Yangiliklar

AQSh Senati Eron bilan bog‘liq harbiy harakatlarni to‘xtatish haqidagi rezolyutsiyani qo‘llab-quvvatlamadi. Hujjat prezident Donald Tramp ma’muriyatini qo‘shinlarni mojaro hududidan olib chiqishga majbur qilishi kerak edi.

Rezolyutsiya Demokratlar partiyasi vakillari tomonidan ilgari surilgan. Ovoz berishda 47 senator uni qo‘llab-quvvatladi, 52 nafari esa qarshi chiqdi. Senatda ko‘pchilik o‘rinlar Respublikachilar qo‘lida bo‘lgani natijaga ta’sir qildi.

Hujjatga ko‘ra, Kongress ruxsatisiz harbiy harakatlarni davom ettirish mumkin emas edi. Demokratlar Eron bilan urushni noqonuniy deb hisoblamoqda. Ular bu masalani yana Senatga qayta-qayta olib chiqishni rejalashtirmoqda. 2026-yil boshidan beri Senat to‘rtinchi bor prezidentning urush bo‘yicha qarorlarini cheklamadi. Shu bilan u amalda o‘z vakolatlarini prezident foydasiga cheklab...

Aprel oyida Chevrolet kompaniyasi AQShda Chevrolet Traverse modeli uchun yangi chegirmalar va moliyaviy takliflarni taqdim etdi. Ushbu aksiyalar oy oxirigacha amal qiladi va xaridorlar uchun bir nechta qulay variantlarni o‘z ichiga oladi.

Aprel oyidagi takliflar doirasida avtomobilni lizing asosida olish imkoniyati mavjud. Masalan, 2026-yilgi Traverse LT FWD modeli oyiga taxminan $500 to‘lov bilan 24 oyga beriladi. Shu bilan birga, ayrim mijozlar uchun boshlang‘ich to‘lov taxminan $3,9 ming yoki $5,2 ming miqdorida belgilangan. Yillik yurish limiti esa 10 ming mil bilan cheklangan.

Bundan tashqari, uzoq muddatli kreditlash ham taklif etilmoqda. Masalan, ayrim modellarda 72 oyga 5% stavka yoki 84 oyga...

Navoiy viloyatining Uchquduq tumanida 2 mlrd so‘mlik noqonuniy gaz iste’moli aniqlandi. Bu haqda Energetika vazirligi Telegram-kanalida ma’lum qildi.

Tekshiruv Bosh prokuratura shtabi hamkorligida o‘tkazilgan. Unda «I.» MChJga qarashli binoda qoidabuzarlik aniqlangan. Ma’lum bo‘lishicha, korxona gaz tarmog‘iga hisoblagichdan tashqari ulanib olgan. Natijada tabiiy gazdan noqonuniy foydalanib kelingan.

Dastlabki hisob-kitoblarga ko‘ra, ushbu holat oqibatida gaz ta’minoti korxonasiga 1 mlrd 985 mln so‘m zarar yetkazilgan. Holat yuzasidan tekshiruv ishlari davom etmoqda.

Eslatib o‘tamiz, Kursiv Uzbekistan nashri Navoiyda 13 mlrd so‘mlik oltin talon-toroj qilingani fosh etilgani haqida yozgan edi.

Tadbir davomida 200 kg yarimtayyor oltin, 200 qop oltinli qum va toshlar...

Turkiyaning janubida joylashgan Qahramanmarash viloyatidagi maktabda otishma sodir bo‘ldi. Hodisa oqibatida kamida 8 nafar o‘quvchi va 1 nafar o‘qituvchi halok bo‘ldi.

Mamlakat ichki ishlar vaziri Mustafo Chifchining ma’lum qilishicha, yana 13 kishi jarohat olgan. Ulardan 6 nafari og‘ir ahvolda. Voqea Ayser Chalok o‘rta maktabida yuz bergan. Rasmiylarga ko‘ra, hujumni amalga oshirgan 14 yoshli o‘quvchi ham hodisa vaqtida halok bo‘lgan.

Mahalliy OAV xabariga ko‘ra, hujumchi ikki sinfxonaga kirib o‘t ochgan. Uning yonida bir nechta qurol va o‘q-dorilar bo‘lgan. Viloyat hokimi Mukerren Unlyuer qurollar hujumchining sobiq politsiyachi otasiga tegishli bo‘lishi mumkinligini bildirgan. Ushbu shaxs ham qo‘lga olingan.

Otishma paytida maktabda vahima...

Surxondaryo viloyatida Termiz shahar veterinariya va chorvachilikni rivojlantirish bo‘limi xodimi pora bilan ushlandi. Bu haqda Davlat xavfsizlik xizmati ma’lum qildi.

Ma’lum qilinishicha, u xizmat mavqeyidan foydalanib, fuqaroni aldashga uringan. Mansabdor bo‘lim tez orada boshqa joyga ko‘chishini aytgan. Bo‘shaydigan bino va yer maydonini $3 ming evaziga tanishlari orqali auksionda olib berishni va’da qilgan.

Tezkor tadbir davomida u $2 ming va 12 mln so‘m olayotgan vaqtida ushlangan. Pul mablag‘lari dalil sifatida rasmiylashtirilgan. Holat yuzasidan jinoyat ishi qo‘zg‘atilgan bo‘lib, hozirda tergov harakatlari davom etmoqda.

Eslatib o‘tamiz, Kursiv Uzbekistan nashri Jizzax va Qoraqalpog‘istonda hokimiyat vakillari pora bilan ushlangani haqida yozgan edi.

Unga...

UEFA Chempionlar ligasi chorak finali doirasida «Bavariya» o‘z uyida Madridning «Real» klubini qabul qilib, 4:3 hisobida ustun keldi. Ikki o‘yin natijasiga ko‘ra 6:4 hisobi qayd etildi.

Mehmonlar uchrashuvni tezkor gol bilan boshladi. Manuel Noyerning qo‘pol xatosini Arda Gyuler kechirmadi. Turkiyalik futbolchi to‘pni uzoq masofadan bo‘sh darvozaga joylab qo‘ydi. Javob ham o‘zini uzoq kuttirmadi. Oradan 5 daqiqa o‘tib Aleksandr Pavlovich burchakdan uzatilgan to‘pni boshi bilan darvozaga yo‘llab, muvozanatni tikladi.

29-daqiqada Arda Gyuler jarima zarbasidan chiroyli gol kiritib, dublni rasmiylashtirdi. 38-daqiqada esa maydon egalari yana hisobni tenglashtirdi. Bu safar Harri Keyn katta sahnaga chiqdi. Birinchi taym oxirida qarshi hujumdan unumli foydalangan...

Londondagi «Emireyts» stadionida «Arsenal» UEFA Chempionlar ligasi chorak final javob uchrashuvida Portugaliyaning «Sporting» klubini qabul qildi.

Uchrashuv keskin kurashlarga boy o‘tgan bo‘lsa-da, darvozalar daxlsizligi saqlab qolindi. «Arsenal» bahs so‘nggigacha gol o‘tkazib yubormadi. Jamoalar ishtirokidagi dastlabki bahsda Mikel Arteta shogirdlari kichik hisobda g‘alaba qozongan edi. Kay Xaverts uchrashuv so‘ngida Gabriel Martenellining uzatmasini golga aylantirgan edi.

Londonliklar keyingi uchrashuvini APL doirasida «Manchester Siti»ga qarshi o‘tkazadi. 19-aprel sanasida bo‘lib o‘tadigan bahsda chempionlik taqdiri hal bo‘lishi mumkin.

Avvalroq Kursiv Uzbekistan PSJ mehmonda «Liverpul»ni mag‘lub etib, yarim finalga chiqqani haqida xabar bergan edi.

Kursiv Uzbekistan 15-aprel kuni e’lon qilingan yangiliklarning muhimlarini bir joyga jamladi

O‘zbekiston xokkey terma jamoasi Filippinni yirik hisobda mag‘lub etdi

O‘zbekiston terma jamoasi xokkey bo‘yicha jahon chempionatidagi ikkinchi uchrashuvini ishonchli o‘tkazdi. Jamoa Filippinni 28:3 hisobida mag‘lub etib, turnirdagi yetakchiligini mustahkamladi.

Uchrashuv boshidanoq o‘zbekistonliklar tashabbusni qo‘lga oldi. Birinchi bo‘limda jamoa 6 ta shayba kiritib, atigi bittasini o‘tkazib yubordi. Ikkinchi bo‘limda ustunlik yanada oshdi. O‘zbekiston yana 12 ta gol urdi. Himoya ham ishonchli o‘ynab, raqibga faqat bir bor imkon berdi. Uchinchi bo‘limda esa jamoa ustunlikni yakuniy hisobga aylantirdi. Yana 10 ta shayba kiritildi va umumiy hisob...

16-aprel kuni O‘zbekistonning ko‘plab hududlarida yomg‘ir yog‘adi va ayrim joylarda momaqaldiroq kuzatilishi mumkin. Kunduzgi harorat 10–21° atrofida, kechasi esa 5–15° gacha bo‘ladi.

Quyida ob-havo ma’lumoti viloyatlar kesimida:

Eslatib o‘tamiz, avvalroq O‘zbekistonda 14 – 17-aprel kunlari sel xavfi e’lon qilingan edi.

Ko‘ksaroy qarorgohida Shavkat Mirziyoyev ishtirokida O‘zbekiston xalq artisti, milliy estrada san’atining yorqin namoyandasi Farrux Zokirovning 80 yillik tavalludiga bag‘ishlangan tantanali yubiley tadbiri bo‘lib o‘tdi.

Tantanali tadbirda davlat hamda jamoat arboblari, madaniyat va san’at namoyandalari, ijodkor ziyolilar, «Yalla» ansambli a’zolari hamda keng jamoatchilik vakillari ishtirok etdi. Prezident so‘zga chiqib, Farrux Zokirovni yubiley sanasi bilan samimiy tabriklab, unga sihat-salomatlik, oilaviy xotirjamlik va ijodiy muvaffaqiyatlar tiladi.

Unda Zokirovlar sulolasining o‘zbek musiqa va qo‘shiqchilik san’atini rivojlantirishdagi hissasi alohida qayd etildi. Xususan, Karim Zokirov asos solgan san’at maktabi hamda Botir Zokirovning boy ijodiy merosi milliy madaniyatning muhim qismi sifatida e’tirof etildi. Farrux Zokirov...

2026 – 2027-yillarda xalqaro nufuzli tanlovlarda g‘olib hamda sovrindor bo‘lgan maktab va yozgi to‘garak o‘quvchilari hamda ularning ustozlariga pul mukofotlari beriladi. Bu haqda Adliya vazirligi ma’lum qildi.

Qarorga ko‘ra, tajriba-sinov tariqasida xalqaro tanlovlarda «Gran-pri» va 1-o‘rinni qo‘lga kiritgan o‘quvchilarga 30 mln so‘m, ularning o‘qituvchilari (konsertmeysterlariga) esa 20 mln so‘m miqdorida bir martalik pul mukofoti beriladi. 2-o‘rin uchun o‘quvchilarga 20 mln so‘m, ustozlariga 10 mln so‘m, 3-o‘rin uchun esa mos ravishda 10 mln so‘m va 5 mln so‘m ajratiladi.

Shuningdek, umumxalq bayram dasturlari va yirik anjumanlarning badiiy qismlarida iqtidorli o‘quvchilar hamda ijodiy jamoalar ishtirokini qo‘llab-quvvatlash uchun zarur shart-sharoitlar yaratiladi...

Kursiv Uzbekistan nashri O‘zbekiston ijtimoiy tarmoqlarida eng ko‘p iqtibos keltiriladigan ommaviy axborot vositalari reytingida ikkinchi o‘rinni egalladi. Bu haqda Brand Analytics tomonidan tashkil etilgan BA Workshop Uzbekistan tadbirida ma’lum qilindi.

Reytingga ko‘ra, mart oyida ijtimoiy tarmoqlarda Kursiv materiallariga 10 119 ta repost va havolalar qayd etilgan. Bu ko‘rsatkich bo‘yicha nashrni faqat Kun.uz ortda qoldirgan. O‘tgan yili esa Kursivning iqtibos indeksi 9 071 tani tashkil qilib, reytingda beshinchi o‘rin qayd etgan edi.

Brand Analytics ijrochi direktori Marina Popova bu natijani obyektiv ko‘rsatkich deb baholadi. Uning ta’kidlashicha, bu tahririyat o‘z auditoriyasiga to‘g‘ri yo‘naltirilgan siyosat olib borayotganini bildiradi.

Yaqin Sharqdagi urush oqibatlarini yumshatish maqsadida Jahon banki yirik moliyaviy yordam paketini safarbar etishni rejalashtirmoqda. Bu haqda Reuters agentligi xabar berdi.

Jahon banki prezidenti Ajay Banga ma’lum qilishicha, kelgusi 15 oy ichida urushdan jiddiy zarar ko‘rgan mamlakatlar uchun $80 mlrddan $100 mlrdgacha mablag‘ ajratilishi mumkin. Bu ko‘rsatkich COVID-19 pandemiyasi davrida taqdim etilgan $70 mlrdlik yordamdan yuqori hisoblanadi.

Yaqin oylar ichida $20 – $25 mlrd inqirozga tezkor javob mexanizmi orqali ajratiladi. Ushbu tizim mamlakatlarga avval tasdiqlangan dasturlar doirasidagi mablag‘larning 10 foizigacha qismini muddatidan oldin olish imkonini beradi. Yana $30 – $40 mlrd esa taxminan olti oy ichida mavjud dasturlarni...

Kiprning Peyya shaharchasida o‘tkazilgan shaxmat bo‘yicha Nomzodlar turnirida o‘zbekistonlik grossmeyster Javohir Sindorov musobaqani mag‘lubiyatsiz yakunlab, muhim natijaga erishdi.

Turnirning 14-turida Sindarov Xitoy vakili Vey Yi bilan oq donalarda tezkor durang qayd etdi. 32-yurishdan so‘ng to‘xtatilgan ushbu partiya natijasiga ko‘ra, u turnirni oldindan muddatidan avval g‘olib sifatida yakunlab, jahon chempioni unvoni uchun o‘tkaziladigan matchda ishtirok etish huquqini qo‘lga kiritdi.

13-turda u asosiy raqiblaridan biri, niderlandiyalik Anish Giri bilan durang o‘ynab, ochkolari sonini 9,5 taga yetkazgan edi. Ushbu natija unga muddatidan oldin chempionlikni naqd qilish imkonini berdi.

Musobaqa davomida Javohir Sindarov 6 g‘alaba va 8 durang qayd etib, 14 turdan...

United Airlines bosh direktori Skott Kirby AQSh prezidenti Donald Tramp bilan uchrashuvda American Airlines bilan ehtimoliy birlashuv masalasini ko‘targani haqida ma’lum bo‘ldi. Bu haqda Reuters agentligi xabar berdi.

Uchrashuv va tashabbus tafsilotlari

Manbalarga ko‘ra, uchrashuv 25-fevral kuni Oq uyda Dalles aeroportining kelajagi bo‘yicha yig‘ilish yakunida bo‘lib o‘tgan. Aynan shu davrda Kirby ikki yirik aviakompaniyaning birlashuvi xalqaro bozorlarda kuchliroq raqobatchi yaratishini ta’kidlagan.

Bozor va sanoatga ta’siri

United Airlines va American Airlines 2025-yilda mavjud o‘rinlar sig‘imi bo‘yicha dunyodagi eng yirik aviakompaniyalar sifatida qayd etilgan. Ularning qo‘shilishi AQSh aviatsiya bozorida so‘nggi o‘n yillikdagi eng yirik konsolidatsiya bo‘lishi va ichki bozorda raqobatni...

1950-yilda ishlab chiqarilgan va aktrisa Merilin Monroga tegishli deb taxmin qilinayotgan Mercedes-Benz 170 S avtomobili Buyuk Britaniyada auksionga chiqarildi. Bu haqda Korrespondent nashri ma’lum qildi.

Buyuk Britaniyada Iconic Auctioneers auksion uyi 1950-yilda ishlab chiqarilgan Mercedes-Benz 170 S avtomobilini savdoga qo‘ydi. Ma’lumotlarga ko‘ra, ushbu avtomobil aktrisa Merilin Monro tomonidan foydalanilgan bo‘lishi mumkin.

Auksion uyi bergan bahoga binoan, avtomobilning boshlang‘ich narxi 120 mingdan 160 ming funt sterlinggacha (taxminan $161 mingdan $215 minggacha) etib belgilangan. Mutaxassislar bu narxni modelning odatiy bozor qiymatidan yuqori deb hisoblaydi. Bunga esa avtomobilning «yulduzli» tarixi asosiy sabab sifatida ko‘rsatilmoqda.

Sotuvchilarning ma’lum qilishicha, avtomobil Gretsiyada topilgan bo‘lib...

Chevrolet Damas avtomobili O‘zbekistonda eng ommabop modellardan biri hisoblanadi. «O‘zavtosanoat» AJ ma’lumotiga ko‘ra, yanvar-mart oylarida 18,8 ming dona xarid qilingan. «Kursiv» nashrining ushbu maqolasida Damas avtomobilining muvaffaqiyati va texnik imkoniyatlari hikoya qilinadi.

Maqoladan quyidagilarni bilib olasiz:

Model haqida

Damas modelining ildizi 1990-yillarga borib taqaladi. U dastlab 1991-yilda Janubiy Koreyada Daewoo brendi ostida microvan sifatida ishlab chiqarila boshlagan. Modelning texnik asoslari esa yapon avtomobil sanoatiga borib ulanadi. Ko‘plab manbalarda u Suzuki Carry va Every oilasiga yaqin platforma...

Google Chrome veb-brauzeriga sun’iy intellekt imkoniyatlarini kengaytiruvchi yangi funksiyalarni joriy etishni boshladi. Bu haqda Tech Crunch nashri ma’lum qildi.

Ushbu imkoniyat foydalanuvchilarga sun’iy intellekt uchun yozilgan so‘rovlar (promptlar)ni saqlash va ularni turli veb-sahifalarda qayta-qayta ishlatish imkonini beradi.

Skills funksiyasi Google’ning Gemini sun’iy intellekt tizimining Chrome brauzeriga integratsiyasi doirasida taqdim etilmoqda. Gemini allaqachon foydalanuvchilarga veb-sahifalarni tahlil qilish, savollarga javob berish va mazmunini qisqacha bayon etish imkonini berib kelmoqda.

Yangi funksiya orqali foydalanuvchi tez-tez ishlatadigan SI so‘rovini bir marta saqlab qo‘yishi va keyinchalik uni oddiy buyruq orqali qayta ishga tushirishi mumkin bo‘ladi. Masalan, retsept saytlari bilan ishlashda mahsulotlarni vegan variantlarga...

Norvegiyaning O‘zbekistondagi yangi elchisi Xelen Sand Andresen o‘z faoliyatini rasman boshladi. Bu haqda «Dunyo» AA ma’lum qildi.

15-aprel kuni O‘zbekiston tashqi ishlar vaziri Baxtiyor Saidov Norvegiyaning O‘zbekistondagi yangi elchisi Xelen Sand Andresenni qabul qildi. Uchrashuv chog‘ida elchining ishonch yorliqlari qabul qilindi va uning O‘zbekistondagi diplomatik faoliyati rasman boshlandi.

TIV rahbari o‘zining Telegram kanalida qayd etishicha, O‘zbekiston va Norvegiya o‘rtasidagi hamkorlikda hali to‘liq ishga solinmagan katta salohiyat mavjud. Tomonlar ushbu imkoniyatlarni turli sohalarda yanada kengaytirishga qiziqish bildirmoqda.

Eslatib o‘tamiz, avvalroq O‘zbekistonning BAAdagi Favqulodda va muxtor elchisi tayinlangan edi.

Savdo-sanoat palatasi o‘zbekistonlik tadbirkorlarni Afg‘onistonga ikkilamchi avtomobillar eksport qilishga chaqirdi. Bu haqda palata rasmiy sahifasida ma’lum qilindi.

Unga ko‘ra, O‘zbekiston Savdo-sanoat palatasi raisi Davron Vahabov Afg‘oniston bozorida mavjud eksport salohiyatiga e’tibor qaratdi. Uning ta’kidlashicha, o‘zbekistonlik tadbirkorlar ushbu mamlakatga yiliga 100 mingtagacha avtomobil eksport qilish imkoniyatiga ega.

Qayd etilishicha, gap asosan ikkilamchi, ya’ni ishlatilgan avtomobillar eksporti haqida bormoqda. Mazkur yo‘nalish tadbirkorlar uchun yangi daromad manbai bo‘lishi bilan birga eksportni diversifikatsiya qilishda muhim ahamiyat kasb etadi.

Hisob-kitoblarga ko‘ra, Afg‘oniston avtomobil bozori yiliga qariyb $500 mlnlik hajmga ega. Bu esa O‘zbekiston eksportchilari uchun sezilarli iqtisodiy imkoniyatlar yaratadi.

Eslatib o‘tamiz, 2026-yilning yanvar...

O‘zbekiston prezidenti Shavkat Mirziyoyev Xalqaro shaxmat federatsiyasining Nomzodlar turnirida g‘olib chiqqan Javohir Sindorov bilan telefon orqali muloqot qildi. Bu haqda rasmiy president.uz sayti xabar bermoqda.

Muloqot davomida Javohir Sindorovning 13 ta o‘yinda 6 marotaba g‘alaba qozongani sport olamida noyob hodisa ekani qayd etildi. Shuningdek, uning dunyoning yetakchi shaxmatchilariga qarshi bahslarda yuksak intellektual salohiyat va qat’iyat ko‘rsatgani alohida e’tirof etildi.

Davlat rahbari shaxmatchiga jahon toji uchun bo‘lib o‘tadigan hal qiluvchi bellashuvlarda omad tiladi. Bundan tashqari, joriy yili Samarqand shahrida o‘tkaziladigan 46-Butunjahon shaxmat olimpiadasida Sindorovning ishtiroki milliy jamoaga qo‘shimcha ishonch bag‘ishlashi aytib o‘tildi.

Prezident sportchining ota-onasi, yaqinlari va murabbiylarini ham ushbu...

16-aprel uchun valyutalar kursi yangilandi. Unga ko‘ra, dollar 49,05 so‘mga oshib, 12 190,43 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

9-aprelda esa 20,50 so‘mga oshib, 12 228,58 so‘mga yetdi. 10-apreldan AQSh valyutasi pasayishni boshladi: shu kuni 30,3 so‘mga pasayib, 12 198,28 so‘m bo‘ldi. 13-aprel kuni 9,69 so‘mga pasayib, 12 158,59 so‘mni, 14-aprel kuni esa 32,49 so‘mga pasayib, 12 126,10 so‘mni tashkil etdi. 15-apreldan dollar oshishni boshladi: shu kuni 15,28 so‘mga oshib, 12 141,38 so‘m bo‘ldi.

Markaziy bank ma’lumotlariga ko‘ra, yevro 49,29 so‘mga oshib, 14 362,76 so‘mni, rubl esa 1,83 so‘mga oshib...

2026-yilning may oyidan boshlab Toshkent va Yerevan o‘rtasidagi muntazam yo‘lovchi reyslari yo‘lga qo‘yilishi mumkin. Bu haqda Uzbekistan Airports ma’lum qildi.

Rejalarga ko‘ra, parvozlar haftada bir marta Boeing 737 samolyotlarida amalga oshiriladi. Mazkur yo‘nalishda tashuvchi sifatida Shirak Avia aviakompaniyasi faoliyat yuritadi.

Aviakompaniya Zvartnots xalqaro aeroporti bazasida joylashgan bo‘lib, 2019-yildan buyon xalqaro reyslarni amalga oshirib kelmoqda. Uning havo kemalari parki Boeing 737 oilasiga mansub samolyotlardan iborat.

Ma’lumot uchun, ilgari bu yo‘nalishda parvoz qilish uchun Moskva, Istanbul yoki Tbilisi orqali transfer qilishga to‘g‘ri kelar edi.

Eslatib o‘tamiz, avvalroq Toshkent — Tel-Aviv yo‘nalishida parvozlar qayta tiklangani haqida xabar qilgan...

Londonning «Arsenal» klubi Angliya Premyer-ligasi doirasida o‘z maydonida «Bornmut»ga 1:2 hisobida imkoniyatni boy berdi. Jamoa bosh murabbiyi Mikel Arteta omadsiz o‘yindan so‘ng jurnalistlar va muxlislardan rasman uzr so‘radi.

«Bu xuddi yuzga tushirilgan kuchli zarbaga o‘xshaydi, yigitlarga ham aynan shunday dedim. Bugun biz ba’zi vaziyatlarda o‘z darajamizdan juda pastda bo‘ldik», – dedi Arteta jamoaning harakatlarini tanqid qilib.

Mutaxassisning ta’kidlashicha, jamoada 22 yillik chempionlik kutilmasi sababli yuqori bosim mavjud. Jamoa atrofidagi vaziyatni jarohatlar ham qiyinlashtirmoqda. Asosiy hujumkor futbolchi Bukayo Saka hamda yarim himoyachi Deklan Rays mashg‘ulotlarni o‘tkazib yuborganligi tasdiqlandi.

Tahlilchi Kris Satton joriy mavsumda...