Yangiliklar

Dam olish kunlari bir qator tijorat banklari valyuta ayirboshlash va pul o‘tkazmalari shoxobchalarining faoliyatini yo‘lga qo‘ymoqda. Bu haqda Markaziy bank ma’lum qildi.

Quyidagi banklarning ayrim filiallari 11 – 12-oktabr kunlari aholiga xizmat ko‘rsatadi:

Mazkur banklarning aniq manzillari va ish jadvali ularning...

Filippinning janubiy qismida ketma-ket ikki kuchli zilzila sodir bo‘lib, kamida yetti kishining hayotiga zomin bo‘ldi. Bu haqda Reuters agentligi ma’lum qildi.

Birinchi zilzila 7,4 magnitudali bo‘lib, Davao Oriental viloyati yaqinidagi Manay shahri sohillarida yuz berdi. Zilziladan so‘ng 300 kilometr masofadagi hududlar uchun sunami xavfi e’lon qilindi, biroq keyinchalik ogohlantirish bekor qilindi.

Oradan yetti soat o‘tib, 6,8 magnitudali ikkinchi zilzila qayd etildi va yana sunami ogohlantirishi berildi. Mamlakat seysmologiya agentligi aholiga qirg‘oqbo‘yi hududlardan zudlik bilan uzoqlashishni tavsiya etdi. Dastlabki ma’lumotlarga ko‘ra, uy-joylar, binolar va ko‘priklar zarar ko‘rgan.

Filippin Prezidenti Ferdinand Marcos Jr. qutqaruv guruhlari tayyorlanayotganini va jabrlanganlarga yordam ko‘rsatilishini ma’lum...

G‘azoda sulh kuchga kirgach, minglab falastinliklar vayron bo‘lgan uylariga qaytish uchun yo‘lga chiqdi. Isroil qo‘shinlari urushni tugatish bo‘yicha kelishuv doirasida shahar hududlaridan chiqishni boshladi, deya yozmoqda Reuters.

G‘azo va Xon Yunis shaharlari aholisi xarobalar orasida o‘z uylarini izlamoqda:

«Yashash joylarimiz butunlay vayron bo‘lgan, ammo ona yerimizga qaytganimizdan xursandmiz», — dedi Mahdiy Saqla ismli fuqaro.

Kelishuvga ko‘ra, Hamas 72 soat ichida 20 nafar isroillik garovdagilarni ozod etadi, Isroil esa 250 mahbus va 1 700 hibsga olingan falastinlikni qo‘yib yuboradi. G‘azoga har kuni yuzlab yuk mashinalari yordam yuklari bilan kiradi.

Isroil bosh vaziri Benyamin Netanyaxu «Hamas...

Prezident Administratsiyasi rahbari Saida Mirziyoyeva Yevropa Ittifoqining tashqi siyosat va xavfsizlik bo‘yicha Oliy vakili, Yevrokomissiya vitse-prezidenti Kaya Kallas bilan uchrashuv o‘tkazdi. Bu haqda Mirziyoyeva o‘z Telegram sahifasida ma’lum qildi.

Muloqot davomida global va mintaqaviy masalalar muhokama qilinib, Markaziy Osiyodagi hamkorlik masalalariga alohida e’tibor qaratildi. Saida Mirziyoyeva Kallas xonimga ochiq va mazmunli suhbat uchun minnatdorlik bildirib, O‘zbekiston va Yevropa Ittifoqi o‘rtasidagi sheriklikni yanada mustahkamlashga tayyorligini ta’kidladi.

Eslatib o‘tamiz, avvalroq Saida Mirziyoyeva Bryusselda Ursula fon der Lyayen bilan uchrashgan edi.

O‘zbekiston Respublikasi prezidentining Tojikistonga amaliy tashrifi o‘z nihoyasiga yetdi. Bu haqda davlat rahbari matbuot xizmati ma’lum qildi.

Dushanbeda u Tojikiston prezidenti Emomali Rahmon bilan muzokaralar o‘tkazdi hamda «Markaziy Osiyo – Rossiya» sammiti va MDH davlat rahbarlari kengashi yig‘ilishida ishtirok etdi.

Tashrif davomida siyosiy, iqtisodiy va gumanitar sohalarda hamkorlikni kengaytirish bo‘yicha muhim tashabbuslar ilgari surildi. Tashrif yakunida prezident Shavkat Mirziyoyevni Dushanbe xalqaro aeroportida Tojikiston bosh vaziri Qohir Rasulzoda kuzatib qo‘ydi. O‘zbekiston rahbari Toshkentga qaytdi.

Eslatib o‘tamiz, avvalroq Mirziyoyev MDH venchur platformasini yaratishni taklif qilgani haqida yozgan edik.

Samsung kompaniyasi tomonidan Samsung Galaxy Z TriFold smartfoni uchta akkumulyator bilan jihozlanadi. Bu haqda GSMArena xabar bermoqda.

Rasmiy chiqish sanasi hali e’lon qilinmagan bo‘lsa-da, yangi sertifikatlash hujjatlari qurilma haqida muhim tafsilotlarni oshkor qilindi.

Manbalarga ko‘ra, Galaxy Z TriFold modeli uchta segmentdan iborat bo‘ladi va har bir segmentda bittadan akkumulyator joylashadi. Eng kichik sig‘imli batareya asosiy uch kamerali modul joylashgan qismda joylashgan bo‘ladi. O‘rta sig‘imli batareya esa tashqi ekran o‘rnatilgan segmentda, eng katta sig‘imli akkumulyator esa markaziy bo‘g‘inda joylashadi. Bu qism buklanganda qolgan ikki panel orasida joylashadi.

Avvalroq smartfon faqat Janubiy Koreya va Xitoy bozorlarida sotuvga chiqadi degan taxminlar...

Ijtimoiy tarmoqlarda ayrim oliy taʼlim muassasalari talabalariga stipendiya oʻz vaqtida toʻlanmayotgani haqida xabarlar tarqaldi. Mazkur holat yuzasidan Oliy taʼlim, fan va innovatsiyalar vazirligi rasmiy munosabat bildirdi.

Vazirlik ma’lumotiga koʻra, barcha davlat oliygohlarida yuqori bosqich talabalariga stipendiyalar toʻliq toʻlab berilgan. Biroq ayrim OTMda birinchi bosqich talabalariga stipendiya tayinlash buyruqlarini rasmiylashtirish hamda bank plastik kartalarini ochish jarayoni kechikkani sababli toʻlovlar amalga oshirilmay qolgan.

«Hozirda barcha buyruqlar toʻliq rasmiylashtirilmoqda. Talabalarga stipendiya toʻlovlari joriy hafta yakuniga qadar amalga oshiriladi», — deyiladi vazirlik axborotida.

Eslatib oʻtamiz, davlat oliy taʼlim muassasalarida stipendiyalar toʻrt yil davomida oʻzgarmagan, faqat 2025-yil 1-avgustdan boshlab...

Xitoyda dunyodagi eng katta suzuvchi shamol turbinasining yig‘ilishi yakunlandi. Bu haqda Interestingengineering nashri xabar bermoqda.

U ulkan inshootning maydoni yetti futbol maydoniga teng. 16 megavatt (MW) quvvatga ega tizim Guangsi provinsiyasining Beyxay shahrida qurilgan. U 50 metrdan ortiq chuqurlikdagi dengiz hududiga olib chiqilib, sinovlardan so‘ng tarmoqqa ulanadi va tijoriy foydalanishga topshiriladi.

Loyiha uchun zarur bo‘lgan barcha asosiy qismlar Xitoyning o‘zida ishlab chiqilgan. Bu mamlakatning energetika mustaqilligi va ilg‘or texnologiyalarni milliy ishlab chiqish borasidagi strategiyasini yana bir bor tasdiqlaydi.

Yetti futbol maydoniga teng rotor

Manbaga ko‘ra, yangi turbina rotorining diametri 252 metrni (826 fut) tashkil etadi. Qurilma...

Qozogʻiston Milliy banki asosiy stavkani 18 foiz etib belgiladi. Bu haqda regulyator axborot xizmati maʼlum qildi.

Ta’kidlanishicha, bu qaror mamlakatda inflyatsiya surʼatlari tezlashgani va ichki talabning taklifdan yuqori boʻlib borayotgani sababli qabul qilindi. Yillik inflyatsiya sentabr oyida 12,9 foizga yetib, prognoz koʻrsatkichlaridan oshib ketgan.

Eng katta narx oʻsishi oziq-ovqat mahsulotlarida kuzatildi — 12,7 foiz. Ayrim toifadagi mahsulotlar ishlab chiqarish xarajatlari va import tannarxining oshgani sabab yanada qimmatlashgan. Xizmatlar sohasida inflyatsiya 15,3 foizga, tartibga solinadigan xizmatlarda esa 30 foizdan ortiq darajaga chiqqan.

Yonilgʻi narxlari bir yilda 11,9 foizga, sentabr oyida esa 3,4 foizga oshdi. Shu bilan birga, bazaviy inflyatsiya 1,2 foiz...

13-oktabr uchun valyuta kurslari e’lon qilindi. Shu kun uchun AQSh valyutasi 12 140,91 so‘m (+17,53 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 3-oktabrda dollar 15,62 so‘m oshib, 12099,72 so‘mga teng bo‘ldi. 6-oktabr kuni 12 060,48 so‘m (-39,24 so‘m) etib belgilandi. 7-oktabr kuni dollar 12 022,90 so‘mga (-37,58 so‘m) tenglashdi. 8-oktabr kuni AQSh valyutasi 15,78 so‘m oshib, 12 038,68 so‘m etib belgilandi. 9-oktabr 12 072 03 so‘m (+33,35 so‘m) etib belgilandi. 10-oktabr uchun AQSh valyutasi 12 123,38 so‘m (+51,35 so‘m) etib belgilandi.

Markaziy bank ma’lumotlariga ko‘ra, yevro...

Oʻzbekiston prezidenti issiqxona xoʻjaliklari faoliyatini yanada samarali qilish va eksport hajmini oshirishga qaratilgan yangi farmonni imzoladi. Bu haqda Adliya vazirligi xabar berdi.

Farmon meva-sabzavot hamda oziq-ovqat mahsulotlari eksportini kengaytirish, issiqxona tarmoqlarini rivojlantirish va mavjud zaxiralardan samarali foydalanishni nazarda tutadi. Hujjatga koʻra, 2025–2027-yillar davomida tarmoq boʻyicha bir qator asosiy maqsadli koʻrsatkichlarga erishish rejalashtirilgan.

Xususan, meva-sabzavot va oziq-ovqat mahsulotlari eksporti hajmi 2026-yilda $3,5 mlrd, 2027-yilda esa $4 mlrd ga yetkazilishi koʻzda tutilgan. Shuningdek, issiqxona xoʻjaliklari tabiiy gaz bilan kafolatli taʼminlanadi, bu esa meva-sabzavot ishlab chiqarish hajmini 2026-yilda 620 ming tonna, 2027-yilda esa 670 ming tonnaga oshirish imkonini beradi. Ushbu mahsulotlar eksportidagi...

Prezident Shavkat Mirziyoyev Mustaqil Davlatlar Hamdo‘stligi davlat rahbarlari kengashi yig‘ilishida mamlakatlar o‘rtasidagi ko‘p tomonlama hamkorlik samaradorligini oshirish va iqtisodiy barqarorlikni mustahkamlash bo‘yicha bir qator tashabbuslarni ilgari surdi. Bu haqda davlat rahbari matbuot kotibi Sherzod Asadov xabar berdi.

Asosiy tashabbuslar

Davlat rahbari global beqarorlik sharoitida MDH o‘zini barqaror va zarur muloqot maydoni sifatida namoyon etayotganini ta’kidladi va hamkorlikni amaliy yo‘nalishlarda chuqurlashtirish zarurligini qayd etdi.

Shavkat Mirziyoyev, xususan:

Prezident Administratsiyasi rahbari Saida Mirziyoyeva Bryusselda Yevropa komissiyasi prezidenti Ursula fon der Lyayen bilan uchrashdi. Bu haqda uning o‘zi telegram kanalida ma’lum qildi.

Mirziyoyeva Bryusselda bo‘lib o‘tgan «Global Gateway» forumida qatnashganini qayd etgan.

Ma’lumot uchun, 9 – 10-oktabr kunlari Bryusselda «Global Gateway» forumi o‘tkazilmoqda. Bu tadbir Yevropa Ittifoqining tashqi investitsiya tashabbuslariga bag‘ishlangan forumning ikkinchi loyihasi hisoblanadi.

Joriy yilda forum global bog‘liqlikni kuchaytirish va geosiyosiy hamda geoiqtisodiy chaqiriqlarga javob berish masalalariga e’tibor qaratmoqda. Unda hukumatlar, moliyaviy institutlar, xususiy sektor va fuqarolik jamiyati vakillari ishtirok etmoqda.

Forumda «Global Gateway» dasturi doirasidagi investitsiyalarni kengaytirish va xalqaro hamkorlikni chuqurlashtirish yo‘nalishlari muhokama qilinmoqda.

2025-yilda Tinchlik boʻyicha Nobel mukofoti Venesuela muxolifati yetakchisi Mariya Korina Machadoga nasib etdi.

Nobel qoʻmitasi uning «Venesuela xalqining demokratik huquqlari uchun olib borgan tinimsiz kurashi va mamlakatni diktaturadan demokratiyaga tinch yoʻl bilan oʻtkazish yoʻlidagi sa’y-harakatlarini» e’tirof etib, mukofotni topshirganini ma’lum qildi.

Qoʻmita bayonotida ta’kidlanishicha, Machado zulmat kuchaygan bir paytda demokratiya uchun kurashayotgan jasur ayol sifatida Lotin Amerikasida fuqarolik jasoratining eng yorqin timsollaridan biriga aylangan. U Venesueladagi siyosiy muxolifatni birlashtirishga, erkin saylovlar va fuqarolik boshqaruvini tiklashga qaratilgan harakatlarga bosh boʻlgan.

Machado 2011 – 2014-yillarda Venesuela Milliy assambleyasi a’zosi boʻlgan, 2012-yilda prezidentlik saylovlarida nomzod sifatida ishtirok etgan. 2014-yilda u Nikolas Maduroning hukumatiga...

Davlat soliq qo‘mitasi ma’lumotiga ko‘ra, 2025-yil 10-oktabr holatiga qadar yuzinchi internet-do‘kon marketpleys sifatida rasmiy reyestrga kiritildi.

Qo‘mitaning xabar berishicha, marketpleyslarning soliq tizimiga integratsiyasi natijasida 2025-yil boshidan beri iste’molchilarga 140 mlndan ortiq elektron chek berilgan. Bu cheklarning umumiy qiymati 18,8 trillion so‘mni tashkil etadi.

Soliq organlari qayd etishicha, marketpleys egalari reyestrga kiritilish uchun Davlat soliq qo‘mitasiga ariza topshirishi kerak. Mazkur tizim onlayn savdoda shaffoflikni oshirish va elektron hisob-kitoblarni nazorat qilish imkonini beradi.

Eslatib o‘tamiz, Kursiv Uzbekistan nashri to‘qqiz oyda ishlab chiqarish hajmi 16,3 foizga o‘sgani haqida yozgan edi.

Xitoyning BYD kompaniyasi tomonidan BYD Yangwang U7 elektromobiliga tegishli yangi hujjatlarni sanoat va axborot texnologiyalari vazirligiga (MIIT) topshirdi. Bu haqda CarNewsChina xabar bermoqda.

Hujjatlarda modelning yangilangan versiyasi quvvat jihatidan sezilarli o‘sishga ega bo‘lishi ko‘rsatilgan. Endi avtomobilning umumiy quvvati 960 kVt (1287 ot kuchi) o‘rniga 1 000 kVt (1341 ot kuchi) ga teng bo‘ladi.

O‘lchamlar va texnik tafsilotlar

Yangilangan U7’ning uzunligi 5360 mm, eni 2000 mm, balandligi 1515 mm, g‘ildiraklar bazasi esa 3200 mmni tashkil etadi. Avtomobilning umumiy og‘irligi 3223 kg.ga teng.

Model BYD’ning 2,0 litrli BYD4H20 benzin dvigateli bilan jihozlanadi, u 200 kVt quvvat ishlab chiqaradi. Eng muhim...

O‘zbekiston milliy terma jamoasi futbolchisi Abbosbek Fayzullayev Urugvayga qarshi o‘yinda maydonga tusha olmaydi. Bu haqda O‘FA ma’lum qildi.

U Kuvaytga qarshi o‘yinda jarohat olib, maydonni tark etgan edi. Chuqurlashtirilgan tibbiy ko‘rikdan so‘ng shifokorlar futbolchiga dam olishni tavsiya qilgan.

Ma’lumot uchun, joriy yil yozida futbolchi faoliyatini Turkiya superligasida davom ettirishga qaror qildi. U «SSKA»dan «Istanbul Bashakshehir» jamoasiga 7,5 mln yevro evaziga o‘tgan edi. Transfermarkt portali 8-iyul holatiga ko‘ra, uning bozor qiymatini 8 mln yevroga baholagan.

Eslatib o‘tamiz, Kursiv Uzbekistan Abbоsbek Fayzullayev 22 yoshga to‘lgani haqida yozgan edi.

Oʻzbekiston terma jamoasi noyabr oyida Misr bilan oʻrtoqlik uchrashuvi oʻtkazishi mumkin. Bu haqda Misrning qator nashrlari xabar berdi.

Manbalarga koʻra, turnir noyabr oyidagi FIFA kunlari (10 – 18-noyabr) doirasida Birlashgan Arab Amirliklarida tashkil etilishi rejalashtirilgan. Musobaqada Oʻzbekiston, Eron, Misr va Kabo-Verde kabi terma jamoalar ishtirok etadi.

Manbada ta’kidlanishicha, turnirning ilk oʻyinida Oʻzbekiston Misrga, Eron esa Kabo-Verdega qarshi maydonga tushadi. Ushbu bahslardagi gʻoliblar keyinchalik musobaqaning final bosqichida uchrashadi.

Avvalroq OʻFA birinchi vitse-prezidenti Ravshan Irmatov milliy jamoa noyabrda Dubaydagi xalqaro musobaqada qatnashishi mumkinligini ma’lum qilgandi.

Ma’lumot uchun, Oʻzbekiston va Misr terma jamoalari oʻzaro tarixda hali biror marta toʻqnash kelmagan. Mazkur uchrashuv...

Avtomexanik va Germancardepot portali asoschisi Alan Gelfand avtomobilni buzadigan 6 ta xato haqida ogohlantirdi.

Qanday xatolarni qilmaslik kerak:

Motor moyini vaqtida almashtirmaslik

Ko‘plab haydovchilar ishlab chiqaruvchi belgilagan muddatdan kechroq moy almashtirishni odat qilgan. Alan Gelfandning aytishicha, bu eng xavfli xatolardan biridir. Hatto eng sifatli sintetik moy ham vaqt o‘tishi bilan o‘z xususiyatini yo‘qotadi. Agar moy vaqtida almashtirilmasa, dvigatel ichida cho‘kindilar to‘planib, yog‘ aylanishini to‘sadi. Natijada ishqalanish ortadi...

Jizzax viloyatida qurilayotgan kichik quvvatli atom elektr stansiyasi (AES) loyihasida navbatdagi bosqich boshlandi. RITM-200N reaktori joylashadigan energoblok uchun kotlovan qazish ishlari boshlandi. «Rosatom» bosh direktori Aleksey Lixachev va «O‘zatom» agentligi rahbari Azim Axmedxadjayev jarayonga start berdi.

Qurilish hajmi

Birinchi bosqich doirasida 1,5 million kub metr tuproq qazib olinadi, kotlovanning chuqurligi 13 metrga yetadi. AES Forish tumanida, Rossiya loyihasi asosida barpo etilmoqda.

Ishlarning mahalliylashtirilishi

«Barcha xalqaro loyihalarimizda bo‘lgani kabi, O‘zbekistondagi AES qurilishida ham mahalliylashtirish darajasi yuqori bo‘ladi. Ishlarni asosan o‘zbek subpudratchi tashkilotlari bajaradi. ‘Rosatom’ kamida 60 yil xizmat muddatiga ega stansiyani quradi va uning...

Rossiya 2025-yilning dastlabki sakkiz oyi davomida Oʻzbekiston, Qozogʻiston va Qirgʻizistonga tabiiy gaz yetkazib berish hajmini 15 foizga oshirdi. Bu haqda «Gazprom» boshqaruvi raisi Aleksey Miller 9-oktabr kuni Sankt-Peterburgda boʻlib oʻtgan Xalqaro gaz forumining yalpi majlisida ma’lum qildi.

Millerning soʻzlariga koʻra, «Sibir kuchi-2» magistral gaz quvuri Markaziy Osiyo davlatlariga gaz eksportini kengaytirish imkonini beruvchi asosiy loyihalardan biri hisoblanadi.

«Biz Oʻzbekiston, Qirgʻiziston va Qozogʻiston iqtisodiyotlarining tez sur’atlarda rivojlanayotganini kuzatyapmiz. Prognozlarga koʻra, keyingi besh-olti yil ichida bu mamlakatlar iqtisodiyoti 60 foizgacha oʻsishi mumkin. Bu esa energiya, xususan, gazga boʻlgan talabni sezilarli oshiradi», – dedi Miller.

Avvalroq Kursiv...

Jizzax viloyatining Forish tumanida to‘rtta davlat bog‘chasida ommaviy zaharlanish holati qayd etildi. Bu haqda tuman hokimligi axborot xizmati rasmiy munosabat bildirdi.

Ma’lum qilinishicha, 2025-yil 9-oktabr kuni soat 9:00 dan 16:00 gacha bo‘lgan vaqt oralig‘ida Forish tumani maktabgacha va maktab ta’limi bo‘limiga qarashli 1, 3, 5 va 7-sonli maktabgacha ta’lim muassasalarining jami 37 nafar tarbiyalanuvchisi isitma, ko‘ngil aynishi, qorin og‘rishi, ich ketishi va holsizlik kabi shikoyatlar bilan tuman tibbiyot birlashmasiga murojaat qilgan.

Shifokorlar tomonidan o‘tkazilgan epidemiologik surishtiruv natijasida bolalar 8-oktabr kuni bog‘chalarda biokefir, pishloq va sariyog‘ kabi mahsulotlarni iste’mol qilgani aniqlangan. Ularga dastlabki tibbiy ko‘rikdan so‘ng «o‘tkir diareya» tashxisi qo‘yilib...

O‘zavtosanoat ma’lumotlariga ko‘ra, 2025-yilning yanvar – sentabr oylarida O‘zbekiston bozorida Chevrolet Cobalt avtomobili eng ko‘p sotildi. Ushbu modeldan to‘qqiz oy ichida 95 362 dona sotilgan. O‘tgan yilda esa bu ko‘rsatkich 99 577 dona bo‘lgan.

O‘tgan yilning to‘qqiz oyida 71,8 ming dona Damas sotilgan bo‘lsa, bu yil 78,7 dona mashina xaridor topgan. Farq 6,8 ming donani tashkil etadi.

Tracker joriy yilda 27 921 dona sotilgan bo‘lsa, 2024-yilda bu raqam 31 736 donaga yetgan.

Mutaxassislar fikricha, Cobalt va Damas’ning yetakchiligi ularning narx va texnik imkoniyatlar muvozanati, shuningdek, ehtiyot qismlar mavjudligi bilan izohlanadi.

2025-yil yanvar – sentabr oylarida...

Smartfon bozori bugun har qachongidan ham keng. Xaridorlar uchun har qanday narx toifasidagi qurilmalar mavjud. Palach nashri bozordagi eng yaxshi va arzon 3 ta smartfon haqida maqola tayyorladi.

Xiaomi Redmi 15

Xiaomi’ning Redmi 15 smartfoni arzon narx va funksionallikni birlashtirgan model sifatida e’tibor qozonmoqda. Smartfon 6,9 dyuymli IPS ekran bilan jihozlangan bo‘lib, u 144 Hz yangilanish chastotasi va Full HD+ aniqlikka ega. Displeyning 800 nit yorqinligi video tomosha qilish yoki o‘yin o‘ynash uchun yetarli darajada qulay.

Qurilma Snapdragon 685 protsessorida ishlaydi — bu energiya tejamkor va barqaror ishlashni ta’minlaydi. Asosiy kamera 50 MP, old kamera esa...