Yangiliklar

Shavkat Mirziyoyev Milliy statistika qo‘mitasining amalga oshirilgan ishlar bo‘yicha hisobotini ko‘rib chiqdi. Unda statistik boshqaruvni yangilash, ma’lumotlar sifatini oshirish va raqamlashtirish jarayoni muhokama qilindi, deya xabar bermoqda prezident matbuot xizmati.

Farmonga muvofiq, Statistika agentligi Milliy statistika qo‘mitasi sifatida qayta tashkil etilgani va ustuvor yo‘nalishlar belgilangan edi. Yig‘ilishda shu vaqtgacha amalga oshirilgan natijalar taqdim etildi.

Idoralararo ma’lumot almashinuvi kengaytirilib, 60 ta integratsiya joriy etilishi hisobiga hisobot yuklanmasi 27 foizga qisqardi. Soliq onlayn-kassa ma’lumotlari, elektr va gaz iste’moli, qishloq xo‘jaligi maydonlari haqidagi ma’lumotlarni avtomatlashtirilgan tarzda qabul qilish tizimi yo‘lga qo‘yildi.

Yalpi ichki mahsulotni hisoblashni takomillashtirish bo‘yicha qamrov kengaytirildi. Natijada qo‘shimcha...

O‘zbekistonning xalqaro zaxiralari 2025-yil 1-noyabr holatiga qariyb $60 milliardga yetdi, ularning tarkibida oltinning ulushi 80 foizdan oshdi. Markaziy bank aktivlarni diversifikatsiya qilishni boshladi va AQSh g‘aznachilik veksellariga taxminan $1 milliard sarmoya kiritdi. Bu haqda Markaziy bank raisi o‘rinbosari Abror Mirzo Olimov 27-noyabr kuni Toshkent shahrida bo‘lib o‘tgan «Inflyatsion targetlash rejimida suzuvchi valyuta kursining ahamiyati» mavzusidagi xalqaro davra suhbatida ma’lum qildi.

Zaxiralarning maqsadi va boshqaruvning asosiy qoidalari

Olimov so‘zining avvalida zaxiralarni boshqarish falsafasiga to‘xtaldi.

«Xalqaro valyuta jamg‘armasiga ko‘ra, xalqaro zaxiralarning uchta asosiy vazifasi bor. Birinchisi – pul-kredit va valyuta siyosatini qo‘llab-quvvatlaydi va mustahkamlaydi. Ikkinchisi...

FIFA 2026-yilgi Jahon chempionati chiptalari savdosining uchinchi bosqichi 11-dekabr kuni boshlanishini e’lon qildi. Hozirgacha musobaqa uchun qariyb 2 mln dona chipta xarid qilingan.

Chiptalarga ariza topshirish 2026-yil 13-yanvargacha ochiq bo‘ladi. Arizani qachon topshirish yutuq imkoniyatiga ta’sir qilmaydi, barcha arizalar teng ko‘rib chiqiladi. Chipta egasi bo‘lgan arizachilar fevral oyida xabardor qilinadi va to‘lov avtomatik ravishda yechib olinadi.

Dastlabki savdo bosqichlarida eng ko‘p chipta mezbon davlatlar AQSh, Kanada va Meksika fuqarolari tomonidan xarid qilingan. Shuningdek, Angliya, Germaniya, Braziliya, Kolumbiya, Ispaniya, Argentina va Fransiya muxlislari ham yuqori faollik ko‘rsatdi.

11-dekabrdan boshlab ishtirokchi a’zo assotsiatsiyalar mezonlariga javob beradigan muxlislar o‘z milliy terma jamoalarini...

Ijtimoiy tarmoqlarda Zangiota tumanining Tinchlik mahallasida joylashgan g‘isht zavodidan havoga zararli moddalar chiqayotgani aks etgan video tarqaldi. Holat yuzasidan Maxsus komissiya o‘rganish o‘tkazdi.

Tekshiruv davomida «O‘rtavul oltin g‘isht» MChJ tomonidan ishlab chiqarish jarayonida ekologiya talablariga rioya qilinmayotgani tasdiqlandi. Shundan so‘ng zavod faoliyati vaqtincha to‘xtatildi.

Shuningdek, ekologik reyd davomida tumandagi plastik va sellofan mahsulotlarini qayta ishlashga ixtisoslashtirilgan korxonada jiddiy qonunbuzarlik aniqlandi. Tekshiruvda chiqindilar belgilangan tartibda qayta ishlanish o‘rniga to‘g‘ridan to‘g‘ri yoqib yuborilayotgani ma’lum bo‘ldi.

Korxona hududidagi temirchilik ustaxonasida ham chiqindilar muntazam yoqib kelinib, havoga kanserogen moddalar va zaharli tutun tarqalgan. Maxsus komissiya holat bo‘yicha rasmiy hujjatlar rasmiylashtirilib, aybdorlarga qonuniy...

Tojikistonning Shamsiddin Shohin tumanidagi chegara hududida Afg‘oniston tomonidan qurolli hujum sodir etildi. Bu haqda Tojikiston Tashqi ishlar vazirligi xabar bermoqda.

Ma’lum qilinishicha, hujumchilar o‘qotar qurollar hamda granata bilan jihozlangan uchuvchisiz uchish apparatlari orqali zarba bergan. Tojikiston tomoni ushbu voqeani keskin qoralab, qo‘shni davlat hududidagi jinoiy guruhlar mintaqadagi barqarorlikni buzishga urinayotganini ma’lum qildi.

Rasmiy Dushanbe Afg‘onistonning amaldagi hukumatini ikki davlat chegarasida xavfsizlikni ta’minlash va bunday holatlarning oldini olish uchun samarali choralar ko‘rishga chaqirdi.

Avvalroq Kursiv Uzbekistan Tojikistonda sodir bo‘lgan zilzila O‘zbekiston hududida ham sezilgani haqida xabar bergan edi.

Afg‘onistonning Mozori Sharif shahrida o‘zbek ishlab chiqaruvchilari Uzelectronics kompaniyasi mahsulotlarini taqdim etuvchi yirik maishiy texnika savdo markazi ish boshladi. Bu haqda Savdo-sanoat palatasi xabar berdi.

Mazkur kompleks «O‘zeltеxsanoat» uyushmasi va Savdo-sanoat palatasi hamkorligida tashkil etilgan. 1,2 ming kvadrat metr maydonda 25 ta brendga tegishli 500 dan ortiq elektr jihozlari — televizorlar, sovitkichlar, isitgichlar, oshxona texnikasi va boshqa maishiy qurilmalar namoyish etilgan.

Markazda yoritish texnikasi, transformatorlar, mis simlar va doimiy yangilanib boradigan boshqa mahsulotlar ham sotuvga qo‘yilgan. Loyiha doirasida Afg‘oniston ishlab chiqaruvchilarining mahsulotlarini O‘zbekistonda taqdim etish rejalashtirilgan.

«O‘zeltеxsanoat» va Savdo-sanoat palatasi yaqin kunlarda Kobul shahrida yana bir yirik multibrend savdo...

Toshkentdagi «Malika» maishiy texnika bozorida havo tozalagichlar va uy namlagichlari narxi sezilarli ravishda oshdi. Sotuvchilar ulgurji partiyalar qimmatlasha boshlaganini, bojxona bojlari bekor qilingach kutilgan arzonlashuv esa hali bozorga yetib kelmaganini aytmoqda. Poytaxtda havo sifati yomonlashgani ortidan talab oshgani narxlarning yanada ko‘tarilishiga sabab bo‘lgan.

«Malika»dagi vaziyat: havo tozalagichlar va namlagichlar qimmatlashdi

Bozor sotuvchilariga ko‘ra, deyarli barcha havo tozalagich modellari taxminan $50 ga oshgan. Narxlar qurilmaning toifasidan qat’i nazar bir xil tarzda ko‘tarilmoqda.

«Malika» bozoridagi havo tozalagichlar narxi:

Global ekologik jamg‘arma (GEF) O‘zbekistonda atrof-muhitni muhofaza qilishga qaratilgan loyihalar uchun $6,1 mln ajratadi. Bu haqda Kursiv Uzbekistan muxbiri xabar berdi.

CITES konferensiyasi doirasida GEF-8 dasturining «O‘zbekistonda qimmatli landshaftlarni kompleks boshqarish va tiklash» (EcoLand) loyihasini rasman ishga tushirish va grant kelishuvini imzolash marosimi bo‘lib o‘tdi.

EcoLand loyihasining asosiy maqsadi — O‘zbekistonning uchta asosiy landshaft klasterida ekotizimlarni muhofaza qilish va tiklash bo‘yicha kompleks yondashuvlarni kengaytirish, yer resurslarini barqaror boshqarish, tabiatni asrash, iqlim o‘zgarishi oqibatlarini yumshatish hamda mahalliy hamjamiyatlarni jarayonga jalb qilishdan iborat.

«O‘zbekiston qimmatli landshaftlarini tiklash va bioxilma-xillikni kelajak avlod uchun asrashga sodiq. Ushbu loyiha ekologik...

Sotheby’s auksionda Ivan Ayvazovskiyning «Tirik qolganlar» asari $5,5 mlnga sotildi. Bu haqda forbes.ru xabar bermoqda.

1878-yilda yaratilgan ushbu asar o‘lchami 195×266 sm bo‘lib, rassomning bozorda paydo bo‘lgan eng yirik kartinalaridan biri sanaladi. Surat so‘nggi bor 2004-yilning aprel oyida savdoga qo‘yilgan edi.

2021-yilgacha ushbu asar Faberje muzeyi kolleksiyasidagi besh kartinadan biri sifatida qayd etilgan. Muzey vakillari hozirda fondda Ayvazovskiyning to‘rtta asari borligini tasdiqlagan bo‘lsa-da, beshinchi kartina qachon va qanday qilib to‘plamdan chiqarilganiga aniqlik kiritmagan.

Ayvazovskiy asarlari bo‘yicha avvalgi rekord 2012-yilda o‘rnatilgan bo‘lib, o‘shanda uning «Konstantinopol va Bosfor ko‘rinishi» asari $4,2 millionga sotilgan edi. «Tirik qolganlar» kartinasining sotuvi rassom ijodidagi eng...

O‘zbekistonda uy-joyga egalik qilish imkoniyatlari hukumatning maqsadli subsidiyalari va ipoteka dasturlari hisobiga kengaymoqda. «Yashil va qulay uy-joy» xalqaro forumi doirasida respublikadagi uy-joy bozori haqida batafsil ma’lumot berildi, deb xabar bermoqda Kursiv Uzbekistan muxbiri.

Subsidiyalar tufayli past va o‘rta daromadli oilalar uchun boshlang‘ich to‘lovni to‘plash va foiz stavkalarini qoplash ancha yengillashdi. Aholi daromadlarining oshishi esa boshlang‘ich to‘lovning o‘rtacha daromadga nisbati kamayishiga olib keldi. Masalan, Qoraqalpog‘istonda bu ko‘rsatkich 2021-yildagi 1,6 dan 2024-yilda 1,3 ga tushdi.

Toshkentda uy-joy investitsiyasi endi tez boyitmaydi

Poytaxtda 2024-yil oxirida uy-joy narxlari o‘sish sur’atlari sekinlashdi. Yillar davomida narxlarning tez ko‘tarilishi hisobiga olinadigan daromad endi deyarli yo‘qoldi...

Ekologiya va iqlim o‘zgarishi milliy qo‘mitasi ekologik qoidabuzarliklarni aniqlashda fuqarolar faolligini oshirish uchun yangi rag‘bat tizimini joriy etdi. Bu haqda qo‘mita raisi va Maxsus komissiya rahbari Aziz Abduhakimov ma’lum qildi.

Unga ko‘ra, Ekonazorat axborot tizimi yoki @ecogovuzbot orqali yuborilgan foto va video dalillar asosida jarima undirilsa, ariza yuborgan fuqaro jarima summasining 15 foizini oladi.

«Maxsus komissiya ishlarni davom ettiradi va aholini tezkor xabardor qiladi. Endi navbat sizga! Kameralaringiz himoyamiz quroliga aylansin! Huquqbuzarlikni aniqlang va mukofotingizni oling. Toza havo uchun kurashda birgamiz», — deydi Aziz Abduhakimov.

Avvalroq poytaxtda havo sifatini yaxshilash va chang...

27-noyabr kuni Markaziy bank tomonidan «Inflatsion targetlash rejimida suzuvchi valyuta kursining ahamiyati» mavzusida xalqaro davra suhbati o‘tkazildi. Tadbirda Jahon bankining katta iqtisodchisi Pinar Yassar valyuta bozorini samarali boshqarish haqida so‘zladi.

Unga ko‘ra, mazkur tamoyillarning aksariyati O‘zbekiston Markaziy banki tomonidan allaqachon qo‘llanilmoqda. Ammo Markaziy bankning biznes sektori bilan tizimli muloqoti yanada kuchaytirilishi kerak.

Valyuta bozorini qanday samarali boshqarish mumkin

Iqtisodchiga ko‘ra, birinchidan, aniq qoidalar, ya’ni kutilmagan qarorlar bo‘lmasligi kerak. Tartibsiz bozor tebranishlarida aralashuv tartibi haqida ochiq ma’lumot e’lon qilish zarur: qaysi holatda, qanday instrumentlar bilan va qanday vakolat asosida aralashiladi. Pul-kredit siyosatining asosiy vositasi — bu foiz stavkasi bo‘lib...

Xorazmda tibbiyot birlashmalari pullik xizmatlar ko‘rsatishda fuqarolardan 230 mln so‘mdan ortiq asossiz mablag‘ undirgani aniqlandi. Bu haqda Raqobat qo‘mitasi o‘z o‘rganishlarini e’lon qildi.

Unga ko‘ra, 2023 – 2024-yillar hamda 2025-yil 1-iyulgacha bo‘lgan davr bo‘yicha Yangibozor va Gurlan tumani tibbiyot birlashmalarida iste’molchilar huquqlari buzilgani qayd etildi.

Tekshiruvlarda Yangibozor tumani tibbiyot birlashmasi 39 mingga yaqin iste’molchiga qariyb 2 mlrd so‘mlik, Gurlan tumani tibbiyot birlashmasi esa 120 mingga yaqin bemorga 3 mlrd so‘mga yaqin pullik xizmat ko‘rsatgan. Shu jarayonda xizmat narxiga qo‘shimcha soliq qo‘shish hamda bemorlar foydalanmagan dori vositalari narxini ham umumiy hisobga qo‘shib yuborish holatlari aniqlangan.

Umumiy hisobda 160 mingga...

O‘zbekiston prezidentining farmoniga asosan, shaxmat bo‘yicha milliy terma jamoa a’zosi Javohir Sindarov «O‘zbekiston Respublikasida xizmat ko‘rsatgan sportchi» faxriy unvoni bilan taqdirlandi.

Farmonda ta’kidlanishicha, Sindarov o‘zining azmu shijoati va yuksak irodasi bilan vatan sharafini munosib himoya qilib, Yangi O‘zbekistonning xalqaro maydondagi obro‘-e’tiborini oshirishga xizmat qildi. Shaxmat bo‘yicha Jahon kubogi sohibi bo‘lgan sportchiga davlat rahbari nomidan 3 xonali xonadon sovg‘a qilinadi.

Bundan tashqari, uning g‘alabasiga hissa qo‘shgan murabbiylar ham pul mukofotlari bilan rag‘batlantirilishi belgilangan. Javohir Sindarov o‘zbek shaxmat maktabining yorqin vakillaridan biri bo‘lib, jahon arenasida muntazam ravishda yuqori natijalarni qayd etib kelmoqda.

Avvalroq Kursiv Uzbekistan Javohir Sindarov shaxmat bo‘yicha Jahon kubogi...

28-noyabr uchun valyuta kurslari e’lon qilindi. Shu kun uchun AQSh valyutasi 11 902,30 so‘m (+20,7 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

20-noyabr kuni esa 11 910,93 so‘m (-29,77 so‘m) tenglashgan edi. 21 noyabr kuni dollar 11 914,67 so‘m (+3,74 so‘m),  24-noyabr uchun 11 971,40 so‘m (+56,73 so‘m), 25-noyabr kuni esa 11 988,32 so‘m (+16,92 so‘m) etib belgilandi. 26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m) tenglashgan.

Markaziy bank ma’lumotlariga ko‘ra, yevro 31,09 so‘mga oshib, 13 780,48 so‘mni, rubl esa 1,13 so‘mga oshib, 152,18 so‘mni tashkil qildi.

Eslatib o‘tamiz, Kursiv Uzbekistan AQSh...

Huawei Nova 15 seriyasi haqida dastlabki ma’lumotlar paydo bo‘ldi. Bu haqda Gizmochina xabar bermoqda.

Ta’kidlanishicha, Seriyaga Nova 15, Nova 15 Pro va Nova 15 Ultra modellari kiradi. Nova 15 modeli 6,7 dyuymli displey bilan chiqadi. Nova 15 Pro esa 6,84 dyuymli ekranga ega bo‘ladi. Har ikkala model 1,5K LTPO OLED paneldan foydalanadi.

Pro versiyasi o‘rnatilgan ikki kamera bilan taqdim etilishi aytilmoqda. Ularning aniqligi 50 va 8 megapiksel bo‘ladi. Oddiy Nova 15 modeli esa bitta 50 megapiksellik sensorga ega bo‘lishi kutiladi.

Orqa paneldagi kameralar ham jiddiy yangilanadi. Bundan tashqari, Huawei kam yorug‘likda ranglarni aniq uzatish uchun qo‘llaydigan multispektral datchik...

«Lukoil» kompaniyasi hammuassisi Leonid Fedun o‘zining $7 mlrdlik ulushini kompaniyaga qayta sotdi. Bu haqda Reuters agentligi xabar bermoqda.

Kelib chiqishi ukrainalik bo‘lgan va ayni paytda Monakoda istiqomat qiluvchi 69 yoshli Leonid Fedun «Lukoil»dagi taxminan 10 foiz ulushini sotgan. Hisob-kitoblariga ko‘ra, ushbu paketning bozor qiymati $7 milliard atrofida bo‘lgan, biroq Fedun aynan qancha mablag‘ olgani noma’lum.

Rossiyaning Ukrainaga bosqini ortidan g‘arb sanksiyalari bosimi ostida qolgan «Lukoil» so‘nggi paytlarda xorijiy aktivlarini sotishga va faoliyatini qisqartirishga majbur bo‘lmoqda. Tahlilchilar kompaniya kelajakda davlat nazoratidagi «Rosneft» tomonidan sotib olinishi mumkinligini taxmin qilishmoqda.

Fedun 2022-yil iyun oyida vitse-prezident lavozimini tark etgan va o‘sha yilning avgustida...

Prezident qarori bilan Adliya vaziriga yangi o‘rinbosarlar tayinlandi. Bu haqda vazirlik rasmiy sahifasida ma’lum qilindi.

Unga ko‘ra, Maxmud Shuxratovich Istamov Adliya vazirining birinchi o‘rinbosari bo‘ldi.

U 1979-yilda Buxoroda tug‘ilgan, huquqshunos, 1-darajali adliya maslahatchisi. 2000-yilda Toshkent davlat yuridik institutini tamomlagan. Mehnat faoliyatini shu yili Adliya vazirligi tarkibidagi davlat ro‘yxatidan o‘tkazish boshqarmasida katta maslahatchi sifatida boshlagan.

Keyingi yillarda bosh maslahatchi, bo‘lim boshlig‘i va boshqarma o‘rinbosari lavozimlarida ishlagan. Shuningdek, u Huquqiy axborot bilan ta’minlash markazi rahbari, Normativ-huquqiy hujjatlarning amalga oshirilishini monitoring qilish markazi bo‘lim boshlig‘i sifatida ham faoliyat yuritgan.

Tayinlovga qadar (2025-yildan) Adliya vazirining o‘rinbosari lavozimida faoliyat koʻrsatgan.

Shu bilan birga, Mirjalol...

O‘zbekiston Tashqi ishlar vaziri Baxtiyor Saidov Somalining O‘zbekistondagi birinchi elchisi Fatxudin Ali Mohamed janoblarining ishonch yorliqlarini qabul qildi. Bu haqda vazir o‘z Telegram kanalida ma’lum qildi.

«Mamlakatlarimiz o‘rtasidagi ko‘plab istiqbolli yo‘nalishlarda o‘zaro manfaatli hamkorlikni yanada mustahkamlashga sodiqligimizni bildirdik», – deya qayd etgan Baxtiyor Saidov.

Vazir elchining muhim diplomatik missiyasida ulkan muvaffaqiyatlar tiladi hamda samarali va natijaga yo‘naltirilgan hamkorlikni birga rivojlantirishga ishonch bildirdi.

Avvalroq Saidov Serbiyaning yangi tayinlangan elchisini qabul qilgani xabar berilgandi. Unga ko‘ra, O‘zbekiston Tashqi ishlar vaziri Serbiyaning O‘zbekistondagi yangi tayinlangan Favqulodda va muxtor elchisi Momchilo Babichdan ishonch yorliqlarini qabul qildi. 

Geely Galaxy V900 miniveni 42 kishini sig‘dirib, Ginnes rekordini yangiladi. Bu haqda CarNewsChina xabar bermoqda.

Geely ma’lumotiga ko‘ra, Galaxy V900 salonining umumiy maydoni 8,41 kvadrat metr. Ichki makondan foydalanish koeffitsienti esa 91,8 foiz. Aynan shu o‘lchamlar rekordni amalga oshirishga imkon bergan.

Galaxy V900 LEVC L380 elektr MPV modelining EREV versiyasidir. U 10-sentabr kuni Xitoyda sotuv uchun ruxsat olgan. 21-noyabr kuni Guangjou avtosalonida taqdim etildi. Shundan so‘ng kompaniya 27-oktabr kuni o‘rnatilgan rekord bo‘yicha rasmiy ma’lumotni e’lon qildi.

Rekord davomida miniven ichiga bo‘yi o‘rtacha 170 sm bo‘lgan 42 nafar raqqosa joylashtirilgan. Qatorlar orasidagi masofa bir metrdan oshgani tajribani osonlashtirgan. Shunga qaramay...

Centrum Air 2026-yil bahor–yoz mavsumidan boshlab ilk Yevropa yo‘nalishlarini ishga tushiradi. Bu haqda kompaniya Kursiv’ga ma’lum qildi.

Unga ko‘ra, kelasi yil 30-martdan boshlab Toshkent – Frankfurt – Toshkent, 31-martdan esa Toshkent – Kopengagen – Toshkent yo‘nalishlari bo‘yicha muntazam to‘g‘ridan to‘g‘ri parvozlar amalga oshiriladi. Har ikkala yo‘nalish haftasiga ikki marta Airbus A321neo laynerlarida bajariladi.

Kopengagenga reyslar seshanba va payshanba kunlari uchadi, parvoz 7 soat 30 daqiqa davom etadi. Chiptalar bir tomonga bagaj bilan 3 mln so‘mdan boshlanadi. Frankfurt yo‘nalishida esa parvozlar dushanba va juma kunlari amalga oshiriladi, davomiyligi 8 soat 15 daqiqa bo‘lib, eng arzon chipta narxi 3,7 mln...

Fransiya sudi sobiq prezident Nikolya Sarkoziga bir yillik qamoq jazosi tayinladi, shundan olti oyi shartli, qolgan olti oyi esa elektron bilaguzuk taqish bilan almashtirilishi mumkin. Bu haqda DW xabar bermoqda.

Sud jarayoni markazida 2012-yilgi saylov kampaniyasi xarajatlari turibdi. Sarkozi o‘shanda qonunda belgilangan 22,5 mln yevrolik limitni deyarli ikki baravar oshirib yuborgan. Bygmalion kompaniyasi sobiq prezident partiyasiga soxta hisob-fakturalar taqdim etish orqali ushbu oshiqcha xarajatlarni yashirgan. Sarkozi kampaniyani noqonuniy moliyalashtirishda aybdor deb topildi.

Sarkozi 2024-yil dekabrida sudyani pora evaziga og‘dirib olishga uringani uchun bir yillik qamoq jazosiga (elektron bilaguzuk bilan) hukm qilingan edi. 2025-yil sentabr oyida esa Liviya mablag‘larini noqonuniy...

O‘zbekistonda ko‘chmas mulk va avtotransport vositalarini ijaraga beruvchilar uchun ijara to‘lovining eng kam miqdorlari 2026-yil 1-yanvardan boshlab 7 foizga oshirilishi rejalashtirilmoqda. Bu taklif Iqtisodiyot va moliya vazirligining 2026-yilgi budjet loyihasida belgilangan.

Unga ko‘ra, jismoniy va yuridik shaxslar mol-mulkni ijaraga berganda soliq solish uchun qo‘llaniladigan minimal stavkalar indeksatsiya qilinadi. Shuningdek, bu stavkalar ko‘chmas mulkdan tekin foydalanish shartnomalariga ham tatbiq etiladi. Faqat yaqin qarindoshlar o‘rtasidagi shartnomalar bundan mustasno bo‘ladi.

Taklif etilayotgan stavkalarda, turar joy, noturar joy va transport vositalarining eng kam ijara narxlari qayta ko‘rib chiqildi. Masalan, Toshkentda turar joyning 1 kvadrat metri uchun minimal oylik ijara to‘lovi 30 ming so‘m...

O‘zbekistonda aliment to‘lovchi fuqarolar endi maxsus sug‘urta polisi orqali uch oygacha muddatga chet davlatlarga borib kelishi mumkin bo‘ladi. Bu tartib amaldagi nizomga kiritilgan qo‘shimchalar asosida joriy etildi.

Unga ko‘ra, aliment to‘lash majburiyati bo‘lgan shaxs sug‘urta polisini ilova qilgan holda davlat ijrochisiga murojaat qilsa, uning O‘zbekistondan chiqishi bo‘yicha vaqtinchalik cheklov to‘xtatib turiladi. Mazkur sug‘urta tegishli litsenziyaga ega bo‘lgan sug‘urtalovchilar tomonidan rasmiylashtiriladi.

Bundan tashqari, davlat ijrochisi sug‘urta polisining mavjudligini Majburiy ijro byurosi orqali avtomatik tarzda tekshiradi. Sug‘urta aliment to‘lovchi shaxsning chet davlatdan qaytmagan taqdirda yuzaga keladigan majburiyatlari bo‘yicha javobgarligini qoplashga qaratilgan.

Sug‘urtaning aniq shartlari sug‘urta kompaniyalari va Majburiy ijro byurosi o‘rtasidagi...