Yangiliklar

O‘zbekistonda 2026-yil 1-sentabrdan elektromobillarni sotib olish uchun 16 foizgacha stavkada bank avtokreditlari beriladi. Bu haqda «Mahallani rivojlantirish va jamiyatni yuksaltirish» yilida ustuvor yo‘nalishlar bo‘yicha islohotlar dasturlari va «O‘zbekiston – 2030 strategiyasini amalga oshirish bo‘yicha davlat dasturi to‘g‘risida»gi prezident farmonida keltirilgan.

Ushbu avtokreditlar birinchi bosqichda aholiga 15 mingta elektromobil uchun taqdim qilinadi.

Farmonning ekologik muvozanatni ta’minlash va suv resurslaridan oqilona foydalanishni samarali tashkil etish bo‘yicha ustuvor islohotlar dasturida atmosfera havosini zararlantirmaydigan va ekologik toza avtomobillarni sotib olish uchun aholiga qulay sharoitlarni yaratish belgilangan.

Sentabrdan e’tiboran beriladigan avtokredit foizlarining oshgan qismini tijorat banklariga Davlat budjeti hisobidan qoplash tartibi joriy etiladi. Elektromobillarni...

Germaniyada 2023-yildan 2024-yilgacha fuqarolik olganlar soni 90 mingga ko‘payib, umumiy hisobda 290 mingdan oshdi. Bu haqda DW xabar bermoqda.

Germaniya pasportini olish bo‘yicha birinchi o‘rinda Suriya, keyingi o‘rinlarda Turkiya, Iroq, Rossiya va Afg‘oniston fuqarolari qayd etilgan. 2025-yilda Berlinda 39 ming ta naturalizatsiya holati ro‘yxatga olingan bo‘lib, bu 2024-yildagi (21,8 ming) ko‘rsatkichdan qariyb ikki baravar va 2023-yildagi (9 ming) raqamlardan to‘rt baravar ko‘pdir. Gamburgda ham o‘sish kuzatilib, ko‘rsatkich 11,5 mingtaga yetgan.

Hukumat koalitsiyasiga kiruvchi Xristian-demokratik ittifoqi partiyasi vakillari ushbu jarayonni tanqid qilmoqda va nazoratni kuchaytirishga chaqirmoqda. Bunga naturalizatsiya uchun zarur bo‘lgan testlarni topshirishdagi firibgarliklar va til sertifikatlarini soxtalashtirish holatlari sabab...

Fevral oyida «Malika» bozorida iPhone 17 narxlari sezilarli pasaydi. Sotuvchilarga ko‘ra, 2025-yil 15-oktabrga nisbatan ayrim modellarda narxlar $100 – 250 gacha arzonlashgan.

2025-yil 15-oktabrda iPhone 17 (256 GB) narxi $1250 dan boshlangan. 512 GB versiyasi esa $1550 dan sotilgan. 2026-yil 17-fevral holatiga ko‘ra, 256 GB model $1070 – 1100 atrofida, 512 GB versiya esa $1350 dan sotilmoqda.

17-fevralda iPhone 17 Pro (256 GB) narxi $1300 – 1400 oralig‘ida. iPhone 17 Pro Max (256 GB) esa rangiga qarab $1490 – 1590 turadi.

Pro Max’ning 512 GB versiyasi $1650 – 1860, 1 TB versiyasi $2130 – 2300, 2 TB versiyasi esa...

Angliya kubogining nimchorak finaliga tashlangan qur’a natijalariga ko‘ra, Abduqodir Husanov harakat qilayotgan «Manchester Siti» safarda «Nyukasl Yunayted» bilan kuch sinashadigan bo‘ldi.

Pep Gvardiola boshchiligidagi «Manchester Siti» uchun ushbu bosqich oson kechmaydigan bo‘ldi. Chunki «Nyukasl» o‘z uyida har qanday raqibga jiddiy qarshilik ko‘rsatishi bilan mashhur. Boshqa juftliklarda ham qiziqarli qarama-qarshiliklar yuzaga keldi. «Liverpul» klubi Premer-ligadagi raqibi «Vulverxempton» bilan «Enfild»da bahslashadi.

Londonning «Arsenal» jamoasi esa quyi liga vakili «Mensfild Taun» mehmoni bo‘ladi. Angliya kubogining beshinchi bosqich o‘yinlari fevral oyining oxirgi haftasida o‘tkazilishi rejalashtirilgan.

Avvalroq Kursiv Uzbekistan «Manchester Siti» «Fulxem»ni yirik hisobida mag‘lub etgani haqida xabar bergan edi.

Xitoyning sun’iy intellekt (SI) yo‘nalishidagi Moonshot AI startapi yangi moliyalashtirish bosqichida kompaniya qiymatini $10 mlrdga yetkazishni maqsad qilgan. Bu haqda Bloomberg manbalarga tayanib xabar berdi.

Pekin shahrida joylashgan kompaniya Kimi nomli chat-bot ortida turadi. Yaqinda Moonshot sarmoya jalb qilishning kengaytirilgan bosqichini boshlagan. Ma’lumotlarga ko‘ra, bu jarayon yanvar oxirida boshlangan.

Moonshot bundan bir oy avval $500 mln mablag‘ jalb qilgan edi. O‘shanda kompaniya bahosi $4,3 mlrd etib baholangan. Yangi bosqichda investorlar qiziqishi yuqori ekani aytilmoqda.

Hozirgi raundning birinchi bosqichida Alibaba Group, Tencent va 5Y Capital jamg‘armasi $700 mlndan ortiq sarmoya kiritishga tayyorligini bildirgan. Tomonlar muzokaralarni davom ettirmoqda.

Moonshot’ning tez sur’atda...

O‘zbekistonda kreativ iqtisodiyot 2030-yilgacha YIMning 5 foiziga yetkaziladi. Bu haqda prezidentning tegishli qarori imzolandi. Bu 145 trln so‘m hajmni anglatadi.

Shuningdek, kreativ industriya mahsulotlari va xizmatlari eksporti $1 mlrddan oshiriladi. Sohada amalga oshirilayotgan loyihalar doirasida 500 mingta yangi ish o‘rni yaratish rejalashtirilgan.

Hujjatda 2026 – 2027-yillarda Kreativ industriya parki infratuzilmasini bosqichma-bosqich tashkil etish nazarda tutilgan. Birinchi bosqichda loyiha davlat-xususiy sheriklik asosida amalga oshiriladi.

Park hududida sayr qilish va hordiq chiqarish uchun yashil bog‘ barpo etiladi. Unda art-obyektlar va monumental san’at asarlari joylashtiriladi. Shuningdek, raqamli dizayn va dasturlash yo‘nalishida nufuzli xalqaro maktab faoliyati yo‘lga qo‘yiladi.

Loyiha doirasida buk-kafe...

Yaponiyada Yangi BYD Racco elektromobilining ichki ko‘rinishi rasman namoyish etildi. Bu haqda CarNewsChina xabar bermoqda. Model 2026-yil yoz yoki kuz mavsumida savdoga chiqadi. Boshlang‘ich narxi taxminan $16,3 mingga teng.

Ichki qismi

BYD Racco interyeri an’anaviy kei-kar arxitekturasi asosida yaratilgan. Uzatmalar tutqichi qisqa markaziy konsolga joylashtirilgan. Old o‘rindiqlar bir-biriga yaqin o‘rnatilgan, biroq kichik qo‘l suyanchiqlari mavjud.

Old panelda suzuvchi sensorli ekran hamda raqamli asboblar paneli bor. Iqlim nazorati uchun alohida jismoniy tugmalar saqlab qolingan. Avtomobilda 12V, USB va Type-C portlari mavjud.

Markaziy konsolda qo‘shimcha saqlash joylari bor. Qo‘lqop qutisi va markaziy tunnelda ham alohida bo‘lim ajratilgan.

Qulaylik va...

O‘zbekiston musulmonlari idorasi Fatvo markazi 2026-yil, hijriy 1447-yil Ramazon oyi uchun zakot nisobi, fitr sadaqasi va fidya miqdorini belgiladi.

Unga ko‘ra, zakot nisobi 85 gramm 585 probali oltin qiymatidan kelib chiqib 100 mln so‘m etib belgilandi. Shunga ko‘ra, kamida 85 gramm oltin yoki 100 mln so‘m mablag‘ga ega bo‘lgan shaxs jami boyligining 2,5 foizini zakot sifatida kambag‘allarga berishi farz hisoblanadi.

Fitr sadaqasi miqdori quyidagicha belgilandi:

MobiUz aloqa operatori kiberhujumga uchradi. Ijtimoiy tarmoqlarda 3 mingga yaqin xodimlarning shaxsiy ma’lumotlari Dark Web’ga sizdirilgani haqida xabarlar tarqaldi.

16-fevral kuni Mobiuz axborot xavfsizligi bo‘yicha olib borilayotgan ishlar yuzasidan ma’lumot berdi. Kompaniya kiberxavfsizlikni ustuvor yo‘nalish sifatida belgilaganini ta’kidladi.

Ma’lum qilinishicha, maxsus IT xavfsizlik bo‘linmasi zamonaviy dasturiy vositalar orqali infratuzilmani kechayu kunduz monitoring qiladi. 2025-yil davomida 10 mingdan ortiq turli darajadagi DDoS-hujumlar qaytarilgan. Shundan 180 dan ortig‘i jiddiy toifaga kiradi.

Shuningdek, 68 mingdan ortiq fishing havolalari va firibgarlik saytlari bloklangan. Tarmoq infratuzilmasiga ruxsatsiz kirishga bo‘lgan uchta urinish to‘liq bartaraf etilgan.

Eslatib o‘tamiz, Kursiv Uzbekistan nashri uch investorga MobiUz’ni sotib...

Honor yangi buklanuvchi Honor Magic V6 modelini tez orada taqdim etadi. Bu haqda Gizmochina nashri ma’lum qildi. Rasmiy e’lon oldidan qurilmaning jonli suratlari internetga sizib chiqdi.

Xitoyning Weibo platformasida gonkonglik aktyor va xonanda Nicholas Tse ishtirokidagi reklama jarayonidan suratlar paydo bo‘ldi. Unda u juda yupqa buklanuvchi smartfonni ushlab turgani ko‘rinadi. Kuzatuvchilarga ko‘ra, bu aynan Magic V6.

Suratlar qurilma tanish sakkizburchak shakldagi kamera modulini saqlab qolganini ko‘rsatadi. Ramkada antenna chiziqlari borligi metall korpusdan darak beradi. Eng e’tiborga molik jihat esa qizil rangli vegan teri qoplama bo‘ldi. Oldingi sizdirilgan ma’lumotlarda ham aynan shu rang asosiy, premium variant bo‘lishi aytilgandi.

Texnik jihatdan...

Toshkent shahrida 32 mln so‘mlik 20 dona reagentlar va 2 mlrd so‘mlik 322 quti (kontrafakt) mahsulotlar savdosining oldi olindi. Bu haqda Davlat xavfsizlik xizmati xabar berdi.

Qayd etilishicha, poytaxtda faoliyat yurituvchi, tibbiy reagentlar savdosi bilan shug‘ullanuvchi MChJ rahbari yaroqlilik muddati o‘tgan, qiymati 32 mln so‘mlik laboratoriya tekshiruvi uchun mo‘ljallangan 20 dona reagentlarni 16 mln so‘mga sotgan vaqtida ashyoviy dalillar bilan ushlangan.

Shuningdek, Toshkent shahri va viloyatida joylashgan unga tegishli 2 ta omborxona «Farmatsevtika mahsulotlari xavfsizlik markazi» davlat muassasasi xodimlarini jalb qilgan holda ko‘zdan kechirilganda, ularda umumiy qiymati 2 mlrd so‘mga yaqin bo‘lgan, 216 turdagi 1414 quti yaroqlilik muddati o‘tgan...

BYD kompaniyasining BYD Song Plus modeli bugun dunyodagi eng ko‘p sotilayotgan krossoverlardan biri hisoblanadi. 2025-yilda mahalliy bozorda Song Plus DM-i Champion modelidan 7,3 ming dona sotilgan. You Tube’dagi «AvtoStrong» kanali elektromobil haqida video e’lon qildi.

Tashqi dizayni

Kuzov uzunligi 470 smdan oshadi. Bu uni Kia Sportage yoki Toyota RAV4’dan kattaroq toifaga olib chiqadi. O‘lcham jihatidan BMW X3 va Audi Q5’ga yaqin.

Bagaj hajmi 574 litrni tashkil etadi. O‘rindiqlar buklanganda deyarli 1 kubometr joy paydo bo‘ladi.

Elektr va gibrid variantlar

Song Plus’ning gibrid talqini ham mavjud. Unda 1,5 litrli turbomotor generatorni aylantiradi va zarur paytda old g‘ildiraklarni...

Raqobat qo‘mitasi umumiy ovqatlanish korxonalariga eslatma berdi. Xususan, ayrim kafe, restoran va oshxonalar Ramazon oyida «aksiya setlar»ni majburiy tarzda taklif qilayotgani, minimal narx belgilab, boshqa tanlov bermayotgani qayd etildi.

Ma’lum qilinishicha, bu holatlar iste’molchilarning erkin tanlov huquqini cheklashi mumkin. «Iste’molchilarning huquqlarini himoya qilish to‘g‘risida»gi qonunga ko‘ra, xaridor tovar va xizmatni erkin tanlash huquqiga ega. Sotuvchi esa qo‘shimcha mahsulot yoki xizmatni majburan sotishga haqli emas.

Shu bois, umumiy ovqatlanish korxonalari mijozlarni majburiy «set» xarid qilishga undamasligi, menyudagi boshqa taomlarni tanlash imkoniyatini cheklamasligi kerak. Shuningdek, sog‘liq uchun zararli yoki allergiya chaqirishi mumkin bo‘lgan mahsulotlarni majburan taklif qilishga yo‘l qo‘yilmasligi lozim.

Qo‘mita...

2027-yilda Chevrolet Silverado 1500 pikapining yangi avlodi taqdim etiladi. GM Authority’ga ko‘ra, model tashqi ko‘rinish, salon va texnologiyalar bo‘yicha katta yangilanishlar bilan chiqadi.

Ma’lumotlarga ko‘ra, 2027-yilgi Chevrolet Silverado va GMC Sierra yangi elektron uzatma selektoriga ega bo‘ladi. U rul ustuniga o‘rnatiladi. Ya’ni, uzatma boshqaruvi rul yonida joylashadi.

Bunday elektron selektor hozirda Silverado EV, Tahoe, Suburban, Traverse, Blazer EV, Equinox va Bolt kabi boshqa Chevrolet modellarida ham qo‘llanmoqda. Shu orqali yangi Silverado brendning zamonaviy ichki dizayn uslubiga moslashadi.

Uzatma selektorini rul ustuniga ko‘chirish markaziy konsolda qo‘shimcha joy ochadi. Bu esa qo‘shimcha saqlash bo‘limlari yoki boshqa qulayliklar uchun imkon yaratadi.

Yashin eng ko‘p kuzatiladigan hududlar ichida Janubiy Amerikaning shimoliy qismi va Markaziy Afrika yetakchilik qiladi. Bu haqda NASAning Lightning Imaging Sensor ma’lumotlarida keltirilgan. U Yer yuzida bir tekis taqsimlanmagan.

Ayrim hududlarda momaqaldiroq va chaqmoq faolligi dunyo o‘rtacha ko‘rsatkichidan bir necha barobar yuqori. Bunga geografiya, iqlim va atmosfera sharoitlari sabab bo‘ladi. Quyidagi infografikada har bir qit’adagi asosiy faol nuqtalar ko‘rsatilgan. Xarita yilda bir kvadrat kilometrga to‘g‘ri keladigan chaqmoq zarbalari zichligiga asoslangan.

Janubiy Amerikaning shimoliy qismi va Markaziy Afrikada zarbalar zichligi boshqa mintaqalarga qaraganda ancha yuqori. Ayniqsa, Marakaybo ko‘li ajralib turadi. U Yer yuzidagi eng yuqori chaqmoq chastotasiga ega joy bo‘lib...

Motorola kompaniyasi yaqinda Signature brendining birinchi flagman smartfonini taqdim etdi. GSM Arena qurilmani sinab ko‘rib, o‘z xulosasini berdi.

Ishlash va batareya

Sharh mualliflari qurilmaning ishlash tezligi, qulaylik, displey, kameralar va boshqa xususiyatlarini baholadi. Qurilmaning 5200 mA/soat sig‘imli batareyasi rekord darajada zaryadlamasa-da, 90 Vt quvvat bilan zaryadlash imkoniyatiga ega. Qurilma 30 daqiqada 88% zaryad oladi.

Kamera va ekran

Motorola Signature kamerasi DxOMark mutaxassislari tomonidan Honor Magic8 Pro darajasida baholangan va bozorda birinchi o‘nlikka kiradi. Displey aniq, yorqin va funksional. Sharhda ekran sifati, deyarli «sof» Android tizimi va qurilma materiallari ham maqtalgan.

Dizayn va audio

Qurilmaning dizayni elegant va...

Qarshi tumanida 1,4 mlrd so‘mlik gazdan noqonuniy foydalanish fosh etildi. Bu haqda Bosh prokuratura huzuridagi Departament ma’lum qildi.

Qayd etilishicha, Departamentning Qarshi tumani bo‘limi tomonidan o‘tkazilgan tezkor tadbir davomida fuqaro S.E. qonunbuzarlikka yo‘l qo‘ygani aniqlangan. U «Shoyxo‘ja» mahalla fuqarolar yig‘ini hududidagi uyida tashkil etilgan issiqxonani umumiy foydalanishdagi tabiiy gaz tarmog‘iga to‘g‘ridan-to‘g‘ri ulab olgan.

Tekshiruv natijasida 1,4 mlrd so‘mlik tabiiy gazdan noqonuniy foydalanilgani ma’lum bo‘ldi.

Mazkur holat yuzasidan Jinoyat kodeksining 169-moddasi, ya’ni o‘g‘rilik bilan jinoyat ishi qo‘zg‘atilgan. Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Nukusda 217 mln so‘mlik gaz o‘g‘irligi fosh etilgani haqida yozgan edi.

Kia kompaniyasi global bozorda Kia Sportage 2026 modelini namoyish qilmoqda. iischoolfe.com avtomobilnining texnik xususiyatlari va dizaynini o‘rgandi.

Mundarija:

Tashqi dizayn

2026-yilgi Kia Sportage ixcham SUV bozorida yangicha ko‘rinish bilan chiqmoqda. Modelning old qismi agressivroq. Panjarasi yirik va o‘tkir shakllar bilan ishlangan. Kuzov chiziqlari yanada ravon va dinamik.

LED faralar va orqa chiroqlar sport ruhini kuchaytiradi. Yorug‘lik sifati ham yaxshilangan. Ranglar palitrasi kengaygan. Xaridorlar o‘z didiga mos variantni tanlashi mumkin.

Salon

Interyeri kengroq ishlangan. Old va orqa...

Elit Osiyo Chempionlar ligasi guruh bosqichining 8-turi doirasida O‘zbekistonning «Nasaf» jamoasi BAAda «Sharja» klubini 2:1 hisobida mag‘lub etdi. Mazkur g‘alaba qarshiliklar uchun joriy xalqaro mavsumdagi birinchi va yagona muvaffaqiyat bo‘ldi.

Uchrashuvning 30-daqiqasida Bobur Abdixoliqov raqib darvozasini ishg‘ol qilib, mehmonlarni hisobda oldinga olib chiqdi. Bahsning 80-daqiqasida mezbonlar vakili Kaio penaltini aniq amalga oshirib, muvozanatni tiklagan bo‘lsa-da, 87-daqiqada Diyorbek Abdunazarov qarshiliklarning g‘alaba goliga mualliflik qildi.

«Nasaf» klubi Elit Osiyo chempionlar ligasi guruh bosqichida o‘tkazilgan 8 ta uchrashuvda 6 ta mag‘lubiyat, 1 ta durang va 1 ta g‘alaba qayd etdi. Jamoa jami 4 ochko jamg‘argan holda guruhda so‘nggi, 12-o‘rinni band etdi.

Guruh...

Xitoyning Nio kompaniyasi 15-fevral kuni bir kunda 146,6 mingta batareya almashtirishni amalga oshirib, yangi rekord o‘rnatdi. Bu natija Xitoy Yangi yili oldidan sayohat mavsumi boshlanishiga to‘g‘ri keldi.

Kompaniya 6-fevral kuni 100 mln dona batareya almashtirishni ham qayd etgan edi. Oradan atigi to‘qqiz kun o‘tib, yangi kunlik rekord yangilandi.

Nio butun Xitoy bo‘ylab 8,6 mingdan ortiq quvvatlash va batareya almashtirish stansiyalarini tashkil qilgan. Shundan 3,7 mingdan ziyodi maxsus swap stansiyalari. Magistrallar bo‘ylab 1 mingdan ortiq shoxobcha ishlamoqda. Tarmoq 9 ta shimol-janub, 11 ta sharq-g‘arb yo‘nalishini va 550 ta shaharni qamrab oladi.

Xitoy Transport vazirligi e’lon qilgan hisobotga ko‘ra, Yangi yil...

Boks olamining ikki buyuk vakili Mayk Tayson va Floyd Mayvezer o‘rtasidagi ko‘rgazmali jang 2026-yilning 25-aprel kuni Kongo Demokratik Respublikasida bo‘lib o‘tishi belgilandi. Bu haqda Daily Mail nashri xabar bermoqda.

Tashkilotchilar dastlab jangni mart oyiga rejalashtirgan edilar, biroq yakunda tanlov 25-aprel sanasi va Markaziy Afrikadagi Kongo davlatida to‘xtaldi. Ushbu hudud 1974-yili Muhammad Ali va Jorj Forman o‘rtasidagi mashhur Rumble in the Jungle jangiga mezbonlik qilgan bo‘lib, boks tarixidagi eng nufuzli manzillardan biri hisoblanadi.

Mayk Taysonning iyun oyida 60 yoshni qarshilashi va uning 2024-yili bloger Jeyk Polga qarshi kechgan jangdagi sust harakatlari jamoatchilikda uning salomatligi borasida xavotirlar uyg‘otmoqda. Floyd Mayvezer esa...

Tojikiston bosh prokurori Habibullo Vohidzoda 15-fevral kuni bo‘lib o‘tgan matbuot anjumanida endi «layk» uchun hech kim jazolanmasligini ma’lum qildi. Bu haqda Avesta.tj nashri xabar bermoqda.

Uning aytishicha, mamlakatda terrorizm va ekstremizm bilan bog‘liq jinoyatlar soni kamaygan. Vohidzodaning aniq keltirishicha, 2025-yil yakunlariga ko‘ra bunday huquqbuzarliklar soni 2024-yildagiga nisbatan 23 foizdan ko‘proqqa, ya’ni 314 taga kamaygan.

Bosh prokuror qisqarish Tojikiston prezidenti Imomali Rahmon ko‘rsatmasidan so‘ng kuzatilganini ta’kidladi. Prezident ijtimoiy tarmoqlardagi «layk» va izohlar uchun jinoyat ishlari qo‘zg‘atmaslikni buyurgan. Shuningdek, aholi bilan tushuntirish ishlari kuchaytirilgan. Ma’lum qilinishicha, ekstremistik va terrorchilik xarakteridagi jinoyatlar uchun javobgarlikka tortilgan 405 nafar shaxs jinoiy javobgarlikdan ozod...

Xiaomi 17 va Xiaomi 17 Ultra smartfonlarining global taqdimot sanasi hamda Yevropa bozori uchun narxlari oshkor bo‘ldi. Dealabs nashriga ko‘ra, qurilmalar 28-fevral kuni Yevropa va boshqa global bozorlarda rasman namoyish etiladi.

Yangi hisobotga ko‘ra, ikkala model ham Yevropada avvalgi avlod bilan bir xil narxda sotuvga chiqadi.

Xiaomi 17 narxlari (Yevropa):

Model qora, Venture Green, Ice Blue va Alpine Pink ranglarda taklif etiladi.

Xiaomi 17 Ultra narxlari (Yevropa):

Ultra versiyasi qora, oq va Starlit...

Realme kompaniyasi yaqin kunlarda Realme P4 Lite 4G smartfonini taqdim etadi va shu bilan P4 seriyasini kengaytiradi. Bu haqda GSMrena nashri ma’lum qildi.

Batareya va zaryadlash

Realme P4 Lite 4G 20-fevralda taqdim etiladi va 6,300 mA/soat sig‘imli batareya bilan jihozlanadi. Qurilma 15W simli va 6W teskari simli zaryadlashni qo‘llab-quvvatlaydi.

Displey va chip

Smartfon oktadastali chipset bilan ishlaydi. Qurilma 6,74 dyuymli LCD displeyga ega bo‘lib, 90 Hz yangilanish chastotasi, suv tomchisi shaklidagi notch va maksimal 563 nit yorqinlikni taklif qiladi.

Dasturiy ta’minot va AI xususiyatlar

Realme P4 Lite 4G Android 15 asosidagi Realme UI bilan ishlaydi va AI Boost...