Yangiliklar

Geely tarkibidagi Lotus kompaniyasi yangi Lotus For Me modelini rasman namoyish etdi. Bu haqda CarNewsChina xabar bermoqda.

Modelning bozorga chiqishi 2026-yilning birinchi choragiga rejalashtirilgan. For Me tashqi dizayni Eletre bilan bir xil uslubda ishlangan. Krossoverning uzunligi 5 103 mm, eni 2 019 mm, balandligi esa 1 636 mmni tashkil etadi. G‘ildirak bazasi 3 019 mm. Kenglik va balandlik nisbati 1,24 bo‘lib, bu ko‘rsatkich ham Eletre bilan mos keladi. Avtomobil Pirelli P Zero 5 LTS shinalari va Brembo‘ning olti porshenli old tormoz supportlari bilan jihozlangan. Tormoz masofasi 33,9 metrni tashkil etadi. Orqa qismda faol spoyler o‘rnatilgan.

Rasmiy hujjatlarga ko‘ra, model...

Xiaomi hali global taqdimotni o‘tkazmagan bo‘lsa-da, Redmi Note 15 smartfonlari allaqachon Yevropa bozorida sotuvga chiqarildi. Bu haqda GSMArena xabar bermoqda.

Yevropaning bir qator savdo do‘konlari va mobil operatorlari Redmi Note 15 Pro 4G, Redmi Note 15 hamda Redmi Note 15 Pro modellari uchun narxlar va texnik tavsiflarni saytlarga joylashtirdi. Xaridorlar qurilmalarni rasmiy taqdimot bo‘lmasdan turib ham xarid qilishi mumkin.

Italiyada Redmi Note 15 Pro 4G modeli 289 yevrodan taklif etilmoqda. Bu 8 GB tezkor xotira va 256 GB ichki xotiraga ega versiya hisoblanadi. Smartfon 6,77 dyuymli OLED displey bilan jihozlangan bo‘lib, FHD+ aniqlik va 120 Hz yangilanish chastotasini qo‘llab-quvvatlaydi...

Markaziy bank 9-dekabr holatiga Humans mobil ilovasi orqali «Octagram» AJ tomonidan olib borilayotgan barcha to‘lov xizmatlari vaqtincha to‘xtatilganini ma’lum qildi.

Regulyatorga ko‘ra, 8-dekabr kuni ertalab fuqarolar Humans ilovasi orqali mablag‘lar yechib olingani haqida murojaatlar bildirgan. Shundan so‘ng Markaziy bank Octagram bilan bog‘lanib, xavfsizlikni ta’minlash maqsadida P2P operatsiyalarini to‘xtatish bo‘yicha ko‘rsatma berdi. 9-dekabr holatiga ko‘ra, Humans ilovasi orqali Octagram tomonidan amalga oshiriladigan barcha to‘lov xizmatlari vaqtincha to‘xtatildi.

Ayni paytda holat bo‘yicha tezkor tekshiruv olib borilmoqda. Shubhali tranzaksiyalar, texnik jarayonlar va platformalar o‘rtasidagi hamkorlik to‘liq o‘rganilmoqda.

Markaziy bank Uzcard va Humo kartalari odatdagi tartibda ishlayotgani, to‘lovlar uchun boshqa ilovalardan foydalanish...

O‘zbekistonda Telegram messenjeri ichiga integratsiya qilingan xalqaro kripto hamyon Wallet ishga rasman tushirildi. Foydalanuvchilar endilikda mahalliy to‘lov tizimlari yordamida kriptovalyuta xarid qilish va sotish imkoniga ega bo‘ldi.

Wallet bevosita Telegram interfeysiga o‘rnatilgan bo‘lib, alohida ilova yuklab olishni talab etmaydi. Xizmat Bitcoin, Toncoin, USDT va yana 200 dan ortiq tokenlarni qo‘llab-quvvatlaydi. O‘zbekistonda ushbu loyihaning texnologik hamkori Asterium kompaniyasi hisoblanadi. Foydalanuvchilar Humo, Visa va Mastercard kartalari orqali vositachilarsiz kripto aktivlarni boshqarishi mumkin.

«Asterium’ning missiyasi – kripto aktivlar bilan ishlashni har bir odam uchun oson va qulay qilish. Wallet bizning mahsulotlarga bo‘lgan yondashuvimizga to‘liq mos keladi. U qulay, shaffof...

2026-yilda taqdim etiladigan iPhone 18 Samsung’ning bukiladigan telefonlaridagi kabi ekranosti old kamera texnologiyasini qabul qilishi mumkin. Gizmochina’ga ko‘ra, Apple ekran osti 3D texnologiyasini sinab ko‘rmoqda. Bu texnologiya yordamida Face ID elementlari ekranda ko‘rinmaydi.

Bu yangilik birinchi marta tilga olinayotgani yo‘q. Avval ham iPhone 18’da ekran osti Face ID bo‘lishi haqida xabarlar chiqqandi. Bloomberg nashri Mark Gurmanning hisobotiga ko‘ra, bu texnologiya Dynamic Island uchun hozirgi qalin kesmani kichraytirishga yordam beradi.

Ekranosti kamera boshqa kompaniyalarda ham sinab ko‘rilgan. Samsung Galaxy Z Fold 3’da bu texnologiyani qo‘llagan, ammo surat sifati ancha pasayib ketgani uchun keyingi modellarda yana odatiy kameraga qaytdi. Ba’zi...

Samsung Xitoy bozorida Samsung Galaxy Z TriFold uchun oldindan buyurtmalarni qabul qilishni boshladi. Savdo rasmiy tarzda 12-dekabr kuni start oladi.

Smartfon 16 GB tezkor xotira va 512 GB xotirali talqinda 19 999 yuan bahosida taklif etilmoqda, bu taxminan $2,8 mingga teng. 1 TB xotiraga ega versiya esa 21 999 yuan etib belgilangan bo‘lib, qiymati $3,1 ming atrofida baholanmoqda. Qurilma faqat qora rangda sotiladi va ushbu narx segmentida Huawei Mate XT bilan raqobatlashadi.

Galaxy Z TriFold’ning asosiy jihati – ikki marta buklana oladigan konstruktsiya hisoblanadi. Smartfon 10 dyuymli Dynamic AMOLED asosiy displeyga ega bo‘lib, 120 Hz yangilanish chastotasi hamda...

Yaponiya hukumati Markaziy Osiyoning besh davlati bilan Tokioda sammit o‘tkazish ustida ish olib bormoqda. Bu haqda Nippon ma’lum qildi.

Yaponiyaning hukmron Liberal-demokratik partiyasi (LDP) vitse-prezidenti Taro Aso ushbu rejalarni partiyaning Yaponiya va Osiyo davlatlari o‘rtasidagi do‘stlikni targ‘ib qiluvchi deputatlar yig‘ilishida e’lon qildi. Rejaga ko‘ra, tadbir davomida Yaponiya Bosh vaziri Sanae Takaichi va Markaziy Osiyo davlatlari rahbarlari o‘rtasida alohida ikki tomonlama uchrashuvlar o‘tkazilishi ham ko‘rib chiqilmoqda.

«So‘nggi olti oy ichida Rossiya, Xitoy, AQSh va boshqa davlatlar Markaziy Osiyo davlatlari bilan sammitlar o‘tkazdi. Yaponiyaning ham bunday sammitlarni muvaffaqiyatli o‘tkazishi diplomatik nuqtayi nazardan o‘ta muhimdir», – dedi Aso...

Kia o‘zining 80 yilligini nishonlash doirasida yangi Vision Meta Turismo konseptini namoyish etdi. Yongin shahridagi Kia Vision Square markazida namoyish qilingan ushbu sport sedan konsepti kelajakdagi EV8 modelining dastlabki ko‘rinishi bo‘lishi aytilmoqda. Model dizayni shu qadar g‘ayrioddiyki, rasm emas, sun’iy intellekt yaratgan tasvirday ko‘rinadi.

Mashina torpedo shaklidagi uzun kuzov, old oynani kesib o‘tadigan rakursli shamol oynasi, tutqichsiz eshiklar, juda ingichka faralar va oynalar o‘rniga kameralar bilan ajralib turadi. Orqa chiroqlari esa hozirgi Kia modellarini eslatadi.

Salon esa lounge uslubida yaratilgan, ya’ni orqa va old o‘rindiqlar keng, shift esa to‘liq shisha bo‘lib, ichkariga yanada kenglik beradi. Markazda yoke-uslubdagi rul...

Yevrokomissiya Mars korporatsiyasiga Pringles chipslari va Cheez-It krakerlarini ishlab chiqaruvchi Kellanova kompaniyasini sotib olish bo‘yicha bitimni ma’qulladi. Kelishuv qiymati $35,9 mlrdni tashkil etadi. Bu haqda Reuters xabar berdi.

Komissiya tekshiruv yakunlariga ko‘ra, ushbu bitim Yevropa bozorida raqobat muhitiga salbiy ta’sir ko‘rsatmasligini bildirgan va kelishuvga ruxsat bergan. OAV ma’lumotiga ko‘ra, Mars xarid jarayonini 11-dekabr kuni yakunlashni rejalashtirmoqda.

Mars Snacking prezidenti Endryu Klark bitim kompaniya brendlar portfelini sezilarli darajada kengaytirishini ta’kidladi. Uning so‘zlariga ko‘ra, Pringles va Cheez-It’ning qo‘shilishi Mars’ning gazak mahsulotlari segmentidagi mavqeyini yanada mustahkamlaydi.

Mars AQShda 1911-yilda tashkil etilgan yirik xususiy xalqaro korporatsiya hisoblanadi. U Mars, Snickers, Twix, M&M’s kabi...

AQSh prezidenti Donald Tramp ma’muriyati muhojirlar, boshpana so‘raganlar va boshqa migrantlar uchun ishlash ruxsatlarining amal qilish muddatini besh yildan 18 oygacha qisqartirdi. Bu haqda France24 nashri ma’lum qildi.

AQSh Fuqarolik va immigratsiya xizmati (USCIS) direktori Jozef Edlou bayonotiga ko‘ra, qaror 26-noyabr kuni Vashingtonda milliy gvardiya a’zolari otib o‘ldirilgan voqeadan keyin jamoat xavfsizligini ta’minlash maqsadida qabul qilindi.

Yangi tartib boshpana olgan migrantlar, boshpana so‘raganlar va deportatsiyasi to‘xtatilgan shaxslarga tatbiq etiladi. Shu bilan birga, joriy haftada Tramp ma’muriyati 19 ta davlat fuqarolari uchun immigratsiya arizalarini to‘xtatdi. Ushbu mamlakatlar qatoriga Afg‘oniston, Somali, Myanma, Chad, Kongo Respublikasi, Ekvatorial Gvineya, Eritreya...

Kuchli ta’sir qiluvchi dori vositalarini biologik faol qo‘shimcha qadog‘ida sotmoqchi bo‘lgan shaxs qo‘lga olindi. Bu haqda Davlat xavfsizlik xizmati (DXX) xabar berdi.

Unga ko‘ra, toshkentlik fuqaroning Uchtepada joylashgan uyi ko‘zdan kechirilganda, uyidan 1,8 ming dona «Regapen» nomli kuchli ta’sir qiluvchi dori vositasi topildi va rasmiy tartibda musodara qilindi.

Aniqlanishicha, tarkibida yuqori miqdorda pregabalin moddasi mavjud bo‘lgan bu psixotrop dorilar biologik faol qo‘shimcha (BFQ) idishlariga joylab, keyinchalik dorixonalarda yashirincha sotish rejalashtirilgan.

DXX hozirda mazkur shaxsga nisbatan jinoyat ishi qo‘zg‘atilib, qamoq ehtiyot chorasi qo‘llanilganini ma’lum qildi.

Avvalroq Toshkent viloyatida ham ikki fuqaro «Regapen» dori vositasi bilan qo‘lga tushgandi. Tezkor...

Raqobatni rivojlantirish va iste’molchilar huquqlarini himoya qilish qo‘mitasi tomonidan qimor va tavakkalchilikka asoslangan o‘yinlarni targ‘ib qiluvchi 70 ga yaqin veb-sayt bloklandi. Bu haqda qo‘mita matbuot xizmati ma’lum qildi.

Unga ko‘ra, joriy yilda bukmekerlik xizmatlarini targ‘ib qiluvchi 86 ta veb-saytlar haqida tegishli nazorat organiga ma’lumotlar kiritildi. Shundan 70 ga yaqin sayt qimor va tavakkalchilikka asoslangan o‘yinlarning tarqalishini oldini olish maqsadida belgilangan tartibda bloklandi.

Ma’lumot uchun, O‘zbekiston Respublikasi «Reklama to‘g‘risida»gi Qonunining 46-moddasiga muvofiq, qimor o‘yinlari va tavakkalchilikka asoslangan boshqa o‘yinlarning reklamasi taqiqlanadi.

Eslatib o‘tamiz, avvalroq Raqobat qo‘mitasi tomonidan «Iste’molchi murojaati» nomli yangi elektron tizim yaratilgani haqida xabar bergan...

2026-yil mart oyida jamoatchilikka rasmiy ochilishi rejalashtirilgan O‘zbekistondagi yangi Islom sivilizatsiyasi markazi nufuzli xalqaro Prix Avicenne 2025 mukofotiga sazovor bo‘ldi. Bu haqda PRN nashri ma’lum qildi.

Unga ko‘ra, mukofot Fransiya milliy tibbiyot akademiyasida yetakchi olimlar, tibbiyot tarixchilari, sharqshunoslar, islom merosi mutaxassislari va Yevropa madaniyat muassasalari vakillari ishtirokida topshirildi.

Islom Sivilizatsiyasi markazi Abu Ali ibn Sinoning noyob qo‘lyozmalarini qayta tiklash, tibbiyot risolalarini tadqiq etish va xalqaro konferensiyalarni tashkil qilish bilan shug‘ullanib kelmoqda. Markaz Toshkentning tarixiy hududida, Hazrati Imom masjidi yonida joylashgan bo‘lib, uch qavatli binoning markaziy gumbazi 65 metr balandlikda. Bino markazida UNESCO Jahon xotirasi ro‘yxatiga kiritilgan dunyoning eng...

1 – 5-dekabr kunlari O‘zbekistonda AQSh dollarining rasmiy kursida ketma-ket tebranishlar kuzatildi. «Kursiv» nashri dollar valyutasining hafta davomidagi o‘zgarishi haqidagi maqolasini e’lon qiladi.

Hafta boshida dollar ko‘tarilishdan start oldi. 1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr...

«O‘zgidromet» mutaxassislari rasmiy va xususiy havo sifati datchiklari orasidagi katta tafovut sababini tushuntirdi.

O‘rganishlar natijasiga ko‘ra, ko‘plab tashkilotlar hamda fuqarolar tomonidan qurilmalar o‘rnatish standartlari va yo‘riqnoma talablariga muvofiq o‘rnatilmagani, natijada ko‘rsatkichlar xatoliklar bilan aks etayotgani aniqlandi.

Noto‘g‘ri o‘rnatilgan datchiklar esa havo sifati bo‘yicha to‘g‘ri tasavvur shakllantirishga xalal berib, aholiga taqdim etilayotgan ma’lumotlarning sifatiga ta’sir qilgan. Shu bois «O‘zgidromet» o‘rganishlar davomida datchik egalari uchun qurilmalarni to‘g‘ri o‘rnatish bo‘yicha tavsiyalar berdi.

Bundan tashqari, Maxsus komissiya Air Tashkent tizimi faqat sertifikatlangan davlat stansiyalari ma’lumotlaridan foydalangani uchun uning ko‘rsatkichlari IQAir kabi xususiy platformalardan farq qilishi mumkinligini qo‘shimcha qildi.

Air Tashkent’ning...

Kelasi yildan respublikaning 33 ta tuman va shaharda kadrlar rоtatsiyasi tizimi yo‘lga qo‘yiladi. Bu haqda Adliya vazirligi xabar berdi.

Shuningdek, 2026-yil 1-yanvardan boshlab «Yangi O‘zbekiston» qiyofasidagi tuman (shahar) maqomiga ega bo‘lgan 33 ta hudud hokimliklarida natijaga asoslangan boshqaruv tizimi sinov tariqasida yo‘lga qo‘yiladi.

Boshqaruv samaradorligi agentligi davlat organlari faoliyati bo‘yicha maqsadli ko‘rsatkichlarni shakllantiradi, ularni tasdiqlashni taklif qiladi hamda samaradorlik.gov.uz platformasi orqali ijroni baholab boradi. Shuningdek, kadrlar salohiyatini rivojlantirish, tanlov jarayonlariga zamonaviy yondashuvlarni joriy etish ham agentlik vakolatiga kiradi.

Shu bilan birga, farmon asosida davlat organlari faoliyati besh bosqichli tizimga – konstitutsiyaviy darajadan tortib mahalla darajasigacha ajratildi. 2026-yildan...

Chery kompaniyasi HBIS Group bilan hamkorlikda 2400 MPa mustahkamlikka ega bo‘lgan issiq qolipda shakllantiriladigan o‘ta mustahkam po‘lat plastinani ishlab chiqdi. Ushbu ko‘rsatkich hozirgacha rekord bo‘lib turgan Xiaomi YU7 avtomobilida qo‘llangan 2200 MPa po‘latdan yuqori.

Ma’lum qilinishicha, issiq qolipda shakllantiriladigan po‘lat zamonaviy avtomobillarning xavfsizlik karkasi uchun asosiy material hisoblanadi. U A va B ustunlarida, eshiklarning zarbaga qarshi nurlarida, eshik karkas halqalarida va polning ko‘ndalang balkalarida keng qo‘llanadi. Aynan ushbu detallar yo‘lovchilarni to‘qnashuv vaqtida himoyalashda muhim rol o‘ynaydi.

Avval avtomobil sanoatida odatda 1300 – 1800 MPa mustahkamlikdagi po‘lat ishlatilgan. Mustahkamlikni oshirish ayni paytda qattiqlik, barqarorlik va shakllantirish qulayligini saqlab qolish muammosi...

Germaniya poytaxti Berlinda O‘zbekiston mahsulotlarini targ‘ib etishga qaratilgan «UZ Trade House Germany GmbH» savdo uyi rasman ochildi. Bu haqda «Dunyo» AA ma’lum qildi.

Savdo uyi Berlin markazida, Brandenburger Tor yonidagi «Adlon» mehmonxonasi binosida faoliyat yuritadi. U yerda O‘zbekiston to‘qimachilik, qishloq xo‘jaligi, oziq-ovqat, elektrotexnika va boshqa sanoat tarmoqlarining eksportbop mahsulotlari doimiy ravishda namoyish etiladi.

O‘zbekiston elchisi Dilshod Axatov savdo uyiga O‘zbekiston Savdo-sanoat palatasining Germaniyadagi rasmiy hamkori maqomi berilganini ta’kidladi. U nemis tadbirkorlariga minnatdorlik bildirib, yangi platforma Germaniya bozorida yurtimizda ishlab chiqarilgan mahsulot va xomashyo eksportini kengaytirishga xizmat qilishini qayd etdi.

Shuningdek, Germaniya Bundestagi deputati Saskia Lyudvig, savdo uyi rahbari...

Vivo S50’ning rasmiy taqdimoti 15-dekabr kuni Xitoyda bo‘lib o‘tadi. Bu haqda ITHome nashri xabar berdi.

Smartfon tashqi ko‘rinishidan mustahkam, aviatsiya alyuminiydan tayyorlangan ramkaga ega. Qurilma 6,59 dyuymli tekis OLED ekrani, 1,5K o‘tkir tasviri va juda ingichka ramkasi bilan ajralib turadi.

Og‘irlik markazining 1:1 tarzda taqsimlanishi esa uni qo‘lda ushlaganda yanada qulay qiladi. Qadoqda quvvat bloki, kabel va himoya g‘ilof bor, biroq zaryadlovchi USB-C emas, USB-A portiga ega.

Asosiy texnik jihatlar ham oshkor bo‘lgan. Vivo S50’ga Snapdragon 8s Gen 3 protsessori o‘rnatiladi va u 12/256, 16/256, 12/512 hamda 16/512 gigabaytlik to‘rtta xotira variantida taqdim etiladi. Orqa kamera tizimida ikkita...

2025-yil 1-oktabr holatiga O‘zbekistonda jismoniy shaxslarga tegishli 4,7 mln avtomobil ro‘yxatdan o‘tgan. Milliy statistika qo‘mitasiga ko‘ra, bu ko‘rsatkich o‘tgan yilga nisbatan 415,3 mingga (+9,6%) ortgan.

Ular orasida eng katta ulushni yengil avtomobillar tashkil etib, ularning ulushi umumiy sonning qariyb 93 foizini tashkil qiladi.

Bunda transport vositalari turlari bo‘yicha 4,4 mln yengil avtomobillar, 312,7 ming yuk mashinalari, 7,5 ming mikroavtobuslar, 7,3 ming maxsus transport vositalari va 6 ming avtobuslarni tashkil etadi.

Avvalroq Toshkentda transport boshqaruvini takomillashtirish bo‘yicha yangi tizim joriy etilishi xabar qilingandi. Unga ko‘ra, aholi va transport vositalari ko‘payishi natijasida yo‘l infratuzilmasiga yuklama kuchaydi. Asosiy yo‘laklarda tirbandlik...

Banklar 9-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.

OnePlus kompaniyasi 17-dekabr kuni bo‘lib o‘tadigan global taqdimot oldidan Pad Go 2 plansheti haqidagi yangi tafsilotlarni oshkor qildi. Yangilik katta ekran va stilus qo‘llab-quvvatlashi bilan e’tiborni tortmoqda.

Qurilma 12 dyuymli ekran bilan jihozlanadi. Panelning aniqligi 2800×1980 pikselni tashkil etadi. Yorqinligi 900 kdgacha yetadi. Rang qamrovi DCI-P3 bo‘yicha 98% ni tashkil qiladi. Yangilanish chastotasi rasman ko‘rsatilmagan, biroq 120 Hz bo‘lishi kutilmoqda.

Pad Go 2 Stylo nomli stilusni qo‘llab-quvvatlaydi. Stilus alohida sotilishi mumkin. To‘plamga kiritilishi hozircha tasdiqlanmagan.

Planshet MediaTek Dimensity 7300 Ultra protsessori asosida ishlaydi. Qurilma 10 050 mA/soat sig‘imli akkumulyatorga ega bo‘ladi. Quvvatlash 33 Vt tezkor quvvatlash orqali amalga oshiriladi...

Apple kompaniyasi Apple Fitness+ sport servisining 28 ta yangi mamlakatda ishga tushirilishini e’lon qildi. Bu haqda kompaniya saytida ma’lum qilindi. Servis tarixidagi eng yirik kengayish bo‘lib, endi Fitness+ jami 49 davlatda mavjud bo‘ladi.

Yangi qo‘shilayotgan davlatlar qatoriga Chili, Gonkong, Hindiston, Niderlandiya, Singapur va Tayvan kiradi. Ushbu mamlakatlarda xizmat 15-dekabrdan boshlab ishlay boshlaydi. Yaponiya bozoriga esa servis 2026-yil boshida kirib borishi rejalashtirilgan.

Kengayish doirasida Fitness+ trenirovka va meditatsiya mashg‘ulotlari uchun yangi ovozli tarjima imkoniyatlarini ham joriy etmoqda. Endi mashg‘ulotlar ispan va nemis tillarida, kelgusi yilda esa yapon tilida ham tinglash imkoniyati bilan taqdim qilinadi. Barcha ushbu ovozlar sun’iy intellekt yordamida...

Honor kompaniyasi Robot Phone smartfonini 2026-yil mart oyida bo‘lib o‘tadigan MWC 2026 ko‘rgazmasida rasman taqdim etishga hozirlanmoqda. Bu haqda GSMArena nashri ma’lum qildi.

Unga ko‘ra, smartfonning ommaviy ishlab chiqarishi ham kelasi yilning birinchi yarmida boshlanadi.

Ayni paytda global sotuvlar rejalashtirilganmi yoki qurilma faqat Xitoy bozoriga yo‘naltiriladimi noma’lum. Biroq kompaniya ushbu noodatiy loyihani tijoriy mahsulotga aylantirishga qat’iy kirishgani aniq.

Asosiy yangilik — robotlashtirilgan bosh-kamera

Honor Robot Phone’ning eng ajralib turadigan jihati – bu korpusdan ko‘tarilib chiqadigan va mexanik stabilizatorga o‘rnatilgan kamera moduli. Dizayni jihatdan u DJI Osmo Pocket singari miniatyura videostabilizatorlarni eslatadi. Kamera ko‘tarilganda smartfonning boshiga o‘xshab qoladi.