Yangiliklar

7–8-iyul kuni respublika bo‘ylab yangi ochilgan va bo‘sh o‘rin mavjud bo‘lgan ixtisoslashtirilgan maktablarga 6-sinf (aniq fanlar), 7 va 8-sinflar (aniq va tabiiy fanlar) uchun kirish imtihonlari bo‘lib o‘tadi. Bu haqda Ixtisoslashtirilgan ta’lim muassasalari agentligi xabar berdi.

Imtihonlar 3 smenada tashkil etilgan bo‘lib, birinchi smena soat 08:00 da, ikkinchisi 12:00 da va uchinchisi 17:00 da boshlanadi.

Talabgorlar imtihon boshlanishidan kamida 1,5 soat oldin, o‘zlari bilan tug‘ilganlik haqidagi guvohnomaning asl nusxasi hamda ruxsatnoma olib kelishlari shart. Imtihon savollarini bajarish uchun har bir talabgorga 105 daqiqa vaqt ajratiladi.

Imtihon manzili, qatnashuvchi smenasi, guruhi va o‘rni haqida ma’lumotlar 5-iyul kuni abituriyentlar tomonidan my.gov.uz...

Yaqinda Samsung Galaxy S26 Ultra flagmanida 200 megapikselli asosiy kamera bo‘lishi mumkinligi haqida xabarlar tarqaldi. GSMArena nashrining manbasiga ko‘ra, ushbu model kamerasiga oid yangi tafsilotlar oshkor etilgan.

Nashrning yozishicha, S26 Ultra modelida 50 MP periskop telefoto kamera bo‘ladi. U 5 karra optik zoom imkonini taqdim etadi. Bu aynan o‘tgan yili Galaxy S25 Ultra’da ishlatilgan kamera bilan bir xil.

S25 Ultra’dagi ikkinchi telefoto kamera esa 10 MP bo‘lib, 3x optik zoomga ega edi. Mish-mishlarga ko‘ra, S26 Ultra’dagi ikkinchi telefoto kamerada esa 200 MP sensor ishlatilishi mumkin. Ammo bu hali rasman tasdiqlanmagan.

Bundan tashqari, asosiy kamerada o‘zgaruvchan diafragma bo‘lishi haqida ham...

FIFA 2027-yilda o‘tkazilishi rejalashtirilgan 20 yoshgacha bo‘lgan futbolchilar o‘rtasidagi Jahon chempionatiga O‘zbekiston va Ozarbayjon futbol assotsiatsiyalari mezbonlik uchun FIFAga rasmiy ariza topshirdi.

Nomzodlik taklifida ta’kidlanishicha, ikki mamlakatda so‘nggi yillarda futbol sohasida islohotlar amalga oshirilib, xalqaro turnirlarni yuqori darajada o‘tkazish uchun zarur infratuzilma va tajriba shakllantirilgan. Jumladan, O‘zbekiston U-20 va U-23 Osiyo chempionatlari, shuningdek, Markaziy Osiyoda ilk bor o‘tkazilgan futzal bo‘yicha Jahon chempionatiga muvaffaqiyatli mezbonlik qilgan. Bu turnirlar FIFA prezidenti Janni Infantino tomonidan ham yuqori baholangan.

O‘zbekiston futbol jamoatchiligi ushbu tashabbusni mamlakatning futbolga bo‘lgan sadoqati, infratuzilmadagi o‘sish, professional yondashuv va muxlislarning g‘ayrati bilan bog‘lab, FIFA mezonlariga to‘liq javob berishini ta’kidlamoqda.

Yilning ikkinchi choragi yakunlariga ko‘ra, O‘zbekiston bo‘ylab davlat xizmatlari markazlari tomonidan ko‘rsatilgan xizmatlarning sifatiga berilgan o‘rtacha baholar asosida reytinglar tuzildi. Bu haqda Adliya vazirligi ma’lum qildi.

Quyida eng yuqori va eng quyi ko‘rsatkichlarga ega bo‘lgan hududlar hamda markazlar jadval ko‘rinishida keltirilgan:

Eng yuqori baholangan hududlar (Viloyatlar kesimida)

Eng yuqori baholangan markazlar (Tuman yoki shaharlar kesimida)

Eng quyi baholangan hududlar

Davlat xizmatlari agentligi bu ko‘rsatkichlar markazlar ishini takomillashtirish va xizmat sifatini oshirishda muhim rol o‘ynashini ta’kidlamoqda. Yil davomida muntazam baholash asosida natijalar tahlil qilinadi va zarur choralar belgilanadi.

Eslatib o‘tamiz, avvalroq korrupsiyaga qarshi kurashish va davlat xizmatlari...

Xitoyning elektromobil ishlab chiqaruvchi Nio kompaniyasi o‘zining ommaviy Onvo brendi ostida yangi Onvo L90 modelini taqdim etdi. Bu haqda Speedme nashri xabar berdi.

Bu model 2024-yilda debyut qilingan L60 avtomobilidan keyin ishlab chiqarildi. To‘liq o‘lchamli krossover hisoblangan L90 590 ot kuchiga ega bo‘lgan ikki motorli to‘liq g‘ildirakdan tortuvchi hamda 456 ot kuchiga ega bo‘lgan orqa g‘ildirakdan tortuvchi versiyalarda ishlab chiqariladi.

Uning 85 kilovatt-soatli akkumulyatori CLTC (China Light-Duty Vehicle Test Cycle) standartiga ko‘ra 605 kilometr masofani bosib o‘tish imkonini beradi.

Yangi avtomobilning uzunligi 5145 mm, kengligi 1998 mm, balandligi 1766 mm. Model Mercedes GLS’dan biroz ixchamroq, ammo kengroq va...

AQShning Yo‘l harakati xavfsizligini sug‘urtalash instituti (YHXSI) dunyoning eng xavfsiz avtomobillari ro‘yxatini yangiladi. Unda yetakchilikni Janubiy Koreyaning Hyundai va KIA kompaniyalari olgan.

YHXSI – dunyodagi eng obro‘li avtomobil xavfsizligini baholovchi institutlardan biri. 2025-yilda yangilangan sinovlar doirasida orqa qatordagi yo‘lovchilarning himoyasi, to‘qnashuvning oldini olish tizimlari va yon zarba paytidagi xavfsizlik talablari kuchaytirildi.

Ushbu yangi talablarga ko‘ra, Hyundai Ioniq 6, KIA Telluride va KIA EV9 modellari eng yuqori Top Safety Pick+ mukofotiga sazovor bo‘ldi. Bu modellarning barchasi yangi talablarni to‘liq bajara oldi va orqa qatordagi yo‘lovchilar, jumladan, bolalar o‘rindiqlari xavfsizligini samarali ta’minladi.

Shu bilan birga, Volvo’ning ayrim modellari orqa o‘rindiqdagi himoyani...

BYD kompaniyasi Xitoyda yangi BYD Seal 06 DM-i modelini rasman taqdim etdi. U 109 800 yuandan (taxminan $15 230) boshlanuvchi narxda sotuvga chiqdi. Bu haqda CarNewsChina nashri xabar bermoqda.

Seal 06 DM-i past profil va silliq chiziqlarga ega. U Marine Aesthetics uslubida ishlab chiqilgan. Old qismida ingichka LED chiroqlar va teskari trapeziya shaklidagi panjara, yashirin eshik tutqichlari va orqada uzluksiz chiroq bloki joylashgan. Avtomobil o‘lchamlari 4850×1890×1505 mm bo‘lib, g‘ildirak bazasi 2 790 mm ga teng.

Uning aerodinamik qarshilik koeffitsiyenti esa 0,284 Cd. Ichki qismda amaliy jihatlar alohida e’tiborga loyiq. Yukxona hajmi 670 litrni tashkil qiladi. Orqa o‘rindiqlar bukilganda esa...

Farg‘ona viloyati IIB Yo‘l harakati xavfsizligi boshqarmasi boshlig‘i podpolkovnik Akmal Axmedov egallab turgan lavozimidan ozod etildi. Bu haqda YHXX axborot xizmati xabar berdi.

Unga ko‘ra, oldinroq ijtimoiy tarmoqlarda davlat raqami 40 081 SBA bo‘lgan Malibu-2 avtomobili haydovchisi 100 dan ortiq qoidabuzarlik sodir etgani, ularning 106 tasi «oxirgi zarurat holatida qoidani buzgan» deb topilib, jarimalar bekor qilingani haqida xabarlar tarqalgan edi.

Aniqlanishicha, mazkur avtomobil Akmal Axmedovning turmush o‘rtog‘i nomida bo‘lgan. Rahbarni lavozimidan ozod etish qarori Ichki ishlar vaziri tomonidan qabul qilingan.

Hozirda holat yuzasidan tegishli surishtiruv ishlari olib borilmoqda.

Eslatib o‘tamiz, avvalroq Samarqandda inspeksiya bosh mutaxassisi pora bilan ushlangan...

Farg‘onada Ulsan Global Human Resources Training dasturi doirasida Janubiy Koreya kemasozlik sohasida ishlash uchun 97 nafar ishchi tayyorlandi. Bu haqda Yonhap agentligi xabar berdi.

Ular dastur doirasida uch oy texnik ko‘nikmalar va koreys tiliga o‘qitildi. Dastur yakunida bitiruvchilarga diplomlar topshirildi. Bitiruv marosimida Ulsan shahri meri Kim Du Gyom, Farg‘ona viloyati hokimi Hayrullo Bozarov va O‘zbekiston Tashqi mehnat migratsiyasi agentligi rahbari Behzod Musayev ishtirok etdi.

«Bu bir vaqtning o‘zida ikki maqsadga erishish imkonini beradi. Ulsanning kemasozlik sohasidagi kadrlar yetishmovchiligi muammosini hal qilish va global hamkorlikni kengaytirish», – deydi Kim Du Gyom.

Ulsan Global Human...

O‘tgan haftadagi so‘rovnomaga ko‘ra, Vivo X200 FE smartfoni foydalanuvchilarda katta qiziqish uyg‘otdi. Bu haqda GSMArena nashri xabar bermoqda.

Ushbu model eng yaxshi mini-flagmanlardan biri bo‘lishi mumkin. Telefonning kichik o‘lchami deyarli hech kimga noqulaylik tug‘dirmagan – faqat 5 foizdan kam foydalanuvchi o‘lchamdan norozi.

Ko‘pchilik hali yakuniy qaror qilmagan. Ular sharhlar chiqishini kutmoqda. Vivo esa hali global narxni e’lon qilgani yo‘q. Shunga qaramay, aksariyat ovoz beruvchilar FE modeliga ijobiy munosabat bildirgan.

Telefon OnePlus 13s va Xiaomi 15 kabi raqobatchilar bilan bellashadi. Ammo Yevropada X200 FE avtomatik ustunlikka ega. Xiaomi 15 esa narx jihatidan ancha yuqori.

So‘rovda qatnashganlarning faqat 10 foizi boshqa...

Apple Music striming xizmati o‘zining 10 yilligi munosabati bilan eng ko‘p tinglangan 500 ta qo‘shiqdan iborat reytingni e’lon qildi. Birinchi o‘rinni britaniyalik xonanda Ed Sheeranning Shape of You qo‘shig‘i egalladi.

Ushbu qo‘shiq 2017-yilda chiqqan bo‘lib, pop musiqalar toifasida butun dunyo bo‘ylab rekord darajada tinglangan. U ming kundan ortiq vaqt davomida kamida bir mamlakatning Top Songs chartida yetakchilik qilgan.

Ikkinchi o‘rin Weekndning Blinding Lights qo‘shig‘iga nasib etdi. U Global Daily Top 100 reytingining eng kuchli o‘ntaligida 180 kundan ortiq vaqt turgan. Uchinchi o‘rindan esa Drakening God’s Plan qo‘shig‘i joy oldi. Bu trek Apple Music tarixidagi eng ko‘p tinglangan xip-xop qo‘shig‘i...

2025-yilning birinchi yarmi yakunida eng yaxshi kamerali smartfonlar reytingi e’lon qilindi. Endilikda iPhone eng kuchli kamerafon emas – Android flagmanlari reytingda o‘zib ketdi. Bu haqda T-J nashri ma’lum qildi.

Nashr ekspertlari tomonidan ishlab chiqilgan yangilangan reytingga ko‘ra, hozirgi eng yaxshi kamerafon – Google Pixel 9 Pro hisoblanadi. U uchta kuchli kamerasi, ixcham va qulay korpusi, tez ishlovchi interfeysi va kuchli sun’iy intellekt yordami bilan ajralib turadi. Asosiy 50 megapikselli modul algoritmlar bilan uyg‘un ishlaydi, 48 megapikselli qo‘shimcha sensorlar esa sifatli zum va keng burchak imkonini beradi.

Xiaomi 15 Ultra ham kuchli suratga olish imkoniyatlari bilan reytingga kirdi. Orqa paneldagi...

AQShning Jalopnik nashri eng bardoshli va ishonchli avtomobillar reytingini e’lon qildi. Ushbu avtomobillar uzoq xizmat muddati va texnik muammolarga chidamliligi bilan ajralib turadi. Quyida beshta model haqida hikoya qilinadi.

Chevrolet Silverado

Bu pikap o‘z mustahkamligi bilan ajralib turadi. J.D. Power reytingida ham eng ishonchli avtomobil deb tan olingan. Hozirda bu model hatto qo‘lsiz boshqarish tizimi bilan ham jihozlanmoqda.

Honda Accord

Toyota Camry bilan taqqoslanganda Accord sportga yaqin boshqaruvi va ishonchliligi bilan ajralib turadi. Bu modelni Qozog‘istonda faqat xususiy dilerlar orqali olish mumkin.

Toyota Sienna

Bu miniwen oilaviy safarlar uchun juda mos. Ichida sovitkich, changyutkich va orqa o‘rindiqlar...

O‘zbekistonning Vengriyadagi elchisi Oybek Shaxavdinov Vengriya Ichki ishlar vazirining Yevropa Ittifoqi va xalqaro aloqalar bo‘yicha katta maslahatchisi Matyash Xedyalay bilan muzokara o‘tkazdi. Bu haqda «Dunyo» AA ma’lum qildi.

Suhbat davomida ikki tomonlama hamkorlikni chuqurlashtirish, jumladan, tegishli vazirliklar o‘rtasida «Yo‘l xaritasi» ishlab chiqish masalalari muhokama qilindi.

Jamoat xavfsizligi, huquq-tartibotni ta’minlash va xodimlar malakasini oshirish yo‘nalishlarida amaliy hamkorlikni kengaytirishga tomonlar qiziqish bildirdi.

Eslatib o‘tamiz, avvalroq O‘zbekiston vakili Islom hamkorlik tashkiloti Inson huquqlari komissiyasiga saylangan edi.

AQSh prezidenti Donald Tramp BRIKSning «Amerikaga qarshi siyosati»ga qoʻshilayotgan davlatlarga qarshi keskin chora koʻrish niyatida ekanini ma’lum qildi. Bu haqda u oʻzining Truth Social ijtimoiy tarmogʻida ma’lum qildi.

Uning ta’kidlashicha, bunday davlatlar uchun 10 foizlik qoʻshimcha savdo boji joriy etiladi.

«Amerikaga qarshi BRIKS siyosatiga qoʻshilgan har qanday davlatga 10 foiz miqdorida qoʻshimcha boj solinadi. Bu siyosatdan istisnolar boʻlmaydi. Bu masalaga e’tibor berganingiz uchun rahmat», – deb yozdi Tramp oʻz postida.

Trampning ushbu bayonoti Braziliyada yaqinda boʻlib oʻtgan BRIKS sammitidan soʻng yangradi. Sammit ishtirokchilari tomonidan qabul qilingan qoʻshma bayonotda «jahon savdosi va iqtisodiy rivojlanishiga tahdid...

BMTning ixtiyoriy hibsga olish bo‘yicha Ishchi guruhi O‘zbekistonning birinchi prezidenti Islom Karimovning qizi Gulnora Karimovaning 2014-yilda hibsga olinishi noqonuniy va ixtiyoriy deb e’tirof etdi. Bu xulosa BMT Inson huquqlari bo‘yicha Oliy komissari boshqarmasi saytida e’lon qilingan hujjatda keltirilgan.

Hujjatga ko‘ra, Karimova hibs orderisiz qo‘lga olingan va farzandi bilan birga 18 oy davomida uy qamog‘ida saqlangan. Shuningdek, 2015-yil 21-avgust kuni bo‘lib o‘tgan sud majlislaridan biri to‘g‘ridan to‘g‘ri uning oshxonasida o‘tkazilgan.

«Sud hukmida sud majlisi mutlaqo noo‘rin muhitda o‘tgani hatto yashirilmagan. Hujjatda ochiqchasiga “sud binosidan tashqarida» o‘tkazilgani qayd etilgan, majlis o‘tkazilgan joy sifatida esa xonim Karimovaning yashash...

2025/2026-o‘quv yili uchun oliy va professional ta’lim muassasalariga kirish imtihonlarida ishtirok etadigan abituriyentlarga «Abituriyent ruxsatnomasi»ni berish boshlandi. Bu haqda Bilimni baholash agentligi ma’lum qildi.

Ruxsatnoma my.uzbmb.uz saytida shaxsiy identifikatsiya raqami hamda pasport ma’lumotlari kiritilgan holda olinadi.

Ma’lumot uchun, test sinovida qatnashish uchun abituriyent belgilangan vaqtda pasport (yoki ID-karta) hamda ruxsatnoma bilan kelishi lozim. Nusxa hujjatlar yoki kechikib kelgan abituriyentlar imtihonga qo‘yilmaydi.

Eslatib o‘tamiz, avvalroq talaba qizlarga maxsus yangi stipendiya tayinlanishi haqida yozgan edik.

Moskva rus tilida so‘zlashuvchi aholiga nisbatan bosim kuchaygan Markaziy Osiyo va Kavkaz davlatlariga qarshi keskin sanksiyalar paketini tayyorlamoqda. Bu haqda Insider-T nashri ma’lum qildi.

Unga ko‘ra, mazkur davlatlarda rus tilidan foydalanishni cheklovchi qonunlar qabul qilinayotgani Kreml noroziligiga sabab bo‘lmoqda.

Rejalashtirilayotgan choralar orasida vizali tartib joriy etish, Rossiyadan pul o‘tkazmalarini cheklash, mehnat kvotalari va logistika loyihalarini to‘xtatish kabi qat’iy sanksiyalar bor. Taqiqdan eng ko‘p zarar ko‘rishi mumkin bo‘lgan davlatlar sifatida Tojikiston, O‘zbekiston va Qirg‘iziston tilga olinmoqda.

Bundan tashqari, Rossiya chegaralar yaqinida harbiy mashg‘ulotlar o‘tkazish variantini ham ko‘rib chiqayotgani aytilmoqda.

Eslatib o‘tamiz, avvalroq farzandi maktabga bormayotgan migrantlarni Rossiyadan deportatsiya qilish taklif...

Toshkent shahrining Yashnobod tumanida o‘tkazilgan tezkor tadbir davomida fuqarolar tomonidan hujjatlarsiz elektron tamaki mahsulotlarini sotish holati aniqlandi. Bu haqda Bosh prokuratura departamenti ma’lum qildi.

Unga ko‘ra, Departament va IIV xodimlari hamkorligida o‘tkazilgan tadbirda fuqaro 300 dona elektron tamaki mahsulotini boshqa fuqaroga 51 mln so‘mga sotayotgan vaqtida qo‘lga olindi. Mahsulotlar ashyoviy dalil sifatida olib qo‘yildi.

Mazkur holat yuzasidan Jinoyat kodeksining 186-1-moddasi asosida jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Namanganda 737 million so‘mlik iste’molga yaroqsiz mahsulotlar aniqlangan edi.

Isroil delegatsiyasi 7-iyul kuni Qatarga borib, G‘azodagi garovga olinganlar va o‘t ochishni to‘xtatish bo‘yicha muzokaralarni davom ettiradi. Bu haqda Isroil bosh vaziri Binyamin Netanyaxu ofisi xabar berdi, deya yozmoqda Reuters.

Shunga qaramay, Netanyaxu ofisi Hamas tomonidan taklif qilingan o‘zgarishlarni «qabul qilib bo‘lmas» deb atadi. Biroq Isroil tomon hali-hamon Qatarning dastlabki taklifi asosida muzokaralarni davom ettirishga tayyorligini bildirdi.

Hamas ushbu sulh tashabbusiga «ijobiy ruhda» munosabat bildirgan. Biroq tomonlar o‘rtasida hali ham insonparvarlik yordami, Rafah chegarasi va Isroil qo‘shinlarining chiqish jadvali borasida kelishmovchiliklar mavjud.

Ma’lumot uchun, 2023-yil 7-oktabrda boshlangan mojaro davomida G‘azoda 57 mingdan ortiq odamlar halok bo‘ldi. Isroil va Hamas...

Toshkent shahridagi «Zafar» va «Fayziobod» podstansiyalari zamonaviy elegaz izolyatsiyali qurilmalar bilan jihozlanadi. Bu haqda O‘zA ma’lum qildi.

Bu borada «O‘zbekiston milliy elektr tarmoqlari» AJ va Xitoyning «Shandong Electrical Engineering & Equipment Group» kompaniyasi o‘rtasida xalqaro shartnoma imzolandi. Loyihani Osiyo taraqqiyot banki moliyalashtiradi.

Shartnomaga ko‘ra, ikki podstansiyada yuqori texnologiyali uskunalar o‘rnatilib, xavfsizlik darajasi, ekspluatatsiya qulayligi va ekologik samaradorlik oshiriladi. Ushbu tashabbus energetika infratuzilmasini zamonaviylashtirish yo‘lida muhim qadam bo‘lib, Toshkent shahri va butun respublika bo‘yicha elektr ta’minotining barqarorligini ta’minlaydi.

Eslatib o‘tamiz, avvalroq Bo‘stonliqda yirik shamol elektr stansiyasi barpo etilishi haqida yozgan edik.

Qirg‘iziston prezidenti Sadir Japarov rus tilining rasmiy maqomini o‘zgartirish takliflarini tanqid qildi va bu g‘oyani xato deb atadi. Bu haqda «Ria Novosti» ma’lum qildi.

Unga ko‘ra, rus tili Qirg‘iziston konstitutsiyasida rasmiy til sifatida mustahkamlangan bo‘lib, xalqaro muloqot va taraqqiyot uchun muhim ahamiyatga ega.

Japarov intervyusida: «Aslida rus tili bizga muhtoj emas, biz unga muhtojmiz», – deya ta’kidladi. U, shuningdek, Rossiya prezidenti Vladimir Putinning rus tilini qo‘llab-quvvatlayotgani uchun minnatdorlik bildirganini eslatdi. Yana qo‘shimcha qilishicha, hatto qo‘shni davlatlar – O‘zbekiston va Tojikistonda ham rus tili muhim aloqa vositasi hisoblanadi.

Davlat rahbari rus tilining nafaqat MDH, balki Yevropa, Amerika va Xitoyda...

2025-yilning dastlabki olti oyida mamlakat bo‘ylab 14 728 ta huquqbuzarlik aniqlanib, 7,9 mlrd so‘m miqdorida jarimalar belgilandi. Bu haqda Ekologiya vazirligi ma’lum qildi.

Shundan 5 215 ta holat ekologik videokameralar orqali qayd etildi. Eng ko‘p qonunbuzarliklar Namangan (1 563 ta), Andijon (1 443 ta) va Farg‘ona (1 163 ta) viloyatlarida sodir bo‘lgan. Ayni paytda respublika bo‘ylab 250 ta onlayn kamera chiqindi tashlanadigan nuqtalarda doimiy kuzatuv olib bormoqda.

Vazirlik fuqarolardan chiqindilarni faqat ruxsat etilgan joylarga tashlashni, ekologik qonunlarga rioya qilishni va atrof-muhitni muhofaza etishda faol bo‘lishni so‘ramoqda.

Eslatib o‘tamiz, avvalroq Ekologik reydlar davomida 110 mingdan ortiq qonunbuzar aniqlangan edi.

6-iyul kuni aviaqatnovlar jadvalida bir qator o‘zgarishlar bo‘ldi. Jumladan, C6093 Samarqand – Urganch yo‘nalishidagi reys bekor qilindi. Bu haqda Centrum Air ma’lum qildi.

Quyidagi reyslar esa jadval asosida amalga oshirildi:

Eslatib o‘tamiz, avvalroq Samarqand – Sankt-Peterburg reysi zaxira aerodromga yo‘naltirilgan edi.