Yangiliklar

Nomzodlar turnirining 11-turida o‘zbekistonlik Javohir Sindarov amerikalik Fabiano Karuana bilan muhim bahsda durang qayd etdi. Natijada u 8,5 ochko bilan musobaqadagi peshqadamligini saqlab qoldi.

Partiya davomida Fabiano Karuana g‘alaba qozonish maqsadida to‘liq hujumkor o‘yin namoyish etdi. Bunga javoban Javohir Sindarov himoyada ishonchli harakat qilib, qarshi hujumlar orqali raqibini durangga rozi bo‘lishga majbur qildi.

Turnir jadvalidagi asosiy ta’qibchi hisoblangan niderlandiyalik Anish Giri ham ushbu turda o‘z partiyasini durang bilan yakunladi. Shunday qilib, 11 ta turdan keyin Sindarov eng yaqin ta’qibchisidan 2 ochkolik farq bilan oldinda bormoqda.

Musobaqa tugashiga yana 3 ta tur qoldi. Nazariy hisob-kitoblarga ko‘ra, Sindarov qolgan 3 ta...

O‘zbekistonga tashrif buyurgan Toqayev, pedagogik etika me’yorlarini eslatgan vazir — 11-aprel kuni e’lon qilingan yangiliklar Kursiv Uzbekistan dayjestida.

Qosim-Jomart Toqayev Buxoroda qanday kutib olindi — foto

Shavkat Mirziyoyevning taklifiga binoan Qozog‘iston Respublikasi prezidenti Qosim-Jomart Toqayev amaliy tashrif bilan Buxoroga keldi. Bu haqda prezident matbuot xizmati xabar bermoqda.

Oliy martabali mehmon Buxoro xalqaro aeroportida Mirziyoyev tomonidan tantanali kutib olindi. Aeroportda milliy kuy-qo‘shiqlar va raqslar ijro etildi. Ikki davlat bayroqlari ko‘tarildi, faxriy qorovul saf tortdi. Harbiy orkestr tomonidan davlat madhiyalari yangradi.

O‘qituvchilar pedagogik etika me’yorlariga qat’iy amal qilish zarur — maktabgacha va maktab ta’limi vaziri

Maktabgacha va maktab ta’limi vaziri E’zoza Karimova ta’lim...

Shavkat Mirziyoyev va Qosim-Jomart Toqayev Buxoroda ishlab chiqarish va tarixiy obidalar bilan tanishdi. Bu haqda prezident matbuot xizmati xabar bermoqda.

Davlat rahbarlari Buxoro shahridagi «Nigora» kompaniyasiga tashrif buyurdi. Bu yerda tayyor mahsulot ishlab chiqarishning to‘liq zanjiri yo‘lga qo‘yilgan. Loyiha qiymati $35 mln bo‘lib, u 2024-yilning avgustida ishga tushirilgan. Korxonada 840 nafar xodim ishlaydi. Ularning aksariyati ayollardan iborat.

Korxonada Yaponiya, Italiya, Belgiya va Germaniyadan keltirilgan zamonaviy uskunalar o‘rnatilgan. Bu uskunalar yiliga 20 mln pogon metr mato va 1 mln dona tayyor mahsulot ishlab chiqarish imkonini beradi. Mahsulotlar «Shoyigul» brendi ostida Yevropa davlatlariga eksport qilinmoqda.

Prezidentlarga ishlab chiqarilayotgan mato va kiyim-kechak...

Angliya Premyer-ligasining 32-turida Londonning «Arsenal» jamoasi o‘z maydonida «Bornmut»ni qabul qilib, 1:2 hisobida mag‘lubiyatga uchradi.

Uchrashuvning 17-daqiqasida mehmonlar vakili Eli Krupi hisobni ochgan bo‘lsa, 35-daqiqada «Arsenal» hujumchisi Viktor Gyokeresh penaltidan foydalanib muvozanatni tikladi. Ikkinchi bo‘limning 74-daqiqasida Aleks Skott Evanilsonning uzatmasini golga aylantirib, «Bornmut»ga g‘alaba keltirdi. Qolgan vaqtda maydon egalari qancha bosim qilsa-da, hisobni o‘zgartira olmadi.

Hozirgi holatga ko‘ra, «Arsenal» 32 ta o‘yindan so‘ng 70 ochko jamg‘argan holda jadvalda yetakchilik qilmoqda. Ularning asosiy ta’qibchisi «Manchester Siti» hisobida 30 ta o‘yindan keyin 61 ochko mavjud bo‘lib, jamoada ikkita zaxira uchrashuvi bor.

Agar «Manchester Siti» o‘zining qolgan ikkita zaxira o‘yinida g‘alaba qozonsa...

Shavkat Mirziyoyev va Qosim-Jomart Toqayev Buxoro shahrida «National AI Hackathon» xakatonida ishtirok etdi. Bu haqda prezident matbuot xizmati xabar bermoqda.

Mazkur xakaton sun’iy intellekt (SI) ekotizimini rivojlantirishga qaratilgan siyosat doirasida tashkil etilgan. Tadbir mamlakatda raqamlashtirish jarayonlarini jadallashtirishga xizmat qilmoqda.

Yetakchilarga sun’iy intellekt va raqamli texnologiyalarni joriy etish bo‘yicha amalga oshirilayotgan ishlar taqdim qilindi. Xususan, «Raqamli hukumat» tizimi hamda transport, bojxona, soliq, sog‘liqni saqlash va boshqa sohalardagi yechimlar haqida ma’lumot berildi.

Ta’kidlanishicha, mazkur yo‘nalishdagi ishlar davlat boshqaruvi samaradorligini oshirish va aholining hayot sifatini yaxshilashga xizmat qilmoqda. Tadbir doirasida O‘zbekiston va Qozog‘iston startaplarini qo‘llab-quvvatlash tizimi ham taqdim etildi. Prezidentlar «KPI-COM», «OSON...

Turkiya Superligasining 29-turi doirasida «Istanbul Bashakshehir» o‘z maydonida «Genchlerbirligi» klubini qabul qilib, yakunda 3:0 hisobida yirik g‘alabaga erishdi. O‘zbekiston milliy terma jamoasi hujumchisi Eldor Shomurodov uchrashuvda ikkita gol kiritib, dubl qayd etdi.

1-bo‘limning 10-daqiqasida Eldor Shomurodov sherigi Bertug Yildirimning uzatmasidan so‘ng darvozani ishg‘ol qilib, hisobni ochdi. 40-daqiqada Yusuf Sarining qanotdan uzatgan pasini golga aylantirgan o‘zbekistonlik hujumchi dublni rasmiylashtirdi.

Ikkinchi goldan ko‘p o‘tmay, 42-daqiqada Bertug Yildirim yana o‘sha Yusuf Sarining uzatmasidan so‘ng uchinchi bor mehmonlar darvozasini ishg‘ol qildi. Mazkur natija o‘yin oxirigacha o‘zgarmay qoldi.

Avvalroq Kursiv Uzbekistan Eldor Shomurodovning transfer narxi ikki million yevroga oshgani haqida xabar bergan edi.

Shavkat Mirziyoyev va Qosim-Jomart Toqayev Buxoro viloyati hokimligining zamonaviy situatsion markaziga tashrif buyurdi. Bu haqda prezident matbuot xizmati xabar bermoqda.

Mazkur markaz hududiy boshqaruvning yangi modeli asosida tashkil etilgan. Unda turli idoralar faoliyati yagona platformada jamlangan. Bu qaror qabul qilishni tezlashtirish va muammolarni samarali hal etishga xizmat qiladi.

Situatsion markaz viloyat boshqaruvining intellektual markazi hisoblanadi. Bu yerda ijtimoiy-iqtisodiy rivojlanish, investitsiya loyihalari, transport va kommunal tizimlar, jamoat xavfsizligi hamda fuqarolar murojaatlari bo‘yicha ma’lumotlar real vaqt rejimida tahlil qilinadi.

Mehmonga markazning hududlar kesimida vaziyatni monitoring qilish, muammolarni erta aniqlash va ish samaradorligini baholash imkoniyatlari namoyish etildi. Shuningdek, topshiriqlar ijrosi ustidan nazorat...

Eronda sobiq oliy rahbar Oyatulloh Xomanaiy vafoti munosabati bilan e’lon qilingan 40 kunlik umumxalq motami yakunlandi. Bu haqda IRIB xabar berdi.

Motam tugashi bilan Mashhad shahridagi Imom Rizo maqbarasi ustiga yashil bayroq o‘rnatildi. Motam davomida ushbu maskan ustida qora bayroq hilpirab turgan edi.

IRIB ma’lumotiga ko‘ra, bayroq almashtirilishi 40 kunlik motam yakunlanganini bildiradi. Mazkur marosim diniy an’analarda muhim ramziy ahamiyatga ega. Ali Xomanaiy AQSh va Isroil hujumi oqibatida halok bo‘lgan edi.

Shuningdek, Mojtaba Xomanaiy AQSh va Isroil bilan bo‘lgan urushda Tehron g‘alabaga erishganini ta’kidlagan edi. Mojtaba Xomanaiyning ushbu bayonoti uning otasi Oyatulloh Ali Xomanaiy AQSh va Isroil hujumi...

Namangan viloyatida noqonuniy diniy ta’lim berish bilan bog‘liq bir nechta holat aniqlandi. Bu haqda Davlat xavfsizlik xizmati (DXX) xabar bermoqda.

Kosonsoy tumanining Qorasuv mahallasida 1982-yilda tug‘ilgan fuqaro diniy ma’lumotga ega bo‘lmasa-da, maktab o‘quvchisi bilan birga Telegram’da yashirin guruh tashkil etgan. Aniqlanishicha, ushbu guruh orqali 27 nafar ayol va qizlarga haftasiga uch kun 100 – 200 ming so‘m evaziga noqonuniy diniy saboq berilgan.

Shuningdek, shu tumanning Istiqlol mahallasida yashovchi 1994-yilda tug‘ilgan fuqaro o‘z uyida yashirin hujra tashkil etib, to‘rt nafar voyaga yetmagan va bir nafar voyaga yetgan shaxsga diniy ta’lim bergani ma’lum bo‘ldi.

Yana bir holat Chust tumanida qayd etildi...

O‘zbekiston va Qozog‘iston Respublikalarining savdo hajmi 10 mlrd dollarga yetkaziladi. Bu haqda Shavkat Mirziyoyev va Qosim-Jomart Toqayev uchrashuvida qayd etildi.

Muzokaralarda ikki davlat o‘rtasidagi do‘stlik, strategik sheriklik va ittifoqchilik munosabatlarini yanada rivojlantirish masalalari muhokama qilindi. Uchrashuv boshida Mirziyoyev Qozog‘iston prezidentini yangi Konstitutsiya bo‘yicha referendum muvaffaqiyatli o‘tgani bilan tabrikladi.

Tomonlar hududlarda muntazam o‘tkazilayotgan norasmiy uchrashuvlar samarali muloqotga xizmat qilayotganini ta’kidladi. O‘tgan yil noyabr oyida erishilgan kelishuvlar amaliy natija berayotgani qayd etildi. Ikki davlat o‘rtasidagi iqtisodiy hamkorlik izchil kengaymoqda. Tovar ayirboshlash hajmi $5 mlrdga yetdi. Avtomobilsozlik, logistika, infratuzilma va qurilish sohalarida qo‘shma loyihalar amalga oshirilmoqda.

Muzokaralarda kimyo, energetika, geologiya va sanoat...

Andijon viloyatida qariyb 1 kg gashishning noqonuniy savdosiga chek qo‘yildi. Bu haqda «O‘zbekiston24» telekanalida ma’lum qilindi.

Paxtaobod tumanida o‘tkazilgan operatsiya davomida oldindan shubha ostiga olingan Spark avtomobili to‘xtatilib, transport vositasi xolislar ishtirokida tekshirilgan. Tekshiruv jarayonida avtomobilda yo‘lovchi bo‘lib ketayotgan 1995-yilda tug‘ilgan fuqaroning yonida polietilen paket borligi aniqlangan.

O‘ramlar ochib ko‘rilganda, ularning ichida jigarrang rangli va o‘tkir hidli modda borligi ma’lum bo‘ldi. Ekspertiza xulosasiga ko‘ra, ushbu modda gashish ekani tasdiqlangan. Uning umumiy og‘irligi 964 grammni tashkil etadi.

Mazkur holat yuzasidan bojxona organlari tomonidan jinoyat ishi qo‘zg‘atildi. Qayd etilishicha, joriy yil boshidan buyon Andijon viloyatida 29 ta holatda qariyb 38 kg...

Shavkat Mirziyoyev va Qosim-Jomart Toqayev Buxoroda Bahouddin Naqshband majmuasini ziyorat qildi. Bu haqda prezident matbuot xizmati xabar bermoqda.

Buxorodan 12 km uzoqlikda joylashgan ushbu majmua mintaqadagi eng muhim ziyoratgohlardan biri hisoblanadi. Bu yerda XIV asrning yirik allomasi, naqshbandiya tariqatining asoschisi Bahouddin Naqshband dafn etilgan.

Qayd etilishicha, o‘zbek va qozoq xalqlarining diniy hamda ma’naviy qadriyatlari mushtarak. Yurtimizda yashagan avliyo va allomalar Qozog‘istonda ham chuqur e’zozlanadi. Majmua asrlar davomida shakllangan. Bugungi kunda uning tarkibiga maqbara, xonaqoh, ikkita masjid, tarixiy daxma va so‘fiylik tarixiga bag‘ishlangan muzey kiradi.

So‘nggi yillarda majmua keng ko‘lamda obod qilindi. Tarixiy yo‘laklar qayta tiklandi, hudud obodonlashtirildi, yangi infratuzilma...

Shavkat Mirziyoyevning taklifiga binoan Qozog‘iston Respublikasi prezidenti Qosim-Jomart Toqayev amaliy tashrif bilan Buxoroga keldi. Bu haqda prezident matbuot xizmati xabar bermoqda.

Oliy martabali mehmon Buxoro xalqaro aeroportida Mirziyoyev tomonidan tantanali kutib olindi. Aeroportda milliy kuy-qo‘shiqlar va raqslar ijro etildi. Ikki davlat bayroqlari ko‘tarildi, faxriy qorovul saf tortdi. Harbiy orkestr tomonidan davlat madhiyalari yangradi.

Tashrif doirasida ikki mamlakat yetakchilari o‘rtasida ikki tomonlama muzokaralar o‘tkazilishi rejalashtirilgan. Unda O‘zbekiston va Qozog‘iston o‘rtasidagi hamkorlikni yanada kengaytirish masalalari muhokama qilinadi.

Shuningdek, Qosim-Jomart Toqayev Buxoroning tarixiy obidalari bilan tanishadi. Sanoat korxonalariga tashrif buyurishi va boshqa tadbirlarda ishtirok etishi ham ko‘zda tutilgan.

Eslatib o‘tamiz, Kursiv Uzbekistan...

Maktabgacha va maktab ta’limi vaziri E’zoza Karimova ta’lim muassasalari xodimlariga murojaat bilan chiqdi. Unda pedagoglarning mas’uliyati va bolalarga munosabat masalasi alohida ta’kidlangan.

Qayd etilishicha, bugungi kunda har bir pedagog zimmasiga katta vazifa yuklatilgan. Ularning kasbiy faoliyati nafaqat bilim berish, balki bolalarning shaxs sifatida shakllanishiga ham bevosita ta’sir ko‘rsatadi. Bolalarning o‘ziga ishonchi va hayotga qarashi ham aynan ta’lim jarayonida shakllanadi.

Vazir har bir bola jamiyatning muhim bo‘lagi ekanini ta’kidladi. Ular kelajakni belgilovchi asosiy kuch sifatida qaraladi. Shu bois ta’lim tizimida bolalarning huquq va manfaatlarini hurmat qilish ustuvor vazifa bo‘lishi kerak.

Murojaatda pedagogik etika masalasiga ham alohida e’tibor qaratilgan. Har qanday...

Xitoylik yetakchi mutaxassis Ouyang Minggaoning prognoziga ko‘ra, 2040-yilga borib sof elektromobillar bozorda mutlaq ustunlikka ega bo‘ladi. Bu haqda CarNewsChina nashri xabar bermoqda.

Pekin shahrida o‘tkazilgan forumda so‘zga chiqqan ekspert hozirgi bosqichda plug-in gibrid va uzaytirilgan yurish zaxirasiga ega modellarning ahamiyati pasayib borayotganini ta’kidladi. Uning fikricha, sof elektr transport eng samarali texnologiya hisoblanadi.

Mutaxassis elektr transportning samaradorligi boshqa muqobil texnologiyalarga qaraganda ancha yuqori ekanini qayd etdi. Elektr dvigatellar vodorodli transportdan ikki barobar, sintetik yoqilg‘ili dvigatellardan esa to‘rt barobar samaraliroq ishlaydi.

Prognozlarga ko‘ra, 2030-yilga kelib yangi energiya manbalarida ishlovchi yengil avtomobillar ulushi 70 foizdan oshadi. 2035-yilda bu ko‘rsatkich 80 foizdan yuqori...

Qozog‘iston Ekibastuz shahrida «data markazlar vodiysi» barpo etishni rejalashtirmoqda. Loyiha doirasida mamlakat hukumati Microsoft, Google va Amazon kabi texnologik gigantlar bilan muzokaralar olib bormoqda.

Mazkur loyiha sun’iy intellekt va innovatsiyalarni rivojlantirish qo‘mitasi tomonidan ilgari surilgan. Hudud tanlanishi bejiz emas. Ekibastuz Qozog‘istonning asosiy energetika markazlaridan biri hisoblanadi. Bu yerda yirik issiqlik elektr stansiyalari joylashgan bo‘lib, elektr energiyasi ortiqcha ishlab chiqariladi. Prognozlarga ko‘ra, 2027 – 2028-yillarga borib mamlakatda 1 gigavattdan ortiq ortiqcha elektr quvvati paydo bo‘ladi.

Elektr energiyasi narxi ham nisbatan arzon. 1 kVt/soat uchun boshlang‘ich tarif 2,5 sent atrofida bo‘lib, bu ko‘plab Yevropa davlatlariga qaraganda past. Loyiha uchun hozircha...

Xitoyning eng yirik elektromobili SUVlaridan biri – Nio ES9 sotuvga chiqdi. Model boshlang‘ich narxi $61,4 mingdan taklif qilinmoqda.

Yangi avtomobil Nio brendining flagman modeli hisoblanadi. U 5,3 metr uzunlikka ega bo‘lib, hozircha Xitoydagi eng katta elektr SUV sifatida taqdim etilayotir.

Model 900V kuchlanishli tizim asosida ishlaydi. Ikki motorli to‘liq yuritma 520 kW, ya’ni 697 ot kuchigacha quvvat beradi. Avtomobil 0 dan 100 km/soatgacha atigi 4,3 soniyada tezlashadi. Nio ES9 102 kVt/soat sig‘imli batareya bilan jihozlangan. Maksimal yurish zaxirasi 620 kmni tashkil etadi. Model tez zaryadlash va batareyani almashtirish texnologiyasini qo‘llab-quvvatlaydi.

Ichki qism premium darajada ishlab chiqilgan. Salon Nappa charm...

NASA’ning «Artemida-2» missiyasini bajargan astronavtlar muvaffaqiyatli tarzda Yerga qaytdi. «Orion» kosmik kemasi 11-aprelga o‘tar kechasi Tinch okeaniga, Kaliforniya yaqinida qo‘ndi.

Parvoz yakuni NASA’ning YouTube sahifasida jonli efirda namoyish etildi. Translyatsiyani 3 mlndan ortiq tomoshabinlar kuzatdi. Mazkur missiya insoniyat tarixida yangi rekord bilan yakunlandi. Astronavtlar Yerdan 407 ming km uzoqlikkacha yetib bordi. Bu 1970-yildagi «Apollon-13» missiyasi rekordidan ham yuqori natija hisoblanadi.

Kosmik kema bortida NASA astronavtlari Rid Uaysmen, Viktor Glover va Kristina Kuk, shuningdek, Kanada kosmik agentligi vakili Jeremi Hansen bo‘lgan. Ular 1-aprel kuni AQSHning sharqiy sohilidan uchirilgan edi.

Missiya davomida ekipaj Oy atrofida parvoz qilib, bir necha kun kuzatuv...

Adliya vazirligining ma’lum qilishicha, 2024-yilda 2 ming nafar xonanda soliq deklaratsiyasi topshirgan va ularga jami 1,1 mlrd so‘m soliq hisoblangan. Bu bir ijrochiga o‘rtacha 544,5 ming so‘mdan to‘g‘ri keladi.

2025-yilda esa deklaratsiya topshirganlar soni 305 nafarga tushib ketgan. Ularga jami 154 mln so‘m soliq hisoblangan bo‘lib, o‘rtacha 505,6 ming so‘mni tashkil qilgan. Vazirlik jamoatchilik muhokamasiga qo‘yilgan konsert-tomosha faoliyati bilan shug‘ullanuvchi shaxslarni soliqqa tortish tizimini soddalashtirishga oid qaror loyihasi 16 ming marta ko‘rilganini qayd etgan.

Muhokamalar davomida 130 ta taklif va mulohaza kelib tushgan. Bu esa sohada mavjud muammolar jamoatchilik e’tiborida ekanini ko‘rsatadi. Loyihaga ko‘ra, 2026-yil 1-sentabrdan boshlab ijrochilar va...

Shavkat Mirziyoyev Buxoroga tashrifi davomida shaharda barpo etiladigan yangi xalqaro aeroport loyihasi bilan tanishdi. Prezident matbuot xizmati xabariga ko‘ra, aeroport va unga tutash infratuzilmani qurish uchun shahar tashqarisidan 370 gektar yer maydoni ajratilgan.

Loyiha doirasida aeroportga olib boruvchi avtomobil yo‘li ham barpo etilmoqda. Uning umumiy uzunligi 23,8 kilometrni tashkil etadi. Shundan 2,7 kilometri mutlaqo yangi yo‘l bo‘ladi, 21,1 kilometri esa rekonstruksiya qilinadi. Shuningdek, yo‘l bo‘ylab 2 ta yo‘l o‘tkazgich, 9 ta yerosti piyodalar o‘tish joyi va 8 ta ko‘prik qurilishi rejalashtirilgan. Bu esa yo‘lovchilar uchun xavfsiz va qulay harakatni ta’minlaydi.

Yangi aeroport zamonaviy talablarga to‘liq javob berishi ko‘zda tutilgan...

Tijorat banklari tomonidan 11-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

La Liga’ning 31-turida «Real Madrid» «Jirona» bilan 1:1 hisobida durang o‘ynadi. Madridliklar ikkinchi bo‘limda oldinga chiqib olgan bo‘lsa-da, ustunlikni saqlab qola olmadi.

Uchrashuvning birinchi bo‘limi nisbatan sust o‘tdi. «Real» to‘p nazoratini qo‘lga oldi, biroq keskin vaziyatlar kam bo‘ldi. Kilian Mbappe va Vinisius Junior zarbalari darvozabon uchun jiddiy xavf tug‘dirmadi. «Jirona» esa himoyada tartibli o‘ynab, mezbonlarga ochiq imkoniyat bermadi. Natijada tanaffusga tomonlar golsiz yo‘l oldi.

Ikkinchi bo‘limda o‘yin jonlandi. «Real» bosimni oshirdi va bu tez orada natija berdi. Federiko Valverde uzoq masofadan aniq zarba berib, hisobni ochdi. Shundan keyin madridliklar ustunlikni mustahkamlashga harakat qildi, Mbappe va Valverde yana bir nechta imkoniyatga...

AQSh va Eron o‘rtasida sulh tuzilganidan beri atigi 19 ta kema Hormuz bo‘g‘ozidan o‘tgani ma’lum qilindi. Bu haqda BBC xabar bermoqda.

Mojaro boshlanishidan oldin esa mazkur ko‘rsatkich kuniga o‘rtacha 138 tani tashkil etardi. Bu yuk tashish hajmining keskin kamayganini anglatadi.

Bo‘g‘oz orqali o‘tgan kemalarning faqat 4 tasi neft, gaz yoki kimyoviy mahsulot tashigan tankerlar bo‘lgan. Qolganlari esa konteyner va boshqa yuk tashuvchi kemalardan iborat.

Iqtisodiy tahlilchilar vaziyatni juda xavfli deb baholamoqda. Kema egalari hali ham hududdan o‘tish xavfsizligiga ishonch hosil qila olmayapti. Shu sababli ko‘plab kompaniyalar qatnovni vaqtincha to‘xtatgan. Tahlillarga ko‘ra, hozirda 800 ga yaqin kemalar bo‘g‘oz atrofida qolib...

Xitoyda Zeekr kompaniyasi tomonidan Zeekr 007 sedani va 7 GT universalining yangilangan versiyasi taqdim etildi. Bu haqda CarNewsChina nashri xabar bermoqda.

Yangilangan avtomobillar 203 900 yuan, ya’ni taxminan $28,1 mingdan sotuvga chiqdi. Cheklangan muddatda esa narx 193 900 yuangacha tushirildi. Bu esa taxminan $26,7 mingni tashkil qiladi.

Asosiy yangiliklardan biri 900V elektr arxitekturasining joriy etilishi bo‘ldi. Shu tufayli avtomobil atigi 10 daqiqada 10 foizdan 80 foizgacha zaryad ola oladi. Bu segmentdagi eng tez ko‘rsatkichlardan biri hisoblanadi.

Model ikki xil batareya bilan taklif etiladi. Eng katta batareya bilan maksimal yurish zaxirasi 905 kmga yetadi. Bu esa uzoq masofalarda ham qulaylik...