Yangiliklar

Eron global savdo yo‘llarining eng muhim nuqtalaridan biri hisoblangan Hormuz bo‘g‘ozi ustidan nazoratni kuchaytirish maqsadida yangi moliyaviy choralarni ishga tushirdi. Bu haqda Fox News xabar berdi.

Unga ko‘ra, ayrim tanker va yirik kemalardan bo‘g‘oz orqali o‘tish uchun $2 milliongacha tranzit to‘lovi undirilmoqda. Bu amaliyot allaqachon joriy etilgani aytilmoqda.

Eron parlamenti vakillaridan biri bo‘lgan Aloviddin Borujerdi bu qarorni mamlakat suverenitetini mustahkamlash va xavfsizlikni ta’minlash bilan izohladi. Uning ta’kidlashicha, «urush sharoitida xarajatlar ortadi va strategik hududlardan foydalanish bepul bo‘lishi mumkin emas».

Mazkur choralar so‘nggi yillarda keskinlashib borayotgan geosiyosiy vaziyat fonida qabul qilinayotgani qayd etilmoqda. Bu qaror xalqaro savdo yo‘nalishlari, ayniqsa, neft...

Shavkat Mirziyoyevga taqdim etilgan yangi ekologik loyihalar doirasida Toshkent va unga tutash hududlarda issiqxona faoliyatini tartibga solish bo‘yicha muhim o‘zgarishlar rejalashtirilmoqda. Bu haqda prezident matbuot xizmati xabar berdi.

Unga ko‘ra, 2026-yil 1-oktabrdan boshlab poytaxt va uning atrofida yangi issiqxona tashkil etish cheklanadi. Bu tashabbus hududda havoning ifloslanish darajasi yuqori bo‘lib qolayotgani bilan izohlanmoqda.

Ma’lumot uchun, issiqxonalarning bir qismi isitish uchun ko‘mir, mazut va boshqa nostandart yoqilg‘ilardan foydalanadi. Natijada atmosfera havosiga zararli moddalar – azot va oltingugurt oksidlari hamda mayda chang zarrachalari chiqarilib, bu umumiy ekologik vaziyatga salbiy ta’sir ko‘rsatmoqda.

Shuningdek, Toshkent hududida quyosh nurlanishi darajasi boshqa viloyatlarga nisbatan pastligi...

Shavkat Mirziyoyev 23-mart kuni ekologiya va atrof-muhitni muhofaza qilish yo‘nalishida 2026 – 2030-yillarga mo‘ljallangan ustuvor umummilliy loyihalar taqdimoti bilan tanishdi. Bu haqda prezident matbuot xizmati xabar berdi.

Taqdimotda atmosfera havosining sifatini yaxshilash, yashil hududlarni kengaytirish, ekologik madaniyatni oshirish hamda cho‘llanishga qarshi kurashni kuchaytirishga qaratilgan tashabbuslar muhokama qilindi. Asosiy e’tibor esa «Toza havo» loyihasiga qaratildi.

Qayd etilishicha, ayni paytda Toshkent shahrida havo ifloslanishi ba’zi kunlarda me’yorlardan oshib ketmoqda. Shunga o‘xshash holatlar Navoiy, Farg‘ona, Chirchiq va Termiz shaharlarida ham kuzatilmoqda. Bunga sanoatning kengayishi, transport vositalari sonining ortishi va yoqilg‘idan foydalanish darajasining yuqoriligi sabab bo‘layotgani ta’kidlandi.

Rejalarga ko‘ra, 2030-yilgacha:

Turkiyaning Izmir shahrida yuz bergan baxtsiz hodisa oqibatida o‘zbekistonlik yosh ayol hayotdan ko‘z yumdi. Bu haqda O‘zbekistonning Istanbuldagi Bosh konsulxonasi ma’lum qildi.

Ma’lum qilinishicha, 22 yoshli Sevdora Hakimjonova 17-mart kuni ko‘p qavatli uy yuqorisidan qulab tushgan va og‘ir ahvolda shifoxonaga olib borilgan. Shifokorlar bir necha kun davomida uning hayoti uchun kurashgan bo‘lsa-da, ko‘rilgan choralar natija bermagan.

Diplomatik vakolatxona hozirda marhumaning jasadini O‘zbekistonga qaytarish bilan bog‘liq tashkiliy ishlarni olib bormoqda. Rejaga ko‘ra, u Istanbuldan Andijonga amalga oshiriladigan aviareys orqali yurtga olib kelinadi.

Dastlabki ma’lumotlarga ko‘ra, marhuma Turkiya fuqarosi bilan oila qurgan bo‘lib, ular Namangan viloyatining Chust tumanida shar’iy nikohdan...

O‘zbekistonliklar uchun AQSh va Koreyada ish, ilk sovrinini qo‘lga kiritgan Husanov — 23-mart kuni e’lon qilingan yangiliklar Kursiv Uzbekistan dayjestida.

O‘zbekistonliklar uchun AQShda mavsumiy ish ochiladi

O‘zbekistonliklar uchun AQShda mavsumiy ish imkoniyati ochilishi mumkin. Bu haqda Migratsiya agentligi xabar bermoqda. Agentlik rahbari Behzod Musayev AQShning USA Farm Labor tashkiloti rahbari Manuel Fick bilan muzokara o‘tkazgan.

Ma’lum qilinishicha, ushbu tashkilot 22 yildan buyon H-2A dasturi doirasida AQSh qishloq xo‘jaligida mavsumiy ishlar uchun xorijiy ishchilarni jalb qilib kelmoqda. Hozirda u Shimoliy Amerikada 1,4 mingdan ortiq fermer xo‘jaliklari va rancholar bilan hamkorlik qiladi.

Janubiy Koreya yo‘l qurilish mutaxassislarini ishga taklif qilmoqda

Janubiy Koreyada yo‘l...

Xitoyda Saic Z7 va Saic Z7T modellari uchun oldindan buyurtmalar boshlandi. Yangi elektrokarlar Huawei va SAIC hamkorligida ishlab chiqilgan bo‘lib, yuqori texnologiyalar va katta yurish zaxirasi bilan ajralib turadi.

Modelning asosiy xususiyatlaridan biri — 896-qatorli LiDAR sensori bilan jihozlangan Huawei ADS 4.1 haydovchiga yordam tizimi hisoblanadi. Ushbu tizim tungi sharoitda ham 120 metrdan ortiq masofada kichik to‘siqlarni aniqlay oladi.

Z7 va Z7T tashqi ko‘rinishida sport uslubini aks ettiradi. Dizaynda Porsche Taycan modelidan ilhom olingan. Ikkala avtomobil ham 5 metrga yaqin uzunlikka ega bo‘lib, aerodinamik kuzov, yashirin eshik tutqichlari va yagona orqa chiroq paneli bilan jihozlangan. Shooting brake formatidagi Z7T...

O‘zbekistonliklar uchun AQShda mavsumiy ish imkoniyati ochilishi mumkin. Bu haqda Migratsiya agentligi xabar bermoqda. Agentlik rahbari Behzod Musayev AQShning USA Farm Labor tashkiloti rahbari Manuel Fick bilan muzokara o‘tkazgan.

Ma’lum qilinishicha, ushbu tashkilot 22 yildan buyon H-2A dasturi doirasida AQSh qishloq xo‘jaligida mavsumiy ishlar uchun xorijiy ishchilarni jalb qilib kelmoqda. Hozirda u Shimoliy Amerikada 1,4 mingdan ortiq fermer xo‘jaliklari va rancholar bilan hamkorlik qiladi.

Onlayn formatda o‘tgan uchrashuvda o‘zbekistonlik nomzodlarni ilk bor AQShdagi mavsumiy ishlarga jalb qilish tartiblari muhokama qilindi. Dastur doirasida ish muddati 9-10 oy etib belgilanishi, o‘rtacha oylik $3,5 ming bo‘lishi kutilmoqda. Turarjoy ish beruvchi hisobidan ta’minlanadi...

Xitoyda Aito M6 modelining oldindan savdosi boshlandi. Bu haqda CarNewsChina nashri xabar bermoqda.

Model ikki xil versiyada taklif qilinmoqda. EREV varianti 269,8 ming yuan, ya’ni taxminan $39,1 mingdan boshlanadi. To‘liq elektr versiya esa 289,8 ming yuan yoki $42 mingdan start oladi. Elektromobil versiyasi gibridga qaraganda qariyb $3 ming qimmatroq qiymatga ega.

Yangi Aito M6 dizayni kompaniyaning boshqa modellari — M7, M8 va M9’dan farq qiladi. Old qismida «yulduzsimon» faralar qo‘llanilgan bo‘lib, ular olmosga o‘xshash effekt beradi. Aerodinamikani yaxshilash uchun faralar ostiga havo kanallari joylashtirilgan.

Avtomobil o‘lchamlari 4960 mm uzunlik, 1985 mm kenglik va 1736 mm balandlikni tashkil etadi. G‘ildirak...

Janubiy Koreyada yo‘l qurilish sohasida ishlashni istagan mutaxassislar uchun yangi ish o‘rinlari e’lon qilindi. Ishlar E-7-1 vizasi asosida Seul shahrida taklif etilmoqda.

Loyiha doirasida 50 ta ish o‘rni ochilgan. Taklif etilayotgan lavozimlar qatoriga yo‘l qurilish ustalari, payvandchilar, elektriklar, ekskavator va maxsus texnika mashinistlari kiradi. Nomzodlar bilan bir yillik mehnat shartnomasi tuziladi. Ish sifatiga qarab uni 3 yilgacha uzaytirish imkoniyati mavjud. Oylik maosh $2 ming etib belgilangan.

Ish beruvchi tomonidan turarjoy bepul ta’minlanadi. Biroq viza va aviachipta xarajatlari nomzod hisobidan qoplanadi. Talabgorlar 20 – 39 yosh oralig‘ida bo‘lishi, jismonan sog‘lom va kamida 3 yillik ish tajribasiga ega bo‘lishi kerak. Shuningdek...

General Motors (GM) yangi Buick Enclave avtomobili uchun chegirma e’lon qildi. Bu haqda GMAutority nashri xabar bermoqda.

Ma’lumotlarga ko‘ra, yangi Enclave uchun 0,9 foizli kredit stavkasi 36 oy muddatga taklif qilinmoqda. Bundan tashqari, avtomobil xarid qilgan mijozlar 120 kun davomida to‘lov qilmaslik imkoniyatiga ega bo‘ladi. Ayrim xaridorlar uchun esa $1,75 minggacha chegirma beriladi.

Shuningdek, model uchun maxsus lizing dasturlari ham joriy etilgan. Masalan, ayrim bozorlarda avtomobilni oyiga $389 to‘lov bilan ijaraga olish mumkin. Bunda boshlang‘ich to‘lov va boshqa shartlar hududga qarab farqlanadi.

2026 Buick Enclave narxi komplektatsiyaga qarab $48,4 mingdan $62 minggacha etib belgilangan. Model uchta asosiy versiyada taqdim...

Sirdaryo viloyatida Majburiy ijro byurosi (MIB)ning ikki nafar xodimi noqonuniy harakatlari uchun qo‘lga olindi. Tezkor tadbir Davlat xavfsizlik xizmati (DXX) xodimlari tomonidan o‘tkazilgan.

Ma’lum bo‘lishicha, Mirzaobod tumani bo‘limida ishlovchi davlat ijrochilaridan biri 2021-yil dekabr oyidagi sud qaroriga asosan qarzdordan 30 mln so‘m undirish bo‘yicha ish yuritgan. Ushbu mablag‘ undiruvchi fuqaro foydasiga to‘lanishi kerak bo‘lgan.

Biroq davlat ijrochilari shaxsiy manfaatni ko‘zlab, qarzdor fuqarodan ijro ishini tugatish evaziga 20 mln so‘m olgan. Shundan so‘ng ular undiruvchi fuqaroga qarzdor og‘ir ahvolda ekanini bahona qilib, atigi 14 mln so‘mni topshirgan va undan 30 mln so‘mni olgani hamda da’vosi yo‘qligi haqida tilxat yozdirib olgan.

Germaniyaning Shimoliy Reyn-Vestfaliya hududida noma’lum shaxslar temiryo‘lga beton plitalar qo‘yib ketgani oqibatida poyezd halokati yuz berdi. Hodisa Axen va Hamm yo‘nalishida harakatlangan mintaqaviy poyezd bilan sodir bo‘lgan.

Ma’lumotlarga ko‘ra, voqea Kamen shahri yaqinidagi temiryo‘l uchastkasida, Kamen-Metler va Kamen stansiyalari oralig‘ida yuz bergan. Mashinist yo‘lda yotgan begona buyumlarni vaqtida payqab, favqulodda tormoz bergan. Shunga qaramay, to‘qnashuvning oldini olishning imkoni bo‘lmagan.

Hodisa vaqtida poyezdda 300 dan ortiq yo‘lovchilar bo‘lgan. Rasmiylarga ko‘ra, yo‘lovchilar va mashinist jarohat olmagan. Biroq poyezd harakatni davom ettira olmagan va barcha yo‘lovchilar evakuatsiya qilingan. Ular keyinchalik boshqa poyezd orqali yo‘lini davom ettirgan.

Dastlabki tekshiruvlar temiryo‘lga ataylab bir nechta...

O‘zbekiston avtomobil bozorida Chevrolet markasi eng keng tarqalgan brendlardan biri hisoblanadi. «O‘zavtosanoat» AJ ma’lumotiga ko‘ra, yanvar oyida 18,1 ming dona ushbu brend modeli sotilgan. Kursiv Uzbekistan nashri Chevrolet avtomobillarida eng ko‘p uchraydigan muammolar va ularning yechimini bitta maqolaga jamladi.

Maqola mundarijasi:

Sovitish tizimi muammolari

Chevrolet avtomobillarida eng ko‘p uchraydigan nosozliklardan biri sovitish tizimi bilan bog‘liq muammolardir. Bu turdagi nosozliklar odatda 3 – 7-yil foydalanishdan keyin paydo bo‘ladi...

Xitoyda Lynk & Co 10+ modelining rasmiy suratlari e’lon qilindi. Bu haqda CarNewsChina nashri xabar bermoqda.

Yangi elektromobil yangilangan Z10 asosida yaratilgan bo‘lib, sport ruhidagi dizayn va yuqori quvvat bilan ajralib turadi. Model tashqi ko‘rinishida agressiv uslub qo‘llanilgan. Bundan tashqari, avtomobil yarim yashirin eshik tutqichlari, ramkasiz oynalar, tom qismida LiDAR sensori va 21 dyuymli disklar bilan jihozlangan.

Sedan o‘lchamlari 5050 mm uzunlik, 1966 mm kenglik va 1468 mm balandlikni tashkil etadi. G‘ildirak bazasi esa 3005 mmga teng. Model zamonaviy haydovchiga yordam tizimlari bilan ham ajralib turadi. U G-Pilot H5 tizimi bilan jihozlanib, LiDAR, radarlar, kameralar va Nvidia Drive Orin...

Ramazon hayiti arafasida ochilgan Imom Buxoriy majmuasi bayram kunlari 63 mingdan ziyod sayyohlarni jalb qildi. «Kursiv» ushbu majmuadan fotoreportaj tayyorladi.

Samarqand viloyatida joylashgan Imom Buxoriy majmuasi markazida buyuk muhaddis Imom Buxoriy maqbarasi joylashgan. Majmua qoshida zamonaviy turizm markazi, 15 gektar hududda mehmonxonalar, servis nuqtalari va infratuzilma barpo etilgan. Bu yerda to‘rt yulduzli va uch yulduzli mehmonxonalar, shuningdek, 176 o‘rinli 22 ta oilaviy mehmon uylari qurilgan. Barcha obyektlar zarur kommunikatsiya tarmoqlari bilan ta’minlangan va hudud obodonlashtirilgan.

Yangi infratuzilma natijasida majmuaning sig‘imi keskin oshdi. Ilgari bir kunda 12 ming ziyoratchiga xizmat ko‘rsatgan maskan endi kuniga 65 ming kishini qabul qila oladi...

LaGuardia Airport hududida samolyot va yer usti texnikasi to‘qnashuvi sodir bo‘ldi. Bu haqda BBC xabar bermoqda. Hodisadan so‘ng aeroport faoliyati vaqtincha to‘xtatilgan.

Ma’lumotlarga ko‘ra, Air Canada Express samolyoti Monrealdan uchib kelgan va qo‘ngandan so‘ng tezligini pasaytirayotgan paytda aeroportga xizmat ko‘rsatuvchi transport vositasi bilan to‘qnashgan. Hodisa samolyot tezligi taxminan 40 km/soatga tushgan paytda yuz bergan.

To‘qnashuv oqibatida CRJ 900 rusumidagi samolyot jiddiy shikastlangan. Samolyot bortida 70 dan 90 nafargacha yo‘lovchi bo‘lgani aytilmoqda.

AQSh Federal aviatsiya ma’muriyati aeroportda barcha parvozlarni vaqtincha to‘xtatdi. Rasmiylar ushbu cheklov uzaytirilishi ehtimoli yuqori ekanini bildirgan. Mahalliy OAV xabarlariga ko‘ra, hodisa oqibatida bir nechta odam jarohat olgan...

Nissan Leaf elektromobili 5 yil ichida sezilarli darajada arzonlashadi. Mutaxassislar hisob-kitobiga ko‘ra, modelning qiymati shu davr ichida qariyb uchdan ikki qismga kamayadi.

2021-yilda yangi Nissan Leaf narxi o‘rtacha $32,6 mingni tashkil etgan. Biroq 5 yil o‘tgach, ya’ni 2026-yilga kelib, ushbu avtomobilning bozor narxi taxminan $10 ming atrofida shakllangan. Bu esa qiymatning keskin pasayganini ko‘rsatadi.

Ekspertlarga ko‘ra, bunday tez arzonlashuvning asosiy sababi elektrotransport sohasidagi texnologiyalar juda tez yangilanayotgani bilan bog‘liq. Bir necha yil ichida mavjud yechimlar eskiradi va yangi, samaraliroq modellarga o‘rin bo‘shatadi.

Yana bir muhim omil — batareya eskirishi. O‘rtacha 5 yil ichida Nissan Leaf batareyalari sig‘imi...

2026-yil boshidan buyon O‘zbekistonda quyosh va shamol elektr energiya stansiyalari tomonidan 2 mlrd kVt/soatdan ortiq elektr energiyasi ishlab chiqarildi. Bu haqda Energetika vazirligi ma’lum qildi. Ko‘rsatkich o‘tgan yilning mos davridagiga nisbatan 43 foizga ko‘p.

20-mart holatiga ko‘ra, mamlakatdagi «yashil» energiya ishlab chiqarish hajmi 2 mlrd 15,4 mln kVt/soatga yetgan. Shundan 959,2 mln kVt/soat quyosh stansiyalariga, 1 mlrd 56,2 mln kVt/soat esa shamol elektr stansiyalariga to‘g‘ri keladi.

Hozirda O‘zbekistonda umumiy quvvati 5 582 MVt bo‘lgan 15 ta quyosh fotoelektr stansiyasi hamda 5 ta shamol elektr stansiyasi faoliyat yuritmoqda. So‘nggi yillarda ushbu yo‘nalishda sezilarli o‘sish kuzatilmoqda. 2022-yilda quyosh stansiyalari 434 mln...

Xitoyda Geely Starshine 8 modelining yangilangan talqini oldindan sotuvga chiqarildi. Uning boshlang‘ich narxi 142,8 ming yuan, ya’ni taxminan $20,7 mingni tashkil etadi.

Model LiDAR asosidagi haydovchiga yordam tizimi, faol osma va 300 kVtgacha quvvatga ega gibrid tizim bilan jihozlangan. Eng muhim yangiliklardan biri elektr rejimida 225 km.gacha yurish imkoniyati hisoblanadi.

Sotuvlar pasayishi fonida tezkor yangilanish

Mazkur model ilk bor 2025-yil may oyida Xitoy bozoriga chiqarilgan edi. O‘sha paytda u 125,8 ming yuandan 165,8 ming yuangacha narxda yetti xil komplektatsiyada taklif qilingan. 2025-yil davomida 80 mingdan ortiq avtomobillar sotilgan va oktabr oyida rekord 10 mingdan ziyod dona realizatsiya qilingan.

22-mart kuni Londondagi «Uembli» stadionida Angliya Liga kubogi finali bo‘lib o‘tdi. Unda «Manchester Sity» jamoasi «Arsenal» ustidan 2:0 hisobida g‘alaba qozondi. Uchrashuvda Abduqodir Husanov asosiy tarkibda maydonga tushdi va o‘yinni to‘liq o‘tkazdi.

«Shaharliklar» tarixda to‘qqizinchi bor Liga kubogini qo‘lga kiritdi. Mazkur g‘alaba Husanov uchun Angliyadagi ilk sovrin sifatida qayd etilgan.

Uchrashuv haqida

Dastlabki daqiqalarda «Arsenal» faolroq harakat qildi. «Kanonirlar» to‘p nazoratini qo‘lga olib, xavfli vaziyatlar yaratdi. Xususan, Haverts va Saka raqib darvozasi oldida imkoniyatlarga ega bo‘ldi, ammo yakuniy zarbalarda aniqlik yetishmadi. «Manchester Siti» esa asta-sekin o‘yinni tenglashtirib, tempni pasaytirdi. Natijada birinchi bo‘lim golsiz yakunlandi. O‘zbekistonlik himoyachi 32-daqiqada...

Qashqadaryo viloyatining Qarshi shahrida hokim yordamchisi va yetakchi mutaxassisga nisbatan jinoyat ishi qo‘zg‘atildi. Bu haqda Davlat xavfsizlik xizmati (DXX) ma’lum qildi.

DXX hamda Iqtisodiy jinoyatlarga qarshi kurashish departamenti xodimlari tomonidan o‘tkazilgan tadbirda mahalla fuqarolar yig‘inlaridan birida ishlovchi hokim yordamchisi 1983-yilda tug‘ilgan fuqarodan $1 ming olayotgan vaqtida qo‘lga olindi.

Aniqlanishicha, u 2019-yilda shahar hokimligi tomonidan ijara asosida berilgan 35 sotix yer maydonini mansabdor tanishlari orqali xususiy mulk sifatida rasmiylashtirib berishni va’da qilgan.

Tekshiruv davomida ushbu pul mablag‘i shahar hokimligining yetakchi mutaxassisiga berilishi kerakligi aniqlangan. Tezkor tadbir davom ettirilib, mutaxassis ham pulni olayotgan vaqtida ashyoviy dalillar bilan ushlandi.

Hozirda ushbu holat...

2027-yilda yangilanadigan Chevrolet Tracker modeli ikkinchi avlodining to‘rtinchi yilini qarshi oladi. Ushbu avtomobil 2024-yilda yangi avlod sifatida taqdim etilgan edi. 2027-yilgi versiya esa yangilanish bosqichiga yaqinlashgani sababli kuchli yangilanish ehtimoli bilan e’tiborni tortmoqda.

Dizayn va kuzov

Yangi Tracker avvalgi kabi to‘rt eshikli ixcham krossover sifatida qoladi. Model LS, LT, RS, 1RS, 2RS va Activ kabi komplektatsiyalarda taklif qilinishi kutilmoqda. Shu bilan birga, boshlang‘ich LS versiyasi LT bilan birlashtirilishi ehtimoli bor. Bu esa narx va jihozlar jihatidan soddaroq konfiguratsiyani yaratadi.

Tashqi ko‘rinishda katta o‘zgarishlar bo‘lmasligi mumkin. Asosiy yangilanishlar ranglar palitrasi va opsiyalar paketida bo‘lishi kutilmoqda. Shu sababli model...

23-mart kuni O‘zbekistonning ayrim hududlarida ob-havo o‘zgaruvchan bo‘ladi. Kunduzi ba’zi joylarda qisqa muddatli yomg‘ir yog‘adi, ayrim hududlarda momaqaldiroq kuzatilishi mumkin.

Qoraqalpog‘iston Respublikasi, Xorazm, Buxoro, Navoiy, Qashqadaryo va Surxondaryo viloyatlarida yog‘ingarchilik kutilmaydi. Shamol tezligi 7-12 m/s atrofida bo‘ladi. Havo harorati esa 20-25 daraja iliqni tashkil etadi.

Toshkent shahrida ham kun davomida qisqa muddatli yomg‘ir yog‘ishi va momaqaldiroq bo‘lishi ehtimoli bor. Shamol 3-8 m/s tezlikda esadi. Harorat 21-23 daraja iliq bo‘ladi.

Tog‘li hududlarda esa ob-havo yanada o‘zgaruvchan bo‘ladi. Ba’zi joylarda yomg‘ir yog‘adi, baland tog‘li hududlarda esa yomg‘ir va qor aralash yog‘ingarchilik kuzatiladi. Ayrim joylarda tuman tushishi mumkin. Sel va suv toshqinlari...

Yaqinda taqdim etilgan Volvo XC70 gibrid modeli CarNewsChina nashri tomonidan test-drayv qilindi. Model bir qator imkoniyat va qulayliklarga ega.

Maqolada quyidagilar haqida so‘z boradi:

Model va bozordagi o‘rni

Ushbu avtomobil brendning SMA super gibrid platformasiga asoslangan ilk seriyali modeli hisoblanadi. Model XC60 va XC90 oralig‘ida joylashib, o‘rta hajmli premium SUV segmentida raqobatni kuchaytiradi. U, ayniqsa, Xitoy bozorida mahalliy elektromobillar bilan kurashish uchun ishlab chiqilgan...