Yangiliklar

Xitoy Sanoat va axborot texnologiyalari vazirligiga topshirilgan hujjatlarda yangi Haval modelining xususiyatlarini oshkor qildi. Ma’lum bo‘lishicha, model Haval Raptor V7 Plus deb nomlangan.

Avtomobil Hi4 gibrid tizimi bilan jihozlangan bo‘lib, 1,5 litrli turbomotor (115 kVt) va 150 kVt quvvatga ega elektromotor umumiy hisobda 330 kVt quvvat ishlab chiqaradi.

Uch xil akkumulyator varianti taklif etiladi: 18,74 kVt·soat (80 km), 27,54 kVt·soat (112 km) va 35,43 kVt·soat (150 km), ya’ni vazirlik standartiga ko‘ra.

Dizayni 2026-yilgi Raptor PHEV modeliga o‘xshash: oltita qora aksentli radiator panjarasi, kvadrat faralar, an’anaviy eshik tutqichlari va vertikal orqa chiroqlar. O‘lchamlari: uzunligi 4792 mm (zapas g‘ildirak bilan...

Samsung Galaxy S26 Ultra unumdorlik bo‘yicha sezilarli yangilanishlarga ega bo‘ladi. Oldingi modellarda asosan protsessor yaxshilangan bo‘lsa, bu safar kompaniya tezkor xotirani ham kuchaytirishga qaror qilgan. Ushbu qaror qurilmaning ishlash tezligi va energiya tejamkorligiga bevosita ta’sir qiladi.

Tarqalgan ma’lumotlarga ko‘ra, yangi flagman Micron ishlab chiqqan, so‘nggi avlod LPDDR5X operativ xotirasi bilan jihozlanadi. Uning tezligi 10,7 Gbit/s bo‘lib, Galaxy S25 Ultra’dagi 9,6 Gbit/s tezlikka ega 1-beta texnologiyasidan ancha yuqori. Galaxy S26 Ultra’da 1-gamma texnologiyasi qo‘llanadi. Bu texnologiya nafaqat rekord tezlik, balki yaxshilangan energiya samaradorligini ham ta’minlaydi.

Micron’ning ta’kidlashicha, 1-gamma LPDDR5X – bozordagi eng tezkor mobil operativ xotira. U sun’iy intellekt...

Oliy ta’lim muassasalarida o‘qishni ichki ko‘chirish va ikkinchi oliy ta’limga qabul bo‘yicha rad etilgan ariza egalari 14 – 15-avgust kunlari hujjatlarini qayta tahrirlash imkoniga ega bo‘ldi. Bu haqda Oliy ta’lim vazirligi xabar berdi.

Prezident qaroriga muvofiq ikkita uzrli sabab bo‘yicha bir oliy ta’lim muassasasidan boshqasiga o‘qishni ko‘chirish istagida bo‘lgan talabalar transfer.edu.uz orqali ariza topshirgan edi. Ko‘rib chiqish jarayonida ayrim arizalarda kamchiliklar aniqlanib, ular rad etildi. Ushbu talabalar ikki kun davomida arizalarini tuzatib, qayta yuborishi mumkin.

Shuningdek, 2025/2026-o‘quv yili uchun ikkinchi va undan keyingi oliy ta’limga my.edu.uz tizimi orqali ro‘yxatdan o‘tgan, biroq arizasi kamchiliklar sabab rad etilgan talabgorlarga...

Migratsiya agentligi xorijda bo‘lgan fuqarolarga murojaat qilib, qurolli mojarolar va jangovar harakatlarda ishtirok etish qat’iyan man etilishini eslatdi.

So‘nggi paytlarda ayrim davlatlarda mehnat migrantlarini yollash holatlari ortib bormoqda. Bunday takliflarga rozi bo‘lish nafaqat hayot va erkinlikka, balki kelajak imkoniyatlariga ham katta xavf tug‘diradi.

Fuqarolarga qurolli hududlarga yaqinlashmaslik, harbiy operatsiyalarda qatnashmaslik, xorijiy davlatlar qurolli kuchlari yoki boshqa kuch tuzilmalariga qo‘shilmaslik, shuningdek, shubhali shaxslar va tashkilotlar takliflarini rad etish qat’iy tavsiya qilinadi.

O‘zbekiston Respublikasi Jinoyat kodeksining 154¹-moddasiga muvofiq, xorijda yollanma asosda harbiy xizmat o‘tagan shaxs 3 yildan 5 yilgacha ozodlikdan mahrum qilinadi.

Eslatib o‘tamiz, avvalroq DXX Rossiyadagi migrantlarni «A.U.Y.» jinoiy...

Uzbekistan Airways 14-avgust kungi Toshkent – Riga – Toshkent yo‘nalishidagi HY2XX/2XX reyslarining uchish vaqti o‘zgarganini ma’lum qildi.

Bunga 14-avgust kuni havo kemasining kechikib yetib kelishi sabab bo‘lgan. Parvozlar quyidagi yangilangan jadval asosida amalga oshiriladi:

Barcha vaqtlar mahalliy vaqt bo‘yicha ko‘rsatilgan.

Bundan avval Andijon aeroporti xalqaro reyslarni qayta tiklagani haqida yozgandik.

Unga ko‘ra, «Flyone Asia» aviakompaniyasining Andijon – Jidda yo‘nalishidagi haftasiga ikki marta (seshanba va payshanba) 151 yo‘lovchi bilan muntazam parvozni amalga oshirdi.

Tijorat banklari 14-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslar haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

AQSh hukumati Xitoyga noqonuniy ravishda yuborilishi mumkin bo‘lgan mikrochip partiyalariga maxsus kuzatuv qurilmalarini o‘rnatishni boshladi. Bu haqda Reuters agentligi ma’lum qildi.

Bu choralar faqat tergov ostidagi jo‘natmalarga tatbiq etilib, eksport cheklovlari buzilishini aniqlash va dalillar to‘plashga qaratilgan.

Kuzatuv moslamalari odatda qutilarga yoki bevosita uskunalarga joylashtiriladi. Reuters’ga ko‘ra, ular Dell va Super Micro serverlarida Nvidia va AMD chiplarida ham aniqlangan. 2024-yilda bitta partiyada hatto smartfon kattaligiga teng va kichikroq kuzatuv qurilmalari topilgan.

AQSh 2022-yildan beri Xitoyga yuqori unumli chiplar eksportini cheklab keladi. Vashington buni Pekinning harbiy ishlanmalarini jilovlash bilan izohlaydi. Xitoy esa bunday texnologiyalar masofadan kirish imkonini berishi mumkinligidan xavotir...

Soliq qo‘mitasidagi texnik nosozlik tufayli 30,1 ming soliq to‘lovchidan jami 399,3 mlrd so‘m mablag‘ asossiz yechib olingan. Bu haqda Soliq qo‘mitasi matbuot xizmati ma’lum qildi.

Unga ko‘ra, yechib olingan summalar soliq to‘lovchilarning hisob raqamlariga avtomatik tarzda qaytariladi, yozma murojaat talab qilinmaydi.

13-avgust holatiga ko‘ra, 25 568 ta subyektga jami 362,8 mlrd so‘m tiklandi. Shuningdek, tijorat banklaridagi bajarilmagan inkasso topshiriqlari ham hisoblariga qaytarilgan.

Eslatib o‘tamiz, avvalroq qo‘mita aholini tizimdagi nosozlik tufayli mablag‘lar xato yechib olinishi mumkinligi haqida ogohlantirgan edi.

2025/2026-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari natijalari e’lon qilindi.

Tanlov natijalarini 3 xil usulda bilish mumkin.

Avvalroq Kursiv Uzbekistan talabalar turarjoylariga arizalar qabuli boshlangani haqida yozgandi.

Qalbaki kupyuralarning to‘xtatilishi, go‘sht narxining oshishi, Starlink’ning Qozog‘istonda paydo bo‘lishi — Kursiv Uzbekistan 13-avgustning muhim yangiliklari dayjestini taqdim etadi.

DXX qalbaki kupyuralarning muomalaga chiqishini to‘xtatib qoldi

Farg‘ona viloyati DXX Qo‘qon shahar bo‘limi xodimlari 2003-yilda tug‘ilgan fuqaroni qalbaki pullarni muomalaga kiritishda ayblab ushladi. Bu haqda DXX matbuot xizmati ma’lum qildi.

Unga ko‘ra, fuqaro 50 mln so‘m miqdoridagi qalbaki pullarni haqiqiy 8 mln so‘mga sotgan paytida ushlandi.

Aholi orasida iyul oyida go‘sht narxi oshganini sezganlar ko‘paydi

Joriy yil iyul oyida aholi tomonidan sezilgan inflyatsiya darajasi o‘tgan oyga nisbatan 0,1 foizga pasayib, 13,3 foizni tashkil qildi. Bu haqda Markaziy bank axborot...

14-avgust kuni O‘zbekiston hududida kechasi 14–26°, kunduzi 25–40° atrofida harorat kuzatiladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

O‘zbekistonda to‘qimachilik sanoati jiddiy inqiroz bilan yuzlashmoqda: ishlab chiqarish va eksport sur’atlari sekinlashgan, qarzdorlik ortgan, ayrim korxonalar bankrotlik xavfi ostida qolgan. Prezident bunga sabab sifatida so‘nggi uch yilda jahon bozorida paxta narxining tonnasi $3 mingdan $1,5 minggacha tushib ketganini ko‘rsatgan.

Biroq ekspert Yuriy Yusupovning fikricha, muammo faqat narx pasayishida emas, balki butun sohada bozor mexanizmlari ishlamasligidadir. Paxta klasterlari rasmiy ravishda xususiy bo‘lsa-da, ular davlat farmonlari, imtiyozlar va majburiy past narxlar asosida shakllangan. Fermerlar paxtani jahon bozoridan ancha arzon narxda sotishga majbur, bu esa klasterlarga sun’iy ustunlik yaratgan.

Jahon narxi tushgach, tizim ishlamay qoldi: fermerlar uchun past narx rentabellikni yo‘qotdi...

12-avgust kuni Transport vaziri o‘rinbosari Jasurbek Choriyev Gonkongdagi JDB Group Limited kompaniyasi raisining o‘rinbosari Chan Man Xin bilan uchrashib, bir necha muhim masalalarni muhokama qildi. Bu haqda vazirlik matbuot xizmati ma’lum qildi.

Tomonlar Gonkong – O‘zbekiston o‘rtasida to‘g‘ridan-to‘g‘ri yo‘lovchi va yuk tashish reyslarini yo‘lga qo‘yish, shuningdek, ustuvor hamkor sifatida Hong Kong Airlines’ni jalb etish masalalarini ko‘rib chiqdilar.

Shuningdek, uchrashuvda O‘zbekistonda xalqaro standartlarga mos aviatsiya akademiyasi tashkil etish tashabbusi ham muhokama qilindi. Akademiyada uchuvchilar, texnik xodimlar, styuardessalar va aviatsiya menejerlari tayyorlanishi rejalashtirilmoqda.

Eslatib o‘tamiz, avvalroq Samarqanddan Xabarovskga toʻgʻridan toʻgʻri reyslar yoʻlga qoʻyilgani haqida xabar bergan edik.

Ozarbayjon Ichki ishlar vaziri Viloyat Eyvazov 12-avgust kuni Sankt-Peterburgda o‘tgan MDH ichki ishlar vazirlari kengashi yig‘ilishida qatnashmadi. Bu haqda TRT agentligi ma’lum qildi.

Yig‘ilishga Rossiya Ichki ishlar vaziri Vladimir Kolokoltsev raislik qildi. Unda jinoyatchilikka qarshi kurash, noqonuniy migratsiya masalalari va axborot-kommunikatsiya texnologiyalaridan foydalanish imkoniyatlari muhokama qilindi. Ishtirokchilar birgalikda xotira tadbirlarida qatnashdi.

Kolokoltsev o‘z nutqida «MDH mamlakatlari umumiy tarixini qayta yozishga urinishlar» haqida gapirib, mintaqada xavfsizlikni ta’minlash uchun madaniy hamjihatlik va an’anaviy qadriyatlarni saqlash zarurligini ta’kidladi.

Ma’lumot uchun, Boku va Moskva o‘rtasidagi aloqalar 2024-yil oxirida Rossiya havo mudofaasi ozarbayjon samolyotini urib tushirishi va 38 kishining halok bo‘lishidan so‘ng keskin yomonlashgan...

Nepal hukumati sayyohlarni faqat Everest tog‘iga emas, boshqa mintaqalarga ham jalb qilish maqsadida yangi chorani e’lon qildi. Bu haqda CNN agentligi ma’lum qildi.

Endilikda Karnali va Sudurpaschim viloyatlaridagi 97 tog‘ni xalqaro alpinistlar kelasi ikki mavsum davomida bepul zabt etishi mumkin bo‘ladi. Ushbu tog‘lar orasida hali hech kim chiqmagan cho‘qqilar ham bor.

Karnali va Sudurpaschim hududlari uzoq va infratuzilmasi cheklangan bo‘lsa-da, hukumat bu joylarni tog‘ sporti hamjamiyatiga tanitmoqchi. Everestga chiqish ruxsatnomasi narxi $15 minggacha oshgani fonida bu qaror alpinistlarga arzonroq va kam gavjum alternativalarni taqdim etadi. Nepalda sayyohlik sohasi bir milliondan ortiq kishilarni ish bilan ta’minlaydi.

Nepal hukumati sayyohlarni faqat...

Iyul oyida O‘zbekiston mobil ilovalar reytingida mahalliy xizmatlar yetakchilikni saqladi, xalqaro messenjer va ijtimoiy tarmoqlar esa yuqori uchlikda qoldi.

Google Play do‘konida ChatGPT birinchi o‘rinni saqlab qoldi. Ikkinchi pog‘onada Uzum Market bir pog‘ona yuqorilab, Instagramni uchinchi o‘ringa tushirdi. WhatsApp Messenger o‘z pozitsiyasini saqlab qoldi, Yandex Go esa uch pog‘ona yuqorilab beshinchi o‘ringa chiqdi. CapCut video muharriri olti pog‘ona ko‘tarilib sakkizinchi o‘rinni egalladi, MyGov to‘rt pog‘ona yuqorilab to‘qqizinchi o‘ringa kirdi. Instagram Lite esa besh pog‘ona pastladi.

App Store’da eng katta o‘zgarish Blink ilovasida bo‘ldi. U birdan 21 pog‘ona yuqorilab birinchi o‘rinni egalladi. ChatGPT ikkinchi o‘rinda qolmoqda. Uzum Bank ikki pog‘ona...

O‘zbekiston tibbiyotida ilk bor noyob yurak jarrohligi amaliyoti muvaffaqiyatli bajarildi. Bu haqda Sog‘liqni saqlash vazirligi xabar berdi.

Unga ko‘ra, Toshkent davlat tibbiyot universitetining bolalar ko‘p tarmoqli klinikasida yangi turdagi operatsiya o‘tkazildi. Bolalar kardiojarrohi Bobur Turaev olti yoshli bemorning shikastlangan uch tabaqali klapanini olib tashlab, uning o‘rniga yurakning o‘ng bo‘lmachasi quloqchasidan klapan yasab o‘rnatdi. Mazkur texnologik jihatdan murakkab jarrohlik amaliyoti mamlakatda ilk marotaba bajarildi.

Bobur Turaev Buyuk Britaniyaning University College London universiteti magistratura bosqichida tahsil olgan, 10 ga yaqin rivojlangan davlat klinikalarida malaka oshirgan.

Shu bilan birga, joriy yilning o‘tgan sakkiz oyida klinikaning bo‘lim mudiri, tibbiyot fanlari...

Chevrolet Tracker – UzAuto Motors zavodidan chiqayotgan eng mashhur modellaridan biri bo‘lib, uning manevrliligi, ishonchli osma tizimi, baland klirensi, tejamkor yoqilg‘i sarfi va o‘z sinfi uchun keng saloni kabi jihatlari maqtovga sazovor. Biroq, 2020-yildan boshlab ishlab chiqarilgan ushbu ixcham krossoverning ba’zi kamchilik va noqulayliklari ham bor. Quyidagi maqolada Chevrolet Tracker avtomobilining kamchiliklari, ekspluatatsiya cheklovlari hamda bozor va raqobatchilar nuqtai nazaridan muammolarini ko‘rib chiqamiz.

Dvigatel va yonilg‘i bo‘yicha talabchanlik

Tracker’ning 3 silindrli turbomotori faqat AI-95 va undan yuqori benzinni talab qiladi. AI-92 kabi arzonroq yonilg‘i detonatsiya keltirib, piston va silindrlarga zarar yetkazishi mumkin. Ba’zi haydovchilar tejamkorlik uchun AI...

O‘zbekiston Xalqaro astronavtika kongressiga (International Astronautical Congress, IAC) mezbonlik qilishi mumkin. Bu haqda O‘zbekkosmos agentligi xabar berdi.

Unga ko‘ra, agentlik 2028-yilgi tadbirni Samarqand shahrida o‘tkazish uchun rasmiy nomzodini ilgari surdi.

Har yili o‘tkaziladigan IAC kongressida dunyo bo‘ylab 10 mingga yaqin olim, muhandis, kompaniya va kosmik agentliklar vakillari ishtirok etib kelmoqda.

So‘nggi yillarda kongress Milan (2024), Boku (2023), Parij (2022), Dubay (2021), Vashington (2019), Bremen (2018) va Adelaida (2017) kabi shaharlarda o‘tkazilgan.

Har bir mezbon mamlakat bu tadbirdan sezilarli foyda ko‘rgan. Jumladan, BAA’da milliy kosmik fan markazi ochildi, Avstraliyada milliy kosmik agentlik tashkil etildi, Fransiya esa global yetakchi...

2025-yilning 9-sentabridan boshlab ayrim yo‘lovchi poyezdlar tezligi oshiriladi. Bu haqda «O‘ztemiryo‘lyo‘lovchi» AJ xabar berdi.

Natijada poyezdlarning ayrim bekatlarga kelish vaqti qisqaradi.

Avvalroq «Kursiv» nashri «O‘zbekiston temir yo‘llari» poyezdlar harakatiga cheklov qo‘yilishiga izoh bergani haqida yozgandi.

UFC tarixda ilk bor Oq uy hududida turnir o‘tkazadi. Musobaqa 2026-yil 4-iyulda AQShning 250-yilligi kuni bo‘lib o‘tadi. Bu haqda UFC rahbari Dana Uayt CBS Mornings dasturida ma’lum qildi.

Uaytning aytishicha, u tadbir haqida AQSh prezidenti Donald Tramp bilan gaplashgan. Yaqin kunlarda Tramp va Ivanka Tramp bilan uchrashib, maydonning dizaynini muhokama qilmoqchi.

Oq uy ma’muriyati ham turnir bo‘lishiga tayyorgarlik ko‘rayotganini tasdiqladi. Hozircha jangchilar ro‘yxati e’lon qilinmagan. Bu Oq uyda o‘tkaziladigan birinchi professional UFC musobaqasi bo‘ladi.

Eslatib o‘tamiz, Kursiv Uzbekistan Tramp Oq uyda UFC turniri o‘tkazilishini e’lon qilgani haqida yozgan edi.

Amerikaning Perplexity sun’iy intellekt startapi Chrome brauzerini $34,5 milliardga sotib olishga tayyor ekanini bildirdi. Bu haqda BBC kompaniya rahbariyatining Alphabet rahbariga yo‘llagan xatiga tayanib xabar berdi.

Dunyoning eng mashhur internet-brauzeri taqdiri Google va monopoliyaga qarshi organlar o‘rtasidagi ko‘p yillik nizolar tufayli savol ostida qolmoqda. Joriy yilning aprel oyida AQSh Adliya vazirligi texnologik gigantdan brauzerni sotishni va qidiruv tizimlari bozorida raqobatni tiklashni talab qilgandi.

AQSh Federal sudi bu ish bo‘yicha ilk qarorni sentabr oyida chiqarishi mumkin. Biroq ekspertlar Google apellyatsiya berishiga va brauzer ustidan nazoratni barcha qonuniy yo‘llar bilan saqlab qolishga harakat qilishiga ishonmoqda.

Bozor ishtirokchilarining fikricha, hozircha korporatsiya Chrome’ni...

Namangan viloyati Pop tumanidagi o‘rmonning 70 sotix qismida shox-shabbalar yondi.

Favqulodda vaziyatlar vazirligi matbuot xizmati rahbari Murod Sodiqov «Kursiv» nashriga bergan ma’lumotiga ko‘ra, yong‘in o‘chirilgan. Hodisa Namangan viloyatining Pop tumani Guliston mahallasida joylashgan «Ibn Sino» o‘rmon xo‘jaligiga qarashli qir-adirlik hududida yuz bergan.

FVB 20 nafar xodimi, 2 ta texnikasi, O‘rmon xo‘jaligining 20 nafar xodimi va bitta texnikasi yong‘in hududiga yetib borgan. Soat 15:40 da yong‘in o‘rab olinib, 16:05 da o‘chirilgan. 70 sotix maydonda quruq o‘t (shox-shabba) yongan.

Eslatib o‘tamiz, Sho‘rchi tumanida sodir bo‘lgan yong‘in haqida yozgan edik.

Prezident Shavkat Mirziyoyev Yengil sanoatni rivojlantirish agentligi tashkil etilishini e’lon qildi. Bu haqda davlat rahbari matbuot xizmati xabar berdi.

Agentlik to‘qimachilik, charm va ipak sanoati uchun mas’ul bo‘ladi. Unga investitsiyalar, sanoat va savdo vazirining birinchi o‘rinbosari Nozimjon Xolmurodov rahbarlik qiladi.

Shuningdek, agentlik huzurida tajribali tadbirkorlardan iborat kengash tuziladi hamda $200 millionlik alohida jamg‘arma shakllantiriladi. Ushbu jamg‘arma orqali to‘qimachilik korxonalariga arzon kredit va aylanma mablag‘lar beriladi.

Bundan tashqari, yig‘ilishda agentlikka bir nechta vazifalar yuklatildi. Unga ko‘ra, «bojxona hududida qayta ishlash» rejimi orqali tayyor mahsulot eksportini ikki barobar oshirish lozim. Shuningdek, ishlab chiqarish tannarxini kamaytirish, past quvvatda ishlayotgan korxonalarni...