Yangiliklar

Prezident Shavkat Mirziyoyev «O‘zbekiston temiryo‘llari», Uzbekistan Airways va Uzbekistan Airports kompaniyalariga yil boshidagi xizmat tannarxini kamida 20 foizgacha kamaytirish vazifasini topshirdi. Bu haqda transport vaziri Ilhom Mahkamov «O‘zbekiston 24» telekanaliga bergan intervyusida ma’lum qildi.

«Xarajatlarni kamida 20 foizga optimallashtirish bo‘yicha aniq chora-tadbirlar belgilandi. Shu bilan birga, ushbu korxonalar 2026-yil uchun ham xarajatlarni kamaytirish vazifalarini belgilaydi. Bir hafta ichida bu borada alohida qaror qabul qilinadi», – dedi Mahkamov.

Uning ta’kidlashicha, korxonalarning transformatsiyasi davom ettiriladi, ularni yirik xalqaro reytinglarga kiritish hamda xarid jarayonlarini alohida auditdan o‘tkazish rejalashtirilgan.

Ilhom Mahkamov transport sohasidagi yashirin iqtisodiyot masalasiga ham to‘xtalib o‘tdi...

Shanba kuni Qohira yaqinida qurilishi 20 yil davom etgan va qiymati $1 mlrd bo‘lgan Katta Misr muzeyi rasman ochiladi. Majmua sivilizatsiyaga bag‘ishlangan dunyodagi eng yirik arxeologik obyekt sifatida taqdim etilmoqda.

Giza ehromlaridan atigi 1,5 kilometr uzoqlikda joylashgan muzey 470 ming kvadrat metr maydonni egallaydi. Qurilish 2005-yilda boshlangan bo‘lib, loyihaning ayrim qismlari 2024-yilda ochilgan. Muzeyda 50 mingdan ortiq eksponatlar, jumladan, 3200 yillik, 83 tonna og‘irlikdagi Ramses II haykali va 4500 yillik Xufu fir’avniga tegishli qayiq namoyish etiladi.

Muzeyda 24 ming kvadrat metrli doimiy ekspozitsiya, bolalar muzeyi, konferensiya zallari, o‘quv markazlari, tijorat zonasi va restavratsiya markazi mavjud. 12 ta asosiy galereyada...

30-oktabr kuni soat 12:45 atrofida Toshkent shahrining Yashnobod tumanida Mercedes-Benz G-Class va tez yordam mashinasi ishtirokida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi boshqarmasi xabar berdi.

Hodisa oqibatida ikki kishi tan jarohati oldi. Ular voqea joyida tibbiy yordam olgan.

Holat yuzasidan surishtiruv ishlari boshlagan. Rasmiylar haydovchilarga yo‘l harakati qoidalariga qat’iy amal qilish zarurligini eslatib o‘tgan.

Kursiv Uzbekistan nashri Chery krossoveri Malibuning ustiga chiqib ketgani haqida yozgan edi.

Toshkentda 2025 – 2026-yilgi isitish mavsumi kelasi hafta boshida boshlanishi mumkin. Ma’lumotlarga ko‘ra, O‘zbekiston hududiga 3-noyabrdan boshlab sovuq va nam havo massalari kirib keladi. Ayrim hududlarda yomg‘ir qorga aylanadi, kechalari esa havo harorati 0 – 3 darajagacha pasayadi.

Vazirlar Mahkamasining 2014-yil 15-iyuldagi qaroriga muvofiq, isitish mavsumi tashqi havoning o‘rtacha sutkalik harorati besh kun davomida 8 darajadan past bo‘lganda boshlanadi. Shu asosda Toshkent shahar hokimligi issiqlik ta’minotini yoqish muddatini belgilashi lozim.

O‘zgidromet prognoziga ko‘ra, 3 – 5-noyabr kunlari ayrim joylarda yomg‘ir yog‘adi, tog‘li hududlarda esa qorga aylanadi. 4 – 6-noyabr oralig‘ida havo harorati kunduz kunlari 8–13 daraja, kechalari...

3-noyabr uchun valyuta kurslari e’lon qilindi. Shu kun uchun AQSh valyutasi 12 005,09 so‘m (-20,13 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 27-oktabr kuni dollar 12 117,35 so‘mga (-11,98 so‘m), 28-oktabr kuni 12 053,46 so‘mga (-63,89 so‘m), 29-oktabr kuni 12 004,47 so‘mga (-48,99 so‘m), 30-oktabr kuni esa 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi.

Markaziy bank ma’lumotlariga ko‘ra, yevro 71,41 so‘mga tushib, 13 898,29 so‘mni, rubl esa 0,80 so‘mga tushib, 148,56 so‘mni tashkil qildi.

Markaziy bank milliy valyutaning mustahkamlanishini...

CasinoHawks superkompyuteri Angliya Premer-ligasining yakuniy jadvalini taxmin qildi. Natijalarga ko‘ra, «Arsenal» 2025/26-yilgi mavsumni 90 ochko bilan birinchi o‘rinda yakunlaydi. «Liverpul» 77 ochko bilan ikkinchi, «Manchester Siti» va «Chelsi» esa kuchli to‘rtlikni to‘ldiradi.

Superkompyuter hisob-kitoblariga ko‘ra, Mikel Arteta jamoasi 38 uchrashuvda 28 ta g‘alaba qozonadi. «Arsenal» hozirda Premer-ligada to‘rt ochkolik farq bilan peshqadam bo‘lib turibdi. «Liverpul» so‘nggi o‘yinlardagi muvaffaqiyatsiz natijalarga qaramay, chempionlik poygasida asosiy raqib sifatida ko‘rilmoqda.

«Manchester Yunayted» Ruben Amorim boshchiligida uchta o‘yinda ketma-ket g‘alaba qozongan bo‘lsa ham, jamoa mavsumni 12-o‘rinda yakunlashi aytilgan. Eng quyi uchlikda «Vest Xem», «Byornli» va «Vulverhempton» joy oladi va ular Chempionshipga tushib ketishi mumkin.

O‘zbekistonning olti oliygohidan o‘n nafar talaba Xitoyda o‘tkazilgan Huawei kompaniyasining Seeds for the Future 2025 dasturida ishtirok etdi. Ular Dunguan va Shenjjen shaharlarida zamonaviy AKT bo‘yicha intensiv kurslarda qatnashib, 19 davlatdan kelgan talabalar bilan tajriba almashdi. Bu haqda kompaniya Kursiv Uzbekistan’ga ma’lum qildi.

Dastur 19 – 22-oktabr kunlari Huawei’ning Dunguan shahridagi trening markazida bo‘lib o‘tdi. Talabalar sun’iy intellekt, bulut texnologiyalari va 5G-6G tarmoqlari rivoji haqida mahorat darslarida qatnashdi. Mashg‘ulotlar interaktiv tarzda o‘tkazilib, ishtirokchilar nazariy bilimni amaliy topshiriqlar bilan mustahkamlashdi.

Turin politexnika universiteti talabasi Faxriya Dosmuhamedova Huawei’dagi treninglardan katta taassurot olganini aytib, bu safar uni 5G texnologiyalarini qurilish sohasiga qo‘llash yo‘nalishida...

2026-yil 1-yanvardan boshlab Rossiyaning bir qator hududlarida mehnat migrantlari uchun patentlar narxi oshadi. Hududiy hokimliklar yangi koeffitsiyentlarni tasdiqladi, ular orqali migrantlar to‘laydigan oylik soliq miqdori aniqlanadi.

Mahalliy hukumatlar bu o‘zgarishlar orqali mintaqa budjetlari daromadini oshirishni maqsad qilgan. Patent narxlari:

Patent migrantlarga ma’lum hudud va sohada ishlash huquqini beradi. Hujjatni olish uchun o‘rtacha 30 ming rubl sarflash kerak bo‘ladi. Agar to‘lov o‘z vaqtida amalga...

Xitoyning Dongfeng Forthing kompaniyasi yangi Xinghai S7 (2026) elektromobilini rasman taqdim etdi. Bu haqda CarNewsChina xabar bermoqda.

Yangilangan model to‘rtta komplektatsiyada sotuvga chiqdi, narxlar 119 900 – 149 900 yuan (taxminan $16 800 – $21 000) oralig‘ida belgilangan.

Yangi S7 modeli dizayn jihatidan o‘z uslubini saqlab qolgan. U muhim texnologik yangilik bilan ajralib turadi. Bu tizim avtomobilga 650 km elektr yurish masofasini ta’minlaydi va atigi 14 daqiqada 320 km masofaga yetadigan zaryadni to‘ldira oladi.

Tashqi ko‘rinishda avtomobil 7-shaklli LED yoritgichlari, aerodinamik kupe uslubidagi tom qismi va 0,191 Cd past havo qarshilik koeffitsienti bilan ajralib turadi. O‘lchamlari 4935×1915×1495 mm. G‘ildirak...

Qatar mezbonlik qiladigan 17 yoshgacha futbolchilar o‘rtasidagi Jahon chempionatida ishtirok etish uchun O‘zbekiston U-17 terma jamoasi yakuniy tarkibni e’lon qildi. Tarkibdan 21 futbolchi o‘rin olgan.

Islombek Ismoilov shogirdlari Jahon chempionatiga tayyorgarlik ko‘rish uchun BAAda yig‘in o‘tkazdi. Yig‘in doirasida Venesuela, Kot-d’Ivuar va Burkina-fasolik tengqurlariga qarshi nazorat uchrashuvlari o‘tkazildi.

O‘zbekiston «J» guruhidan Paragvay, Panama va Irlandiya bilan birgalikda o‘rin olgan. Vakillarimiz musobaqadagi ishtirokini 5-noyabr kuni Paragvayga qarshi o‘yin bilan boshlaydi. Futbolchilarimizga Jahon chempionatida zafarlar tilaymiz.

Avvalroq Kursiv Uzbekistan U-17 terma jamoamiz Venesuela bilan durang qayd etgani haqida xabar bergan edi.

BYD kompaniyasi tomonidan BYD M9 2026 avtomobili 4-noyabr kuni Xitoyda taqdim etiladi. Bu haqda CarNewsChina xabar bermoqda.

Yangilangan avtomobil tashqi ko‘rinishini asosan saqlab qolgan. LiDAR tizimi va 218 kilometrgacha elektrda yurish imkoniyati bilan jihozlangan. Bu M9 seriyasidagi eng yuqori natija hisoblanadi.

BYD M9 kompaniyaning eng yirik gibrid mikroavtobusi bo‘lib, Denza D9 va kichikroq oilaviy MPV modellari o‘rtasida joylashadi. U shaxsiy va korporativ mijozlar uchun mo‘ljallangan. Mazkur model yil boshida Meksikada ham M9 nomi ostida savdoga chiqarilgan edi.

Tashqi dizayn BYD’ning Loong Face (Dragon Face) uslubida yaratilgan. Keng xromli panjara va o‘tkir LED chiroqlar bilan. 2026-yilgi versiyada yangi Far Mountain...

Workmall xususiy bandlik agentligi Janubiy Koreyada joylashgan kemasozlik korxonasiga tajribali elektriklarni ishga taklif qilmoqda. Bu haqda Migratsiya agentligi xabar berdi.

Ish doimiy mehnat shartnomasi asosida taklif etiladi. Oyiga 264 soatlik ish uchun $1,7 ming maosh to‘lanadi. Qo‘shimcha ish soatlari uchun alohida haq belgilanadi. Ish beruvchi xodimlarni bepul turarjoy va bir mahal ovqat bilan ta’minlaydi.

Nomzodlar 22 yoshdan 35 yoshgacha bo‘lishi, bakalavr yoki undan yuqori darajadagi diplomga ega bo‘lishi, sohada kamida bir yillik ish tajribasiga ega bo‘lishi kerak. Shuningdek, sudlanmaganlik haqida ma’lumotnoma va xorijga chiqish pasporti talab etiladi. Saralashdan o‘tganlar koreys tili kurslarida qatnashishi mumkin.

Ro‘yxatdan o‘tish xorijda ish

Vivo kompaniyasi tomonidan Vivo X300 va X300 Pro smartfonlari Yevropada taqdim etildi. Bu haqda GSMArena xabar bermoqda.

Ma’lum qilinishicha, rasmiy taqdimot Avstriya poytaxti Venada o‘tkazilgan. Ikkala model ham 90 vattli simli va 40 vattli simsiz zaryadlash tizimlarini qo‘llab-quvvatlaydi. Vivo X300 6,31 dyuymli, X300 Pro esa 6,82 dyuymli OLED displey bilan jihozlangan. Har ikkisi 120 Hz yangilanish chastotasini ta’minlaydi.

Kamera tizimi

Vivo X300 modelida asosiy kameraga 200 megapikselli Samsung HPB sensori o‘rnatilgan. Unga 50 MP Sony LYT-602 (telefoto) va 50 MP ultra keng burchakli modul hamroh bo‘ladi.

Vivo X300 Pro esa teskari konfiguratsiyaga ega: asosiy modulda 50 MP...

30-oktabr kuni Nyu-Yorkda yoqqan kuchli yomg‘ir natijasida ikki kishi halok bo‘ldi. Bu haqda Reuters xabar berdi.

Kuchli yomg‘ir va shamol tufayli bir nechta reyslar bekor qilindi hamda ayrim hududlarda suv toshqinlari xavfi e’lon qilindi. Jon Kennedi, La-Guardiya va Nyuark aeroportlarida parvozlar jadvaliga o‘zgartirish kiritildi. Shahar ko‘chalarining bir qismi suv ostida qolgan.

«Bu bo‘ron yog‘ingarchilik miqdori bo‘yicha rekord o‘rnatdi. Bir necha soatda yog‘ishi kerak bo‘lgan yomg‘ir atigi 10 daqiqada yog‘di», – deb yozdi shahar meri Adams o‘zining X tarmog‘idagi sahifasida.

Meteorologlarga ko‘ra, 30-oktabr kuni Sentral Parkda 4,7 sm, La-Guardiya aeroportida 5,31 sm va Nyuark aeroportida...

Raqobat qo‘mitasi «Golden House Property Group» MChJga iste’molchilar huquqlarini cheklovchi shartlar bo‘yicha qonunbuzarliklarni ixtiyoriy ravishda bartaraf etish to‘g‘risida ko‘rsatma berdi.

Mazkur qaror ijtimoiy tarmoqlarda tarqalgan «Tanqid uchun jarima undirilishi qonuniymi?» degan murojaatdan keyin qabul qilindi. Unda iste’molchi o‘z tashabbusi bilan shartnomani bekor qilsa yoki kompaniya faoliyatidan norozi bo‘lib murojaat qilsa, qurilish tashkiloti shartnoma qiymatining 10 foizini jarima sifatida ushlab qolishi haqida so‘z yuritilgan.

Qo‘mita o‘rganishlarida Golden House bilan tuzilgan shartnomalarda bunday bandlar mavjudligi aniqlanib, ular iste’molchi huquqlarini cheklovchi shartlar sifatida baholandi.

Natijada kompaniyaga «Iste’molchilar huquqlarini himoya qilish to‘g‘risida»gi Qonun talablariga amal qilib, aniqlangan qonunbuzarliklarni bartaraf etish ko‘rsatmasi berildi.

Avvalroq...

Ayrim Xiaomi smartfonlari orqali Steam platformasidagi kompyuter o‘yinlarini bevosita telefon orqali ishga tushirish mumkin bo‘ladi. Bu haqda kompaniyaning o‘zi ma’lum qildi. Texnologiya hozircha cheklangan tarzda ishlamoqda.

Dastlab u Redmi K90 va Redmi K90 Pro Max modellari uchun taqdim etiladi. Keyinchalik boshqa Xiaomi smartfonlari ham ushbu tizimga qo‘shilishi kutilmoqda.

Hozircha faqat uchta o‘yin qo‘llab-quvvatlanadi – Stardew Valley, Hollow Knight va yaqinda chiqadigan Hollow Knight: Silksong. O‘yinlar Steam orqali ishga tushiriladi, biroq ular nativ (to‘g‘ridan to‘g‘ri) emas, balki Xiaomi’ning o‘z emulyatori orqali ishlaydi.

Yangi imkoniyat Xiaomi Game Center ilovasining PC o‘yinlari bo‘limida paydo bo‘ladi. Foydalanuvchilar Steam’dagi o‘yinlarni telefon orqali ishga tushirishdan...

«Yuventus» klubi rasman Italiya terma jamoasining sobiq ustozi Luchano Spalettini yangi bosh murabbiy sifatida taqdim etdi. 66 yoshli mutaxassis klub bilan 2026-yil 30-iyungacha mo‘ljallangan shartnomaga imzo chekdi.

Spalletti tajribali murabbiylardan biri bo‘lib, u faoliyati davomida «Roma», «Zenit», «Inter» kabi yirik jamoalarda ishlagan, 2022/23-yilgi mavsumda esa «Napoli»ni 33 yildan so‘ng Italiya chempioniga aylantirgan.

Turin klubi Spallettini Igor Tudor o‘rniga tayinladi. Tudor 2025-yil mart oyida «Yuventus» bosh murabbiyi bo‘lgan, ammo uning davrida jamoa kutilgan natijalarni qayd eta olmadi. «Keksa sinyora»ning so‘nggi o‘yinlarda samaradorligi pasaydi va o‘yin sifati tushdi. Shuningdek, sport direktori bilan strategik kelishmovchiliklar ham Tudor iste’fosiga sabab bo‘lgani aytilmoqda.

2025-yilning yanvar – sentabr oylarida O‘zbekistondan jami 7,6 ming kishi ko‘chib ketgan. Milliy statistika qo‘mitasi ma’lumotlariga ko‘ra, bu ko‘rsatkich 2024-yilning shu davriga nisbatan 9,4 foizga kam.

Ko‘chib ketishlar dinamikasiga ko‘ra, eng past ko‘rsatkich 2022-yilda qayd etilgan (3,1 ming), eng yuqori ko‘rsatkich esa 2023-yilda qayd etilgan (14,7 ming).

Shuningdek, hisobot davrida mamlakatga jami 1,1 ming ming kishi ko‘chib kelgan. Bu 2021-yildan buyon qayd etilgan eng past ko‘rsatkich.

Qaysi viloyatlardan ko‘chib ketayotganlar ko‘p

Statistika qo‘mitasi ma’lumotlariga ko‘ra, hududlar kesimida eng ko‘p ko‘chib ketishlar soni Toshkent shahri (59 ming) va Toshkent viloyatida (22 ming) qayd etilgan. Eng kam ko‘chib ketishlar...

30-oktabr kuni Superliganing 27-turida «Nasaf» va «Navbahor» (0:0) to‘qnash keldi. O‘yindan keyin qarshiliklar bosh murabbiyi Ro‘ziqul Berdiyev matbuot anjumanida qatnashib, savollarga javob berdi.

««Navbahor» bugun 5-4-1 sxemasida o‘ynab, yaxshi himoyalandi. Biz pozitsion hujumlarda vaziyatlar yaratdik, ammo imkoniyatlardan foydalana olmadik. Birinchi bo‘limda gol urganimizda yoki ikkinchi bo‘limda Cheranning zarbasi darvoza to‘siniga tegmaganida, o‘yin ssenariysi boshqacha bo‘lardi. Shunga qaramay, futbolchilarimga rahmat, ular maydonda oxirigacha kurashdi», – dedi tajribali mutaxassis.

Berdiyevning so‘zlariga ko‘ra, jamoa charchoq tufayli o‘zining maksimal o‘yinini ko‘rsata olmagan, ammo har bir futbolchida hali ham g‘alaba uchun ishtiyoq bor. U, shuningdek, chempionlik uchun kurash hali...

Samsung Galaxy S26 seriyasini Bluetooth 6.1 texnologiyasi bilan jihozlashga tayyorlanmoqda. Bu yangilik bilan u ushbu standartni qo‘llovchi birinchi smartfon bo‘lishi mumkin.

Bluetooth SIG ma’lumotlar bazasida paydo bo‘lgan yangi Exynos S6568 chipi ushbu funksiyani ta’minlaydi. U Exynos 2600 protsessori bilan birgalikda ishlaydi. Tizim Bluetooth 6.1 hamda Wi-Fi qo‘llab-quvvatlaydi. Bu chip aynan Galaxy S26 seriyasi uchun ishlab chiqilganini ko‘rsatadi.

Bluetooth 6.1 avvalgi versiyalarga nisbatan bir qator afzalliklarga ega. U barqarorroq ulanish, uzoqroq masofada ishlash va energiya sarfini kamaytirish imkonini beradi. Bu ayniqsa, naushniklar, aqlli soatlar va smart-uy qurilmalari bilan ishlaganda muhim ahamiyat kasb etadi.

Manbalarga ko‘ra, yangi texnologiya ulanish xavfsizligini ham...

2025-yilning yanvar – sentabr oylarida mobilraqam.uzex.uz savdo tizimi orqali 7,4 ming mobil va qisqa raqamlar sotilgan. Bu haqda O‘zbekiston respublika tovar-xomashyo birjasidagi matbuot anjumanida ma’lum qilindi.

Joriy yilda sotilgan mobil raqamlar soni o‘tgan yilning shu davriga nisbatan 47 foizga ko‘p. Ma’lum qilinishicha, mobil raqamlar bozoridagi faollik ortgani bilan bir qatorda, mobil reklama savdolari hajmi ham 800 mln so‘mni tashkil etgan.

O‘tgan davrda savdo ishtirokchilari uchun yanada qulayliklar yaratish va davlat xaridlari orqali yangi mijozlarni jalb qilish maqsadida yangi Xarid elektron davlat xaridlari mobil ilovasi ishga tushirilgandi.

Avvalroq nollardan iborat mobil raqam 850 million so‘mga sotilgani xabar qilingandi. Unga ko‘ra...

UzAuto Motors yangilangan Chevrolet Damas modellarini taqdim etishini ma’lum qilgan edi. Kursiv Uzbekistan muxbiri tomonidan avtomobillarning tasvirlari suratga olindi. Model Made in Uzbekistan ko‘rgasmasi doirasida yangilangan Cobalt yonida namoyish etildi.

Model haqida qisqacha

N400 Max 1,5 litrli DOHC, 16 klapanli, to‘rt silindrli dvigatel bilan jihozlangan bo‘lib, u 103 ot kuchi quvvat ishlab chiqaradi. Avtomobilning maksimal yuk ko‘tarish hajmi 720 kilogramm, yuk joyi esa 3,1 kub metrni tashkil etadi. Shu tufayli u oziq-ovqat yetkazib berish, texnik xizmat ko‘rsatish yoki kichik logistika kompaniyalari uchun eng mos variantlardan biri sifatida qaralmoqda.

Modelning g‘ildiraklar oralig‘i 2850 mm, umumiy uzunligi esa...

O‘zbekiston elchixonasida London moda kolleji (London College of Fashion, UAL) xalqaro hamkorlik bo‘yicha direktori Shabir Aslam bilan hamkorlik uchrashuvi bo‘lib o‘tdi. Bu haqda «Dunyo» AA ma’lum qildi.

Unda moda ta’limini rivojlantirish, kreativ industriya sohasida hamkorlikni kengaytirish va O‘zbekistonda yangi ta’lim dasturlarini yaratish masalalari muhokama qilindi.

Tomonlar O‘zbekistonning boy madaniy merosi, milliy liboslari va zamonaviy dizayn uyg‘unligini xalqaro miqyosda targ‘ib etish zarurligini ta’kidladi.

Shabir Aslam London moda kolleji o‘zbekistonlik dizaynerlar va talabalar uchun ilg‘or moda tajribalarini o‘rganish hamda malaka oshirish dasturlarida ko‘maklashishga tayyorligini bildirdi.

Eslatib o‘tamiz, avvalroq O‘zbekiston va BMT o‘rtasida 2030-yilgacha hamkorlik dasturi imzolangan edi.

Chery kompaniyasi tomonidan yangi Chery Fulwin T11 avtomobili taqdim etildi. Bu haqda ITHome xabar bermoda.

Ta’kidlanishicha, modelning narxi $26 mingdan boshlanadi. Fulwin T11 o‘z sinfidagi eng qulay interyerlardan biriga ega. Uning salonida 30 dyuymli 6K displey o‘rnatilgan bo‘lib, orqa o‘rindiqlar uchun alohida 17,3 dyuymli ekran mavjud. Dual IMAX Cinema Edition deb nomlangan versiyada 2880 vattli 7.5.4.2 audio tizim o‘rnatilgan bo‘lib, avtomobil ichini haqiqiy kinoteatrga aylantiradi.

Avtomobilning o‘lchamlari 5205×1998×1800 mm, g‘ildiraklar bazasi esa 3120 mmga teng. Fulwin T11 salonida haydovchi uchun oyoq suyanchig‘i, ikkinchi qator uchun 1022 mm joyga ega. Uchinchi qatorda esa to‘liq elektr boshqaruvli o‘rindiqlar mavjud. Eng...