Yangiliklar

Internetda OnePlus kompaniyasining kelajakdagi flagmani OnePlus 16 haqida dastlabki ma’lumotlar paydo bo‘ldi. OnePlus Club ma’lumotiga ko‘ra, yangi smartfon juda kuchli texnik imkoniyatlarga ega bo‘ladi.

Qurilma BOE ishlab chiqargan OLED displey bilan jihozlanishi kutilmoqda. Ekran 1,5K aniqlikka ega bo‘ladi va yangilanish chastotasi 240 Hz gacha yetadi.

Smartfon Snapdragon 8 Elite Gen 6 Pro protsessorida ishlashi mumkin. Shuningdek, u LPDDR6 operativ xotira va UFS 4,1 ichki xotira bilan taqdim etilishi kutilmoqda.

Kamera qismi ham jiddiy yangilanadi. OnePlus 16’da 200 MP periskop kamera bo‘lishi mumkin. Asosiy kamera ham 200 MP bo‘lishi kutilmoqda va Samsung HP5 sensori ishlatilishi ehtimoli bor. Bundan tashqari, yangilangan...

O‘zbekistonda 14-mart kunidan boshlab «metan zapravka»lar faoliyati bosqichma-bosqich tiklana boshlaydi. Bu haqda Energetika vazirligi xabar bermoqda.

13-mart kuni «metan zapravka»lar faqat ijtimoiy soha obyektlariga xizmat ko‘rsatuvchi avtomobillar hamda jamoat transporti uchun ochiq bo‘ladi. Shoxobchalarning kelgusi ish vaqti bo‘yicha qo‘shimcha ma’lumot taqdim etilishi ma’lum qilingan.

Eslatib o‘tamiz, 12-mart kuni magistral gaz quvurlarida bosimni rostlash va me’yoriy holatga keltirish ishlari sabab metan «zapravkalar» faqat ijtimoiy soha va jamoat transporti uchun faoliyat yuritishi haqida xabar berilgan edi.

Avvalroq Kursiv Uzbekistan 10-martdan metan «zapravka»lar faoliyatiga vaqtincha cheklov joriy etilishi haqida yozilgan edi.

Toshkent shahrida Navro‘z bayrami munosabati bilan 14-mart kuni soat 16:00 da otliq paradi o‘tkaziladi. Bu haqda O‘zA xabar bermoqda.

Otliq paradi poytaxtning markaziy qismi bo‘lgan Amir Temur xiyoboni bo‘ylab harakatlanadi. Tadbir O‘zbekiston Milliy gvardiyasi tashabbusi bilan tashkil etilgan bo‘lib, unda poytaxtdagi kuch tuzilmalari kavaleriya bo‘linmalari qatnashishi kutilmoqda.

Eslatib o‘tamiz, joriy yilning 12-yanvar kuni ham Toshkent ko‘chalarida harbiylar ishtirokida parad bo‘lib o‘tgan edi. 14-yanvar – Vatan himoyachilari kuni va O‘zbekiston Qurolli Kuchlari tashkil etilganining 34 yilligi munosabati bilan Qurolli Kuchlar tarkibiga kiruvchi vazirlik va idoralar harbiy bo‘linmalarining tantanali piyoda yurish marosimi o‘tkazilgandi.

Avvalroq Kursiv Uzbekistan Shavkat Mirziyoyev Xitoydagi harbiy...

Honor kompaniyasi juda katta batareyaga ega yangi smartfon ustida ishlamoqda. Huawei Central ma’lumotiga ko‘ra, Honor X80 GT modeli 13 ming mA/soat sig‘imli akkumulyator bilan taqdim etilishi mumkin.

Manbalarga ko‘ra, qurilmaning haqiqiy batareya sig‘imi 13 080 mA/soatni tashkil qiladi. Bu esa smartfonlar orasida eng katta batareyalardan biri bo‘lishi mumkin.

Yangi model 2026-yilning birinchi yarmida taqdim etilishi kutilmoqda. Agar ma’lumotlar tasdiqlansa, bu Honor tarixidagi eng katta batareyali smartfon bo‘ladi.

Kompaniya o‘tgan yili ham katta batareyali qurilmalarni taqdim etgan edi. Masalan, Honor Win seriyasi va Honor Power 2 smartfonlari 10 ming mA/soat sig‘imli akkumulyator bilan chiqarilgan.

Eslatib o‘tamiz, avvalroq yangi Honor Magic...

13-mart kuni Toshkent shahrining Yunusobod tumanidagi yangi qurilayotgan binoning ikkinchi qavatida yong‘in sodir bo‘ldi. Bu haqda Favqulotda vaziyatlar vazirligi xabar bermoqda.

Yuqori Qoraqamish ko‘chasida joylashgan obyektda chiqqan yong‘in to‘g‘risidagi xabar soat 11:08 da kelib tushgan. Qutqaruv ekipajlari aytilgan manzilga qisqa vaqt ichida, soat 11:09 da yetib borgan. Yong‘in mutaxassislar tomonidan soat 11:16 da qurshab olinib, 11:19 da batamom o‘chirilgan.

Rasmiy ma’lumotlarga ko‘ra, yong‘in natijasida qurbonlar va tan jarohati olganlar yo‘q. Voqea joyida o‘tkazilgan tekshiruvlar natijasida binoning ikkinchi qavatida faqatgina qurilish materiallari yonib zararlangani aniqlangan.

Avvalroq Kursiv Uzbekistan Qozog‘istondagi kafe yong‘inida qurbon bo‘lganlar soni 11 kishiga yetgani haqida xabar...

Ayrim elektromobillarni quvvatlash stansiyalari ruxsatsiz o‘rnatilgani sababli ularni o‘chirish majburiy chora bo‘lmoqda. Bu haqda Toshkent shahar hokimi o‘rinbosari Abdurahmon Baxtiyev matbuot anjumanida ma’lum qildi, deb xabar berdi «Kursiv» muxbiri.

Unga ko‘ra, shahar hududida zaryadlash stansiyasi o‘rnatish uchun yer auksion orqali olinishi kerak. Biroq ayrim stansiyalar davlat yoki shahar yerida ruxsatsiz joylashtirilgan va buning uchun to‘lov ham amalga oshirilmagan.

Ba’zi tadbirkorlar esa zaryadlash stansiyasini rasmiylashtirish uchun yaqin atrofdagi do‘kon yoki boshqa obyektning kadastr raqamidan foydalanib hujjat topshirgan. Natijada ma’lumotlarda nomuvofiqlik yuzaga kelgan va shahar budjetiga to‘lovlar kelmagan.

Shu sabab ayrim stansiyalar vaqtincha o‘chirilmoqda. Mutasaddi bu chorani majburiy deb atadi. Chunki elektr tarmoqlariga...

Chevrolet Cobalt nomi avtomobil sanoatida ikki xil tarixiy yo‘nalishga ega. Shimoliy Amerikada Cobalt 2005 – 2010-yillarda ishlab chiqarilgan alohida platformadagi model bo‘lgan. O‘zbekiston va boshqa rivojlanayotgan bozorlar uchun mashhur bo‘lgan Cobalt esa boshqa yo‘nalishning davomchisi hisoblanadi. «Kursiv» ushbu modelning mahalliy bozorda haliyam ommaboplik sabablarini o‘rganadi.

Mundarija:

Evolyutsiya bosqichlari

Cobaltning rivojlanish jarayoni bir necha muhim bosqichlardan iborat. 2011-yilda Braziliyada yangi model taqdim etilgan. 2012-yilda esa O‘zbekistonda seriyali ishlab chiqarish boshlandi. 2022-yilda esa...

AQSh prezidenti Donald Tramp o‘zining Truth ijtimoiy tarmog‘ida Eron milliy terma jamoasiga murojaat qilib, 2026-yilgi Jahon chempionatidagi ishtirok xavfsizlik nuqtayi nazaridan maqsadga muvofiq emasligini bildirdi.

«Futbol bo‘yicha Eron terma jamoasi Jahon chempionatiga xush kelibsiz, lekin men ularning o‘z hayoti va xavfsizligi uchun u yerda bo‘lishi maqsadga muvofiq deb o‘ylamayman», – deb yozdi AQSh prezidenti.

Ma’lumot uchun, Eron terma jamoasi 2026-yilgi Jahon chempionatida «G» guruhidan joy olgan bo‘lib, Belgiya, Misr va Yangi Zelandiyaga qarshi o‘yin o‘tkazishi belgilangan.

Turnir taqvimiga ko‘ra, forslar ishtirokidagi barcha guruh bosqichi uchrashuvlari AQSh hududida bo‘lib o‘tadi. Xususan, jamoa 15 va 21-iyun...

Iqtisodiy tadqiqotlar va islohotlar markazi 2026-yil fevral yakunlari bo‘yicha O‘zbekiston avtomobil bozori tahlilini e’lon qildi. Hisobotga ko‘ra, mamlakatda avtomobil bozori o‘tgan yilning mos davridagiga nisbatan 6,4 foizga o‘sdi.

Fevral oyida barcha turdagi avtotransport vositalari savdosi 84,2 ming donani tashkil etdi. Yanvarga nisbatan ham bozor ijobiy o‘sishni ko‘rsatib, savdo hajmi 2 foizga oshdi. Bu qariyb 1,6 ming dona qo‘shimcha savdo degani.

Hududlar kesimida eng katta o‘sish Samarqand viloyatida qayd etildi. Bu yerda savdo hajmi 65 foizga oshgan. Shuningdek, Sirdaryo viloyatida o‘sish 7,2 foizni, Toshkent viloyatida esa 12 foizni tashkil qildi.

Yangi avtomobillar segmentida ham ijobiy natijalar qayd etildi. Mahalliy ishlab chiqarilgan...

Buxoro viloyatining Vobkent tumanida yashovchi fuqaro litsenziyasiz kriptoaktiv savdosi bilan shug‘ullanib kelgani aniqlanib, uning faoliyatiga chek qo‘yildi. Bu haqda viloyat Ichki ishlar boshqarmasi xabar berdi.

Unga ko‘ra, Vobkent tumanida yashovchi fuqaro belgilangan tartib-qoidalarni e’tiborsiz qoldirib, litsenziyasiz faoliyatni tanlagan. U internet tarmoqlari orqali Binance xalqaro kriptobirjasida ro‘yxatdan o‘tkazib, noqonuniy savdo qilgan.

2023-yil sentabrdan 2024-yil fevraligacha davom etgan faoliyati davomida, u bir nechta bank kartalari orqali 874 moliyaviy tranzaksiya amalga oshirib, 1,8 milliard so‘mlik USDT sotib olgan va 1,7 milliard so‘mlik kriptoaktivlarni pullagan. Natijada jami 3, 5 milliard so‘m (taxminan 270 ming USDT) miqdordagi kriptoaktivlarning noqonuniy aylanmasi yashirin tarzda boshqarilgan.

Mazkur holat...

Bokuda politsiya tomonidan bir necha kun oldin qo‘lga olingan qo‘qonlik tabib Iqbol Soliyev 12-mart kuni ozodlikka chiqdi. Bu haqda Lent.az nashri xabar berdi.

U avval BI-ES VIP klinikasida shifokorlik xizmatlarini o‘z uslubida ko‘rsatib, bemorlar uchun qabul tashkil qilgan. Qabulga kelgan bemorlar sonining ortishi sabab, klinikada katta navbatlar yuzaga kelgan edi. 11-mart kuni Ozarbayjon matbuoti uning qo‘lga olingani haqida xabar bergan.

Xabarlarda aytilishicha, Iqbol Soliev bemorlarni «bionur» usuli bilan davolashini bildirgan. U har bir qabul uchun 60 manat, ya’ni taxminan 430 ming so‘m miqdorida haq olgan.

Soliyev bundan oldin bioenergiya orqali shifo berish xizmatlari uchun faxriy yorliq bilan taqdirlangan...

Xoshimin – Istanbul yo‘nalishi bo‘yicha parvoz qilayotgan Turkish Airlines aviakompaniyasining TK163 reysi Samarqand xalqaro aeroportida favqulodda qo‘nishni amalga oshirdi. Bu haqda Uzbekistan Airports xabar bermoqda.

Unga ko‘ra, Boeing-787 havo kemasi ekipaji yo‘lovchining sog‘lig‘i yomonlashgani munosabati bilan zaxira aerodromiga yo‘l olishga qaror qilgan. Samolyot Toshkent vaqti bilan soat 03:40 da Samarqandga muvaffaqiyatli qo‘ndi. 1959-yilda tug‘ilgan Fransiya fuqarosiga zudlik bilan tibbiy yordam ko‘rsatilgan. Dastlabki ma’lumotlarga ko‘ra, unda infarkt gumon qilinmoqda.

Yo‘lovchi va uni kuzatib borayotgan ikki kishi keyingi tekshiruvlar va yordam ko‘rsatish maqsadida tibbiyot xodimlariga topshirildi. Barcha zaruriy tartib-qoidalar yakunlangach, parvoz davom ettirildi. Mahalliy vaqt bilan soat 05:11 da Turk havo...

General Motors 2026-yilgi Chevrolet Groove’ni rasmiy ravishda Urugvay bozoriga chiqardi. Bu haqda GMAuthority nashri xabar berdi.

Dizayn va texnologiya

GM Urugvayning Kommunikatsiya bo‘limi ma’lumotiga ko‘ra, yangi 2026 Groove kengaytirilgan xavfsizlik, ichki makon, yangilangan dizayn va ilg‘or texnologiya bilan ajralib turadi.

Bozorda ikkita variant taqdim etilgan: LT (bazaviy) va RS (sport versiyasi). Ikkalasi ham Chevrolet Intelligent Driving Assist kabi texnologiya va xavfsizlik tizimlariga ega. RS varianti qo‘shimcha ravishda ikki rangli korobka, avtomatik konditsioner va bir qator yuqori sifatli funksiyalar bilan jihozlangan.

Urugvayga kelayotgan barcha 2026 Groove modellari 1.5L I4 motor bilan jihozlangan bo‘lib, 98 ot kuchi va 105 lb-ft...

Yangi Pathfinder endi avvalgi ramali yo‘ltanlamas emas. Model Xitoy bozori uchun boshqa ruhda yaratilgan va ko‘proq qulay oilaviy krossoverga aylangan. Yangi model Rossiyada sinovdan o‘tkazildi.

Tashqi ko‘rinish o‘zgargan

2026-yilgi Nissan Pathfinder tashqi ko‘rinishda avvalgi avlodlardan ancha farq qiladi. Mashina endi klassik og‘ir yo‘ltanlamasdan ko‘ra zamonaviy yirik krossoverga o‘xshaydi. Old qismida LED optika, yirik kuzov va silliq chiziqlar bor. Ko‘rinishidan u Infiniti QX60 bilan yaqin qarindosh ekani seziladi.

Model uzunligi qariyb 5,1 metrni tashkil etadi. Shu sabab avtomobil tashqaridan ko‘ringanidan kattaroq. U uch qatorli salon bilan taklif qilinadi va yirik oilalar uchun mo‘ljallangani darrov bilinadi.

Salon qulaylikka...

Tijorat banklari tomonidan 13-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Apple kompaniyasi 1-aprel kuni 50 yillik yubileyini nishonlaydi. Shu munosabat bilan kompaniya bosh direktori Tim Kuk rasmiy saytida kompaniya tarixiga bag‘ishlangan ochiq maktub e’lon qildi. Bu haqda kompaniyaning rasmiy sahifasida ma’lum qilindi.

Maktub «50 yil boshqacha o‘ylab» (50 years of thinking different) deb nomlangan bo‘lib, u Apple’ning mashhur reklama shiori – Think Different’ga ishora qiladi. Tim Kukning ta’kidlashicha, kompaniya yaratilganidan buyon aynan shu tamoyilga amal qilib kelmoqda va kelajakda ham shu yo‘ldan boradi.

U maktubida Apple’ning ilk yillari haqida ham eslatib o‘tadi. Uning so‘zlariga ko‘ra, yarim asr avval kichik garajda paydo bo‘lgan g‘oya texnologiyalar insonlar uchun shaxsiy va qulay...

Eronning sobiq oliy rahnamosi Ali Xomanaiyning bevasi Mansura Xojasta Bagirzoda tirik ekani tasdiqlandi. Uning vafot etgani haqidagi dastlabki xabarlar xato bo‘lib chiqdi. Bu haqda Eronning Fars News agentligi xabar bermoqda.

12-mart kuni Eronning amaldagi oliy rahnamosi Mojtaba Xomanaiy ilk rasmiy nutqida halok bo‘lgan yaqinlari qatorida onasini tilga olmagan edi. U AQSh va Isroil hujumlari oqibatida o‘zining turmush o‘rtog‘i, singlisi, jiyani va pochchasi halok bo‘lganini aytib, shahidlarning oilalariga chuqur hamdardlik bildirishini aytgan.

Fars News agentligi ushbu taxminlarni tasdiqlab, ayrim nashrlar inqilob rahbarining turmush o‘rtog‘i shahid bo‘lgani haqidagi xabarni yanglishib e’lon qilganini ta’kidladi.

Shuningdek, Mojtaba Xomanaiy o‘z murojaatida xalqaro yuk tashish...

Geely kompaniyasi Geely Monjaro krossoverining yangi boshlang‘ich komplektatsiyasini taqdim etdi. Luxury deb nomlangan ushbu versiya Rossiya bozorida sotuvga chiqarildi, deb yozmoqda Tarantas News nashri.

Yangi komplektatsiya standart jihozlar bilan ta’minlangan. Avtomobil 19 dyuymli yangi dizayndagi g‘ildirak disklari, uch zonali iqlim nazorati, haydovchi o‘rindig‘ining ventilyatsiyasi hamda sakkiz karnayli audio tizim bilan jihozlangan. Shuningdek, haydovchiga yordam beruvchi bir qator xavfsizlik tizimlari ham mavjud.

Krossoverda to‘liq LED faralar va panoramali tom saqlab qolingan. Salon qora ekoteri va zamsh bilan bezatilgan bo‘lib, ichki makonda atmosfera yoritqichi ham mavjud. Haydovchi o‘rindig‘i xotira funksiyasiga ega bo‘lib, elektr orqali bir necha yo‘nalishda sozlanadi.

Qulaylik uchun avtomobilga...

Mirzo Ulug‘bek tumanidagi Temur Malik ko‘chasida avtomobillar harakati qisman tiklandi. Bu haqda Toshkent shahar hokimligi matbuot xizmati xabar berdi.

Unga ko‘ra, Sultoniya ko‘chasi bilan kesishmadan boshlab, Temur Malik ko‘chasi orqali Mirzo Ulug‘bek ko‘chasiga chiqadigan yo‘nalishda harakat tiklandi.

Ammo harakatlanish tartibiga biroz o‘zgartirish kiritilgan holda tezlik cheklovi saqlanadi. Xususan,

Eslatib o‘tamiz, 12-mart kuni Temur Malik va Buyuk Ipak yo‘li chorrahasidagi yo‘l qismi o‘pirilib tushgandi. Bundan...

iQOO kompaniyasi o‘z assortimentini yangi budjet qurilma – iQOO Z11x bilan kengaytirdi. Bu haqda kompaniya rasmiy sahifasida ma’lum qildi.

Smartfon katta sig‘imli batareyasi hamda yuqori darajadagi himoya standarti bilan ajralib turadi.

Qurilma 7200 mA/soat sig‘imli batareya bilan jihozlangan bo‘lib, 44 Vt tezkor zaryadlashni qo‘llab-quvvatlaydi. Shuningdek, model chang va suvdan himoya qiluvchi IP69 standarti bilan ta’minlangan.

Smartfon 6,76 dyuymli IPS displeyga ega bo‘lib, uning yangilanish tezligi 120 Gtsni tashkil etadi. Qurilma MediaTek Dimensity 7400 Turbo protsessori asosida ishlaydi va 6 yoki 8 GB operativ xotira hamda 128 yoki 256 GB ichki xotira variantlari bilan taklif qilinadi.

Kameralar qismida asosiy modul...

Xiaomi kompaniyasi Mijia brendi ostida yangi kir yuvish mashinasi – Mijia 10kg Front-Load modelini taqdim etdi. Qurilma arzon narxi, katta sig‘imi va aqlli boshqaruv funksiyalari bilan ajralib turadi. Bu haqda JD nashri xabar berdi.

Yangi model 10 kilogrammgacha kir sig‘dira oladigan barabanga ega. Qurilmaning kengligi 516 mm bo‘lib, bu uni standart mebel bo‘limlariga oson joylashtirish imkonini beradi. Baraban diametri 525 mmni tashkil etadi. Kompaniya ma’lumotiga ko‘ra, kir yuvish samaradorligini oshirish uchun qurilmada 3D suv taqsimlash tizimi qo‘llanilgan.

Kir yuvish mashinasida 24 ta yuvish dasturi hamda 35 ta dog‘ni tozalash rejimi mavjud. Shuningdek, vibratsiya va shovqinni kamaytirish tizimi o‘rnatilgan. Eshik...

Toshkentda Mercedes‑Benz G‑Class avtomobilini juda yuqori tezlikda boshqargan ikki haydovchiga nisbatan ma’muriy qamoq jazosi tayinlandi. Bu haqda Yo‘l harakati xavfsizligi bosh boshqarmasi matbuot xizmati rahbari Zoyir Yo‘ldoshev ma’lum qildi.

Ma’lum qilinishicha, ikkita shaxs mart oyi boshida Fayziy ko‘chasida «Gelendvagen» rusumli avtomobilga noqonuniy ravishda maxsus yorug‘lik moslamasi – migalka o‘rnatib olgan. Ular transport vositasini ayrim holatlarda 210 km/soat, yana bir epizodda esa 222 km/soat tezlikda boshqarib, yo‘l harakati qoidalarini qo‘pol ravishda buzgan.

Holat yuzasidan huquqni muhofaza qiluvchi organlar tomonidan profilaktik suhbat o‘tkazilib, qoidabuzarliklarning huquqiy oqibatlari tushuntirilgan. Keyinchalik materiallar sudga yuborilgan.

Chilonzor tumani sudi qaroriga ko‘ra, har ikki shaxs mayda bezorilik...

10-mart kuni Nyu-York shahrida sodir bo‘lgan yo‘l-transport hodisasi oqibatida Nilufar Komilova vafot etdi. Bu haqda O‘zbekistonning Nyu Yorkdagi Bosh konsulxonasi xabar berdi.

Dastlabki ma’lumotlarga ko‘ra, hodisa New York City Department of Transportation’ga tegishli yuk mashinasi ishtirokida yuz bergan. Komilova 31 yoshni qarshi olgan bo‘lib, ikki farzandning onasi edi. 

Bosh konsulxona marhumaning oila a’zolari va yaqinlariga chuqur hamdardlik bildirdi. Konsulxona ma’lum qilishicha, ular marhumaning oila a’zolari bilan doimiy aloqada bo‘lib, zarur konsullik va huquqiy yordam ko‘rsatishga tayyor.

Avvalroq «Kursiv» nashri AQShda 11 yoshli o‘zbekistonlik qiz YTHda halok bo‘lgani haqida yozgandi.

CBC News nashrining ma’lum qilishicha, hodisa 5-fevral kuni...

O‘zbekiston musulmonlari idorasi Fatvo markazi bosh mutaxassisi Hikmatulloh domla Toshtemirov «Tarovehga bormagan kishining ro‘zasi qabul bo‘ladimi?» degan savolga quyidagicha javob berdi:

«Ramazon ro‘zasi farz, Qur’oni Karimda kelgan. Ramazonning endi qiyomi deydi bu, taroveh namozi sunnat. Payg‘ambarimiz alayhissalom va Hazrati Umardan qolgan bizga sunnat hisoblanadi. Ikkalasi bir-biriga bog‘liq emas. Buning qabul bo‘lishi uning qabuliga bog‘liq emas, lekin bu yerda bitta nuqta bor. Dinimizda ko‘p yengilliklar, kengchilik bor. Bu kishi charchab uxlab qolsa, uyg‘onganlaridan keyin saharlikdan oldin ham o‘qishlari mumkin tarovehni, o‘zlari. Jamoatga chiqolmasa ham, o‘zi ham o‘qishi mumkin. Endi bu kishiga o‘xshaganlarga aytyapmiz buni. Albatta, odatdagi kishilar, odatdagi sharoitdagi...