Yangiliklar

Dunyodagi eng koʻp aholiga ega 20 davlatda erkaklar va ayollar soni oʻrtasidagi nisbat ochiqlandi.

Ma’lumotlarga koʻra, bu mamlakatlarning 9 tasida erkaklar, yana 9 tasida ayollar koʻpchilikni tashkil qiladi. Qolgan ikki davlatda esa nisbat teng.

Eng katta farq Hindistonda qayd etilgan — bu yerda aholining 55,8 foizi erkaklardan iborat. Mamlakatdan keyingi oʻrinda Misr turibdi, unda erkaklar ulushi 55,3 foizni tashkil etadi.

Ayollar soni ustun boʻlgan davlatlar ichida Rossiya yetakchilik qiladi. Bu mamlakatda aholining 63 foizi ayollardan iborat boʻlib, erkaklar ulushidan qariyb 13 foizga koʻp. Yaponiyada ham ayollar koʻpchilikni tashkil qiladi — umumiy aholining 55,5 foizi.

Indoneziya va Kongoda erkaklar va...

O‘zbekistonda «Oqilona iste’mol» (Save food) dasturi doirasida to‘ylar, oilaviy tantanalar, ma’raka va marosimlarni belgilangan tartibda o‘tkazish ustidan qat’iy nazorat o‘rnatiladi. Bu Vazirlar Mahkamasining 16-sentabr kuni qabul qilingan qarorida ko‘zda tutilgan.

Qarorga muvofiq, 2026 – 2030-yillar «Dolzarb oziq-ovqat xavfsizligi davri» etib belgilandi. Bu davrda aholiga yetarli va sifatli oziq-ovqat yetkazib berish, ortiqcha isrofgarchiliklarning oldini olish choralari kuchaytiriladi. Shu maqsadda «Oqilona iste’mol» dasturini amalga oshirish bo‘yicha chora-tadbirlar rejasi tasdiqlandi.

Mazkur rejaga ko‘ra, to‘ylar va oilaviy tadbirlar Oliy Majlis Qonunchilik palatasi hamda Senat kengashining 2019-yil 14-sentabrdagi qo‘shma qarorida belgilangan nizom talablariga muvofiq tashkil etilishi shart. Nizomda oilaviy marosimlarda 200 nafargacha, osh berish...

Irlandiyalik aralash jang ustasi Konor Makgregor Oq uy hududida boʻlib oʻtadigan UFC turnirida jangga chiqadi. Bu haqda «Chempionat» nashri xabar berdi.

Ma’lum qilinishicha, jang 2026-yil iyun oyida boʻlib oʻtadi va Makgregorga amerikalik Maykl Chendler raqiblik qiladi. Turnirni oʻtkazish tashabbusi joriy yil iyul oyi boshida AQSh prezidenti Donald Tramp tomonidan e’lon qilingan edi. Tadbir mamlakat mustaqilligining 250 yilligiga bagʻishlanishi rejalashtirilgan.

«Kimdir UFCʼni tomosha qilyaptimi? Dana Uayt (UFC prezidenti – tahr.) biz bilan birga. Biz UFC jangini Oq uy hududida oʻtkazmoqchimiz. U yerda joy yetarli», – degan Tramp.

Makgregor professional faoliyati davomida 22 marta gʻalaba...

Oʻzbekiston avtomobil sanoatida joriy yilning yanvar – avgust oylarida 99 ming dona Chevrolet Cobalt ishlab chiqarildi. Bu oʻtgan yilning mos davriga nisbatan 3 foizga kam, deya xabar bermoqda Milliy statistika qoʻmitasi.

Ta’kidlanishicha, Damas ishlab chiqarish hajmi 59,5 mingdan 57,8 ming donagacha qisqargan. Onix ishlab chiqarish ham 21,6 mingdan 20,2 ming donagacha kamaydi.

Shu bilan birga, boshqa modellar boʻyicha oʻsish kuzatildi. Jumladan, KIA avtomobillari ishlab chiqarilishi 12,7 mingdan 17,1 ming donagacha, BYD avtomobillari esa 249 donadan 12,9 ming donagacha oshgan.

Umuman olganda, joriy yilning sakkiz oyida mamlakatda 284,3 mingdan ortiq yengil avtomobil ishlab chiqarildi. Bu koʻrsatkich 2024-yilning mos davridagi...

Xitoyning CITIC Construction kompaniyasi Pungon shahridan Namangangacha bo‘lgan 75 kilometr avtomobil yo‘lini rekonstruksiya qiladi. Loyiha qiymati $246 mln etib belgilanganini Transport vaziri Ilhom Mahkamov «O‘zbekiston 24» telekanaliga bergan intervyusida ma’lum qildi.

Vazirning so‘zlariga ko‘ra, ushbu yo‘l Farg‘ona vodiysidagi eng murakkab yo‘llardan biri hisoblanadi. Ikki polosali yo‘lning torligi ba’zan tirbandliklar va yo‘l-transport hodisalariga sabab bo‘lmoqda.

Prezident Shavkat Mirziyoyev sentabr oyi o‘rtalarida Pungon — Namangan yo‘lini ta’mirlash rejasi haqida e’lon qilgan edi. Rekonstruksiya doirasida 30 dan ortiq ko‘prik hamda 20 ta piyodalar o‘tish joyi qurilishi ko‘zda tutilmoqda.

Ma’lumot uchun, CITIC Construction 1960-yilda tashkil etilgan bo‘lib, qurilish, tog‘-kon sanoati va energetika sohalarida faoliyat...

2025/2026-yilgi isitish mavsumida aholining ijtimoiy himoyaga muhtoj qatlamlarini qo‘llab-quvvatlash maqsadida noyabr oyida ehtiyojmand oilalarga 1 million so‘m miqdorida bir martalik moddiy yordam beriladi.

Mazkur yordam «Ijtimoiy himoya yagona reyestri» va «Kambag‘al oilalar reyestri»ga kiritilgan oilalar bilan birga, «Mahalla yettiligi» tomonidan shakllantirilgan qo‘shimcha ro‘yxatdagi xonadonlarga ham taalluqli bo‘ladi.

Rasmiy ma’lumotlarga ko‘ra, hozirda ushbu ikki reyestrda 816 mingta oila qayd etilgan. Bundan tashqari, «Mahalla yettiligi» reyestrdagi oilalarning 40 foizigacha qo‘shimcha ravishda kambag‘allikka tushish xavfi yuqori bo‘lgan xonadonlarni ham ro‘yxatga kiritmoqda. 19-sentabr holatiga ko‘ra, 317 mingta qo‘shimcha ehtiyojmand oila ro‘yxatga olingan.

Qo‘shimcha ro‘yxat shakllantirishda birinchi navbatda quyidagi toifadagi oilalarga e’tibor qaratilmoqda:

22-sentabr kuni BMT Bosh Assambleyasi doirasida o‘tkaziladigan konferensiyada o‘nta mamlakat Falastinni rasmiy ravishda tan oladi. Bu haqda Yelisey saroyida davlat rahbarining BMT Bosh assambleyasiga tashrifi oldidan bo‘lib o‘tgan brifingda ma’lum qilindi.

Ta’kidlanishicha, Fransiya, Andorra, Avstraliya, Belgiya, Buyuk Britaniya, Kanada, Lyuksemburg, Malta, Portugaliya va San-Marino tan olish qarorini e’lon qiladi.

Fransiya prezidenti ofisi Isroilning Iordan daryosining g‘arbiy sohilida falastinliklar yashaydigan hududlarni bosib olishga urinishlarini qat’iy qoralab, buni aniq qizil chiziq sifatida baholadi.

Makron avvalroq joriy yilning 24-iyulida, Parij Falastinni tan olish masalasini BMT sessiyasida ko‘tarishini bildirgan edi. 29-iyul kuni esa Buyuk Britaniya bosh vaziri Kir Starmer ham London Falastinni tan...

Oʻzbekiston prezidenti Shavkat Mirziyoyev Birlashgan Millatlar Tashkiloti Bosh Assambleyasining 80-yubiley sessiyasi tadbirlarida ishtirok etish uchun 20-sentabr kuni Nyu-York shahriga keldi. Bu haqda davlat rahbari matbuot xizmati xabar berdi.

Jon Kennedi nomidagi xalqaro aeroportda davlat rahbarini AQSh prezidentining global sherikliklar boʻyicha maxsus vakili Paolo Zampolli, Amerika – Oʻzbekiston savdo palatasi raisi Kerolin Lemm va boshqa rasmiy shaxslar kutib oldi.

Ma’lumot uchun, Oʻzbekiston prezidenti BMT Bosh Assambleyasi 80-sessiyasining umumiy munozaralarida nutq soʻzlaydi, shuningdek, qator xorijiy mamlakatlar yetakchilari, xalqaro tashkilotlar va moliyaviy tuzilmalar rahbarlari bilan muzokaralar oʻtkazadi.

Shuningdek, AQShning yirik korporatsiyalari rahbarlari bilan alohida uchrashuvlar va yetakchi kompaniyalari vakillari bilan davra suhbatida...

MLSning 31-turidan oʻrin olgan «Inter Mayami» va «Di Si Yunayted» oʻrtasidagi uchrashuv boʻlib oʻtdi. Unda mezbonlar 3:2 hisobida gʻalaba qozondi.

Dastlab hisob 35-daqiqada Tedeo Allenda tomonidan ochildi. 52-daqiqada esa Kristian Benteke muvozanatni tikladi.

Lionel Messi 66 va 85-daqiqalarda gol urib, jamoasini oldinga olib chiqqan boʻlsa, 90+7-daqiqada Yakob Murrel hisobni qisqartirishga muvaffaq boʻldi.

Shu tariqa «Inter Mayami» ushbu gʻalabadan soʻng oʻz ochkolari hisobini 52 taga yetkazib oldi va turnir jadvalida 8-o‘rinda bormoqda. Klubni chempionat peshqadami bilan 8 ochko ajratib turibdi.

MLS. 31-tur

«Inter Mayami» — «Di Si Yunayted» 3:2

Gollar: Allenda (35), Messi (66, 85) — Benteke (52), Murrell (90+7).

Inter...

Ozarbayjon Premyer-ligasining 5-turidan oʻrin olgan bahsda Umarali Rahmonaliyev toʻp suradigan «Sabah» oʻz maydonida «Turon»ni qabul qildi va yakunda 2:0 hisobida ishonchli gʻalabaga erishdi.

Dastlab hisob 56-daqiqada Veljko Simich tomonidan ochildi. Ikkinchi boʻlimga qoʻshib berilgan daqiqalarda esa Pavol Sofranko jamoasining ustunligini mustahkamladi.

Umarali Rahmonaliyev ushbu bahsda «Sabah»ning asosiy tarkibidan joy oldi va toʻliq maydonda harakat qildi.

Shu tariqa «Sabah» ushbu gʻalabadan soʻng oʻz ochkolari hisobini 7 taga yetkazib, turnir jadvalida 5-o‘ringa koʻtarilib oldi. «Turon» esa 9 ochko bilan 4-o‘rinda qoldi.

Ozarbayjon Premyer-ligasi. 5-tur
«Sabah» — «Turon» 2:0
Gollar: Simich (56), Sofranko (90+7).

Eslatib o‘tamiz, avvalroq «Manchester Yunayted» APLning 5-turidan o‘rin olgan markaziy uchrashuvda...

Angliya Premyer-ligasining 5-turidan oʻrin olgan markaziy uchrashuvlardan birida «Manchester Yunayted» va «Chelsi» oʻzaro to‘qnash keldi. Yakunda mezbonlar 2:1 hisobida gʻalaba qozondi.

Dastlab hisob 14-daqiqada Bruno Fernandesh tomonidan ochildi. 37-daqiqada esa Kazemiro ustunlikni mustahkamladi.

Ikkinchi boʻlimning soʻnggida, aniqrogʻi 80-daqiqada Trevo Chaloba londonliklarning yagona javob toʻpiga mualliflik qildi.

Shu tariqa «Manchester Yunayted» ushbu gʻalabadan soʻng oʻz ochkolari hisobini 7 taga yetkazib, onlayn turnir jadvalida 9-o‘ringa koʻtarilib oldi. «Chelsi» esa 8 ochko bilan 6-oʻrinda qoldi.

APL. 5-tur

«Manchester Yunayted» — «Chelsi» 2:1

Gollar: Fernandesh (14), Kazemiro (37) — Chaloba (80).

Manchester Yunayted — Bayindir, De Ligt, Maguayr (Yoro, 70), Shou, Mazraui (Kunya...

Angliya Premyer-ligasining 5-turidan oʻrin olgan bir qator uchrashuvlar boʻlib oʻtdi.

Dastlab, «Tottenhem» safarda «Brayton» mehmoni boʻldi va yakunda kambek amalga oshirib, magʻlubiyatdan qutulib qoldi.

APL. 5-tur

«Brayton» — «Tottenhem» 2:2

Gollar: Minte (8), Ayari (31) — Risharlison (43), Hekke (avtogol, 82).

Shuningdek, «Kristal Pelas» safarda «Vest Hem»ni 2:1 hisobida magʻlub etdi. Bellashuvda Mateta va Mitchell 37 hamda 68-daqiqalarda gol urib, mehmonlarga gʻalaba taqdim etgan boʻlsa, Bouen 49-daqiqada mezbonlarning yagona javob to’piga mualliflik qildi.

«Vest Hem» — «Kristal Pelas» 1:2

Gollar: Bouen (49) — Mateta (37), Mitchell (68).

«Vulverxempton» va «Lids» o’rtasidagi bahsda esa mehmonlar 1:3 hisobidagi gʻalabani tantana qildi.

Dastlab...

Ispaniya La Ligasi 5-turidan oʻrin olgan bahsda Madridning «Real» klubi oʻz maydonida «Espanyol»ni qabul qildi va yakunda 2:0 hisobida gʻalaba qozondi.

Dastlab uchrashuvning 22-daqiqasida Eder Militao uzoq masofadan super gol urib, hisobni ochdi. 47-daqiqada esa Kilian Mbappe jamoasining ustunligini mustahkamladi.

Qayd etish joiz, uchrashuvda Jud Bellingem jarrohlik amaliyotidan so‘ng ilk bor maydonga tushdi.

Shu tariqa «Real» ushbu gʻalabadan soʻng oʻz ochkolari hisobini 15 taga yetkazib, peshqadamligini mustahkamlab oldi. «Espanyol» esa 10 ochko bilan 3-o‘rinda qoldi.

La Liga. 5-tur

«Real Madrid» — «Espanyol» 2:0

Gollar: Militao (22), Mbappe (47).

Real Madrid — Kurtua, Karvaxal, Asensio, Militao, Karreras, Mastantuono (Brahim, 77), Valverde...

Germaniya Bundesligasining 4-turidan oʻrin olgan bahsda «Bavariya» safarda «Hoffenhaym» mehmoni boʻldi va yirik 4:1 hisobida gʻalaba qozondi.

Dastlab 44-daqiqada Harri Keyn hisobni ochdi. 48-daqiqada angliyalik hujumchining o‘zi penaltini aniq amalga oshirdi. 77-daqiqada esa Keyn xet-trik qayd etdi.

82-daqiqada Vladimir Koufal mezbonlarning yagona javob to‘piga mualliflik qilgan boʻlsa, ikkinchi boʻlimga qoʻshib berilgan daqiqalarda Serj Gnabri ham oʻz nomini tabloga yozdirib qoʻydi.

Shu tariqa «Bavariya» ushbu gʻalabadan soʻng oʻz ochkolari hisobini 12 ta yetkazib olib, turnir jadvalida peshqadamlik qilmoqda. «Hoffenhaym» esa 6 ochko bilan 8-o‘rinda bormoqda.

Bundesliga. 4-tur

«Hoffenhaym» — «Bavariya» 1:4

Gollar: Koufal (82) — Keyn (44, pen. 48, 72), Gnabri...

AQSh prezidenti Donald Tramp mamlakatda yangi «Oltin karta» dasturini e’lon qildi. Bu haqda Oq uyning rasmiy sahifasida ma’lum qilindi.

Endilikda AQShdagi loyihalarga kamida $1 million sarmoya kiritgan xorijlik tadbirkorlar mamlakatda yashash va ishlash huquqini tezlashtirilgan tartibda qo‘lga kiritishi mumkin.

Oq uy ma’lumotiga ko‘ra, «Oltin karta» dasturi hozirgi EB-1 va EB-2 vizalarini almashtiradi. U faqat AQSh uchun alohida ahamiyatga ega deb topilgan badavlat xorijiy investorlar uchun mo‘ljallangan.

Tramp ma’muriyati dastlab 80 mingta karta berishni rejalashtirmoqda. Dastur orqali AQSh g‘aznasiga $100 milliard atrofida mablag‘ kelib tushishi kutilmoqda.

Shuningdek, ilgari bepul berilgan yuqori malakali ishchilar uchun H1-B vizasi endilikda $100 ming dollarlik...

Angliya Premyer-ligasining 5-turidan oʻrin olgan bahsda «Liverpul» va «Everton» oʻzaro toʻqnash keldi va yakunda mezbonlar 2:1 hisobida gʻalaba qozondi.

Uchrashuvda hisob 10-daqiqada Ryan Gvaranberx tomonidan ochildi. 29-daqiqada Ugo Ekitike jamoasining ustunligini mustahkamladi.

59-daqiqada esa Idrissa Guye «Everton»ning javob toʻpiga mualliflik qildi.

Jamoalar qanchalik harakat qilishmasin uchrashuvda hisob boshqa o‘zgarmadi va «qizillar» uch ochko egasiga aylandi.

Ma’lumot uchun, ushbu bahsdan soʻng «Liverpul» oʻz ochkolari hisobini 15 taga yetkazib oldi va turnir jadvalida yakka peshqadamlik qilmoqda. «Everton» esa 7 ochko bilan 7-oʻrinda bormoqda.

APL. 5-tur

«Liverpul» — «Everton» 2:1

Gollar: Gvaranberx (10), Ekitike (29) — Guye (58)

Liverpul — Alisson, Bredli, Konate...

Farg‘onaning Marg‘ilon shahridagi TRZ bozorida sotilayotgan Fabol’AI brendidagi 800 ml hajmdagi dush geli foydalanishga xavfli deb topildi. Bu haqda Nazorat inspeksiyasi xabar berdi.

Ushbu mahsulot Xitoyda ishlab chiqarilgan bo‘lib, laboratoriya tekshiruvlari natijasida mahsulot tarkibidagi ayrim kimyoviy moddalar miqdori belgilangan me’yorlardan oshgani va xavfsizlik talablari kafolatlanmaganligi ma’lum bo‘ldi.

Mutaxassislarning ta’kidlashicha, mahsulotdan uzoq muddat foydalanish inson salomatligiga salbiy ta’sir ko‘rsatishi mumkin. Jumladan, terining qichishi va qizarishi, allergik reaktsiyalar, yallig‘lanish, nafas yo‘llariga ta’sir hamda terining tabiiy muvozanatini buzishi oqibatida bakterial yoki zamburug‘li kasalliklar yuzaga kelishi ehtimoli bor.

Shu bois iste’molchilarga mazkur mahsulotdan foydalanishda ehtiyotkor bo‘lish, uni xarid qilishdan oldin sifat va xavfsizlik...

Bugun, 20-sentabr kuni Shavkat Mirziyoyev Birlashgan Millatlar Tashkiloti Bosh Assambleyasining 80-yubiley sessiyasida ishtirok etish uchun amaliy tashrif bilan Nyu-York shahriga yo‘l oldi. Bu haqda prezident matbuot xizmati xabar berdi.

Davlat rahbari Bosh Assambleya yalpi sessiyasi umumiy munozaralarining ilk kunida nutq so‘zlashi kutilmoqda. Shuningdek, u BMT Bosh kotibi Antoniu Guterresh hamda bir qator mamlakatlar va hukumatlar rahbarlari bilan uchrashuvlar o‘tkazadi.

Sammit doirasida nufuzli xalqaro moliya institutlari rahbarlari bilan muloqotlar, shuningdek, AQShning yetakchi kompaniyalari va yirik investitsiya tuzilmalarida tadbirlar ham o‘tkazish rejalashtirilgan.

Avvalroq Kursiv Uzbekistan prezident BMT Bosh Assambleyasining 80-sessiyasida ishtirok etishi haqida yozgandi.

29-avgust kuni qurilish sohasi tadbirkorlari bilan o‘tkazilgan ochiq muloqot chog‘ida o‘zini bir nechta qurilish kompaniyalari rahbari sifatida tanishtirgan Usmonjon Abdusamadov bir qator da’volar bilan chiqqandi. Jumladan, u «Toshkentda bitta uy uchun $200 minggacha xarajat bor» degan so‘zlari bilan jamoatchilik orasida asossiz axborot tarqalishiga sabab bo‘ldi.

Mazkur bayonot ijtimoiy tarmoqlarda keng muhokamalarga sabab bo‘lib, qurilish sohasida olib borilayotgan islohotlarga, sohaga mas’ul vazirlik va mutaxassislarga nisbatan salbiy munosabat shakllanishiga olib keldi. Qurilish va uy-joy kommunal xo‘jaligi vazirligi bu holat xodimlarning sha’ni va obro‘siga putur yetkazganini qayd etib, fuqaro Usmonjon Abdusamadovga nisbatan huquqiy baho berish va tegishli javobgarlik choralarini ko‘rish bo‘yicha Ichki...

Xiaomi 17 oilasining uchta modelining quvvat tizimi parametrlari haqida ma’lumotlarni oshkor qildi. Bu haqda ITHome nashri xabar berdi.

E’lon qilingan ma’lumotlarga qaraganda, Xiaomi yana bir bor yangi Apple flagmanlarini va hatto kelajakdagi Samsung flagmanlarini ortda qoldiradi.

Xizmat ko‘rsatilgan xususiyatlar:

Shuni eslatib o‘tamizki, iPhone 17 Pro maksimal quvvatlash kuchi (original zaryadlovchi bilan) 60 Vt gacha, Galaxy S26 Ultra esa dastlabki ma’lumotlarga ko‘ra atigi 45 Vt kuch bilan zaryadlanadi.

Xiaomi 17 oilasining rasmiy taqdimoti joriy oy...

Antaliya atrofidagi Kundu hududida tun davomida o‘rmon yong‘ini chiqdi. Bu hudud sayyohlar ko‘p boradigan mehmonxonalar yaqinida joylashgan, deya xabar bermoqda Antalya Hakkında portali.

«Alaniyadan keyin Kundu va Belek hududlari oralig‘ida ham o‘rmon yong‘ini yuz berdi. Yong‘in sababi hozircha noma’lum», deyiladi xabarda.

Voqea joyiga o‘t o‘chiruvchilar yetib kelgan bo‘lib, ular yong‘inni o‘chirish ishlarini olib bormoqda. Kuchli shamol tufayli olov tez tarqalish xavfi mavjud.

Viloyat hokimi Xulusi Shahinning ma’lum qilishicha, shamolning pasayishi va o‘t o‘chiruvchilarning faol ishlari tufayli vaziyat asta-sekin barqarorlashmoqda. Hozircha yong‘in faqat bitta nuqtada davom etmoqda va kuchini yo‘qotmoqda.

Texnik sabablar tufayli 22–23-sentabr kunlari ayrim shaharlararo elektropoyezdlar harakati vaqtincha to‘xtatiladi. Bu haqda «O‘ztemiryo‘lyo‘lovchi» AJ ma’lum qildi.

Xususan, 6435/6436-sonli Toshkent – Xojikent – Toshkent va 7203/7204-sonli Toshkent – Chinorkent – Toshkent yo‘nalishlarida qatnovlar ikki kun davomida amalga oshirilmaydi.

Kompaniya yo‘lovchilardan keltirilgan noqulayliklar uchun uzr so‘rab, batafsil ma’lumotlarni o‘zining rasmiy sayti va ijtimoiy tarmoqlardagi sahifalaridan olish mumkinligini eslatib o‘tdi.

Avvalroq Kursiv Uzbekistan shahar atrofi elektropoyezdlari yangi jadval bo‘yicha harakatlanishi haqida yozgandi.

Yevropa komissiyasi (YK) Rossiyaga qarshi navbatdagi, 19-sanksiyalar paketini ma’qulladi. Bu haqda YK rasmiy vakili Paula Pinyu ma’lum qildi.

«Bugun biz Rossiyaga qarshi yangi sanksiyalar paketini tasdiqlaganimizni xabar qilamiz. Gap 19-paket haqida bormoqda. Komissiya raisi Ursula fon der Lyayen tashqi ishlar bo‘yicha Oliy vakil Kaya Kallas bilan birga ushbu paket haqida bayonot beradi», dedi matbuot kotibi juma kuni Bryusselda o‘tkazilgan brifingda.

Ammo fon der Lyayen va Kallas jadval sababli jurnalistlar oldida to‘g‘ridan to‘g‘ri chiqish qila olmaydi.

«Sizga tasdiqlayman, rais Fon der Lyayen tomonidan yozib olingan bayonot EBS kanalida namoyish etiladi...

Kecha, 19-sentabr kuni Shavkat Mirziyoyev sog‘liqni saqlash tizimini yanada takomillashtirish masalalari yuzasidan taqdim etilgan ma’ruza bilan tanishdi. Uchrashuvda beshta tibbiyot markazini xorijiy nufuzli klinikalarga boshqaruvga berish masalasi ham muhokama qilindi.

Majlisda bolalar salomatligini muhofaza qilish masalalari alohida ko‘tarildi. Xususan, dunyoda ona suti o‘rnini bosuvchi mahsulotlardan foydalanish ko‘rsatkichlari ortib borayotgani, bu borada muammolar mavjudligi qayd etildi. Shu bois 2030-yilga qadar Jahon sog‘liqni saqlash tashkiloti belgilagan – chaqaloqlarni 6 oylikkacha faqat ona suti bilan boqish ko‘rsatkichini 70 foizga yetkazish maqsadida milliy dastur tasdiqlanadi.

Mazkur dastur doirasida JSST va YUNISEFning «Ona suti bilan boqishga qulay muhit yaratadigan shifoxona» hamda «Muvaffaqiyatli emizishga...