Yangiliklar

Qirg‘iziston prezidenti Sadir Japarov o‘lim jazosini qayta joriy etish bo‘yicha muhokamalarga izoh berdi. Unga ko‘ra, bu masalada yakuniy qarorni xalq referendum orqali qabul qilishi mumkin.

Qirg‘iziston prezidenti matbuot kotibi Asqat Alagozov ma’lum qilishicha, Japarov bu tashabbusni 17 yoshli Oysuluv Mukashevaning shafqatsizlarcha o‘ldirilishi ortidan ko‘tarilgan jamoatchilik talabidan kelib chiqqan holda qo‘llab-quvvatlagan.

Davlat rahbarining so‘zlariga ko‘ra, voyaga yetmaganlar va ayollarga qarshi jinoyatlar soni ortib bormoqda, oddiy qamoq jazosi esa jinoyatchilarni to‘xtata olmayapti. Shu sababli u o‘lim jazosi jinoyatlar sonini kamaytirishi mumkinligini ta’kidlagan.

Bundan tashqari, Japarov korrupsiya bilan bog‘liq jinoyatlar bu jazo doirasiga kiritilmasligini ham aytdi. Gap faqat qotillik va pedofiliya...

Shavkat Mirziyoyev 6-oktabr kuni Ozarbayjon prezidenti Ilhom Aliyevning taklifiga binoan amaliy tashrif bilan ushbu mamlakatga jo‘nab ketdi. Bu haqda prezident matbuot xizmati xabar berdi.

Davlat rahbari Turkiy davlatlar tashkilotining navbatdagi sammitida ishtirok etadi. «Mintaqaviy tinchlik va xavfsizlik» mavzusidagi yig‘ilishda ustuvor yo‘nalishlarda ko‘p tomonlama hamkorlikni chuqurlashtirish masalalari muhokama qilinadi.

Sammit yakunida tashkilotga a’zo davlatlar o‘rtasidagi amaliy hamkorlikni kengaytirishga qaratilgan qator hujjatlar imzolanishi kutilmoqda.

Eslatib o‘tamiz, Kursiv Uzbekistan prezident Ozarbayjonda bo‘lib o‘tadigan Turkiy davlatlar tashkiloti sammitida ishtirok etishi haqida yozgan edi.

O‘zbekistonda sun’iy intellekt uchun «superkompyuter klasteri» yaratilmoqda. Bu haqda davlat rahbari matbuot xizmati xabar berdi.

So‘nggi yillarda O‘zbekiston sun’iy intellektni tatbiq etish bo‘yicha xalqaro reytingda 17 pog‘ona ko‘tarilib, hozirda 188 davlat ichida 70-o‘rinda, Markaziy Osiyoda esa birinchi o‘rinda turibdi. Mamlakatda 2030-yilgacha mo‘ljallangan Sun’iy intellekt strategiyasi qabul qilingan va maxsus markaz tashkil etilgan.

Shuningdek, sog‘liqni saqlash, ta’lim, energetika, qishloq xo‘jaligi, transport, ekologiya va moliya sohalarini qamrab oladigan 86 ta loyiha ishlab chiqilgan. Shu maqsadda $50 million mablag‘ ajratilgan. Bundan tashqari, sun’iy intellektni qo‘llash uchun zarur hisoblash imkoniyatlarini yaratish maqsadida «superkompyuter klasteri»ni yaratish ishlari olib borilmoqda.

Kadrlar tayyorlash uchun «Bir...

Stokgolmda 6-oktabr kuni fiziologiya yoki tibbiyot boʻyicha 2025-yilgi Nobel mukofoti sohiblari eʼlon qilindi. Bu yilgi eng nufuzli ilmiy mukofot immunitet tizimining boshqaruv mexanizmlaridan biri periferik tolerantlikni oʻrganish borasidagi tadqiqotlar uchun berildi.

Mukofotga amerikalik olimlar Meri Brunkov (Sietldagi Tizimli biologiya instituti), Fred Ramsdell (San-Fransiskodagi Parker rakka qarshi immunoterapiya instituti) hamda yaponiyalik professor Shimon Sakaguchi (Osaka universiteti) loyiq deb topildi.

Ular immun tizimining organizm oʻz hujayralariga hujum qilmaslik qobiliyati — periferik immun tolerantlik mexanizmini aniqlab, autoimmun kasalliklarni tushunishda muhim yoʻl ochib berdi.

Taʼkidlanishicha, immunitet tizimining asosiy vazifasi — organizmni virus va bakteriyalardan himoya qilish. Biroq u nafaqat tashqi patogenlarni aniqlab, balki...

O‘zbekiston futbol assotsiatsiyasi italiyalik mashhur mutaxassis, 2006-yilgi Jahon chempionati g‘olibi va o‘z davrining eng yaxshi himoyachilaridan biri Fabio Kannavaro bilan shartnoma imzoladi. Bu haqda O‘FA xabar bermoqda.

Endilikda Kannavaro O‘zbekiston terma jamoasini 2026-yilda AQSh, Kanada va Meksikada bo‘lib o‘tadigan Jahon chempionatiga tayyorlaydi.

Murabbiylar shtabida unga tajribali mutaxassislar yordam beradi:

Aujeniyo Albarella – yordamchi murabbiy, ilgari Yaponiya terma jamoasi, «Yuventus», «Udineze» va «Dinamo Zagreb»da ishlagan;

Troize Fransesko – jismoniy tayyorgarlik murabbiyi, «Benevento», «Udineze» va «Dinamo Zagreb»dagi faoliyati bilan tanilgan;

Antonio Kimenti – darvozabonlar murabbiyi, Italiya yoshlar terma jamoasi, «Sampdoria» va «Spal» klublarida ishlagan.

Eslatib o‘tamiz, Kursiv Uzbekistan Toshkentga yetib kelgani...

7-oktabr uchun valyuta kurslari e’lon qilindi. Shu kun uchun AQSh valyutasi 12 022,90 so‘m (-37,58 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 29-sentabrda kurs 61,04 so‘mga arzonlashib, 12 138,67 so‘mga tushdi. 30-sentabrda esa pasayish davom etdi va 12 067,76 so‘m qilib belgilandi. 2-oktabrda 12 084,10 so‘m (+16,34 so‘m) etib belgilandi. 3-oktabrda dollar 15,62 so‘m oshib, 12099,72 so‘mga teng bo‘ldi. 6-oktabr kuni 12 060,48 so‘m (-39,24 so‘m) etib belgilandi.

Markaziy bank ma’lumotlariga ko‘ra, yevro 130,67 so‘mga tushib, 14 025,92 so‘mni, rubl esa 2,22 so‘mga tushib, 144,75 so‘mni tashkil qildi.

Xitoy hukumati AQShdagi milliy xavfsizlik cheklovlarini yumshatish evaziga katta sarmoya kiritishni taklif qilmoqda. Bu haqda Bloomberg xabar berdi.

Xususan, prezident Si Szinpin muzokarachilari AQShdan Xitoy bilan bog‘liq bitimlarga qo‘yilgan to‘siqlarni olib tashlashni va ayrim bojlarni pasaytirishni so‘ragan. Bu masala sentabr oyida Madridda bo‘lib o‘tgan savdo muzokaralarida muhokama qilingan.

Xitoy yil boshida AQShga $1 trilliongacha sarmoya kiritish ehtimoli haqida gapirgan, ammo hozircha aniq miqdor noma’lum. AQSh savdo vakillari esa Xitoy kompaniyalari uchun investitsiya muhiti muhokama qilinganini tasdiqladi.

Nashrning yozishicha, Pekin rejalashtirayotgan investitsiyalar hajmi boshqa mamlakatlarning majburiyatlaridan oshib ketadi. AQSh bilan savdo cheklovlarini kelishish uchun Yevropa Ittifoqi $600 milliard...

Toshkent shahridagi Maxtumquli ko‘chasining bir qismi noyabrgacha yopiladi. Bu haqda Yashnobod tuman hokimligi axborot xizmati xabar berdi.

Unga ko‘ra, Toshkent kichik halqa avtomobil yo‘lining Maxtumquli ko‘chasi bilan kesishmasidagi ko‘prik ostida yo‘l infratuzilmasini yangilash ishlari olib boriladi. Shu sababli ushbu hududda avtomobillar harakati 2025-yil 1-noyabrgacha cheklanadi.

Hokimlik ta’mirlash ishlari yakunlangach, 1-noyabrdan yo‘l harakati to‘liq tiklanishini qo‘shimcha qildi.

Bundan avval Toshkent shahrining Sergeli tumanidagi Qumariq ko‘chasi joriy yilning 2 – 15-oktabr kunlari issiqlik tarmoqlarini almashtirish ishlari sababli yopilishi xabar qilingandi.

Boshqarma ta’mirlash davrida tirbandliklar yuzaga kelishi mumkinligini, shu sababli yo‘lovchilarga safarlarini oldindan rejalashtirishni tavsiya qilgan.

Fransiya bosh vaziri Sebasten Lekornyu iste’foga chiqdi. Bu haqda BBC BFM telekanaliga tayanib xabar berdi.

Xabar qilinishicha, Emmanuel Makron iste’foni qabul qilgan. Yelisey saroyi matbuot xizmati ham ushbu ma’lumotni tasdiqladi.

39 yoshli Lekornyu 9-sentabr kuni bosh vazir etib tayinlangan edi. U avvalgi hukumatda mudofaa vaziri lavozimida ishlagan. Shu tariqa Lekornyu atigi bir oydan kamroq vaqt bosh vazir bo‘lib faoliyat yuritdi. Le Figaro ta’kidlashicha, bu Fransiyaning yangi tarixidagi eng qisqa bosh vazirlik muddati bo‘ldi.

So‘nggi ikki yil ichida mamlakatda beshinchi bosh vazir almashmoqda.

Iste’foga bir kun qolganida Lekornyu taqdim etgan yangi hukumat tarkibi oppozitsiya tomonidan keskin tanqid qilindi. Ular kabinetga...

Xitoyning Zeekr kompaniyasi tomonidan yangilangan Zeekr 001 modelining interyeri taqdim etildi. Bu haqda CarNewsChina xabar bermoqda.

Avtomobilning rasmiy taqdimoti 11-oktabr kuni bo‘lib o‘tadi va shu kundan boshlab yetkazib berishlar boshlanishi kutilmoqda.

Interyer va texnologiyalar

Yangi modelda eng katta o‘zgarishlar interyer va texnologiyalarga qaratilgan. Salon dizayni Starry Sky Concert Hall kontseptsiyasiga asoslangan. Boshqaruv paneli markazida endi 16 dyuymli 3,5K aniqlikdagi sensorli ekran joylashgan. Oldingi modeldagi ekran 15,05 dyuym va 2,5K aniqlikda edi. Yangi ekran 30 daraja burchakda aylanish imkoniyatiga ega.

Bundan tashqari, 13,02 dyuymli asboblar paneli, 8 dyuymli orqa boshqaruv ekrani, 39,3 dyuymli AR-HUD tizimi va 29 ta dinamik...

Honor kompaniyasining yangi Honor X9d smartfoni xalqaro bozorda katta muvaffaqiyat qozonmoqda. ITHome xabariga ko’ra, model Malayziya va Singapurda sotuv bo‘yicha rekord qayd etgan.

Malayziyada oldindan buyurtma uchun ajratilgan butun hajm atigi 10 kunda sotilib ketdi. Singapurda esa oldindan buyurtmalar avvalgi model ko‘rsatkichidan 400 foizga oshdi.

Honor Terminal savdo va xizmat ko‘rsatish bo‘limi prezidenti Van Ban natijalarni juda yaxshi deya baholagan. Malayziyada sotuvlar avvalgi modelga nisbatan 507 foizga yuqori bo‘ldi.

Honor X9d’ning asosiy afzalligi — 8300 mA/soat sig‘imli batareya va 66 vattli tezkor quvvatlash. Qurilma IP69K himoyasi, Qualcomm Snapdragon 6 Gen 4 protsessori hamda 108 megapikselli kamera bilan jihozlangan.

Eslatib...

6-oktabr kuni Toshkentda sodir bo‘lgan zilzila vaqtida Moskva — Toshkent yo‘nalishidagi «Aeroflot» samolyoti qo‘nishda ikkinchi aylanishga majbur bo‘ldi. Uzbekistan Airports bu holatni odatiy xavfsizlik chorasi sifatida tushuntirdi.

Kompaniya ma’lumotiga ko‘ra, bunday qaror uchish-qo‘nish yo‘lagining holatini tekshirish va aerodrom infratuzilmasi xavfsizligiga ishonch hosil qilish uchun qabul qilinadi. Zilzila vaqtida uchish-qo‘nish yo‘lagida yoriqlar paydo bo‘lishi, uskunalar joyidan siljishi yoki aloqa uzilishlari mumkin.

Shu sababli aerodrom xodimlari darhol yo‘lak va atrofdagi jihozlarni tekshiradi. Uzbekistan Airports ta’kidlashicha, bu nafaqat mantiqiy, balki Xalqaro aviatsiya qo‘llanmalari talablarida belgilangan tartibdir.

Eslatib o‘tamiz, 6-oktabr kuni tungi vaqtda Qirg‘izistondagi yetti balli zilzila O‘zbekistonning beshta hududida sezildi.

Shahram Gʻiyosov 14-noyabr kuni Toshkentdagi «Humo Arena» majmuasida tashkil qilinadigan boks oqshomiga navbatdagi jangini o‘tkazadi.

Manbada keltirilishicha, hozircha G‘iyosovga kim raqib bo‘lishi noma’lum. Shuningdek, Lift Promotions kompaniyasi tomonidan oʻtkaziladigan musobaqada Lazizbek Mullajonov va Aʼloxon Abdullayev ham jang oʻtkazishi rejalashtirilgan.

Eslatib oʻtamiz, Gʻiyosov oxirgi jangini 2025-yil 13-aprel kuni AQShning Atlantik-Siti shahrida argentinalik Franko Maksimiliano Okampoga qarshi oʻtkazgan edi. U raqibini toʻrtinchi raundda nokautga uchratib, gʻalabani qoʻlga kiritgan.

Avvalroq Kursiv Uzbekistan Hasanboy Doʻstmatov Bishkekda meksikalik bokschiga qarshi ringga chiqishi haqida xabar bergan edi.

Oliy Majlis Senati Toshkent shahar hokimiga sobiq «Toshturma» hududi bo‘yicha senatorlik so‘rovi yubordi. Yuqori palata xabariga ko‘ra, gap Yunusobod tumani Namangan ko‘chasidagi sobiq tergov hibsxonasi hududida qurilishi rejalashtirilgan zamonaviy xiyobon haqida bormoqda.

2018-yildagi Vazirlar Mahkamasi farmoyishiga muvofiq, sobiq tergov hibsxonasi hududi shahar hokimligi balansiga o‘tkazilib, u yerda dam olish maskani barpo etilishi belgilangandi. Oradan ancha vaqt o‘tgan bo‘lsa-da, farmoyishda belgilangan vazifalar ijrosi to‘liq ta’minlanmagan. Aksincha, hudud qarovsiz qolib, ayrim kompaniyalar tomonidan xususiy maqsadlarda foydalanishga urinishlar kuzatilayotgani aholining e’tirozlariga sabab bo‘lmoqda.

Shu sababli Senatning Agrar, suv xo‘jaligi masalalari va ekologiya qo‘mitasi raisi o‘rinbosari Sayyora Abdikarimova Toshkent shahar hokimi Shavkat Umurzoqovga senator so‘rovi yuborib, hududning hozirgi ahvoli, kechikish sabablari va xiyobon...

Xorijiy brend nomidan ruxsatsiz foydalangan korxona jarimaga tortildi. Bu haqda Raqobat qoʻmitasi xabar berdi.

Unga ko‘ra, Ahangaron Hygienic Pro korxonasi «Kimberly-Clark» MChJga tegishli bo‘lgan Huggies savdo belgisidan ruxsatsiz foydalangan.

Oʻrganishlar davomida ushbu korxona, haqiqatan ham, mazkur brend belgisidan foydalangani va bu holat brend obroʻsiga salbiy ta’sir koʻrsatayotgani tasdiqlandi.

Shu sababli korxonaga nisbatan ish qoʻzgʻatilib, qonunbuzarlik deb topildi hamda moliyaviy jarima qoʻllash haqida qaror qabul qilindi. Shuningdek, bunday holatlarning kelgusida takrorlanmasligi uchun korxonaga koʻrsatma berildi.

Bundan avval TIM brendi ostida qalbaki go‘sht mahsulotlari ishlab chiqarilgani haqida xabar berilgandi. Unga ko‘ra, «Sheris Rent Group» MChJ o‘ziga tegishli TIM jamlama...

Shavkat Mirziyoyev marhum davlat va jamoat arbobi, suv xo‘jaligi vazirining maslahatchisi Ismoil Jo‘rabekovning xonadoniga tashrif buyurdi. Bu haqda prezident matbuot xizmati xabar bermoqda.

Ta’ziyali xonadonga tashrif davomida Qur’on tilovat qilinib, duo oʻqildi. Davlat rahbari marhumning ezgu ishlarini, Vatanga xizmatlarini yodga oldi.

Ismoil Jo‘rabekov 1931-yil Samarqandda tug‘ilib, butun mehnat faoliyatini irrigatsiya va melioratsiya sohasiga bag‘ishlagan. 1985-yilda Vazirlar Kengashi raisining birinchi o‘rinbosari etib tayinlangan. Mustaqillik yillarida esa Bosh vazirning birinchi o‘rinbosari, davlat maslahatchisi kabi mas’ul lavozimlarda ishlagan.

So‘nggi yillarda ham u suv xo‘jaligi vazirining maslahatchisi sifatida faoliyat yuritib, keng ko‘lamli islohotlarda qatnashgan. Uning xizmatlari davlat mukofotlari, jumladan, «O‘zbekistonda xizmat ko‘rsatgan irrigator...

Leapmotor kompaniyasi tomonidan yangi Leapmotor B05 Ultra elektromobili (mahalliy bozorda Lafa 5 Ultra) namoyish etildi. Bu haqda CarNewsChina xabar qilmoqda.

Avtomobil mashhur B05 xetchbekining sport versiyasi bo‘lib, birinchi marta 2025-yil Myunxen avtosalonida ko‘rsatildi.

Kompaniya vitse-prezidenti Cao Lining aytishicha, model yosh, tezlikni sevuvchi xaridorlar uchun ishlab chiqilgan. Hozircha blind-order qilganlarning 70 foizi 35 yoshdan kichik. Oddiy Lafa 5 2025-yil oxirida Xitoy bozoriga chiqadi, Ultra versiyasi esa 2026-yilning birinchi yarmida yetkazib berila boshlaydi. Keyinchalik xalqaro bozorga ham chiqarish rejalashtirilgan.

Texnik ma’lumotlar to‘liq ochiqlanmagan, ammo Ultra’da bir qator tashqi yangiliklar bor: aerodinamik paket, yangilangan old splitter, kattaroq spoyler va qora yaltiroq detallar...

«Toshkent» respublika fond birjasi (RFB)da joy olgan yuqori likvidli aksiyalarning aksariyati 26-sentabrdan 3-oktabrgacha bo‘lgan davrda turli dinamikani ko‘rsatib, UCI fond indeksi 0,49 foizga o‘sdi.

Ushbu davrda yuqori likvidli aksiyalar ro‘yxatida biroz o‘zgarish yuz berdi. «Turonbank» va «Qo‘qon mexanika zavodi» aksiyalari olib tashlandi. O‘z navbatida, ro‘yxatga «O‘zsanoatqurilishbank», «Biznesni rivojlantirish banki», «Trastbank», «Garant bank», «Dori-Darmon», «Qashqadaryo texnologik transport» va «UzAuto Motors» aksiyalari qo‘shildi.

O‘tgan hafta mobaynida «Hamkorbank» aksiyalari eng katta o‘sishga erishib, 16,48 foizga qimmatlashdi. Shuningdek, «Biznesni rivojlantirish banki» (+11,42%) va «O‘zsanoatqurilishbank» (+7,58%) aksiyalarida ham o‘sish qayd etildi.

Biroq «Qashqadaryo texnologik transport» aksiyalari 16,08 foizga arzonlashib, haftaning eng katta pasayishini qayd etdi...

AQSh hukumati faoliyatining to‘xtab qolishi bir necha haftagacha davom etishi mumkin. France Press agentligining yozishicha, siyosiy tomonlar o‘zaro kelishuvga erisha olmayapti.

«Ehtimol, bu shatdaun kunlar emas, haftalar davom etadi. Tomonlar qarama-qarshilikda qolgan va murosaga erishish haqida gaplar yo‘q», deya ta’kidladi AQSh Senatidagi demokratlar yetakchisining sobiq matbuot kotibi Endryu Koneshyuski.

1-oktabrdan AQShda yangi moliyaviy yil boshlangan, biroq Kongress budjetni vaqtida tasdiqlamagan. Natijada hukumatning bir qismi ish faoliyatini to‘xtatgan. Bu holat shatdaun deb ataladi va AQShda bunday vaziyat birinchi marta yuz berayotgani yo‘q.

Prezident Donald Tramp ushbu jarayonni «keraksiz dasturlardan xalos bo‘lish» imkoniyati sifatida ko‘rmoqda...

6-oktabr kuni oltin quymalar narxi tarixiy rekordni yana bir bor yangiladi. Bu haqda Markaziy bank axborot xizmati xabar berdi.

Regulyator xabariga ko‘ra, narxlar barcha toifadagi quymalar bo‘yicha o‘sdi. Xususan, 5 grammli quyma 7,76 mln so‘mdan 7,86 mln so‘mga, 10 grammli quyma 15,517 mln so‘mdan 15,721 mln so‘mga, 20 grammli quyma 31,033 mln so‘mdan 31,441 mln so‘mga ko‘tarildi.

Shuningdek, 50 grammli quyma 78,603 mln so‘m, 100 grammli esa 157,206 mln so‘mni tashkil etdi.

Jahon bozorida ham oltin narxi oshib bormoqda. Xususan, 6-oktabr kuni Toshkent vaqti bilan soat 09:34 holatiga ko‘ra, jahon bozorida oltinning spot narxi tarixiy eng yuqori ko‘rsatkichni yangilab, bir...

6-oktabr soat 11:30 holatiga ko‘ra, Toshkent havosidagi PM2.5 zarrachalar miqdori 188 mkg/m³ ni tashkil etdi. Bu ko‘rsatkich «zararli» darajaga kiradi, deya xabar berdi IQAir portali.

Shuningdek, poytaxt havosida PM10 zarrachalar miqdori 269,7 mkg/m³ ga yetgan – bu Jahon sog‘liqni saqlash tashkiloti (JSST) belgilagan kunlik me’yordan (45 mkg/m³) qariyb 6 baravar yuqori.

Reytingda Bishkek (Qirg‘iziston) 152 mkg/m³ bilan ikkinchi, Kinshasa (Kongo) esa 132 mkg/m³ bilan uchinchi o‘rinni egalladi.

Eng iflos havoga ega shaharlar o‘ntaligiga Kalkutta, Manama, Doha, Jakarta, Addis-Abeba, Dehli va Bog‘dod ham kiritilgan.

JSST ma’lumotiga ko‘ra, inson salomatligiga eng ko‘p zarar yetkazadigan omil — bu PM2.5 tipidagi mayda zarrachalar...

«Aeroflot» aviakompaniyasining samolyoti Toshkentda sodir bo‘lgan zilzila sababli qo‘nishni qayta urinish orqali amalga oshirdi. Bu haqda «Novosti Tashkentskogo Neba» Telegram kanali xabar berdi.

Moskva – Toshkent yo‘nalishida parvoz qilayotgan SU1870 reysi ekipaji Airbus A320 samolyotida Islom Karimov nomidagi aeroportga qo‘nish jarayonida majburan ikkinchi aylanani bajarishga majbur bo‘ldi. Samolyot soat 01:50 da muvaffaqiyatli qo‘ndi.

Seysmologlar ma’lumotiga ko‘ra, zilzila Qirg‘izistonning Jalolobod viloyati hududida sodir bo‘lgan. Uning magnitudasi 5,7, chuqurligi esa 10 kilometrni tashkil etgan. Zilzila epitsentrida tebranish kuchi 7 ballga yetgan.

Yer silkinishlari O‘zbekistonda ham sezilgan: Namangan viloyatida — 3-4 ball, Andijonda — 3 ball, Farg‘onada — 2-3 ball, Toshkentda...

Google Pixel 10 smartfoniga noyob imkoniyat qo‘shildi. Endi telefon orqali muloqot qilayotgan ikki tomon o‘z ona tilida gapirishi mumkin.

Qurilma suhbatni avtomatik tarjima qilib, javobni suhbatdoshning o‘z ovoz tembri va intonatsiyasi bilan qayta eshittiradi.

Asosiy afzallik shundaki, tarjima qilingan gaplar sun’iy tovush emas, balki tabiiy inson nutqiga o‘xshaydi. Bu xalqaro muloqotni yanada oddiy va tezkor qiladi.

Funksiya to‘liq qurilmaning ichida ishlaydi. Tensor G5 chipi va Gemini Nano AI modeli orqali ma’lumot bulutli serverlarga yuborilmaydi. Shu sababli jarayon tez, xavfsiz va maxfiy bo‘ladi.

Google ma’lumotiga ko‘ra, xizmat ingliz, ispan, nemis, italyan, yapon, fransuz, hind, portugal, indonez, rus va shved tillarida...

O‘zbekiston bojxona organlari iPhone 17 rusumidagi smartfonlarni olib kirishda eng foydali yo‘nalishlar va amaldagi tartiblar bo‘yicha ma’lumot berdi.

Unga ko‘ra, agar telefon uchun xarid cheki yoki kvitansiya mavjud bo‘lsa, bojxona qiymati shu hujjatlardagi narxdan kelib chiqib belgilanadi. Ammo hujjatlar bo‘lmasa, bojxona organlari narxni ishlab chiqaruvchi kompaniyaning rasmiy saytida ko‘rsatilgan qiymat asosida aniqlaydi. Masalan, iPhone 17 xarid hujjatisiz olib kirilsa, Apple kompaniyasining o‘sha mamlakatdagi rasmiy saytidagi narxdan foydalaniladi.

Bojxona qo‘mitasi O‘zbekistonga telefonlar asosan Xitoy, Janubiy Koreya va BAAdan (Birlashgan Arab Amirliklari) olib kirilishini inobatga olgan holda narxlarni solishtirdi. Tahlil natijalariga ko‘ra:

— Asosiy iPhone 17, iPhone Air, iPhone...