Yangiliklar

Xalqaro doping tahlil agentligi (ITA) xabariga ko‘ra, o‘zbekistonlik taekvondochi Ulug‘bek Rashitov antidoping qoidalarini buzganlikda ayblanib, 2 yil muddatga musobaqalarda qatnashish huquqidan mahrum etildi.

Rashitov 12 oy ichida uch marta «joylashuv» majburiyatini bajarmagan. Bu holat WT antidoping qoidalarining 2.4-moddasiga zid hisoblanadi. Sportchi buzilgan qoidalarni tan olib, ITA tomonidan taklif etilgan jazoga rozilik bildirgan.

Shunga ko‘ra, Rashitov 2025-yil 13-maydan boshlab 2027-yil 12-mayga qadar musobaqalarda ishtirok eta olmaydi. Shu bilan birga, u 2025-yil 3-fevraldan boshlab to‘xtatish kuchga kirgan sanagacha bo‘lgan barcha shaxsiy natijalaridan mahrum qilinadi.

Mazkur qaror ustidan faqat apellyatsiya huquqiga ega tomonlar Sport arbitraj sudining apellyatsiya bo‘limiga shikoyat qilishlari mumkin. ITA...

Shahrisabz ko‘chasining uzunligi (3 km) bo‘ylab (Grand Mir mehmonxonasi yonidagi aylanma yo‘ldan Amir Temur shohko‘chasi bilan kesishmasigacha) rekonstruksiya ishlari boshlandi. Bu haqda shahar hokimligi matbuot xizmati xabar berdi.

Qurilish-ta’mirlash ishlari transport harakatini to‘xtatmagan holda olib borilmoqda. Bu tirbandliklar va noqulayliklarni kamaytirish maqsadida amalga oshirilmoqda.

Agar ishlar davomida yo‘l qismini vaqtincha yopish zarurati tug‘ilsa, bu haqda alohida ma’lumot berilishi ta’kidlangan.

Toshkent shahar hokimligi yuzaga kelishi mumkin bo‘lgan noqulayliklar uchun uzr so‘ragan.

Avvalroq ijtimoiy tarmoqlarda Shota Rustaveli ko‘chasi rekonstruksiyasiga $198 million dollar sarflanishi haqida xabarlarga hokimlik matbuot xizmati munosabat bildirgan edi.

Unga ko‘ra, $198 million – bu faqat Shota Rustaveli...

Samsung Galaxy S25 va Galaxy S24 uchun muhim yangilanish chiqardi. Bu haqda Sammobile nashri xabar bermoqda.

Bu iyul xavfsizlik yangilanishi bo‘lib, One UI 8 Interfeysi tizimi emas. U yangi funksiyalarni qo‘shmaydi. Biroq, smartfonlarni yanada xavfsiz qiladi. One UI tizimidagi 10 ta, jumladan, bitta jiddiy zaiflik tuzatildi. Shuningdek, Android tizimida Google tomonidan aniqlangan muhim zaifliklar ham yopildi.

Hozircha bu yangilanish faqat Janubiy Koreyada taqdim etildi. Galaxy S25 liniyasi uchun yangilanish raqami AYF6, Galaxy S24 modellari uchun esa BYF1.

Eslatib o‘tamiz, Kursiv Uzbekistan nashri Samsung Galaxy S26 Ultra haqida ilk ma’lumotlar e’lon qilingani haqida yozgan edi.

Chilonzordagi sanoat hududida 100 ta yangi loyiha ishga tushadi. Natijada uch mingta qo‘shimcha ish o‘rni yaratiladi. Bu haqda prezident matbuot xizmati xabar berdi.

Prezident Shavkat Mirziyoyev Toshkent shahri Chilonzor tumanidagi sanoat hududida amalga oshirilayotgan loyihalar bilan tanishdi.

Beshqo‘rg‘on va Tirsakobod mahallalarida joylashgan ushbu kichik sanoat zonasi 320 gektar maydonni egallaydi.

Transport va yo‘l infratuzilmasi yaxshilangan ushbu hududda hozirda 531 ta korxona faoliyat yuritmoqda, 20 mingga yaqin ish o‘rni yaratilgan. Yillik ishlab chiqarish hajmi 6,8 trln so‘mni tashkil etadi. Joriy yilda 50 ta korxona $180 mlnlik mahsulotni eksport qilishi rejalashtirilgan.

Bundan tashqari, davlat rahbari Tarleplast korxonasidagi ishlab chiqarish...

Huawei va SAIC hamkorligida tashkil etilgan HIMA ittifoqining yangi Shangjie brendi ilk avtomobilini taqdim etishga tayyorgarlik ko‘rmoqda. Bu haqda CarNewsChina xabar bermoqda.

Kompaniya kuzda avtomobilni rasmiy ravishda namoyish etishni rejalashtirmoqda. Huawei rahbari Richard Yu Shangjie sahnaga chiqayotgani haqida yozdi. E’lon qilingan suratlarda avtomobil qalin kamuflyaj bilan yashirilgan. Uning old qismi yopiq dizaynda bo‘lib, chiroqlar butun kenglik bo‘ylab uzluksiz joylashgan.

Avtomobilning tom qismida LiDAR moslamasi o‘rnatilgan. Bu – aqlli haydov tizimining muhim qismi. Old va orqa qismlarda ushbu moviy nur joylashishi kutilmoqda.

Yon tomoni hali to‘liq ko‘rinmagan, lekin silliq chiziqlar ko‘zga tashlanadi. Ko‘pchilik yangi avtomobillarda uchraydigan yassi eshik tutqichlari o‘rniga...

Eng nufuzli musobaqalardan biri – FIDE Grand Swiss ilk bor O‘zbekistonda, boy shaxmat an’analariga ega Samarqandda o‘tkaziladi. Bu haqda «Dunyo» AA ma’lum qildi.

Ushbu turnir jahon toji uchun da’vogarlar safini aniqlashda muhim o‘rin tutadi. Unda g‘olib bo‘lgan ikki shaxmatchi 2026-yilgi jahon chempionligi turniriga yo‘llanmani qo‘lga kiritadi.

Turnir mukofot jamg‘armasi $625 mingga yetkazildi. Ayollar musobaqasi uchun esa $230 ming ajratilgan. Musobaqa shveysarcha tizimda 11 raunddan iborat bo‘lib, unda 172 nafar ishtirokchi qatnashishi kutilmoqda.

Kuchli ishtirokchilar safida Hindiston yulduzlari Arjun Erigaysi va Gukesh Dommaraju yetakchilik qilmoqda. Uchinchi o‘rinda esa O‘zbekiston faxri Nodirbek Abdusattorov qayd etilgan. Turnirda yana Anish Giri, Nepomnyashiy, Aronyan...

O‘zbekiston milliy terma jamoasi hujumchisi Eldor Shomurodov Turkiya Super ligasi vakili – Istanbul Başakşehir klubiga o‘tgan edi. Klub transfer munosabati bilan Eldorni maxsus videorolik bilan tantanali tarzda qarshiladi.

Ushbu ijodiy lavhada futbolchining avvalgi faoliyati, maydondagi mahorati va yangi jamoa ranglaridagi ilk lahzalari namoyish etilgan. Klub vakillari uni iliq kutib olib, «oramizga xush kelding» degan tilaklar bilan qarshi oldi.

Klub rasmiy bayonotiga ko‘ra, Shomurodov Italiya A Seriyasi vakili «Roma»dan 2025/2026-yilgi mavsum oxirigacha sotib olish huquqi bilan ijaraga olindi.

Ma’lumot uchun, Eldor Shomurodov bungacha «Rostov», «Genoa», «Roma» va «Cagliari» kabi klublarda to‘p surgan. U O‘zbekiston terma jamoasining asosiy hujumchilaridan biri bo‘lib...

2025/2026-o‘quv yili uchun ikkinchi va undan keyingi oliy ta’lim bo‘yicha hujjat topshirish jarayoni boshlandi. Bu haqda Oliy ta’lim, fan va innovatsiyalar vazirligi ma’lum qildi.

Talabgorlar 2025-yil 10-avgustga qadar vazirlikning Yagona ta’lim xizmatlari portali – my.edu.uz orqali onlayn tarzda ro‘yxatdan o‘tishlari mumkin.

Ro‘yxatdan o‘tish jarayonida nomzodlar o‘z pasport va JSHSHIR ma’lumotlarini kiritadilar, shuningdek, diplom hamda uning ilovasining elektron nusxasini yuklaydilar. Shundan so‘ng, ular o‘qish istagini bildirgan oliy ta’lim muassasasi va yo‘nalishni tanlashlari kerak bo‘ladi.

Ta’kidlash joizki, ikkinchi va undan keyingi oliy ta’lim faqat to‘lov-kontrakt asosida amalga oshiriladi. Qabul parametrlari esa oliy o‘quv yurtining ilmiy-pedagogik salohiyati hamda moddiy-texnik bazasi hisobga...

«Manchester Siti» klubi tomonidan klub himoyachilari haqida maqola e’lon qilindi. Unda hamyurtimiz, klub himoyachi Abduqodir Husanov haqida ham so‘z boradi.

Husanov olti oylik muddatda jami 10 marta maydonga tushib, bitta gol urishga muvaffaq bo‘ldi.

«U o‘yinni a’lo darajada tahlil qila oladi, xavfni erta ilg‘ab, unga tezkor javob bera olish qobiliyatiga ega. Shu bois Husanov vaqt o‘tgan sayin yanada kuchayib borishi va keyingi mavsumda asosiy tarkibda ko‘p maydonga tushishi kutilmoqda», – deyiladi maqolada.

Shuningdek, Husanov bilan bir vaqtda sotib olingan Vitor Reis olti marta maydonga tushgani qayd etilgan.

Eslatib o‘tamiz, «Manchester Siti» va Husanov Puma’ning...

Chevrolet brendi yuz yildan ortiq tarixga ega bo‘lib, doimiy ravishda sifatli va qulay narxdagi avtomobillar ishlab chiqarishga e’tibor qaratib kelmoqda. Ushbu maqolada Chevrolet avtomobillarining dizayni qanday yaratilishi haqida so‘z yuritiladi.

Dizayn markazlari va mualliflari

Chevrolet avtomobillari dunyo bo‘ylab GM (General Motors) dizayn markazlarida ishlab chiqiladi. Masalan, GM Koreya (sobiq GM Daewoo) kichik va o‘rta sinf avtomobillar ustida ishlaydi. Chevrolet Cobalt modelini esa GM Braziliya dizaynerlari yaratgan. 1950–60-yillarda Clare MakKichan, Karl Renner va Charles Stebbins kabi mashhur dizaynerlar kompaniya uslubiga katta hissa qo‘shgan.

Clare MakKichan

Clare MakKichan – Chevrolet uchun ishlagan amerikalik avtomobil dizayneri. U...

Isroil bosh vaziri Benyamin Netanyaxu garovga olinganlarning oilalariga murojaat qilib, kelishuv bo‘yicha kim ozod qilinishini HAMAS tanlashini aytdi. Bu haqda The Times of Israeel ma’lum qildi. U 60 kunlik sulh davomida doimiy tinchlik bo‘yicha muzokaralar olib borilishini bildirdi.

Shuningdek, Isroil rahbari zarurat tug‘ilsa Eron tomon zarbalarni kuchaytirishi mumkinligi qayd etgan. BMT esa G‘azoga 130 kundan keyin ilk bor-yoqilg‘i kiritilganini ma’lum qildi.

BMT vakili Stefan Dyujarikning ma’lum qilishicha, kecha G‘azo sektoriga 75 ming litr yoqilg‘i olib kirildi. Bu 130 kundan beri ilk bor kiritilgan yoqilg‘idir. Ammo bu miqdor hatto bir kunlik ehtiyojni ham qoplay olmaydi. Unga ko‘ra, katta hajmdagi yoqilg‘i...

11-iyul kuni mamlakat bo‘ylab havo harorati kechasi 12-25°C, kunduzi esa 23-39°C oralig‘ida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Toshkent viloyatining Bo‘ka tumanida 4 gektar yer maydonini $420 mingga sotishni rejalashtirgan firibgarlar qo‘lga olindi. Bu haqda Bosh prokuratura departamenti ma’lum qildi.

Unga ko‘ra, mazkur shaxslar tanishlari orqali kottej qurish uchun hujjatlarni rasmiylashtirib berishni va’da qilib, fuqaroning ishonchiga kirgan shaxslar kelishilgan summadan $90 ming olayotgan vaqtida qo‘lga olindi.

Shu kabi holat Samarqand viloyatining Urgut tumanida ham qayd etildi. U yerda 1,5 gektar yer maydonini $80 mingga rasmiylashtirib berishni va’da qilgan shaxslar kelishilgan puldan $20 mingni firibgarlik yo‘li bilan olayotganida ushlangan.

Har ikki holat yuzasidan Jinoyat kodeksining tegishli moddalari – firibgarlik (168-modda) va pora berish (211-modda) bo‘yicha jinoyat ishi qo‘zg‘atilib...

O‘zbekistonda birinchi marta noyob va qimmatbaho metall – reniy xorijga sotila boshlandi. Uni Toshkent metallurgiya kombinati ishlab chiqarmoqda. Dastlabki partiya Estoniyaga, VLCor Baltic OU kompaniyasi bilan tuzilgan shartnoma asosida yuborildi.

Reniy – samolyotsozlik, kosmik texnika hamda yuqori haroratga chidamli mustahkam qotishmalar ishlab chiqarishda qo‘llaniladigan noyob metall hisoblanadi.

2025-yilning dastlabki olti oyi davomida Toshkent metallurgiya kombinati umumiy qiymati $21,3 mln bo‘lgan mahsulotni eksport qildi. Bu o‘tgan yilning shu davriga nisbatan ikki barobar ko‘pdir.

Eslatib o‘tamiz, avvalroq Kimyo sanoatida ishlab chiqarish hajmi 1,5 barobar o‘sgani haqida yozgan edik.

Qarachay-Cherkes Respublikasida Markaziy Osiyodan kelgan mehnat migrantlarini Rossiya jamiyatiga ijtimoiy va madaniy moslashtirishga qaratilgan yangi ta’lim loyihasi ishga tushirildi. Bu haqda Tass axborot agentligi ma’lum qildi.

Unga ko‘ra, loyiha doirasida Qozog‘iston, Qirg‘iziston, Tojikiston, Turkmaniston va O‘zbekistondan kelgan 1,5 mingga yaqin fuqarolarga huquqiy, madaniy va ijtimoiy me’yorlar o‘rgatiladi.

Mashg‘ulotlar 2025-yil noyabrdan boshlanadi va chet ellik fuqarolarni o‘qitish va testdan o‘tkazish markazida o‘tkaziladi. Kurslar doirasida mutaxassislar ma’ruzalari, videomateriallar namoyishi hamda har chorakda tadbirlar tashkil etilishi rejalashtirilgan.

Loyiha Federal millatlar ishlari agentligi ko‘magida amalga oshirilmoqda va mintaqadagi barqarorlik hamda millatlararo totuvlikni mustahkamlashga xizmat qiladi.

Eslatib o‘tamiz, avvalroq Rossiyada migrantlar uchun imtihon tartibi...

Nissan kompaniyasi Buyuk Britaniyadagi Sanderlend zavodida Qashqai krossoverining eng ilg‘or versiyasini ishlab chiqarishni boshladi. Bu haqda Amonline ma’lum qildi.

U yangilangan e-Power tizimi bilan jihozlangan bo‘lib, avtomobil g‘ildiraklarini faqat elektr motor harakatga keltiradi, benzin dvigateli esa faqatgina batareyani zaryadlash uchun xizmat qiladi.

Yangi tizim silliq tezlanish, kam shovqin va yoqilg‘i tejamkorligi bilan ajralib turadi. WLTP standarti bo‘yicha yoqilg‘i sarfi 4,5 l/100 km bo‘lib, bitta bak bilan 1200 km masofa bosish mumkin.

Bu model Nissan’ning elektromobillarga o‘tish bo‘yicha EV36Zero dasturining bir qismi bo‘lib, Sanderlend zavodini elektr transport vositalari markaziga aylantirishni ko‘zlaydi. Dastur doirasida yangi avlod Nissan Leaf va 2026-yilda to‘liq...

Dubay markazida, Burj Xalifa yaqinida sentabr oyida «Woohoo» nomli yangi restoran ochilishi rejalashtirilmoqda. Bu haqda Reuters axborot agentligi ma’lum qildi.

U o‘zini «Kelajakdagi ovqatlanish» deb ataydi. Bu yerda taomlar insonlar tomonidan tayyorlansa-da, menyu, muhit va xizmat sun’iy intellekt – «Chef Aiman» tomonidan yaratiladi.

«Chef Aiman» – oziq-ovqat ilmi va minglab retseptlar asosida o‘rgatilgan SI model bo‘lib, noodatiy ta’m kombinatsiyalarini taklif qiladi. Tajriba retseptlar inson oshpazlari tomonidan tatib ko‘riladi va mukammallashtiriladi. Loyiha Dubaylik taniqli oshpaz Reif Othman boshchiligida olib boriladi.

Tashkilotchilarning aytishicha, Aiman oshpazlarni almashtirmaydi, balki ularning ijodkorligini oshiradi. U chiqindiga ketadigan mahsulotlarni qayta ishlatish orqali barqarorlikni ham ta’minlashi mumkin...

2025-yilning birinchi choragida O‘zbekistonda mikroqarzlar ajratish hajmi 18,7 trillion so‘mdan oshdi. Markaziy bank ma’lumotlariga ko‘ra, bu ko‘rsatkich bir yil ichida 2,3 baravarga oshgan.

Shuningdek, mikrokreditlash bozori ham o‘sishni ko‘rsatib, 2,9 trillion so‘mdan 5,4 trillion so‘mga yetgan.

Joriy yilning 1-aprel holatiga ko‘ra, O‘zbekiston fuqarolari jami 34,9 trillion so‘mlik kredit rasmiylashtirgan bo‘lib, bu bir yil ichida 74 foizlik o‘sishni anglatadi.

Markaziy bank ma’lumotlariga ko‘ra, 3-iyul holatiga mikroqarzlar bo‘yicha o‘rtacha foiz stavkasi 34,9 foizni tashkil etgan.

Joriy yil bahorida regulyator jismoniy shaxslar uchun mikroqarzlarda maksimal ortiqcha to‘lov summasini cheklashini e’lon qildi. Endilikda limit 0,3 foiz o‘rniga 0,25 foiz etib belgilangan. Shu bilan...

O‘zbekistonning UTY Cargo milliy multimodal operatori Qirg‘izistonning janubiy viloyatlaridan ko‘mir eksport qilish uchun temir yo‘l vagonlarini taqdim etadi. Bu haqda 24kg nashri xabar berdi.

«Qirg‘iziston temir yo‘llari» kompaniyasida vagonlar tanqisligi yo‘qligi bildirildi va hozirda mavjud harakat tarkibi eksportyorlarning barcha ehtiyojlarini qoplashini ma’lum qilingan. UTY Cargo va «Qirg‘iziston temir yo‘llari»ning o‘z vagonlaridan tashqari, ko‘mir tashish jarayonida «O‘zbekiston temir yo‘llari» va «Rasmiy Jol» kompaniyasining harakat tarkibi ham ishtirok etmoqda.

«Qirg‘iziston temir yo‘llari» janubiy yo‘nalishda yuk aylanmasining sezilarli o‘sishini qayd etib, ko‘mir tashishga 40 foizlik chegirma amal qilishini eslatgan.

Avvalroq «Kursiv» Qirg‘iziston O‘zbekistondan o‘tgan yirik yer maydonlarini davlat mulki sifatida qabul qilgani haqida...

«O‘zagrosug‘urta»ning 99,35 foizlik aksiyalar paketi sotuvga qo‘yildi. Bu haqda Davlat aktivlarini boshqarish agentligi xabar berdi.

Ushbu aktivni xususiylashtirish jarayoniga mahalliy va xorijiy investorlar teng asosda taklif etilmoqda. Savdolarda ishtirok etish uchun arizalar shu yilning 22-avgustigacha Toshkent vaqti bilan soat 23:59 ga qadar qabul qilinadi.

Jarayon qanday kechadi

Xususiylashtirish ikki bosqichda amalga oshiriladi. Birinchi bosqichda investorlar o‘z qiziqishlarini bildirgan ariza bilan birga quyidagi hujjatlarni taqdim etishlari lozim:

Hujjatlar o‘zbek, rus yoki ingliz tillarida quyidagi elektron manzilga yuboriladi: jmamadjanov@deloitte.uz.

Yuborilgan arizalar moliyaviy barqarorlik, xalqaro sanksiyalar ro‘yxatida yo‘qlik...

Bunyodkor ko‘chasining bir qismi gastronomik turizm maskaniga aylantirildi. Bu haqda prezident matbuot xizmati xabar berdi.

Bunyodkor markaziy ko‘chasida san’at va madaniyat maskanlari, turli idoralar, ko‘p qavatli uylar, supermarket va restoranlar joylashgan. Shu salohiyatdan foydalangan holda uning 1,5 kilometr qismi xizmat ko‘rsatish va gastro­turizm ko‘chasiga aylantirildi.

Bundan tashqari, bu yerda 90 ta tadbirkorlik subyekti tunu kun ishlaydi. Shundan 45 tasi yangi tashkil etildi, 500 kishi ish bilan ta’minlandi.

Ko‘chaga yaqin Kamolon, Yangi Kamolon va Kamolon Darvoza mahallalarida 18 mingga yaqin aholi yashaydi. Hozir bu joyga yiliga 255 ming mehmon tashrif buyurmoqda, endi ularning sonini yiliga 1 millionga yetkazish imkoniyati yaratilgan.

O‘zbekiston va Kuvayt o‘rtasida Toshkent – Al-Kuvayt yo‘nalishida muntazam aviaqatnov ochilishi rejalashtirilmoqda. Mazkur tashabbus Kuvaytda o‘tkazilgan «O‘zbekiston – Kuvayt» xalqaro turizm forumi doirasidagi muzokaralar chog‘ida ilgari surildi.

Turizm qo‘mitasi raisi Umid Shadiyev forum davomida Kuvayt sayyohlik va turizm agentliklari uyushmasi raisi Muhammad Al-Mutayri hamda Axborot va madaniyat vaziri o‘rinbosari Nosir Muhaysen bilan uchrashuvlar o‘tkazdi.

Foto: Turizm qo‘mitasi

Tomonlar ikki mamlakat o‘rtasida sayyohlar oqimini ko‘paytirish, madaniy va qishki turizm dasturlarini ishlab chiqish, «Umra+» tashabbusini kengaytirish va yirik sayyohlik ko‘rgazmalarida hamkorlikda qatnashish bo‘yicha kelishuvga erishdi.

Uchrashuv yakunida 2025 – 2027-yillarga mo‘ljallangan ikki davlat o‘rtasidagi turizm sohasidagi chora-tadbirlar dasturiga muvofiq Harakat...

Xitoyda Jeep avtomobillarini yig‘ish bilan shug‘ullangan GAC Fiat Chrysler Automobiles kompaniyasi rasmiy ravishda bankrot deb e’lon qilindi. Bu haqda 32cars.ru nashri xabar berdi.

Ushbu qo‘shma korxona 2009-yilda Stellantis va GAC (Guangzhou Automobile Group) o‘rtasida tashkil etilgan bo‘lib, Jeep brendi avtomobillarini Xitoy ichki bozori uchun ishlab chiqarishga mo‘ljallangandi.

Ammo 2022-yilda hamkorlik tugatilganidan so‘ng Stellantis Jeep’ni faqat import asosida sotishni boshladi. Bu esa mahalliy ishlab chiqarishning tugashiga olib keldi.

Bankrotlikka sabab sifatida kompaniya boshqaruvchilari moliyaviy tiklanishning imkonsizligini va istiqbollarning yo‘qligini ko‘rsatishdi. Korxonaga nisbatan 600 ga yaqin da’vo arizasi kiritilgan bo‘lib, ularning umumiy summasi 1,4 milliard yuanga, ya’ni $192 millionga teng...

Shoirning she’ridan ruxsatsiz foydalangan xonanda Jaloliddin Axmadaliyev jarimaga tortildi. Bu haqda Adliya vazirligi matbuot xizmati xabar berdi.

Ma’lum bo‘lishicha, xonanda muallif Shohrux Abduvohidovga tegishli bo‘lgan «Yurak», «Meni deb oqardi sochlaring ona», «Ko‘zlaringni qizg‘anma mendan» va «Barchasini Xudoga soldim» she’rlarini ruxsatsiz, shartnoma tuzmasdan foydalangan.

Mazkur holat yuzasidan huquqbuzarga nisbatan bayonnoma rasmiylashtirilib, sudga yuborilgan. Farg‘ona viloyati jinoyat ishlari bo‘yicha Dang‘ara tumani sudining qaroriga ko‘ra, huquqbuzarga nisbatan jarima jazosi tayinlandi.

Qonunchilikka muvofiq, muallif huquqbuzardan zarar qoplanishi o‘rniga bazaviy hisoblash miqdorining 20 baravaridan 1000 baravarigacha miqdorda tovon to‘lashini talab qilish huquqiga ega. Bazaviy hisoblash miqdori hozirgi paytda 375 000 so‘m, joriy yil 1-avgustdan...