Yangiliklar

AQShdagi Braun universitetida sodir bo‘lgan otishma qurbonlaridan biri 18 yoshli talaba MuhammadAziz Umurzoqov bo‘ldi. Washington Post nashri uning oila a’zolari va do‘stlari bilan suhbatlashib, Umurzoqov haqida maqola e’lon qildi.

Unga ko‘ra, Umurzoqov biokimyo va neyrofanlar yo‘nalishida o‘qigan, kelajakda miya jarrohi bo‘lishni orzu qilgan. Uning o‘limi yaqinlari va do‘stlari uchun og‘ir yo‘qotish bo‘ldi.

«Bu shunchaki adolatsizday tuyuladi, chunki u juda ko‘p harakat qildi va shuncha qiyinchiliklarni boshdan kechirdi-yu, oqibati shunday bo‘ldi», — deydi 22 yoshli Ruxsora Umurzoqova.

U maktabda a’lochi bo‘lgan, turli intellektual musobaqalarda qatnashgan. Bolaligida bosh miyasida jarrohlik amaliyoti o‘tkazilgani uning shifokor, ayniqsa...

Braziliyaning Guayba shahrida kuchli bo‘ron va shamol tufayli Ozodlik haykalining nusxasi qulab tushdi. Bu haqda G1 xabar bermoqda.

Mintaqa Fuqaro muhofazasi xizmati shamol tezligi soatiga 90 kmdan oshishi mumkinligi haqida ogohlantirgan. Aholining uyali telefonlariga favqulodda xavf va jiddiy ofat ehtimoli haqida maxsus xabar yuborilgan. Hodisa oqibatida hech kim jabrlanmagan.

Hudud zudlik bilan o‘rab olingan bo‘lib, kompaniya mutaxassislari vayronalarni tozalash ishlarini boshlashni rejalashtirmoqda. Haykalning umumiy balandligi 35 metrni tashkil etgan bo‘lib, shamol ta’sirida uning 24 metrlik asosiy qismi qulab tushgan. Ushbu konstruksiya 2020-yilda o‘rnatilgan edi.

Kuchli yog‘ingarchilik va bo‘ron shtatning boshqa hududlariga ham jiddiy ta’sir ko‘rsatgan. Xususan, Tio-ugo shahrida do‘l...

Yangi avtomobil sotib olgandan keyin ko‘pincha uning narxi pasayadi. Aksariyat modellar esa oradan bir necha yil o‘tgach, bozorda xaridorgirligini yo‘qotishi tabiiy. Gobankingrates mutaxassislari avtomobilni qayta sotishda qanday muammolar yuzaga kelishi haqida ekspertlar fikrlarini taqdim etdi.

Mutaxassislarga ko‘ra, yonilg‘i sarfi yuqori va faqat benzin dvigateliga ega avtomobillar tezroq arzonlashadi. Elektromobillarga qiziqish ortib borayotgani va yonilg‘i narxlarining oshishi bunday mashinalarni ikkilamchi bozorda kamroq jozibador qiladi.

Ishonchlilik va brend obro‘si ham muhim omil hisoblanadi. Nosozliklari bilan tanilgan yoki ishonchliligi past modellarga talab kam bo‘ladi. Yaxshi obro‘ga ega ishlab chiqaruvchilarning avtomobillari esa narxini uzoqroq saqlab qoladi.

Texnologiyalarning eskirishi ham katta rol o‘ynaydi. Zamonaviy...

Markaziy bank oliy ta’lim muassasalari bilan hamkorlikda talabalar o‘rtasida CBU Challenge tanlovini o‘tkazishini ma’lum qildi.

Tanlovning asosiy maqsadi talabalarning iqtisodiyot va moliya bo‘yicha bilimlarini chuqurlashtirish, makroiqtisodiy jarayonlarni tahlil qilish va pul-kredit siyosati yuzasidan qaror qabul qilish ko‘nikmalarini shakllantirish, shuningdek, moliyaviy savodxonlik, muloqot va jamoada ishlash qobiliyatlarini oshirishdan iborat.

Tanlovda iqtisodiyot va moliya yo‘nalishlarida tahsil olayotgan bakalavriatning 3-4-bosqich talabalari hamda magistrantlar ishtirok etishi mumkin. Jamoalar 4-5 nafar talaba va bir nafar maslahatchi o‘qituvchidan iborat bo‘ladi.

CBU Challenge ikki bosqichda o‘tkaziladi. Saralash bosqichida ishtirokchilar joriy iqtisodiy sharoit bo‘yicha tahliliy taqdimot tayyorlaydi. Yakuniy bosqichda esa pul-kredit siyosati tahlil etilib, asosiy stavka bo‘yicha...

2025-yil noyabr oyida taksi xizmatlari narxlari oktabr oyiga nisbatan o‘rtacha 0,5 foizga qimmatlashgan. Bu haqda Milliy statistika qo‘mitasi ma’lum qildi.

Unga ko‘ra, taksida yo‘l haqi narxlari yil boshidan buyon yetti foizga oshgan. O‘tgan yilning mos davriga nisbatan esa narxlar 12,2 foizga ko‘tarilgani qayd etilgan.

Eslatib o‘tamiz, avvalroq Wildberries O‘zbekistonda WB Taxi ilovasini ishga tushirgani xabar qilingandi. Ilova Play Market va App Store’da O‘zbekiston foydalanuvchilari uchun mavjud.

Shuningdek, O‘zbekistonda Yandex Go, Uklon va MyTaxi taksi xizmatlari ham faoliyat yuritadi.

«Yuksalish» umummilliy harakati Ijtimoiy va iqtisodiy tashabbuslar instituti bilan hamkorlikda O‘zbekistonda faoliyat yuritayotgan 35 yoshgacha bo‘lgan yosh tadbirkorlar reytingini taqdim etdi.

Unga ko‘ra, reyting ikki bosqichda shakllantirilgan. Dastlab OAV, ijtimoiy tarmoqlar, biznes reytinglari, mukofotlar hamda ekspert va tadbirkorlar tavsiyalari asosida 100 nafar nomzod saralab olingan. Ular media faolligi, obro‘-e’tibori, innovatsion mahsulot va xizmatlari, erishilgan natijalari hamda biznesning ijtimoiy mas’uliyati kabi mezonlar bo‘yicha baholangan.

Ikkinchi bosqichda esa «Yuksalish» tomonidan belgilangan mezonlar asosida ekspertlik baholashi o‘tkazilib, 100 ballik tizimda 20 nafar eng yuqori natija ko‘rsatgan tadbirkordan iborat yakuniy ro‘yxat shakllantirilgan. Baholashda innovatsion g‘oya, iqtisodiy samaradorlik, barqarorlik, raqobatbardoshlik va jamiyatdagi obro‘-e’tibor...

Realme kompaniyasi Realme 16 Pro smartfonining dizaynini rasmiy e’lon oldidan to‘liq ko‘rsatdi. Qurilmaning pastki qismida USB-C port, SIM-karta uyasi va dinamik panjarasi joylashgan.

Mavjud ma’lumotlarga ko‘ra, Realme 16 Pro 6,78 dyuymli AMOLED ekran bilan jihozlanadi. Yangilanish chastotasi 144 Hz bo‘ladi. Smartfon 7 000 mA·soatgacha sig‘imli batareyaga ega bo‘ladi. Qurilma 80 Vt quvvatli tezkor quvvatlashni qo‘llab-quvvatlaydi.

Asosiy kamera 200 Mp bo‘lishi kutilmoqda. Bu Realme 15 Pro‘dagi 50 Mp sensor bilan solishtirganda katta yangilanish hisoblanadi.

RMX5121 indeksli model Xitoyda sertifikatsiyadan o‘tgan. Hujjatlarga ko‘ra, qurilmaning qalinligi 7,75 mm, vazni esa 192 grammni tashkil etadi.

Batareya sig‘imi 6 830 mA/soat deb ko‘rsatilgan. Ishlab...

Sidneyning mashhur Bondi sohilida Xanuka bayrami nishonlanayotgan vaqtda sodir etilgan va kamida 15 kishining o‘limiga sabab bo‘lgan hujum ijrochilari IShID g‘oyasidan ilhomlangan. Bu haqda CNN xabar bermoqda.

Politsiyasi ma’lumotlariga ko‘ra, hujumchilar, 50 yoshli Sajid Akram va uning 24 yoshli o‘g‘li Navid Akram 2025-yilning 1-noyabr kuni Filippinga uchib ketishgan va u yerda qariyb bir oy bo‘lib, 28-noyabrda Sidneyga qaytishgan. Sajid Akram Hindiston pasportidan, o‘g‘li esa Avstraliya pasportidan foydalangan.

Filippin rasmiylari ularning IShID’ga aloqador jangarilar faoliyati bilan tanilgan Mindanao oroliga borganini tasdiqladi. Kichik gumondorning avtomobilidan qo‘lbola portlovchi qurilmalar va ikkita IShID bayrog‘i topilgan. Hujum oqibatida 15 kishi halok bo‘lgan, 24 kishi...

Humans Mobile kompaniyasi O‘zbekistondagi barcha xizmatlari hech qanday uzilishlarsiz ishlayotgani, yuridik jarayonlar va sudning bankrotlik to‘g‘risidagi qarori mijozlarga xizmat ko‘rsatish sifatiga ta’sir qilmasligini bildirdi.

«Humans MChJga nisbatan yuridik jarayonlar xizmatlar ishi, sifat va mijozlar uchun qulaylikka ta’sir qilmaydi», – deyiladi kompaniya bayonotida.

Eslatib o‘tamiz, poytaxt sudi kompaniyani bankrot deb topib, uning faoliyatini tugatish jarayonini boshlagan edi. Humans vakillari sudning ushbu qarorini qonunchilikka zid deb hisoblamoqda. Kompaniya sud qarorlari ustidan bir necha bor shikoyat qilgan va apellyatsiya bergan bo‘lsa-da, sudlar ularni himoya qilishdan muntazam ravishda bosh tortib kelmoqda.

Shuningdek, Humans Mobile qator davlat va tijorat...

Wildberries kompaniyasi O‘zbekistonda WB Taxi nomli taksi buyurtma qilish uchun mobil ilovani ishga tushirdi. Bu haqda kompaniya Kursiv Uzbekistan’ga ma’lum qildi.

Ilova Play Market va App Store’da O‘zbekiston foydalanuvchilari uchun mavjud. Shuningdek, u Rossiyada ham yuklab olinishi mumkin.

Ilovadan foydalanishni shaxsiy taklif havolasi orqali yoki ilovani yuklab olib, kutish ro‘yxatiga ariza topshirish orqali boshlash mumkin. Ulangan foydalanuvchilarga safar narxining 50 foizi miqdorida keshbek «tarvuzlar» ko‘rinishida qaytariladi. Bu kompaniyaning virtual valyutasi bo‘lib, naqd pulsiz to‘lovlarda beriladi. Har bir yangi foydalanuvchiga ilovani o‘rnatganda 20 ming «tarvuz» sovg‘a qilinadi va ularni keyingi safarlarda ishlatish mumkin.

WB Taxi’da to‘rtta tarif mavjud: «Standart», «Komfort», «Komfort...

Qashqadaryo viloyatiga zamonaviy avtobuslarning navbatdagi partiyasi olib kelindi. Bu haqda Transport vazirligi xabar berdi.

Unga ko‘ra, «Sharofiddin Nurillo» korxonasi Xitoyning YUTONG kompaniyasidan tabiiy siqilgan gazda harakatlanuvchi 20 ta avtobus xarid qildi. Bundan tashqari, «Bazarcha» MChJ tomonidan oltita Asia Star rusumli avtobuslar olib kelindi.

Vazirlik yangi avtobuslar yaqin kunlarda shahar ichidagi yo‘nalishlarda brutto-shartnoma asosida qatnovni boshlashini qo‘shimcha qildi.

Avvalroq Guliston jamoat transporti 52 ta zamonaviy avtobus bilan boyitilgani xabar qilingandi. Ular «Yevro-5» standartiga javob beradi va tabiiy siqilgan gazda harakatlanadi. Har biri 65 nafar yo‘lovchini qulay sharoitda yetkazishga mo‘ljallangan bo‘lib, past polli dizayni nogironligi bo‘lgan shaxslar uchun pandus uskunalari...

Apple kompaniyasi Android tizimidagi Apple TV ilovasini yangilab, unga Google Cast’ni joriy etdi. Endilikda foydalanuvchilar o‘z telefonlaridagi tasvirni to‘g‘ridan to‘g‘ri Chromecast, Google TV va Android TV qurilmalariga uzatishlari mumkin.

Avval Android foydalanuvchilari kontentni asosan mobil qurilmada yoki televizordagi o‘rnatilgan ilova orqali ko‘rish bilan cheklangan edi. Yangi funksiya ushbu to‘siqni olib tashlaydi va Apple qurilmalari talab qilinmasdan turib katta ekranlarda tomosha qilish imkonini beradi. Ilova yangilangach, ekranda Cast belgisi paydo bo‘ladi.

Mutaxassislarning ta’kidlashicha, Google Cast ko‘plab Android foydalanuvchilari uchun asosiy funksiya hisoblanadi. Ushbu yangilanish Apple TVni Netflix, Disney+ va YouTube TV kabi yillar davomida kastingni qo‘llab-quvvatlab kelgan raqobatchilar bilan tenglashtiradi...

2026-yilda Xiaomi bir qator mashhur smartfonlar qo‘llab-quvvatlanishini to‘xtatadi. Bu haqda XiaomiTime xabar bermoqda.

Gap xavfsizlik yangilanishlarining yakunlanishi haqida ketmoqda. Bu holat muhim hisoblanadi. Chunki EOL bosqichiga yetgan qurilmalar xavfsizlik jihatidan zaiflashadi. Shuningdek, bank va korporativ ilovalarda cheklovlar paydo bo‘lishi mumkin. Bunga Xiaomi’ning avvalgi yangilanish siyosati sabab bo‘lgan. Unga ko‘ra, smartfonlar 2-3 ta Android versiyasi va taxminan 4 yil xavfsizlik patchlari olgan.

2026-yilda qo‘llab-quvvatlanishi tugaydigan Xiaomi modellari orasida Xiaomi 12, 12 Pro, 12X, 12 Lite, shuningdek Xiaomi 12T va 12T Pro mavjud. 12T va 12T Pro modellari yil oxiriga yaqin EOL holatiga yetadi.

Redmi liniyasida Redmi Note 12 Pro...

Samsung Galaxy A07 5G smartfoni haqida ilk ma’lumotlar paydo bo‘ldi. Bu haqda Geekbench ma’lumotlarida e’lon qilindi.

Qurilma SM-A076B model raqami ostida qayd etilgan. Test natijalariga ko‘ra, smartfon 2+6 yadrolar klasteriga ega protsessor va Mali-G57 MC2 grafik tezlatkich bilan jihozlangan. Chastotalar va unumdorlik ko‘rsatkichlari MediaTek Dimensity 6300 platformasidan foydalanilayotganini ko‘rsatmoqda. Bu avvalgi sizib chiqqan ma’lumotlarni tasdiqlaydi.

Taqqoslash uchun, hozirda sotuvda bo‘lgan Galaxy A07 4G modeli Helio G99 chipi asosida ishlaydi. Ushbu ikki platforma texnik jihatdan juda yaqin. Asosiy farq shundaki, Dimensity 6300 5G tarmog‘ini qo‘llab-quvvatlaydi. Ishlash tezligida sezilarli ustunlik kutilmayapti.

Bencmarkda sinovdan o‘tgan Galaxy A07 5G 4 GB tezkor xotira...

Google Search qidiruv tizimida yangi plyus (+) tugmasi ishga tushirildi. U orqali foydalanuvchilar rasm va hujjatlarni yuklab, Google AI Mode rejimi yordamida tahlil qilishlari mumkin.

Hozircha Google bu borada rasmiy bayonot bermagan, shu bois funksiya sinov tariqasida cheklangan foydalanuvchilar uchun mavjud bo‘lishi mumkin. Fayl yuklangach Gemini sun’iy intellekti uni tahlil qiladi va foydalanuvchi savollariga javob beradi.

Kompaniya OpenAI bilan raqobat fonida sun’iy intellekt imkoniyatlarini kengaytirishda davom etmoqda. Yaqinda taqdim etilgan Gemini 3 modeli raqobatchilarni xavotirga solgani va bunga javoban OpenAI GPT-5.2’ni chiqargani aytilmoqda.

Google o‘zining TPU (Tensor Processing Unit) chiplarida modellari va obunachilar uchun katta hajmdagi xotira takliflari bilan...

AQShning yirik birjalaridan biri bo‘lgan Nasdaq savdo soatlarini kengaytirish orqali haftaning besh kuni davomida 24 soatlik savdoni joriy etmoqchi. Bu haqda Reuters agentligi ma’lum qildi.

So‘nggi yillarda investorlar orasida aksiyalarni bozor soatlaridan tashqari uzluksiz savdo qilishga bo‘lgan talab oshgan. Nasdaq ham besh kun davomida doimiy savdoni joriy etishga birinchi rasmiy qadamni qo‘ymoqda. Kompaniya prezidenti Tal Kohenning aytishicha, mazkur tartib 2026-yil ikkinchi yarmida ishga tushiriladi.

Doimiy savdo joriy etilganda Nasdaq aksiyalar va birjada savdoga chiqarilgan mahsulotlar savdo soatlari haftasiga besh kun davomida 16 soatdan 23 soatga oshiriladi. Yangi tizimda ikki sessiya bo‘ladi: kun sessiyasi 04:00 – 20:00, undan...

Google kompaniyasi Google tarjimon ilovasiga muhim yangilanish kiritdi. Endi xizmat nutqni real vaqt rejimida tarjima qila oladi.

Bu imkoniyat xorijda ma’ruza tinglash, jonli suhbatlarni tushunish yoki film va seriallarni asl tilida tomosha qilishni ancha osonlashtiradi. Foydalanuvchiga quloqchin taqib, ilovadagi Live Translate rejimini yoqish kifoya.

Yangi funksiya Gemini sun’iy intellekt modellari asosida ishlaydi. Tarjima jarayonida nafaqat aytilgan mazmun, balki nutq ohangi, pauzalar va urg‘ular ham hisobga olinadi.

Yangilanish uchta asosiy yo‘nalishni qamrab oladi. Birinchidan, matn tarjimasi sifati sezilarli yaxshilandi: so‘zlashuv uslubi va murakkab iboralar endi kontekst asosida tarjima qilinadi. Bu imkoniyat hozircha AQSh va Hindistonda ingliz tilidan qariyb...

Apple 15-dekabr kuni iOS 26.3 dasturchilar uchun mo‘ljallangan beta versiyasini taqdim etdi. Bu yangilanish iOS 26.2 versiyasi chiqqanidan bir necha kun o‘tib paydo bo‘ldi. Hozircha yangi versiyada qanday o‘zgarishlar borligi haqida batafsil ma’lumot berilmagan.

Mutaxassislar fikricha, iOS 26.3 asosan texnik xizmat yangilanishi bo‘lib, tizimdagi xatolarni tuzatish va mavjud funksiyalarni yaxshilashga qaratilgan. Tom’s Guide’ga ko‘ra, katta yangiliklar 2026-yil bahorida kutilayotgan iOS 26.4 versiyasida paydo bo‘lishi mumkin. Aynan shu versiyada Apple Intelligence asosidagi ancha aqlli Siri taqdim etiladi.

Shu bilan birga, iOS 26.3’da ayrim kichik yangiliklar ham bo‘lishi mumkin. Jumladan, Apple va Google va’da qilgan iOS va Android qurilmalari o‘rtasida ma’lumot...

Fransiyaning Luvr muzeyi 15-dekabr kuni tashrif buyuruvchilar uchun yopildi. Muzey saytida e’lon qilinishicha, bunga xodimlar tomonidan o‘tkazilgan ish tashlash sabab bo‘lgan.

Le Monde nashrining yozishicha, qariyb 400 nafar xodim past ish haqi va mehnat sharoitlarining yomonligi tufayli norozilik bildirishga qaror qilgan.

Kasaba uyushmalari muzeyda tashrif buyuruvchilarni qabul qilish va tartibni nazorat qilish sohalarida qo‘shimcha ish o‘rinlari yaratishni, shuningdek, operativ faoliyat bilan shug‘ullanuvchi xodimlarni vaqtinchalik shartnomalardan doimiy mehnat shartnomalariga o‘tkazishni talab qilmoqda.

Bundan tashqari, kasaba uyushmalari Fransiya madaniyat vaziri Rashida Datiga murojaat qilib, binodagi ko‘plab texnik nosozliklar va eskirish holatlari jiddiy ijtimoiy muammolarga olib kelganini ta’kidlagan.

So‘nggi oylarda Luvrda...

Qirg‘izistonlik ayol folbin maslahati bilan qabristonga 43 ming dollar ko‘mdi. Bu haqda ArbatMedia xabar berdi.

Ma’lum bo‘lishicha, ayol o‘zining moliyaviy ahvolini yaxshilash va biznesda muvaffaqiyatga erishish maqsadida o‘zini ekstrasens deb tanishtirgan ayolga murojaat qilgan. Folbin unga pul oqimini ochish uchun maxsus marosim o‘tkazish kerakligini aytgan.

Firibgar ayol jabrlanuvchiga katta miqdordagi naqd pulni qabristonga ko‘mishni buyurgan. Ayol uch marotaba bir xil qabrga borib, pulni ko‘mgan.

Folbin har safar pullar sehrli kuchlar ta’sirida yo‘q bo‘layotganini aytgan. Biroq uchinchi marotabadan so‘ng ayolda shubha paydo bo‘lgan va u huquqni muhofaza qiluvchi organlarga murojaat etgan.

Politsiya xodimlari gumonlanuvchini tezkorlik bilan aniqlab, uni qo‘lga olgan...

Ilon Mask boyligi $600 mlrddan oshgan tarixdagi birinchi insonga aylandi. Bu haqda Reuters xabar bermoqda.

Daromad ortishi uning SpaceX kompaniyasi $800 mlrdlik baholash bilan ommaviy savdolar (IPO)ga chiqishi mumkinligi haqidagi xabarlar ortidan yuz berdi.

Mask kelasi yili ommaviy kompaniyaga aylanishi kutilayotgan SpaceX’ning taxminan 42 foiz aksiyalariga egalik qiladi. Hisob-kitoblarga ko‘ra, kompaniyaning yangi baholanishi milliarderning boyligini $168 mlrdga oshirib, umumiy qiymatini $677 mlrdga yetkazishi mumkin.

Mask oktabr oyida $500 mlrdlik marrani zabt etgan birinchi inson bo‘lgan edi. Shuningdek, Tesla aksiyalari ham Maskning boyligiga hissa qo‘shdi. Robotaksilar xavfsizlik monitorlarisiz sinovdan o‘tkazilayotgani haqidagi xabardan so‘ng kompaniya aksiyalari dushanba kuni qariyb...

2026-yilda o‘tkaziladigan 58-Xalqaro kimyo va 38-Xalqaro informatika olimpiadalariga ilk bor O‘zbekiston mezbonlik qiladi. Bu haqda Maktabgacha va maktab ta’limi vazirligi ma’lum qildi.

2025-yilda BAAning Dubay shahrida o‘tkazilgan Xalqaro kimyo olimpiadasida O‘zbekiston ikkita oltin va ikkita kumush medalni qo‘lga kiritgan edi. 2024-yilda esa nufuzli olimpiadaga Saudiya Arabistonining Ar-Riyod shahri mezbonlik qilgan.

Shuningdek, mazkur yilgi 37-Xalqaro informatika olimpiadasi Boliviyaning Sukre shahrida o‘tkazildi. Unda O‘zbekiston nomidan qatnashgan o‘quvchilar bitta kumush va bitta bronza medallariga sazovor bo‘ldi. Ma’lumot uchun, o‘tgan yilgi Xalqaro informatika olimpiadasi Misrdagi Aleksandriya shahrida tashkil etilgan.

Eslatib o‘tamiz, avvalroq O‘zbekistondagi maktablarda Erp.portfolio platformasi yaratilishi haqida xabar bergan...

AQSh bozorida katta oilalar uchun Honda Pilot 2026 rasman taqdim etildi. Bu haqda Tarantas News nashri xabar berdi.

Yangilangan uch qatorli yo‘ltanlamas katta sensorli ekran, boyitilgan salon, zamonaviy dizayn va yaxshilangan xavfsizlik funksiyalari bilan ajralib turadi.

Modelning boshlang‘ich Sport komplektatsiyasi $42 mingdan sotuvga chiqmoqda. Honda Pilot 2026 Sport, EX-L, Touring, TrailSport, Elite va Black Edition kabi olti xil komplektatsiyada taklif etiladi.

Asosiy yangiliklardan biri – 12,3 dyuymli ultra keng sensorli ekran bo‘lib, u simsiz Apple CarPlay va Android Auto, o‘rnatilgan Google xizmatlari hamda 5G Wi-Fi bilan qo‘llab-quvvatlanadi. Salon shovqini kamaytirilgan, ichki bezak va materiallar esa yanada hashamatli bo‘lgan.

Texnik...

Mehnat daftarchasi yoki elektron mehnat daftarchasi mehnat stajini tasdiqlovchi asosiy hujjat hisoblanadi. 2005-yil 1-yanvardan oldingi ish davrlari mehnat daftarchasidagi mavjud yozuvlar asosida, qo‘shimcha hujjatlarsiz hisobga olinadi. Bu haqda Pensiya jamg‘armasi ma’lum qildi.

Agar mehnat daftarchasi bo‘lmasa yoki unda zarur yozuvlar yetishmasa, ish stajini boshqa hujjatlar orqali tasdiqlash mumkin. Bunga ish joyidan berilgan ma’lumotnomalar, buyruqlardan ko‘chirmalar, ish haqi qaydnomalari, mehnat shartnomalari, shaxsiy hisobvaraqlar, shuningdek, arxiv hujjatlari kiradi.

Zarur hollarda mehnat faoliyati davrlari sud tartibida ham aniqlanishi mumkin. Bunda guvohlarning ko‘rsatmalari asosida ish staji hisobga olinadi. Shu sababli mehnat daftarchasi yo‘qolgan taqdirda ham pensiya rasmiylashtirish imkoniyati mavjud.

Eslatib o‘tamiz, avvalroq O‘zbekistonda...