Yangiliklar

Kiberxavfsizlik bo‘yicha yetakchi tadqiqot markazlaridan biri bo‘lgan VMRay mutaxassislari Markaziy Osiyo uchun xavotirli tahliliy hisobotni e’lon qildi. Unda Hydra Saiga nomi bilan tanilgan xakerlar guruhi mintaqa davlatlarining qator muhim tashkilotlariga qator kiberhujumlar uyushtirgani qayd etilgan.

Mazkur guruh YoroTrooper, ShadowSilk va Silent Lynx nomlari bilan ham tanilgan. Tadqiqotchilarga ko‘ra, ular hukumat idoralari, energetika sohasi hamda muhim infratuzilma obyektlariga qaratilgan keng ko‘lamli kiberjosuslik faoliyati bilan shug‘ullangan. Xususan, O‘zbekiston Suv xo‘jaligi vazirligi, viloyat hokimliklari va ayrim ilmiy-tadqiqot institutlari hujumlar nishoniga olingan.

Ma’lumotlarga ko‘ra, kiberhujumlarning faol bosqichi 2024-yil sentabrdan 2025-yil martgacha davom etgan. Mutaxassislar xakerlarning asosiy qiziqishi suv resurslarini boshqarish tizimlariga qaratilganini ta’kidlamoqda...

Toshkentda yo‘l o‘rtalariga o‘rnatilayotgan panjaralar masalasi hozircha tajriba sifatida o‘rganilmoqda. Bu haqda Yo‘l harakatini tashkil etish markazi (YHTEM) bo‘lim boshlig‘i Ollayor Norbo‘tayev matbuot anjumanida ma’lum qildi, deb xabar berdi «Kursiv» muxbiri.

Mutasaddining aytishicha, yo‘l harakatini tashkil etish markazi mutaxassislari har bir chorraha va ko‘chani alohida o‘rganmoqda. Bunda so‘nggi 5 – 10 yil davomida sodir bo‘lgan yo‘l-transport hodisalari, ayniqsa, piyodalar bilan bog‘liq avariyalar tahlil qilinmoqda. Ushbu ma’lumotlar asosida qaysi joylarda panjara o‘rnatish kerakligi yoki kerak emasligi aniqlanadi.

«Har bir nuqtada, har bir ko‘chada o‘rganishlar amalga oshirilib, eksperiment olib boriladi va panjara bitta panjara emas, u yerda, masalan, svetofor almashadi...

Payme kompaniyasi tarkibidan yangi TBC TECH kompaniyasining ajratib chiqarish jarayoni boshlandi.

«Payme» AJ aksiyadorlarining 2026-yil 5-mart kuni bo‘lib o‘tgan umumiy yig‘ilishida kompaniyani ajratib chiqarish yo‘li bilan qayta tashkil etish (reorganizatsiya) to‘g‘risida qaror qabul qilindi. Qarorga ko‘ra, Payme bazasida mustaqil faoliyat yurituvchi yangi TBC TECH kompaniyasi tashkil etiladi.

Reorganizatsiya doirasida Payme o‘zining ayrim aktivlari, majburiyatlari hamda xodimlarining ma’lum qismini yangi tuzilma tarkibiga o‘tkazadi. Jarayon O‘zbekistonning amaldagi qonunchiligiga muvofiq hamda Markaziy bank bilan kelishilgan holda amalga oshiriladi.

Qarorga binoan, Payme bosh direktoriga qayta tashkil etish bilan bog‘liq barcha zarur yuridik va tashkiliy ishlarni boshlash vazifasi yuklatilgan. Avvalo, kompaniya aktivlari va...

Xitoyning Xiaomi kompaniyasi yangi avlod Xiaomi SU7 elektromobilini bozorga chiqarish arafasida turibdi. Bu haqda 21st Century Business Herald xabar berdi.

Ma’lumotlarga ko‘ra, Pekindagi Yichjuan zavodida yangi model ishlab chiqarish jarayoni jadallashgan. Kuzatuv davomida bir soat ichida zavoddan taxminan 80 ta avtomobil chiqarilgani qayd etilgan. Shu sur’at saqlansa, kunlik yetkazib berish hajmi 800 taga yetishi mumkin.

Nashr hisob-kitoblariga ko‘ra, kompaniya mart oxiriga qadar 16 ming dona yangi SU7 avtomobili zaxirasini shakllantirishi mumkin.

Xiaomi yangi model taqdimotidan oldin birinchi avlod SU7 ni onlayn do‘konidan olib tashladi va yanvar oyida yangi versiya uchun oldindan buyurtmalarni qabul qilishni boshladi.

Pekindagi Xiaomi do‘koni vakillariga...

Toshkentning Mirzo Ulug‘bek tumanida 12-mart kuni yo‘l o‘tkazgichda yo‘l qismi o‘pirilib tushdi. Hodisa Temur Malik va Buyuk Ipak yo‘li chorrahasida, sobiq «Troitskiy» ko‘prigi yaqinidagi yo‘l o‘tkazgichda yuz bergan.

Ijtimoiy tarmoqlarda tarqalgan foto va videolarda yo‘lning tirgak devorining bir qismi yo‘l bilan birga qulab tushgani ko‘rinadi. Yo‘lning qarama-qarshi tomonida ham asfalt qoplamasida yoriqlar paydo bo‘lgani qayd etilgan.

Mazkur yo‘l 2024-yilda rekonstruksiya qilingan edi. Loyiha doirasida 4 kilometr yo‘lga asfalt-beton qoplama yotqizilib, qatnov qismi 6 – 8 tasma qilib kengaytirilgan. Rekonstruksiya jarayonini prezident Shavkat Mirziyoyev ham borib ko‘rgan.

Toshkent shahar hokimligi ma’lumotiga ko‘ra, Lunacharskiy ko‘chasidagi yangi tunnel yo‘li yaqinida yuz bergan...

2025-yilda O‘zbekistonda 5,4 mln nafar aholi daromadli mehnatga jalb qilindi. Bu haqda Kambagʻallikni qisqartirish va bandlik vazirligi ma’lum qildi.

Ta’kidlanishicha, shundan 1,3 mln kishi doimiy ishga joylashtirilgan bo‘lsa, 2,1 mln nafari tadbirkorlikka yo‘naltirilgan. Kichik va o‘rta biznes subyektlarini qo‘llab-quvvatlash maqsadida davlat tomonidan 134 trln so‘m kredit mablag‘lari ajratilgan.

Shuningdek, «Kambag‘allikdan farovonlik sari» dasturi doirasida 3,2 mln aholini o‘z ichiga olgan 761 mingta oilaning ehtiyojlari o‘rganilib, ular uchun individual rejalar ishlab chiqilgan.

Ushbu individual rejalar asosida 523 mingta kambag‘al oilani daromadini oshirishga qaratilgan xizmatlar bilan qamrab olishga erishilgan. Ularning tadbirkorlik tashabbuslarini moliyalashtirish uchun 2,2 trln so‘m kredit va 265 mlrd...

Endilikda elektr tarmog‘iga tijoriy maqsadda noqonuniy ulanganlar 15 sutkaga qamalishi mumkin. 2026-yil 11-martda qabul qilingan Qonun bilan Jinoyat va Ma’muriy javobgarlik to‘g‘risidagi kodekslarga o‘zgartirish va qo‘shimchalar kiritildi.

Unga ko‘ra, elektr, issiqlik, gaz va suv tarmoqlaridan noqonuniy foydalanish uchun javobgarlik kuchaytiriladi.

Yangi tartibga ko‘ra, umumiy foydalanishdagi elektr, issiqlik yoki gaz tarmoqlariga o‘zboshimchalik bilan ulanish yoki foydalanish qoidalarini buzgan fuqarolarga bazaviy hisoblash miqdorining 15 baravaridan 20 baravarigacha jarima solinadi. Mansabdor shaxslar uchun esa jarima miqdori BHMning 25 baravaridan 30 baravarigacha etib belgilanadi.

Agar umumiy tarmoqlarga tijorat maqsadida noqonuniy ulanish aniqlansa, BHMning 15 baravaridan 25 baravarigacha jarima qo‘llanadi yoki 15 sutkagacha ma’muriy...

Toshkent shahrida joylashgan avtobus bekatlaridagi do‘konlari buzilgan tadbirkorlarga turizm ko‘chalari yoki boshqa hududlardan joy beriladi. Bu haqda Yo‘l harakatini tashkil etish markazi (YHTEM) bo‘lim boshlig‘i Ollayor Norbo‘tayev ma’lum qildi, deb xabar berdi «Kursiv» muxbiri.

Norbo‘tayevga ko‘ra, poytaxtdagi har bir tuman hokimliklariga turizm ko‘chalarini tashkil etish topshiriqlari berilgan. Bu do‘konlari buzilgan tadbirkorlar uchun yaxshi tanlov bo‘lishi mumkin.

Markaz mutaxassisining qayd etishicha, hozirda ajratib olingan 100 km yo‘l bo‘ylab qurilgan 120 ta do‘konning 60 tasi noqonuniy bo‘lgan. Ularning buzilishi sud qarori asosida amalga oshirilmoqda.

«Qaysi joyda do‘kon buzilgan bo‘lsa, sudning tegishli qarori asosida amalga oshirilgan», – deya ta’kidladi...

Magistral gaz quvurlarida bosimni rostlash va me’yoriy holatga keltirish ishlari sabab 12-mart kuni metan «zapravkalar» faqat ijtimoiy soha va jamoat transporti uchun faoliyat yuritadi. Bu haqda Energetika vazirligi xabar berdi.

Vazirlikning ta’kidlashicha, gaz bosimining pastligi sabab, birinchi navbatda, aholi xonadonlari hamda ijtimoiy soha obyektlarini tabiiy gaz bilan ta’minlash kerak.

«Shunga koʻra, bugun metan “zapravkalar» ijtimoiy soha obyektlariga xizmat koʻrsatuvchi va jamoat transporti uchun faoliyat yuritadi. Mazkur choralar aholi va ijtimoiy soha obyektlarini barqaror gaz ta’minoti bilan ta’minlashga qaratilgan”, – deyiladi vazirlik xabarida.

Shuningdek, vazirlik birja savdolariga chiqarilayotgan avtobenzin va suyultirilgan gaz (propan) hajmi oshirilib...

Toshkent shahrida aholining jamoat transportidan foydalanish ulushi ikki baravar oshirilib, 60 foizga yetkaziladi. Bu haqda Yo‘l harakatini tashkil etish markazi (YHTEM)dagi jurnalistlar bilan o‘tkazilayotgan uchrashuvda ma’lum qilindi, deya xabar bermoqda «Kursiv» muxbiri.

Markaz ma’lumotlariga ko‘ra, bugungi kunda poytaxtda jamoat transportidan foydalanish ulushi 30 – 35 foizni tashkil etmoqda. Metro esa shahar aholisining faqat 16 foizi uchun mavjud hududlarni qamrab olgan.

Shuningdek, ayrim avtobus yo‘laklarida harakat qoidalariga rioya qilinmayotgani ham tizim samaradorligiga salbiy ta’sir ko‘rsatmoqda. Ma’lumotlarga ko‘ra, 168 ta yo‘nalish sxemasini qayta ko‘rib chiqish orqali 180 ta yo‘nalish qayta tashkil etilishi kerak.

Poytaxtda taxminan 150 ming aholi yetarli darajada jamoat transporti...

Xitoyning Avatr kompaniyasi yangi Avatr 06T universal elektromobilining ishlab chiqarish versiyasi rasmlarini e’lon qildi. Bu haqda CarNewsChina nasri xabar bermoqda. Model 2026-yilning ikkinchi choragida bozorga chiqishi kutilmoqda.

Avatr 06T aslida Avatr 06 sedani asosida yaratilgan universal versiya hisoblanadi. Avtomobil yangi to‘q sariq rangda namoyish qilindi va modelning yakuniy dizayni tasdiqlandi.

Texnik ma’lumotlarga ko‘ra, avtomobil uzunligi 4940 mm, kengligi 1960 mm, balandligi 1475 mmni tashkil etadi. G‘ildirak bazasi esa 2940 mm.

Elektromobilning to‘liq elektr versiyasi 89,33 kVt/soat batareya bilan jihozlanadi. U ikki xil motor konfiguratsiyasida taklif etiladi. Eng kuchli versiyada uchta elektromotor o‘rnatilgan. Old tomonda 210 kVt quvvatli motor, orqa...

Fransiyaning Framatome kompaniyasi O‘zbekistonda AES qurish loyihalarida ishtirok etadi. Bu haqda Atom energiyasi agentligi ma’lum qildi.

Hamkorlik rejalari Framatome kompaniyasi bosh qarorgohida «O‘zatom» agentligi direktori Azim Axmedxadjayev va Framatome’ning «Avtomatlashtirilgan boshqaruv tizimlari» biznes bo‘linmasi katta ijrochi vitse-prezidenti Laurent Thieffry o‘rtasida ishchi uchrashuvda muhokama qilingan.

Tomonlar atom energetikasi sohasidagi hamkorlikning asosiy yo‘nalishlari bo‘yicha fikr almashgan. Muzokaralarda atom elektr stansiyalarida texnologik jarayonlarni boshqarishning zamonaviy avtomatlashtirilgan tizimlarini joriy etish masalasi muhokama qilindi.

Uchrashuv davomida ilg‘or tajriba almashish, texnologiyalar transferi hamda yadroviy obyektlarning ishonchliligi va xavfsizligini oshirish bo‘yicha hamkorlik istiqbollari ko‘rib chiqilgan.

Shuningdek, O‘zbekiston hududida integratsiyalashgan yechim asosida atom energobloklarini qurish va ulardan...

Toshkentda yil oxiriga qadar 545 ta chorraha «aqlli» tizim orqali avtomatik boshqaruvga o‘tadi. Bu haqda Yo‘l harakatini tashkil etish markazi (YHTEM) bo‘lim boshlig‘i Ollayor Norbo‘tayev ma’lum qildi, deya xabar bermoqda Kursiv Uzbekistan muxbiri.

Uning ta’kidlashicha, hozirgi kunda qadar Toshkent shahrida 125 chorraha «aqlli» tizimga ulangan bo‘lib, svetoforlar va jamoat transporti harakati real vaqt rejimida avtomatik boshqarilmoqda.

Har bir chorraha kamida 4 ta kamera va transport oqimi zichligini o‘lchovchi datchiklar bilan jihozlangan. Tizimni boshqarish jarayonida 30 dan ortiq mutaxassislar, jumladan, transport muhandislari va IT-tahlilchilar faoliyat olib bormoqda.

Tizim maxsus kameralar va datchiklar yordamida chorrahadagi tirbandliklarni aniqlaydi, zarur yo‘nalishlarda yashil chiroq vaqtini...

11-mart kuni Yevropa Chempionlar ligasining 1/8 final bosqichi doirasida to‘rtta uchrashuv bo‘lib o‘tdi. Turnir favoritlari va musobaqa kashfiyoti hisoblangan jamoalar dastlabki o‘yinlarni o‘tkazdi.

«Real Madrid» – «Manchester Siti» 3:0

«Santyago Bernabeu» stadionida kechgan bahsda «Real Madrid» Angliyaning «Manchester Siti» klubini 3:0 hisobida mag‘lub etdi. Uchrashuv qahramoni Federiko Valverde bo‘lib, u birinchi bo‘limning o‘zida het-trik qayd etdi. O‘yinni stadiondan 76 ming nafar tomoshabin bevosita kuzatib bordi.

«Manchester Siti» darvozaboni Janluiji Donnarumma 60-daqiqada Vinisius Junior tepgan penaltini qaytarishga muvaffaq bo‘ldi. Biroq ingliz klubi hujumda yetarlicha xavf tug‘dira olmadi va madridliklar ishonchli g‘alabani saqlab qoldi. Jarohat olgan Kilian Mbappe va Jud...

Angliyada avtobus yo‘l haqi uchun 2 ming yillik qadimiy tanga bilan to‘lov qilingani ma’lum bo‘ldi. Bu haqda Live Science xabar berdi.

Unga ko‘ra, tanga 1950-yillarda avtobus haydovchisi kassasiga tushgan. Avtobus va tramvaylardan yig‘ilgan pullarni sanab chiqadigan kassir soxta yoki xorijiy tangalarni ajratib olib, ularni nabirasiga berib kelgan. Shu tariqa noyob tanga ham oilaga kelib qolgan.

Yillar o‘tib, kassirning nabirasi Piter Edvards kolleksiyasidagi tangani tekshirtirganida uning 2 ming yildan ortiq tarixga ega ekani aniqlangan.

Qadimiy tanga qayerda zarb qilingan

Mutaxassislar tangani qadimgi Finikiya davriga oid deb topdi. U qadimgi Gadir shahrida zarb qilingan.

Tanganing old tomonida Melkart – Finikiyaliklarning...

Apple kompaniyasi buklanadigan iPhone ishlab chiqish rejasini bekor qilishi mumkin. Bu haqda Instant Digital taxallusi bilan tanilgan insayder xabar berdi.

Unga ko‘ra, kompaniya bunday qurilmani yaratish imkoniyatini o‘rganib chiqqan, biroq u foydalanuvchilarga yangi imkoniyatlar bermaydi degan xulosaga kelgan.

Bekor bo‘lishiga nima sabab bo‘lishi mumkin

Insayderning aytishicha, bunday turdagi qurilmada korpus o‘rtasidagi bukiluvchi mexanizm ichki joyni ancha toraytiradi. Natijada batareya sig‘imini kamaytirishga to‘g‘ri keladi va orqa kameralarni joylashtirishda muammolar yuzaga keladi.

Shuningdek, kompaniya avval chiqarilgan kichik o‘lchamli smartfonlar savdosini ham inobatga olgan. Xususan, iPhone 12 mini va iPhone 13 mini modellari kutilgan darajada talabga ega bo‘lmagan.

Buklanadigan iPhone...

Avtomobilda uy hayvonlarini, jumladan, itlarni olib yurishda yuk tashish qoidalari qo‘llaniladi. Bu haqda avtoekspert Pyotr Shkumatov fikr bildirdi.

Mutaxassisning aytishicha, haydovchi avtomobilda joylashtirilgan yuk, shu jumladan, hayvon to‘g‘ri joylashtirilgani va mahkamlanganini nazorat qilishi shart.

Itni mashinada qanday olib yurish kerak

Avtomobil salonida it haydovchining yo‘lni ko‘rishiga xalaqit bermasligi, boshqaruvga to‘sqinlik qilmasligi, mashinaning barqarorligiga ta’sir o‘tkazmasligi va shovqin yoki boshqa xalaqit beruvchi harakatlar keltirib chiqarmasligi kerak.

Masalan, it haydovchining tizzasida yoki old panel (torpedo) ustida bo‘lishi mumkin emas.

Agar bu qoidalar buzilsa, haydovchi harakatni to‘xtatishi yoki kamchilikni bartaraf etishi talab qilinadi. Aks holda unga ogohlantirish yoki jarima qo‘llanishi mumkin.

Turkiya hududida o‘ldirilgan samarqandlik 46 yoshli Dilafruz Chulliyevaning jasadi O‘zbekistonga olib kelindi. Bu haqda O‘zbekistonning Istanbul shahridagi Bosh konsulxonasi xabar berdi.

Ma’lum qilinishicha, Chulliyeva shu yilning 25-yanvar kuni Turkiyaning Balikesir hududidagi ish joyidan chiqib ketgan va shundan so‘ng bedarak yo‘qolgan. Shundan keyin uning o‘g‘li O‘zbekiston Tashqi ishlar vazirligining Konsullik-huquqiy departamentiga murojaat qilgan.

Murojaatdan so‘ng O‘zbekistonning Turkiyadagi diplomatik vakolatxonalari tomonidan Turkiya tashqi ishlar idorasiga nota yuborilib, Turkiya ichki ishlar vazirligi Xavfsizlik bosh boshqarmasi bilan hamkorlikda qidiruv ishlari boshlangan.

Anqaradagi elchixona va Istanbuldagi bosh konsulxona, diaspora tashkilotlari, advokatlar hamda ijtimoiy tarmoq faollari ham qidiruv jarayonida ishtirok etgan.

28-fevral kuni Balikesir hududidagi...

Tijorat banklari tomonidan 12-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

BMW Xitoyda import qilingan 147,8 mingta avtomobilni qaytarib olish kampaniyasini boshladi. Bunga starter motoridagi nosozlik sabab bo‘lgan. Bu haqda IThome nashri xabar berdi.

Ma’lum qilinishicha, muammo starter motor qismlarida yuzaga keladigan g‘ayritabiiy eskirish bilan bog‘liq. Bunday nosozlik ayrim holatlarda dvigatel bo‘limida qizib ketish va hatto yong‘in xavfini keltirib chiqarishi mumkin.

Qaytarib olish aksiyasi 2020-yil iyuldan 2022-yil dekabrgacha ishlab chiqarilgan avtomobillarga tegishli. Xitoy Davlat bozor nazorati boshqarmasi ma’lumotiga ko‘ra, ko‘p marotaba dvigatelni ishga tushirish starter ichki qismlarining yemirilishiga olib keladi. Natijada yuqori qarshilikli qisqa tutashuv yuzaga kelishi mumkin.

BMW muammoni bartaraf etish uchun avtomobillarga kuchaytirilgan starter motorlarini o‘rnatadi. Ushbu qismlar...

Internetda yangi avlod Chevrolet Silverado 1500 pikapiga oid deb tarqalgan rasmlar aslida sun’iy intellekt (SI) yordamida yaratilgani ma’lum bo‘ldi. Bu haqda GM Authority xabar bermoqda.

Avvalroq General Motors (GM) 2027-yilgi yangi avlod Silverado modelini shu yil taqdim etishi kutilayotgani haqida xabarlar chiqqan edi. 2025-yil oxirida AQSh Patent va savdo belgilar idorasiga topshirilgan dizayn patenti ham modelning taxminiy ko‘rinishini ko‘rsatib bergan.

So‘nggi kunlarda internetda tarqalgan rasmlarda esa yangilangan pikap avtosalon stendida turgani tasvirlangan. Suratlarda avtomobil katta qora radiator panjarasi, markazida Chevrolet logotipi va Z71 belgisi bilan ko‘rinadi. Orqa qismida esa katta Chevrolet yozuvi tushirilgan.

Biroq mutaxassislar ushbu tasvirlar haqiqiy emasligini...

Apple Music va TikTok yangi hamkorlikni e’lon qildi. Endilikda foydalanuvchilar qo‘shiqlarni TikTok ilovasidan chiqmasdan to‘liq tinglashi mumkin bo‘ladi. Bu haqda TikTok’ning rasmiy sahifasida ma’lum qilindi.

Yangi funksiya Play Full Song deb nomlanadi. Maxsus tugmani bosganda ilova ichida mini-pleyer ochiladi va u Apple MusicKit texnologiyasi asosida ishlaydi.

Shu orqali foydalanuvchilar qo‘shiqlarni to‘liq tinglashi mumkin hamda tinglashlar Apple Music’da rasmiy strim sifatida hisoblanadi. Bu orqali qo‘shiqchilarga royalti to‘lovlari amalga oshiriladi.

Apple Music obunasi bo‘lmagan foydalanuvchilarga 3 oylik bepul sinov davri taklif qilinadi.

Bundan tashqari, loyiha doirasida Listening Party nomli yangi format ham paydo bo‘ladi. Unda ijrochilar va muxlislar virtual xonalarda real...

Acer yangi Go 16 Business Laptop (N25JJ3) modelini taqdim etdi. Bu haqda ITHome nashri xabar berdi.

Yangi noutbuk Xitoy bozorida taxminan $600 narxda sotilmoqda va shu sababli u yangi MacBook Neo bilan taqqoslanmoqda.

Protsessor va unumdorlik

Noutbuk Intel Core 5 210H protsessori bilan jihozlangan. Bu chip aslida Core i5-13420H modelining tezlashtirilgan versiyasi hisoblanadi.

Geekbench testlariga ko‘ra:

Biroq Apple platformasida grafik protsessor (iGPU) ancha kuchli ekani qayd etilgan.

Xotira va saqlash

Yangi Acer noutbuki quyidagi konfiguratsiyani taklif qiladi:

«Moskvich» kompaniyasi «Moskvich 5» avtomobil loyihasi rasman yopilganini ma’lum qildi. Bu haqda kompaniyaning mahsulot va iste’mol xususiyatlari bo‘yicha menejeri Svetlana Noviskaya ma’lum qildi.

Uning so‘zlariga ko‘ra, model sinovdan o‘tkazilgan, biroq avtomobilning iste’mol xususiyatlari kompaniya kutgan darajada bo‘lmagan.

«Biz modelni sinovdan o‘tkazdik va u biz taklif qilmoqchi bo‘lgan mahsulotga to‘liq mos kelmasligini tushundik. Shuning uchun loyiha yopildi», – dedi Noviskaya.

Ishlab chiqarilgan avtomobillar taqdiri

Loyiha doirasida ishlab chiqarilgan bir necha yuzta avtomobil saqlanib qoladi. Ularning bir qismi ikkilamchi bozorda sotilishi yoki utilizatsiya qilinishi mumkin.

Avtomobillar sertifikatlangan bo‘lgani sababli ularni sotuvga chiqarish imkoniyati mavjud.