Yangiliklar

Braziliya prezidenti Luiz Inasiu Lula da Silva terma jamoa bosh murabbiyi Karlo Anchelotti bilan Neymarni Jahon chempionatiga chaqirish borasida suhbatlashganini ma’lum qildi. Davlat rahbari futbolchining jismoniy holati va xohishi asosiy ahamiyatga ega ekanini ta’kidlagan.

TV 247 telekanaliga bergan intervyusida prezident murabbiy bilan bo‘lib o‘tgan suhbat tafsilotlari haqida to‘xtalib o‘tdi. Braziliya rahbari futbolchi terma jamoada o‘ynashni xohlasa, o‘z ishiga professional yondashishi kerakligini ta’kidlagan.

«Anchelotti mendan Neymarni chaqirishimiz kerakmi, deb so‘radi. Men unga, agar u jismonan tayyor bo‘lsa, unda futbol salohiyati borligini aytdim», – dedi Lula da Silva.

Karlo Anchelotti 2025-yilning may oyida Braziliya terma jamoasi...

Samsung kompaniyasi Galaxy Z TriFold Wide deb nomlanuvchi yangi uchtalik buklanuvchi smartfon konsepsiyasi ustida ish olib bormoqda. Qurilma avvalgi modellarga nisbatan kengroq shaklga ega bo‘lib, yopiq holatda odatiy smartfondek ishlaydi.

Yangi dizayn avvalgi buklanuvchi qurilmalardagi noqulay ekran nisbati muammosini hal qilishga qaratilgan. Qurilma to‘liq ochilganda planshetga o‘xshash katta ekranga aylanadi va bu video tomosha qilish hamda ko‘p vazifalilik rejimi uchun qulaylik yaratadi.

Kompaniyaning birinchi uchtalik buklanuvchi smartfoni taxminan $2,9 ming narxda sotuvga chiqqan edi. Ishlab chiqarishdagi qiyinchiliklar sababli u bozorda uzoq vaqt qolmadi, biroq qurilmaga bo‘lgan talab saqlanib qolib, ikkilamchi bozorda qayta sotish narxlari keskin oshgani kuzatilgan.

Ma’lumotlarga ko‘ra...

Qashqadaryo viloyatida kuchli ta’sir qiluvchi dori vositalari noqonuniy savdosi aniqlandi. Bu haqda Bosh prokuratura huzuridagi Departament xabar qildi.

Shahrisabz tumanida o‘tkazilgan tezkor tadbirda «K.P.» MChJ mas’ul shaxslari qonunga xilof ravishda dori sotgani ma’lum bo‘ldi. Ular Shahrisabz shahridagi «Yangi Kesh» bozori hududida joylashgan dorixonada inson ruhiyatiga ta’sir qiluvchi dorilarni savdoga qo‘ygan.

Tadbir davomida dorixonadan 100 dona «Benzonal» hamda boshqa dori vositalari olindi. Ularning umumiy qiymati 26,8 mln so‘mni tashkil etgan. Shuningdek, Nishon tumanida ham shunga o‘xshash holat aniqlandi. «K.Y.» xususiy korxonasiga qarashli dorixona sotuvchisi Yu.K. fuqaro B.X.ga 110 dona «Benzonal»ni retseptsiz sotgan.

Har ikki holatda ham dori vositalari ashyoviy dalil...

Germaniyada Globogate loyihasi doirasida tibbiyot mutaxassislari mamlakatdagi klinikalariga ishga taklif etilmoqda. Bu haqda Migratsiya agentligi xabar berdi.

Dastur to‘liq bepul bo‘lib, ishtirokchilar avval 10 oy davom etadigan maxsus tayyorlov kurslarida tahsil oladi. Ushbu jarayon davomida nemis tili va kasbiy ko‘nikmalarni o‘zlashtirishga alohida e’tibor qaratiladi.

Ish o‘rinlari Germaniya bo‘ylab turli klinikalarda taklif etiladi, umumiy hisobda 800 ta bo‘sh ish o‘rni mavjud. Ish haftasiga o‘rtacha 39 soatni tashkil etadi.

Dastlabki bosqichda maosh taxminan $2010 miqdorida belgilanadi, kasb tan olinishi yakunlangach esa (taxminan 3 oy ichida) bu summa $2650 gacha oshishi mumkin.

Dasturga 3 yillik tibbiyot kolleji diplomiga ega...

Ipak Yuli Bank Savdoga koʻmaklashish dasturi (Trade Facilitation Programme, TFP) doirasida Yevropa tiklanish va taraqqiyot banki (YTTB)ning tasdiqlovchi bank maqomini oldi. Kelishuv 13-aprel kuni Londonda imzolandi, deya xabar berdi bank matbuot xizmati Kursiv Uzbekistan nashriga.

Ta’kidlanishicha, mazkur maqom bankka xalqaro bitimlar boʻyicha toʻlovlarni kafolatlash imkoniyatini taqdim etadi. Bu esa xorijiy hamkorlar bilan ishlashda biznes uchun qoʻshimcha himoya vositasi boʻlib xizmat qiladi. Shuningdek, dasturda qatnashish bank mijozlariga YTTB koʻmagida hujjatli biznes vositalari, ya’ni akkreditivlar va bank kafolatlaridan foydalanish imkonini beradi.

Bank Boshqaruv raisi oʻrinbosari Forrux Isxakovning ta’kidlashicha, YTTB bilan kelishuv imzolanishi mijozlarga xalqaro hisob-kitoblar uchun yanada ishonchli va raqobatbardosh yechimlarni taklif etish imkonini...

2026-yilning yanvar-fevral oylarida O‘zbekistonda aloqa va axborotlashtirish xizmatlari hajmi 14,8 trln so‘mni tashkil etdi. Bu haqda Milliy statistika qo‘mitasi xabar bermoqda.

Ushbu ko‘rsatkich 2025-yilning mos davriga nisbatan 17,7 foizga o‘sgan. Hududlar kesimida eng katta ulush Toshkent shahriga to‘g‘ri kelib, poytaxtda ko‘rsatilgan xizmatlar hajmi 11 trln so‘mga yetgan. Undan keyingi o‘rinlarni Farg‘ona (518 mlrd so‘m) va Samarqand (487,1 mlrd so‘m) viloyatlari egalladi.

Boshqa hududlarda xizmatlar hajmi quyidagicha taqsimlangan: Toshkent viloyatida 418,9 mlrd so‘m, Qashqadaryoda 328 mlrd so‘m hamda Andijonda 322,8 mlrd so‘m qayd etildi. Eng kam ko‘rsatkich esa Sirdaryo viloyatiga (112,9 mlrd so‘m) to‘g‘ri kelgan.

Shuningdek, Qoraqalpog‘iston Respublikasi, Namangan, Xorazm...

Google kompaniyasi Mac kompyuterlari uchun sun’iy intellekt asosidagi Gemini ilovasining to‘liq versiyasini taqdim etdi. Bu haqda Google’ning rasmiy sahifasida ma’lum qilindi.

Yangi dastur macOS tizimida bevosita ishlaydi va foydalanuvchiga ish jarayonida yordam beradigan aqlli yordamchi sifatida xizmat qiladi.

Ilovaning asosiy qulayligi shundaki, u klaviaturadagi Option + Space tugmalari orqali istalgan dastur ustida tezda chaqiriladi. Bu orqali foydalanuvchi boshqa ilovadan chiqmasdan turib sun’iy intellekt bilan ishlash imkoniga ega bo‘ladi.

Gemini ekrandagi faol oynani tahlil qila oladi yoki kompyuterdagi fayllarni ko‘rishi mumkin. Masalan, Excel jadvali yoki hujjat ochilgan bo‘lsa, tizim uni avtomatik tarzda tahlil qilib, qisqa xulosa tayyorlab beradi.

Shuningdek, ilova...

Amerikaning VID promouterlik kompaniyasi Lionel Messi hamda Argentina futbol assotsiatsiyasi (AFA) ustidan Janubiy Florida sudiga da’vo arizasi kiritdi. Bu haqda Mirror nashri xabar bermoqda.

Ma’lumotlarga ko‘ra, VID kompaniyasi AQShda Venesuela va Puerto-Rikoga qarshi ikkita o‘rtoqlik uchrashuvini tashkil etish hamda eksklyuziv huquqlar uchun AFAga $7 mln to‘lagan. Shartnomaga asosan, agar sog‘lom bo‘lsa, Messi har bir o‘yinda kamida 30 daqiqa harakat qilishi belgilangan edi. Biroq u Venesuelaga qarshi dastlabki uchrashuvda maydonga tushmagan va o‘yinni VIP lojadan kuzatgan. Ikkinchi o‘yinda esa to‘liq 90 daqiqa o‘ynagan.

Da’vogarning ta’kidlashicha, futbolchi jarohat olmagan. Bunga uning ertasigayoq «Inter Mayami» safida maydonga tushib, ikkita gol va bitta...

Great Wall Motor (GWM) kompaniyasi tarkibidagi Haval brendi Haval H10 modelini taqdim etdi. Bu haqda CarNewsChina nashri xabar bermoqda.

Model kompaniya qatorida H9’dan yuqorida joylashadi va katta o‘lchamli SUV segmentiga kiradi. Yangi avtomobil kvadrat uslubdagi dizayn bilan ajralib turadi. Kuzov baland va massiv ko‘rinishga ega, tom qismida esa LiDAR sensori o‘rnatilgan. Bu haydovchiga yordam beruvchi ilg‘or tizimlar mavjudligini anglatadi.

H10 ikki xil uzunlikda taqdim etiladi. Eng katta versiyasi 5299 mm bo‘lib, 5 yoki 6 o‘rindiqli variantlar kutilmoqda. Model plug-in gibrid tizimda ishlaydi. U 1.5T va 2.0T dvigatel variantlari bilan taklif etiladi. Batareya sig‘imi 42,8 kWhni tashkil qiladi. Elektromobil rejimida...

O‘zbekistonda oliy malaka toifasiga ega pedagoglar uchun ipoteka kreditlari bo‘yicha subsidiya olish jarayoni boshlanadi. Arizalar 20-aprel kuni soat 14:00 dan qabul qilinishi rasman ma’lum qilindi.

Yangi tartibga ko‘ra, subsidiya Vazirlar Mahkamasining 2026-yil 19-fevraldagi 69-son qarori asosida amalga oshiriladi. Unga muvofiq, Davlat budjeti hisobidan ipoteka kreditining boshlang‘ich badalining 25 foizigacha qismi qoplab beriladi.

Dasturda ishtirok etish uchun bir qator talablar belgilangan. Xususan, ariza beruvchi kamida 15 yillik pedagogik tajribaga ega bo‘lishi, oliy malaka toifasiga yoki bosh o‘qituvchi lavozimiga ega bo‘lishi kerak. Shuningdek, nomzod va uning turmush o‘rtog‘i nomida mamlakat bo‘ylab ikki yoki undan ortiq uy-joy mavjud bo‘lmasligi lozim.

Banklar tomonidan...

Toshkent shahrida davlat xaridlari sohasida o‘tkazilgan tekshiruvlar davomida 21 milliard so‘mdan ortiq qiymatdagi tender savdolarida qonun talablariga zid holatlar aniqlangan. Bu haqda Raqobat qo‘mitasi ma’lum qildi.

Mazkur holat qo‘mitaning Toshkent shahar boshqarmasi tomonidan «Quyuv-mexanika zavodi» aksiyadorlik jamiyati o‘tkazgan tender savdolarini o‘rganish jarayonida aniqlangan.

Tekshiruv natijalariga ko‘ra, O‘zbekiston temir yo‘llari tizimiga kiruvchi korxona tomonidan o‘tkazilgan 8 ta tanlov savdosi, umumiy qiymati 21 milliard so‘mdan ortiq bo‘lgan xaridlar, «Raqobat to‘g‘risida»gi Qonun talablariga mos kelmagani aniqlangan. Xususan, savdolar jarayonida raqobatni cheklashi mumkin bo‘lgan holatlar qayd etilgan.

Mazkur holat yuzasidan maxsus komissiya tomonidan ish qo‘zg‘atilib, buyurtmachi tashkilotga nisbatan tegishli ta’sir chorasi qo‘llangan. Shuningdek...

Avstraliyaning Melburn shahri yaqinidagi yirik Viva Energy neft zavodida yong‘in sodir bo‘ldi. Bu haqda BBC xabar bermoqda.

Favqulodda xizmatlar yong‘inni o‘chirdi. Hodisa vaqtida zavodda bo‘lgan xodimlar evakuatsiya qilingan va jabrlanganlar yo‘q. Mazkur zavod Viktoriya shtati yonilg‘isining qariyb 50 foizini va mamlakat umumiy hajmining 10 foizini ishlab chiqaradi. Shu sabab hukumat benzin ishlab chiqarishga ta’sir bo‘lishi mumkinligini ma’lum qilgan.

Energetika vaziri Kris Bouen yong‘in global yonilg‘i inqirozi fonida yuz berganini ta’kidladi. So‘nggi haftalarda dizel narxi keskin oshgan va ayrim hududlarda yonilg‘i tanqisligi kuzatilmoqda. Dastlabki ma’lumotlarga ko‘ra, yong‘in texnik nosozlik sabab yuzaga kelgan. Hozirda zavod qisman ishlamoqda, ayrim yonilg‘i turlari esa...

Istiqbolli loyihalar milliy agentligi (ILMA) va Markaziy bank tomonidan barqaror tokenlar (stablecoin) muomalasini tartibga solish bo‘yicha maxsus huquqiy rejimni joriy etish tartibi tasdiqlandi. Bu haqda ILMA rasmiy sahifasida ma’lum qilindi.

Mazkur nizom barqaror tokenlar bilan ishlashning aniq mexanizmlarini belgilaydi. Unda ushbu soha ishtirokchilarini ro‘yxatdan o‘tkazish, ularning faoliyatini nazorat qilish, zarur holatlarda maqomdan mahrum etish hamda yagona reyestr yuritish tartiblari ko‘zda tutilgan.

Yangi tartibning asosiy maqsadi – zamonaviy texnologiyalar asosida to‘lov tizimlarini rivojlantirish uchun qulay muhit yaratish. Shu orqali barqaror tokenlarni to‘lov vositasi sifatida joriy etish, investitsiyalarni jalb qilish va bozorda sog‘lom raqobatni kuchaytirish rejalashtirilgan. Bundan tashqari, iste’molchilar va investorlar...

16-aprel kuni erta tongdan boshlab Jizzax viloyatining bir nechta hududlarida qor yog‘di. Bu haqda iqlimshunos Erkinjon Abdulahatovning Telegram kanalida ma’lum qilindi.

Ma’lumotlarga ko‘ra, Baxmal tumanining Zartepa qishlog‘ida soat 08:00 atrofida qor yog‘ib o‘tgan. Shuningdek, Zomin tumanidagi Suvfa platosida ham qor yog‘moqda. Ushbu hudud dengiz sathidan 2400 metr balandlikda joylashgan.

Iqlimshunosning qayd etishicha, namlik oqimi Farg‘ona vodiysiga ham kirib kelmoqda. Qo‘qon shahrida allaqachon uzoq kutilgan kuchli yog‘inlar boshlangan. Ayni paytda shimoliy hududlar va Qizilqum cho‘lida turli ob-havo hodisalarini keltirib chiqargan siklon asta-sekin respublika hududini tark etmoqda.

Avvalroq Qoraqalpog‘iston Respublikasi va Xorazm viloyatida kuchli chang hamda shamol hodisasi kuzatilgan edi.

Eslatib...

Moldova 2027-yil 8-apreldan boshlab Mustaqil Davlatlar Hamdo‘stligi (MDH) tarkibidan rasman chiqadi. Bu haqda mamlakat tashqi ishlar vaziri va vitse-premeri Mixay Popshoy ma’lum qildi.

Uning aytishicha, tegishli qarorlar 2026-yil 8-aprelda qabul qilingan va Minskka rasmiy xabarnoma yuborilgan. Xalqaro qoidalarga ko‘ra, chiqish jarayoni 12 oy davom etadi. Shu sabab Moldova 2027-yil bahorida MDH a’zoligini to‘liq yakunlaydi.

Rasmiylar ta’kidlashicha, mamlakat amalda allaqachon uzoq vaqtdan beri tashkilot faoliyatida ishtirok etmay kelgan. Shu bilan birga, Moldova ayrim iqtisodiy kelishuvlarda ishtirokni saqlab qoladi. Bu borada Gruziya tajribasidan foydalanilmoqda.

So‘nggi ikki yil ichida mamlakat MDH doirasidagi ko‘plab hujjatlarni qayta ko‘rib chiqdi. 283 ta kelishuvdan 71 tasi...

Buxoro viloyatida Leapmotor kompaniyasi bilan hamkorlikda avtomobil ishlab chiqarishni bosqichma-bosqich yo‘lga qo‘yish masalalari muhokama qilindi. Bu haqda viloyat hokimligi xabar berdi.

Unga ko‘ra, Buxoro viloyati hokimi Botir Zaripov Zhejiang Leapmotor Technology Co., Ltd. kompaniyasi vitse-prezidenti Ley Ming boshchiligidagi delegatsiya bilan muzokara olib bordi.

Uchrashuvda Buxoro viloyatida avtomobil ishlab chiqarish quvvatlarini bosqichma-bosqich yo‘lga qo‘yish loyihasini amalga oshirish jarayonlari muhokama qilindi. Mazkur loyiha avvalroq davlat rahbari Shavkat Mirziyoyev raisligidagi yig‘ilishda taqdim etilgan edi.

Rejalarga ko‘ra, ishlab chiqarish hajmi yildan-yilga oshirib boriladi. Dastlabki bosqichda o‘n minglab avtomobillar ishlab chiqarilishi ko‘zda tutilgan bo‘lsa, keyingi yillarda bu ko‘rsatkich yuz minglab donaga yetkazilishi rejalashtirilgan. Loyiha...

Xpeng yangi Xpeng GX modeliga oldindan buyurtmalarni boshladi. Avtomobil 15-apreldan ikki xil konfiguratsiyada taqdim etildi. Bu haqda CarNewsChina nashri xabar bermoqda.

Model o‘rta va yirik segmentdagi SUV sifatida pozitsiyalangan. U elektr va gibrid (range-extender) versiyalarda taklif qilinadi. GX’ning dizayni butunlay yangilangan. Avtomobil yopiq radiator panjarasi va zamonaviy yoritish tizimi bilan ajralib turadi.

Salon yuqori darajada jihozlangan. Unda 17,3 dyuymli markaziy ekran, ambient yoritish va massaj funksiyali o‘rindiqlar mavjud. Ikkinchi qatorda multimedia ekran va qo‘shimcha stol ham bor. Texnik jihatdan model kuchli ko‘rsatkichlarga ega. Gibrid versiya 430 km elektr yurish zaxirasi va 1585 km umumiy masofani taklif qiladi.

To‘liq...

Disney kompaniyasi yaqin vaqt ichida turli bo‘limlarda ming nafargacha xodimni ishdan bo‘shatishni rejalashtirilganini ma’lum qildi. Bu haqda Forbes nashri xabar berdi.

Kompaniya e’lon qilgan ichki xatda tashkilot rahbari Josh Damaro bu qaror resurslarni samarali taqsimlash va biznesni qayta rivojlantirish zarurati bilan bog‘liqligini ta’kidlagan. Uning so‘zlariga ko‘ra, qisqartirishlar kompaniyaning kelajakdagi moslashuvchanligini oshirishga xizmat qiladi.

Ma’lumotlarga ko‘ra, qisqartirishlar televideniye, sport yo‘nalishlari va bir qator studiyalarni ham qamrab oladi. Eng katta o‘zgarishlar esa Marvel Studios tarkibidagi vizual effektlar bo‘limida kuzatilishi mumkin. Xabarlarga ko‘ra, bu yerda deyarli barcha mutaxassislar ishdan bo‘shatilishi, faqat kichik jamoa saqlab qolinishi rejalashtirilgan. Qolgan ishlar esa kontrakt asosida bajarilishi...

Honda kompaniyasi Honda Insight modelining to‘rtinchi avlodini sotuvga chiqarmoqda. Yangi elektromobil dastlab Yaponiya bozori uchun mo‘ljallangan.

Model to‘liq elektr platformada ishlab chiqilgan. U zamonaviy dizayn va yuqori darajadagi qulaylik bilan ajralib turadi. Salon haydovchi va yo‘lovchilar uchun keng va qulay qilib yaratilgan. Avtomobilda aqlli isitish tizimi, havo aromatizatsiyasi va dekorativ yoritish mavjud. Shuningdek, premium darajadagi Bose audio tizimi o‘rnatilgan.

Insight’da to‘rtta haydash rejimi bor. Ular Normal, Sport, Eco va Snow rejimlaridir. Elektromobilning yurish zaxirasi 535 kmgacha yetadi. Tezkor zaryadlash orqali batareya 80 foizgacha taxminan 40 daqiqada to‘ldiriladi.

Model tashqi qurilmalarni quvvatlantirish imkoniyatiga ham ega. U 1500 Vt gacha elektr...

IKEA hamda Chupa Chups birgalikda maydalangan go‘sht ta’miga ega (frikadella) cheklangan turdagi tayoqchali konfetlar ishlab chiqarishini e’lon qildi. Bu haqda IKEA rasmiy sahifasida ma’lum qildi.

Bu g‘oya dastlab 1-aprel hazili sifatida paydo bo‘lgan. IKEA ijtimoiy tarmoqlarda go‘shtli sharchalar ta’midagi konfetlar haqida kulgili e’lon bergan, ammo foydalanuvchilarning qiziqishi kutilganidan ham yuqori bo‘lgan. Natijada kompaniya ushbu hazilni haqiqiy mahsulotga aylantirishga qaror qilgan.

Yangi konfetlar IKEA’ning mashhur shved frikadellalari va brusnika sousidan ilhomlanib yaratiladi. Ular dunyo bo‘ylab IKEA do‘konlarida iyun oyidan boshlab paydo bo‘ladi. Umumiy hisobda bir million dona ishlab chiqarilishi rejalashtirilgan.

Biroq bu mahsulot sotuvga qo‘yilmaydi, tashrif buyuruvchilar uni faqat do‘konlarda...

O‘zbekistonda qurilish chiqindilarini tartibsiz tashlash bilan bog‘liq muammolar keskinlashgani sababli keng ko‘lamli o‘rganish va nazorat ishlari yo‘lga qo‘yildi. Bu haqda Ekologiya qo‘mitasi xabar berdi.

So‘nggi yillarda mamlakatda qurilish hajmi keskin oshgani chiqindilar bilan bog‘liq muammolarni ham yuzaga chiqarmoqda. Xususan, Chorvoq hududida qurilishlar 2020-yilga nisbatan bir necha barobarga ko‘paygani fonida chiqindilarni belgilanmagan joylarga tashlash holatlari ham ortgani aniqlangan.

Amaldagi qonunchilikka ko‘ra, bunday qoidabuzarliklar uchun jiddiy javobgarlik belgilangan. Belgilanmagan joylarga chiqindi tashlagan fuqarolar va mansabdor shaxslar jarimaga tortiladi, takror holatlarda esa jarimalar yanada oshadi.

Mazkur muammoga qarshi kurashish maqsadida Prezident farmoni asosida tashkil etilgan maxsus komissiya respublika bo‘ylab reyd tadbirlarini boshladi...

Tijorat banklari tomonidan 16-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Farg‘ona viloyatida o‘tkazilgan reydlar davomida 1,2 mlrd so‘mlik tabiiy gazdan noqonuniy foydalanish holatlari fosh etildi. Bu haqda Energetika vazirligi xabar bermoqda.

Vazirlikning qayd etishicha, gaz ta’minoti filiali va hamkor tashkilotlar tekshiruvlar o‘tkazilgan. Natijada bir nechta jiddiy qonunbuzilish aniqlangan.

Rishton tumanida joylashgan oilaviy korxona gaz tarmog‘iga hujjatlarsiz ulangan. Ushbu holat bo‘yicha 466 mln so‘mlik gaz qayta hisoblandi. Oltiariq tumanida xususiy hammom egasi gazni hisoblagichdan oldin tarmoqqa ulanib olgan. Unga 380,6 mln so‘m jarima belgilandi.

Farg‘ona shahrida umumiy ovqatlanish maskani ham gazdan noqonuniy foydalangan. Bu yerda 365,8 mln so‘mlik zarar aniqlangan. Barcha holatlar bo‘yicha hujjatlar huquqni muhofaza qiluvchi organlarga yuborildi.

Google kompaniyasining SpaceX’ga sarmoyasi $100 mlrdgacha yetishi mumkin. Bu haqda Bloomberg nashri xabar bermoqda.

Ma’lumotlarga ko‘ra, Google 2025-yil oxirida SpaceX kompaniyasining 6,11 foiz ulushiga ega bo‘lgan. Agar kompaniya IPO vaqtida $2 trln baholansa, bu ulush qiymati $122 mlrdga yetishi mumkin edi. Biroq Alphabet Inc. ulushi xAI bilan qo‘shilishdan keyin kamaygan. Hozir u taxminan 5 foiz atrofida baholanmoqda. Shu holatda Google ulushi $100 mlrdga teng bo‘lishi mumkin.

Bu ko‘rsatkich ayrim yirik kompaniyalardan ham yuqori. Masalan, Seagate Technology, Marvell Technology va Spotify kapitalizatsiyasi bundan past. Google SpaceX’ga ilk bor 2015-yilda sarmoya kiritgan. O‘shanda kompaniya $10 mlrdga baholangan va investorlar $1 mlrd...