Yangiliklar

2025-yilning kuzida sotib olishga arziydigan 5 ta ixcham planshet. Kursiv Uzbekistan Palach nashriga tayanib, eng yaxshi ixcham planshetlarni bir maqolaga to‘pladi.

Samsung Galaxy Tab A9

Samsung’ning eng ommabop seriyasidan bo‘lgan Tab A9 ixchamligi va qulayligi bilan ajralib turadi. 8,7 dyuymli TFT HD ekranga ega bo‘lib, MediaTek Helio G99 protsessori bilan jihozlangan. 5100 mA/soat batareyasi 14 soat davomida video ko‘rish imkonini beradi. MicroSD sloti, 3,5 mm minijack va stereo dinamiklari ham mavjud. Arzon, biroq ishonchli variant.

Honor Pad X7 (2025)

Honor yangi Pad X7 modeli bilan o‘zini yana ko‘rsatdi. 8,7 dyuymli 90 Hz IPS ekran, Snapdragon 680 chipi va...

ChatGPT foydalanuvchilari chat-bot ularning savollariga javob bermayotganidan shikoyat qildi, deb xabar bermoqda onlayn xizmatlar holatini kuzatib boruvchi Downdetector sayti.

Muammo taxminan ertalab soat 9:00 da (Toshkent vaqti bilan 13:00 atrofida) boshlangan. Hindistondagi 515 dan ortiq foydalanuvchi muammolar haqida xabar berib, uzilish butun dunyo bo‘ylab ko‘plab foydalanuvchilarga ta’sir qilayotganini ta’kidlagan.

Express nashriga ko‘ra, kompaniyaning hozirda API, ChatGPT, Sora va Playground kabi xizmatlari uchun «muammolarni boshdan kechirmoqda». Bu so‘nggi bir necha oy ichida bir qator uzilishlardan so‘ng sodir bo‘ldi.

Dekabr oyida butun dunyo bo‘ylab xato xabarlari paydo bo‘la boshlaganidan so‘ng foydalanuvchilar xizmatdan foydalana olmadi. OpenAI funksionallikni tiklash uchun tezkorlik...

4-sentabr kuni uchun dollar kursi 12 374,55 so‘m (-48,35 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 32,76 so‘mga tushib, 14 425,01 so‘mni, rubl esa 1,17 so‘mga tushib, 153,13 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

1-sentabr kuni Saida Mirziyoyeva taniqli tenor Andrea Bochellining konsert dasturida qatnashdi. Bu haqda o‘z Telegram kanalida xabar berdi.

«Taniqli tenor Andrea Bochellining 1-sentabr kuni Registon maydonida bo‘lib o‘tgan konserti bunga yana bir isbot bo‘ldi. San’atkorning betakror ovozi O‘zbekiston Milliy simfonik orkestri jo‘rligida maydon uzra jarangladi.

Tadbirning UNESCO shafeligida o‘tkazilgani uning dunyo madaniyatidagi o‘rni nechog‘li ahamiyatli ekanini ko‘rsatdi», deya izoh qoldirgan Mirziyoyeva.

Avvalroq Kursiv Uzbekistan Shavkat Mirziyoyevning Xitoyga tashrifi yakunlangani haqida yozgandi.

3-sentabr kuni Toshkent vaqti bilan soat 14:54 holatiga ko‘ra, jahon bozorida oltinning spot narxi tarixiy eng yuqori ko‘rsatkichni yangilab, bir troya unsiyasi uchun $3535,33 ga yetdi.

Qimmatbaho metall bir kunda taxminan 1,5 foizga oshdi, yil boshidan beri esa uchdan bir qismidan ko‘proqqa qimmatlashdi. CNBC nashri ma’lumotlariga ko‘ra, investorlar AQSh Federal zaxira tizimi stavkalarni pasaytirishi mumkinligi haqidagi mish-mishlar va iqtisodiyotdagi umumiy noaniqlik fonida oltinni sotib olmoqda.

O‘zbekistonda ham so‘nggi kunlarda oltin narxi keskin oshdi. Markaziy bank besh grammlik quymaning narxini 7,27 mln so‘m etib belgiladi.

Bundan avval jahon bozorida oltin narxi bir troya unsiyasi (31,1 gramm) uchun $3492,5 ni...

Avatr kompaniyasi 2026-yilgi Avatr 07 avtomobili uchun oldindan buyurtmalar 4-sentabrdan boshlanishini e’lon qildi. Bu haqda CarNewsChina xabar bermoqda.

Rasmiy tafsilotlar ochiqlanmagan, biroq kompaniya tarqatgan posterlarda avtomobil Huawei ADS 4 aqlli haydash tizimi bilan jihozlanishi aytilmoqda. Yangi Avatr 07 dizayn jihatidan avvalgi modelga o‘xshash bo‘lsa-da, asosiy yangiliklar konfiguratsiya va texnologik imkoniyatlarda bo‘lishi kutilmoqda.

Avatr 07 ilk bor 2024-yil Chengdu avtosalonida taqdim etilgan edi. Model to‘liq elektr (EV) va kengaytirilgan diapazonli elektr (EREV) versiyalarida ishlab chiqariladi. U Changan, Huawei va CATL hamkorligida yaratilgan CHN strategiyasi mahsuli hisoblanadi.

Hozirgi Avatr 07 versiyasi 650 km va 610 km masofali toza elektr yurish imkoniyatiga...

AQSh Federal sudi Google kompaniyasi ustidan olib borilgan monopoliyaga qarshi ish bo‘yicha qaror chiqardi. Bu haqda Bloomberg nashri xabar berdi.

Sud qaroriga ko‘ra, kompaniya olti yil davomida Microsoft, DuckDuckGo, OpenAI va Perplexity kabi raqobatchilarga o‘z qidiruv ma’lumotlarini taqdim etishi shart bo‘ladi. Shuningdek, Google’ga eksklyuziv shartnomalar tuzish taqiqlandi.

Biroq kompaniya eng keskin choradan qutulib qoldi. Ya’ni sudya Amit Meta AQSh Adliya vazirligining Chrome brauzeri va Android tizimini sotish haqidagi talabini rad etdi. Bundan tashqari, Google Apple bilan tuzgan hamkorlik shartnomasi ham kuchda qoladi. Unga ko‘ra, kompaniya yiliga $20 milliarddan ortiq to‘lov evaziga Apple qurilmalarida asosiy qidiruv tizimi maqomini saqlab qoladi.

O‘zbekiston prezidenti Shavkat Mirziyoyevning Xitoyga rasmiy tashrifi tadbirlarga boy kun tartibi bilan yakunlandi.

31-avgust kuni davlat rahbari Tyanjinda o‘tkazilgan ShhT sammiti doirasidagi norasmiy tadbirlarda qatnashdi. 1-sentabr kuni esa ShhT Davlat rahbarlari kengashining navbatdagi yig‘ilishi va «ShhT+» formatidagi uchrashuvda ishtirok etdi.

Prezident Mirziyoyev o‘z chiqishida tashkilot faoliyatini takomillashtirish va ko‘p tomonlama hamkorlikni yanada rivojlantirish yuzasidan qator takliflarni ilgari surdi.

2-sentabr kuni Pekinda prezident Shavkat Mirziyoyev Xitoy Raisi Si Szinpin bilan uchrashuv o‘tkazdi. Muzokaralarda amaliy hamkorlikning ustuvor yo‘nalishlari belgilandi va o‘nlab hujjatlar imzolandi.

Shuningdek, prezident Rossiya prezidenti Vladimir Putin bilan uchrashib, ikki tomonlama hamkorlikning dolzarb masalalarini muhokama qildi. Shu...

Weibo platformasida iPhone 17 Pro Max smartfonining videosi tarqaldi. Smartfon do‘kon peshtaxtasida suratga olingan.

Yangi dizayn oldingi ma’lumotlarga to‘liq mos. Qurilma orqa panelining deyarli to‘liq kengligini egallagan katta kamera blokiga ega. Bu yechim katta sensor va linzalarni o‘rnatish imkonini beradi. Shunga o‘xshash yechim Galaxy S26 Ultra’da ham qo‘llanishi kutilmoqda.

Yangi iPhone’larda yaxshilangan antennalar bo‘lishi aytilmoqda. Bu 5G, LTE, Wi-Fi va Bluetooth ulanishini barqaror va tez qiladi.

Apple rasmiy taqdimotni 9-sentabr kuni o‘tkazishini allaqachon e’lon qilgan. Shu kuni iPhone 17 seriyasining to‘liq imkoniyatlari tanishtiriladi.

Eslatib o‘tamiz, Kursiv Uzbekistan eng yaxshi smartfonlar reytingi yangilangani haqida yozgan edi.

Bugun smartfon tanlashda foydalanuvchilar uning texnik imkoniyatlari, kamerasi, xotirasiga alohida e’tibor qaratadi. Tom’s Guide texnologiyalar nashri 2025-yilning eng yaxshi smarfonlari reytingini yangiladi.

Samsung Galaxy S25 Ultra

Galaxy S25 Ultra dizayn jihatidan katta farq qilmaydi. Asosiy e’tibor Galaxy SI imkoniyatlariga qaratilgan. SI yordamida bir nechta ilovalar bilan bir vaqtning o‘zida ishlash mumkin. Masalan, tadbir sanasini topib, uni kalendarga qo‘shib, do‘stga SMS yuborish imkoniyati mavjud. Telefon foydalanuvchi odatlarini o‘rganib, Now Brief ekranida kerakli ma’lumotlarni ko‘rsatadi. Asosiy xususiyatlari: 6,9 dyuym OLED ekran, Snapdragon 8 Elite chipi, 12 GB RAM, 200 MP kamera. Batareya 17 soat 14 daqiqa ishlaydi.

iPhone 16 Pro Max

Ozarbayjon kinoteatrlarida rus tilidagi filmlar soni sezilarli darajada kamayib bormoqda. Bu haqda Minval nashri xabar berdi.

Bundan oldin mamlakatdagi kinoteatrlarda 13 seansdan faqat to‘rttasi turk tilida, qolganlari esa rus tilida o‘tkazilgan bo‘lsa, endi faqat to‘rttasi rus tilida, aksariyati esa turk tilida namoyish etilmoqda.

Nashrga ko‘ra, mamlakat aholisining ko‘pchiligi rus tilini bilmaydi, ammo turk tilini yaxshi tushunadi. Bunday o‘tish kinoteatrlarga auditoriyani kengaytirish va kino namoyishlarini tomoshabinlar uchun yanada qulayroq qilish imkonini beradi.

Bundan tashqari, tendensiya Ozarbayjondagi kengroq madaniy o‘zgarishni aks ettiradi, bu yerda turk tili yaqin va tushunarli til sifatida qabul qilinadi, rus tilida so‘zlashuvchi auditoriya esa asta-sekin kamayib...

O‘zbekistonning Rossiyadagi elchixonasi 31-avgust kuni Bolshaya Polyanka ko‘chasida sodir bo‘lgan voqeaga aloqadorligi haqidagi ma’lumotni rad etdi.

Avvalroq OAVda moskvalik fuqaro O‘zbekistonning Moskvadagi elchixonasi yaqinida kaltaklangani haqida xabar paydo bo‘lgandi. Erkak iti bilan sayrdan qaytayotganida noto‘g‘ri qo‘yilgan mashina haqida bildirgan. Uning aytishicha, mashina O‘zbekistonning Rossiyadagi elchixonasiga tegishli bo‘lgan.

Unga ko‘ra, u dastlab tahdidlarni eshitgan, keyin esa xodimlar tomonidan kaltaklangan. Shuningdek, jabrlanuvchining ta’kidlashicha, ishchilar yozuv tarmoqqa tushmasligi uchun uning telefonini sindirishga uringan.

Elchixonaning aniqlik kiritishicha, avtomobil va fotosuratlarda ko‘rsatilgan shaxslarning O‘zbekiston diplomatik vakolatxonasiga hech qanday aloqasi yo‘q. Mashinaning raqami boshqa davlatga tegishli.

Diplomatik vakolatxonaning ta’kidlashicha, sodir bo‘lgan voqealarda elchixonani ayblashga...

2025-yil yanvar – iyun oylarida barcha toifadagi xo‘jaliklar tomonidan 56,3 ming tonna uzum yetishtirilgan. Bu haqda Milliy statistika qo‘mitasi xabar berdi.

Unga ko’ra, bu ko‘rsatkich o‘tgan yilning mos davriga nisbatan 7,8 foizga o‘sgan. Hududlar kesimida yetishtirilgan uzum hajmi quyidagicha:

2024-yilning yanvar – iyun oylarida respublikamizdagi fermer xoʻjaliklari tomonidan 27,6 ming tonna uzum yetishtirilgan.

Bundan avval Kursiv nashri Oʻzbekistonda tarvuz narxi keskin oshgani haqida yozgandi.

Bozor segmentida eng katta o‘sish tarvuz narxida qayd etildi – oy davomida u 28,7 foizga qimmatlashdi. Qovun (11,7 foiz), karam (11,4 foiz) va kartoshka (3,5 foiz) ham ko‘tarildi. Banan narxi ham 2,8 foizga...

Toshkent viloyatining Yangiyo‘l tumanida chumchuq go‘shtidan shashlik tayyorlagan choyxona rahbari 4,1 mln so‘m jarimaga tortildi. Bu haqda Toshkent viloyati Ekologiya boshqarmasi xabar berdi.

Unga ko‘ra, ijtimoiy tarmoqlarda Yangiyo‘l tumanidagi «Ulfatlar» choyxonasida chumchuq go‘shtidan shashlik tayyorlanayotgani aks etgan videolavha tarqaldi. Mazkur holat yuzasidan Toshkent viloyati Ekologiya boshqarmasi va viloyat IIB post-patrul xizmati xodimlari joyiga chiqib, vaziyatni o‘rgandi.

Tekshiruv davomida ayni vaqtda choyxonada chumchuq go‘shtidan shashlik pishirilayotgani aniqlanmagan. Davlat inspektorlari choyxona rahbaridan izoh so‘raganida, u videolavhaning ilgari — mijozlarni jalb qilish maqsadida tasvirga olinganini bildirdi. Uning so‘zlariga ko‘ra, hozirda bunday amaliyot to‘xtatilgan.

Inspektorlar tomonidan kelgusida qonunbuzarlikka yo‘l qo‘ymaslik yuzasidan tushuntirish ishlari...

Tesla kompaniyasi 2-sentabrdan Xitoyda yangi Tesla Model YL elektromobilini yetkazib berishni boshladi. Mashina narxi 339 ming yuan (taxminan $47,5 ming) etib belgilangan.

Model YL oltita o‘rindiqqa ega, 0 dan 100 km/soatgacha 4,5 soniyada tezlanadi va CLTC sikliga ko‘ra 751 km masofa bosib o‘tadi. U to‘liq uzatma, bosqichsiz sozlanadigan amortizatorlar va 3040 mm g‘ildirak bazasi bilan jihozlangan.

Salonida old ikki qator uchun ventilyatsiya, ikkinchi va uchinchi qatorlarda mustaqil elektr sozlamalar va isitish funksiyasi mavjud. Yukxona hajmi 2539 litrga teng, audio tizimida esa 18 ta dinamika va bufer bor.

Xaridorlarga uch yillik foizsiz kredit yoki besh yillik past foizli to‘lov rejalari...

Tecno kompaniyasi tomonidan yangi Tecno Pova Slim va Spark Slim smartfonlari taqdim etildi. Bu haqda GSMArena xabar bermoqda.

Ta’kidlanishicha, qurilmalarning asosiy e’tiborga loyiq jihati korpusning atigi 5,75 mm qalinligidir. Ularda 5160 mA/soat sig‘imli batareya joylashtirilgan. Har ikkala modelda 50 MP kamera va 144 Hz chastotali AMOLED displey bor. Ekranning yorqinligi 4500 nitgacha yetadi.

Spark Slim MediaTek Helio G200 protsessorida, Pova Slim esa Dimensity 6400 chipsetida ishlaydi. Smartfonlar 45 Vt tezkor va 10 Vt teskari quvvatlashni qo‘llab-quvvatlaydi, shuningdek, IP64 himoyaga ega. U Android 15 operatsion tizimida ishlaydi.

Narxlar 4-sentabr kuni e’lon qilinadi.

Eslatib o‘tamiz, Kursiv Uzbekistan Tecno POVA 7 Ultra...

Qishloq xo‘jaligi texnikasi va lazerli yer tekislagich agregati qiymatining bir qismini qoplash uchun subsidiya ajratish tartibi belgilandi. Bu haqda Hukumat qarori qabul qilindi.

Endilikda subsidiya olish jarayoni to‘liq Subsidiya.mf.uz portali orqali amalga oshiriladi. Xaridor subsidiya uchun ariza topshirish maqsadida portalda One ID yoki elektron raqamli imzo (ERI) orqali ro‘yxatdan o‘tishi lozim.

Qarorga muvofiq, Qishloq xo‘jaligini davlat tomonidan qo‘llab-quvvatlash jamg‘armasi huzurida maxsus komissiya tashkil etiladi. U portal orqali kelib tushgan ariza va hujjatlarni 5 ish kuni ichida ko‘rib chiqadi. Xaridor esa arizasining natijasini, ya’ni subsidiya ajratilgani yoki rad etilgani haqida portaldan xabardor bo‘ladi.

Subsidiya miqdori texnikaning turiga qarab belgilanadi:

Huawei Mate 70 Pro haqida ko‘pchilik bilmasligi mumkin, lekin bu model bugungi kunda bozordagi eng kuchli kamerafonlardan biri hisoblanadi. Kursiv Uzbekistan Palach nashriga tayanib, qiziqarli ma’lumotlarni to‘pladi.

Ekran va dizayn

Smartfon 6,9 dyuymli 120 Hz LTPO OLED displey bilan jihozlangan. 1,5K o‘lchamdagi ekran 1 milliard rangni ko‘rsatadi va 2500 nit yorqinlikka ega. Shu sababli quyoshli ob-havoda ham video tomosha qilish yoki o‘yin o‘ynash qulay.

Ishlash tezligi

Qurilma HiSilicon Kirin 9020 chipida ishlaydi. Bu protsessor og‘ir grafik talab qiladigan o‘yinlar uchun mo‘ljallanmagan bo‘lsa-da, oddiy dasturlar va kundalik vazifalarda tezkor ishlaydi.

Kamera imkoniyatlari

Mate 70 Pro’ning asosiy ustunligi...

21 200 mA/soat batareya va 120 Vt quvvatlashga ega Ulefone Armor 29 Pro smartfoni taqdim etildi. Bu haqda Gizmochina xabar bermoqda.

Qurilma ikkita versiyada chiqadi: oddiy va Thermal Version. Ikkinchisida 640×512 pikselli, 50 Hz chastotali va ±2 °S aniqlikka ega termovizor mavjud. Asosiy kamera 50 MP, tungi ko‘rish uchun esa 64 MP sensor ishlatiladi.

Smartfon MediaTek Dimensity 7400 protsessori, 16 GB tezkor va 512 GB doimiy xotira bilan jihozlangan. Armor 29 Pro‘da ikkita ekran bor. Asosiy 6,67 dyuymli AMOLED (Full HD+, 120 Hz, yorqinligi 2200 nit) va kamera blokida joylashgan 1,04 dyuymli qo‘shimcha AMOLED displeyga ega.

Batareya sig‘imi...

«Tajen — Dovut-ota» chegara o‘tkazish punkti orqali jismoniy shaxslar, yengil avtomobillar, avtobuslar va vazni 3,5 tonnadan oshmaydigan yuk mashinalari harakati bo‘yicha cheklovlar shu yilning 31-dekabrigacha uzaytirildi. Bu haqda Qozog‘iston Respublikasi Moliya vazirligi Davlat daromadlari qo‘mitasi xabariga tayanib, Bojxona qo‘mitasi ma’lum qildi.

Ushbu cheklovlar shu yilning 1-fevralidan joriy etilgan bo‘lib, ularning uzaytirilishiga punkt hududida olib borilayotgan qurilish va rekonstruksiya ishlari sabab bo‘lmoqda.

Jumladan, ma’muriy binolarda kapital ta’mirlash, yo‘l qoplamalarida betonlash ishlari olib borilmoqda. Qozog‘iston tomonining ta’kidlashicha, bu choralar yo‘lovchilar xavfsizligini ta’minlash hamda qurilish ishlarini jadallashtirish maqsadida qabul qilingan.

Shu bilan birga, vazni 3,5 tonnadan ortiq bo‘lgan yuk avtomobillari mazkur...

AQSh prezidenti Donald Tramp sog‘lig‘i yomonlashgani haqidagi ijtimoiy tarmoqlardagi xabarlarni «soxta» deb atadi. Bu haqda Reuters agentligi ma’lum qildi.

Uning ta’kidlashicha, hafta davomida intervyular berish va Virjiniyadagi golf maydonida faol ishtirok etish bilan band bo‘lgan.

79 yoshli Tramp bu yil AQSh tarixida eng yoshi katta prezident bo‘ldi. Aprelda o‘tkazilgan keng qamrovli tibbiy tekshiruvda uning yurak ritmi normal ekani va jiddiy muammolar aniqlanmagani e’lon qilingan.

Iyul oyida oyoqlaridagi shish va qo‘lidagi ko‘karishlar sababli savollar tug‘ilgan bo‘lsa-da, shifokorlar buni xavfli bo‘lmagan surunkali venoz yetishmovchiligi va oddiy mayda jarohatlar bilan izohlashdi.

Oq uy Trampning sog‘lig‘i haqida ortiqcha xavotirga o‘rin yo‘qligini bildirar ekan...

«Poytaxt bank» boshqaruvi raisi vazifasini bajaruvchi etib Abror Turg‘unov tayinlandi. Bu haqda Korporativ axborot yagona portalida ma’lum qilindi.

Unga ko‘ra, 28-avgust kuni bank kuzatuv kengashi qaroriga asosan 1983-yilda Toshkentda tug‘ilgan Abror Turg‘unov rahbarlikka tayinlandi.

U Toshkent davlat iqtisodiyot universitetida «Marketing» mutaxassisligi bo‘yicha, keyinchalik Bank ishi va moliya akademiyasida «Investitsiyalarni boshqarish» yo‘nalishi bo‘yicha tahsil olgan. 2024-yil iyunidan buyon «Poytaxt bank» raisi o‘rinbosari vazifasini bajarib kelgan.

Turg‘unov bu lavozimda chakana kreditlash, g‘aznachilik, iqtisodiy tahlil va strategik rivojlanish, tashqi iqtisodiy faoliyat hamda xarid bo‘limlariga rahbarlik qilgan.

Rahbariyatdagi bu o‘zgarish, o‘tgan oyda bankning sobiq rahbari Dustboy Abjalov va Markaziy bank birinchi...

Jizzaxda $400 millionlik O‘zbekiston – Xitoy innovatsion markazi quriladi. Bu haqda Qishloq xo‘jaligi vazirligi ma’lum qildi.

Davlat rahbarining Xitoyga tashrifi doirasida O‘zbekiston Qishloq xo‘jaligi vaziri Ibrohim Abdurahmonov Xitoyning yirik kompaniyalari rahbarlari bilan uchrashdi.

Unga ko‘ra, vazir avval China Broad Future Tobacco International Import and Export Trading Co. Ltd kompaniyasi bosh ijrochi direktori Fu Bo bilan uchrashdi. Tomonlar yaqinda imzolangan hamkorlik memorandumi doirasida amalga oshiriladigan loyihalar yuzasidan fikr almashdi. Xorazm, Samarqand va Toshkent viloyatlarida umumiy quvvati uch ming tonna bo‘lgan tamaki mahsulotlarini yetishtirish va qayta ishlash zavodi qurilishi ko‘rib chiqildi. Loyihaga $150 million miqdorida sarmoya kiritilishi rejalashtirilgan.

Shuningdek, 2025-yilda...

BMW Toyota bilan hamkorlikda ishlab chiqqan uchinchi avlod vodorodli motorini namoyish etdi. Bu haqda kompaniyaning o‘zi ma’lum qildi.

Yangi tizim 2028-yilda ommaviy ishlab chiqariladi, ammo Myunxen va Shtayrdagi markazlarda prototiplar allaqachon yig‘ila boshlandi.

BMW vakili Yoaxim Postning ta’kidlashicha, bu kompaniya tarixida birinchi seriyali vodorodli motor bo‘lib, u yuqori samaradorlikka ega va nol chiqindilar bilan ishlaydi.

Uchinchi avlod tizimi oldingiga qaraganda 25 foizga ixchamroq, quvvati oshirilgan, yonilg‘i sarfi kamaytirilgan va zapas yurish masofasi ko‘paygan. Yangi motor kelajakdagi avtomobil arxitekturalariga oson integratsiya qilinishi mumkinligi bilan ham ajralib turadi.

Hozircha BMW prototiplarni ishlab chiqarish jarayonini sinovdan o‘tkazmoqda va ularni avtomobillarda ham keng...