Yangiliklar

Ilon Mask boyligi $600 mlrddan oshgan tarixdagi birinchi insonga aylandi. Bu haqda Reuters xabar bermoqda.

Daromad ortishi uning SpaceX kompaniyasi $800 mlrdlik baholash bilan ommaviy savdolar (IPO)ga chiqishi mumkinligi haqidagi xabarlar ortidan yuz berdi.

Mask kelasi yili ommaviy kompaniyaga aylanishi kutilayotgan SpaceX’ning taxminan 42 foiz aksiyalariga egalik qiladi. Hisob-kitoblarga ko‘ra, kompaniyaning yangi baholanishi milliarderning boyligini $168 mlrdga oshirib, umumiy qiymatini $677 mlrdga yetkazishi mumkin.

Mask oktabr oyida $500 mlrdlik marrani zabt etgan birinchi inson bo‘lgan edi. Shuningdek, Tesla aksiyalari ham Maskning boyligiga hissa qo‘shdi. Robotaksilar xavfsizlik monitorlarisiz sinovdan o‘tkazilayotgani haqidagi xabardan so‘ng kompaniya aksiyalari dushanba kuni qariyb...

2026-yilda o‘tkaziladigan 58-Xalqaro kimyo va 38-Xalqaro informatika olimpiadalariga ilk bor O‘zbekiston mezbonlik qiladi. Bu haqda Maktabgacha va maktab ta’limi vazirligi ma’lum qildi.

2025-yilda BAAning Dubay shahrida o‘tkazilgan Xalqaro kimyo olimpiadasida O‘zbekiston ikkita oltin va ikkita kumush medalni qo‘lga kiritgan edi. 2024-yilda esa nufuzli olimpiadaga Saudiya Arabistonining Ar-Riyod shahri mezbonlik qilgan.

Shuningdek, mazkur yilgi 37-Xalqaro informatika olimpiadasi Boliviyaning Sukre shahrida o‘tkazildi. Unda O‘zbekiston nomidan qatnashgan o‘quvchilar bitta kumush va bitta bronza medallariga sazovor bo‘ldi. Ma’lumot uchun, o‘tgan yilgi Xalqaro informatika olimpiadasi Misrdagi Aleksandriya shahrida tashkil etilgan.

Eslatib o‘tamiz, avvalroq O‘zbekistondagi maktablarda Erp.portfolio platformasi yaratilishi haqida xabar bergan...

AQSh bozorida katta oilalar uchun Honda Pilot 2026 rasman taqdim etildi. Bu haqda Tarantas News nashri xabar berdi.

Yangilangan uch qatorli yo‘ltanlamas katta sensorli ekran, boyitilgan salon, zamonaviy dizayn va yaxshilangan xavfsizlik funksiyalari bilan ajralib turadi.

Modelning boshlang‘ich Sport komplektatsiyasi $42 mingdan sotuvga chiqmoqda. Honda Pilot 2026 Sport, EX-L, Touring, TrailSport, Elite va Black Edition kabi olti xil komplektatsiyada taklif etiladi.

Asosiy yangiliklardan biri – 12,3 dyuymli ultra keng sensorli ekran bo‘lib, u simsiz Apple CarPlay va Android Auto, o‘rnatilgan Google xizmatlari hamda 5G Wi-Fi bilan qo‘llab-quvvatlanadi. Salon shovqini kamaytirilgan, ichki bezak va materiallar esa yanada hashamatli bo‘lgan.

Texnik...

Mehnat daftarchasi yoki elektron mehnat daftarchasi mehnat stajini tasdiqlovchi asosiy hujjat hisoblanadi. 2005-yil 1-yanvardan oldingi ish davrlari mehnat daftarchasidagi mavjud yozuvlar asosida, qo‘shimcha hujjatlarsiz hisobga olinadi. Bu haqda Pensiya jamg‘armasi ma’lum qildi.

Agar mehnat daftarchasi bo‘lmasa yoki unda zarur yozuvlar yetishmasa, ish stajini boshqa hujjatlar orqali tasdiqlash mumkin. Bunga ish joyidan berilgan ma’lumotnomalar, buyruqlardan ko‘chirmalar, ish haqi qaydnomalari, mehnat shartnomalari, shaxsiy hisobvaraqlar, shuningdek, arxiv hujjatlari kiradi.

Zarur hollarda mehnat faoliyati davrlari sud tartibida ham aniqlanishi mumkin. Bunda guvohlarning ko‘rsatmalari asosida ish staji hisobga olinadi. Shu sababli mehnat daftarchasi yo‘qolgan taqdirda ham pensiya rasmiylashtirish imkoniyati mavjud.

Eslatib o‘tamiz, avvalroq O‘zbekistonda...

Volvo 14 tonnalik elektr yuk mashinasini taqdim etdi. Bu haqda kompaniya saytida ma’lum qilindi. Model ilk bor 2019-yilda taqdim etilgan edi.

Yangi versiya shahar muhitida ishlaydigan kompaniyalar uchun yanada qulay va tejamkor yechim sifatida ishlab chiqilgan. Volvo FL Electric 180 kVt quvvatga ega elektr dvigatel bilan jihozlangan. Bu qariyb 245 ot kuchiga teng.

Yuk mashinasining ixcham o‘lchamlari tor ko‘chalar va tez-tez to‘xtash talab qilinadigan sharoitlarda samarali ishlash imkonini beradi. Model eshikdan eshikkacha yetkazib berish uchun moslashtirilgan.

Volvo FL Electric turli g‘ildirak bazasi, o‘q joylashuvi va batareya konfiguratsiyalarida taklif etiladi. Batareyalarning joylashuvi kuzov o‘rnatishga xalaqit bermaydi. Bu esa turli xil...

Angliya Premyer ligasining 16-turi doirasida «Manchester Yunayted» o‘z maydonida «Bornmut»ni qabul qilib, mavsumning eng tomoshabop o‘yinlaridan birini o‘tkazdi.

«Old Trafford»da kechgan uchrashuvda tomonlar jami 8 ta gol urishdi va bahs 4:4 hisobidagi jangovar durang bilan yakunlandi. Mezbonlar o‘yin davomida g‘alabani ilib ketishga yaqin kelgan bo‘lsa-da, so‘nggi daqiqalarda o‘tkazib yuborilgan gol bunga to‘sqinlik qildi.

O‘yin «qizil iblislar» uchun omadli boshlandi. 13-daqiqada Amad Diallo hisobni ochdi. Biroq «Bornmut» tezda o‘ziga keldi va 40-daqiqada Antuan Semenyo muvozanatni tikladi. Birinchi bo‘limga qo‘shib berilgan vaqtda Kazemiro mezbonlarni yana oldinga olib chiqdi.

Ikkinchi bo‘lim haqiqiy trillerga aylandi. Tanaffusdan so‘ng mehmonlar Evanilson va Taverniening gollari evaziga...

Avvallari arzon smartfonlar sifatsiz degan tushuncha bor edi. Bugun esa 2025-yilning eng yaxshi hamyonbop telefonlari asosiy ehtiyojlarni bemalol qondiradi va katta xarajatlarsiz zamonaviy imkoniyatlarni taklif qiladi. Tom’s Guide joriy yilning bir qator smartfonlarini sinovdan o‘tkazib, ularning eng arzon va eng yaxshilari bo‘yicha ma’lumotlarni taqdim etdi.

Unga ko‘ra, 2025-yilda eng maqbul tanlov sifatida Google Pixel 9a e’tirof etildi. Taxminan $500 turadigan ushbu smartfon kuchli sun’iy intellekt funksiyalari, yorqin va silliq displeyi hamda yuqori sifatli kamerasi bilan ajralib turadi. Tensor G4 protsessori uni o‘yinlar uchun emas, balki SI imkoniyatlari va kundalik foydalanish uchun juda qulay qiladi. Displey 60 va 120 Hz...

O‘zbekistonning Varshavadagi elchisi Amirsaid Agzamxodjayev Polsha Investitsiyalar va savdo agentligi (PAIX) prezidenti Andjey Dix bilan uchrashuv o‘tkazdi. Bu haqda «Dunyo» AA xabar berdi.

Uchrashuv davomida ikki tomon O‘zbekiston – Polsha hamkorligining savdo-iqtisodiy va investitsiya sohalaridagi hozirgi holati hamda kelgusi istiqbollari yuzasidan fikr almashdi. Polsha vakili esa mamlakat kompaniyalarining O‘zbekiston bozorlariga kirish istagi ortib borayotganini alohida ta’kidladi.

Muzokaralar yakunida PAIXning O‘zbekistondagi vakolatxonasini ochish jarayonini tezlashtirish masalasida kelishuvga erishildi. Ushbu qadam ikki tomonlama iqtisodiy aloqalarni mustahkamlashda muhim ahamiyat kasb etadi va polshalik ishbilarmonlar uchun yangi imkoniyatlar yaratishi mumkin.

Eslatib o‘tamiz, avvalroq Toshkentda Kipr viza markazi ish boshlashi haqida xabar...

Tijorat banklari 16-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.

Ford Motor $19,5 mlrdlik moliyaviy zararni va bir nechta elektromobil modellarini ishlab chiqarishni bekor qilishini e’lon qildi. Bu haqda Reuters xabar bermoqda.

Kompaniya to‘liq elektrlashtirilgan F-150 Lightning modeli o‘rniga akkumulyatorni quvvatlash uchun benzin dvigatelidan foydalanadigan, yurish masofasi uzaytirilgan yangi modelni ishlab chiqaradi. Shuningdek, «T3» kod nomi ostidagi yangi avlod elektr yuk mashinasi va rejalashtirilgan tijorat elektromobillari loyihalari bekor qilindi.

Ford bosh direktori Jim Farlining so‘zlariga ko‘ra, so‘nggi oylarda bozorning keskin o‘zgarishi ushbu qarorga turtki bo‘lgan. Moliya bo‘yicha $19,5 mlrd zararning $8,5 mlrdi bekor qilingan modellarga, $6 mlrdi Janubiy Koreyaning K On kompaniyasi bilan qo‘shma korxonaning tugatilishiga va $5 mlrdi...

Chery kompaniyasi O‘zbekistonda o‘ziga tegishli 14 turdagi avtomobil modelining tashqi ko‘rinishini sanoat namunasi sifatida rasmiy ro‘yxatdan o‘tkazdi. Bu haqda Adliya vazirligi xabar berdi.

Unga ko‘ra, ro‘yxatdan o‘tgan dizaynlar kompaniyaning yangi avlod avtomobillariga taalluqli bo‘lib, ular zamonaviy dizayn yechimlari hamda global avtomobil sanoatidagi so‘nggi tendensiyalarga mosligi bilan ajralib turadi.

Ma’lumot uchun, sanoat namunasi – bu buyumning tashqi ko‘rinishini ifodalovchi badiiy-konstruktorlik yechimi bo‘lib, mahsulotning texnik xususiyatlarini emas, balki uning estetik va noyob dizaynini huquqiy jihatdan himoyalaydi.

Avvalroq Kursiv Uzbekistan Chery yangilangan Arrizo 8 Pro sedanini taqdim etgani haqida yozgandi.

Samsung kompaniyasi SATA interfeysli SSD’lar ishlab chiqarilishi to‘xtatilishi haqidagi mish-mishlarni inkor etdi. Bu haqda kompaniya rasmiy izoh berdi.

Avvalroq Moore’s Law Is Dead insayderi Samsung va boshqa ishlab chiqaruvchilar SATA SSD’lardan bosqichma-bosqich voz kechishi mumkinligini bildirgan edi.

Kompaniya javobida SATA interfeysli SSD’lar ishlab chiqarilishi to‘xtatilishi haqidagi ma’lumotlar haqiqatga mos kelmasligini bildirdi. Samsung bunday rejalari yo‘qligini ochiq ta’kidladi.

SATA interfeysli SSD – bu ma’lumotlarni saqlash uchun mo‘ljallangan qattiq holatli xotira qurilmasi bo‘lib, u SATA (Serial ATA) orqali kompyuter yoki noutbukka ulanadi. Ushbu turdagi SSD’lar an’anaviy qattiq disklar bilan solishtirganda ancha tezkor, ishonchli va jim ishlashi bilan ajralib turadi.

SATA...

16-dekabr uchun yulduzlar faol kunni va’da qilmoqda. Voqealar tez rivojlanadi, his-tuyg‘ular kuchayadi va sizdan aniq reaksiya va o‘z harakatlaringizga ishonch talab qilinadi. Omad shoshilmaydigan, ammo qaror qabul qilishni kechiktirmaydiganlar tomonida bo‘ladi. Agar vaziyatni nazorat ostida ushlashga tayyor bo‘lsangiz, kun ishlar, tashabbuslar va samimiy suhbatlar uchun juda mos keladi.

Qo‘y (21.03 – 20.04)

Bugun omad qushi uyqudan uyg‘onishingiz bilan yelkangizga qo‘nadi. Asosiysi, o‘zingizga yoqmaydigan, hasadgo‘y kimsalardan nari bo‘ling. Bilib-bilmay, ularning maslahatiga quloq tutib qo‘ymang. Moliyaviy masalada ham omadingiz chopadi. Kechqurunga yaqin do‘kon aylanib yoqimli xaridlarni amalga oshiring. Oila qurishga ulgurmagan bo‘lsangiz, kechqurun idealingizdagi insonni uchratishingiz mumkin.

Buzoq...

2025-yil noyabr oyida Qozog‘iston avtomobil bozorida Chevrolet Cobalt avtomobili tarixiy rekord natija qayd etdi. Bu haqda Qozog‘iston avtomobil ittifoqi xabar berdi.

Noyabr oyida rasmiy dilerlar 25,8 mingta yangi avtomobil sotdi. Bu ko‘rsatkich o‘tgan yilning shu davriga nisbatan 22,7 foizga ko‘p. Tashkilot ma’lumotiga ko‘ra, bu mamlakat tarixidagi eng yuqori oylik natija hisoblanadi.

Yanvar – noyabr oylarida jami savdo hajmi 207,6 ming donaga yetdi. Bu 2025-yil Qozog‘iston avtomobil bozori uchun eng muvaffaqiyatli yil bo‘lishini tasdiqlaydi.

Noyabr oyida eng ko‘p sotilgan model Chevrolet Cobalt bo‘ldi. Dilerlar 7,1 mingta Cobalt sotdi. Bu ikkinchi o‘rindagi Hyundai Tucson natijasidan qariyb to‘rt barobar ko‘p. Tucson...

Yaponiya Xitoy rasmiylari bilan munosabatlar sovuqlashgani sababli pandalardan ayriladi, deya xabar bermoqda Kyodo agentligi. Mamlakatdagi so‘nggi ikki panda kelasi yil boshida asl vatani bo‘lmish Xitoyga qaytariladi.

Panda Xitoyning ramzi va milliy boyligi hisoblanadi. Ushbu hayvonlar Pekin tomonidan dunyo bo‘ylab turli hayvonot bog‘lariga ijara asosida beriladi. Kyodo ma’lumotiga ko‘ra, qaytarilayotgan pandalar Yaponiyadagi hayvonot bog‘ida tug‘ilgan bo‘lsa-da, ular Xitoy davlati mulki sanaladi.

Ma’lumot uchun, Xitoy ilk bor 1972-yilda ikki davlat o‘rtasidagi munosabatlar normallashuvi ramzi sifatida Yaponiyaga pandalar yuborgan. Nashr ta’kidlashicha, pandalar yaponlar orasida katta mehr qozonib, muhim sayyohlik obyektlariga aylangan.

Tokio va Pekin o‘rtasidagi munosabatlar Yaponiya bosh vaziri Sanae Takaiti...

Xiaomi kompaniyasi planshetlari narxini oshirdi. Bu haqda Gizmochina nashri xabar berdi.

Hozircha bu o‘zgarish faqat Xitoy bozoriga taalluqli. Ma’lumotlarga ko‘ra, narxlar modelga qarab $15 – 30 oralig‘ida ko‘tarilgan. Qimmat planshetlar uchun bu sezilarli emas. Ammo budjet modellarda narx oshishi ancha bilinadi. Chunki Xiaomi mahsulotlari Xitoyda boshqa bozorlarga nisbatan arzonroq sotiladi.

Narx oshishi Xiaomi Pad 8 liniyasi va barcha Redmi Pad 2 konfiguratsiyalariga ta’sir qilgan. Redmi Pad 2 planshetlari barcha variantlarda 200 yuan atrofida qimmatlashdi. Bu taxminan $30 ga teng. Bazaviy model uchun bu qariyb 20 foizlik ustama hisoblanadi.

Eslatib o‘tamiz, Kursiv Uzbekistan eng ommabop smartfonlar e’lon qilingani...

Samarqand viloyatida giyohvandlik moddalarini marmar toshlar orasiga yashirib O‘zbekistonga olib kirish holati fosh etildi. Bu haqda DXX matbuot xizmati ma’lum qildi.

Tadbir davomida 1992-yilda tug‘ilgan xorijiy davlat fuqarosi, shuningdek, Samarqand viloyatida yashovchi 1981 va 1995-yillarda tug‘ilgan uch nafar O‘zbekiston fuqarosi qo‘lga olindi.

Aniqlanishicha, xorijiy fuqaro qurilishda foydalaniladigan marmar toshlar orasiga giyohvandlik vositalarini yashirib, ularni O‘zbekiston hududiga olib kirgan. Mahalliy fuqarolar esa ushbu moddalarni sotish bilan shug‘ullangan.

Tezkor tadbir davomida jami 37,4 kg «ekstraksion opiy» giyohvandlik vositasi ashyoviy dalil sifatida musodara qilindi. Hozirda mazkur shaxslarga nisbatan jinoyat ishi qo‘zg‘atilib, ularga nisbatan «qamoq» ehtiyot chorasi qo‘llanildi.

Eslatib o‘tamiz, avvalroq Surxondaryoda...

Kiprning Rossiyadagi elchixonasi rasmiy ma’lumotiga ko‘ra, 2025-yil 15-dekabrdan boshlab Toshkent shahrida Kipr viza markazi faoliyati yo‘lga qo‘yildi. Viza arizalarini qabul qilish bilan BLS International kompaniyasi shug‘ullanadi.

Viza markazi Shahrisabz ko‘chasi, 5A-uy, 5-qavatda joylashgan Seoul Plaza biznes markazida faoliyat yuritadi. Murojaatlar +998 71 205 16 84 telefon raqamida qabul qilinadi.

Arizachilar Kiprning C toifali vizasi uchun hujjatlarni bevosita viza markazi orqali topshirishlari mumkin. Arizani qabul qilish uchun servis yig‘imi QQSni hisobga olmagan holda 150 yevro etib belgilangan.

C toifali viza qisqa muddatli safarlar uchun mo‘ljallangan bo‘lib, u 180 kun davomida Kipr Kipr Respublikasi hududida 90 kungacha bo‘lish imkonini beradi.

16-dekabr sanasi dunyo siyosati, sport va adabiyot olamida muhim voqealar bilan yodda qolgan. Mashhur futbol klubining tashkil topishidan tortib, yangi mustaqil davlatning paydo bo‘lishi va adabiyotdagi yorqin siymolarning tavalludigacha. Kursiv Uzbekistan kunning eng muhim voqealari xronologik tartibda taqdim etadi.

1773-yili Amerikada mashhur «Boston choyxo‘rligi» voqeasi sodir bo‘ldi. Britaniya imperiyasining soliq siyosatiga norozilik sifatida amerikalik kolonistlar ingliz kemalaridagi choylarni okeanga uloqtirishgan. Bu hodisa keyinchalik AQSh mustaqillik urushining boshlanishiga turtki bo‘lgan muhim omillardan biri hisoblanadi.

1775-yilda ingliz adabiyotining yorqin namoyandasi Jeyn Ostin dunyoga keldi. U o‘zining «Andisha va g‘urur», «Emma» kabi romanlari bilan jahon adabiyotida o‘chmas iz qoldirgan. Yozuvchining asarlari...

16-dekabr kuni O‘zbekistonning ba’zi joylarida yomg‘ir yoki qor yog‘ishi, kechasi va ertalab ayrim hududlarda tuman tushishi kutilmoqda. Harorat kechasi -8° dan +5° gacha, kunduzi 0° dan +13° gacha bo‘ladi, deya xabar bermoqda «O‘zgidromet» agentligi.

Quyida ob-havo ma’lumoti viloyatlar kesimida:

O‘sh shahrida Alisher Navoiy haykali ochildi, Markaziy bank raisi AFI direktorlar kengashi rais o‘rinbosari etib saylandi — 15-dekabrning muhim hodisalari «Kursiv» dayjestida.

Xivada rekord: 9 tonna xorazmcha palov tayyorlandi — fotoreportaj

Joriy yil 14-dekabr kuni «Arda Xiva» turistik majmuasidagi «Xorazm palovi» xalqaro festivalida to‘qqiz tonnalik osh tayyorlandi. Bu haqda Turizm qo‘mitasi xabar berdi.

«KazTransOil» O‘zbekistonga neft tranzitini tikladi

Qozog‘istonning «KazTransOil» kompaniyasi 2025-yilning dekabr oyida O‘zbekiston yo‘nalishida neft tranzitini qayta tikladi hamda Qirg‘iziston Respublikasiga tashuv hajmini oshirdi. Bu haqda kompaniya matbuot xizmati xabar bermoqda.

Kompaniya ma’lumotlariga ko‘ra, O‘zbekistonga neft tranziti shu oyning o‘zida 35 ming tonnagacha bo‘lgan hajmda...

Shavkat Mirziyoyev kapital bozorini rivojlantirish va bank sohasida xalqaro standartlarni joriy etish yuzasidan taqdimot bilan tanishdi. Bu haqda davlat rahbari matbuot xizmati ma’lum qildi.

Hozirgi kunda muomaladagi qimmatli qog‘ozlarning bozor qiymati 275 trln so‘mni tashkil etib, birjada erkin muomaladagi qimmatli qog‘ozlar hajmi 4 trln so‘mga yetdi. Bozorda 717 ta emitent va 77 ta professional ishtirokchi faoliyat yuritmoqda. Shu bilan birga, kapital bozorining kapitallashuv hajmi yalpi ichki mahsulotga nisbatan 20 foizni tashkil etib, jahon ko‘rsatkichlaridan pastligi ta’kidlandi.

Mahalliy kapital bozoriga kamida $1 mlrd investitsiya jalb qilishga qaratilgan chora-tadbirlar muhokama qilindi. Jumladan, mahalliy va xorijiy fond birjalarida xalqaro standartlar asosida...

O‘zbekiston oilaviy zo‘ravonlikka qarshi qonun qabul qilgan Markaziy Osiyodagi birinchi davlat sifatida bolalarga nisbatan sodir etilgan jinsiy jinoyatlar uchun javobgarlikni kuchaytirdi. Bu haqda prezident administratsiyasi rahbari Saida Mirziyoyeva mas’ul rahbarlar bilan o‘tgan yig‘ilishda aytib o‘tdi.

Shu bilan birga, zo‘ravonlik holatlariga tezkor chora ko‘rishning samarali tizimini ishlab chiqish zarurati ta’kidlandi. Mirziyoyevaning bildirishicha, ko‘pincha haqiqiy ahvol ko‘zga ko‘rinmaydi va ko‘p narsa yashiriladi. Statistikani oshkor qilishdan, tanqidga duch kelishdan yoki obro‘ yo‘qotilishidan qo‘rqish, muammoni hal qilishni kechiktiradi.

Mas’ul rahbarlar bilan ayollar va bolalar huquqlarini himoya qilish, zo‘ravonlikka qarshi kurashish, erta homiladorlikning oldini olish choralari kabi dolzarb masalalar muhokama qilindi. Saida Mirziyoyeva...

Shavkat Mirziyoyevga suv xo‘jaligida energiya samaradorligini oshirish va xalqaro hamkorlikni mustahkamlash ishlari yuzasidan hisobot taqdim etildi. Bu haqda davlat rahbari matbuot xizmati ma’lum qildi.

Hisobotda eskirgan va energiya sarfi yuqori nasos agregatlarini zamonaviy, energiya tejamkorlariga almashtirish rejalari ko‘rib chiqildi. Qoraqalpog‘istonda 274 ta nasos stansiyasi faoliyat yuritib, 185 ming gektardan ortiq yer maydonlarini sug‘oradi. Ularning yarmidan ko‘pi 1979-yildan buyon ishlatiladi va energiya sarfi zamonaviy nasoslarga nisbatan 2-3 barobar yuqori.

Kegeyli tumanidagi eski agregat zamonaviy energiya tejamkoriga almashtirilganda, elektr energiyasi sarfi ikki barobarga kamaydi. Shu tajribadan kelib chiqib, Qoraqalpog‘istondagi 276 ta nasosni bosqichma-bosqich zamonaviy agregatlarga almashtirish rejalashtirilgan. Yillik 25 mlrd...