Yangiliklar

Xorazm viloyatida qariyb 9 kg «Opiy» giyohvandlik moddasining savdosi bilan bog‘liq ikki holat fosh etildi. Bu haqda DXX matbuot xizmati ma’lum qildi.

Birinchi holatda, Xorazm viloyatining Qo‘shko‘pir tumanida yashovchi, 1985-yilda tug‘ilgan, ilgari giyohvandlik vositalari savdosi uchun sudlangan shaxs Urganch tumani hududida to‘xtatilib tekshirilgan. Uning yonidan 4,4 kgdan ziyod «opiy» moddasi topilib, protsessual tartibda rasmiylashtirilgan.

Ikkinchi holatda esa «Berlniy – Urganch» yo‘nalishida harakatlanayotgan «Lasetti» avtomobili Urganch tumanidagi «Cholish» yo‘l-patrul xizmati maskanida to‘xtatilib, ko‘zdan kechirilgan. Natijada, avtomashinada bo‘lgan 2002-yilda tug‘ilgan, ilgari narkojinoyat uchun sudlangan shaxsga tegishli 4,5 kgdan ziyod «opiy» moddasi aniqlanib, ashyoviy dalil sifatida olingan.

Ma’lumot uchun, har ikki...

O‘zbekistonda QR-kod orqali to‘lovlarni amalga oshirishni tartibga soluvchi yagona tizim joriy etildi. Bu haqda Adliya vazirligi ma’lum qildi.

Prezident farmoniga muvofiq, savdo va xizmat ko‘rsatish sohasidagi barcha yuridik shaxslar uchun bosqichma-bosqich yagona QR-kod orqali to‘lovlarni qabul qilish tizimi joriy etilishi belgilangan. Yangi tartib QR-kod orqali to‘lovlarni amalga oshirishning yagona mexanizmini va tizim ishtirokchilarining vazifalarini belgilab beradi.

Qoidalarga ko‘ra, yagona QR-kod foydalanuvchilarga istalgan bank yoki to‘lov tashkilotining mobil ilovasi orqali to‘lovlarni amalga oshirish imkonini beradi. Shuningdek, QR-kodlar statik va dinamik turlarga ajratiladi hamda barcha to‘lov tizimlari yagona platforma orqali integratsiya qilinadi.

Bundan tashqari, tizim operatori tomonidan to‘lovlar haqidagi ma’lumotlar...

O‘zbekistonlik fuqarolar uchun Germaniyada turli texnik va qurilish yo‘nalishlarida ishga jalb etilmoqda. Bu haqda Migratsiya agentligi xabar berdi.

Ma’lum qilinishicha, ish beruvchi Germaniyada faoliyat yurituvchi Atrium kompaniyasi bo‘lib, nomzodlar bilan uzoq muddatli mehnat shartnomasi tuziladi. Taklif etilayotgan oylik maosh $2 250 – 2 600 atrofida bo‘lib, bu summa xodim qo‘liga tegadigan daromad sifatida ko‘rsatilgan.

Dastur doirasida yer osti qurilish ishlari, texnika boshqaruvi, payvandlash, mexanika, elektrotexnika, logistika hamda sanoat montaji kabi ko‘plab yo‘nalishlarda mutaxassislar qabul qilinadi. Ishga qabul qilinadigan nomzodlar kamida 2 yillik texnik ma’lumotga yoki so‘nggi 5 yil ichida kamida 2 yillik ish tajribasiga ega bo‘lishi kerak. Yosh chegarasi...

YouTube platformasining Android va iOS ilovalarida shorts videolari uchun vaqt limitini nol daqiqaga belgilash imkoniyati yaratildi. Ushbu sozlama qisqa videolarni dasturdan to‘liq olib tashlash imkonini beradi.

Shorts taymeri funksiyasi dastlab oktabr oyida e’lon qilingan bo‘lib, undagi eng qisqa muddat 15 daqiqa etib belgilangan edi. Yanvar oyida ota-onalar nazorati doirasida kengaytirilgan tizim endilikda barcha foydalanuvchilar, jumladan, oddiy kattalar akkauntlari uchun ham ommaviy tarzda ishga tushirilmoqda.

Foydalanuvchi nol daqiqalik limitni o‘rnatgach, Shorts bo‘limida videolar umuman ko‘rsatilmaydi. Buning o‘rniga ekranda «Shorts tasmasi limitiga yetdingiz» mazmunidagi bildirishnoma paydo bo‘ladi. Sinovlarga ko‘ra, bu sozlama qisqa videolarni ilovaning asosiy ekranidan ham butunlay yashiradi.

Mazkur imkoniyatni...

Apple kelgusi yillarda iPad Air modelini OLED displey bilan jihozlashni rejalashtirgan. Ushbu model 2027-yilda taqdim etilishi mumkin.

Manbalarga ko‘ra, yangi iPad Air uchun mo‘ljallangan OLED panellarni Samsung Display yetkazib beradi. Shuningdek, kompaniya ushbu panellarni ommaviy ishlab chiqarishni joriy yil oxirida yoki 2027-yil boshida yo‘lga qo‘yishi mumkinligi aytilmoqda.

Ma’lumotlarga ko‘ra, keyingi avlod iPad Air LTPS OLED texnologiyasiga asoslangan ekran bilan chiqadi. Apple ushbu qurilmani kelasi yil mart oyida taqdim etishi mumkinligi ham bildirilmoqda. Bu hozirgi M4 chipli iPad Air taqdimot vaqtiga yaqin davrga to‘g‘ri keladi.

Hozirda Apple faqat iPad Pro modelida OLED displeydan foydalanmoqda. Shuningdek, iPad mini ham yaqin...

Shaxmat bo‘yicha sportchilar va ularning murabbiylariga xalqaro musobaqalarda erishilgan natijalar uchun bir martalik pul mukofotlari tayinlandi. Bu haqda Adliya vazirligi ma’lum qildi.

Hozirgi kundagi BHM miqdoriga binoan mukofot pullari miqdori quyidagicha:

Qabul qilingan tartibga ko‘ra, Butunjahon shaxmat olimpiadasi (kattalar o‘rtasida) g‘olib va sovrindorlarga bazaviy hisoblash miqdoriga nisbatan mukofotlar beriladi. Oltin medal uchun shaxmatchiga 2 ming barobar miqdorda, murabbiyga 1 ming; kumush medal uchun shaxmatchiga 1 ming, murabbiyga 500; bronza medal uchun esa shaxmatchiga 500, murabbiyga 250 barobar miqdorida to‘lov belgilangan.

FIDE tasnifiga ko‘ra jahon miqyosidagi musobaqalarda ham mukofot tizimi amal qiladi. Ushbu toifada oltin medal uchun shaxmatchiga...

Chevrolet’ning 2026-yilgi yangi Spark EUV elektromobili Braziliyada eng yuqori oylik savdo natijasini qayd etdi. Bu haqda GMAuthority nashri xabar berdi.

Mart oyida Braziliyada ushbu krossoverdan 628 dona sotildi, bu model uchun rekord natija hisoblanadi. Taqqoslash uchun, avvalgi oylar davomida o‘rtacha savdo hajmi 270 dona atrofida bo‘lgan. Yanvar oyida 196 dona, fevralda esa 159 dona sotilgan bo‘lsa, mart oyida sotuvlar deyarli 3 baravar oshgan.

2026-yilning birinchi choragi yakunlariga ko‘ra, Spark EUV Braziliya bozorida jami 983 dona sotilgan. Umuman olganda, model 2025-yil oxiridan buyon mamlakatda 2 546 dona realizatsiya qilingan.

Savdolarning keskin oshishiga asosiy sabab – avtomobilning Braziliyada mahalliy yig‘ilishi boshlangani...

Britaniyaning avtomobil ishlab chiqaruvchisi Rolls-Royce Motor Cars yangi ikki o‘rinli elektr kabriolet modelini namoyish qildi. Project Nightingale deb nomlangan ushbu avtomobil cheklangan miqdorda ishlab chiqariladi.

Kompaniya ma’lumotiga ko‘ra, modeldan atigi 100 dona yig‘iladi va ularning barchasi Goodwooddagi bosh qarorgohda qo‘lda tayyorlanadi. Xaridorlarga yetkazib berish esa 2028-yildan boshlanishi rejalashtirilgan.

Yangi model to‘liq elektr bo‘lgani sababli deyarli shovqinsiz harakatlanadi. Ishlab chiqaruvchilar bu avtomobilni eng sokin va hashamatli ochiq tomli haydash tajribasi sifatida ta’riflamoqda.

Dizayn jihatidan avtomobil 1920-yillardagi eksperimental EX seriyasi va Art Deco uslubidan ilhomlangan. Uzun kapot va torpedo shaklidagi kuzov unga o‘ziga xos retro-futuristik ko‘rinish beradi. Uzunligi qariyb 5,76 metr...

Geely Xitoyda yangi Geely KX21 krossoverini namoyish qildi. Model kompaniyaning yangi HEV yo‘nalishidagi eng yuqori segment avtomobili bo‘ladi va 2026-yilda bozorga chiqishi kutilmoqda.

Yangi model i-HEV tizimi asosida ishlab chiqilgan. Bu gibrid tizim tashqi zaryadlashni talab qilmaydi. Unda ichki yonuv dvigateli, elektromotor va kichik batareya birgalikda ishlaydi. Mutaxassislar fikricha, Xitoyda elektromobillar uchun subsidiya qisqarib borayotgan sharoitda aynan HEV texnologiyalari tez ommalashmoqda.

Geely KX21 to‘liq o‘lchamli krossover sifatida pozitsiyalanmoqda. Uning dizayni katta radiator panjarasi va ikki qavatli faralar bilan ajralib turadi. Tashqi ko‘rinishi jihatidan model Geely Monjaro’ni eslatadi. Tom qismida LiDAR sensori joylashgani esa ilg‘or haydovchi yordamchi tizimlari qo‘llanilishini ko‘rsatadi.

Samarqand viloyatida 70 yoshli fuqaroning vafoti bilan bog‘liq holat jamoatchilik e’tiborini tortdi. Mazkur voqea yuzasidan Bosh prokuratura tomonidan tergovga qadar tekshiruv harakatlari boshlangan.

Dastlabki ma’lumotlarga ko‘ra, marhum II-guruh nogironi bo‘lgan va so‘nggi yillarda Alsgeymer kasalligi bilan og‘rib kelgan. Uning yaqinlari aytishicha, u 10-aprel kuni kutilmaganda bedarak yo‘qolgan. Olib borilgan qidiruv ishlari natijasida erkak Samarqand tumani hududidagi ruhiy xastalar shifoxonasiga joylashtirilgani aniqlangan.

Oilaning bildirishicha, marhumning o‘g‘li otasini darhol uyga olib ketmoqchi bo‘lgan, biroq voqea dam olish kunlariga to‘g‘ri kelgani sababli shifoxona xodimlari bemorni faqat ish kunida, rahbariyat ruxsati bilan chiqarish mumkinligini ma’lum qilgan. Natijada u dushanba kuni uyiga olib...

Dunyoning eng yirik investitsiya gigantlari – BlackRock, Franklin Resources (Franklin Templeton) va Redwheel boshqaruvidagi fondlar guruhlari, shuningdek, Allan & Gill Gray Foundation’ning ikkita g‘aznachilik kompaniyasi O‘zbekiston Respublikasi Milliy investitsiya jamg‘armasi (UzNIF) aksiyadorlik jamiyatining «langar» investorlariga aylanadi. Ular jami qariyb $300 mln miqdoridagi qimmatli qog‘ozlarni sotib olish majburiyatini zimmasiga oldilar. Bu haqda ma’lumot London birjasi saytida e’lon qilindi.

Investorlar xalqaro IPO transhi doirasida global depozitar tilxatlarni (GDR) taklifning yakuniy narxi bo‘yicha sotib oladilar. Listing London fond birjasida (LSE) o‘tkazilishi kutilmoqda, oddiy aksiyalarning mahalliy taklifi esa «Toshkent» respublika fond birjasida amalga oshiriladi.

O‘zbekiston Iqtisodiyot va moliya vazirligi sotuvchi aksiyador sifatida ishtirok...

17-aprel uchun valyutalar kursi yangilandi. Unga ko‘ra, dollar 25,19 so‘mga tushib, 12 165,24 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

10-apreldan AQSh valyutasi pasayishni boshladi: shu kuni 30,3 so‘mga pasayib, 12 198,28 so‘m bo‘ldi. 13-aprel kuni 9,69 so‘mga pasayib, 12 158,59 so‘mni, 14-aprel kuni esa 32,49 so‘mga pasayib, 12 126,10 so‘mni tashkil etdi. 15-apreldan dollar oshishni boshladi: shu kuni 15,28 so‘mga oshib, 12 141,38 so‘m, 16-aprel kuni 49,05 so‘mga oshib, 12 190,43 so‘m bo‘ldi.

Markaziy bank ma’lumotlariga ko‘ra, yevro 32,11 so‘mga oshib, 14 330,65 so‘mni, rubl esa 2,67 so‘mga oshib, 159,42 so‘mni tashkil...

O‘zbekistonda o‘rta maxsus va kasbiy ta’lim muassasalari faoliyatini baholashga qaratilgan milliy reyting tizimi yo‘lga qo‘yildi. Bu haqda Adliya vazirligi ma’lum qildi.

Adliya vazirligi tomonidan o‘rta maxsus va kasbiy ta’lim tashkilotlarining milliy reytingini yuritish hamda ularni rag‘batlantirish tartibini belgilovchi idoraviy hujjat davlat ro‘yxatidan o‘tkazildi. Mazkur hujjat texnikumlar va akademik litseylar faoliyatini tizimli ravishda baholashni nazarda tutadi.

Milliy reytinglar Ta’lim sifatini ta’minlash agentligi tomonidan alohida yuritiladi. Reyting ko‘rsatkichlari bir nechta manbalar asosida shakllantiriladi: vazirlik va idoralarning axborot tizimlari, ta’lim muassasalari taqdim etadigan hujjatlar hamda umumxalq so‘rovnomalari natijalari.

Har yili 30-mayga qadar o‘quvchilar, pedagoglar va ish beruvchilar o‘rtasida so‘rovnoma o‘tkazilishi...

O‘zbekistonda kommunal xizmatlardan qarzdorlik mavjud emasligi to‘g‘risida ma’lumotnoma berish tartibi yangilandi. Bu haqda Adliya vazirligi xabar berdi.

Yangi qarorga ko‘ra, ushbu ma’lumotnomani berish bo‘yicha aniq pasport (ya’ni tartib va talablar) joriy etildi. Endilikda ariza topshirishda jismoniy va yuridik shaxslar haqidagi ma’lumotlar belgilangan shaklda kiritiladi.

Jismoniy shaxslar uchun familiya, ism, otasining ismi, pasport yoki ID-karta ma’lumotlari, ma’lumotnoma tili, aloqa vositalari hamda kadastr raqami talab etiladi. Yuridik shaxslar esa tashkilot nomi, STIR, telefon raqami, kadastr va abonent hisob raqamini ko‘rsatishi lozim.

Muhimi, ushbu davlat xizmati bepul ko‘rsatiladi. Ma’lumotnoma olish jarayoni raqamlashtirilgan bo‘lib, u my.gov.uz orqali amalga oshiriladi.

Avvalroq «Kursiv...

Global miqyosda gumanitar yordam qisqarishi fonida majburiy ko‘chirilganlar soni 4 mlndan oshishi kutilmoqda. Bu haqda Reuters agentligi ma’lum qildi.

Daniya qochqinlar kengashining ma’lum qilishicha, hayotni saqlab qolishga qaratilgan yordamlar hajmining kamayishi sababli kelasi yil oxirigacha dunyo bo‘ylab yana 4 mlndan ortiq odam o‘z yashash joyini tark etishga majbur bo‘lishi mumkin.

Xalqaro qizil xoch qo‘mitasi ma’lumotlariga ko‘ra, hozirda dunyoda 117 mln kishi majburan ko‘chirilgan. Mojarolar soni esa qariyb 130 taga yetgan bo‘lib, bu ko‘rsatkich asr boshidagisiga nisbatan ikki baravar oshgan.

Daniya qochqinlar kengashi bosh kotibi Charlotte Slentening ta’kidlashicha, urushdan faqat ustidagi kiyimi bilan qochayotgan oilalar uchun vaziyat tobora og‘irlashmoqda...

AQSh Kasalliklarni nazorat qilish va oldini olish markazlarining (CDC) dastlabki hisobotiga ko‘ra, 2025-yilda Qo‘shma Shtatlarda taxminan 3,6 mln chaqaloq dunyoga kelgan va bu ko‘rsatkich o‘tgan yildagiga nisbatan 1 foizga past.

Ushbu demografik inqiroz ayollarning reproduktiv tanlovdagi erkinligi, mos juft topish muammosi hamda farzand tarbiyasining tobora qimmatlashib borayotgani bilan izohlanmoqda.

Tug‘ilish darajasining pasayishi Qo‘shma Shtatlarda o‘nlab yillar davomida kuzatilmoqda. 2025-yilda reproduktiv yoshdagi har 1000 ayolga 53 ta tug‘ilish to‘g‘ri kelgan. Garchi hukumat tomonidan qator siyosiy harakatlar va pronatalistik g‘oyalar orqali aholi sonini rag‘batlantirishga urinishlar bo‘layotgan bo‘lsa-da, ko‘rsatkichlar tushishda davom etyapti.

«Ayollar endi o‘z reproduktiv hayotini yaxshiroq...

Samarqand viloyatida yashirin ravishda yo‘lga qo‘yilgan mayning faoliyati fosh etildi. Bu haqda Bosh prokuratura departamenti ma’lum qildi.

Departamentning Samarqand viloyati boshqarmasi tomonidan o‘tkazilgan tergovga qadar tekshiruv davomida fuqaroning noqonuniy faoliyat yuritgani aniqlangan. U Samarqand shahri M. Ulug‘bek ko‘chasida joylashgan uyining yerto‘lasida yashirin ravishda mayning faoliyatini tashkil etgan.

Ma’lum bo‘lishicha, fuqaro tijorat maqsadida 5 ta to‘plamdan iborat kripto-aktivlar mayning qurilmalarini umumiy foydalanishdagi elektr tarmog‘iga o‘zboshimchalik bilan ulagan. Natijada jami 794,5 mln so‘mlik elektr energiyasi talon-toroj qilingan.

Mazkur holat yuzasidan Jinoyat kodeksining 169-moddasi (o‘g‘irlik) hamda 278-9-moddasi (mayning faoliyatini qonunga xilof ravishda amalga oshirish) bilan jinoyat ishi qo‘zg‘atilib, hozirda tergov harakatlari...

Huawei kompaniyasi yangi aqlli soatlar seriyasi – Watch Fit 5’ni taqdim etishga tayyorlanmoqda. Rasmiy e’lon 20-aprelga rejalashtirilgan bo‘lsa-da, qurilmaning asosiy xususiyatlari allaqachon ma’lum bo‘ldi.

Flagman model Huawei Watch Fit 5 Pro 1,92 dyuymli LTPO displey bilan jihozlanadi. Ekran yorqinligi 3 ming nitgacha yetadi va yangilanish chastotasi yuqori bo‘ladi. Displey korpusning 83 foiz qismini egallab, bu Fit seriyasi uchun rekord ko‘rsatkich hisoblanadi.

Korpus mustahkamlikka urg‘u berilgan holda ishlab chiqilgan: 2.5D safir oynasi va titan qotishmasidan tayyorlangan bezeli mavjud. Shunga qaramay, soat og‘irligi atigi 31,6 grammni tashkil etadi.

Oddiy versiya – Huawei Watch Fit 5 esa biroz yengilroq (taxminan 27 gramm...

Great Wall Motor (GWM) kompaniyasi Xitoyda Tank 500 Black Warrior modelini taqdim etdi. Bu haqda CarNewsChina nashri xabar bermoqda.

Ushbu model zavodda ishlab chiqilgan «Black Warrior» dizayn konsepsiyasini davom ettiradi va boshlang‘ich narxi 365 ming yuan, ya’ni taxminan $50,6 mingni tashkil etadi. Avtomobil faqat 500 dona bilan cheklangan bo‘lib, bu uni eksklyuziv segmentga olib chiqadi.

Texnik imkoniyatlar

Mazkur versiya standart Tank 500 asosida yaratilgan, ammo tashqi ko‘rinishda to‘liq qora stilistika qo‘llangan. Faralar, radiator panjarasi, g‘ildirak diskalari, yon pog‘onalar, tom relslari va boshqa dekor elementlar qoraytirilgan. Shu bilan birga, qizil rangli tormoz kaliperlari umumiy ko‘rinishga sportiv urg‘u beradi. Bu...

Farg‘ona viloyatida $300 mlnlik 800 o‘rinli zamonaviy ko‘p tarmoqli shifoxona qurish bo‘yicha yirik bitim imzolandi. Bu haqda Sog‘liqni saqlash vazirligi xabar bermoqda.

Kelishuv Sog‘liqni saqlash vaziri Asilbek Xudayarov, «Vision International Investment Company» prezidenti Omar Al-Midani hamda «KOC Construction Mekanik Elektrik Fe LLC» bosh direktori Subutay Gyuzel tomonidan imzolangan. Tadbirda Germaniya elchixonasi vakili Marion Edel ham ishtirok etgan.

Mazkur loyiha davlat-xususiy sheriklik asosida amalga oshiriladi. Loyihaning umumiy qiymati qariyb $300 mlnni tashkil qiladi. Qurilish ishlari 36 oy davom etadi. Yangi majmua Farg‘onadagi beshta ixtisoslashtirilgan tibbiyot muassasasini yagona tizimga birlashtiradi. Bu orqali aholi yuqori texnologik tibbiy xizmatlardan foydalanish imkoniga ega bo‘ladi.

Olmaotada Shakira va Eminem konserti bo‘lishi mumkinligi atrofida yangi tafsilotlar paydo bo‘ldi. Bu haqda Kursiv Kazakhstan nashri xabar bermoqda.

Tashkilotchi Aleksey Puchkovning aytishicha, Shakira bilan muzokaralar ancha vaqtdan beri davom etmoqda. Ammo hozircha aniq kelishuv yo‘q.

Uning ma’lum qilishicha, xonandaning chiqishi $7,5 mln atrofida baholanmoqda. Bundan tashqari, menejment kamida 50 ming tomoshabinga mo‘ljallangan maydon talab qilmoqda.

Puchkov bunday yuqori narxlar ko‘pincha mahalliy tashkilotchilar o‘rtasidagi raqobat bilan bog‘liqligini aytdi. Bu esa artistlar uchun narxni oshiradi. Eminem bo‘yicha vaziyat esa ancha murakkab. Tashkilotchining so‘zlariga ko‘ra, reper Qozog‘istonga kelishga tayyor emas. U hozir umumiy gastrol faoliyatida ham kamroq ishtirok etmoqda.

Olmaota hokimligi...

Gonkongda bo‘lib o‘tayotgan xokkey bo‘yicha 2026-yilgi Jahon chempionati III divizioni guruh bosqichi doirasida O‘zbekiston milliy terma jamoasi Shimoliy Koreyani 20:3 hisobida mag‘lub etdi.

O‘yin davomida O‘zbekiston vakillari to‘liq ustunlikni saqlab qoldi va raqib himoyasiga uzluksiz bosim o‘tkazdi. Jamoaviy aniq uzatmalar hamda tezkor hujumlar evaziga yirik hisobdagi g‘alaba ta’minlandi.

13-apreldan 19-aprelga qadar davom etadigan mazkur turnirda O‘zbekiston, Shimoliy Koreya, Gonkong, Filippin, Mo‘g‘uliston va Lyuksemburg terma jamoalari ishtirok etmoqda. Yakunda turnir jadvalida peshqadam bo‘lib, guruh g‘olibligini qo‘lga kiritgan jamoa keyingi mavsum uchun bir pog‘ona yuqoriga – III divizionning «A» guruhiga ko‘tarilish yo‘llanmasiga ega bo‘ladi.

Joriy yilning 2 – 8-mart kunlari aynan...

18 – 19-aprel kunlari Yerda magnit bo‘roni yuzaga kelishi taxmin qilinmoqda. Bu haqda TASS xabar berdi.

Unga ko‘ra, bu holat Quyoshdagi koronal teshik (koronal teshik – Quyosh yuzasidagi past zichlikdagi hudud) ta’siri bilan bog‘liq.

Olimlar ma’lumoti berishicha, yaqin kunlarda aynan shu hodisa sabab geomagnit faollik kuchayadi. Bu esa bir tomondan qutb yog‘dularini kuzatish imkoniyatini oshirsa, boshqa tomondan ayrim odamlarda salomatlik bilan bog‘liq noqulayliklar keltirib chiqarishi mumkin.

Shu bilan birga, mutaxassislar hozirgi davrni umumiy hisobda kosmik tinchlik davri sifatida baholamoqda. Ya’ni yirik quyosh portlashlari yoki kuchli kosmik hodisalar hozircha kuzatilmayapti.

Avvalroq Kursiv Uzbekistan 6-aprel kuni magnit bo‘roni kuzatiladimi yo‘qmi shu...

O‘zbekistonda o‘ta murakkab jarrohlik amaliyoti natijasida og‘ir ahvolda bo‘lgan 5 yoshli bola hayoti saqlab qolindi. Bu haqda Sog‘liqni saqlash vazirligi ma’lum qildi.

Bemor avvalroq tasodifan kaustik soda ichib yuborishi oqibatida qizilo‘ngachning jiddiy shikastlanishi va torayishi bilan og‘ir holatga tushib qolgan. Vaqt o‘tishi bilan u deyarli ovqat qabul qila olmaydigan darajaga yetgan.

Dastlab bola Respublika shoshilinch tibbiy yordam ilmiy markaziga olib kelinib, vaqtincha oshqozonga maxsus naycha o‘rnatilgan. Keyinchalik esa murakkab jarrohlik zarurligi aniqlangan.

Oila dastlab davolanishni xorijda davom ettirishga qaror qilgan, biroq u yerda o‘tkazilgan operatsiyadan so‘ng bemorning holati yanada og‘irlashgan. Natijada u qayta O‘zbekistonga olib kelingan.

Mutaxassislar xulosasiga ko‘ra...