Yangiliklar

O‘zbekistonda 1-sentabrdan loyihaoldi hujjatlarini ishlab chiquvchi loyiha institutlari va tashkilotlari uchun maxsus reyting tizimi joriy etiladi. Bu haqda Adliya vazirligi xabar berdi.

Yangi tizimga muvofiq, loyihaoldi hujjatlarini kompleks ekspertiza qilish jarayonida bir qator yangiliklar tatbiq etiladi. Jumladan, yirik va mega loyihalar hamda ilgari ijobiy xulosa olgan loyihalarga o‘xshash loyihalar uchun hujjatlarning tayyor bo‘lgan bo‘limlarini parallel tarzda ekspertizadan o‘tkazish amaliyoti yo‘lga qo‘yiladi. Bu esa hujjatlarni ko‘rib chiqish jarayonini tezlashtirishga xizmat qiladi.

Shuningdek, agar taqdim etilgan loyiha ilgari Markaz tomonidan ko‘rib chiqilgan loyihaga o‘xshash bo‘lsa, Markaz taklifiga binoan loyihaoldi hujjatlari tezlashtirilgan tartibda ekspertizadan o‘tkazilishi mumkin bo‘ladi.

Reyting ularning faoliyati davomida ishlab...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 6-martdan 13-martgacha bo‘lgan davrda salbiy dinamikani ko‘rsatdi. Ammo UCI fond indeksi 5,5 foizga oshdi.

Ushbu davr mobaynida «Ipoteka-bank» aksiyalari eng katta o‘sishga erishib, 8,65 foizga qimmatlashdi. Shuningdek, «Qizilqumsement» (+7,58%) va «O‘zsanoatqurilishbank» (+6,33) aksiyalarida ham o‘sish qayd etildi.

O‘z navbatida, «O‘zRTXB» aksiyalari 9,07 foizga arzonlashib, haftaning eng katta pasayishini qayd etdi. Bundan tashqari, «Qashqadaryo texnologik transport» aksiyalari (-8,16%) va «O‘zbekneftgaz» (-7,69%) aksiyalari ham pasayish bilan ajralib turdi. Faqatgina «O‘zbektelekom»ning ham oddiy, ham imtiyozli aksiyalari narxida (chunki ular boʻyicha savdolar toʻxtatilgan), shuningdek, «Aloqabank» aksiyalarida o‘zgarish kuzatilmadi.

Ushbu davrda bitimlar soni bo‘yicha O‘zRTXB...

Navroʻz bayrami munosabati bilan qo‘shimcha «Afrosiyob» elektropoyezdlari harakatga qo‘yiladi. Bu haqda «Temiryo‘lekspress» AJ matbuot xizmati ma’lum qildi.

20, 21 va 22-mart kunlari Toshkent — Samarqand — Toshkent yo‘nalishida qo‘shimcha qatnovlar amalga oshiriladi. Samarqand vokzalidan soat 10:55 da (№775 Afrosiyob poyezdi), Toshkent markaziy vokzalidan esa soat 13:56 da (№776 Afrosiyob poyezdi) yo‘lga chiqadi.

Chiptalarni «O‘zbekiston temir yo‘llari» AJ rasmiy sayti, mobil ilovasi yoki temir yo‘l kassalaridan xarid qilish mumkin. Yo‘lovchilarga safarni oldindan rejalashtirish tavsiya etiladi.

Eslatib o‘tamiz, avvalroq Navro‘z munosabati bilan muzey va mehmonxonalarga chegirmalar e’lon qilingan edi.

O‘zbekiston Respublikasida sun’iy intellektni yaratish, joriy etish va foydalanish bo‘yicha yangi etika qoidalari tasdiqlandi. Bu haqda Adliya vazirligi ma’lum qildi.

Mazkur hujjat bilan sun’iy intellekt texnologiya va tizimlaridan foydalanishda bir qator etika tamoyillari belgilandi. Ularga ko‘ra, SI qonuniy bo‘lishi, shaxs, jamiyat va davlat manfaatlari hamda atrof-muhitni himoya qilish ustuvorligi, tushunarli va ochiq bo‘lish, mas’uliyat, javobgarlik hamda nazorat, adolatli bo‘lish va kamsitishga yo‘l qo‘ymaslik, ma’lumotlar himoyasi hamda ishonchlilik va xavfsizlik kabi prinsiplarga rioya qilishi lozim.

Shuningdek, inson huquq va erkinliklariga aloqador, shuningdek, sog‘liqni saqlash va boshqa sohalardagi muhim qarorlar qabul qilinishida faqat sun’iy intellekt tizimlarining xulosalariga tayanmaslik talabi belgilandi...

Mart oyining ikkinchi yarmida respublika aholisi 50 kub metr tabiiy gaz uchun 1 ming so‘mdan to‘lov amalga oshiriladi. Bu haqda Energetika vazirligi ma’lum qildi.

Mart oyining boshida havo haroratining keskin soviganini inobatga olib, isitish mavsumida tabiiy gaz uchun belgilangan oylik bazaviy me’yor 15-martga qadar uzaytirilgan edi. «O‘zgidromet» ma’lumotiga ko‘ra, 16 – 20-mart kunlari respublika hududlarida o‘rtacha havo harorati kunduzi +22°С, kechasi esa +10°С bo‘lishi kutilmoqda.

Shu munosabat bilan 16-martdan boshlab 1-noyabrgacha har oy uchun 100 kub metrgacha, Qoraqalpog‘iston Respublikasi va Xorazm viloyatida esa 1-oktabrgacha «bazaviy me’yor» amal qiladi. Mart oyida esa bir oylik 500 kub metr...

Jahon bozorida volfram metalli taqchilligi yuzaga kelib, uning narxi o‘sish ko‘rsatkichi bo‘yicha oltinni ortda qoldirdi. Xitoy tomonidan eksportning qisqartirilishi hamda Erondagi urush fonida talabning keskin ortishi bunga asosiy sabab bo‘ldi.

2025-yil fevral oyidan boshlab o‘ta zich va qiyin eriydigan volfram metalli qiymati 557 foizga oshgan. Bunga asosiy ishlab chiqaruvchi bo‘lgan Xitoy ushbu mahsulotni eksport nazorati ro‘yxatiga kiritishi va natijada yetkazib berish hajmining qariyb 40 foizga qisqarishi sabab bo‘ldi.

An’anaviy ravishda volfram metallsozlik, qurilish va aerokosmik sanoatda ishlatiladi. Biroq mudofaa xarajatlarining keskin oshishi bozordagi vaziyatni yanada murakkablashtirdi. Ta’minot xavfini kamaytirish maqsadida Avstriyaning Plansee Group tarkibidagi Ceratizit hamda Shvetsiyaning Sandvik guruhlari...

17-mart uchun valyutalar kursi yangilandi. Unga ko‘ra, dollar 9,59 so‘mga oshib, 12 091,22 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

10-mart kuni dollar 15,72 so‘mga oshib, 12 191,25 so‘mni tashkil qildi. Shundan keyin dollarda ketma-ket tushish qayd etildi. Xususan, 11-mart kuni 33,12 so‘mga tushib, 12 158,13 so‘mni, 12-mart kuni 22,37 so‘mga tushib, 12 135,76 so‘mni, 13-martda 33,37 so‘mga tushib, 12 102,39 so‘mni qayd etdi. 16-mart kuniga kelib yana 20,76 so‘mga tushib, 12 081,63 so‘mni tashkil etdi. 

Markaziy bank ma’lumotlariga ko‘ra, yevro 7,36 so‘mga oshib, 13 844,45 so‘mni, rubl 1,28 so‘mga tushib...

«Yuksalish» harakati raisi, Oliy Majlis Qonunchilik palatasi Tadbirkorlik qo‘mitasi raisi Bobur Bekmurodov so‘nggi kunlarda Toshkent shahrida tadbirkorlarni o‘zlariga tegishli reklama va peshlavhalarni majburiy demontaj qilish bilan bog‘liq holatlar yuzasidan munosabat bildirdi.

Uning fikricha, poytaxtning estetik qiyofasini zamonaviylashtirish muhim bo‘lsa-da, bu jarayon qonun ustuvorligi asosida olib borilishi zarur. Xususan, xalq deputatlari Toshkent shahar Kengashining tegishli qarori rasman e’lon qilingandan uch oy o‘tgach kuchga kirishi belgilangan, majburiy demontaj ishlari esa ushbu qaror qabul qilinmasdan avval boshlangan.

Shu bilan birga, qonun hujjatlarining orqaga qaytish kuchiga ega emasligi qayd etilib, ilgari o‘rnatilgan va o‘sha davr talablariga mos kelgan peshlavhalarning daxlsizligi huquqiy jihatdan...

2026-yilda yangi patentlar bo‘yicha aniq reja ishlab chiqiladi. Shavkat Mirziyoyev Olmaliq kon-metallurgiya kombinatida tashkil etilgan Raqamlashtirilgan boshqaruv markazi faoliyati bilan tanishdi.

Mazkur markaz kombinatdagi 1, 2 va 3-mis boyitish fabrikalarida ishlab chiqarish jarayonlarini boshqarish va nazorat qilishda muhim rol o‘ynaydi. Bu yerda zamonaviy raqamli tizimlar orqali maydalash, flotatsiya, filtrlash, suv ta’minoti va transport jarayonlari real vaqt rejimida kuzatiladi.

Markazda «Siemens PCS 7» va «AVEVA PI Vision» platformalari qo‘llaniladi. Yigirma mingdan ortiq uskunalar yagona axborot tizimiga ulangan. «Aqlli» kameralar va sun’iy intellekt yordamida jarayonlar nazorat qilinadi va muammolar avtomatik aniqlanadi.

Prezident sun’iy intellekt texnologiyalari tog‘-kon va metallurgiya sohalarida samaradorlikni oshirish...

Eron ayollar futbol terma jamoasi sardori Zahro Qanbariy Avstraliyadan boshpana so‘rash qaroridan voz kechib, mamlakatni tark etdi. Bu haqda The Guardian xabar bermoqda.

Zahro Qanbariy o‘z qarorini o‘zgartirib, Malayziyadagi jamoadoshlariga qo‘shilgan. Dastlab Avstraliya hukumati jamoaning yetti nafar a’zosiga, shu jumladan, bitta xodimga boshpana berishga qaror qilgan edi.

Ichki ishlar vaziri Toni Berk yakshanba kuni bergan bayonotida uch nafar futbolchi Eronga qaytishga qaror qilganidan so‘ng, ularga o‘z imkoniyatlarini muhokama qilish uchun bir necha bor imkoniyat berilganini ta’kidladi.

«Avstraliya hukumati imkoniyatlarni taqdim eta oladi, ammo biz futbolchilarning ushbu o‘ta qiyin qarorlarni qabul qilish jarayonidagi bosimlarni bartaraf eta...

Xitoyning SAIC avtomobil ishlab chiqaruvchisi va Huawei kompaniyasi hamkorligida yaratilgan HIMA brendi ostidagi yangi Saic Z7 va Z7T elektromobillari 23-mart kuni rasman sotuvga chiqariladi.

Yangi Saic Z7 va Z7T modellarining asosiy o‘ziga xosligi ularning Huawei texnologiyalari bilan jihozlanganligidir. Avtomobillar Huawei Tuling platformasi va Qiankun intellektual boshqaruv tizimi bilan to‘liq integratsiya qilingan. Ma’lumotlarga ko‘ra, elektromobillarning uzunligi 5036 mm dan 5051 mm gacha, kengligi 1976 mm dan 1980 mm gacha, balandligi esa 1445 mm dan 1465 mm gacha bo‘lib, g‘ildirak bazasi 3000 mm ni tashkil etadi.

Xaridorlarga bir va ikki motorli variantlar taklif qilinadi. Bir motorli model 264 kVt quvvatga ega...

«O‘zyo‘lko‘prik» klasterining davlat muassasasi Qoraqalpog‘iston filiali mansabdor shaxsi pora talab qilgan vaqtida qo‘lga olindi. Bu haqda Davlat xavfsizlik xizmati xabar berdi.

Ma’lum bo‘lishicha, mansabdor shaxs qurilish faoliyati bilan shug‘ullanuvchi MChJga «Beruniy – To‘rtko‘l» A380 magistral yo‘li qurilishi loyihasidan 5 kilometr ish hajmini olib berishni va’da qilgan. Buning evaziga u $10 ming talab etgan.

O‘tkazgan tezkor tadbirda mansabdor shaxs ushbu pulni MChJ rahbaridan olayotgan vaqtida ushlandi. Hozirda unga nisbatan jinoyat ishi qo‘zg‘atilgan. Tergov harakatlari davom etmoqda.

Eslatib o‘tamiz, avvalroq Jizzax va Qoraqalpog‘istonda hokimiyat vakillari pora bilan ushlangandi. Hozirda har ikki holat bo‘yicha Jinoyat kodeksining 168-moddasi asosida jinoiy ishlar qo‘zg‘atilgan...

16-mart, dushanba kuni Qadr kechasi munosabati bilan 27 kun davomida 1765 ta masjidda qori va hofizlar tomonidan o‘qib tugatilgan Qur’oni karimning xatmonalari bo‘lib o‘tadi. Bu haqda O‘zbekiston musulmonlari idorasi matbuot xizmati ma’lum qildi.

Mazkur marosimlar yakunida mamlakatdagi masjidlarda bir vaqtda jamoaviy tarzda duolar qilinadi. Ulamolarning ta’kidlashicha, Qur’on to‘liq xatm qilingandan so‘ng qilingan duolar ijobat bo‘lishiga umid katta.

Anas ibn Molik roziyallohu anhudan rivoyat qilinadi: «Qur’on xatm qilinganda ijobat bo‘ladigan duo bor». Bundan kelib chiqadiki, jamoat bo‘lib o‘qilgan namozlar, ayniqsa, Qadr kechasida xatmi Qur’onlardan keyin qilinadigan duolar ijobat bo‘ladi, insho Alloh, – deya yozadi idora.

16-mart kuni soat 14:00 dan boshlab ipoteka kreditlari bo‘yicha davlat subsidiyasini olish uchun arizalar qabul qilinishi boshlandi. Arizalar my.gov.uz portali orqali topshiriladi.

Prezident farmoniga ko‘ra, joriy yilda 30 ming nafar fuqaroga subsidiya berilishi rejalashtirilgan. Buning uchun jami 2,7 trln so‘m mablag‘ ajratiladi.

Subsidiyali ipoteka krediti miqdori Toshkent shahrida 480 mln so‘mgacha bo‘lishi mumkin. Qoraqalpog‘iston va viloyatlarda esa kredit miqdori 380 mln so‘mgacha belgilanadi.

Subsidiyani olish uchun ariza beruvchilar bir qator talablarga javob berishi kerak. Avvalo, ijtimoiy mezonlar bo‘yicha kamida 30 ball to‘plash talab etiladi. Shuningdek, ariza beruvchi va uning turmush o‘rtog‘i nomida uy-joy bo‘lmasligi lozim.

Daromad bo‘yicha ham...

«Yoshlik-1» va «Qalmoqqir» konlari negizida 3-mis boyitish fabrikasi to‘liq ishga tushirilgach, ishlab chiqarish hajmi keskin oshadi. Loyihalar ishga tushganida Olmaliq kombinati mis ishlab chiqarish bo‘yicha dunyodagi uchta eng yirik kompleksdan biriga aylanadi. Bu haqda prezident matbuot xizmati xabar bermoqda.

«Yoshlik-1» va «Qalmoqqir» konlarida 45 mln tonna mis hamda 5 ming tonnadan ziyod oltin zaxirasi mavjud bo‘lib, u sanoatni kamida 100 yil davomida kafolatli xomashyo bilan ta’minlaydi. 3-mis boyitish fabrikasi ishga tushishi natijasida mis konsentrati ishlab chiqarish kuniga 2 ming 400 tonnadan 5 ming tonnaga yetadi hamda 6 mingdan ortiq ish o‘rni yaratiladi.

Fabrikada texnologik jarayonlar sun’iy intellekt yordamida boshqariladi...

O‘zbekistonda zargarlik sanoati 3,3 karra o‘sib, 13 trln so‘mdan oshdi. Bu haqda Shavkat Mirziyoyev Olmaliqdagi 3-mis boyitish fabrikasini ishga tushirish marosimida ma’lum qildi.

So‘nggi yillarda rangli metallarni chuqur qayta ishlash hajmi ham oshdi. Avval qimmatbaho va rangli metallar, asosan, xomashyo sifatida eksport qilinar edi. Hozir esa mamlakatda yiliga 100 ming tonna mis qayta ishlanib, yuqori qiymatli mahsulot ishlab chiqarilmoqda.

Natijada zargarlik sanoati ham tez sur’atda rivojlandi. So‘nggi yillarda bu sohada ishlab chiqarish hajmi 3,3 karra oshib, 13 trln so‘mdan ortdi.

Joriy yilda ishga tushiriladigan yangi loyihalar hisobiga misni chuqur qayta ishlash quvvatlari 240 ming tonnaga yetadi. Kelgusi ikki-uch yil...

BYD kompaniyasining mashhur elektromobili Atto 3 yangilangan versiyada Xitoy sanoat vazirligi bazasida paydo bo‘ldi. CarNewsChina’ga ko‘ra, model kattaroq kuzov va orqa g‘ildirakdan tortuvchi yangi platforma bilan taqdim etiladi.

Yangilangan model Xitoyda Yuan Plus nomi bilan sotiladi. Avtomobil bitta elektromotor bilan jihozlanadi. Dvigatelning ikki xil quvvat varianti bor: 200 kVt va 240 kVt. Mashinaning maksimal tezligi 190 km/soatga yetadi.

Elektromobil BYD kompaniyasining litiy-temir-fosfat turidagi batareyasi bilan ishlaydi. Batareya sig‘imi hujjatlarda ko‘rsatilmagan. Xitoy OAVlariga ko‘ra, model yangi avlod Blade batareyasi va tezkor zaryadlash texnologiyasini ham olishi mumkin.

Yangilangan Atto 3’ning o‘lchamlari ham kattalashgan. Avtomobil uzunligi 4665 mm, eni 1895 mm, balandligi...

Olmaliq kon-metallurgiya kombinatida Shavkat Mirziyoyev ishtirokida 2,7 mlrd dollarlik 3-mis boyitish fabrikasini ishga tushirish marosimi bo‘lib o‘tdi. Bu haqda prezident matbuot xizmati xabar bermoqda.

«Bu ishlarimizning barchasi bir maqsadga – iqtisodiyotimizni yanada rivojlantirish, yangi ish o‘rinlari yaratish, mahallalarga Yangi O‘zbekiston qiyofasini olib kirish va albatta, xalqimizning turmush farovonligini yanada oshirishga qaratilgan», – dedi davlat rahbari o‘z nutqida.

So‘nggi yillarda tog‘-kon sanoati tubdan isloh qilinishi natijasida to‘qqiz yil ichida sohaga $10 mlrd xorijiy investitsiya kiritildi. Bugungi kunda tarmoqda 65 ta xususiy korxona faoliyat yuritmoqda. O‘tgan yili oltin qazib olish hajmi 118,4 tonnaga yetkazilgan bo‘lsa, 2016-yildan...

2025-yili O‘zbekistonda jami 879 ming nafar tug‘ilish holati qayd etildi. Ularning 12 mingdan ziyodi 40 yoshdan oshgan ayollar tomonidan dunyoga keltirilgan. Bu haqda Milliy statistika qo‘mitasi xabar bermoqda.

Tug‘ilish ko‘rsatkichlari onalarning yosh guruhlari bo‘yicha taqsimlanganda, eng katta ulush 25 – 39 yoshdagi ayollarga tegishli ekani ma’lum bo‘ldi. Ushbu guruhda 512 ming nafar (58,2 foiz) chaqaloq dunyoga kelgan. Shuningdek, 25 yoshgacha bo‘lgan onalar 355,1 ming nafar (40,4 foiz) farzand ko‘rgan.

40 yosh va undan katta yoshdagi ayollar tomonidan dunyoga keltirilgan bolalar soni esa 12,4 ming nafar (1,4 foiz)ni tashkil etdi. Ta’kidlash joizki, tug‘ilishning umumiy ko‘rsatkichi o‘tgan yildagiga nisbatan qisman pasaygan...

16-martga o‘tar kechasi Los-Anjelesdagi Dolby teatrida Amerika kinoakademiyasining 98-«Oskar» mukofotlarini topshirish marosimi bo‘lib o‘tdi. Joriy yilda nominatsiyalar soni 24 taga kengaytirildi va g‘oliblarga topshirildi.

Pol Tomas Andersonning «Jang ortidan jang» filmi eng muvaffaqiyatli loyiha bo‘ldi. Kartina «Eng yaxshi film», «Eng yaxshi rejissyor», «Eng yaxshi montaj» hamda «Eng yaxshi moslashtirilgan ssenariy» yo‘nalishlarida g‘olib chiqdi.

Tarixda ilk marta joriy etilgan «Eng yaxshi kasting» yo‘nalishida ham ushbu film mutaxassisi Kassandra Kulukundis mukofotlandi.

«Eng yaxshi aktyor» unvoni «Gunohkorlar» filmidagi roli uchun Maykl B. Jordanga nasib etdi va u ushbu yo‘nalishda g‘olib bo‘lgan oltinchi qora-tanli aktyorga aylandi.

«Eng yaxshi aktrisa» deb «Xamnet» tarixiy dramasidagi...

Olmaota shahrida qishki sharoitda Zeekr X va Geely Galaxy EX5 elektromobillarining yurish zaxirasi sinovdan o‘tkazildi. Natijada Geely Galaxy EX5 bir zaryadda 276,5 km yo‘l bosdi. Zeekr X esa 237 kmda to‘xtadi.

Sinov qanday o‘tdi

Sinov Olmaotada qishki ob-havo va tirbandlik sharoitida o‘tkazildi. Unda Zeekr X va Geely Galaxy EX5 elektromobillari ishtirok etdi. Har ikki avtomobil 100 foiz zaryad bilan yo‘lga chiqdi.

Marshrut shahar bo‘ylab aylana shaklida tanlangan. Bir aylana taxminan 39 km bo‘ldi. Mashinalar odatiy sharoitda boshqarildi. Eko yoki sport rejimlari yoqilmadi. Iqlim tizimi 22 darajaga qo‘yildi. Multimedia, telefon zaryadlash va boshqa qulayliklar ham ishlatildi.

Zeekr X...

Bugun, 16-mart kuni BAA havo hududi qisman yopilishi munosabati bilan Dubayga jo‘nab ketgan ikkita reys Toshkentga qaytarildi. Bu haqda Uzbekistan Airports xabar berdi.

Unga ko‘ra, bu parvozlar HY333 (Uzbekistan Airways) va C6351 (Centrum Air) reyslaridir.

BAA rasmiylariga tayanib, Al Jazeera xabariga ko‘ra, ertalab Dubay xalqaro aeroportida dron hujumi oqibatida yonilg‘i bakida yong‘in yuzaga kelgan va shu sababli aeroport faoliyati vaqtincha to‘xtatilgan.

Uzbekistan Airways yo‘lovchilarga HY333/334 reyslarining bekor qilinishini ma’lum qilib, chiptalarni bepul qayta bron qilish yoki pulini qaytarib olish imkoniyatini taqdim etdi.

Avvalroq Kursiv Uzbekistan Centrum Air aviakompaniyasi 12 – 13-mart kunlari Toshkent – Dubay – Toshkent...

Jahon banki O‘zbekistonga gaz sizib chiqishini bartaraf etish mexanizmini yaratish uchun $10,6 mln miqdorida grant ajratdi. Bu haqda bankning rasmiy sahifasida ma’lum qilindi.

Grant mablag‘lari Jahon bankining Global Flaring and Methane Reduction (GFMR) dasturi hisobidan moliyalashtiriladigan O‘zbekistonda gaz sizib chiqishini bartaraf etish mexanizmini yaratish loyihasiga yo‘naltiriladi. Loyiha «O‘ztransgaz» AJ boshqaruvidagi gaz uzatish tarmoqlarida sizib chiqishlarni aniqlash va bartaraf etish jarayonlarini joriy etishga yordam beradi.

Loyiha doirasida 2029-yilgacha ta’mirlash ishlari orqali yiliga qariyb 47,5 ming tonna gaz yo‘qotilishining oldini olish rejalashtirilgan. Bu esa taxminan $18 million miqdorida mablag‘ni tejash imkonini beradi. Tejalgan mablag‘larning katta qismi uzoq muddatli chora-tadbirlarni amalga oshirishga...

Ahror Burxonov O‘zbekistonning Vashington shtati (AQSH)dagi bosh konsuli etib tayinlandi. Bu haqda u o‘zining ijtimoiy tarmoqdagi rasmiy sahifasida ma’lum qildi.

«O‘tgan yillar men uchun nihoyatda mazmunli va serqirra bo‘ldi. Birgalikda ilgari surilgan tashabbuslar, amalga oshirilgan loyihalar, ustozlardan olingan saboq va tajribalar, hamkasblar bilan yelkama-yelka olib borilgan ishlar hamda turli darajadagi uchrashuv va tadbirlar bu davrni unutilmas va qadrli xotiralarga boy qildi», – deydi u.

Burxonov bunga qadar O‘zbekiston Tashqi ishlar vazirligi matbuot kotibi sifatida ishlab kelayotgan edi.

Eslatib o‘tamiz, bundan oldin Muzaffar Kamilov 16-martdan boshlab Prezident administratsiyasi Diniy-ma’rifiy masalalar bo‘yicha departamentining rahbari lavozimida ish boshlashi...