Yangiliklar

Bugatti o‘zining yangi Brouillard nomli yagona nusxada yaratilgan gipermobilini namoyish etdi. Bu haqda kompaniya rasmiy sahifasida ma’lum qildi.

Avtomobil brendning yangi Programme Solitaire dasturi doirasidagi ilk loyiha bo‘lib, yiliga atigi ikki dona shunday «shoh asar» ishlab chiqarilishi rejalashtirilgan.

Brouillard’ni harakatga keltiruvchi kuch Bugatti’ning 8,0 litrli to‘rt turbo zaryadli W16 dvigatelining eng zamonaviy versiyasi bo‘lib, u 1578 ot kuchi va 1600 Nm aylanish momentini ishlab chiqaradi. Bu dvigatel to‘rt g‘ildirakka quvvat uzatuvchi yetti pog‘onali ikki muftali uzatmalar qutisiga ulangan. U Chiron va Mistral kabi modellarga teng darajada tezkor bo‘lishi kutilmoqda.

Kuzov yuqoridan atlas yashil bo‘yoq, pastki qismi esa yashil-tusli karbon...

Joriy yil iyul oyida aholi tomonidan sezilgan inflyatsiya darajasi o‘tgan oyga nisbatan 0,1 foizga pasayib, 13,3 foizni tashkil qildi. Bu haqda Markaziy bank axborot xizmati xabar berdi.

Unga ko‘ra, sezilgan inflyatsiya darajasining yuqori ko‘rsatkichi Toshkent shahri, Farg‘ona va Qashqadaryoda (13,8-16,4%) qayd etilgan bo‘lsa, past sezilgan inflyatsiya darajasi Surxondaryo, Jizzax va Navoiy viloyatlarida (11,7-12,1%) kuzatildi.

So‘rovnomaga ko‘ra, go‘sht va sut mahsulotlari narxlari sezilarli darajada oshdi deb hisoblovchilar ulushi bir oy ichida 5 foiz bandga ko‘payib, 58 foizga yetdi. O‘simlik yog‘i narxi oshganini sezganlar ulushi esa 2 foiz bandga oshib, 23 foizini tashkil etdi.

Oy davomida dorilar, meva-sabzavotlar va ta’lim xizmatlari narxi...

«Banklar tomonidan Omonatlarni kafolatlash jamg‘armasiga badallar to‘lash tartibi to‘g‘risida»gi nizom davlat ro‘yxatidan o‘tkazildi. Bu haqda Adliya vazirligi xabar berdi.

Nizom banklar, shu jumladan, mikromoliya banklari va oraliq banklar tomonidan jamg‘armaga badallar to‘lash tartibini belgilaydi. Badallar O‘zbekistonning milliy valyutasida yaxlitlangan holda to‘lanadi.

Shuningdek, bir yo‘la to‘lanadigan badal miqdori bank ustav kapitali eng kam miqdorining 0,1 foizini tashkil etadi.

Kalendar badal – bu bank tomonidan har chorakda jamg‘armaga to‘lanadigan mablag‘ bo‘lib, u hisobot choragidan keyingi oyning 15-sanasidan kechiktirmay to‘lanishi lozim.

Agar kalendar badal o‘z vaqtida to‘lanmasa, har bir kechikkan kun uchun Markaziy bank asosiy stavkasining ikki baravari miqdorida penya hisoblanadi.

Bundan...

Davlat soliq qo‘mitasi my3.soliq.uz tizimida texnik nosozlik yuzaga kelgani haqida ma’lum qildi.

Unga ko‘ra, nosozlik oqibatida ayrim foydalanuvchilarda soliq qarzdorligi, mablag‘ yechib olinishi kabi noto‘g‘ri ma’lumotlar aks etishi mumkin.

Qo‘mitaning ta’kidlashicha, mutaxassislar muammoni bartaraf etish ustida ishlamoqda. Nosozlik tugatilgach barcha ma’lumotlar tiklanadi va noto‘g‘ri yechilgan mablag‘lar qaytariladi.

Eslatib o‘tamiz, avvalroq sud xizmatlari uchun MySud mobil ilovasi ishga tushirilgan edi.

2025-yilning 1-oktabridan boshlab poytaxtda issiq suv va issiqlik ta’minoti tariflari oshirilishi rejalashtirilmoqda. Bu haqda Veolia Energy Tashkent bosh direktori Sevara Pardayeva xalq deputatlari Toshkent shahar Kengashi yig‘ilishida ma’lum qildi.

Ayni paytda aholi uchun 1 Gkal issiqlik narxi qo‘shilgan qiymat solig‘isiz (QQS) 121 ming 617 so‘m bo‘lsa, rejalashtirilayotgan 15 foizlik oshirishdan so‘ng bu ko‘rsatkich 139,8 ming so‘mga yetadi.

Shuningdek, yuridik shaxslar uchun tariflar 40 foizga oshib, 342,2 ming so‘mga, budjet tashkilotlari uchun esa 19 foizga yuqorilab, 954,3 ming so‘mga chiqishi mumkin.

Bundan oldin, Toshkent shahrida issiqlik ta’minoti narxlari 2024-yil 15-noyabrdan 15 foizga oshgandi.

Shu bilan birga o‘tgan yilning dekabr oyida...

Shu yilning iyul oyida Oʻzbekiston aholisining inflyatsion kutilmalari oʻtgan oyga nisbatan 0,3 foiz bandga pasayib, 12,9 foizni tashkil etdi. Bu koʻrsatkich Markaziy bank oʻtkazgan soʻrovnomaga koʻra shakllandi.

Aholining inflyatsion kutilmalari

Iyul oyida soʻrovnomada jami 3,9 mingdan ortiq respondentlar qatnashib, shundan 1,8 mingtasi tadbirkorlarni tashkil qildi.

Narxlarning oshishiga ta’sir etuvchi asosiy omillar sifatida aholi kommunal xizmatlar, yonilgʻi va elektr energiyasi narxining koʻtarilishi, ish haqi va nafaqalarning oshishi, valyuta kurslarining oʻzgarishini ta’kidlamoqda.

Eng yuqori inflyatsiya darajasi Toshkent shahri, Fargʻona va Qashqadaryo viloyatlarida kutilmoqda. Aholi taxminlariga ko‘ra, ushbu hududlarda narxlar yil davomida 13,2 – 16 foizga oshishi mumkin. Buxoro, Jizzax va Sirdaryoda...

Qozog‘iston prezidenti Qosim-Jomart Toqayev Seulda bo‘lib o‘tgan uchrashuvda Jahon taekvondo federatsiyasi prezidenti Chungwon Choue bilan uchrashdi. Bu haqda Tengri News ma’lum qildi.

Unga ko‘ra, Chungwon Choue taekvondo rivojiga qo‘shgan hissasi uchun Toqayevga to‘qqizinchi dan darajali qora belbog‘ni, Toqayev esa unga «Do‘stlik» ordeni II darajasini topshirdi.

Ma’lumot uchun, Qosim-Jomart Toqayev – Qozog‘istonning amaldagi prezidenti, 1953-yil 17-mayda Olmaotada tug‘ilgan. U diplomat sifatida uzoq yillar BMTda, Xitoy va Rossiyada elchi lavozimlarida faoliyat yuritgan, 2019-yilda prezidentlik lavozimini egallagan.

Eslatib o‘tamiz, avvalroq Toqayev 2029-yilda iste’foga chiqishi haqida yozgan edik.

Kia o‘zining ixcham Picanto va kichik XCeed modellari uchun trim darajalarini soddalashtirib dvigatel variantlarini o‘zgartirdi. Bu haqda Thecarexpert xabar bermoqda.

Endi ikkala model ham uch darajada taklif etiladi: boshlang‘ich Pure, o‘rta GT-Line va eng yuqori GT-Line S. Avvalgi 2, 3, GT-Line va GT-Line S tartibi o‘zgartirildi. Yangi Pure versiyasi aslida avvalgi «2» komplektatsiyasining qayta nomlangan turi bo‘lsa, «3» varianti butunlay ishlab chiqarishdan chiqarildi.

Kia’ning bu yilgi eng ko‘p sotilgan ikkinchi modeli bo‘lgan shahar avtomobili Picanto endi faqat 67 ot kuchiga ega 1,0 litrli benzin dvigateli bilan ishlab chiqariladi. Avval GT-Line S versiyasida taklif etilgan kuchliroq 1,2 litrli benzin dvigateli...

Janubiy Koreyada sud mamlakat sobiq prezidenti Yun Sok Yolning turmush o‘rtog‘i Kim Kon Xini hibsga olishga order berdi. Bu haqda CNN axborot agentligi ma’lum qildi.

U poraxo‘rlik, aksiyalar narxini manipulyatsiya qilish va siyosiy nomzod tanloviga noqonuniy aralashishda gumon qilinmoqda.

Prokuror Min Chung Gi boshchiligidagi tergov guruhi o‘tgan hafta Kimni yetti soat davomida so‘roq qilganidan so‘ng hibsga olishga qaror qildi. U hozirda Seul janubidagi qamoqxona markazida saqlanmoqda, eri esa boshqa muassasada jazoni o‘tamoqda.

Tergovchilar ma’lumotiga ko‘ra, Kim va Yun 2022-yilgi parlament qo‘shimcha saylovida muayyan nomzodni ilgari surish uchun konservativ «Xalq kuchi» partiyasiga bosim o‘tkazgan bo‘lishi mumkin.

Yun prezidentlik davrida...

13-avgust kuni havo kemasining kechikib yetib kelishi sababli Toshkent — Moskva (Domodedovo) – Toshkent yo‘nalishidagi HY603/604 va HY601/602 reyslarining uchish vaqti surildi. Bu haqda aviakompaniya xabar berdi.

Parvozlar quyidagi yangilangan jadval asosida amalga oshiriladi:

Barcha vaqtlar mahalliy vaqt bo‘yicha ko‘rsatilgan.

Bundan avval Andijon aeroporti xalqaro reyslarni qayta tiklagani haqida yozgandik.

Unga ko‘ra, «Flyone Asia» aviakompaniyasining...

Samsung Galaxy S25 Ultra smartfonining kamerasida muammo yuzaga keldi. Bu haqda Samsung Community xabar bermoqda.

One UI 8 beta versiyasini sinovdan o‘tkazayotgan Galaxy S25 Ultra foydalanuvchilari noodatiy xatoga duch keldi. Oy suratlari odatdagi oq yoki kulrang o‘rniga binafsha tusda saqlanmoqda.

Muammo 10x, 20x, 30x va hatto 100x zum darajalarida ham kuzatiladi. Kamera ilovasida yoki oldindan ko‘rishda rang normal ko‘rinsa-da, Galereya’da ochilganda binafsha tus paydo bo‘ladi. Scene Optimizer funksiyasini o‘chirib qo‘yish ham foyda bermaydi.

Ba’zi foydalanuvchilar bunday xatoni sezmagan. Samsung hali rasmiy izoh bermadi, biroq forum moderatorlari xato haqida Samsung Members ilovasi orqali xabar berishni tavsiya qilmoqda. Tuzatish sentabrda...

Banklar 13-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslar haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Sentabr, oktabr, noyabr va dekabr oylarida chet tilini bilish darajasini aniqlash test sinovlari o‘tkaziladi. Bu haqda Bilimni baholash agentligi ma’lum qildi.

Unga ko‘ra, ro‘yxatdan o‘tish my.gov.uz portali orqali onlayn amalga oshiriladi. Talabgorlar o‘zlariga qulay bo‘lgan hududni tanlab, aynan shu joyda imtihonda qatnashishlari mumkin.

Test sanalari, tillar va ro‘yxatdan o‘tish muddatlari bo‘yicha batafsil ma’lumot rasmda keltirilgan. To‘lov miqdori – 556 200 so‘m (bir yarim BHMning 90 foizi).

Quyida myGov ilovasi orqali chet tili imtihonlariga ro‘yxatdan o‘tish tartibi bosqichma-bosqich keltiriladi:

Keyingi bosqichda esa shaxsiy ma’lumotlarni kiritish va kerakli tilni belgilash orqali ro‘yxatdan o‘tish yakunlanadi.

Ma’lumot uchun, sana va tillar hukumat topshirig‘i...

Xorijiy va O‘zbekistondagi nodavlat oliy ta’lim muassasalaridan davlat OTMga o‘qishni ko‘chirish bo‘yicha test sinovlari 18 – 19-avgust kunlari o‘tkaziladi. Bu haqda Bilimni baholash agentligi ma’lum qildi.

Sinovlar ikki smenada — 08:00 – 11:00 va 15:00 – 18:00 oralig‘ida bo‘lib o‘tadi. Testlar 2 ta mutaxassislik va 3 ta majburiy fan bo‘yicha tuziladi. Jami 90 ta savolga 3 soat vaqt beriladi.

Ishtirokchilar ruxsatnomani Bilimni baholash agentligining my.uzbmb.uz saytidan yuklab olishi, belgilangan vaqtda pasport va ruxsatnoma bilan kelishi lozim.

Eslatib o‘tamiz, avvalroq kasbiy ta’lim tashkilotlariga hujjatlar qabuli boshlangan edi.

O‘zbekiston texnologik metallar zavodi (TMK) Kanadadagi Kritik minerallar institutiga (KMI) a’zo bo‘ldi. Bu haqda «Dunyo» AA ma’lum qildi.

KMI sanoat korporatsiyalari, davlat idoralari, ilmiy markazlar va investorlarni birlashtirgan global strategik platforma bo‘lib, bu yil e’lon qilingan 23 ta muhim minerallar ro‘yxati ko‘plab mamlakatlarda sanoat siyosati mezoniga aylangan.

KMIga a’zolik O‘zbekistonga AQSh, Kanada, Avstraliya, Yevropa va Osiyo bo‘yicha resurs strategiyalari haqidagi tezkor ma’lumotlarga kirish, nodir elementlarni xalqaro yetkazib berish zanjirlariga qo‘shish, texnologiyalar transferi hamda investitsiya platformalaridan foydalanish imkonini beradi.

Ushbu qadam TMKga nafaqat mamlakat manfaatlarini jahon bozorida faol ilgari surish, balki mintaqaviy barqarorlik va global ta’minot xavfsizligi masalalarida ham faol...

Farg‘ona viloyati DXX Qo‘qon shahar bo‘limi xodimlari 2003-yilda tug‘ilgan fuqaroni qalbaki pullarni muomalaga kiritishda ayblab ushladi. Bu haqda DXX matbuot xizmati ma’lum qildi.

Unga ko‘ra, fuqaro 50 mln so‘m miqdoridagi qalbaki pullarni haqiqiy 8 mln so‘mga sotgan paytida ushlandi.

Tadbir davomida uning yashash joyida 315,5 mln so‘mlik va $120 ming miqdoridagi qalbaki kupyuralar topilib olib qo‘yildi. Fuqaroga nisbatan jinoyat ishi qo‘zg‘atildi va unga pullarni yetkazgan shaxslarni aniqlash bo‘yicha choralar ko‘rilmoqda.

Eslatib o‘tamiz, avvalroq DXX bir necha korrupsion holatlarni fosh etgan edi.

13-avgust kuni O‘zbekiston bo‘ylab harorat kechasi 14-26° atrofida, kunduzi esa 25-41° orasida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Madonna Papa Leo’dan Falastindagi ochlikdan aziyat chekayotgan bolalar uchun gumanitar missiya bilan G‘azoga borishni so‘radi. Bu haqda CNN agentligi ma’lum qildi.

Unga ko‘ra, san’atkor Papa Leoni ertaga qoldirmasdan G‘azoga borishga chaqirdi va ona sifatida bularni ko‘rishga jur’at qilolmasligini ta’kidladi.

Papa Isroilning G‘azoga qarshi urushini tanqid qilib, iyulda o‘q otishni to‘xtatishni so‘ragan edi. UNICEF ma’lumotlariga ko‘ra, 2023-yildan beri G‘azoda 18 mingdan ortiq bolalar halok bo‘lgan, Isroil esa insonparvarlik yordamini to‘smoqda.

Madonna hech kimni ayblamayotganini aytib, hamma azob chekayotganini ta’kidladi. JSST bosh direktori uning gumanitar masalaga e’tiborini yuqori baholadi. Falastin sog‘liqni saqlash vazirligi urush boshidan beri 222 kishi ochlikdan vafot etganini...

Senatning Yoshlar, xotin-qizlar, madaniyat va sport masalalari qo‘mitasi a’zosi Malika Kadirxanova Oila va xotin-qizlar qo‘mitasi raisi Zulayxo Maxkamovaga xotin-qizlarning huquqlarini himoya qilish hamda tazyiq va zo‘ravonlik holatlari bo‘yicha so‘rov yubordi. Bu haqda Oliy Majlis Senati matbuot xizmati ma’lum qildi.

So‘rovda ayollarga nisbatan zo‘ravonlik holatlari so‘nggi yillarda oshgani ta’kidlanib, 2025-yilning birinchi yarmida 48 303 ta tazyiq va zo‘ravonlik holati qayd etilgani, bu o‘tgan yilga nisbatan 121% ko‘p ekani bildirildi. Eng ko‘p holatlar Toshkent viloyati, Buxoro, Qashqadaryo va Andijonda aniqlangan.

Senator so‘rovda tazyiqning sabablarini aniqlash, profilaktika ishlarini kuchaytirish, vakolatli organlar bilan hamkorlikni rivojlantirish va mahallalarda murosasizlik muhitini yaratish bo‘yicha chora-tadbirlar haqida...

Shavkat Mirziyoyev Buxoro viloyatida islohotlar natijadorligi va yangi loyihalar yuzasidan yig‘ilish o‘tkazdi. Bu haqda prezident matbuot xizmati ma’lum qildi.

So‘nggi sakkiz yilda viloyatga $8 mlrddan ortiq investitsiya jalb qilinib, sanoat sohasida 6 mingta yangi korxona ochildi, sanoat mahsulotlari hajmi 6 barobardan oshdi. Turizm rivojlanib, yillik sayyohlar soni 1,7 mlnga yetdi.

2024-yilgi qarorga muvofiq, joriy yilning 6 oyida sanoat mahsulotlari ishlab chiqarish 7,3%ga oshdi, 198 ta yangi sanoat korxonasi ishga tushdi, yalpi hududiy mahsulot 6,4%ga o‘sdi. «Islohotlar shtabi» yangi imkoniyatlarni yuzaga chiqarmoqda – Peshku tumanida grafit qazib olish, Vyetnam va Hindiston kompaniyalari turar joy va jarrohlik markazi qurishni rejalashtirmoqda.

Viloyatda...

Toshkent shahrining 5 ta ko‘chasida avtomobillar uchun tezlik cheklovini oshirish taklifi berildi. Bu haqda xalq deputatlari shahar Kengashining yig‘ilishida poytaxt Yo‘l harakati xavfsizligi boshqarmasi boshlig‘i o‘rinbosari Elmurod Alimov ma’lum qildi.

Bu taklif amalga oshsa, radarlarda qayd etilgan tezlikdan 10 km/soat chegirma berilib, shahar markazida tezlik chegarasi 90 km/soatgacha ko‘tarilishi mumkin bo‘ladi.

Shuningdek, 12 ta ko‘chada bir tomonlama harakat joriy etish va chorrahalarda elektr uzilishlarida ham ishlaydigan UPS tizimlarini o‘rnatish rejalashtirilmoqda. Bu orqali svetoforlar uzilishlardan ta’sirlanmasligi ko‘zda tutilgan.

Ma’lumot uchun, 2023-yil aprelidan shaharlarda tezlik chegarasi 70 km/soatdan 60 km/soatga pasaytirilgan edi.

Eslatib o‘tamiz, avvalroq Toshkentda yo‘l harakati xavfsizligi uchun...

2025-yil 12-avgustda Andijon aeroporti mart oyida boshlagan keng ko‘lamli rekonstruksiyadan so‘ng ilk xalqaro reysini amalga oshirdi. Bu haqda Uzbekistan Airports ma’lum qildi.

Unga ko‘ra, «Flyone Asia» aviakompaniyasining Andijon – Jidda yo‘nalishidagi haftasiga ikki marta (seshanba va payshanba) 151 yo‘lovchi bilan muntazam parvozni amalga oshirdi.

Shuningdek, Andijondan Toshkentga ham «Silk Avia» va «Uzbekistan Airways» kompaniyalari muntazam reyslarini amalga oshirib kelmoqda, bu esa hududning ichki va tashqi aloqalarini yanada yaxshilaydi. Andijon aeroportining faoliyati qayta tiklangani mintaqaning iqtisodiy va sayyohlik salohiyatini oshirishda muhim qadam hisoblanadi.

Eslatib o‘tamiz, avvalroq Air China Urumchi – Toshkent yo‘nalishida birinchi parvozni amalga oshirgan edi.

Shavkat Mirziyoyev suv resurslarini boshqarish va irrigatsiya sektorini rivojlantirish bo‘yicha yangi takliflar taqdimoti bilan tanishib, 2025 – 2028-yillarga mo‘ljallangan dasturini ma’qulladi. Bu haqda prezident matbuot xizmati ma’lum qildi.

Dastur doirasida 2 551 km irrigatsiya tarmoqlari rekonstruksiya qilinadi, nasos stansiyalaridagi eski uskunalar tejamkoriga almashtiriladi va elektr iste’moli kamaytiriladi.

424 ming gektar suv ta’minoti past yerlar 276 ming gektargacha qisqartiriladi, 460 ming gektar foydalanilmayotgan maydon qayta ekishga yaroqli holga keltiriladi. 1,4 mln gektarda suv tejovchi texnologiyalar, jumladan, 293 ming gektarda tomchilatib sug‘orish joriy etiladi.

Suv xo‘jaligini raqamlashtirish maqsadida 12 ming meliorativ quduq va 1 750 nasosda zamonaviy monitoring tizimi o‘rnatiladi...

Markaziy bank huzuridagi Bank nazorati qo‘mitasi 2025-yil iyun-iyul oylarida o‘tkazilgan 11 ta yig‘ilishda 59 ta masalani muhokama etdi va qarorlar qabul qildi. Bu haqda regulyator matbuot xizmati ma’lum qildi.

Ko‘rilgan masalalardan 37 tasi ro‘yxatga olish va ruxsat berish yo‘nalishida bo‘lib, ular orasida yangi mikromoliya tashkilotlarini ro‘yxatdan o‘tkazish, kredit tashkilotlari ustavlariga o‘zgartirishlar kiritish, banklarda audit huquqini berish hamda tijorat banklari rahbariyati nomzodlarini tasdiqlash masalalari bor.

Moliyaviy holat bo‘yicha 22 ta masalada banklar va mikromoliya tashkilotlarida o‘tkazilgan inspeksiya natijalari, prudensial me’yorlarga rioya etilishi hamda pul yuvish va terrorizmni moliyalashtirishga qarshi choralar muhokama qilindi. Qonunchilik talablarini buzgan 15 ta to‘lov tashkilotiga chora...