Yangiliklar

Hukumat qaroriga muvofiq, Mirzo Ulug‘bek nomidagi O‘zbekiston Milliy universiteti huzurida Nazariy fizika instituti tashkil etiladi. Bu haqda Adliya vazirligi ma’lum qildi.

Unga ko‘ra, yangi institut nazariy fizika yo‘nalishida ilmiy-tadqiqot va ilmiy-ma’rifiy faoliyatni amalga oshiradi. Xususan, kvant maydon nazariyasi, subatom fizika, nochiziqli fizika, gravitatsion maydon nazariyasi, kvant tarmoqlar hamda dinamik tizimlar muammolari bo‘yicha ilmiy anjumanlar tashkil etish institutning asosiy vazifalari etib belgilandi.

Shuningdek, institut oliy ta’lim tashkilotlarida iqtidorli talabalar va magistrantlarni ilmiy faoliyatga jalb etish orqali yuqori salohiyatli yosh nazariyotchi fiziklarni tayyorlashda ko‘maklashadi. Bundan tashqari, fizika sohasi rivojlangan mamlakatlarda olib borilayotgan tadqiqotlarning ustuvor yo‘nalishlari va istiqbollari bo‘yicha tahliliy ma’lumotlar...

Qirg‘iziston prezidenti Sadir Japarov metrlab qalinlikdagi qor uyumlari orasidan maktabga qatnaydigan bola bilan uchrashib, unga o‘zining telefonini berdi. Bu haqda prezident matbuot xizmati xabar berdi.

Davlat rahbari 17-dekabr kuni O‘sh viloyatining Qora-Kulja tumani Koo-Chaty qishlog‘ida joylashgan «Aydin-Kol» boshlang‘ich maktabining to‘rtinchi sinf o‘quvchisi Nurzaman Almazbekovni qabul qildi.

Ijtimoiy tarmoqlarda 4-sinf o‘quvchisi qariyb bir metrlik qorga qaramay, qiynalib bo‘lsa-da, qat’iyat bilan maktabga ketayotgani aks etgan video tarqalgan edi. Prezident Sadir Japarov ham ushbu videoni ko‘rib, bolakayning murakkab sharoitda bilim olishga bo‘lgan intilishini yuqori baholagan.

U Nurzamanni prezident archasiga taklif qildi va unga sovg‘alar topshirdi. Shuningdek, prezident o‘quvchiga o‘z iPhone telefonini ham...

Yandex kompaniyasi YaC loyihasi doirasida o‘zining ilk aqlli quloqchinlari Yandex Drops’ni taqdim etdi. Alisa AI bazasida ishlovchi ushbu qurilma foydalanuvchi savollariga javob berish, musiqani boshqarish va ovozli qaydlar yaratish imkonini beradi.

Yandex Drops quloqchinlarining asosiy xususiyati «Mening xotiram» funksiyasi bo‘lib, u orqali foydalanuvchi tasodifiy fikrlar, rejalar yoki muhim ma’lumotlarni eslab qolishni so‘rashi mumkin. Sun’iy intellekt barcha so‘rovlarni tizimlashtirilgan holda Alisa AI chatida saqlaydi. Foydalanuvchi ushbu qaydlarni ham quloqchinlar orqali tinglashi, ham smartfon yoki kompyuter ekranida ko‘rishi mumkin.

Kompaniya vakillarining so‘zlariga ko‘ra, qurilma xuddi Yandex Stansiya kabi ovozli interfeys orqali musiqani boshqarish va turli ma’lumotlarni qidirish imkoniyatiga ega. Masalan, foydalanuvchi...

BBC xabariga ko‘ra, FIFA brendi ostidagi yangi futbol o‘yinlarini ishlab chiqish va nashr etish huquqi Netflix’ga topshirildi. Bu qaror bilan Netflix ilk bor FIFA litsenziyasi asosida videoo‘yin yaratadigan kompaniyaga aylandi.

Loyiha ustida Delphi Interactive studiyasi ishlamoqda. O‘yin 2026-yil futbol bo‘yicha Jahon chempionati oldidan taqdim etilishi rejalashtirilgan. Bu qaror Netflix’ning o‘yinlar yo‘nalishiga kirib borishini yanada kuchaytiradi.

O‘yin Netflix obunachilariga bepul taqdim qilinadi. Uni ishga tushirish uchun iOS yoki Android qurilmalarida, shuningdek, ayrim aqlli televizorlarda Netflix ilovasi bo‘lishi kifoya.

FIFA o‘yinlari bundan oldin 30 yildan ortiq vaqt davomida Electronic Arts (EA) tomonidan ishlab chiqarilgan. EA 2023-yilda litsenziyadan voz kechganidan so‘ng, simulyatorlar...

Jizzax viloyati, Zomin tumanida joylashgan mashhur osma ko‘prik 23-dekabr kuni elektron auksion orqali sotuvga chiqariladi. Savdo e-auksion.uz platformasida bo‘lib o‘tadi.

Ma’lumotga ko‘ra, boshlang‘ich narx 149,3 milliard so‘m etib belgilangan. Auksion oshirib borish usulida o‘tkaziladi.

Auksionga faqat osma ko‘prik emas, balki uning atrofidagi turistik infratuzilma ham qo‘yilgan. Jumladan, majmua tarkibiga:

Umumiy maydoni 22,1 ming kvadrat metr bo‘lgan ushbu xizmat ko‘rsatish obyektlari majmuasi qo‘shimcha majburiyatlar bilan sotiladi.

Lot buyurtmachisi sifatida «Turonbank»ka tegishli «Turon Plaza Hotel» MChJ ko‘rsatilgan.

Eslatib o‘tamiz, avvalroq Toshkentdagi «O‘zstandart» binosi ham...

Birlashgan kurash dunyosi dekabr oyi uchun jahon reytingining yangilangan jadvalini e’lon qildi. Bu haqda Milliy olimpiya qo‘mitasi xabar berdi.

2025-yil yakunlariga ko‘ra, yunon-rum kurashi bo‘yicha O‘zbekiston terma jamoasining uch nafar sportchisi o‘z vazn toifalarida jahonning eng kuchli kurashchilari deb topildi. Reyting natijalariga ko‘ra, yil davomida nufuzli xalqaro musobaqalarda muvaffaqiyatli ishtirok etib, eng ko‘p ochko jamg‘argan sportchilar peshqadamlikni qo‘lga kiritgan.

Alisher G‘aniyev 60 kgcha vazn toifasida, Aytjan Xalmaxanov 63 kg vazn toifasida va Abdullo Aliyev 72 kg vazn toifasida peshqadam bo‘lib turishibdi. Ushbu sportchilar yil davomida barqaror natijalar ko‘rsatib, o‘z vazn toifalarida yetakchi ekanliklarini isbotladi. Reyting jadvali sportchilarning xalqaro arenalarda...

Gruziya parlamenti saylov kodeksiga xorijda saylov uchastkalari ochishni taqiqlovchi o‘zgartirishlarni yakuniy o‘qishda tasdiqladi. Bu haqda Deutsche Welle nashri xabar bermoqda.

Hukmron «Gruziya orzusi» partiyasi deputati Archil Gorduladze xorijdagi fuqarolar ovoz berish huquqidan mahrum etilmagani, balki saylov kuni vataniga qaytib ovoz berishlari mumkinligini bildirdi. Parlament spikeri Shalva Papuashvili ushbu chorani mamlakat suverenitetini himoya qilish zarurati bilan izohladi.

Uning so‘zlariga ko‘ra, xorijda yashayotgan fuqarolar «begona yurisdiksiya va siyosiy muhit» ta’sirida bo‘lishi mumkin, bu esa saylov barqarorligiga xavf tug‘diradi. Mutaxassislar ushbu qarorni xalqaro ta’sirni kamaytirish vositasi sifatida baholamoqda.

Muxolifat vakillari esa ushbu cheklovni keskin tanqid qilib, uni hukumatning diasporadan keladigan muxolif ovozlarni...

Senatning o‘n ikkinchi yalpi majlisida «Soliq va budjet siyosatining 2026-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun muhokama etildi. Bu haqda Senat matbuot xizmati xabar berdi.

Ushbu qonunga ko‘ra, kelayotgan yangi yilda ham soliq siyosatida asosiy soliq stavkalari – qo‘shilgan qiymat solig‘i 12 foiz, foyda solig‘ining bazaviy stavkasi 15 foiz, jismoniy shaxslardan olinadigan daromad solig‘i 12 foiz, yuridik shaxslarning mol-mulkiga solinadigan soliq stavkasi 1,5 foiz, qishloq xo‘jaligiga mo‘ljallangan yerlar uchun yer solig‘i 0,95 foiz, ijtimoiy soliq 12 foiz (budjet tashkilotlari uchun 25 foiz), aylanmadan olinadigan soliq...

19-dekabr uchun valyuta kurslari e’lon qilindi. Shu kun uchun AQSh valyutasi 12 021,61 so‘m (-38,17 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Davlat aktivlarini boshqarish agentligi Toshkentdagi yana bir yirik davlat obyektini savdoga chiqardi. Bu haqda rasmiy sahifada ma’lum qilindi.

Unga ko‘ra, Yakkasaroy tumanida joylashgan, hozirda Texnik jihatdan tartibga solish agentligi huzuridagi O‘zbekiston standartlar instituti (O‘zstandart) faoliyat yuritayotgan ma’muriy bino sotuvga qo‘yildi.

E-auksion platformasida e’lon qilingan ma’lumotlarga ko‘ra, to‘rt qavatli bino Chо‘ponota va Bog‘ibuston ko‘chalari kesishmasida, Janubiy vokzalga yaqin hududda joylashgan. Obyekt 0,67 gektar yer maydonini egallaydi, binodagi umumiy foydali maydon esa 8 413 kvadrat metrni tashkil etadi. Unda elektr energiyasi, gaz, suv va kanalizatsiya kabi barcha muhandislik kommunikatsiyalari mavjud.

Lotning boshlang‘ich narxi 116,32 mlrd so‘m etib belgilangan. Auksion 2026-yil 16-yanvar...

Internetda ilk bukiluvchi iPhone smartfoni haqidagi navbatdagi ma’lumotlar tarqaldi. Iphone-Ticker sayti CAD-chizmalarga asoslangan birinchi renderlarni e’lon qildi.

Rasmlarda ko‘rinishicha, kamera blokining shakli iPhone Air dizayniga o‘xshaydi, biroq ikkita modulga ega. Avvalgi sizdirilgan ma’lumotlarda ham bukiluvchi iPhone ikki Air modelining birlashtirilgan ko‘rinishiga o‘xshashi aytilgandi.

Chizmalar qurilmaning taxminiy o‘lchamlarini ham ko‘rsatadi. Bukilgan holda u 83,8 x 120,6 x 9,6 mm bo‘ladi. Bu juda yupqa deb bo‘lmasa-da, bukiluvchi qurilmalar orasida raqobatchi bo‘ladigan daraja. Yoyilgan holatda kengligi 167,6 mm yetadi. Taqqoslash uchun Samsung Galaxy Z Fold7 o‘lchamlari 158,4 x 72,8/143,2 x 8,9 mm bo‘lgan. Demak, Apple formatni o‘zgacha yondashuv bilan tanlagan.

Renderlarda asosiy...

Bayram oldi va bayram kunlari yo‘lovchilarga qulaylik yaratish maqsadida 156/155-sonli Toshkent – Xiva – Toshkent yo‘nalishida qo‘shimcha poyezd qatnovlari tashkil etiladi. Bu haqda «O‘ztemiryo‘lyo‘lovchi» AJ xabar berdi.

Unga ko‘ra, 156-sonli Toshkent – Xiva poyezdi Toshkent janubiy bekatidan 2025-yil 19, 23 va 27-dekabr kunlari, shuningdek, 2026-yil 2, 3 va 9-yanvar kunlari soat 22:35 da yo‘lga chiqadi.

155-sonli Xiva – Toshkent poyezdi esa Xiva bekatidan 2025-yil 20, 24 va 28-dekabr kunlari, shuningdek, 2026-yil 3, 4 va 10-yanvar kunlari soat 15:14 da jo‘naydi.

Eslatib o‘tamiz, avvalroq talabalar uchun poyezd chiptalariga 50 foizlik chegirma berilishi haqida xabar qilingandi. Unga ko‘ra, barcha mahalliy...

Dockcase kompaniyasi iPhone 17 Pro modeli uchun orqa tomonida qo‘shimcha displey va microSD slotiga ega bo‘lgan Selfix Case g‘ilofini namoyish etdi. Aksessuar yaqin vaqt ichida Kickstarter platformasi orqali ommaga taqdim etilishi rejalashtirilgan.

Selfix Case smartfonga USB-C porti orqali ulanadi va quvvatni bevosita iPhone qurilmasidan oladi. G‘ilofning orqa qismiga 1,6 dyuymli AMOLED displey o‘rnatilgan bo‘lib, u foydalanuvchilarga asosiy kamera yordamida yuqori sifatli selfilar olish imkonini beradi. Orqa ekran g‘ilofning yon tomonidagi maxsus tugma orqali yoqiladi va o‘chiriladi.

Aksessuarning o‘ziga xos xususiyatlaridan biri uning ichki qismida 2 terabaytgacha bo‘lgan microSD kartalari uchun slot mavjudligidir. Bu yechim iPhone foydalanuvchilariga xotira hajmini sezilarli...

Samarqand shahrida qarzdorning 6,2 mlrd so‘mlik mehmonxonasi savdoga chiqarildi. Bu haqda Majburiy ijro byurosi Samarqand viloyati boshqarmasi matbuot kotibi Jaloliddin Sherboyev Kursiv Uzbekistan’ga ma’lum qildi.

Uning so‘zlariga ko‘ra, «Milliybank» AJ tomonidan Samarqand shahridagi mas’uliyati cheklangan jamiyatga tadbirkorlik faoliyatini rivojlantirish maqsadida kredit ajratilgan. Biroq korxona kredit shartlarini bajarmagani sababli 4 mlrd 650 mln so‘m miqdorida muddati o‘tgan qarzdorlik yuzaga kelgan.

Samarqand shahar iqtisodiy sudining 2025-yil 12-martdagi ijro varaqasiga ko‘ra, qarzdorlikni undirish garovga qo‘yilgan korxona binosiga qaratilgan. Shunga qaramasdan korxona rahbari tegishli choralarni ko‘rmagan.

Majburiy ijro byurosi inspektorlari korxona rahbariyatini bir necha bor ogohlantirib, mol-mulkka taqiq qo‘ygan. Qarz to‘lanmagani sababli garovga qo‘yilgan...

Amerika kinoakademiyasi 2026-yilgi «Oskar» mukofoti uchun short-listga kirgan filmlar ro‘yxatini taqdim etdi. Unga ko‘ra, bu yil 12 ta nominatsiya bo‘yicha turli janrdagi filmlar saralangan. Ro‘yxatda yirik blokbasterlar bilan birga mualliflik dramalari ham bor.

Short-list natijalari bo‘yicha ovoz berish 12–16-yanvar kunlari o‘tkaziladi. Rasmiy nominantlar 22-yanvarda e’lon qilinadi. Taqdirlash marosimi esa 15-mart kuni bo‘lib o‘tadi. Quyida asosiy nominatsiyalar bo‘yicha short-listlar keltirilgan.

Eng yaxshi kasting

O‘zbekiston milliy terma jamoasi darvozaboni O‘tkir Yusupov o‘zining oldin to‘p surgan «lochinlar» jamoasi – «Navbahor» futbol klubi bilan shartnoma imzoladi. Bu haqda klub matbuot xizmati xabar berdi.

Yusupov Avstriyaning Insbruk shahrida jarohatidan davolanayotgan edi. Oktabr oyining o‘rtalarida jarrohlik amaliyotini ham boshidan kechirgandi. O‘FA tomonidan futbolchining jarrohlik amaliyoti uchun mazkur yo‘nalishda katta tajriba ega bo‘lgan jarroh, xususan, Sadio Mane, Federiko Keza, Lyuka Ernandes, Leroy Sane, David Alaba singari futbolchilar bilan ishlagan tajribali mutaxassis Fink Kristian jalb etilgandi. Futbolchi davolanish olib borilgan klinikadan chiqqach reabilitatsiya jarayonini «Armonia» nomli maxsus tibbiy markazda davom ettirdi.

O‘tkir Yusupov 1991-yil 4-yanvarda Qozog‘istonning Sayram shahrida...

Pekindagi X Museum’da namoyish etilayotgan qimmatbaho eksponatlardan biri sof oltindan yasalgan toj yosh bolaning ehtiyotsiz harakati oqibatida shikastlandi. Bu haqda Need to Know nashri xabar berdi.

Unga ko‘ra, buyumning bahosi $320 mingdan oshadi. Mazkur toj mashhur beauty-bloger Chjan Kayiga tegishli bo‘lib, uni blogerning turmush o‘rtog‘i rassom Chjan Yudun qo‘lda, sof oltindan yasagan. Taxminan ikki kilogramm vaznga ega toj Chjan Kayining to‘y kuni taqilgan va shundan so‘ng muzey ekspozitsiyasiga qo‘yilgan.

Voqea bolakay ekspozitsiyani tomosha qilayotgan paytda sodir bo‘lgan. U toj saqlanayotgan shisha boksga tegib yuborgan, natijada boks qulab tushib, eksponat sinib ketgan. Mutaxassislar tojni restavratsiya qilish xarajatlari $56 mingga yetishi...

Warner Bros. Discovery hujjatlarda kompaniyani sotib olishga qiziqish bildirgan yana bir nomi oshkor etilmagan media kompaniya taklif berganini tasdiqladi. Bu haqda Forbes ma’lum qildi. Shu tariqa sotib olish bo‘yicha taklif berganlar soni to‘rttaga yetdi. (Netflix, Paramount va Comcast bilan)

AQSh Qimmatli qog‘ozlar va birjalar komissiyasiga taqdim etilgan hujjatlarga ko‘ra, Warner Bros. Discovery barcha biznes yoki uning ayrim qismlari bo‘yicha bir nechta takliflarni olgan. «Company A» faqatgina kinostudiyalar va striming yo‘nalishini sotib olishni taklif qilgan.

Noma’lum «Company C» esa kompaniyaning Global Networks bo‘limi, jumladan CNN, TNT, TBS kabi telekanallarni, shuningdek, kino va striming aktivlarining 20 foizini sotib olish bo‘yicha...

Rossiyaning «Iqtisod oily maktabi» milliy tadqiqot universitetida tahsil olayotgan 31 nafar o‘zbekistonlik talabaga nisbatan qo‘llanilgan ma’muriy choralar bekor qilindi. Bu haqda Oliy Majlisning Inson huquqlari bo‘yicha vakili matbuot xizmati xabar berdi.

Muammo joriy yilning oktabr oyida O‘zbekiston Ombudsmanining Rossiyaga tashrifi davomida o‘tkazilgan sayyor qabulda ma’lum bo‘lgan. Universitet ma’muriyati talabalarning migratsiya hisobiga turish muddatini uzaytirish bo‘yicha ma’lumotlarni o‘z vaqtida taqdim etmagan. Buning oqibatida talabalar Rossiya hududida 90 kundan ortiq noqonuniy qolib ketgan deb hisoblanib, ularga 40 ming rubl miqdorida jarima solish talab qilingan edi.

Rossiya Federatsiyasining Inson huquqlari bo‘yicha vakili va Ichki ishlar vazirligi migratsiya xizmati hamkorligida o‘tkazilgan tekshiruvdan so‘ng...

2029-yildan boshlab «Oskar» mukofotini topshirish marosimi butun dunyo bo‘ylab YouTube platformasida bepul efirga uzatiladi. Bu bo‘yicha Amerika Kino san’ati va fanlari akademiyasi va YouTube ko‘p yillik hamkorlik to‘g‘risida kelishuvga erishdi.

Kelishuv shartlariga asosan, YouTube 2033-yilgacha marosimni namoyish etish bo‘yicha eksklyuziv global huquqlarga ega bo‘ladi. 2026, 2027 va 2028-yillardagi marosimlar esa AQSh hududida avvalgidek ABC telekanali orqali translyatsiya qilinadi.

Yangi format tomoshabinlarga nafaqat asosiy marosimni, balki qizil gilamdan jonli reportajlar, sahna ortidagi lavhalar hamda Gubernatorlar bali – mukofot topshirish munosabati bilan o‘tkaziladigan yopiq tadbirni ham tomosha qilish imkonini beradi. AQShdagi YouTube TV obunachilari ham ushbu kontentdan foydalanishi mumkin bo‘ladi.

Kinoakademiya...

Honor kompaniyasi Honor Magic 8 Pro flagmanini Yevropa bozoriga chiqarishga tayyorlanmoqda. Bu haqda GSMArena xabar bermoqda.

Smartfon Xitoyda kuzda taqdim etilgan va noyabr oyida Malayziyada savdoga chiqqan edi. Oldindan buyurtmalar Bolgariyada 15-yanvardan qabul qilina boshlaydi. Narxi 1100 yevro etib belgilangan. 29-yanvardan sotuv boshlangach narx 1299 yevroga oshadi. Ushbu summa evaziga xaridor 12 GB operativ va 512 GB ichki xotirali versiyani oladi. Ranglar – qora va oltin.

Magic 8 Pro Honor Care+ xizmati bilan yetkaziladi. Bu ekran shikastlanganda uni 50 yevro to‘lab bir marta almashtirish imkonini beradi.

Smartfon 6,71 dyuymli LTPO OLED ekranga ega bo‘lib, 120 Hz yangilanish tezligi...

Toshkent shahrining Mirzo Ulug‘bek tumanida joylashgan Avtomobil yo‘llari qo‘mitasi ma’muriy binosi auksion orqali sotildi. Savdolar bugun, 18-dekabr kuni bo‘lib o‘tdi.

Auksion yakuniga ko‘ra, obyektni 242 milliard so‘mlik taklif bilan Qobiljon Norbekov qo‘lga kiritdi. Xaridor binoni muddatli to‘lov asosida xarid qiladi.

Ma’lum qilinishicha, Avtomobil yo‘llari qo‘mitasi Yangi Toshkent shahri hududiga ko‘chib o‘tishni rejalashtirmoqda va uch yil davomida mazkur binoni to‘liq bo‘shatib berish majburiyatini olgan. Agar Yangi Toshkentdagi yangi ma’muriy bino belgilangan muddatdan oldin foydalanishga topshirilsa, hozirgi obyekt ham xaridorga avvalroq beriladi.

Sotilgan bino poytaxt markazida, Hamid Olimjon metro bekati yaqinida joylashgan. Obyekt barcha zarur kommunikatsiyalar – suv, gaz, elektr va...

Ford kompaniyasi $6,5 mlrdlik batareya shartnomasini bekor qilib, bir qator elektromobillar loyihasidan voz kechdi. Bu haqda Bloomberg xabar bermoqda.

Kompaniya LG Energy bilan tuzilgan yirik batareya yetkazib berish shartnomasini bekor qilgan. Ford elektr avtomobillarning ayrim modellari ishlab chiqarilishini to‘xtatishga qaror qilgani sababli LG bilan $6,5 mlrdlik kelishuv bekor qilindi. Ushbu shartnoma bo‘yicha LG 2027 – 2032-yillar oralig‘ida Ford’ga akkumulyatorlar yetkazib berishi kerak edi. Bu LG uchun jiddiy zarba, chunki shartnoma kompaniyaning yillik daromadining 30 foiziga yaqin ulushni tashkil qilardi.

Ford elektromobil strategiyasini keng miqyosda o‘zgartirmoqda. Dushanba kuni kompaniya $19,5 mlrdlik aktivlarni hisobdan chiqarishi va bir nechta elektr modellarni...

Hongqi elektromobillari 2027-yildan qattiq holatli batareyalar bilan jihozlanishi kutilmoqda. CarNewsChina xabariga ko‘ra, kompaniya 2027-yil oxiriga borib prototipdan kichik seriyali ishlab chiqarishga o‘tishni rejalashtirgan.

FAW 66 Ah sig‘imli qattiq holatli batareya elementlarining sinov ishlab chiqarishini yakunlagan. Bundan tashqari, kompaniya energiya zichligi, resurs muddati, termal boshqaruv va masshtablash kabi texnik muammolarni hal qilish uchun 27 ta sanoat hamkori bilan ilmiy-tadqiqot ishlarini olib bormoqda.

Prototip batareyalar Hongqi’ning yuqori toifali sedan va yo‘ltanlamas modellarida uzoq masofaga mo‘ljallangan ishlash rejimlarida sinovdan o‘tkazilmoqda.

Sanoat prognozlariga ko‘ra, Xitoyda qattiq holatli batareyalar 2026 – 2027-yillarda kichik hajmda avtomobillarda qo‘llanila boshlashi mumkin. Dastlabki namunalarda energiya zichligi...