Yangiliklar

Netflix platformasi «Shelbilar oilasi: O‘lmas odam» (Peaky Blinders: The Immortal Man) to‘liq metrajli filmining rasmiy treylerini ommaga e’lon qildi. Asosiy yulduz Killian Myorfi yana Tommi Shelbi rolida namoyon bo‘ladi va bu safar o‘zining noqonuniy o‘g‘liga qarshi kurashadi.

Treylerda voqealar Ikkinchi jahon urushi davrida, Angliyadagi tartibsizliklar fonida yuz berishi ko‘rsatilgan. Barri Keogan Tommi Shelbining noqonuniy o‘g‘li ulg‘aygan Dyuk Shelbi rolini o‘ynaydi hamda ayni paytda jinoiy guruhni boshqarmoqda.

«Sening lo‘li o‘g‘ling Peaky Blinders guruhini xuddi 1919-yildagidek boshqarmoqda», – deydi Ada Shelbi rolidagi Sofi Rendl Tommiga qarata.

Tommi o‘z shahrini qutqarish uchun eski, qonli turmush tarziga qaytishga...

O‘zbekistonda Ispaniya tajribasi asosida zamonaviy issiqxonalar quriladi. O‘zbekiston elchixonasida Ispaniyaning New Greenhouses Projects S.L. kompaniyasi direktori Xose Migel Rinkon bilan uchrashuv o‘tkazildi. Bu haqda «Dunyo» axborot agentligi xabar berdi.

Muzokaralarda Surxondaryo va Qashqadaryo viloyatlarida Ispaniyaning Almeriya provinsiyasi tajribasi asosida zamonaviy issiqxona majmualarini barpo etish masalasi muhokama qilindi. Almeriya dunyodagi eng samarali issiqxona xo‘jaliklari markazlaridan biri hisoblanadi.

Loyihada issiqxonalarni energiya bilan ta’minlashga alohida e’tibor qaratiladi. Ispaniya tomoni an’anaviy gaz va ko‘mir o‘rniga vodoroddan muqobil energiya manbai sifatida foydalanishni taklif qildi. Bu usul iqtisodiy va ekologik jihatdan samarali deb baholandi.

Shuningdek, ishlab chiqaruvchilar kooperatsiyasi modelini joriy etish orqali xarajatlarni kamaytirish va...

Tolibon Afg‘onistondagi erkaklarga xotinlarini kaltaklashga rasman ruxsat berdi. Bu haqda NDTV portali mahalliy nashrlarga tayanib xabar bermoqda.

Yangi kodeksga ko‘ra, er xotinini va farzandlarini jismonan jazolashi mumkin. Biroq suyak sinishi yoki ochiq yara bo‘lmasligi shart. Agar tan jarohati og‘ir deb topilsa, erkakka atigi 15 kun qamoq jazosi qo‘llanilishi mumkin.

Ayol sudda zo‘ravonlikni isbotlashi kerak. U sudyaga jarohat izlarini ko‘rsatadi. Sud jarayonida ayol to‘liq yopiq holda bo‘lishi va er yoki erkak hamroh bilan kelishi talab etiladi.

Kodeksda ijtimoiy tabaqalarga qarab jazoni belgilash tizimi ham joriy etilgan. Jamiyat ulamolar, elita, o‘rta tabaqa va quyi tabaqaga ajratilgan. Bir xil jinoyat uchun jazo...

TBC Uzbekistan 2025-yil uchun moliyaviy hisobotning xalqaro standartlari (MHXS) bo‘yicha natijalarini taqdim etdi. 2025-yilda umumiy operatsion daromad 64 foizga oshib, 3,17 trln so‘mga yetdi. Sof foyda 581 mlrd so‘mni tashkil etdi.

TBC Bank raqamli banki, payme to‘lov xizmati, TBC Nasiya bo‘lib to‘lash xizmati, TBC Sug‘urta raqamli sug‘urta kompaniyasi, shuningdek, chakana savdoni avtomatlashtirish uchun SaaS BILLZ platformasini o‘z ichiga olgan ekotizim.

Kompaniyaga ko‘ra, 2025-yildagi o‘sish asosan auditoriyaning ko‘payishi, chakana mahsulotlarga bo‘lgan yuqori talab va TBC Biznes yo‘nalishining faol rivojlanishi bilan bog‘liq.

Asosiy moliyaviy ko‘rsatkichlar

2025-yilda kredit portfeli 41 foizga o‘sib, 11,4 trln so‘mga yetdi. Depozitlar hajmi esa 38 foizga oshib...

Kursiv Uzbekistan poytaxtdagi «Malika» bozorida sotilayotgan smartfonlar narxlariga doir maqolalar seriyasini davom ettiradi. Bu safar biz Xiaomi 17 seriyasidagi smartfonlar narxlarini ko‘rib chiqamiz.

12/256 GB xotirali bazaviy versiyasi $810, 12/512 GB varianti esa $890 deb baholanmoqda. 16 GB tezkor va 512 GB ichki xotiraga ega model $950 turadi, 16 GB va 1 TB xotiraga ega maksimal jamlanma narxi esa $1000.

Xiaomi 17 Pro Max qimmatroq taklif qilinmoqda: 12/512 GB versiyasi $950, 16/512 GB konfiguratsiyasi $1050, 16 GB tezkor xotira va 1 TB doimiy xotiraga ega varianti esa $1100 ga tushadi.

Sotuvchilar 5G tarmog‘ini qo‘llab-quvvatlaydigan Xiaomi 17 Pro Max modelini alohida...

J.D. Power 2026-yilning eng ishonchli avtomobil brendlarini e’lon qildi. Tadqiqotga ko‘ra, so‘nggi uch yildagi avtomobillarda muammolar soni yana oshgan.

Sanoat bo‘yicha o‘rtacha ko‘rsatkich 204/100 ni tashkil etdi. Bu har 100 ta avtomobilga 204 ta muammo to‘g‘ri kelishini anglatadi. Ko‘rsatkich qancha past bo‘lsa, brend shuncha ishonchli hisoblanadi.

Lexus 151/100 natija bilan ketma-ket yetakchilikni saqlab qoldi. Premium segment bo‘yicha o‘rtacha ko‘rsatkich esa 217/100 ga yetgan. Bu ommaviy brendlarga nisbatan yuqoriroq.

Ommaviy segmentda eng yaxshi natijani Buick qayd etdi. Undan keyin Mini va Chevrolet joylashgan.

Tadqiqot shuni ko‘rsatdiki, egalarning asosiy shikoyatlari multimedia va smartfon integratsiyasi bilan bog‘liq. Bluetooth, simsiz quvvatlash va ilovalar...

Qozog‘iston prezidenti Qosim-Jomart Toqayev Tinchlik kengashida Donald Tramp nomidagi xalqaro mukofotni ta’sis etish tashabbusi bilan chiqdi. Toqayev mazkur mukofot Trampning tinchlikni targ‘ib qilishdagi yutuqlari e’tirofi bo‘lishini ta’kidlagan.

«Tinchlik kengashida prezident Tramp nomidagi maxsus mukofotni uning tinchlikni targ‘ib qilishdagi ulkan yutuqlari e’tirofi sifatida ta’sis etishni taklif qilmoqchiman. Sizning kuchli va uzoqni ko‘zlovchi rahbarligingiz ostida Kengash o‘zining oliyjanob missiyasini muvaffaqiyatli bajarishiga ishonchim komil», – dedi Toqayev.

Eslatib o‘tamiz, joriy yilning 22-yanvarida Toqayev Davosda bo‘lib, AQSh prezidenti Donald Tramp tashabbusi bilan tashkil qilingan Tinchlik kengashi ustavini imzolash marosimida ishtirok etgan edi. Qozog‘iston rahbari G‘azo bo‘yicha tuzilayotgan Tinchlik...

O‘zbekistonliklar uchun Qatarning yirik vakansiyalar bazasi ochildi. Bu haqda Migratsiya agentligi Telegramdagi kanalida ma’lum qildi.

Agentlik va Qatardagi Jusour rekruting kompaniyasi o‘rtasida kelishuv imzolangan. Unga ko‘ra, nomzodlar uchun yosh chegarasi 18 dan 45 yoshgacha etib belgilangan. Ingliz tilini kamida A2 darajada bilish talab etiladi. IELTS 5 sertifikati mavjud bo‘lsa, ustunlik beriladi. Arab tillarini biladiganlarga ham afzallik mavjud.

Ishga joylashish jarayoni bir necha bosqichdan iborat. Avvalo, nomzodlar TAWZEEF portali orqali mos vakansiyani tanlaydi va CV yuboradi. Ariza ma’qullansa, ish beruvchi elektron pochta orqali bog‘lanadi.

Keyingi bosqichda saralash va intervyu o‘tkaziladi. Barcha jarayonlardan muvaffaqiyatli o‘tgan nomzodlar Migratsiya agentligi bilan uch...

Saudiya Arabistoni Haj va Umra vazirligi «Umra – 2026» mavsumi doirasida ziyoratchilar uchun muhim muddat va cheklovlarni e’lon qildi. Bu haqda O’zbekiston musulmonlari idorasi Haj va Umra tadbirlarini tashkil etish markazi xabar berdi.

Vazirlikka ko‘ra, Umra vizalarini rasmiylashtirishning oxirgi sanasi 2026-yil 19-mart etib belgilangan. Xorijiy ziyoratchilarning Saudiya Arabistoniga kirish uchun so‘nggi muddat 2-aprel. Barcha ziyoratchilar 18-aprelga qadar mamlakatdan chiqib ketishlari lozim.

Saudiya qonunchiligida viza muddatini buzish yoki belgilangan sanalardan ortiq qolish qat’iy taqiqlanadi. Shu sababli, muborak saflarga chiqmoqchi bo‘lgan ziyoratchilardan belgilangan tartib-qoidalarga qat’iy rioya qilish va safar rejasini yuqoridagi muddatlarga muvofiq tuzish tavsiya etiladi.

Eslatib o‘tamiz, avvalroq Haj...

AQSh prezidenti Donald Tramp nafaqat siyosati, balki avtomobillarga bo‘lgan qiziqishi bilan ham tanilgan. U yillar davomida superkarlar, limuzinlar va klassik hashamatli mashinalardan iborat katta kolleksiya to‘plagan.

Kursiv Qozog‘iston to‘plagan ma’lumotlarga ko‘ra, uning mashinalari umumiy qiymati $2 mlndan oshadi. Bu faqat ochiq manbalarda ma’lum bo‘lgan avtomobillar hisobiga kiritilgan summa.

Tramp bilan bog‘liq eng ko‘zga ko‘ringan mashinalar

Kolleksiyadagi eng mashhur modellardan biri Rolls-Royce Phantom hisoblanadi. Bu hashamatli sedan yuqori darajadagi qulaylik va sokin yurishi bilan ajralib turadi.

Shuningdek, 1956-yilda ishlab chiqarilgan klassik Rolls-Royce Silver Cloud ham bor. Bunday avtomobillar narxi holatiga qarab $150 mingdan $300 minggacha yetadi.

Italiyaning afsonaviy Lamborghini...

Shvetsiyaning rasmiy turizm va sayohat bo‘yicha ma’lumotlar portali Visit Sweden «tabiatda erkinlik va mas’uliyatni qadrlash»ni targ‘ib etish maqsadida beshta shaxsiy orolni sovg‘a qilmoqda. Shu bilan birga, milliarderlarga ariza berish taqiqlangan. Bu haqda Euronews nashri xabar berdi.

Shartlar va imkoniyatlar

Qanday...

Audi kompaniyasi yangi Audi RS5 modelini rasman namoyish etdi. Bu haqda Motor1 avtonashri ma’lum qildi.

Yangi model liftbek va universall (Avant) karoseriya variantlarida taqdim etilgan bo‘lib, u avvalgi RS4 modelini to‘liq almashtiradi. Garchi Yevropa Ittifoqi ekologik standartlari qat’iy bo‘lsa-da, Audi downsizing yo‘lini tanlamay, V6 dvigatelni elektr motor bilan birlashtirdi.

Dvigatel va ishlash xususiyatlari

Yangi RS5 2,9 litr hajmli, ikki turbinali V6 dvigatelga ega bo‘lib, 503 ot kuchi beradi. Elektr motor esa 174 ot kuchini ishlab chiqaradi. Umumiy tizim quvvati 630 ot kuchi va 825 Nm burilish momentini tashkil etadi. Mashina 0 – 100 km/soat tezlikka 3,6 soniyada...

2026-yilning yanvar oyida 589,6 ming nafar O‘zbekiston fuqarosi turistik maqsadlarda xorijiy davlatlarga safar qildi. Bu o‘tgan yilning mos davriga nisbatan 6,9 foizga ko‘p.

Statistika qo‘mitasi ma’lumotlariga ko‘ra, yilning ilk oyida o‘zbekistonliklar eng ko‘p Qirg‘iz Respublikasiga sayohat qilgan (232 ming nafar). Keyingi o‘rinlarni mos ravishda Tojikiston (98,6 ming nafar) va Qozog‘iston (88 ming nafar) egallagan.

Shuningdek, fuqarolar eng ko‘p safar qilgan davlatlar o‘nligiga Saudiya Arabistoni (62,6 ming nafar), Rossiya (32 ming nafar), Turkiya (17 ming nafar) va BAA (16 ming nafar) kirdi. Ro‘yxatning oxirgi o‘rinlaridan Tailand (6,8 ming nafar), Xitoy (6 ming nafar) va Misr (4,5 ming nafar) joy oldi.

OnePlus kompaniyasi flagman darajasidagi xususiyatlarga ega yangi OnePlus 15R smartfonini bozorga chiqardi. Qurilma kuchli unumdorlik va uzoq vaqt ishlovchi akkumulyatorni maqbul narxda taklif etadi.

OnePlus 15R modeli 6,83 dyuymli AMOLED ekranga ega bo‘lib, uning yangilanish chastotasi 165 Htsni tashkil etadi. Smartfon 8 yadroli Qualcomm Snapdragon 8 Gen5 protsessori hamda 12 GB tezkor xotira bilan ishlaydi. Uning og‘irligi 213 gramm bo‘lib, korpusi IP68/IP69K standarti bo‘yicha suv va changdan himoyalangan.

Qurilmaning asosiy e’tiborli jihati 7400 mA/soat sig‘imli akkumulyator hisoblanadi. U 80 Vt (vatt) quvvatga ega tezkor quvvatlashni qo‘llab-quvvatlaydi, biroq qadoq ichida quvvatlovchi uskuna taqdim etilmaydi. Asosiy kamera 50 Mp, qo‘shimcha keng...

Avtoekspert Felip Munoz O‘zbekiston avtomobil bozori haqida post qoldirdi, deb xabar berdi Kursiv Qozog‘iston. Unga ko‘ra, mamlakat bozori dunyodagi eng o‘ziga xos bozorlardan biri hisoblanadi.

2025-yilda O‘zbekistonda 433 ming dona avtomobil sotilgan. Bu ko‘rsatkich bo‘yicha mamlakat Belgiya va Niderlandiya bilan bir qatorda turadi. Biroq asosiy farq shundaki, savdoning 82 foizi davlat kompaniyasi UzAuto Motors tomonidan ishlab chiqariladigan Chevrolet brendiga to‘g‘ri keladi.

Ijtimoiy tarmoqlarda ayrim foydalanuvchilar bu vaziyatni hazil tariqasida «Chevroletston» deb atadi. Ko‘chalarda, asosan, oq rangli Chevrolet sedan va mikroavtobuslarini ko‘rish mumkin.

Eng ko‘p sotilgan model Chevrolet Cobalt bo‘ldi. 2025-yilda ushbu modeldan 128,5 ming dona sotilgan. Ikkinchi o‘rinda esa...

Horse Powertrain 100 foiz qayta tiklanuvchi benzin bilan ishlovchi yangi gibrid kuch qurilmasini namoyish qildi. Bu haqda CarNewsChina nashri ma’lum qildi. U Geely brendining hamkori hisoblanadi. Kompaniya birinchi namoyish avtomobilini 2026-yil boshida taqdim etishni rejalashtirmoqda.

Horse Powertrain 2024-yilda tashkil etilgan. U Geely va Renault Group ichki yonuv hamda gibrid texnologiyalarini birlashtirgan alohida yetkazib beruvchi hisoblanadi. Ulushlar 45 foizdan Geely va Renault’ga, 10 foizi esa Aramco ga tegishli. Kompaniya Renault, Geely Auto, Volvo Cars, Nissan, Mitsubishi Motors va Proton brendlari uchun tizimlar yetkazib beradi.

Yangi tizim H12 gibrid dvigateli konsepsiyasiga asoslangan. U Ispaniyaning Repsol bilan hamkorlikda ishlab chiqilgan. Kompaniya ma’lumotiga...

AQSh Davlat departamenti O‘zbekiston fuqarolariga, noqonuniy immigratsiyani tashkil etishda yordam bergan shaxslar uchun viza cheklovlarini joriy qildi. Bu haqda AQSh Davlat departamenti xabar berdi.

Bu chora O‘zbekistonda joylashgan ikki viza xizmatlari kompaniyasi rahbarlari va yuqori lavozimli xodimlariga qo‘llanadi, ular AQShga noqonuniy kelmoqchi bo‘lgan shaxslar, jumladan, voyaga yetmaganlarni, sayohat xizmatlari orqali tashishni muvofiqlashtirgan.

Cheklovlar AQSh Immigratsiya va fuqarolik qonuni 212(a)(3)(C) bo‘limiga muvofiq amalga oshiriladi, bu modda Amerika tashqi siyosatiga salbiy ta’sir ko‘rsatishi mumkin bo‘lgan shaxslarning mamlakatga kirishini taqiqlaydi. Tekshiruvlarda ko‘pchilik noqonuniy immigratsiya qilmoqchi bo‘lganlar aeroportlar va tranzit manzillar orqali yetkazilgan, keyinchalik AQSh hududida qo‘lga olingan.

Davlat departamenti bayonotida aytilishicha, AQSh milliy...

Donald Tramp Tinchlik kengashi birinchi sammitida Eronni yadro dasturi bo‘yicha kelishuvga chaqirdi va aks holda juda yomon voqealar sodir bo‘lishi mumkinligi haqida ogohlantirdi. U kelishuv uchun Eronga 10 – 15 kunlik muddat berdi.

Muzokaralar va vaziyat

Tramp muzokaralar yaxshi kechayotganini bildirdi, ammo Tehrondan «mazmunli» kelishuvni talab qildi. U iyun oyidagi AQSh tomonidan berilgan havo zarbalarini eslatib, Eronning yadro salohiyati «buzib tashlanganini» aytdi va zarur bo‘lsa, jarayonni yanada kuchaytirish mumkinligini qo‘shimcha qildi.

Eronning javobi

Tehron BMT Bosh kotibi Antonio Guterrishga yuborgan xatida Eron urush boshlamasligini, lekin harbiy tajovuzga duch kelsa, qarshi choralarni qat’iy va muvofiq tarzda ko‘rishini...

Tijorat banklari tomonidan 20-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Meta yaqinda o‘zining aqlli soatini taqdim etishni rejalashtirmoqda. Ushbu loyiha bir necha yil oldin e’lon qilingan, keyinchalik esa vaqtincha to‘xtatilgan edi.

Meta’ning yangi aqlli soati 2026-yilda chiqarilishi kutilmoqda. Qurilma sog‘liqni kuzatish imkoniyatlari va Meta AI funksiyalari bilan jihozlanadi. Loyiha kompaniya strategiya yig‘ilishida, Mark Sukerbergning Gavayidagi uyida qayta jonlantirilgan. Hozircha soatning boshqa texnik tafsilotlari ochiq e’lon qilinmadi.

Shuningdek, Meta joriy yil oxirida Ray-Ban Display ko‘zoynaklarining yangilangan versiyasi Hypernova 2’ni taqdim etishga hozirlanmoqda. Kompaniya 2027-yilda chiqarilishi kutilayotgan AR ko‘zoynaklar ustida ham ishlayotganini ma’lum qildi.

Eslatib o‘tamiz, avvalroq Meta aqlli ko‘zoynaklariga insonlarni tanish funksiyasini qo‘shishi haqida xabar bergan edik.

G‘azo hududida tashkil etilayotgan Xalqaro barqarorlashtirish kuchlariga besh davlat o‘z harbiylarini yuborishga rozi bo‘ldi. Bu haqda kuchlar qo‘mondoni, general-mayor Jasper Jeffers ma’lum qildi, deb xabar bermoqda Reuters.

Uning aytishicha, Indoneziya, Marokash, Qozog‘iston, Kosovo va Albaniya xalqaro xavfsizlik kuchlari tarkibida xizmat qilish uchun qo‘shin ajratadi. Misr va Iordaniya esa politsiya xodimlarini tayyorlash majburiyatini olgan.

Ma’lumotga ko‘ra, kuchlar dastlab G‘azoning janubidagi Rafa hududiga joylashtiriladi. U yerda mahalliy politsiya o‘qitiladi. Keyinchalik faoliyat bosqichma-bosqich boshqa hududlarga kengaytiriladi.

Uzoq muddatli rejaga ko‘ra, 20 ming nafar harbiy va 12 ming nafar politsiya xodimini tayyorlash ko‘zda tutilgan.

Eslatib o‘tamiz, Qozog‘iston, Ozarbayjon, BAA, Marokash, Bahrayn, Qatar, Saudiya...

Toshkent viloyatida hisobchi 746,8 mln so‘mni o‘zlashtirgani aniqlandi. Bu haqda Bosh prokuratura huzuridagi Departament ma’lum qildi. O‘tkazilgan tergovga qadar tekshiruvda «V.F.» MChJ hisobchisi E.A. ilgari sudlangan shaxs ekani ma’lum bo‘lgan.

U «M.R.» va «I.G.» MChJ mas’ullari bilan til biriktirgan. E.A. «V.F.» MChJ rahbari R.S.ning elektron kalitidan foydalangan. Rahbarning xabarisiz tibbiy buyumlar xaridi uchun soxta hujjatlar rasmiylashtirilgan.

Shu asosda jami 746,8 mln so‘m «M.R.» va «I.G.» MChJ hisob raqamlariga o‘tkazilgan. Biroq 298,9 mln so‘mlik mahsulot xarid qilinmagan. Mablag‘lar naqdlashtirilib, talon-toroj qilingani ma’lum bo‘ldi.

Mazkur holat yuzasidan Jinoyat kodeksining 167-moddasi bilan jinoyat ishi qo‘zg‘atilgan. Shuningdek, 228-modda bo‘yicha ham tergov harakatlari olib...

eBay kompaniyasi yoshlar orasida ommalashgan Depop kiyim-kechak sotish platformasini Etsy onlayn-do‘konidan qariyb $1,2 mlrdga sotib olmoqda. Bitim joriy yilning ikkinchi choragida yakunlanishi kutilmoqda.

Etsy ushbu platformani 2021-yilda $1,6 mlrdga xarid qilgan edi. Kelishuv e’lon qilingach, 19-fevral kungi ochiq savdolarda Etsy aksiyalari 10 foizdan ziyodga, eBay aksiyalari esa qariyb 3 foizga qimmatlagan. eBay aksiyalarining o‘sishiga kompaniyaning to‘rtinchi chorakdagi kutilganidan yuqori bo‘lgan moliyaviy natijalari ham turtki bergan.

eBay ushbu xarid orqali yosh auditoriyani jalb qilishni hamda ikkilamchi savdo bozoridagi o‘z pozitsiyasini mustahkamlashni ko‘zlamoqda. O‘tgan yili Depop tarmog‘idan 7 mln faol xaridor foydalangan va ularning qariyb 90 foizini 34 yoshgacha bo‘lgan qatlam...

General Motors elektromobillar qatorida arzon kirish modeli sifatida targ‘ib qilayotgan Chevrolet Equinox EV egalarini to‘liq qoniqtirmayapti. Bu haqda GM Authority nashri ma’lum qildi.

J.D. Power tomonidan e’lon qilingan 2026-yilgi AQSh Electric Vehicle Experience Ownership Study hisobotiga ko‘ra, model 722 ball to‘plagan. Bu ko‘rsatkich ommaviy segment bo‘yicha o‘rtacha 727 balldan past.

Equinox EV ommaviy segmentda quyi o‘rinlardan birini egalladi. Undan past natija ko‘rsatgan ikkita model bor xolos. Bular Chevrolet Blazer EV va Honda Prologue. Har uchala model ham GM’ning BEV3 platformasiga asoslangan.

Segmentda yetakchi bo‘lgan model esa Ford Mustang Mach-E bo‘ldi. U 760 ball bilan birinchi o‘rinni oldi. Undan keyingi...