Yangiliklar

Li Auto yaqin yillarda EREV sedanlar ishlab chiqarmasligini ma’lum qildi. Bu haqda kompaniya mahsulot liniyasi rahbari Tang Jing bayonot berdi.

Unga ko‘ra, yangi «range extender 3.0» dvigateli aynan L-seriyadagi krossoverlar uchun yaratilgan. Shu sababli uni sedan kuzovgа moslashtirish deyarli imkonsiz. Yangi dvigatel 1,5 litrli turbomotor bo‘lib, 154 ot kuchi ishlab chiqaradi. U Li Auto tomonidan mustaqil ishlab chiqilgan va Suzhou zavodida ishlab chiqariladi.

Mutaxassislarning ta’kidlashicha, ushbu dvigatel sedanlarda xavfsizlik talablariga mos kelmaydi. Chunki u kapotga juda yaqin joylashadi va zarba zonasini qisqartiradi. Shuningdek, bu konstruksiya yo‘l oralig‘ini kamaytirishi mumkin. Bu esa avtomobil barqarorligi va xavfsizligiga salbiy ta’sir qiladi.

Shu...

Surxondaryo viloyatida Afg‘onistondan kartoshka orasiga yashirib olib kirilgan 72 kg narkotik fosh etildi. Bu haqda Davlat xavfsizlik xizmati (DXX) ma’lum qildi.

Termiz tumanida yashovchi 2001-yilda tug‘ilgan fuqaro boshqaruvidagi «MAN» yuk avtomobili Afg‘onistondan «Termiz-avtomobil yo‘li» chegara punkti orqali kirib kelgan. Transport vositasi Davlat xavfsizlik xizmati Chegara qo‘shinlari va bojxona xodimlari tomonidan tekshiruvdan o‘tkazilgan.

Ko‘rik davomida yukxonada kartoshka ortilgani aniqlangan. Ammo mahsulotlar sinchiklab tekshirilganda, ular orasiga kartoshka ko‘rinishida niqoblangan narkotik moddalar yashirilgani ma’lum bo‘lgan.

Jami 222 dona bo‘lakdan iborat 72 kg 300 gramm «gashish» moddasi aniqlanib, ashyoviy dalil sifatida rasmiylashtirib olingan. Dastlabki ma’lumotlarga ko‘ra, ushbu narkotik moddalar Rossiyaga olib ketilishi rejalashtirilgan.

2026-yilgi Mazda3 Turbo avtomobil bozorida o‘ziga xos o‘rin egalladi. Model sport va kundalik foydalanish o‘rtasidagi muvozanatni taklif etadi. Mazda MX-5 Miata’ga xos haydov zavqini amaliy kuzov bilan birlashtirishga urinish seziladi.

Dizayn

Mazda’ning Kodo dizayn falsafasi bu modelda ham o‘zini ko‘rsatadi. Avtomobil ortiqcha agressiv elementlarsiz, silliq va uyg‘un chiziqlarga ega. Ko‘plab raqobatchilar keskin va sportiv ko‘rinishga urg‘u berayotgan bir paytda, Mazda3 yanada muloyim va premium ko‘rinadi. Shu sababli u vaqt o‘tishi bilan ham eskirmaydigan dizaynga ega.

Salon

Ichki qism haydovchiga qulaylik va sifat hissini beradi. Old o‘rindiqlar ergonomik va uzoq safarlarda ham qulay. Materiallar sifati esa...

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov 24-mart kuni FIFA Series musobaqasida qatnashish uchun Toshkentga yetib keldi.

O‘zbekiston milliy terma jamoasi bosh murabbiyi Fabio Kannavaro mart oyidagi yig‘inga tajribali legionerlar bilan bir qatorda yangi nomlar va yosh futbolchilarni ham jalb qilgan. Xususan, Iroq chempionatida to‘purarlar qatorida borayotgan Sherzod Temirov hamda 18 yoshli «Surxon» himoyachisi Behruz Karimov tarkibga kiritilgan.

Eslatib o‘tamiz, 22-mart kuni Abduqodir Husanov «Manchester Siti» safida Angliya liga kubogi sohibiga aylandi. «Uembli» stadionida kechgan bahsda «shaharliklar» Mikel Arteta boshchiligidagi «Arsenal» klubidan 0:2 hisobida ustun keldi. Bu sovrin Husanov uchun Angliyadagi dastlabki yutuq hisoblanadi.

Iqtisodiy tadqiqotlar va islohotlar markazi tomonidan tayyorlangan tahlilga ko‘ra, O‘zbekistonda so‘nggi besh yil ichida aholi jon boshiga YIM 80,5 foizga o‘sdi. Bu ko‘rsatkich $2 mingdan $3,8 minggacha yetgan.

Eng katta o‘sish Toshkent shahrida qayd etilgan. Bu yerda aholi jon boshiga YIM $9,3 mingga yetgan. Shuningdek, Navoiy va Zarafshon shaharlari ham yuqori natijalarni ko‘rsatgan.

Samarqand, Qo‘qon va Andijon shaharlarida ham iqtisodiy faollik yuqori darajada bo‘lgan. Ularning ko‘rsatkichlari $6,7 – 7,2 ming atrofida shakllangan.

Tahlilga ko‘ra, kichik va o‘rta shaharlarda ham o‘sish kuzatilgan. Termiz, Marg‘ilon va Chirchiq shaharlarida ko‘rsatkichlar $5 mingga yaqinlashgan.

Tumanlar kesimida esa eng katta o‘sish Toshkent shahri tumanlarida qayd...

O‘zbekistonda oltin narxi pasayishda davom etmoqda. Markaziy bank ma’lumotiga ko‘ra, 5 grammli oltin quymasi 9,006 mln so‘mga tushib, 19-martga nisbatan 774 ming so‘mga arzonlashdi. O‘sha xuddi shunday o‘lchamdagi quymaning narxi 9,78 mln so‘mni tashkil etgan edi.

Qaytarib sotib olish narxi 8,657 mln so‘mni tashkil qildi. Qadog‘i buzilgan holatda esa 8,569 mln so‘mga baholanadi. 10 gramm oltin narxi esa 18,013 mln so‘mga yetdi. Uni qayta sotish 17,313 mln so‘mni tashkil qiladi. Texnik talablarga mos kelmasa 17,138 mln so‘mga olinadi.

Jadval:

Oltin narxi global bozorda ham pasayishda davom etmoqda. Goldprice.com ma’lumotiga ko‘ra, 23-mart kuni 1 unsiya oltin narxi...

Jahon banki direktorlar kengashi Surxondaryo viloyatida transport infratuzilmasining modernizatsiyasi uchun $200 mlnlik loyihani ma’qulladi. Bu haqda Jahon bankining matbuot xizmati ma’lum qildi.

Ajratilgan mablag‘ hududdagi mintaqaviy avtomagistralni rekonstruksiya qilish hamda mamlakat transport sohasidagi islohotlarni qo‘llab-quvvatlashga yo‘naltiriladi.

Loyiha doirasida «Avtoyo‘linvest» agentligi ko‘magida M41 avtomagistralining O‘zbekistonni Tojikiston, Qirg‘iziston va Afg‘oniston bilan bog‘lovchi 91 kilometrlik qismi ikki chiziqdan to‘rt chiziqqa kengaytiriladi. Qayta qurish ishlari yakunlangach, yo‘ldan har kuni qariyb 35 ming kishi foydalanishi hamda hududdagi 550 ming aholi uchun yangi biznes va ish o‘rinlari yaratilishi kutilmoqda.

Shuningdek, 180 ga yaqin ko‘prik va suv toshqinlaridan himoya qiluvchi drenaj inshootlari quriladi va ta’mirlanadi. Infratuzilmaning...

OnlyFans platformasining asosiy egasi, Ukrainada tug‘ilgan amerikalik milliarder Leonid Radvinskiy saraton kasalligi oqibatida 43 yoshida olamdan o‘tdi. Tadbirkor uzoq vaqt davomida og‘ir xastalik bilan kurashib kelgan.

Radvinskiy 2018-yilda, asosan, kattalar uchun mo‘ljallangan kontentlari bilan tanilgan OnlyFans platformasining nazorat paketini sotib olgan edi. U foydalanuvchilarga to‘g‘ridan to‘g‘ri to‘lov qilish imkonini berish orqali tarmoqni yirik biznesga aylantirdi. Hozirda kompaniya obunalarning va sotilgan kontentlarning aksariyat qismidan 20 foizlik komissiya undiradi.

Ma’lumot uchun, 2024-yilda uning daromadi $1,4 mlrdni tashkil qilgan. Milliarder 2021-yildan beri platformadan taxminan $1,8 mlrd dividend olgan. Forbes jurnali ma’lumotlariga ko‘ra, uning jami boyligi $4,7 mlrdga yetgan.

Avvalroq Kursiv Uzbekistan...

Chevrolet Aveo 2026 modeli Meksikada arzonroq narxda sotuvga chiqdi. Bu haqda GMAutority nashri xabar bermoqda.

General Motors bu qaror orqali modelning bozordagi jozibadorligini oshirmoqchi. Kompaniya savdoni ko‘paytirishni maqsad qilgan. Yangi Aveo hatchback to‘rtta komplektatsiyada taqdim etildi. Barcha versiyalar zamonaviy texnologiyalar va xavfsizlik tizimlari bilan jihozlangan.

Avtomobil 1,5 litrli atmosferali dvigatel bilan chiqadi. Uning quvvati 98 ot kuchiga teng. Model 6 pog‘onali mexanik yoki CVT uzatma bilan taklif etiladi. Chevrolet ta’kidlashicha, hatchback sportiv dizayn va keng bagaj bilan ajralib turadi. Orqa o‘rindiqlar yig‘iladi, bu esa kundalik foydalanishda qulaylik yaratadi.

Model Xitoyda ishlab chiqariladi. Uni SAIC-GM-Wuling qo‘shma korxonasi yig‘adi. Modelning boshlang‘ich...

Andijon va Qashqadaryo viloyatlarida kuchli ta’sir qiluvchi dorilar savdosi bilan shug‘ullangan shaxslar ushlandi. Bu haqda Bosh prokuratura huzuridagi Departament ma’lum qildi.

Andijon viloyatining Paxtaobod tumanida o‘tkazilgan tezkor tadbirda fuqaro qo‘lga olindi. U «Tropikamid» va «Regapen» dorilarini 460 ming so‘mga sotayotgan vaqtda ushlangan. Tadbir davomida unga dori yetkazib beruvchi shaxs ham aniqlangan. U muqaddam sudlangan bo‘lib, Andijon shahridagi uyida dorilarni saqlagan.

Dori yetkazib beruvchi shaxsdan 362 dona «Tropikamid» va 1 035 dona «Regapen» dorisi ashyoviy dalil sifatida olingan.

Qashqadaryo viloyatining Chiroqchi tumanida esa yana bir holat fosh etildi. Fuqaro 550 dona «Benzonal» dorisini 1,6 mln so‘mga sotayotganida ushlandi.

Mazkur holatlar...

Shavkat Mirziyoyevga taqdim etilgan «Ekomadaniyat» umummilliy loyihasi doirasida ekologik ta’lim, ilm-fan va targ‘ibotni yagona tizimga birlashtirish rejalashtirilmoqda. Bu haqda prezident matbuot xizmati xabar berdi.

Shuningdek, loyihaga ko‘ra, 2026/2027-o‘quv yilidan boshlab respublikaning barcha 14 hududida «yashil texnikumlar» tashkil etiladi va ular Green University bilan akademik hamkorlikda faoliyat yuritadi. Kelgusida bu muassasalarda tahsil olayotganlar soni bosqichma-bosqich oshirilib, 2028 – 2029-yillarga borib 10 ming nafarga yetkaziladi.

Oliy ta’lim tizimida ham yangi yo‘nalishlar ochiladi. Jumladan, «yashil» iqtisodiyot, iqlim o‘zgarishi, atrof-muhit muhandisligi, barqaror shaharsozlik va energiya almashinuvi kabi mutaxassisliklar joriy etiladi. Ta’limda nazariya va amaliyotni uyg‘unlashtiruvchi dual tizim keng qo‘llanadi.

Aholi orasida ekologik madaniyatni...

O‘zbekiston – Qozog‘iston davlat chegarasidagi «Atameken» bojxona postida qurilish ishlari yakunlangani munosabati bilan harakat tiklandi. Bu haqda Davlat bojxona qo‘mitasi xabar berdi.

Unga ko‘ra, Sirdaryo viloyatidagi Sirdaryo chegara posti orqali yengil avtomobillar va fuqarolar harakati qayta yo‘lga qo‘yildi.

Endilikda chegaradan o‘tish jarayonlari sezilarli darajada soddalashtirilib, fuqarolar va haydovchilar uchun qulay hamda tezkor harakatlanish imkoniyati yaratildi.

Ma’lumot uchun, 2023-yil 15-fevralidan Qozog‘istonning «Qazigurt» («S.Najimov») va «Atameken» («Sirdaryo») o‘tkazish punktlari rekonstruksiya qilinishi munosabati bilan piyodalar, avtobus, yengil va yuk ko‘tarish qobiliyati 3,5 tonnagacha bo‘lgan yuk avtotransport vositalari harakati vaqtinchalik to‘xtatilgan edi.

Avvalroq Kursiv Uzbekistan «Najimov» chegara posti fuqarolar uchun qachon ochilishi noma’lum ekani...

Tijorat banklari tomonidan 24-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 24-mart uchun valyutalar kursi e’lon qilingani haqida yozgan edi.

23-mart kuni Kolumbiyaning Peru bilan chegaradosh Puerto-Legizamo hududida harbiy transport samolyoti parvoz vaqtida halokatga uchradi. Oqibatda 66 kishi halok bo‘ldi. Bu haqda Reuters xabar bermoqda.

Kolumbiya Qurolli kuchlari rahbari Ugo Alexandro Lopesning ma’lum qilishicha, Lockheed Martin tomonidan ishlab chiqarilgan Hercules C-130 samolyoti bortida jami 128 kishi bo‘lgan. Ularning 11 nafari harbiy havo kuchlari a’zosi, 115 nafari armiya xizmatchisi va 2 nafari milliy politsiya xodimi ekani tasdiqlandi.

Hozirgi vaqtda 57 nafar tirik qolgan yo‘lovchi shifoxonaga yotqizilgan bo‘lib, ulardan 30 nafarining ahvoli barqaror deb baholanmoqda. Mudofaa vaziri Pedro Sanchesning so‘zlariga ko‘ra, halokat samolyot uchish yo‘lagidan ko‘tarilayotganda yuz bergan.

O‘t o‘chiruvchi Eduardo...

Toshkent shahrida bugun, 24-martdan 1-maygacha magistral issiqlik tarmoqlarini yuqori bosim ostida sinovdan o‘tkazish ishlari boshlanadi. Bu haqda Veolia Energy Tashkent kompaniyasi xabar berdi.

Ishlar davomida tarmoqlarning mexanik mustahkamligi va zichligi tekshiriladi, bu esa isitish mavsumiga tayyorgarlik va qishda barqaror issiqlik yetkazib berishni ta’minlashga qaratilgan.

Sinovlar natijasida 24 – 31-mart kunlari qisqa muddatli issiq suv uzilishi mumkin. 1-aprel – 1-may kunlari davomida esa issiq suvni uzmasdan o‘tkaziladi.

Haydovchilar, piyodalar va aholi ehtiyot choralariga rioya qilishi tavsiya etiladi. Tumanlar bo‘yicha manzillar va aniq sanalar bilan shu havola orqali tanishish mumkin.

Avvalroq Kursiv Uzbekistan Toshkentda rejali asosda sovuq suv oʻchirilishi haqida...

Chery va Jaguar Land Rover hamkorligidagi yangi elektromobil 31-mart kuni namoyish etiladi. Bu haqda CarNewsChina nashri xabar bermoqda.

U Freelander nomi ostidagi ilk elektromobil bo‘ladi. Yangi Freelander alohida elektr brend sifatida yaratilmoqda. U Chery texnologiyalari va Jaguar Land Rover’ning premium tajribasini birlashtiradi.

Model katta 6 o‘rinli plug-in gibrid krossover bo‘ladi. Dizayni kvadrat shaklli va agressiv ko‘rinishda yaratilgan. U klassik Freelander uslubini eslatadi.

Old qismida to‘rtburchak LED faralar o‘rnatiladi. Tizerlarga ko‘ra, model «kichik Defender»ga o‘xshash bo‘lishi mumkin. Texnik jihatdan avtomobil 1,5 litrli turbo dvigatel va uchta elektromotor bilan jihozlanadi. Platforma sifatida Chery’ning E0X arxitekturasi qo‘llanadi.

Krossover zamonaviy texnologiyalarni oladi...

Yevropa Ittifoqiga migrantlar oqimining ortishiga, asosan, Rossiya prezidenti Vladimir Putin sababchi hisoblanadi. Bu haqda YI ichki ishlar va migratsiya bo‘yicha komissari Magnus Brunner ma’lum qildi.

«Bu yirik migratsiya oqimlari ortida doimo Putin turadi», – dedi Magnus Brunner.

U 2015 – 2016-yillarda Yevropada yuzaga kelgan va 2 mlndan ortiq boshpana so‘rash arizasiga sabab bo‘lgan Suriya inqirozini eslatib, o‘shanda Rossiya Bashar Asadni qo‘llab-quvvatlaganini ta’kidladi.

Ikkinchi yirik migratsiya oqimi Rossiya boshlagan urush oqibatida Ukrainadan kelgan qochqinlar bilan bog‘liq. Hozirgi kunga kelib qariyb 4,3 mln nafar ukrainalik Yevropa Ittifoqida vaqtinchalik himoya maqomini olgan. Komissar Erondagi vaziyatga ham to‘xtalib...

Samsung yangi flagmanlari – Samsung Galaxy S26, S26 Plus va S26 Ultra uchun muhim yangilikni e’lon qildi. Endilikda ushbu smartfonlar AirDrop orqali Apple qurilmalari bilan fayl almasha oladi. Bu haqda iPhones.ru nashri xabar berdi.

Yangi imkoniyat Quick Share funksiyasi orqali ishlaydi. Shu orqali Samsung foydalanuvchilari iPhone, iPad va Mac qurilmalari bilan to‘g‘ridan to‘g‘ri fayl yuborish va qabul qilish imkoniga ega bo‘ladi.

Biroq bu funksiya sukut bo‘yicha o‘chirilgan holda keladi. Uni yoqish uchun foydalanuvchilar Quick Share sozlamalariga kirib, AirDrop bilan ishlash opsiyasini faollashtirishi kerak bo‘ladi.

Yangilik 23-martdan boshlab dastlab Janubiy Koreyada ishga tushirildi. Keyinchalik esa bosqichma-bosqich boshqa mamlakatlardagi foydalanuvchilarga ham...

Xpeng kompaniyasi yangi arzon elektromobil ustida ishlamoqda. Bu haqda CarNewsChina nashri xabar bermoqda. Model Mona D02 nomi bilan chiqishi mumkin.

Internetda avtomobilning yashirilmagan suratlari paydo bo‘ldi. Model 2026-yilda rasman taqdim etilishi kutilmoqda. Yangi krossover Xpeng Mona M03 dizayniga o‘xshash bo‘ladi. Old qismida T shaklli faralar va qora bamper bor.

Model LiDAR sensordan voz kechadi. U faqat kameralarga asoslangan haydovchi yordam tizimi bilan ishlaydi. Bu tizim shaharda yarim avtonom harakatni qo‘llab-quvvatlaydi.

Yon tomonda yarim yashirin eshik tutqichlari qo‘llanilgan. Tom qismi panoramali bo‘ladi. Orqa dizayn esa kupe-krossover uslubida yaratilgan. Salon Xpeng Mona M03 kabi minimalistik bo‘ladi. Asosiy element katta multimedia ekrani...

Subaru yangi uch qatorli elektr krossoverini e’lon qildi. Model 1-aprel kuni New York Auto Show doirasida rasman taqdim etiladi.

Yangi avtomobil ikki elektromotorli tizim bilan jihozlanadi. Umumiy quvvat 420 ot kuchini tashkil etadi. Model haqida hozircha ma’lumot kam. Ammo u Toyota bilan hamkorlikda yaratilgani aytilmoqda. Krossover yangi Toyota Highlander EV platformasiga asoslanishi mumkin.

E’lon qilingan tizerda avtomobilning old qismi ko‘rsatilgan. Dizayn Subaru Solterra uslubiga yaqin. Unda ajratilgan faralar, yorug‘ logotip va tom relslari bor.

Texnik xususiyatlar Highlander EV bilan o‘xshash bo‘lishi kutilmoqda. Batareya sig‘imi 77 yoki 95,8 kVt/soat bo‘lishi mumkin. Zaxira yurish masofasi 435 – 515 km atrofida bo‘ladi...

Apple kompaniyasi iPhone 17 Pro smartfonida ulkan hajmdagi neyrotarmoqni ishga tushirishga muvaffaq bo‘ldi. Gap 400 milliard parametrga ega Flash-MoE modeli haqida bormoqda, deya yozadi Anemll blogi X ijtimoiy tarmog‘ida.

Loyiha vakillarining aytishicha, bunday modelning hatto siqilgan versiyasi ham kamida 200 GB operativ xotira talab qiladi. Bu esa atigi 12 GB RAM bilan jihozlangan smartfon uchun deyarli imkonsiz vazifa hisoblanadi. Shu sababli ishlab chiquvchilar noodatiy yechimdan foydalangan.

Ular modelni to‘liq xotiraga yuklash o‘rniga qurilmaning ichki xotirasidan (SSD) foydalanib, ma’lumotlarni to‘g‘ridan to‘g‘ri grafik protsessorga uzatgan. Flash-MoE esa Mixture-of-Experts texnologiyasiga asoslangani bois, har bir so‘zni yaratishda barcha parametrlar emas, balki ularning faqat...

Samsung Galaxy A37 va Samsung Galaxy A57 smartfonlarining narxlari rasmiy taqdimotidan oldin oshkor etildi. Bu haqda Vodafone South Africa ma’lum qilmoqda.

Ma’lumotlarda dizayn, xususiyatlar va narxlar ko‘rsatilgan. Rasmiy taqdimot 25-mart kuni bo‘lib o‘tadi. Galaxy A37 uch rangda taqdim etiladi. Ular Dark Green, Gray va Light Violet ranglaridir. 8/256 GB xotirali versiya $445 etib belgilangan.

Ushbu model 50, 8 va 5 MP kameralar bilan jihozlanadi. Batareya sig‘imi 5000 mA/soatni tashkil etadi. 45 Vt tezkor quvvatlash qo‘llab-quvvatlanadi.

Galaxy A57 esa Dark Blue va Gray ranglarda chiqadi. 8/256 GB varianti $595 deb baholangan. Smartfon 120 Hz yangilanish chastotasiga ega AMOLED ekran oladi...

Geely kompaniyasi Xitoyda yangilangan Boyue L (Geely Atlas) modelini taqdim etishga tayyorlanmoqda. Bu haqda Autohome texnologiyalar nashri xabar bermoqda. Avtomobil oy oxirida rasman sotuvga chiqadi.

Yangilanishning asosiy jihati yangi H3 haydovchiga yordam tizimi bo‘ldi. Shuningdek, kuzov uchun Sunny Mountain Blue rang va aqlli yorug‘lik indikatsiyasi qo‘shilgan. Tashqi ko‘rinishda katta o‘zgarish yo‘q. Eng sezilarli yangilik yon oynalarda joylashgan ko‘kimtir chiroqlardir. Ular avtopilot yoqilganda avtomatik ravishda yonadi.

Avtomobil Qianli Haohan H3 tizimi bilan jihozlanadi. U uchta millimetrli radar, 11 ta HD kamera va 128 TOPS quvvatli hisoblash platformasidan iborat. Tizim magistral yo‘llarda yarim avtonom harakatlanishni qo‘llab-quvvatlaydi. Shuningdek, aqlli parkovka yordamchisi ham...

Bugun, 24-mart kuni mamlakat bo‘ylab yog‘ingarchiliksiz, iliq ob-havo hukm suradi. Kunduzi havo harorati 22–27 daraja atrofida bo‘lishi kutilmoqda. Bu haqda «O‘zgidromet» xabar berdi.

Shamol tezligi 7–12 m/s ni tashkil etadi. Ayrim hududlarda, ayniqsa, shimoliy va cho‘l zonalarida shamol kuchayib, 13–18 m/s gacha yetishi mumkin. Ba’zi joylarda chang-to‘zonlar ham kuzatilishi ehtimoli bor.

Poytaxtda ham kun asosan ochiq va quruq o‘tadi. Shamol nisbatan sust — 3–8 m/s atrofida bo‘ladi. Harorat esa 23–25 darajagacha ko‘tariladi.

Tog‘li hududlarda ham yog‘ingarchilik kutilmaydi. Bu yerda havo harorati 10–15 daraja oralig‘ida bo‘lib, shamol tezligi 7–12 m/s ni tashkil etadi.

Avvalroq Kursiv Uzbekistan 2030-yilgacha havo ifloslanishi keskin...