Yangiliklar

Joriy yil 14-iyun kuni AQShda Donald Trampga qarshi butun mamlakatni qamrab oluvchi norozilik aksiyasi bo‘lib o‘tadi. Bu haqda Axios nashri xabar berdi.

Tug‘ilgan kunga «sovg‘a»

Trampga qarshi norozilik aksiyalari uning tug‘ilgan kuniga bag‘ishlab Oklaxoma shahrida rejalashtirilgan multimillion dollarlik harbiy paradga qarshi uyushtirilmoqda. Tramp ushbu paradni o‘zining 79 yoshga to‘lishi va AQSh armiyasining 250 yilligiga bag‘ishlamoqchi.

Paraddan taxminiy xarajatlar $25 mlndan $45 mlngacha baholanmoqda. Biroq bu mablag‘ga maxfiy xizmatlar va politsiya xarajatlari kiritilmagan.

Trampga qarshi o‘tkazilishi kutilayotgan tadbirni No Kings (Podshohlikka yo‘l yo‘q) nomli harakat muvofiqlashtirmoqda.

«No Kings bu butun mamlakat bo‘ylab bo‘ysunmaslik kuni. Yirik...

Volkswagen kompaniyasi O‘zbekiston bozoriga rasmiy tarzda kirib kelmoqda. Bu haqda Volkswagen Passenger Cars kompaniyasining savdo, marketing va sotuvdan keyingi xizmatlar bo‘yicha boshqaruv a’zosi Martin Sander LinkedIn’da ma’lum qildi.

Kompaniya O‘zbekiston bozoriga mos sakkizta zamonaviy sedan va keng SUV avtomobillarini taqdim etadi. Volkswagen O‘zbekistonni Yevropa va Osiyo chorrahasidagi strategik nuqta deb biladi.

Volkswagen kompaniyasi UzAuto Motors’ning shuba korxonasi Alyans Auto bilan SKD usulida mahalliy yig‘ishni boshlab beradi.

Bungacha nemis avtomobil ishlab chiqaruvchisi O‘zbekiston bozoriga Rossiyadagi sho‘ba korxonasi orqali kirishni rejalashtirgan edi. Biroq Rossiyaning Ukrainaga bostirib kirishidan so‘ng Volkswagen Rossiya bozorini tark etdi. Avvaliga avtomobillarni «Jizzax» erkin iqtisodiy zonasida...

Bugun, 12-iyun kuni Markaziy bank (MB) asosiy stavkani 14 foiz darajasida saqlab qolish toʻgʻrisida qaror qabul qildi. Bu haqda regulyatorning matbuot xizmati xabar berdi.

«Inflyatsion jarayonlarga energiya narxlari oshishining ikkilamchi taʼsirlarini pasaytirish va umumiy inflyatsiyaning barqaror pasayuvchi trendga oʻtishini taʼminlash maqsadida asosiy stavka joriy darajasida qoldirildi», – deyiladi Markaziy bank xabarida.

Markaziy bank tomonidan oʻrta muddatli istiqbolda inflyatsiyaning besh foizlik target darajasigacha pasayishiga erishish uchun pul-kredit sharoitlarining yetarli darajada qat’iyligi ta’minlanishi ma’lum qilindi. Iqtisodiyotdagi yalpi talab va ikkilamchi ta’sirlarning narxlarga oshiruvchi bosimlari kelgusi oylarda kutilganidan koʻra kuchayishi boʻyicha ehtimollar va asoslar yuzaga kelgan taqdirda pul-kredit...

2026-yilgi Land Rover Discovery Sport yangilangan ko‘rinishda taqdim etildi. Bu haqda ITHome texnologiyalar nashri xabar bermoqda.

Modelning ilgari mavjud bo‘lgan Dynamic SE va Dynamic HSE versiyalari yangi «Landmark» va «Metropolitan» nomli modellar bilan almashtirildi. Kirish darajasidagi S modeli esa Dynamic S deb o‘zgartirildi. Yangi model uchun plyajga borish, uzoq masofali sayohatlar va qorli yo‘llar uchun mo‘ljallangan opsiyalar qo‘shildi.

«Landmark» versiyasi maxsus naqshli bosqichlar, LED yoritilgan eshiklar va panoramali tom bilan jihozlangan. Shuningdek, 3D kamera tizimi orqali tor joylarda qulay harakatlanish imkoni yaratilgan.

«Metropolitan» versiyasida esa 14 bosqichli sozlanadigan isiydigan va ventilyatsiyali o‘rindiqlar, 14 ta dinamikli Meridian audio tizimi hamda...

Yaqin kunlarda Uzbekinvest va Agrosug‘urta kompaniyalari davlat ulushlari xalqaro savdoga chiqariladi. Bu haqda poytaxtda o‘tkazilayotgan IV Toshkent xalqaro investitsion forumi doirasida Davlat aktivlarini boshqarish agentligi direktori Akmalxon Ortiqov ma’lum qildi.

«Yangi dasturda 29 ta davlat aktivlaridan 10 ta issiqlik elektr stansiyalarini ham sotishni rejalashtirganmiz. Asosiy elektr ishlab chiqaruvchi stansiyalarni qanday xususiylashtirish bo‘yicha mas’ul KPMG kompaniyasi bo‘ldi. Ayni paytda kompaniya bu borada maxsus strategiya ishlab chiqmoqda. Yaqin kunlarda KPMG bu bo‘yicha yakuniy takliflarni beradi va xususiylashtirish jarayoni ham tez orada boshlanadi», – dedi Ortiqov nutqida.

Shuningdek, u dastur doirasida mehmonxonalar va ko‘chmas mulk agentliklari ham sotuvga...

Qoraqalpog‘istonni 2035-yilgacha rivojlantirish bo‘yicha uzoq muddatli strategiya ishlab chiqildi. Bu haqda Saida Mirziyoeva Telegram kanalida ma’lum qildi.

IV Toshkent xalqaro investitsiya forumi doirasida o‘tkazilgan sessiyada Saida Mirziyoyeva Qoraqalpog‘iston Respublikasini har tomonlama rivojlantirish, mintaqa iqtisodiyotini mustahkamlash va aholining turmush sifatini oshirish mamlakatning asosiy ustuvorliklaridan biri ekanini ta’kidladi.

«Boston Consulting Group» kompaniyasi bilan hamkorlikda Qoraqalpog‘istonni 2035-yilgacha rivojlantirish bo‘yicha uzoq muddatli strategiyani ishlab chiqdik. Qoraqalpog‘istonga kiritilayotgan sarmoyalar yangi ish o‘rinlari yaratishi, mahalliy tadbirkorlarni qo‘llab-quvvatlashi, yoshlarning kelajagini yanada yaxshilashi kerak, deya ta’kidladi Prezident yordamchisi.

Saida Mirziyoyeva xorijiy investorlarni ushbu betakror, ammo qiyin iqlimli mintaqaga tashrif buyurib, Qoraqalpog‘istonning ulkan...

Leapmotor rahbari Zhu Jiangming kelajakda katta SUVlar narxi yetti ming dollargacha tushishi mumkinligini ta’kidladi. Bu haqda CarNewsChina nashri xabar bermoqda.

Zhu Jiangmingning so‘zlariga ko‘ra, kelajakda o‘rta va yirik SUV avtomobillarini 50 ming yuan (taxminan $7 ming) evaziga sotish mantiqan to‘g‘ri bo‘ladi. U texnologiyalar rivojlanayotgani, ayniqsa chiplarning avtomobillarga tobora ko‘proq qo‘llanilayotgani ishlab chiqarish xarajatlarini sezilarli kamaytirishini qayd etgan.

U televizor va konditsioner misolida tushuntirgan: masalan, hozir 100 dyuymli televizor 5-6 ming yuan (700 – 840 dollar), 1 ot kuchiga ega konditsioner esa 1 100 yuan (154 dollar) atrofida turadi. Shu sababli, avtomobillarda ham asosiy xarajatlar yaqin kelajakda chiplar...

Disney va Universal kinokompaniyalari sun’iy intellekt asosida ishlovchi Midjourney neyrotarmog‘i ishlab chiquvchilarini mualliflik huquqlarini buzishda ayblab, ularga qarshi da’vo arizasi kiritdi. Bu haqda The New York Times xabar berdi.

Da’vogarlarning fikriga ko‘ra, neyrotarmoq algoritmlarini o‘rgatish jarayonida ishlab chiquvchilar kinokompaniyalar rassomlari yaratgan asarlardan, filmlar va multfilmlardan olingan kadrlaridan foydalangan. Mazkur materiallar mualliflik huquqi bilan himoyalangan bo‘lib, Midjourney bu tasvirlardan foydalanish uchun ruxsat olmagan.

Natijada neyrotarmoq Shrek, Dart Veyder, Minyonlar va boshqa mashhur Disney hamda Universal qahramonlari tasvirlarini generatsiya qilishni o‘rgangan.

Kinokompaniyalar bunday harakatlarni «raqamli piratlik» deb atadi. Disney kompaniyasi sun’iy intellekt texnologiyalari istiqbollarini ijobiy baholashini bildirgan bo‘lsa-da, ularning mas’uliyatli va...

«Euronews Academy» dasturi doirasida o‘zbekistonlik ommaviy axborot vositalari xodimlari ilg‘or xalqaro standartlar asosida o‘qitiladi. Bu haqda prezident matbuot xizmati xabar berdi.

Toshkent investitsiya forumi doirasida O‘zbekiston Prezidenti Shavkat Mirziyoyev «Euronews» media xoldingining direktorlar kengashi raisi Pedro Vargas bilan uchrashdi.

Uchrashuvda mazkur yetakchi media tuzilmasi bilan o‘zaro hamkorlikni kengaytirish masalalari muhokama qilingan. Xususan, telekanalning keng ko‘lamli auditoriyasiga O‘zbekistonning boy tarixiy-madaniy merosi, mamlakatda amalga oshirilayotgan muhim siyosiy va iqtisodiy islohotlar, shuningdek, investitsiyaviy va turizm salohiyati haqida kengroq ma’lumot yetkazish istiqbollari ko‘rib chiqildi.

Davlat rahbari O‘zbekiston bilan xalqaro telekanal o‘rtasida qo‘shma media loyihalarni amalga oshirish, malakali jurnalist kadrlar tayyorlash bo‘yicha olib...

Endilikda avtomobil tashish xizmatlariga litsenziyalarni taqdim etish transport vositasining hududiy kodiga qarab beriladi. Bu haqda Vazirlar Mahkamasining tegishli qarorida ma’lum qilindi. Unga ko‘ra, endi hamma o‘z viloyatida taksichilik qiladi.

2025-yil 1-iyuldan e’tiboran elektron tijorat operatorlari, shu jumladan, tashuvchilarga mijoz topishda yordam beruvchi agregatorlar faoliyati «xabardor qilish tartibi» asosida amalga oshiriladi. Ular maxsus reyestrga kiritiladi va ushbu ro‘yxatni Istiqbolli loyihalar milliy agentligi yuritadi.

Agregatorlarga qo‘yilgan talablar:

2026-yilda Kann kinofestivali 12-maydan 23-maygacha o‘tkazilishi e’lon qilindi. Bu haqda festivalning rasmiy ijtimoiy tarmoqlari orqali xabar berildi.

Ammo keyingi yilda Kann kinobozori qachon bo‘lib o‘tishi hozircha noma’lum. Ma’lumot uchun, 2025-yilda bozordagi tadbirlar festival bilan bir vaqtda bo‘lib o‘tgan. O‘shanda Amazon kompaniyasi rossiyalik figurachi Roman Kostomarov haqidagi hujjatli filmga huquq sotib olgandi.

78-Kann kinofestivali 23-may kuni yakunlangan edi. Unda bosh sovrinni eronlik rejissyor Jafar Panahi qo‘lga kiritgandi. U bu yutuqqa «Oddiy tasodif» nomli filmi bilan 20 yillik tanaffusdan so‘ng festivalga qaytib sazovor bo‘ldi.

Shuningdek, bu yil «Oltin palma novdasi» mukofoti uchun 20 dan ortiq film kurash olib bordi. Ular orasida...

Toshkent viloyatining Ohangaron shahrida kuchli ta’sir qiluvchi dori vositalarini noqonuniy sotish bilan shug‘ullangan shaxslar ushlandi. Bu haqda Bosh prokuratura departamenti ma’lum qildi.

O‘tkazilgan tezkor tadbir davomida ikki fuqaro boshqa bir fuqaroga 500 dona «Zardeks» nomli dori vositasini $1,7 ming va 650 ming so‘mga sotayotgan vaqtida qo‘lga olindi.

Mazkur holat yuzasidan Jinoyat kodeksining 251-1-moddasi asosida jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Xorazmda 143,4 million so‘mlik aksiz markasiz tamaki mahsulotlari savdosi fosh etilgan edi.

Mazda o‘rta o‘lchamli yangi Mazda EZ-6 Sports Edition avtomobili rasman namoyish qildi. Bu haqda Autohome nashri xabar bermoqda.

Avtomobil to‘rtta trim darajasida taklif etiladi, narxi $22 mingdan 35 minggacha bo‘lib, ikkita versiyasi mavjud: sof elektr va gibrid.

Mazda EZ-6 dizayni Soul Motion imzo uslubida yaratilgan. Elektr versiyasida radiator panjarasi o‘rniga ko‘r panel mavjud, gibridda esa an’anaviy radiator panjarasi mavjud. Lekin har qanday holatda ham Mazda logotipini ko‘rish mumkin.

Profilda yangi mashina fastback kupesiga o‘xshaydi. Qisqa old va orqa o‘simtalar avtomobilga sport ko‘rinishini beradi. O‘lchamlari 4921 x 1890 x 1485 mm, g‘ildirak bazasi 2895 mm. Interyerda 14,6 dyuymli ekran...

O‘zbekiston prezidenti Shavkat Mirziyoyev Afg‘oniston islom amirligining sanoat va savdo vaziri vazifasini bajaruvchi Nuriddin Aziziy bilan uchrashdi. Uchrashuv xalqaro investitsiya forumi doirasida Toshkentda bo‘lib o‘tdi.

Uchrashuv chog‘ida tomonlar Afg‘oniston ishtirokidagi yirik loyihalarni, jumladan, «Surxon – Puli-Xumrī» elektr uzatish liniyasi va Transafg‘on temir yo‘li qurilishini amalga oshirish masalalarini muhokama qildi.

Bundan tashqari, savdo, transport, energetika, qishloq xo‘jaligi va foydali qazilmalar sohalarida hamkorlikni mustahkamlash masalalari ko‘rib chiqildi. Prezident Mirziyoyev Xayraton sanoat markazini tashkil etish muhimligini ta’kidladi. Ushbu markazda dori-darmonlar, mebel, to‘qimachilik mahsulotlari, qurilish materiallari ishlab chiqarish va qishloq xo‘jaligi mahsulotlarini qayta ishlash rejalashtirilgan.

Avvalroq Kursiv Uzbekistan Afg‘oniston Imom Buxoriy majmuasi...

Raqobatni rivojlantirish va iste’molchilar huquqlarini himoya qilish qo‘mitasi «YandexGo UB» MCHJ faoliyati yuzasidan belgilangan tartibda ish qo‘zg‘atganini ma’lum qildi. Bunga sabab «Uzum Market» MCHJ XK tomonidan qilgan rasmiy murojaat bo‘ldi.

Murojaatda ta’kidlanishicha, «YandexGo UB» MCHJ tomonidan televideniye va ijtimoiy tarmoqlarda efirga uzatilgan Yandex Market reklama roligida «Uzum Market»ning ishchanlik obro‘siga putur yetkazuvchi va insofsiz raqobatga sabab bo‘ladigan holatlar mavjud.

Mazkur holat «Raqobat to‘g‘risida»gi Qonunning 21-moddasida belgilangan talablarga zid ekanligi ehtimoli mavjudligi sababli, qo‘mitaning Maxsus komissiyasi tomonidan qonun buzilishi alomatlari asosida «YandexGo UB» MCHJga nisbatan ish qo‘zg‘atildi.

Hozirda mazkur ish doirasida tegishli hujjatlar o‘rganilmoqda va yakuniy qaror e’lon qilinishi bo‘yicha...

2025/2026-o‘quv yili uchun 1-sinfga qabul jarayonlari 20-iyundan start oladi. Bu haqda Maktabgacha va maktab ta’limi vazirligi ma’lum qildi.

Qabul jarayonlari 2 bosqichda amalga oshiriladi: 1-bosqich 2025-yil 20-iyundan 31-iyulgacha mikrohudud doirasida, 2-bosqich esa 2025-yil 1-avgustdan 15-avgustgacha mikrohududdan tashqaridagi arizalarni qamrab oladi.

Hujjatlar my.maktab.uz platformasi orqali onlayn tarzda topshiriladi. Ota-onalar ushbu saytga kirib ro‘yxatdan o‘tishi va videoyo‘riqnoma asosida kerakli maktabni aniqlashi mumkin.

Davlat xizmatlari ko‘rsatilmaydigan hududlarda esa o‘quvchilar vazirlikning adm.maktab.uz tizimi orqali ro‘yxatga olinadi.

Eslatma o‘rnida, bu yil 1-sinfga 2018-yil 31-dekabrga qadar tug‘ilgan bolalar qabul qilinadi.

Qo‘shimcha savollar bo‘yicha 71-203-07-04, 71-203-04-03 raqamlariga yoki Telegram’dagi @mymaktab_uz kanaliga murojaat qilish mumkin.

Eslatib...

Samsung Exynos 2600 chipi ommaviy ishlab chiqarish bosqichiga o‘tdi. Bu haqda Janubiy Koreyaning NewDaily nashri soha manbalariga tayanib xabar bermoqda.

Samsung hozirda yangi Exynos 2600 protsessorini ishlab chiqarishda faol harakat qilmoqda. Kompaniya chip ishlab chiqarishdagi ishonchli natijani 50 foizdan yuqoriga ko‘tarishga intilmoqda. Bu ko‘rsatkich masshtabli ishlab chiqarish uchun muhim hisoblanadi.

Exynos 2600 chipi Galaxy S26 smartfonlarida ishlatilishi kutilmoqda. Ular 2026-yil boshida taqdim etilishi mumkin. Samsung yil oxirigacha minglab chip namunalarini ishlab chiqarmoqchi.

Biroq ishlab chiqarishda hali ham xavf omillari mavjud. Agar chiplarning sifati past bo‘lsa yoki chiqish darajasi kutilganidek bo‘lmasa, massaviy ishlab chiqarish kechikishi mumkin.

Exynos 2600 chipi...

Himoyachi Abduqodir Husanov 15-iyundan 13-iyulga qadar AQShda bo‘lib o‘tadigan klublar o‘rtasidagi jahon chempionati uchun «Manchester Siti» rasmiy tarkibiga kiritildi. Bu haqda klub rasmiy sahifasida ma’lum qildi.

Turnir ilk bor sakkizta guruhga bo‘lingan 32 ta jamoadan iborat formatda o‘tkaziladi va eng yaxshi ikki jamoa pley-offga yo‘l oladi.

«Manchester Siti»ning «G» guruhidagi o‘yinlari

18-iyun kuni «Man Siti» Marokashning «Vidad» klubi bilan, 23-iyun kuni BAAning «Al-Ayn» klubi bilan, 26-iyun kuni esa «shaharliklar» «Yuventus» bilan kuch sinashadi.

City to‘liq tarkibi

Darvozabonlar:
Bettinelli (13), Ortega Moreno (18), Ederson (31)

Himoyachilar:
Diash (3), Stouns (5), Ake (6), Ayt-Nuri (21), Reys (22), Gvardiol (24), Akanji

«Octobank» AJ va «Humans» MCHJ o‘rtasidagi shartnomaviy munosabatlar to‘xtatilgani munosabati bilan 2025-yil 13-iyun soat 18:00 dan boshlab «Humans» (VISA) kobrending bank kartalari bo‘yicha barcha operatsiyalarga xizmat ko‘rsatish to‘xtatiladi. Bu haqda Octobank rasmiy xabarnoma e’lon qildi.

Bank kartalari egalariga eslatib o‘tilishicha, avvalgi shartnoma va foydalanish qoidalari asosida mijozlar shaxsiy hisobvarag‘idagi mablag‘larni aloqa xizmatlari uchun avans to‘lov sifatida kiritgan bo‘lib, ushbu mablag‘lar «Humans» MCHJ avtomatlashtirilgan tizimida yuritiladi.

Shu bois kobrend kartalardagi mablag‘lar bevosita Octobankda emas, balki «Humans» MCHJ tizimidagi shaxsiy hisobvaraqda saqlanadi. Mablag‘larni qaytarish bilan bog‘liq har qanday holatda mijozlar to‘g‘ridan to‘g‘ri «Humans» MCHJga murojaat qilishlari kerakligi alohida ta’kidlanadi.

Octobank bildirganidek...

Volvo kompaniyasi Xitoyda 2026-yilda ishlab chiqarilgan Volvo XC60 avtomobili sotuvi boshlanganini rasman e’lon qildi. Bu haqda ITHome nashri xabar bermoqda.

Mashina 396,9 dan 474,9 ming yuangacha (55,2-66 ming dollar) narxda beshta trim darajasida taklif etiladi. Avtomobil faqat B5 versiyasida – 2,0 litrli benzinli dvigatel bilan taklif etiladi.

2026 Volvo XC60 brendning o‘ziga xos uslubida ishlab chiqilgan. Radiator panjara diagonali chiziqlar bilan yangi XC90 ruhida ishlab chiqilgan. Orqa chiroqlar qoraygan. Avtomobil an’anaviy eshik tutqichlari bilan jihozlangan.

2026 XC60 interyeri yangi 11,2 dyuymli ekranga ega takomillashtirilgan media tizimiga ega. Vertikal shamollatish deflektorlari va jismoniy boshqaruv tugmalari saqlanib qoladi. Yuqori trim darajalarida...

Nubia brendi Red Magic Gaming Tablet 3 Pro flagmanini taqdim etdi. Bu haqda Gizmochina xabar bermoqda.

Ushbu qurilmada Snapdragon 8 Elite, 256 Gb dan 1 TB gacha xotira va 24 Gb gacha operativ xotira mavjud. Shuningdek, u 2400 x 1504 pikselli 9 dyuymli OLED-ekranga ega, kadr chastotasi 165 Gts va PWM chastotasi 5280 Gtsga ega.

Brendning boshqa smartfonlari kabi planshet ham faolsovitish tizimi bilan jihozlangan. Akkumulyator sig‘imi 8200 mA/soat, zaryadlash quvvati esa 80 Vtni tashkil etiladi.

Qurilmaning texnik xususiyatlari bilan ushbu jadvalda tanishishingiz mumkin.

Eslatib o‘tamiz, Kursiv Uzbekistan nashri Red Magic 10S Pro+ modeli dunyodagi eng kuchli smartfon...

Wildberries va Russ kompaniyalariga tegishli Wibes videoplatformasi blogerlar uchun monetizatsiya dasturini yo‘lga qo‘ydi. Endilikda kontent mualliflari videolari ko‘rilishi uchun har 1 ming marta tomosha qilingani uchun 100 rubl (sal kam 16 ming so‘m) miqdorida to‘lov olishadi.

To‘lovlar iyul oyidagi natijalar asosida avgustda amalga oshiriladi. Dasturda ishtirok etish uchun foydalanuvchining profilida kamida 5 soniyalik ikki video bo‘lishi va u Wildberries savdogari bo‘lmasligi kerak.

Ma’lumot uchun, Wibes ilovasi 2025-yil mart oyida ishga tushirilgan bo‘lib, foydalanuvchilarga qisqa videolar orqali mahsulotlar tanlash va xarid qilish imkonini beradi. Ilova 1 mln martadan ko‘proq yuklab olingan, platforma foydalanuvchilari soni esa 6,3 mlndan oshgan.

Qo‘qon shahrida «Hizb ut-Tahrir» diniy ekstremistik tashkilotiga aloqador yashirin guruh a’zolari Davlat xavfsizlik xizmati va ichki ishlar organlari hamkorligida o‘tkazilgan tezkor tadbirda qo‘lga olindi. Bu haqda DXX matbuot xizmati ma’lum qildi.

Tergov ma’lumotlariga ko‘ra, asosiy tashkilotchi – ilgari ham ushbu tashkilot a’zosi bo‘lib, ozodlikdan mahrum qilish jazosi o‘tagan shaxs bo‘lib, u 1965 – 1971 yillarda tug‘ilgan to‘rt nafar fuqaro bilan birga noqonuniy guruh tuzgan. Ular 2024–2025-yillarda Qo‘qondagi choyxona va oshxonalarda yig‘ilishlar o‘tkazib, ekstremistik g‘oyalarni targ‘ib qilgan.

Guruh a’zolari «Hizb ut-Tahrir»ga tegishli materiallarni «Telegram»dagi yopiq kanallar orqali muntazam o‘rganib borishgan.

Ayni paytda ushbu shaxslarga nisbatan Jinoyat kodeksining 159, 244¹ va...

Shavkat Mirziyoyev Rossiya Federatsiyasi prezidenti Vladimir Putin bilan telefon orqali suhbatlashdi. Bu haqda davlat rahbari matbuot xizmati ma’lum qildi.

Muloqot avvalida O‘zbekiston rahbari rossiyalik hamkasbi va butun rus xalqini yaqinlashib kelayotgan Rossiya kuni bilan samimiy tabrikladi.

Suhbat chog‘ida ikki davlat o‘rtasidagi strategik sheriklik va ittifoqchilik munosabatlarini mustahkamlash, yuqori darajadagi uchrashuvlarda erishilgan kelishuvlarni amalga oshirish masalalari muhokama qilindi. Xususan, sanoat kooperatsiyasi va tovar ayirboshlash hajmini oshirish bo‘yicha hamkorlikni rivojlantirishga alohida e’tibor qaratildi.

Shuningdek, hududlar darajasida almashinuvlar va madaniy tadbirlarning davom etayotgani mamnuniyat bilan qayd etildi. Suhbat do‘stona va amaliy ruhda o‘tdi.

Eslatib o‘tamiz, avvalroq Vladimir Putin Shavkat Mirziyoyevni Ikkinchi jahon...