Yangiliklar

TikTok’ni AQShda yopilishdan saqlash uchun yangi rejalar muhokama qilinmoqda. Loyiha doirasida amerikalik investorlar ishtirokida maxsus kompaniya tuzilib, ilova mamlakat ichida mustaqil boshqariladigan bo‘ladi, deya yozmoqda CNN.

Dastlabki ma’lumotlarga ko‘ra, yangi tuzilmaning 80 foiz ulushi AQSh sarmoyadorlariga, qolgan 20 foizi esa xitoylik aksiyadorlarga tegishli bo‘ladi. Investorlar qatoriga Oracle, Andreessen Horowitz va Silver Lake kabi yirik kompaniyalar kirgan. Boshqaruv kengashi esa asosan amerikaliklardan iborat bo‘ladi.

Oracle asoschisi Larri Ellison ham muzokaralarda faol ishtirok etmoqda. U ilgari ham TikTok’ning AQShdagi ma’lumotlarini saqlashda hamkorlik qilgan va ilovaning aktivlarini sotib olish bo‘yicha kelishuvga yaqin bo‘lgan.

AQSh Moliya vaziri Skott Bessentning so‘zlariga ko‘ra, Xitoy Trampning...

YouTube Made on You Tube tadbirida so‘nggi to‘rt yilda blogerlar, san’atkorlar va media kompaniyalariga $100 mlrddan ortiq to‘lov amalga oshirilganini ma’lum qildi.

Bu raqam platformaning yaratuvchilar iqtisodiyotida qanchalik muhim o‘rin egallashini yana bir bor tasdiqladi. Tadbirda sun’iy intellekt haqida ham so‘z borgan. SI asosida yaratuvchi shaxsini himoya qilish vositasi yaqin oylarda YouTube’ning monetizatsiya dasturiga ulangan barcha yaratuvchilarga taqdim etiladi. Like’ni aniqlash funksiyasi orqali boshqa birov sizning qiyofangizdan noqonuniy foydalanayotganini aniqlash mumkin bo‘ladi.

So‘nggi yilda televizor orqali $100 mingdan ko‘proq daromad qilgan kanallar soni 45 foizga oshdi. Bu o‘sishga jonli efirlar sabab bo‘ldi. 2025-yilning ikkinchi choragida kunlik foydalanuvchilarning 30 foiz...

Moliyaviy hisob tizimini xalqaro talab va standartlarga mos ravishda takomillashtirish choralari belgilandi. Bu haqda prezident qarori qabul qilindi.

Qarorga ko‘ra, jamiyat va iqtisodiyot uchun muhim ahamiyatga ega tadbirkorlarga «Jamoat ahamiyatiga ega tashkilot» (JAET) huquqiy maqomi joriy qilinadi. Bu toifadagi subyektlar faoliyati xalqaro moliyaviy hisobot standartlariga muvofiq yuritiladi.

Shuningdek, moliyaviy hisob standartlarini joriy qilish bo‘yicha Respublika komissiyasi tashkil etiladi. Tadbirkorlar JAET ro‘yxatiga ularning faoliyat turi, aktivlari hajmi va ijtimoiy-iqtisodiy ta’siri kabi mezonlar asosida kiritiladi.

Shu bilan birga, belgilangan mezonlarga javob beradigan tadbirkorlar har yili 1-iyulgacha reyestrga kiritiladi. 2026-yil 1-yanvardan boshlab esa bu reyestr Iqtisodiyot va moliya vazirligi tomonidan elektron shaklda...

SpaceX yaqinda EchoStar’dan xarid qilingan S-diapazon spektridan foydalanib, qurilmalar bilan bevosita aloqa xizmatlarini yo‘lga qo‘yishni rejalashtirmoqda. Bu haqda SpaceNews nashri ma’lum qildi.

Kompaniya prezidenti Gvinn Shotvellning so‘zlariga ko‘ra, sinov ishlari 2025-yil oxirida boshlanadi. Uning aytishicha, ikki yil ichida yangi avlod sun’iy yo‘ldoshlari uchiriladi va ular orqali smartfonlarda to‘g‘ridan to‘g‘ri aloqa ta’minlanadi. Buning uchun SpaceX texnologik hamkorlar bilan birgalikda mos chiplar (SoC) ishlab chiqmoqda.

Mazkur loyiha doirasida EchoStar’dan $17 mlrdga xarid qilingan spektrdan foydalaniladi. Sun’iy yo‘ldoshlarning maxsus yuklamasi shu chastotalar bilan ishlashi kerak bo‘ladi. Shuningdek, mobil operatorlar bilan yangi shartnomalar tuzish ham rejalashtirilmoqda.

SpaceX ilgari ham mobil operatorlar bilan...

Geely Auto tomonidan Geely Galaxy Star 6 avtomobili uchun oldindan buyurtmalarni 26-sentabr kuni boshlashi e’lon qilindi. Bu haqda ITHome xabar bermoqda.

Sedan Thor AI Hybrid 2.0 tizimi bilan jihozlangan bo‘lib, 1,5 litrli dvigatel asosida ishlaydi. Ishlab chiqaruvchi mashinaning o‘rtacha yonilg‘i sarfi 100 km uchun atigi 2 litr ekanini ta’kidlagan.

Galaxy Star 6 saloni 10,2 dyuymli raqamli asboblar paneli va 14,6 dyuymli Flyme Auto multimedia tizimi bilan ajralib turadi. Rul kolonkasiga o‘rnatilgan uzatmalar kaliti, ko‘p funksiyali rul, 50 Vt quvvatli simsiz zaryadlash funksiyasi mavjud. Mashina, shuningdek, Qianli Haohan H3 haydovchiga yordam tizimi bilan jihozlangan bo‘lib, u avtomatik to‘xtashni qo‘llab-quvvatlaydi.

Avtomobilning...

17-sentabr kuni soat 09:14 da Navoiy viloyati, Konimex tumani hududida zilzila qayd etildi.

Ma’lumotlar:

Sezilish kuchi:

Hozircha zilzila oqibatlari haqida ma’lumot berilmagan.

Avvalroq Kursiv Uzbekistan Qirg‘izistondagi 5 balli zilzila O‘zbekistonning ikkita viloyatida sezilgani haqida xabar bergan edi.

Tijorat banklari 17-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.

«Uzbekistan Airways» 2025-yil 17-sentabr kuni ayrim reyslarning vaqtida o‘zgarishlar sodir bo‘ladi. Bu haqda kompaniya rasmiy sahifasida ma’lum qilindi.

HY85 Toshkent – Farg‘ona reysi soat 12:00 da jo‘nab, 12:45 da yetib boradi.
HY9651 Farg‘ona – Qozon reysi soat 13:45 da uchib, 15:30 da yetadi.
HY9652 Qozon – Farg‘ona reysi soat 16:40 da uchib, 22:00 da yetadi.
HY86 Farg‘ona – Toshkent reysi soat 23:00 da jo‘nab, 23:50 da yetib keladi.

Barcha vaqtlar mahalliy bo‘yicha ko‘rsatilgan. Aviakompaniya yo‘lovchilardan tushunish va noqulayliklar uchun uzr so‘radi.

Eslatib o‘tamiz, avvalroq aviakompaniya sentabr oyida qo‘shimcha reyslarni amalga oshirishi haqida xabar bergan edik.

Google’ning Gemini ilovasi Apple’ning App Store reytingida birinchi o‘rinni egallab, ChatGPT’ni ortda qoldirdi. Bu haqda CNBC nashri ma’lum qildi.

Ilovaga qo‘shilgan Nano Banana funksiyasi foydalanuvchilarga suratlarni birlashtirib, raqamli avatarlar yaratish imkonini berdi.

Bir haftada Gemini 13 mln yangi foydalanuvchi jalb qildi va umumiy yuklangan suratlar soni 500 mlndan oshdi. Iyul holatiga ko‘ra, ilovaning oylik faol foydalanuvchilari 450 mlndan ortiq. Katta talab tufayli joriy haftada xizmatdan foydalanishga vaqtinchalik cheklovlar ham qo‘yildi.

Alphabet’ning muvaffaqiyati investorlar tomonidan ijobiy kutib olindi. 15-sentabr kuni kompaniya kapitalizatsiyasi $3 trlndan oshib, Nvidia, Microsoft va Apple qatoridan joy oldi. Shuningdek, bu oy boshida antimonopoliya ishi bo‘yicha chiqarilgan...

Buxoro viloyatining Peshku tumanida mahalla fuqarolar yig‘inidagi hokim yordamchisi tadbirkordan $6 ming pora talab qilgani fosh etildi. Bu haqda DXX matbuot xizmati ma’lum qildi.

U yer maydonini onlayn auksion orqali sotib olib berishni va’da qilib, mablag‘ni uchinchi shaxs orqali olgan vaqtda DXX va huquqni muhofaza qiluvchi organlar tomonidan ashyoviy dalillar bilan ushlandi.

Ma’lumotlarga ko‘ra, tadbirkor 10-sentabr kuni mas’ulning noqonuniy harakatlari haqida ariza bilan murojaat qilgan. Shu asosda o‘tkazilgan tezkor tadbirda hokim yordamchisining qonuniga xilof xatti-harakatlari isbotini topdi.

Hozirda unga nisbatan Jinoyat kodeksining 210-moddasi 2-qismi bilan jinoyat ishi qo‘zg‘atildi va «qamoq» ehtiyot chorasi qo‘llanildi. Tergov harakatlari davom etmoqda.

Eslatib o‘tamiz...

UEFA Chempionlar ligasi 1-turidan oʻrin olgan bir qator uchrashuvlar boʻlib oʻtdi.

Oʻz maydonida «Marsel»ni qabul qilgan «Real» 2:1 hisobida gʻalaba qozondi. Dastlab, 22-daqiqada Timoti Vea hisobni ochdi. 28-daqiqada esa Mbappe penaltidan muvozanatni tikladi.

82-daqiqada «Marsel» darvozasi tomon yana penalti belgilandi va Mbappe unda ham zarbada adashmadi.

Ta’kidlash joiz, uchrashuvning dastlabki daqiqalarida Trent Aleksandr-Arnold jarohat olib, maydonni erta tark etdi. Uning oʻrniga bahsga qoʻshilgan Dani Karvaxal esa 72-daqiqada qizil kartochka bilan jazolandi.

YChL. 1-tur
«Real Madrid» – «Marsel» 2:1
Gollar: Mbappe (pen. 28, 81) – Vea (22)
Real – Kurtua, Trent (Karvaxal, 5), Militao, Heysen, Karreras, Valverde, Chuameni, Mastantuono (Brahim, 63), Guler (Asensio...

17-sentabr kuni O‘zbekiston hududida havo harorati kechasi 5–17°, kunduzi esa 20–30° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Prezident mutasaddilarga Namangandagi ikki yirik ko‘prikni kelgusi yilda ishga tushirishni, joriy yil oxiriga qadar esa 694 km yo‘l va yettita kichik ko‘prikni ta’mirlash vazifasini topshirdi.

Xususan, viloyatdagi Uychidan o‘tib Uchqo‘rg‘on va Norin tumanlariga boruvchi asosiy yo‘ldagi tirbandlikni bartaraf etish uchun 63 milliard so‘m hisobiga Norin daryosi ustidan 480 metrli yangi ko‘prik qurilmoqda. Bu yo‘l orqali Uchqo‘rg‘on va Norin markaziga masofa 20 – 25 km ga, Norindan Baliqchiga esa 35 – 40 km ga qisqaradi.

Shuningdek, 63 yil oldin qurilgan va Namangan hamda Andijon viloyatlarini bog‘lovchi 180 metrli Qoradaryo ko‘prigi rekonstruksiya qilinmoqda. Bu ish yakunlangach, transport qatnovi ikki barobar...

FIFA 2026-yilgi futbol bo‘yicha jahon chempionatida ishtirok etuvchi futbolchilar uchun klublarga $355 mln miqdorida kompensatsiya to‘lashini e’lon qildi. Bu haqda tashkilot rasmiy saytida ma’lum qilindi.

Mazkur summa avvalgi turnirdagiga nisbatan qariyb 70 foizga ko‘pdir. Masalan, 2022-yilda Qatarda o‘tgan mundial uchun klublarga $209 mln ajratilgan edi.

Shuningdek, FIFA ilk bor futbolchilarni jahon chempionati saralash bosqichiga yuborgan klublarga ham kompensatsiya to‘lanishini ta’kidladi. Avval bu faqat final bosqichi uchun amal qilgan. Aniq summalar keyinchalik e’lon qilinadi.

Ma’lumot uchun, 2026-yilgi jahon chempionati 11-iyundan 19-iyulgacha AQSH, Kanada va Meksikada bo‘lib o‘tadi. Turnirda ilk bor 48 ta terma jamoa qatnashadi, final esa Nyu-Jersidagi «MetLife Stadium»da...

Hukumat qarori bilan Imom Moturidiy xalqaro ilmiy-tadqiqot markazining ustavi tasdiqlandi. Bu haqda Adliya vazirligi ma’lum qildi.

Ustavda markazning asosiy vazifa va funksiyalari, huquq va majburiyatlari hamda faoliyatini tashkil etish tartibi belgilandi. Markazning asosiy yo‘nalishlaridan biri — islom dinining insonparvarlik mohiyati va ma’rifiy-madaniy rolini ilmiy asosda tadqiq qilish hamda jamoatchilikka yetkazish hisoblanadi.

Markaz Imom Moturidiy, Abu Muin Nasafiy va ularning izdoshlari merosini o‘rganish, aqida va kalom ilmlari bo‘yicha ilmiy loyihalarni amalga oshirish bilan shug‘ullanadi. Shuningdek, islomning ilm-ma’rifat va insoniylikka asoslangan mazmun-mohiyatini ochib berishga qaratilgan tadqiqotlar o‘tkaziladi.

Markaz faoliyati Vasiylik kengashi orqali muvofiqlashtiriladi.

Eslatib o‘tamiz, avvalroq Ta’lim sifatini ta’minlash milliy agentligi...

Namangan viloyatining Chortoq tumani butun yil davomida xizmat ko‘rsatadigan vodiyning turizm xabiga aylantiriladi. Loyiha infratuzilmasi uchun $50 million ajratiladi. Bu haqda davlat rahbari viloyatni rivojlantirishga doir yig‘ilishda ma’lum qildi.

Bundan tashqari, Jahon banki bilan hamkorlikda amalga oshirilayotgan «O‘rta shaharlarni rivojlantirish» loyihasi doirasida joriy yilda «Furqat» bog‘i rekonstruksiya qilinadi. Bu orqali bog‘ hududi qariyb ikki barobar kengaytiriladi. Shuningdek, Chortoqqsoy bo‘ylab 11 kilometr piyodalar va velosiped yo‘laklari quriladi.

Jadallik bilan olib boriladigan kompleks rivojlantirish dasturi asosida Chortoqqsoy va Katta Namangan kanali bo‘ylarining yetti kilometri betonlanib, 30 gektar yer foydalanishga qaytariladi. Bu hududlarda sanatoriy tipidagi servis obyektlari, shuningdek, «Chortoq» suv ombori atrofida...

Qonunchilik palatasi majlisida Yoshlar ishlari agentligiga parlament so‘rovi yuborildi. Unda yoshlarning bo‘sh vaqtini samarali tashkil etish, ularni kasb-hunarga o‘qitish va bandligini ta’minlashga oid ishlar muhokama qilindi.

Deputatlar ta’kidlaganidek, globallashuv va texnologiyalar rivoji yoshlar uchun zamon talablariga mos bilim va ko‘nikmalarni egallashni taqozo etmoqda. Shu bois, mazkur sohada hali ham muammolar mavjud.

Xususan, «Besh tashabbus olimpiadasi»ning mahallalardagi targ‘iboti va qamrovi yetarli emasligi, «Yoshlar bandligi dasturi» imkoniyatlaridan to‘liq foydalanilmayotgani hamda «Yoshlar daftari» mablag‘larining o‘z vaqtida yetkazilmasligi qayd etildi.

Shuningdek, yosh fermerlarga ajratilgan yer maydonlari haqidagi ma’lumotlar amaldagi holat bilan mos kelmasligi aniqlangan. Shu asosda yoshlarning bandligi, kasb-hunarga yo‘naltirish, mahalliy hokimiyat va...

Bugun 16-sentabrda prezident Shavkat Mirziyoyev Yangi Namangan – Chortoq yo‘lidagi 13 kilometr uzunlikdagi tunu kun ishlaydigan servis ko‘chasi bilan tanishdi. Yaqin kelajakda Kosonsoy, Namangan, To‘raqo‘rg‘on, Uychi va Yangiqo‘rg‘on tumanlarida yana sakkizta shunday ko‘cha barpo etilishi rejalashtirilgan. Bu haqda davlat rahbari viloyatni rivojlantirishga doir yig‘ilishda ma’lum qildi.

Yig‘ilishda viloyatning Kosonsoy markazi, Norin daryosi bo‘ylari, Chustning G‘ova, Yangiqo‘rg‘onning Nanay, Popning Chodak qishloqlarida tadbirkorlikni yo‘lga qo‘yish imkoniyatlari katta ekani ta’kidlandi. Shu bois viloyat Islohotlar shtabiga har bir tumanda kamida ikkitadan shunday hududni tanlab, master-reja ishlab chiqish va loyihalar hisobiga kelgusi yilda 50 ming kishini ishli hamda daromadli qilish topshirildi.

Pop, To‘raqo‘rg‘on, Uychi...

Jahon intellektual mulk tashkiloti tomonidan e’lon qilingan Global innovatsiya indeksi (GII) 2025-yilgi reytingida Oʻzbekiston 139 ta mamlakat ichida 79-oʻrindan joy oldi. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, Oʻzbekiston quyi va oʻrta daromadli davlatlar orasida 7-oʻrinni (2024-yilda 10-oʻrin), Markaziy va Janubiy Osiyoda esa Hindiston va Erondan keyin 3-oʻrinni egalladi. «Inson kapitali va ilmiy tadqiqotlar», «bozor rivojlanishi» hamda «bilim va texnologiya mahsulotlari» yoʻnalishlarida Oʻzbekiston oʻz pozitsiyasini ancha yaxshiladi.

Alohida e’tiborga molik jihatlardan biri — Uzum kompaniyasining birinchi yunikorn sifatida xalqaro roʻyxatga kiritilishi va oliy ta’lim muassasalari reytingidagi yutuqlar GII natijalariga ijobiy ta’sir koʻrsatganidir.

Shuningdek, yuqori...

Namangan viloyati Norin daryosida qurilgan gidroelektr stansiyalar kaskadining birinchi bosqichi ishga tushirildi. Davlat rahbari viloyatga tashrifi chog‘ida ushbu energetika inshootini borib ko‘rdi.

GES-1 to‘liq mahalliy uskunalar asosida barpo etilgani bois, u «birinchi milliy GES» hisoblanadi. Stansiya yiliga 171 million kilovatt-soat elektr energiyasi ishlab chiqaradi va 430 mingta xonadonni elektr bilan ta’minlash imkonini beradi. Natijada yiliga 290 million kub metr gaz tejalib, iqtisodiyot uchun 300 milliard so‘mlik foyda keltiradi.

Hozirda «O‘zbekgidroenergo» aksiyadorlik jamiyati tomonidan Norin daryosida oltita GES kaskadi qurilishi boshlangan. Loyihaning umumiy qiymati $428 milliondan ziyod, umumiy quvvati 228 megavatt bo‘ladi.

GES hududida suv to‘sish inshooti, ma’muriy binolar...

Namangan viloyatining Kosonsoy va Norin tumanlariga 100 milliard so‘mdan mablag‘ ajratiladi. Bu haqda prezident matbuot xizmati xabar berdi.

Unga ko‘ra, davlat rahbari Namangan viloyati Norin tumanidagi Sho‘rariq mahallasiga tashrif buyurdi. Hudud aholisining fikrlarini eshitib, mahallani tubdan o‘zgartirish bo‘yicha topshiriqlar berdi.

Endi Sho‘rariq mahallasi namunaviy hududga aylantiriladi. Bu yerda zamonaviy mahalla guzari, sayilgoh, sport va bolalar maydonchalari quriladi. Kutubxona, bank shoxobchasi, kasb va til o‘rgatish markazlari tashkil etiladi. Shuningdek, maktab va bog‘chalar kapital ta’mirlanadi, ko‘chalar asfaltlanib, daraxt va gul ko‘chatlari ekiladi.

Bo‘sh turgan binolar tadbirkorlar uchun davlat-xususiy sheriklik asosida foydalanishga beriladi. Bu mahalla nafaqat o‘z aholisiga, balki atrofdagi...

Kursiv Uzbekistan 16-sentabrda yuz bergan voqea-hodisalarni bitta materialga jamladi.

Ustyurt platosida yirik gaz koni aniqlandi — prezident

Ustyurt platosi hududida 6,5 kilometr chuqurlikda yirik gaz koni topilgani haqida Shavkat Mirziyoyev o‘qituvchilar bilan uchrashuvda ma’lum qildi. Bu haqda davlat rahbari matbuot xizmati xabar berdi.

Avval respublikada neft-gaz ishlari 2,5-3 kilometr chuqurlikda olib borilgan edi. Davlat rahbari ta’kidlashicha, O‘zbekiston sanoati tarixida ilk bor 6 kilometrdan ortiq chuqurlikda quduq burg‘ilandi.

Moliyaviy hisob tizimi xalqaro standartlarga o‘tkaziladi

Prezident qarori bilan O‘zbekistonda moliyaviy hisob (buxgalteriya) tizimini xalqaro standartlarga moslashtirish bo‘yicha chora-tadbirlar belgilandi. Bu haqda Iqtisodiyot va moliya vazirligi ma’lum qildi.

Qarorga ko‘ra, buxgalteriya hisobi tizimini xalqaro...

Farg‘ona viloyatida kuchli ta’sir qiluvchi dori vositalarining noqonuniy savdosi aniqlandi. Bu haqda Bosh prokuratura departamenti ma’lum qildi.

Unga ko‘ra, Uchko‘prik tumanida o‘tkazilgan tezkor tadbirda Qo‘qondagi dorixona sotuvchisi 50 dona «Omnadren 250» dori vositasini shifokor retseptisiz 2,4 mln so‘mga sotayotganda qo‘lga olindi.

Shuningdek, Dang‘ara tumanida o‘tkazilgan tadbirda Buvayda tumanidagi dorixona sotuvchisi 75 dona «Omnadren 250»ni retseptsiz 4,1 mln so‘mga sotganida ushlandi.

Mazkur holatlar yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Namangan viloyati Namangan shahri va Uychi tumanidagi 5 manzilda uch nafar fuqaroga tegishli yashirin dori omborlari aniqlangan edi.

Prezident Shavkat Mirziyoyev Namangan viloyati Norin tumanidagi «Fishvel Norin» korxonasi faoliyati bilan tanishdi.

Korxonada $3 million hisobiga 76 ta innovatsion baliq havzasi barpo etilgan, hozircha 40 tasi ishga tushirilgan. Super intensiv usulda gulmohi baliqlari yetishtirilmoqda. Loyiha to‘liq quvvat bilan ishlaganda yiliga 2 ming tonna mahsulot yetishtirilib, $5 millionlik eksport amalga oshiriladi.

Korxona mahalliy aholini ham baliqchilikka jalb qilmoqda. Xo‘jaqo‘rg‘oncha mahallasidagi 25 ta xonadon klaster bilan hamkorlikda ishlayapti va har bir oilaga yiliga 150 million so‘mgacha daromad keltirmoqda. Kelgusida Norin va Uchqo‘rg‘on tumanlaridagi 100 ta xonadon bu tizimga qo‘shilib, 300 dan ortiq yangi ish o‘rni yaratilishi rejalashtirilgan.

Davlat rahbari mutasaddilarga...