Yangiliklar

Leapmotor kompaniyasi Yevropa bozorida yangi Leapmotor B10 gibrid krossoverini taqdim etdi. Modelning boshlang‘ich narxi $32 mingdan boshlanadi, deya xabar berdi Tarantas News nashri.

Yangi avtomobil 18,8 kVt·soat sig‘imli batareya bilan jihozlangan bo‘lib, sof elektr rejimida 86 km.gacha yo‘l bosishi mumkin. Shuningdek, 1,5 litrli benzin generatori va 50 litrli yonilg‘i baki mavjud. Shu kombinatsiya hisobiga umumiy yurish zaxirasi 900 km.ga yetadi.

Krossover ketma-ket gibrid tizim asosida ishlaydi: g‘ildiraklarni faqat elektr dvigatel harakatga keltiradi, ichki yonuv dvigateli esa batareyani zaryadlash uchun xizmat qiladi. Modelda EV+, EV, Fuel va Power+ kabi to‘rtta harakat rejimi mavjud.

Texnik jihatdan avtomobil uzunligi 4530 mm, g‘ildirak...

Chevrolet kompaniyasining Chevrolet Trailblazer modeli 2027-yilgi talqinda dvigatel qatorida jiddiy o‘zgarishlarga uchraydi. Ma’lumotlarga ko‘ra, modeldan 1,2 litrli turbo dvigatel chiqarib tashlanadi, deya yozmoqda Speed.ru nashri.

Hozirda ushbu 1,2 litrli agregat old g‘ildirakdan tortuvchi LS va LT komplektatsiyalarida asosiy variant hisoblanadi. Uning olib tashlanishi dvigatellar qatorini soddalashtiradi, biroq eng arzon komplektatsiya ham yo‘qolishiga olib keladi.

Endilikda 2027-yilgi Trailblazer barcha versiyalarda faqat 1,3 litrli turbo dvigatel bilan taklif etilishi kutilmoqda. Hozirgi modelda bu dvigatel qo‘shimcha to‘lov evaziga yoki yuqori komplektatsiyalarda standart tarzda beriladi.

Transmissiya masalasi esa hozircha aniq emas: kompaniya old g‘ildirakdan tortuvchi versiyalarda variator (CVT)ni saqlab qoladimi yoki to‘liq...

Yangi Toshkentda maydoni 32 gektar bo‘lgan «Buyuk Ipak yo‘li» majmuasini barpo etish loyihasi taqdim qilindi. Shavkat Mirziyoyev mazkur taqdimot bilan tanishdi.

Ma’lum qilinishicha, Yangi Toshkentni barpo etishning birinchi bosqichida 6 ming gektar hududda qurilish ishlari olib borilishi rejalashtirilgan. Ushbu bosqich yakunida 600 ming aholi uchun zamonaviy infratuzilma yaratiladi. Loyiha to‘liq amalga oshirilgach esa shahar 2 mln aholi istiqomat qiladigan zamonaviy megapolisga aylanishi ko‘zda tutilgan.

Taqdim etilgan loyihalar orasida maydoni 32 gektar bo‘lgan «Buyuk Ipak yo‘li» majmuasi alohida o‘rin egallaydi. U Yangi Toshkentning muhim jamoat va madaniy makonlaridan biri sifatida shakllantiriladi. Majmua hududida turarjoylar, tijorat binolari, mehmonxonalar, madaniyat va...

Ford Motor kompaniyasi AQShda dasturiy ta’minotdagi nosozlik sabab 254 640 dona yo‘ltanlamas avtomobilni chaqirib olmoqchi. Bu haqda Reuters agentligi ma’lum qildi.

Unga ko‘ra, muammo orqa ko‘rish kamerasining tasviri yo‘qolishiga hamda ayrim ilg‘or haydovchiga yordam beruvchi tizimlar (ADAS) ishlamay qolishiga olib kelishi mumkin. Xususan, tasvirni qayta ishlash dasturining kutilmagan qayta ishga tushishi pre-collision assist, lane-keeping assist va blind-spot monitoring kabi funksiyalarning vaqtincha o‘chib qolishiga sabab bo‘ladi.

Chaqirib olish kampaniyasi Lincoln Navigator, Lincoln Nautilus, Lincoln Aviator hamda Ford Explorer modellarini qamrab oladi. Kompaniya muammoni bartaraf etish uchun dasturiy ta’minotni yangilashni rejalashtirgan. Yangilanish dilerlar orqali yoki masofadan turib amalga oshiriladi.

Eslatib...

Osiyo taraqqiyot banki Osiyo va Tinch okeani mintaqasidagi davlatlarga Yaqin Sharqdagi mojaro ta’sirini kamaytirish maqsadida yangi moliyaviy yordam paketini taqdim etishini ma’lum qildi. Bu haqda bank Kursiv Uzbekistan’ga ma’lum qildi.

Bank prezidenti Masato Kandaga ko‘ra, ushbu yordam tezkor, moslashuvchan va keng ko‘lamli bo‘lib, mamlakatlarga qisqa muddatli muammolarni yengib o‘tish hamda uzoq muddatli barqarorlikni mustahkamlashga xizmat qiladi. Xususan, zarur tovarlar, jumladan, neft importini ta’minlash uchun savdo va ta’minot zanjirlarini moliyalashtirishga alohida e’tibor qaratiladi.

Ma’lum qilinishicha, bank zarur resurslarga ega bo‘lib, favqulodda yordamni kengaytirish uchun ham imkoniyatlar mavjud. Shu bilan birga, global bozorlardagi o‘zgarishlar, energiya narxlarining tebranishi, inflyatsiya bosimi va tashqi savdo...

O‘zbekistonda zamonaviy jamoat makonlarini rivojlantirish doirasida Yangi Toshkent shahrida yirik musiqali favvora majmuasini barpo etish loyihasi ishlab chiqildi. Shavkat Mirziyoyev mazkur loyiha bilan tanishdi.

Loyihaga ko‘ra, Yangi Toshkentda qariyb 8 gektar maydonda musiqali favvora majmuasi barpo etiladi. Uning tarkibida umumiy suv yuzasi 6,3 gektarni tashkil etadigan havza bo‘lib, 1,5 gektar hududda suv, musiqa va yorug‘lik uyg‘unligidagi shoularni o‘tkazish imkonini beruvchi favvora quriladi. Shuningdek, suvni 232 metr balandlikkacha ota oladigan super favvora va diametri 100 metrli suzuvchi platforma tashkil etilishi rejalashtirilgan.

Majmua doirasida radiusi 185 metr bo‘lgan 360 darajali suv ekrani hosil qilinib, unda turli tasvirlarni proyeksiya qilish imkoniyati...

O‘rta maxsus ta’lim tashkilotlarida yakuniy davlat attestatsiyasini o‘tkazish tartibi to‘g‘risidagi nizomga kiritilgan o‘zgartirish va qo‘shimchalar davlat ro‘yxatidan o‘tkazildi. Bu haqda Adliya vazirligi ma’lum qildi.

Yangi tartibga ko‘ra, xorijiy tillar va umumta’lim fanlari bo‘yicha milliy hamda xalqaro tan olingan sertifikatga ega bo‘lgan o‘quvchilar ushbu fanlardan davlat imtihonlarini topshirmaydi va ularga maksimal ball beriladi.

Shu bilan birga, yakuniy attestatsiya sinovlarini so‘nggi uch yil mobaynida topshirmagan o‘quvchilarga davlat namunasidagi shahodatnoma olish uchun eksternat tartibida yakuniy attestatsiyani topshirish huquqi beriladi.

Bundan tashqari, yakuniy attestatsiya sinovlarida shikoyatlarni ko‘rib chiqish uchun apellyatsiya komissiyasi tuziladi. O‘quvchilar davlat imtihoni baholari e’lon qilingan kundan boshlab 3 ish...

Tesla kompaniyasi AQShning sharqiy sohilida o‘zining birinchi V4 Supercharger tezkor zaryadlash stansiyasini ishga tushirdi. Bu haqda Teslarati nashri ma’lum qildi.

Ushbu stansiya elektromobillarni tez va samarali zaryadlash imkoniyatini taqdim etadi va kompaniyaning tarmoqdagi quvvat infratuzilmasini kengaytirish strategiyasining bir qismi hisoblanadi.

Stansiyada sakkiz zaryadlash joyi mavjud bo‘lib, zamonaviy V4 quvvat tizimi bilan jihozlangan. Tizim maksimal 1,2 MVt quvvatga ega bo‘lib, har bir avtomobilga 500 kVtgacha energiya yetkazib bera oladi. Shu tariqa u AQShda ishlayotgan to‘liq 500 kVt quvvatli V4 stansiyalaridan biri sifatida e’tirof etiladi.

Tesla egalariga tig‘iz vaqtda (soat 8:00 dan yarim tungacha) 1 kVt/soat uchun $0,40, tunda esa...

Shavkat Mirziyoyev bugun, 24-mart kuni Yangi Toshkent hududida barpo etilayotgan zamonaviy futbol stadionining qurilish jarayoni bilan tanishdi. Bu haqda prezident matbuot xizmati xabar berdi.

Unga ko‘ra, qurilish maydonida yer tekislash ishlari to‘liq yakunlangan, poydevorning asosiy qismi deyarli bitgan. Hozir esa metall konstruksiyalarni o‘rnatishga tayyorgarlik ko‘rilmoqda.

So‘nggi yillarda O‘zbekistonda futbol infratuzilmasi jadal rivojlanib, yangi stadionlar va akademiyalar tashkil etildi. Agar 2017-yilda xalqaro talabga javob beradigan maydonlar soni juda kam bo‘lgan bo‘lsa, bugungi kunga kelib ular bir necha barobarga oshgan.

Yangi stadion aynan yirik xalqaro musobaqalarni qabul qilish maqsadida qurilmoqda. Xususan, FIFA qaroriga ko‘ra, 2027-yilda O‘zbekiston va Ozarbayjonda o‘tkaziladigan 20 yoshgacha...

Yirik avtomobil ishlab chiqaruvchilar elektromobillarga o‘tish sur’atlarini qayta ko‘rib chiqmoqda. Financial Times xabariga ko‘ra, kamida 12 ta global kompaniya ilgari belgilangan rejalarni sekinlashtirish yoki o‘zgartirishga majbur bo‘lgan.

So‘nggi bir yil ichida strategiyalardagi bu burilish avtomobil sanoatiga taxminan $75 milliard zarar keltirgani aytilmoqda. Bunga sabab sifatida esa ichki yonuv dvigatelli avtomobillarga talabning kutilganidan yuqori darajada saqlanib qolayotgani ko‘rsatilmoqda.

Masalan, Rolls-Royce elektromobillarga to‘liq o‘tish muddatini ortga surib, 2030-yildan keyin ham an’anaviy dvigatelli modellardan voz kechmasligini bildirdi. Shu kabi qarorlarni Mercedes-Benz, Ford, Stellantis, Volvo va Honda ham qabul qilgan.

Ayniqsa, Honda Shimoliy Amerikada yangi elektr modellari ishlab chiqarilishini vaqtincha to‘xtatib, hatto 2040-yilgacha...

O‘zbekiston terma jamoasiga jalb etilgan Behruz Karimov Jahon chempionati oldidan Hojiakbar Alijonov bilan kechadigan raqobat haqida fikr bildirdi. Futbolchining ta’kidlashicha, mazkur raqobat jarayoni u uchun katta tajriba maktabi bo‘ladi. Bu haqda Kursiv Uzbekistan muxbiri xabar bermoqda.

Behruz Karimov milliy terma jamoaga chaqirilishini o‘zining eng katta orzularidan biri amalga oshganligi deb atadi. U professional futbolchilar bilan birga shug‘ullanish orqali kelajakda terma jamoa sha’nini munosib himoya qilish niyatida ekanini ma’lum qildi.

Shuningdek, futbolchi oldinda turgan FIFA Series turnirining ahamiyatiga e’tibor qaratdi. Ushbu musobaqa Jahon chempionati oldidan jamoaning qanday holatda ekanini sinab ko‘rish va tayyorgarlik darajasini aniqlash uchun muhim bosqich ekanligi qayd etildi.

Apple kompaniyasi oʻzining Maps ilovasida reklama xizmatini yo‘lga qo‘yishni rejalashtirmoqda. Bu haqda GSM Arena nashri ma’lum qildi.

Bloomberg nashri muxbiri Mark Gurman manbalarga tayanib xabar berishicha, Apple Maps’dagi reklamalar Google Maps’da ishlatiladigan tizimga oʻxshash mexanizm orqali faoliyat yuritadi. Xususan, kompaniya brendlar va chakana savdo kompaniyalariga reklama joylashuvi va qidiruv kalit so‘zlari bo‘yicha taklif berish imkonini yaratadi. Natijada foydalanuvchi qidiruv amalga oshirganda, masalan, «eng yaxshi matcha» so‘rovi bo‘yicha, Starbucks yoki boshqa yaqin kafe zanjirlarining homiylik qilgan natijalari qidiruv ro‘yxatida koʻrinadi.

Shuningdek, xabarda aytilishicha, reklama iOS, iPadOS va macOS platformalaridagi Maps ilovasida koʻrinadi, shuningdek, foydalanuvchilar Apple’ning web-ilovasi orqali ham ushbu...

O‘zbekiston milliy terma jamoasi futbolchilari navbatdagi o‘rtoqlik o‘yinlariga tayyorgarlik doirasida yig‘inga kelib qo‘shildi. Jamoa oldida turgan muhim uchrashuvlar, tarkibdagi yo‘qotishlar va shaxsiy natijalar bo‘yicha hujumchi Eldor Shomurodov fikr bildirdi. Bu haqda Kursiv Uzbekistan muxbiri xabar bermoqda.

Mashg‘ulotlar yaxshi kayfiyatda boshlangan bo‘lib, barcha o‘yinchilar jamlangan. Terma jamoa yetakchilaridan biri Abbosbek Fayzullayev kichik jarohat sababli yig‘inda ishtirok etmayapti. Shomurodov bu holatni «albatta katta yo‘qotish», deb baholab, uning tez orada safga qaytishiga umid bildirdi.

Hujumchi Turkiya chempionatidagi o‘zining sermahsulligi pasayganiga ham to‘xtalib, har doim ham o‘yinchi xohlagandek natija bo‘lavermasligini ta’kidladi.

«Hamma futbolchilar bilan bu holat bo‘lib turadi. Muhimi jamoaviy...

Honor kompaniyasi Honor 600 modellar oilasini yangi Honor 600 va Honor 600 Pro smartfonlari bilan kengaytirishga tayyorlanmoqda. Bu haqda GSM Arena nashri ma’lum qildi.

Honor 600 va 600 Pro dizayni iPhone 17 Pro va iPhone 17 Pro Max modellari ilhomida yaratilgani seziladi. Har ikki model ham 6,57 dyuymli OLED ekran bilan jihozlangan bo‘lib, 120Hz yangilanish tezligi va «1.5K» ruxsatga ega ekanligi bildirildi. Qurilmalar Snapdragon 8-seriyali chipset bilan ishlaydi, ammo aynan qaysi chip modelidan foydalanilgani hozircha ma’lum emas.

Telefonlarning asosiy kamerasi 200MP bo‘lib, OIS (optik stabilizatsiya) texnologiyasi bilan ta’minlangan. Honor 600 modeli faqat ultra keng burchakli kameraga ega bo‘lsa...

O‘zbekiston hukumatiga «Migratory Species Champion Plus» («Ko‘chib yuruvchi turlarni asrash bo‘yicha chempion plus») maqomi berildi. Bu haqda Ekologiya va iqlim o‘zgarishi milliy qo‘mitasi ma’lum qildi.

2026-yil 23-mart kuni qo‘mita delegatsiyasi Braziliyaning Kampo-Grande shahrida bo‘lib o‘tgan Yovvoyi hayvonlarning ko‘chib yuruvchi turlarini muhofaza qilish to‘g‘risidagi konvensiya tomonlarining 15-konferensiyasi (CMS COP15) ochilish marosimida ishtirok etdi. Tadbirda davlatlar, xalqaro tashkilotlar va ekspertlar ko‘chib yuruvchi turlarni muhofaza qilish masalalarini muhokama qildi va global hamkorlikni mustahkamlash bo‘yicha birlashdilar.

Ochilish marosimida O‘zbekiston Konvensiyaning amaldagi raisligi doirasida so‘zga chiqib, raislikni rasman Braziliya Federativ Respublikasiga topshirdi. Yalpi majlis davomida O‘zbekiston delegatsiyasi 2024 – 2026-yillar davridagi raisligi natijalari...

Surxondaryo viloyatida o‘zini prokuraturaga aloqador deb tanishtirib, harbiy xizmatga joylashtirishni va’da qilgan shaxs qo‘lga olindi. Bu haqda Bosh prokuratura xabar berdi.

Ma’lumotlarga ko‘ra, fuqaro X.I. o‘zini go‘yoki Departamentda ishlagan deb tanishtirgan. U DXX Chegara qo‘shinlaridagi mansabdorlar bilan aloqasi borligini aytgan. Shu yo‘l bilan u fuqaro M.Q.ni shartnoma asosida harbiy xizmatga joylashtirib qo‘yishni va’da qilgan. Evaziga esa $1 ming talab qilgan.

21-mart kuni o‘tkazilgan tezkor tadbirda X.I. 12,2 mln so‘mni olayotgan vaqtda ashyoviy dalillar bilan ushlangan. Holat yuzasidan Jinoyat kodeksining 168-moddasi va 28, 211-moddalari bilan jinoyat ishi qo‘zg‘atilgan.

Tekshiruv davomida aniqlanishicha, X.I. hech qachon davlat idoralarida ishlamagan.

Eslatib o‘tamiz, Kursiv...

Hyundai Elantra 2027 modelining ilk norasmiy suratlari paydo bo‘ldi. Bu avtomobil P1 bosqichidagi prototip bo‘lib, ishlab chiqarishga yaqinlashganini anglatadi.

P1 bosqichi — model sinovdan o‘tib, endi seriyali ishlab chiqarishga tayyorlanayotganini bildiradi. Bu davrda avtomobil real yo‘llarda tekshiriladi va texnik kamchiliklar aniqlanadi. Yangi Elantra dizayni sezilarli darajada yangilanadi. Kompaniya o‘zining «Sensuous Sportiness» uslubini yanada mukammallashtirmoqda.

Old qismida faralar va radiator panjarasi birlashtirilgan ko‘rinishga ega bo‘ladi. Kunduzgi chiroqlar uzun LED chiziq shaklida bo‘lishi kutilmoqda. Asosiy faralar esa pastroq joylashadi. Yon tomondan qaralganda model retro uslubga yaqinlashadi. Orqa qismida esa 3D effektli yangi yorug‘lik tizimi paydo bo‘ladi.

Salon ham tubdan o‘zgaradi. Avtomobil...

Smart Xitoy bozorida yirik modellari bilan kutilgan natijaga erisha olmayapti. CarNewsChina xabariga ko‘ra, sotilmay qolgan Smart avtomobillari endi katta chegirmalar bilan realizatsiya qilinmoqda.

So‘nggi bir yil ichida brend qariyb 30 mingta avtomobil sotgan. Shundan asosiy ulush kichik Smart #1 modeliga to‘g‘ri kelgan. U umumiy savdoning 64 foizini tashkil etgan. Kattaroq Smart #3 va Smart #5 modellari esa ancha past natija ko‘rsatgan. Ayniqsa, flagman #5 modeliga talab sust bo‘lib qolmoqda.

Ma’lumotlarga ko‘ra, yangi Smart #5 avtomobillari ishlatilgan mashinalar platformalarida sotilmoqda. Ular rasmiy narxdan 100 ming yuanga arzon taklif qilinmoqda.

Masalan, rasmiy narxi 269,9 ming yuan ($39,1 ming) bo‘lgan model...

Forish tumanidagi AES qurilishi doirasida strategik hamkorlik hujjatlari imzolandi va dastlabki beton ishlari boshlandi. Bu haqda Atom energiyasi agentligi ma’lum qildi.

2026-yil 24-mart kuni Toshkent shahrida va Jizzax viloyatining Forish tumanidagi AES qurilish maydonchasida Atom energiyasini rivojlantirish agentligi – «O‘zatom» va Rossiyaning «Rosatom» davlat korporatsiyasi o‘rtasida atom va unga yondosh sohalardagi hamkorlik bo‘yicha kelishuv imzolandi. Hujjatlarni «O‘zatom» direktori Azim Axmedxadjayev va «Rosatom» bosh direktori Aleksey Lixachyov imzoladilar.

«Yo‘l xaritasi» AES qurilishi bosqichlari, yuqori malakali kadrlar tayyorlash, atom energetikasini jamoatchilik tomonidan qabul qilinishini ta’minlash va bo‘lajak atomchilar shaharchasi infratuzilmasini yaratishni o‘z ichiga oladi.

Forish tumanidagi AES qurilish maydonchasida RITM-200N...

25-mart uchun valyutalar kursi yangilandi. Unga ko‘ra, dollar 3,94 so‘mga oshib, 12 196,00 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

16-mart kuni 20,76 so‘mga tushib, 12 081,63 so‘mni qayd etdi. 17-martdan 19-martga qadar o‘sish qayd etildi. Asosan, 17-mart kuni dollar 9,59 so‘mga oshib, 12 091,22 so‘mni, 18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga yetdi.

Oxirgi besh kunlikdagi o‘zgarish

Grafik Chat GPT yordamida tayyorlandi / Kursiv Uzbekistan

Markaziy bank ma’lumotlariga ko‘ra, yevro...

Toshkent va Andijon yo‘nalishidagi ba’zi yo‘lovchi poyezdlari texnik sabablarga ko‘ra vaqtincha qatnovini to‘xtatdi. Bu haqda «O‘ztemiryo‘lyo‘lovchi» AJ ma’lum qildi.

Joriy yilning 29-mart kuni 734-sonli «Toshkent — Andijon» yo‘lovchi poyezdi harakati bekor qilinadi. Shuningdek, 30-mart kuni 733-sonli «Andijon — Toshkent», 730/729-sonli «Toshkent — Andijon — Toshkent», 92-sonli «Toshkent — Andijon» hamda 94-sonli «Toshkent — Andijon» yo‘nalishlaridagi poyezdlar qatnovi ham amalga oshmaydi.

Biroq ayrim yo‘nalishlardagi poyezdlar belgilangan tartibda harakatlanadi. 29-mart kuni 126/125-sonli «Xiva — Andijon» poyezdi Xiva bekatidan Toshkent Janubiy bekatigacha amaldagi jadval bo‘yicha qatnovni davom ettiradi.

30 va 31-mart kunlari 125/126-sonli «Andijon — Xiva» poyezdi Toshkent Janubiy bekatidan Xiva...

O‘zbekistonda davlat raqam belgilarini tanlash va xarid qilish jarayonini raqamlashtirish maqsadida yangi «AvtoRaqam» mobil ilovasi ishga tushirildi. Bu haqda YHXX matbuot kotibi Zoyir Yo‘ldoshov ma’lum qildi.

Mazkur ilova orqali foydalanuvchilar chiroyli kombinatsiyaga ega davlat raqam belgilarini tanlab, xarid qilishi mumkin. Oddiy davlat raqam belgilarini esa «Random» tizimi orqali tasodifiy tanlash yo‘li bilan olish imkoniyati saqlanib qolgan.

Tizimda har ikki holatda ham inson omili maksimal darajada cheklangan bo‘lib, barcha raqamlar elektron dasturlar orqali taqdim etiladi. Bu esa jarayonning shaffofligi va adolatli tashkil etilishini ta’minlaydi.

«AvtoRaqam» ilovasidan jismoniy va yuridik shaxslar, shuningdek, fuqaroligi bo‘lmagan shaxslar ham foydalanishi mumkin. Foydalanuvchilar real...

O‘zbekistonda eng ko‘p tanlanadigan avtomobillar orasida Chevrolet Cobalt va Tracker alohida o‘rin egallaydi. Ular turli segmentga mansub bo‘lsa-da, ko‘pincha xaridorlar aynan shu ikki model o‘rtasida tanlov qiladi. Quyida ularning asosiy farqlari va qaysi holatda qaysi biri yaxshiroq ekanini ko‘rib chiqamiz.

Dizayn va kuzov

Cobalt klassik sedan hisoblanib, uning dizayni oddiy va amaliy qilib ishlangan. Tracker esa krossover bo‘lib, balandroq kuzov va zamonaviy ko‘rinishga ega. Shahar va yomon yo‘llarda Tracker qulayroq, lekin Cobalt ham soddaligi bilan ajralib turadi.

Narx va xarajatlar

Cobaltning asosiy ustunligi uning arzonligidir. Bu model boshlang‘ich segmentga mansub bo‘lib, xarid va xizmat xarajatlari ham...

Migratsiya agentligi hamda Yaponiyaning «Proud Partners» kompaniyasi hamkorligida tashkil etilayotgan loyiha doirasida yuk yetkazib beruvchi haydovchilar uchun 200 ta ish o‘rni ajratildi. Bu haqda agentlik matbuot xizmati ma’lum qildi.

Mazkur dasturda ishtirok etish uchun asosiy talablardan biri — 2026-yil aprel oyidan boshlab Toshkent viloyatining Angren shahrida tashkil etiladigan 8 oylik bepul o‘quv kurslarida qatnashishga tayyor bo‘lish. Tinglovchilar kurs davomida bepul yotoqxona bilan ta’minlanadi.

Tanlov 2026-yil 30-martdan 3-aprelga qadar onlayn suhbat shaklida o‘tkaziladi va uni «Proud Partners» kompaniyasi amalga oshiradi. Nomzodlar 21 yoshdan 35 yoshgacha bo‘lishi, shuningdek BC toifadagi haydovchilik guvohnomasiga ega bo‘lishi talab etiladi. Bunda C toifa olinganiga...