Yangiliklar

Elektromobillarni quvvatlash stansiyalari faoliyati yuzasidan senator so‘rovi yuborildi

Senatning Budjet va iqtisodiy masalalar qo‘mitasi raisi o‘rinbosari Kobuljon Tursunov elektromobillarni quvvatlash stansiyalari faoliyati yuzasidan Energetika vaziri Joʻrabek Mirzamahmudovga senator so‘rovi yuborildi. Bu haqda Oliy Majlis Senati matbuot xizmati ma’lum qildi.

O‘zbekiston Qishloq xo‘jaligi fanlari akademiyasi tashkil etiladi

Qishloq xo‘jaligi sohasidagi ilmiy tadqiqotlarni rivojlantirish maqsadida O‘zbekiston Qishloq xo‘jaligi fanlari akademiyasi tashkil etiladi. Bu haqda Adliya vazirligi ma’lum qildi.

AQSh Eron oliy rahnamosi haqidagi ma’lumot uchun mukofot puli e’lon qildi

AQSh Eronning yuqori harbiy va razvedka amaldorlari, jumladan, yangi oliy rahnamosi Oyatulloh Mojtaba Xomanaiy haqida ma’lumot bergan shaxslarga $10 mlngacha mukofot puli taklif qilmoqda.

Xitoylik insayder Digital Chat Station kelajakdagi Oppo Pad 5 Pro planshetining asosiy texnik xususiyatlarini oshkor etdi. Bu haqda ITHome nashri ma’lum qildi.

Unga ko‘ra, yangi flagman qurilma yuqori darajadagi Qualcomm Snapdragon 8 Elite Gen5 platformasi asosida ishlab chiqiladi va 13,2 dyuymli katta ekranga ega bo‘ladi. Qurilmada 13 000 mAh quvvatga ega batareya o‘rnatilgan bo‘lib, zaryadlash quvvati 67 Vtni tashkil qiladi.

Old kamera 8 MP, asosiy kamera esa 13 MP bo‘ladi. Planshet kamida to‘rtta xotira konfiguratsiyasida taqdim etiladi: 8/256 GB, 12/256 GB, 12/512 GB va 16/512 GB.

Digital Chat Station xabar qilishicha, Oppo Pad 5 Pro aprel oyida superflagman...

Futbol bo‘yicha O‘zbekiston ayollar terma jamoasi 2026-yilgi ayollar Osiyo kubogining navbatdagi uchrashuvida Koreya Respublikasiga qarshi maydonga chiqdi va 6:0 hisobida mag‘lub bo‘ldi. Bu haqda O‘FA ma’lum qildi.

O‘yinning dastlabki daqiqalarida Son Hva-Yeon 9-daqiqada hisobni ochdi. Keyinchalik 21-daqiqada Ko Yoo Jin jamoasining ikkinchi golini kiritdi. Ikkinchi bo‘limda Park So-Jeon 57-daqiqada, Ji So-Yun 72-daqiqada va Le Yu-Yong esa 86-daqiqada o‘z goli bilan hisobga ochko qo‘shib, yakunda Janubiy Koreya terma jamoasi 6:0 hisobida g‘alaba qozondi.

Uchrashuv 90+3 daqiqada yakunlandi va O‘zbekiston jamoasi musobaqaning keyingi o‘yinlariga tayyorgarlikni davom ettiradi. Osiyo kubogi yarim finaliga Janubiy Koreyadan tashqari Xitoy va Avstraliya chiqdi. So‘nggi yarim...

Pokistonning «Hawk Fire Industries» kompaniyasi O‘zbekistonda charm sanoati va poyabzal ishlab chiqarish yo‘nalishida qo‘shma loyihalarni amalga oshirishga qiziqish bildirmoqda. Bu haqda «Dunyo» AA ma’lum qildi.

Pokistonning Lahor shahrida amaliy tashrif bilan bo‘lib turgan Toshkent viloyati hokimi Zoyir Mirzayev boshchiligidagi O‘zbekiston delegatsiyasi «Hawk Fire Industries» kompaniyasi rahbari Kashif Raza bilan uchrashuv o‘tkazdi. Muzokaralarda, shuningdek, O‘zbekistonning Pokistondagi elchisi Alisher To‘xtayev ham ishtirok etdi.

Uchrashuvda tomonlar O‘zbekiston va Pokiston o‘rtasidagi savdo-iqtisodiy hamkorlikni rivojlantirish hamda Toshkent viloyatida charmni qayta ishlash bo‘yicha investitsiyaviy loyihalarni muhokama qildilar. Pokiston tomoniga O‘zbekistonda terini qayta ishlash sohasida amalga oshirilayotgan islohotlar va Toshkent viloyatidagi maxsus sanoat zonasining imkoniyatlari...

Huawei kompaniyasi yangi bukiladigan smartfon – Huawei Pura X2 modelini taqdim etishga tayyorgarlik ko‘rmoqda. Bu haqda Weibo insayderi ma’lum qildi.

Unga ko‘ra, qurilma katta gorizontal yo‘naltirilgan ekran va sifatli kamera tizimi bilan ajralib turadigan bukiladigan smartfonlardan biri bo‘lishi mumkin.

Yangi smartfon noodatiy tomonlar nisbatiga ega yirik displey bilan ta’minlanadi. Bu xususiyat uni bozordagi ko‘plab bukiladigan smartfonlardan farqlashi kutilmoqda. Hozircha qurilmaning boshqa texnik xususiyatlari oshkor qilinmagan.

Avvalroq Huawei Pura X2 joriy yilning birinchi choragida taqdim etilishi mumkinligi haqida xabarlar tarqalgan edi. Ice Universe tomonidan e’lon qilingan tasvirga ko‘ra, qurilma tashqi ekrani atrofida keng ramkaga ega bo‘lishi, shuningdek, asosiy kamera...

Jizzax va Qoraqalpog‘istonda hokimiyat vakillarining pora bilan bog‘liq noqonuniy harakatlari aniqlandi. Bu haqda DXX matbuot xizmati ma’lum qildi.

Unga ko‘ra, Jizzax viloyatining Zarbdor tumani hokimligi bosh mutaxassisi pora bilan ushlanadi. U o‘z xizmat mavqeyini suiiste’mol qilib, 1983-yilda tug‘ilgan fuqaroning yashash xonadoniga tutash 4 sotix yer maydonini kadastr tizimidagi tanishlari orqali auksion savdosida yutib, uning nomiga rasmiylashtirib berish evaziga 20 mln so‘m olgan.

Qoraqalpog‘iston Respublikasida esa Xo‘jayli tumani hokimligi bosh mutaxassisi hamda tuman veterinariya va chorvachilikni rivojlantirish bo‘limi bosh mutaxassisi mahalliy fermer xo‘jalik rahbari bilan til biriktirib, 41,6 gektar yer maydonini davlat zaxirasiga qaytarmay, auksionga chiqarmasdan xorazmlik tadbirkor nomiga...

Farg‘ona davlat texnika universiteti va Abu Rayhon Beruniy nomidagi Urganch davlat universitetiga yangi rektorlar tayinlandi. Bu haqda Oliy ta’lim, fan va innovatsiyalar vazirligi ma’lum qildi.

Vazirlar Mahkamasining qaroriga muvofiq, Tojiyev Rustambek Rasulovich Farg‘ona davlat texnika universiteti rektori etib tayinlandi. U tayinlovga qadar Oziq-ovqat texnologiyasi va muhandisligi xalqaro instituti rektori lavozimida faoliyat yuritgan.

Shuningdek, Vazirlar Mahkamasining qarori bilan Madraximova Feruza Ruzimbayevna Abu Rayhon Beruniy nomidagi Urganch davlat universiteti rektori lavozimiga tayinlandi. Fezuza Madraximova bunga qadar Urganch davlat pedagogika instituti rektori sifatida faoliyat olib borgan.

Eslatib o‘tamiz, avvalroq IT Park Uzbekistan’ga yangi bosh direktori tayinlangani haqida xabar bergan...

14-mart kuni metan «zapravka»lar soat 12:00 dan 16:00 gacha xizmat ko‘rsatadi. Bu haqda Energetika vazirligi matbuot xizmati ma’lum qildi.

Farg‘ona vodiysidagi yonilg‘i quyish shoxobchalari esa hokimliklar bilan kelishilgan tartibda, gaz bosimi va texnik imkoniyatlar hisobga olingan holda belgilanadi. Fuqarolarga ushbu vaqtda xizmatdan foydalanishlari tavsiya etiladi.

Eslatib o‘tamiz, 14-martdan boshlab respublikadagi barcha metan «zapravka»lar faoliyati bosqichma-bosqich qayta tiklanishi haqida xabar berilgan edi.

AQSh Eronning yuqori harbiy va razvedka amaldorlari, jumladan, yangi oliy rahnamosi Oyatulloh Mojtaba Xomanaiy haqida ma’lumot bergan shaxslarga $10 mlngacha mukofot puli taklif qilmoqda. Bu haqda Reuters agentligi ma’lum qildi.

Davlat departamenti ma’lumotiga ko‘ra, mukofot Eron Islom Inqilobiy qo‘riqchilari korpusi bilan bog‘liq 10 ta yuqori darajadagi amaldorga qaratilgan. Korpus 1979-yilgi Islom Inqilobidan keyin tashkil etilgan bo‘lib, oliy rahnamoga sodiq va shia ruhoniy tuzilmasini himoya qilish vazifasini bajaradi.

Mojtaba Xomanaiy yaqinda otasi Ali Xomanaiyning o‘rnini egalladi. Ali Xomanaiy va boshqa bir qancha yuqori darajadagi amaldorlar 28-fevraldan boshlangan AQSh va Isroilning havo zarbalari oqibatida...

Qishloq xo‘jaligi sohasidagi ilmiy tadqiqotlarni rivojlantirish maqsadida O‘zbekiston Qishloq xo‘jaligi fanlari akademiyasi tashkil etiladi. Bu haqda Adliya vazirligi ma’lum qildi.

Unga ko‘ra, akademiya Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi negizida tashkil etiladi. Akademiya qishloq xo‘jaligi sohasida fundamental va amaliy tadqiqotlar olib borish, uzoq va yaqin muddatli dasturlarni belgilash va muvofiqlashtirish, agro­sanoat majmuini ilmiy jihatdan rivojlantirish bo‘yicha faoliyat yuritadi.

Shuningdek, qishloq xo‘jaligi va yer munosabatlari bilan bog‘liq islohotlarni amalga oshirishga doir ishlab chiqiladigan normativ-huquqiy hujjatlar loyihalari Qishloq xo‘jaligi vazirligi bilan kelishish jarayonida majburiy tartibda akademiyada ilmiy ekspertizadan o‘tkaziladi.

Akademiyada yosh akademik, akademiya professori, akademiyaning...

Toshkent va Farg‘ona viloyatlarida narkotik moddalar bilan bog‘liq jinoyat holatlari yuzasidan bir nechta shaxslar qamoqqa olindi. Bu haqda DXX matbuot xizmati ma’lum qildi.

Birinchi holatda, Tojikiston Respublikasi hududidan Sirdaryo daryosi orqali davlat chegarasini buzib o‘tgan Bekobod shahrida yashovchi, 1998-yilda tug‘ilgan fuqaro qo‘lga olindi. Uning yonida jami 5 kg 31 gr «gashish» moddasi topilib, protsessual tartibda rasmiylashtirildi.

Ikkinchi holatda, DXX Toshkent viloyati boshqarmasi va bojxona idoralari hamkorligida poytaxtdagi bir xususiy tibbiy klinikada o‘tkazilgan tekshiruvda 1970-yilda tug‘ilgan shaxsga tegishli 1 kg 367 gr «gashish» moddasi aniqlandi.

Uchinchi holatda, Farg‘ona tumanida yashovchi, 1998-yilda tug‘ilgan shaxs 1 kg 21 gr «gashish» moddasini...

Senatning Budjet va iqtisodiy masalalar qo‘mitasi raisi o‘rinbosari Kobuljon Tursunov elektromobillarni quvvatlash stansiyalari faoliyati yuzasidan Energetika vaziri Joʻrabek Mirzamahmudovga senator so‘rovi yuborildi. Bu haqda Oliy Majlis Senati matbuot xizmati ma’lum qildi.

So‘nggi kunlarda ijtimoiy tarmoqlarda tadbirkorlik subyektlari tomonidan o‘rnatilgan elektromobillar va quvvat oluvchi gibrid transport vositalari uchun mo‘ljallangan quvvatlash stansiyalarini elektr tarmog‘idan vaqtincha uzib qo‘yish hamda ularning faoliyatini cheklash bilan bog‘liq holatlar haqida xabarlar tarqaldi. Mazkur vaziyatni inobatga olib, Senatning Budjet va iqtisodiy masalalar qo‘mitasi raisi o‘rinbosari Energetika vaziriga senator so‘rovi yubordi.

Unda elektromobillar va quvvat oluvchi gibrid transport vositalari uchun quvvatlash stansiyalarini elektr tarmog‘idan uzish hamda ularning...

Dam olish kunlari ayrim tijorat banklari tomonidan valyuta ayirboshlash va pul o‘tkazmalari xizmatlari ko‘rsatish yo‘lga qo‘yilmoqda. Bu haqda Markaziy bank ma’lum qildi.

Ma’lum qilinishicha, hafta oxiri ham ayrim banklarning valyuta ayirboshlash va pul o‘tkazmalari shoxobchalari faoliyat yuritib, fuqarolarga zarur moliyaviy operatsiyalarni amalga oshirish imkoniyatini taqdim etadi.

Quyida banklar ro‘yxati keltirilgan bo‘lib, havolaga bosish orqali faoliyat yuritayotgan bank manzilini bilish mumkin:

14-mart sanasi ilm-fan inqiloblari, koinotni zabt etishdagi muhim qadamlar hamda san’at va sport olamidagi yorqin yulduzlarning tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1879-yilda Germaniyaning Ulm shahrida tarixdagi eng mashhur olim, nisbiylik nazariyasi asoschisi Albert Eynshteyn dunyoga keldi. U o‘zining ilmiy ishlari bilan koinot va vaqt haqidagi tasavvurlarni butunlay o‘zgartirib yubordi. Olim 1921-yili fotoeffekt qonunini ochgani uchun fizika bo‘yicha Nobel mukofotiga sazovor bo‘lgan.

1965-yili Mumbay shahrida hind kinosining eng nufuzli aktyorlaridan biri, prodyuser va rejissyor Amir Xon tavallud topdi. Uni O‘zbekistonda «Uch savdoyi», «PK» va «Dangal» kabi ajoyib filmlari orqali juda...

Shayx Nuriddin Xoliqnazar hazratlari «Olov teggan narsa bilan og‘iz ochish mumkin emas deyishadi, shu to‘g‘rimi?» degan savolga quyidagicha javob berdi:

«Olov teggan narsa bilan og‘iz ochish mumkin emas degan qat’iy dalillar yo‘q. Imkon bo‘lsa xurmo bilan, xurmo bo‘lmasa suv bilan og‘iz ochish sunnatga muvofiq bo‘ladi. Lekin bu narsalar bo‘lmaganda biror meva yoki olov teggan narsa bilan bo‘lsa ham, og‘izni ochsa zarari yo‘q», – deydi Shayx Nuriddin Xoliqnazar hazratlari.

Eslatib o‘tamiz, avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. Unga ko‘ra, saharlikdan keyin 250 – 300 ml suv ichish tavsiya etiladi. Bu organizmga ro‘za davomida...

14-mart, shanba kuni muborak Ramazon oyining yigirma to‘rtinchi kuni bo‘lib, Toshkent shahrida saharlikning tugashi soat 5:19 ni tashkil qiladi. Iftorlik esa 18:32 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan:

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ’ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Kursiv Uzbekistan 13-mart kuni e’lon qilingan yangiliklarning eng muhimlarini bir joyga jamladi.

Nyu-Yorkda yana bir O‘zbekiston fuqarosi halok bo‘ldi

10-mart kuni Nyu-York shahrida sodir bo‘lgan yo‘l-transport hodisasi oqibatida Nilufar Komilova vafot etdi. Bu haqda O‘zbekistonning Nyu Yorkdagi Bosh konsulxonasi xabar berdi.

Dastlabki ma’lumotlarga ko‘ra, hodisa New York City Department of Transportation’ga tegishli yuk mashinasi ishtirokida yuz bergan. Komilova 31 yoshni qarshi olgan bo‘lib, ikki farzandning onasi edi.

Temur Malik ko‘chasida avtomobillar harakati qisman tiklandi

Mirzo Ulug‘bek tumanidagi Temur Malik ko‘chasida avtomobillar harakati qisman tiklandi. Bu haqda Toshkent shahar hokimligi matbuot xizmati xabar berdi.

Unga ko‘ra, Sultoniya ko‘chasi bilan kesishmadan boshlab, Temur Malik...

Chevrolet Damas Move — O‘zbekistonda ishlab chiqarilayotgan mikroavtobuslardan biri bo‘lib, u kichik biznes, yuk tashish, oilaviy foydalanish va hatto taksi xizmatlarida keng qo‘llanadi. Bu avtomobilning sodda, ishonchli va tejamkor arxitekturasi uni bozorda juda mashhur qiladi. Quyida uning texnik xususiyatlari, yurish xarajatlari va oy davomida talab qilinadigan xarajatlar batafsil bayon etiladi.

Texnik xususiyatlar

Dvigatel va transmissiya: Ichki yonuv dvigateli va mexanik uzatma qutisi soddaligi bilan uzoq muddat xizmat qiladi.

Yukxona hajmi: Damas Max modeli katta yuk tashish imkoniyati bilan ajralib turadi.

Yoqilg‘i sarfi: O‘rtacha 6,5 L / 100 km, shahar va shahar atrofi yo‘llarida tejamkor.

Xavfsizlik tizimlari

Damas...

Toyota AQShda 550 mingdan ortiq krossoverni qaytarib olishga majbur bo‘ldi. Sabab — ayrim avtomobillarda o‘rindiq suyanchig‘i mexanizmi to‘g‘ri qulflanmasligi mumkin. Bu haqda Motor1 nashri xabar berdi.

National Highway Traffic Safety Administration (NHTSA) ma’lumotiga ko‘ra, muammo 2021 – 2024-yillarda ishlab chiqarilgan quyidagi modellarga taalluqli:

Jami 550 007 ta avtomobil ushbu qaytarib olish kampaniyasiga kiritilgan.

Mutaxassislarning ta’kidlashicha, o‘rindiq suyanchig‘i sozlangandan so‘ng to‘liq qulflanmasligi mumkin. Bu esa yo‘l-transport hodisasi paytida jarohatlanish xavfini oshiradi yoki hatto avariya yuzaga kelishiga sabab bo‘lishi ehtimoli mavjud.

Muammoni bartaraf etish uchun avtomobil egalari o‘z mashinalarini rasmiy dilerlik markazlariga olib borishlari kerak. Servis...

14-mart kuni O‘zbekistonda havo o‘zgaruvchan bo‘ladi. Ba’zi hududlarda tuman tushishi va tog‘li joylarda vaqti-vaqti bilan yomg‘ir yoki qor yog‘ishi mumkin, deya xabar bermoqda O‘zgidromet.

Quyida ob-havo ma’lumoti viloyatlar kesimida:

Toshkent shahrining Yangihayot tumani Favqulodda vaziyatlar bo‘limi kichik inspektoriga nisbatan jinoyat ishi qo‘zg‘atildi. Bu haqda DXX matbuot xizmati ma’lum qildi.

Ma’lum qilinishicha, inspektor mahalliy MChJ rahbaridan $1,5 ming olayotgan vaqtida ashyoviy dalillar bilan ushlangan. U o‘z hamkasblari orqali MChJ tomonidan tuman hududida faoliyat yurituvchi korxona uchun o‘rnatilgan yong‘in xavfsizligi jihozlarini qabul qilish bo‘yicha bayonnoma rasmiylashtirib berish evaziga pul talab etgan.

Holat yuzasidan unga Jinoyat kodeksining 168-moddasi 3-qismi «v» bandi hamda 28 va 211-moddalari 1-qismi bo‘yicha jinoyat ishi qo‘zg‘atilib, «qamoq» ehtiyot chorasi qo‘llanilgan. Hozirda tergov harakatlari davom etmoqda.

Eslatib o‘tamiz, avvalroq Sirdaryo viloyatida kadastr xodimi pora bilan qo‘lga...

Samsung kompaniyasi Galaxy smartfonlarida sun’iy yo‘ldosh orqali ishlay oladigan ilovalar ro‘yxatini e’lon qildi. Ushbu funksiya mobil tarmoq mavjud bo‘lmagan hududlarda ham ba’zi xizmatlardan foydalanish imkonini beradi.

Galaxy sozlamalarida aniqlangan ro‘yxatga Find My Mobile, Google Maps, Google Play Services, Grok, Facebook Messenger, Messages, Samsung Account, Samsung Find, Samsung Health, Weather, WhatsApp va X ilovalari kiradi. Funksiya mavjudligini «Sozlamalar» → «Ulanishlar» → «Sun’iy yo‘ldosh» bo‘limida tekshirish mumkin. Agar bo‘lim ko‘rinmasa, qurilma to‘g‘ridan-to‘g‘ri sun’iy yo‘ldosh aloqasini qo‘llab-quvvatlamaydi.

Samsung sun’iy yo‘ldosh operatorlari bilan bevosita ishlamaydi, kompaniya mobil operatorlar orqali hamkorlik qiladi. Yevropada hamkorlar sifatida MasOrange, Virgin Media O2 va Vodafone, Yaponiyada Docomo...

O‘zbekiston hamda Pokiston o‘rtasida oziq-ovqat mahsulotlarini yetkazib berishga qaratilgan ilk charter yuk parvozi amalga oshirildi. Bu haqda Uzbekistan Airports xabar berdi.

12-mart kuni Lahor shahridan uchgan Boeing 737 samolyoti mahalliy vaqt bilan soat 21:10 da Toshkent xalqaro aeroportiga yetib keldi. Parvoz orqali mamlakatga 17 tonna go‘sht va boshqa oziq-ovqat mahsulotlari olib kelindi.

Mutasaddilarga ko‘ra, ushbu tashabbus ikki davlat o‘rtasida oziq-ovqat ta’minoti va logistika hamkorligini rivojlantirishga qaratilgan. Loyiha doirasida kelgusida yuk tashish hajmini bosqichma-bosqich oshirish rejalashtirilgan bo‘lib, keyinchalik bir reysda 100 tonnagacha yuk tashish imkoniyatini yo‘lga qo‘yish ko‘zda tutilmoqda.

Mazkur parvoz Air Speed Charter tashabbusi bilan hamkor aviakompaniya – Air...

Google kompaniyasi Google Maps ilovasiga Gemini sun’iy intellekti asosida ishlaydigan yangi funksiyalar qo‘shilishini e’lon qildi. Bu haqda Tech Crunch nashri ma’lum qildi.

Yangilanishlar qatorida «Ask Maps» suhbat funksiyasi hamda yangilangan «Immersive Navigation» navigatsiya tizimi taqdim etildi.

«Ask Maps» funksiyasi foydalanuvchilarga tabiiy til orqali savollar berish imkonini beradi. Shuningdek, ushbu funksiya sayohatni rejalashtirishda ham yordam beradi. Foydalanuvchi yo‘l bo‘yidagi manzillar haqida so‘raganda, ilova yo‘nalishlar va yetib borish vaqtini ko‘rsatadi.

Google ma’lumotiga ko‘ra, «Ask Maps» javoblarni shaxsiylashtirish uchun foydalanuvchining qidiruvlari va saqlangan joylari kabi ma’lumotlardan foydalanadi. Funksiya hozirda AQSh va Hindistonda Android hamda iOS qurilmalarida joriy etilmoqda.

Yangilangan «Immersive Navigation...