Yangiliklar

Kursiv Uzbekistan ortda qolgan haftada O‘zbekiston va xalqaro maydonda yuz berayotgan yangiliklarni bir joyga jamladi.

Mart oyining ikkinchi yarmida aholi tabiiy gazni arzonlashtirilgan narxda oladi

Aholi mart oyining ikkinchi yarmida tabiiy gazni arzonlashtirilgan narxda oladi / Foto: Fo-energie

Mart oyining ikkinchi yarmida respublika aholisi 50 kub metr tabiiy gaz uchun 1 ming so‘mdan to‘lov amalga oshiriladi. Bu haqda Energetika vazirligi ma’lum qildi. Mart oyining boshida havo haroratining keskin soviganini inobatga olib, isitish mavsumida tabiiy gaz uchun belgilangan oylik bazaviy me’yor 15-martga qadar uzaytirilgan edi. «O‘zgidromet» ma’lumotiga ko‘ra, 16 – 20-mart kunlari respublika hududlarida o‘rtacha havo...

Global Terrorism Index 2026 hisobotiga ko‘ra, dunyoda terrorizm darajasi umumiy hisobda pasaygan bo‘lsa-da, ayrim hududlarda vaziyat keskinligicha qolmoqda. Eng e’tiborli jihatlardan biri – Markaziy Osiyo davlatlarining nisbatan barqaror pozitsiyani saqlab qolayotgani.

2025-yil yakunlari bo‘yicha Pokiston terrorizm oqibatlaridan eng ko‘p zarar ko‘rgan davlat sifatida birinchi o‘ringa chiqdi. Mamlakatda bir yil ichida 1139 kishi halok bo‘lgan, mingdan ortiq hujumlar qayd etilgan. Bu so‘nggi o‘n yillikdagi eng yuqori ko‘rsatkichlardan biri hisoblanadi.

Mutaxassislar bu keskinlashuvni, asosan, Tehrik-i-Tolibon Pokiston faoliyatining kuchaygani bilan izohlashmoqda. Shuningdek, mintaqadagi xavfsizlik muhitiga qo‘shni Afg‘onistondagi siyosiy o‘zgarishlar ham ta’sir ko‘rsatgani qayd etilgan.

O‘zbekistonning o‘rni qanday

Hisobotda O‘zbekiston 96-o‘rinni egallab...

Ramazon oyi davomida O‘zbekistonda ehtiyojmand aholini qo‘llab-quvvatlashga qaratilgan keng qamrovli dastur amalga oshirildi. Bu haqda Ijtimoiy himoya milliy agentligi xabar berdi.

Unga ko‘ra, Prezident tashabbusi bilan tashkil etilgan ushbu dastur orqali qariyb 700 ming oila moddiy ko‘mak bilan ta’minlandi. Mablag‘lar aniq ehtiyoj asosida yetkazilib, mart oyining boshiga kelib asosiy ishlar yakuniga yetkazilgan.

Dastur faqat moliyaviy yordam bilan cheklanib qolmadi. Uning doirasida og‘ir kasalliklarga chalingan fuqarolar uchun murakkab jarrohlik amaliyotlari moliyalashtirildi. Shu bilan birga, uy-joy sharoitini yaxshilashga muhtoj oilalar aniqlanib, ularning xonadonlarini ta’mirlash ishlari ham boshlab yuborildi. Bu jarayonda uylarning xavfsizligi va energiya tejamkorligini oshirishga alohida e’tibor qaratildi.

Loyiha turli...

Rossiyaning Tula viloyatida joylashgan xorijiy fuqarolar uchun vaqtinchalik saqlash markazida bo‘lib turgan bir guruh O‘zbekiston fuqarolari yaqin kunlarda Vatanga qaytarilishi kutilmoqda. Bu haqda «Dunyo» axborot agentligi xabar berdi.

Ma’lum qilinishicha, O‘zbekiston elchixonasi vakillari ushbu muassasaga tashrif buyurib, yurtdoshlarning yashash sharoitlari va ta’minot holatini o‘rgandi. Tashrif davomida aniqlangan kamchiliklar yuzasidan Rossiya tomoniga tegishli takliflar bildirildi.

Diplomatlar, xususan, bosh konsul Mehriddin Xayriddinov, viloyat ichki ishlar organlari va markaz rahbariyati bilan muzokaralar olib borib, fuqarolarning hujjatlarini tezlashtirilgan tartibda rasmiylashtirish masalasini muhokama qildi. Natijada uzoq muddatdan beri markazda saqlanayotgan ayrim o‘zbekistonliklarni qisqa fursatda O‘zbekistonga qaytarish bo‘yicha kelishuvga erishildi.

Uchrashuvlar chog‘ida vatandoshlar bilan ham...

Buxoro karvonsaroyi Boku shahrida to‘liq restavratsiyadan so‘ng yana foydalanishga topshirildi. XV asrga oid ushbu tarixiy majmua bir necha yil davom etgan keng ko‘lamli ta’mirlash ishlaridan keyin tantanali ravishda ochildi, deya xabar bermoqda «Dunyo» axborot agentligi.

Obida davlat ahamiyatiga ega bo‘lib, uni tiklash ishlari «Icherishahar» davlat tarixiy-me’moriy qo‘riqxonasi tashabbusi asosida amalga oshirildi. Restavratsiya jarayoni qariyb 3,5 yil davom etib, unda xorijiy mutaxassislar ham ishtirok etdi.

Ochilish marosimida ikki davlat vakillari, jumladan, rasmiy shaxslar, diplomatlar hamda madaniyat sohasi vakillari qatnashdi. Tadbir davomida so‘zga chiqqanlar ushbu loyiha tarixiy merosni asrab-avaylash va uni kelajak avlodlarga yetkazishda muhim ahamiyat kasb etishini ta’kidladi.

Yangilangan karvonsaroy...

Toshkentdagi «Malika» bozorida iPhone 17 liniyasiga oid yangi narxlar e’lon qilindi. Bozorda turli konfiguratsiya va rangdagi modellarga talab yuqori bo‘lib, narxlar xotira hajmi va model turiga qarab sezilarli farq qilmoqda. Kursiv Uzbekistan ushbu narxlarni yaqindan o‘rgandi.

Yangi ma’lumotlarga ko‘ra, nisbatan eng arzon variantlar iPhone 17 (oddiy model)dan boshlanadi. Masalan, 256GB xotirali versiyalar taxminan 12 mln so‘m atrofida sotilmoqda. Rangiga qarab narx biroz o‘zgaradi: Black, White, Blue va boshqa ranglar orasida kichik tafovut bor.

iPhone 17 Air modeli ham bozorda faol sotilmoqda. 256GB xotirali variantlari 12,6 mln so‘mdan 12,8 mln so‘mgacha yetadi. Ushbu model ikki eSIM bilan ishlashi sababli, ayniqsa, zamonaviy...

2026-yilgi Chevrolet Equinox EV elektr krossoverining yangi yil modeli oldingisidan faqat ozgina o‘zgarishlar bilan ajralib turadi. Ushbu yangilangan versiya amaldagi 2025-yil modellari kabi, xaridorlarga qulay va zamonaviy elektr avtomobillarga kirish imkonini beradi, shu bilan birga, shaxsiylashtirish imkoniyatlarini ham kengaytiradi.

Yangi Equinox EV modeli uchta trim — LT 1, LT 2 va RS — bo‘yicha taqdim etiladi va g‘ildirak variantlaridan tortib, ichki bezak va texnologiyalargacha turli yangiliklar bilan boyitilgan. Bazaviy trimlarda 19 dyuymli alyuminiy g‘ildiraklar standart bo‘lsa, yuqori trimlar va maxsus paketlar bilan katta 21 dyuymli g‘ildiraklar tanlash mumkin.

Shuningdek, GM ushbu modelga dealer orqali o‘rnatiladigan maxsus g‘ildirak paketlarini taklif...

AQSh prezidenti Donald Tramp Eron hukumatiga Hormuz bo‘g‘ozini 48 soat ichida ochish talabini qo‘ydi. Agar Eron buni bajarmasa AQSh mamlakatdagi bir necha elektrostansiyalarni yo‘q qilishi mumkin. Bu haqda u Truth Social’dagi postida ma’lum qilgan.

Eron hukumati esa javob choralari sifatida AQShning mintaqadagi energetika va axborot infratuzilmasiga zarba berishini bildirgan.

Axios agentligi xabariga ko‘ra, Tramp jamoasi Eron bilan tinchlik muzokaralarini qanday olib borish bo‘yicha muhokamalar boshlagan. Muzokaralarning shartlariga Hormuz bo‘g‘ozini ochish, Eronning boyitilgan uran zaxiralari masalasini hal qilish, shuningdek, Eronning yadroviy dasturi, ballistik raketalar va mintaqadagi proksi kuchlarni nazorat qilish bo‘yicha kelishuv kiradi.

So‘nggi kunlarda AQSh va Eron orasida bevosita...

Toshkent shahridagi «Malika» bozori hududida yuzaga kelayotgan tirbandliklarni kamaytirish bo‘yicha kompleks choralar ko‘rilmoqda. Bu haqda Yo‘l harakatini tashkil etish markazi ma’lum qildi.

Unga ko‘ra, ushbu hududdagi transport muammosi faqat bekat joylashuvi bilan bog‘liq emas. Bu yerda avtomobillar oqimi, jamoat transporti, piyodalar harakati hamda bozorga kirish-chiqish yo‘llari bir nuqtada kesishib, murakkab vaziyatni yuzaga keltirmoqda.

Hozirda chorraha tuzilishi, yo‘llarning o‘tkazuvchanlik darajasi va svetoforlar ishlash samaradorligi chuqur tahlil qilinmoqda. Shuningdek, mavjud to‘xtash joylari, transport oqimining taqsimlanishi va piyodalar harakatiga ta’siri ham o‘rganilmoqda. Turli yechimlar modellashtirilib, eng samarali variant tanlab olinishi rejalashtirilgan.

Rejalarga ko‘ra, bekatlar joylashuvi qayta ko‘rib chiqiladi, svetoforlar boshqaruvi optimallashtiriladi va...

Eron hukumati moliyaviy bosim kuchaygan bir paytda tarixdagi eng yirik nominaldagi – 10 million riallik banknotani muomalaga kiritdi. Yangi pul birliklari banklar orqali aholiga tarqatilmoqda, deya xabar berdi Financial Times nashri.

Unga ko‘ra, bu qaror mamlakatda naqd pulga talab keskin ortgani bilan bog‘liq. Elektron to‘lov tizimlarida uzilishlar bo‘lishi mumkinligi haqidagi xavotirlar fonida fuqarolar naqd pulga ko‘proq murojaat qilmoqda.

Yangi banknotaning qiymati taxminan $7 ga teng. Uning dizaynida tarixiy obidalar aks ettirilgan: old tomonida Yazd shahridagi qadimiy Jome masjidi, orqa tomonida esa Bam qal’asi tasviri joy olgan.

Shu bilan birga, banklar tomonidan naqd pul berish cheklangan miqdorda amalga oshirilayotgani aytilmoqda...

General Motors kompaniyasi Chevrolet Tracker modelining 2026-yilgi yangilangan versiyasini Chili bozorida taqdim etdi. Bu haqda Tarantas News nashri xabar berdi.

Krossoverning tashqi ko‘rinishi qayta ishlangan, salon yangilangan va zamonaviy xavfsizlik hamda multimedia tizimlari bilan boyitilgan. Eng muhim yangiliklardan biri – endi model qatorida boshlang‘ich (arzon) versiyalar yo‘q. Xaridorlarga faqat yuqori darajadagi LTZ va Premier komplektatsiyalari taklif etiladi.

Bu o‘zgarish avtomobilning boshlang‘ich narxi oshishiga olib kelgan bo‘lsa-da, barcha versiyalar boy standart jihozlar bilan taqdim qilinadi.

Texnik jihatdan avtomobil 1,2 litrli turbo dvigatel bilan jihozlangan bo‘lib, u 132 ot kuchi va 190 Nm aylanish momentini taqdim etadi. Dvigatel 6 pog‘onali avtomat...

O‘zbekiston harbiy xizmatchilari AQShda o‘tkazilgan nufuzli «Eng ilg‘or jangchi – 2026» musobaqasida yuqori natija qayt etdi. Bu haqda Mudofaa vazirligi xabar berdi.

Musobaqa 16 – 18-mart kunlari Camp Shelby bazasida tashkil etildi. Unda harbiy xizmatchilar Ilhom Salomov va Turdimurod Avlayev qatnashib, AQSh Milliy gvardiyasi harbiylari bilan bellashdi. Ishtirokchilar jismoniy chidamlilik va taktik tayyorgarlikni sinovdan o‘tkazuvchi 13 ta murakkab shartni bajarishdi.

Sinovlar qatoriga to‘siqlar yo‘lagidan o‘tish, tunda 15 kilometr masofada yo‘nalish topish, 20 kilogramm yuk bilan 20 kilometrga yugurish, artilleriya zarbalarini boshqarish hamda NATO standartlari asosida qurolni yig‘ish va ajratish kabi vazifalar kiritilgan.

Jamoaviy bahsda o‘zbekistonlik harbiylar alohida e’tirofga sazovor...

General Motors kompaniyasi 2027-yilgi Chevrolet Equinox modeli uchun bir qator yangilanishlarni taqdim etishga tayyorlanmoqda. Eng e’tiborga molik yangiliklardan biri – avtomobilni masofadan kuzatish imkonini beruvchi yangi texnologiya bo‘ldi, deya yozmoqda GMAuthority nashri.

Yangi Connected Cameras funksiyasi avtomobil ichki va tashqi kameralaridan foydalanib, transport vositasi atrofida va salon ichida sodir bo‘layotgan holatlarni real vaqt rejimida ko‘rsatadi. Foydalanuvchilar bu tasvirlarni MyChevy ilovasi orqali ko‘rishlari mumkin, hatto, avtomobilda bo‘lmagan paytda ham.

Mazkur tizim Safety and Technology Package tarkibida taqdim etiladi va barcha komplektatsiyalar uchun opsiya sifatida mavjud bo‘ladi. Paket quyidagi funksiyalarni ham o‘z ichiga oladi:

Toshkent viloyatidagi Chimyon, Amirsoy va Chinorkent kabi mashhur dam olish maskanlariga avtobus qatnovi yo‘lga qo‘yildi. Bu haqda Transport vazirligi xabar berdi.

Unga ko‘ra, 21-martdan boshlab 324 va 325-sonli yangi mikroavtobus yo‘nalishlari ishga tushirildi. Ushbu yo‘nalishlar tog‘li hududlardagi asosiy turistik manzillarni o‘zaro bog‘laydi.

324-sonli yo‘nalish Chinorkent temir yo‘l bekatidan boshlanib, Qoranqul, Pana mehmonxonasi, Amirsoy, Tibet, Beldersoy, Chimyon, Sevarsoy, Layner, Piramida va Bochka orqali harakatlanadi.

325-sonli yo‘nalish esa shu manzillar bo‘ylab teskari yo‘nalishda qatnaydi.

Yo‘lovchilarga 16 o‘rinli, zamonaviy va konditsioner bilan jihozlangan Ford rusumli mikroavtobuslar xizmat ko‘rsatadi. Yo‘lkira narxi 10 ming so‘m etib belgilangan bo‘lib, to‘lovni naqd pul yoki bank...

Bugun, 22-mart kuni O‘zbekistonda ob-havo o‘zgaruvchan bo‘ladi. Kun davomida ayrim hududlarda qisqa muddatli yomg‘ir yog‘ib, momaqaldiroq kuzatilishi mumkin, deya xabar bermoqda «O‘zgidromet».

Shu bilan birga, Qoraqalpog‘iston Respublikasi, Xorazm viloyati hamda Farg‘ona vodiysi hududlarida yog‘ingarchilik kutilmaydi. Shamol tezligi 7–12 m/s atrofida bo‘ladi. Havo harorati esa 20–25 daraja iliqni tashkil etadi.

Toshkent shahrida ham vaqti-vaqti bilan yomg‘ir yog‘ishi, momaqaldiroq bo‘lishi ehtimoli bor. Shamol 3–8 m/s tezlikda esadi, harorat 22–24 daraja iliq bo‘ladi.

Tog‘li hududlarda esa ob-havo yanada beqaror: ayrim joylarda yomg‘ir yog‘adi, momaqaldiroq kuzatiladi. Baland tog‘larda yog‘ingarchilik qor bilan aralash bo‘lishi mumkin, tuman tushishi ehtimoli bor. Bu hududlarda harorat 7–12 daraja...

Kursiv Uzbekistan 21-mart kuni e’lon qilingan respublikada va xorijda yuz bergan yangiliklarni bir joyga jamladi.

«Tashabbusli budjet»ning 1-mavsumida qariyb 2 mingta loyiha gʻolib deb topildi

«Tashabbusli budjet» loyihasining 2026-yilgi birinchi mavsumi yakunlari e’lon qilindi. Bu haqda Iqtisodiyot va moliya vazirligi ma’lum qildi.

Ta’kidlanishicha, ovoz berish jarayonlarida mamlakat boʻylab jami 10 mln 284 mingta ovoz qayd etilgan. Yakuniy natijalarga koʻra, 1996 ta loyiha gʻolib deb topildi. Shundan 1 980 tasi an’anaviy, 16 tasi esa sheriklik loyihalaridir.

Prezident O‘zbekiston xalqini Navro‘z bayrami bilan tabrikladi

«Yangi O‘zbekiston» bog‘ida Navro‘z umumxalq bayramiga bag‘ishlangan tantanali marosim bo‘lib o‘tdi. Unda prezident Shavkat Mirziyoyev ishtirok etib...

2026-yil yanvar – fevral oylarida 1 mln 81 ming nafar O‘zbekiston fuqarosi turistik maqsadlarda xorijga safar qilgan. Bu haqda Milliy statistika qo‘mitasi ma’lum qildi.

Ta’kidlanishicha, ushbu ko‘rsatkich o‘tgan yilning mos davriga nisbatan qariyb 49 ming nafarga oshgan. Hisobot davrida o‘zbekistonliklar eng ko‘p Qirg‘iz Respublikasiga borgan – 426 ming nafar. Keyingi o‘rinlarda Tojikiston 179 ming nafar va Qozog‘iston 166 ming nafar bilan qayd etilgan.

Saudiya Arabistoniga 115 ming nafar fuqaro tashrif buyurgan. Rossiyaga 62 ming nafar, Turkiyaga 34 ming nafar, BAAga esa 26 ming nafar o‘zbekistonlik safar qilgan.

Shuningdek, Tailandga 10 ming nafar, Xitoy va Misrga 8 ming nafardan ortiq...

O‘zbekiston milliy terma jamoasi bosh murabbiyi Fabio Kannavaro mart oyidagi o‘quv-mashg‘ulot yig‘iniga jalb etilgan futbolchilar ro‘yxatini e’lon qildi.

Toshkentda bo‘lib o‘tadigan FIFA Series xalqaro o‘rtoqlik turnirida ishtirok etish uchun jami 26 nafar futbolchi yig‘inga chaqirildi. Turnirda O‘zbekiston terma jamoasi Trinidad va Tobago, Gabon hamda Venesuela jamoalariga qarshi maydonga tushadi.

Darvozabonlar: O‘tkir Yusupov («Navbahor»), Abduvohid Ne’matov («Nasaf»), Botirali Ergashev («Neftchi»).

Himoyachilar: Rustam Ashurmatov («Istiqlol», Eron), Umar Eshmurodov («Nasaf»), Abduqodir Husanov («Manchester Siti», Angliya), Muhammadrasul Abdumajidov, Hojiakbar Alijonov, Sherzod Nasrullayev, Muhammadqodir Hamraliyev («Paxtakor»), Behruz Karimov («Surxon»), Jahongir O‘rozov («Dinamo»), Farrux Sayfiyev («Neftchi»).

Yarim himoyachilar: Umarali Rahmonaliyev («Sabah», Ozarbayjon), Ibrohim Ibragimov, Dostonbek Hamdamov, Akmal Mozgovoy...

General Motors 2026-yilda qaytarib olish kampaniyasini kengaytirib, qariyb 80 mingta avtomobilni qamrab olishini ma’lum qildi. Bu haqda Motor nashri xabar berdi.

Ta’kidlanishicha, asosiy kampaniya 40 mingdan ortiq avtomobillarga taalluqli. Muammo transmissiyani boshqarish klapanining yeyilishi bilan bog‘liq. Bu tizimdagi bosimning pasayishiga olib keladi. Kam hollarda esa harakat paytida orqa g‘ildiraklar bloklanishi mumkin. Bu esa avariya xavfini oshiradi.

Nosozlikni bartaraf etish uchun dilerlar yangilangan dasturiy ta’minotni o‘rnatmoqda. U transmissiya qismlarining holatini nazorat qiladi va muammo yuzaga kelishidan oldin ogohlantiradi.

Bundan tashqari, 2025 – 2026-yillarda ishlab chiqarilgan qariyb 11,7 mingta og‘ir pikap ham alohida chaqirib olinadi. Ushbu modellarda orqa yonilg‘i nasosidagi nosozlik...

Xitoy kompaniyasi Toshkent viloyatida akvapark va koʻngilochar majmua qurishni rejalashtirmoqda. Bu haqda Investitsiyalar, sanoat va savdo vaziriligi xabar berdi.

18-mart kuni vazirlik vakillari Xitoyning St Wonderful kompaniyasi prezidenti bilan uchrashuv oʻtkazdi. Muzokaralar davomida tomonlar amaldagi investitsiya loyihalarini jadallashtirish, xususan, Yangi Toshkentda Pekin mehmonxonasini qurishni muhokama qildi.

Shuningdek, Toshkent shahrida keng koʻlamli «Wonderful city» loyihasini amalga oshirish masalalari ko‘rib chiqildi. Kompaniya shaharsozlik, mehmonxona biznesi, turizm va zamonaviy koʻngilochar infratuzilmani yaratish sohalarida loyihalarni amalga oshiruvchi yirik kompaniya hisoblanadi.

Shuningdek, LEO Group kompaniyasi bilan muzokaralarda esa Oʻzbekistonda zamonaviy nasos uskunalarini ishlab chiqarish va suv xoʻjaligi infratuzilmasini rivojlantirishga qaratilgan istiqbolli loyihalar koʻrib chiqildi...

General Motors va Hyundai hamkorligida ishlab chiqilayotgan Chevroletʼning yangi avlod ixcham modellari haqida ilk texnik tafsilotlar ma’lum boʻldi. Bu haqda GM Authority nashri xabar berdi.

Ta’kidlanishicha, Janubiy Amerika bozori uchun yaratilayotgan yangi modellarda Hyundai kompaniyasining yangilangan K2 platformasi qoʻllaniladi. Ushbu platforma asosida uch turdagi avtomobil ishlab chiqiladi: krossover, sedan va kichik pikap.

Ikki kompaniya qoʻshma bayonotida toʻrtta model ishlab chiqilishi rejalashtirilgani aytilgan. Ular orasida ixcham SUV, yengil avtomobil va pikap mavjud. Platforma ishlab chiqilishiga Hyundai yetakchilik qiladi. Shu bilan birga, har bir brend oʻziga xos dizayn va salon yechimlarini saqlab qoladi.

Yangilangan K2 platformasi zamonaviy talablarga moslashtirilgan. U elektrlashtirilgan...

Eron Hormuz boʻgʻozi orqali oʻtuvchi kemalar uchun toʻlov joriy etdi va tasdiqlangan tashuvchilar uchun «xavfsiz dengiz yoʻlagi»ni ishga tushirdi. Bu haqda Lloydʼs List nashri xabar berdi.

Manbaga koʻra, kamida bitta tanker tranzit uchun qariyb $2 mln toʻlanadi. Ushbu sxema orqali hozirgi kunga qadar kamida toʻqqizta kema oʻtgan. Biroq ularning barchasi toʻlov qilganmi yoki yoʻq, bu aniq emas. Ayrim holatlarda diplomatik yoʻl bilan masala hal etilgani aytilmoqda.

«Xavfsiz yoʻlak» Eron hududiy suvlaridan, Larak oroli yaqinidan oʻtadi. Bu yerda Islom inqilobi qoʻriqchilari korpusi dengiz kuchlari va port xizmatlari kemalarni vizual tekshiruvdan oʻtkazadi. Yoʻlakdan foydalanish uchun avvaldan Tehron bilan kelishuv talab etiladi.

Oʻzbekistonda 2026-yil 1-mart holatiga ko‘ra, bank kartalari soni 70,9 mlnga yetdi. Mazkur koʻrsatkich oʻtgan yilning shu davridagiga nisbatan 14,4 foizga koʻp. Bu haqda Markaziy bank hisobotida ma’lum qilindi.

Regulyatorning ta’kidlashicha, bir oy ichida kartalar soni 1,7 mlndan ortiqqa koʻpaydi. Banklar kesimida yetakchilik Xalq bankiga tegishli. Ushbu bankda 11,1 mln karta muomalada boʻlib, umumiy ulushning qariyb 15,6 foizini tashkil etadi. Keyingi oʻrinlarda «Agrobank» 6,6 mln va Uzum Bank 6 mln koʻrsatkich bilan qayd etilgan. Shuningdek, «Ipoteka-bank» 5,4 mln, «Anorbank» va «Hamkorbank» esa 4 mln dan ortiq kartaga ega.

Toʻlov infratuzilmasi ham kengaymoqda. Mamlakat boʻyicha toʻlov terminallari soni 439 ming...

«Yangi O‘zbekiston» bog‘ida Navro‘z umumxalq bayramiga bag‘ishlangan tantanali marosim bo‘lib o‘tdi. Unda prezident Shavkat Mirziyoyev ishtirok etib, mamlakat xalqini Navro‘z bayrami bilan tabrikladi.

Davlat rahbari o‘z nutqida Navro‘zning chuqur ma’naviy ahamiyatiga to‘xtalib, ushbu ayyom tabiat uyg‘onishi, yangilanish va poklanish ramzi ekanini ta’kidladi. Shuningdek, bu yil Navro‘z Ramazon hayiti bilan bir vaqtga to‘g‘ri kelayotgani alohida qayd etildi.

«Bugun bamisoli ikki azim daryo tutashmoqda – Navro‘z bayramini muborak Ramazon hayiti bilan birga nishonlamoqdamiz», — dedi prezident.

Davlat rahbari dehqon va fermerlarning mehnatini alohida ta’kidlab, ular xalq farovonligida muhim o‘rin tutishini qayd etdi.

«Sizlarning...