Yangiliklar

BYD kompaniyasi Song L SUV qatoriga yangi model BYD Song L GT modelini qo‘shdi. Bu haqda CarNewsChina xabar bermoqda.

Ushbu elektromobil avvalgi Song L EV bazasida ishlab chiqilgan. Yangi model tashqi ko‘rinishda deyarli Song L EV’ga o‘xshaydi. Ammo old bamperda qora elementlar ko‘paytirilgan. Faralar orasida ham qora panel qo‘shilgan. Har bir versiyada tomda lidar radari bo‘lishi kutilmoqda.

Avvalgi modelda God’s Eye B va God’s Eye C kabi haydovchiga yordam tizimlari mavjud edi. GT versiyasida ham shular davom ettiriladi. Orqa tomonda yangi GT logotipi bor. Shuningdek, elektr qanotli spoilerni saqlab qolishgan. Rasmiy ma’lumotga ko‘ra, bu detal 100 km masofada...

Xiaomi 15T Pro hali rasman taqdim etilmagan bo‘lsa-da, uning texnik xususiyatlari Geekbench test bazasida paydo bo‘ldi. Smartfon 2506BPN68G raqamli indeksi bilan ro‘yxatdan o‘tgan.

Ushbu model bir yadroli testda 1057, ko‘p yadroli testda esa 4009 ball to‘plagan. Ehtimol, bu global Redmi K80 Ultra versiyasi bo‘lishi mumkin. Biroq protsessor arxitekturasi farq qiladi. Qurilmada sakkiz yadroli chip bor: to‘rtta yadro 2,0 Hz, qolganlari esa 2,85 Hz da ishlaydi. Bu ko‘rsatkichlar dimensity 8100 protsessoriga o‘xshaydi.

Smartfonda Android 15 va 12 GB tezkor xotira borligi qayd etilgan. Akkumulyator sig‘imi esa taxminan 5500 mA/soat bo‘ladi. Ilgari aytilganidek, Redmi K80 Ultra’da bu ko‘rsatkich 7410 mA/soat edi.

EA kompaniyasining navbatdagi futbol o‘yini — EA Sports FC 26 rasmiy ravishda 2025-yil 26-sentabr kuni turli platformalarda chiqariladi. Bu haqda ITHome nashri ma’lum qildi.

O‘yinni PC, PS5, PS4, Xbox One, Switch 2 va Nintendo Switch qurilmalari orqali o‘ynash mumkin bo‘ladi. Steam’dagi Xitoy regioni uchun narx 248 yuan ($34,55)ga teng belgilangan.

Yangi o‘yin muqovasida 22 yoshli ingliz futbolchisi Jud Bellingem va 22 yoshli germaniyalik Jamol Musiala aks etgan. EA bu relizni EA Sports FC seriyasida yangi davr boshi sifatida e’lon qilgan.

EA Sports FC 26’ning asosiy yangiliklari:

Dunyodagi eng xavfsiz mamlakatlar reytingida O‘zbekiston 148 ta davlat orasidan 25-o‘rinni egalladi. Bu haqda Numbeo onlayn platformasi xabar berdi.

Tadqiqot jinoyatchilik darajasi, odamlarning kun-u tun o‘zini xavfsiz his qilishi, huquq-tartibot organlariga ishonch kabi omillar asosida tuzilgan.

Reyting rasmiy statistikaga emas, balki jahon bo‘ylab yuz minglab foydalanuvchilarning real hayotdagi kuzatuvlari va baholariga tayanadi.

Reytingda Birlashgan Arab Amirliklari eng xavfsiz davlat sifatida birinchi o‘rinda qayd etilgan. Ikkinchi va uchinchi o‘rinlarni Andorra va Qatar egalladi. O‘zbekiston esa mintaqadagi boshqa davlatlar — Rossiya (52-o‘rin), Qozog‘iston (73), Ukraina (81) va Qirg‘iziston (101)ga nisbatan ancha yuqori pog‘onada joylashgan.

Reytingning oxiridan Gaiti, Papua...

Yaponiya O‘zbekiston bilan migratsiya bo‘yicha hamkorlikni kuchaytiradi. Bu haqda Nikkei Asia nashri xabar berdi.

Hozirgi paytda Yaponiyada qariyalarni parvarishlash, umumiy ovqatlanish va qurilish sohalarida ishchi yetishmovchiligi mavjud. Davlat ushbu sohalardagi kadrlar yetishmovchiligini to‘ldirish bo‘yicha Markaziy Osiyo davlatlariga, jumladan, O‘zbekistonga ham e’tibor qaratmoqda.

Shuningdek, Yaponiya Sog‘liqni saqlash, mehnat va farovonlik vazirligi Janubiy hamda Markaziy Osiyo davlatlaridan ishchi yuboruvchi agentliklar bilan muzokara olib borish uchun xususiy tashkilotni jalb qiladi. Bu jarayonda Yaponiyada ishchi kuchiga bo‘lgan talab va mavjud tizimli to‘siqlar o‘rganiladi.

Onodera User Run kompaniyasi Yaponiyaning belgilangan malakali ishchi dasturi bo‘yicha yuqori sifatli sushi restoranlari uchun ishchilarni tayyorlaydi. O‘tgan...

Tarmoqlarda bloger «Chechenka» ikki nafar kichik yoshdagi bolani o‘zaro urishtirayotgani tasvirlangan video tarqaldi. Bolalar ombudsmani holat bo‘yicha izoh berdi.

Videoda ayol ularning mushtlashuvini kulgu bilan kuzatgani aks etgan. Mazkur holat Bolalar ombudsmani tomonidan o‘rganilib, 14-iyul kuni holatga huquqiy baho berish uchun Ichki ishlar vazirligiga so‘rov yo‘llangan.

Yakkasaroy tumani Ichki ishlar boshqarmasi tekshiruviga ko‘ra, blogerlik bilan shug‘ullanuvchi Gulzoda Abdullayeva 13-iyul kuni Toshkent viloyatida dam olish vaqtida o‘z o‘g‘li va jiyanini go‘yoki «hazil tariqasida» urishtirgan va bu holatni Instagram sahifasiga joylashtirgan.

15-iyul kuni Abdullayeva bolalarni tarbiyalash va ularga ta’lim berish majburiyatini bajarmaslik bo‘yicha javobgarlikka tortildi.

Avvalroq Kursiv Uzbekistan Yuqori Chirchiqda o‘gay...

«UzAvtosanoat» AJ yanvar-iyun oylarda sotilgan avtomobillar reytingini e’lon qildi. Unda Chevrolet Cobalt (67,5 ming) yaqqol peshqadamlikni saqlab qoldi.

Keyingi o‘rinlardan Chevrolet Damas (31,6 ming) va Chevrolet Tracker (16,6 ming) modellari joy oldi.

Quyidagi javdalda eng ko‘p sotilgan top avtomobillar bilan tanishishingiz mumkin.

Ushbu davrda jami 171,2 mingta atomobil sotilgan. Eng ko‘p savdo UzAuto Motors (94 048 ta) hissasiga to‘g‘ri keladi:
Khorezm Auto: 47,9 ming;
ADM Jizzakh: 19,6 ming;
BYD Uzbekistan: 9,7 ming;
Asaka Motors: 623;
SamAuto: 238;
Jizzakh Auto: 48.

Eslatib o‘tamiz, Kursiv Uzbekistan nashri O‘zbekiston uchun foydalanish xarajati past avtomobillar haqida maqola e’lon qilgan edi.

Nokia narxi $20 bo‘lgan yangi HMD 101 4G telefonini taqdim etdi. Bu haqda kompaniya rasmiy sahifasida ma’lum qildi.

U 4G VoLTE’ni qo‘llab-quvvatlaydi. Bundan tashqari, ikkita SIM-kartali va LED fonarik bilan jihozlangan.

HMD kompaniyasi ilgari Nokia brendi ostida tugmali telefonlarini ishlab chiqargan, endi esa o‘z brendi bilan chiqarishni boshladi. Telefonning tugmalari katta va qulay. USB-C porti, radio va ovozli translyatsiya imkoniyati bor. Shuningdek, u 3,5 millimetrli ulagichga ega bo‘lgan simli quloqchinlarni ulash imkoniyatini ham beradi.

Bundan tashqari, HMD 101 4G sun’iy intellektga asoslangan yordamchi bilan jihozlangan. Bu yordamchi DeepSeek texnologiyasidan foydalanib, qo‘ng‘iroqlarni amalga oshirish, ob-havo ma’lumotlarini tekshirish, budilnik o‘rnatish va...

Google mashhur Circle to Search funksiyasini o‘zgartirishni rejalashtirmoqda. Bu haqda 4pda nashri xabar bermoqda.

Ushbu funksiya 2023-yil oxirida ishga tushirilgan edi. Endi kompaniya yangi Tell Me About This nomli SI funksiyasini sinovdan o‘tkazmoqda. Bu xizmat Gemini virtual yordamchisiga integratsiya qilingan.

Android Authority ma’lumotiga ko‘ra, foydalanuvchi ekrandagi qiziqarli joyni belgilaydi. So‘ngra tizim tasvirga izohli generativ qidiruv orqali javob beradi. Gemini’da bu funksiyani yoqish uchun alohida tugma ham mavjud.

Google bu yangi xizmat to‘liq almashtiradimi yoki muqobil sifatida taklif qilinadimi — hozircha noma’lum. Biroq kompaniya qidiruv va sun’iy intellekt imkoniyatlarini birlashtirishga urinayotgani aniq.

Eslatib o‘tamiz, Kursiv Uzbekistan Google $314 mln...

«Kitayskiye avtomobili» nashri yangi Geely Monjaro krossoverining rasmlari va texnik tafsilotlarini e’lon qildi. Bu avtomobil 2025-yilning birinchi yarmida Xitoyda eng ko‘p sotilgan SUV bo‘lgan.

Yangi modelda asosiy yangilik 2,0 litrli dvigatel quvvati 238 ot kuchidan 272 ot kuchigacha oshirilgan.

Tashqi ko‘rinishda ham o‘zgarishlar bor. Old bamper yanada agressiv ko‘rinishga ega bo‘lgan, havo kirish teshiklari kengaytirilgan. Shu sababli avtomobil uzunligi 25 mm ga oshgan.

Shuningdek, modelga 19 va 20 dyuymli yangi g‘ildiraklar o‘rnatilgan.

Salon haqida hozircha ma’lumot yo‘q, lekin u 2024-yilda yangilangani sababli o‘zgarishlar bo‘lmasligi mumkin.

Monjaro endi rasmiy sertifikatsiyadan o‘tgan va seriyali ishlab chiqarishga ruxsat olgan. Bu esa yaqinda...

15-iyul kuni Buxoro viloyatida o‘tkazilgan ekologik reyd davomida inspektorlar kaltaklandi. Bu haqda Ekologiya vazirligi matbuot xizmati xabar berdi.

Inspektorlar Peshku tumanidagi «Safron» cho‘lida noqonuniy saksovul kesish holatini aniqlab, ZIL rusumli yuk mashinasini ta’qib qila boshlagan. Mashina Xorazm viloyatiga A-380 avtomobil yo‘li orqali harakatlangan.

Ta’qib qilish davomida inspektorlar boshlig‘i Toshev yuk mashinasini kuzatishda davom etgan, uning hamkasblari esa orqada kelayotgan boshqa avtomobillarni nazorat qilish uchun yo‘lda tushirib qoldirilgan. Biroq yo‘lni to‘sib chiqqan noma’lum shaxslar Isuzu yuk mashinasidan har xil sovuq qurollar bilan tushib, inspektorlar mashinasiga zarar yetkazishgan.

Eng og‘ir holat esa orqada tushirib qoldirilgan Muhammadiyev va Hesenovga nisbatan sodir etilgan...

Qashqadaryo viloyatining Kasbi tumanida joylashgan fermer xo‘jaligi elektr tarmoqlariga noqonuniy ulangan holda 2,9 mlrd so‘mlik elektr energiyasidan foydalangan. Bu haqda Energetika vazirligi ma’lum qildi.

Holat «Hududiy elektr tarmoqlari» AJ «Energosavdo» filiali tomonidan o‘tkazilgan nazorat tadbiri davomida aniqlangan.

Tekshiruvda aniqlanishicha, fuqaroga tegishli xo‘jalik elektr tarmog‘iga hisoblagichsiz va nosoz uskuna orqali ruxsatsiz ulangan. Mutaxassislar dalolatnomasiga ko‘ra, yetkazilgan zarar 2,9 mlrd so‘mni tashkil etadi.

Hozirda holat bo‘yicha tegishli hujjatlar rasmiylashtirilib, huquqni muhofaza qiluvchi organlarga yuborilgan. Qonuniy choralar ko‘rilmoqda.

Eslatib o‘tamiz, avvalroq Navoiyda 803 mln so‘mlik elektr energiyasi o‘g‘irlangan edi.

O‘zbekistonning Serbiyadagi elchisi Oybek Shaxavdinov mamlakat axborot va telekommunikatsiyalar vaziri Boris Bratina bilan hamkorlik uchrashuvi o‘tkazdi. Bu haqda «Dunyo» AA xabar berdi.

Muzokaralarda Serbiya tomoni O‘zbekiston bilan uzoq muddatli va o‘zaro manfaatli hamkorlikni yo‘lga qo‘yish istagini bildirdi. Xususan, O‘zbekistonning Raqamli texnologiyalar vazirligi va boshqa tegishli tuzilmalari bilan aloqalarni rivojlantirish masalalari muhokama qilindi.

Uchrashuvda axborot-kommunikatsiya texnologiyalari va raqamli mahsulotlarni birgalikda ishlab chiqish, shuningdek, ularni uchinchi davlatlar bozorlariga chiqarish bo‘yicha hamkorlik imkoniyatlariga alohida e’tibor qaratildi.

Eslatib o‘tamiz, avvalroq O‘zbekiston va Rossiya dronchilari mashg‘ulotlarda texnikaga zarba berishni mashq qilgan edi.

AQShning Bank of America, Goldman Sachs va Morgan Stanley banklari shu yilning ikkinchi choragida kutilganidan yuqori moliyaviy natijalarga erishdi. Bu haqda The wall street journal xabar berdi.

Tahlilchilar fikricha, bu natija ortida global iqtisodiy o‘zgarishlar, ayniqsa, prezident Donald Trampning qayta saylanish istiqboli fonida e’lon qilgan keskin boj siyosati turibdi. Jumladan, Bank of America savdo bo‘limidan $5,4 milliard daromad ko‘rdi. Bu o‘tgan yilning shu davriga nisbatan 15 foizga ko‘p. Bankning umumiy daromadi esa $26,5 milliardni tashkil etdi.

Goldman Sachs ham 22% o‘sish bilan $3,72 milliard sof foydaga erishdi. Aksiyalar savdosidan olingan tushum esa $4,3 milliardni tashkil etib, bank tarixida rekord...

O‘zbekiston Rossiyada tadqiqot reaktorini yaratish bo‘yicha konsorsiumga qo‘shildi. Bu haqda «Atom media» nashri xabar berdi.

O‘zbekiston Fanlar akademiyasi Yadro fizikasi instituti xalqaro ilmiy tadqiqotlar dasturiga qo‘shildi. Bu bilan institut Rossiyaning Dimitrovgrad shahrida qurilayotgan to‘rtinchi avlod ko‘p maqsadli tezkor tadqiqot reaktori – KMTTR konsorsiumining a’zosi bo‘ldi.

Mazkur reaktor «Rosatom» davlat korporatsiyasi tarkibidagi Atom reaktorlari ilmiy-tadqiqot institutida bunyod etilmoqda. Qurilish «Yangi atom va energetika texnologiyalari» milliy loyihasi doirasida olib borilmoqda.

Bunga doir bitim 16-iyul kuni Moskvadagi «Atom» muzeyida imzolandi. Hujjatga «KMTTR konsorsiumi» bosh direktori Vasiliy Konstantinov va Yadro fizikasi instituti direktori Ilhom Sadikov imzo chekdi.

Vasiliy Konstantinovning so‘zlariga ko‘ra, bunday...

Sport24 nashrining xabar berishicha, Germaniya terma jamoasining sobiq bosh murabbiyi Yoaxim Lyov O‘zbekiston futbol assotsiatsiyasi (O‘FA) bilan muzokaralar olib bormoqda.

Manbalarga ko‘ra, hozircha Lyovgacha bo‘lgan taklif bosh murabbiylik emas, balki terma jamoaga maslahat beruvchi pozitsiyani o‘z ichiga oladi.

«Tomonlar o‘rtasida aloqa mavjud, Lyov hamkorlikka ochiq. Ammo hozircha gap uni bosh murabbiy etib tayinlash haqida emas. O‘FA unga maslahatchi sifatida jamoani Jahon chempionatiga tayyorlashni nazorat qiluvchi rolni taklif etgan», – deya aytgan Lyovga yaqin manba.

Biroq UFA ichida bu borada yakdil fikr mavjud emas. Ba’zi rasmiylar Lyovgacha bo‘lgan nomni inobatga olib, uni bosh murabbiylikka taklif...

GAC GS4 krossoverining yangi to‘liq g‘ildirakli (AWD) versiyasi Rossiyada 2 litrli turbomotor va klassik avtomat uzatmalar qutisi bilan taqdim etiladi. Sotuvlar esa sentabrda boshlanishi rejalashtirilmoqda. Bu haqda «Kitayskiye avtomobili» nashri xabar berdi.

Yangi GS4 AWD modeliga GAC GS8 flagmanida qo‘llanilgan agregatlar o‘rnatiladi. Unga 2 litrli turbomotor (GDI) o‘rnatiladi. Quvvati – 231 ot kuchi. U bilan 8 bosqichli avtomatik uzatmalar qutisi ishlaydi.

Yangi dvigatel – 231 ot kuchiga ega 4B20J1 modeli bo‘lishi mumkin. Bu motor avval GAC GS8 flagmanida ishlatilgan. AWD versiyasining savdolari 2025-yil yozida boshlanishi kutilmoqda, dastlabki avtomobillar iyul oyida dilerlarga yetkaziladi.

GAC GS4 hozirda Rossiya bozorida old g‘ildirakli...

2025-yil bahorida Xitoy xakerlari Tayvan yarimo‘tkazgich sanoatiga qarshi keng ko‘lamli kiberhujumlar uyushtirdi. Bu haqda Reuters axborot agentligi ma’lum qildi.

Proofpoint kompaniyasi ma’lumotiga ko‘ra, 15 – 20 ta o‘rta va yirik korxona nishonga olingan, ularga zararli fayllar yuborilgan yoki soxta kompaniyalar orqali murojaat qilingan.

Hujumlar AQSh – Xitoy o‘rtasidagi chip savdosi bo‘yicha keskin muzokaralar fonida yuz bergan. Xitoy ilg‘or AQSh chiplariga kirishni yo‘qotar ekan, maxfiy sanoat ma’lumotlarini qo‘lga kiritishga intilmoqda.

Nishonga olingan kompaniyalar orasida TSMC, MediaTek, UMC va boshqalar borligi taxmin qilinmoqda, ammo ular izoh bermagan. Hujumlar aniq shaxslar va tahlilchilarga qaratilgan.

Xitoy elchixonasi kiberhujumlarni inkor etgan bo‘lsa-da, xalqaro mutaxassislar...

16-iyul kuni soat 14:50 da China Eastern Airlines’ning birinchi reysi Toshkent xalqaro aeroportiga yetib keldi. Bu haqda O‘zbekiston Transport vazirligi xabar berdi.

Xitoyning China Eastern Airlines aviakompaniyasi Sian – Toshkent – Sian yo‘nalishi bo‘yicha muntazam yo‘lovchi qatnovlarini amalga oshira boshladi.

Mazkur yo‘nalishda parvozlar haftasiga uch marta – dushanba, chorshanba va juma kunlari Airbus A320 samolyotlarida bajariladi.

Hozirgi kunda O‘zbekiston va Xitoy o‘rtasida haftasiga 46 ta muntazam aviaqatnov amalga oshirilmoqda. Avgust oyi oxirigacha yana 11 ta yangi reys ochilishi rejalashtirilgan bo‘lib, yil yakuniga qadar muntazam qatnovlar soni haftasiga 60 taga yetkaziladi.

Avvalroq China Eastern Airlines kompaniyasiga Sian – Toshkent...

Janubiy Koreya Oliy sudi Samsung Electronics raisi Li Jay Y Lini 2015-yildagi $8 mlrdlik birlashuv bilan bog‘liq firibgarlik ayblovlaridan butunlay oqladi. Bu haqda Reuters axborot agentligi ma’lum qildi.

Bu qaror quyi instansiya sudlarining qarorini tasdiqlab, uning ustidan yuritilgan uzoq yillik tergov va sud jarayonlariga yakun yasadi.

Prokuratura Samsung C&T va Cheil Industries kompaniyalarining birlashuvi Lining nazoratini mustahkamlash uchun amalga oshirilganini aytgan edi. Biroq sud birlashuv qonuniy bo‘lganini tasdiqladi.

Samsung bu qarorni mamnuniyat bilan qarshi oldi va uni adolat tantanasi deb baholadi. Aksiyalar bozori bu yangilikka sezilarli darajada javob bermadi.

Li uchun bu qaror kompaniyaning sun’iy intellekt chiplar bo‘yicha global...

Isroil harbiy-havo kuchlari Suriyaning Damashq shahriga navbatdagi havo hujumini uyushtirdi. Bu haqda CNN axborot agentligi ma’lum qildi.

Zarba, asosan, Suriya Mudofaa vazirligi yaqinidagi binolar va harbiy infratuzilmalarga qaratilgan bo‘lib, kuchli portlashlar natijasida shahar osmoni olovga burkandi.

Rasmiy manbalarga ko‘ra, hujum oqibatida kamida 3 kishi halok bo‘lgan, 30 dan ortiq fuqaro va harbiy xizmatchilar jarohat olgan. Voqea joyida tez yordam va yong‘in o‘chirish xizmatlari ish olib bordi.

Mahalliy harbiy manbalarning bildirishicha, zarbalar Suriyaning janubiy viloyatlariga ham ta’sir ko‘rsatgan. Suveyda shahri yaqinidagi harbiy qismlar ortga chekintirildi. Bu holat mintaqadagi kuch muvozanatini o‘zgartirishi mumkin.

Xalqaro hamjamiyat, jumladan BMT, AQSh va Turkiya ushbu...

Toshkent shahrida xizmat mavqeyidan suiiste’mol qilgan patrul-post xizmati inspektori pora olayotganida qo‘lga olindi. Bu haqda DXX matbuot xizmati ma’lum qildi.

U Navoiy viloyatida yashovchi tanishining haydovchilik guvohnomasini olib berishini va’da qilib, $1,5 ming hamda 1,9 mln so‘m pul olgan.

Inspektor DXX va Bosh prokuratura huzuridagi Departament xodimlari tomonidan Yunusobod tumanida o‘tkazilgan tezkor tadbir davomida qo‘lga tushdi. Asliyatda u imtihonni bemalol o‘tkazib berishini aytgan.

Mazkur holat yuzasidan unga nisbatan Jinoyat kodeksining 168 va 211-moddalari asosida jinoyat ishi qo‘zg‘atildi. Ayni damda u qamoq ehtiyot chorasi bilan hibsda saqlanmoqda.

Eslatib o‘tamiz, avvalroq Toshkentda poraxo‘r podpolkovnik qo‘lga olingan edi.

17-iyul kuni O‘zbekiston bo‘lab havo harorati kechasi 19-30°, kunduzi 30-44° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

AQShda Meta (sobiq Facebook) rahbariyatiga qarshi $8 mlrdlik da’vo asosida sud jarayoni boshlandi. Bu haqda Reuters axborot agentligi ma’lum qildi.

Ulushdorlar Mark Sukerberg va boshqa sobiq rahbarlarni foydalanuvchi ma’lumotlarini noqonuniy yig‘ishda va maxfiylik qoidalarini buzishda ayblamoqda.

Da’vo sabablaridan biri – 2018-yilda yuzaga chiqqan Cambridge Analytica mojarosi bo‘lib, millionlab foydalanuvchilarning ma’lumotlari siyosiy kampaniyalar uchun noqonuniy qo‘llangani aniqlangan.

Sud jarayoni Delaver shtatida bo‘lib o‘tmoqda. Unda Sukerberg, Sheryl Sandberg, Marc Andreessen, Peter Thiel kabi taniqli shaxslar guvohlik berishi kutilmoqda.

Ulushdorlar kompaniyaga FTC tomonidan qo‘llangan $5 mlrdlik jarima va boshqa xarajatlar bo‘yicha rahbarlardan jami $8 mlrdni undirishni talab qilmoqda.

Meta esa o‘zining aybsizligini...