi. Undan keyin Subaru 63 ball bilan ikkinchi o‘rinni egalladi. Lexus 60 ball bilan uchinchi pog‘onaga joylashdi. Kuchli beshlikni Honda va BMW yakunlab berdi.

Consumer Reports mutaxassislariga ko‘ra, ishonchliligi past avtomobil egalarga nafaqat asabiylik, balki vaqt va pul yo‘qotishini ham keltirib chiqaradi. Shu bois avtomobil tanlashda, avvalo, ishonchli brendlarga e’tibor qaratish tavsiya etilmoqda.

Tadqiqot natijalari gibrid avtomobillar yana eng barqaror texnologiya...

Banklar 28-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

2025-yil 27 – 30-dekabr kunlari matematika, kimyo va geografiya fanlaridan o‘tkazilgan milliy sertifikat imtihonlari natijalari e’lon qilindi. Bu haqda Bilimni baholash agentligi ma’lum qildi.

Talabgorlar o‘z natijalarini my.gov.uz portalidagi «Mening arizalarim» bo‘limi orqali ko‘rishlari, shuningdek, sertifikatni elektron shaklda yuklab olishlari mumkin.

Unga ko‘ra, test natijalari xalqaro metodika – Rash modeli asosida hisoblangan. To‘plangan ballarga qarab ishtirokchilarga quyidagi darajalarda sertifikat beriladi:

Mazkur sertifikatlar...

Jahon bozorida oltin narxi tarixiy rekordni yana bir bor yangiladi. 28-yanvar kuni Toshkent vaqti bilan soat 09:33 holatiga oltin narxi bir unsiya uchun $5 238 ni tashkil etdi.

Reuters nashriga ko‘ra, dollar zaiflashuvi fonida oltin va boshqa qimmatbaho metallar narxi keskin oshdi. Mutaxassislar fikricha, oltin narxining oshishi, asosan, AQSh dollari bilan kuchli teskari bog‘liqlik bilan izohlanadi. OANDA kompaniyasining katta bozor tahlilchisi Kelvin Vongning aytishicha, AQSh savdo sessiyasida oltin narxining ko‘tarilishiga Donald Trampning dollar haqidagi bayonoti sabab bo‘lgan. Uning so‘zlari Oq uyda kelajakda dollarni nisbatan zaifroq ko‘rish bo‘yicha umumiy qarash borligini anglatgan.

AQSh dollari hozir «ishonch inqirozi»ni boshdan kechirmoqda. Dollar kursi...

Hali taqdim etilmagan Xiaomi 17 Max smartfonining texnik xususiyatlarini e’lon qilindi. Sizib chiqqan ma’lumotlarga ko‘ra, qurilma rekord darajadagi 8000 mAch akkumulyator va takomillashtirilgan kamera tizimiga ega bo‘ladi.

Asosiy kamera moduli 200 megapikselli Samsung ISOCELL HPE sensori bazasida ishlaydi. Unga qo‘shimcha ravishda 50 megapikselli Sony IMX8 periskop moduli va xuddi shunday aniqlikdagi ultra keng burchakli obyektiv o‘rnatiladi. Xiaomi ushbu modelda ham Leica kompaniyasi bilan hamkorlikni davom ettiradi.

Smartfonning Xitoydagi taqdimoti 2026-yilning ikkinchi choragiga rejalashtirilgan. Qurilma Snapdragon 8 Elite Gen 5 protsessori, 6,8 dyuymli ekran va 100 Vt quvvatdagi tezkor simli quvvatlash tizimi bilan ta’minlanadi. Ushbu ko‘rsatkichlar Xiaomi 17 Max modelini...

Bigme kompaniyasi rangli E Ink ekranga ega yangi Android planshet B10’ni taqdim etdi. Bu haqda Bigme rasmiy sahifasida ma’lum qilindi.

Qurilma 10,3 dyuymli E Ink Kaleido 3 displey bilan jihozlangan bo‘lib, 300 ppi zichlikda 4096 rangni aks ettira oladi va orqa yoritishga ega. Narxi $700 qilib belgilangan.

Planshet Dimensity 1080 platformasi bilan ishlaydi. Unga 8 GB operativ va 256 GB ichki xotira, shuningdek, microSD karta uyasi kiritilgan. Qurilmada 4G modem ham mavjud. Planshetning o‘lchamlari 225 x 197 x 6,1 mm, vazni esa 483 grammni tashkil qiladi.

B10 planshetida 6900 mAh sig‘imli batareya o‘rnatilgan bo‘lib, u bir kunlik ishlashni...

Kia 2026-yilga mo‘ljallangan Kia Sonet 2026 modelini kichik SUV segmentida saqlab qoldi. Bu haqda Ossdc portali xabar berdi.

Avtomobil ixcham o‘lchamlarni zamonaviy dizayn va boy texnologiyalar bilan uyg‘unlashtiradi. Hindistondagi sinovlarda ko‘ringan prototiplar Sonet’ning yangilangan ko‘rinishini tasdiqladi. Old qismda yupqaroq LED farlar paydo bo‘lgan. Kengaytirilgan panjara va 17 dyuymli disklar qo‘llangan. Orqa qismda uzluksiz fonarlar saqlanib qolgan.

Dvigatel qatori o‘zgarmagan. Asosiy benzinli 1,2 litrli agregat shahar uchun mo‘ljallangan. 1,0 litrli turbo benzinli versiya 120 ot kuchini beradi. Dizel ixlosmandlari uchun 1,5 litrli 1498 kub sm CRDi dvigatel taklif qilinadi. U avtomat uzatmada qulay yurish bilan ajralib turadi.

Salon texnologiyalarga...

Skoda kompaniyasi Skoda Epiq 2026 modelini joriy yil may oyida bozorga chiqarishga hozirlikni yakunlamoqda. Bu haqda 32cars portali xabar bermoqda. Model ommaviy yo‘llarda kamuflyajsiz sinovdan o‘tayotgani uning seriyali debyuti yaqinligini ko‘rsatadi.

Epiq MEB platformasida qurilgan. Elektromotor old o‘qda joylashgan. Versiyalarga qarab quvvati 220 ot kuchigacha yetadi. Bir zaryadda yurish masofasi taxminan 420 km bo‘lishi kutilmoqda.

Dizaynda Skoda’ning Modern Solid uslubi qo‘llangan. Old qismida ikki pog‘onali optika va T shaklidagi kunduzgi chiroqlar bor. Ayrim vertikal havo kirishlari sovitish va aerodinamika uchun faol ishlaydi. Yuqori komplektatsiyada 19 dyuymli disklar va qora kontrast elementlar mavjud.

Ishlab chiqarish Ispaniyaning Landaben zavodida yo‘lga qo‘yiladi.

Apple kompaniyasi Siri’ning yangilangan chat-bot versiyasini fevral oyida taqdim etishga tayyorlanmoqda. Bu haqda Bloomberg nashri ma’lum qildi.

Unga ko‘ra, taqdimot oyning ikkinchi yarmida o‘tkazilishi kutilmoqda, ammo aniq sana va format hozircha ma’lum emas.

Yangi Siri versiyasi Google Gemini’ga asoslanadi, lekin uning ichida maxsus tayyorlangan model ishlatiladi. Kompaniya ushbu modelni Apple Foundation Model version 1.0 deb atadi.

Yangilangan yordamchi foydalanuvchi bilan zamonaviy chat-botlar darajasida muloqot qila oladi va smartfon ichidagi turli ma’lumotlar, jumladan, ekranda ko‘rsatilayotgan narsalar bilan ham ishlay oladi.

Apple iOS 26.4 yangilanishi bilan bir vaqtda yangi Siri’ni ishga tushirishni rejalashtirmoqda. Beta-testlar fevral oyida boshlanishi mumkin. Bu esa...

Xitoyning eng yirik sport kiyimlari brendi Anta Sports Products Germaniyaning Puma kompaniyasidagi 29,06 foiz ulushni 1,5 mlrd yevro evaziga sotib oldi. Ushbu bitim Antani Puma’dagi eng yirik aksiyadorga aylantiradi, deya yozmoqda Reuters.

Anta o‘z tajribasidan foydalanib Puma’ning Xitoy bozoridagi savdolarini oshirishni rejalashtirmoqda. Kompaniya rahbariyati Puma’ni global brend sifatida rivojlantirish va uning strategik yo‘nalishlarini qo‘llab-quvvatlash niyatida ekanini aytdi.

Puma aksiyalari bitim e’lon qilingandan so‘ng dastlab 17 foizga oshdi va so‘nggi savdo holatiga ko‘ra 9 foizga yuqori savdoda bo‘ldi. Taklif Puma aksiyalarining oxirgi yopilish narxiga nisbatan 62 foiz ustama bilan amalga oshirilmoqda.

Anta ilgari G‘arb brendlarini muvaffaqiyatli sotib olish va...