Yangiliklar

O‘zbekistondagi quyosh va shamol elektr stansiyalari tomonidan yil boshidan buyon yetti mlrd kVt·soat elektr energiyasi ishlab chiqarildi. Bu haqda Energetika vazirligi ma’lum qildi.

Mamlakatda umumiy quvvati 4 582 MVt bo‘lgan 12 ta quyosh va 4 ta shamol stansiyasi faoliyat yuritmoqda. Joriy yilda ishlab chiqarilgan energiyaning 4,36 mlrd kVt·soati quyosh, 2,64 mlrd kVt·soati shamol stansiyalariga to‘g‘ri keladi.

Natijada 2,1 mlrd kub metr gaz tejaldi hamda atmosferaga chiqadigan 2,94 mln tonnadan ortiq zararli gazlar kamaytirildi.

Shuningdek, yil boshidan bugungi kungacha gidroelektr, quyosh va shamol stansiyalari umumiy hisobda 11,9 mlrd kVt·soat elektr energiyasi ishlab chiqib, mamlakatning umumiy generatsiyasining 21,5 foizini ta’minladi.

Mutaxassislarning...

Shavkat Mirziyoyev AQSh prezidentining global sherikliklar bo‘yicha maxsus vakili Paolo Zampollini qabul qildi. Bu haqda davlat rahbari matbuot xizmati ma’lum qildi.

Uchrashuvda prezidentga Donald Trampning samimiy salomi va O‘zbekiston mustaqilligi kuni munosabati bilan tabriklari yetkazildi.

Tomonlar strategik sheriklikni chuqurlashtirish, siyosiy muloqot va parlamentlararo aloqalarni rivojlantirish masalalarini ko‘rib chiqdilar. Xavfsizlik sohasida terrorizm, ekstremizm va noqonuniy migratsiyaga qarshi hamkorlik samarali davom etayotgani ta’kidlandi.

2024-yilda ikki tomonlama tovar ayirboshlash 15 foizga oshdi, qo‘shma loyihalar portfeli esa $11 mlrddan ortdi. Toshkent investitsiya forumida AQShning 100 dan ortiq yirik kompaniyalari ishtirok etdi.

Mineral resurslar, aviatsiya, elektrotexnika, qishloq xo‘jaligi, raqamli texnologiyalar, moliya, ta’lim va innovatsiyalar...

AQSh Tramp ma’muriyati chet ellik talabalar va almashinuv dasturi ishtirokchilarining mamlakatda qolish muddatini qat’iy tartibga soluvchi yangi qoida loyihasini taqdim etdi. Bu haqda CNN agentligi ma’lum qildi.

Hozirda F vizasi bilan tahsil olayotgan talabalar o‘qishni tugatgach, 60 kungacha AQShda qolish huquqiga ega. Yangi tartib esa bu muddatni dastur davomiyligiga teng, ammo to‘rt yildan oshmagan holda belgilashni ko‘zda tutmoqda. Xorijiy OAV vakillari uchun esa qolish muddati 240 kun qilib belgilanadi.

Ichki xavfsizlik vazirligi vakillarining ta’kidlashicha, qoida mamlakatda chet ellik talabalarning ortiqcha qolib ketishining oldini olish va federal nazoratni yengillashtirishga qaratilgan.

Davlat departamenti ma’lumotiga ko‘ra, 2025-yilda 6 mingdan ortiq talabalar vizasi...

Ford Motor kompaniyasi AQShda tormoz tizimidagi nosozlik sabab qariyb 500 ming avtomobilini qaytarib olayotgani ma’lum qilindi. Bu haqda Reuters xabar berdi.

AQSh Milliy avtomobil xavfsizligi boshqarmasi (NHTSA) xabariga ko‘ra, tormoz tizimidagi shlang yorilishi oqibatida suyuqlik sizib chiqishi mumkin. Bu esa avtomobilning to‘xtash masofasini uzaytirib, yo‘l-transport hodisasi xavfini oshiradi. Kompaniya hozircha ushbu muammo tufayli hech qanday avariya yoki jarohat qayd etilmaganini bildirdi.

Qaytarib olish jarayoni 2015 – 2018-yillarda ishlab chiqarilgan Ford Edge SUV avtomobillarini hamda 2016 – 2018-yillarda ishlab chiqarilgan Lincoln MKX avtomobillarini qamrab oladi. NHTSA ma’lumotiga ko‘ra, qaytarib olinayotgan avtomobillarning taxminan 1 foizida ushbu nuqson mavjud.

Bundan tashqari, Ford...

Chevrolet Damas O‘zbekistonda uzoq yillar davomida eng ommabop va hamyonbop mikroavtobuslardan biri bo‘lib kelmoqda. U kichik biznes egalari, savdogarlar va oilalar uchun asosiy transport vositasiga aylangan. Rasmiy ma’lumotlarga ko‘ra, yil boshidan buyon 49,6 ming dona yangi Damas sotilgan. Shu yerda tabiiy savol tug‘iladi: kelgusida bu segmentda uning o‘rnini qaysi model egallashi mumkin?

Mahalliy ishlab chiqarishdagi yangi loyiha

2025-yil 23-yanvar kuni Sirdaryo viloyatidagi Asaka Motors zavodida Wuling N111 minivenining yig‘ilishi boshlangan.

Model 7 o‘rinli bo‘lib, 1,2 litrli, 82 ot kuchiga ega benzin dvigateli bilan jihozlangan. Mashina konditsioner va ABS tizimiga ega. Uning yonilg‘i sarfi 6,3 litr/100 km...

Unplugged Performance kompaniyasi Tesla Model 3 Performance 2024+ bazasida ishlab chiqilgan Red Rocket loyihasini namoyish qildi. Bu haqda Speedme xabar bermoqda.

Maxsus loyiha avtomobilni poyga uchun tayyorlashga qaratilgan va to‘liq yangilanish paketini o‘z ichiga oladi. U uglerod tolali aerodinamik obves, kuchaytirilgan tormoz tizimi, yengil kovan disklar hamda modernizatsiya qilingan osma bilan jihozlangan.

Baza sifatida olingan Tesla Model 3 Performance ikkita elektromotorli qurilma bilan jihozlangan bo‘lib, quvvati 510 ot kuchi, yurish masofasi esa 480 km (EPA sikliga ko‘ra). Mashinaning aerodinamik koeffitsiyenti 0,219 darajada qoladi.

Shuningdek, UP Race Pro Coilovers sozlanadigan osma tizimi yordamida shassi balansi va boshqaruvni aniq sozlash mumkin...

AQSh Ichki xavfsizlik vazirligi xorijiy jurnalistlar, talabalar va almashinuv dasturlari ishtirokchilari uchun vizalar tartibini qat’iylashtirishni taklif qildi. Bu haqda TASS xabar berdi.

Yangi taklifga ko‘ra, xorijiy jurnalistlar AQShga 240 kungacha kelish huquqiga ega bo‘ladi, so‘ng zarurat tug‘ilganda muddat uzaytirilishi mumkin. Xitoy fuqarolari uchun esa bu muddat 90 kun bilan chegaralanadi.

Talabalar va almashinuv dasturi ishtirokchilari esa faqat o‘qish yoki dastur davomida, lekin ko‘pi bilan to‘rt yil mamlakatda bo‘lishlari mumkin bo‘ladi.

Vazirlik bu o‘zgarish xorijliklarning faoliyatini nazorat qilish, ularning rejalari va qonunlarga rioya etishini baholash imkonini berishini ta’kidladi.

Taklif hozircha muhokamaga qo‘yilgan, lekin qachon kuchga kirishi noma’lumligicha qolmoqda.

SpaceX Falcon 9 raketasining 400-marta dengizdagi avtonom platformaga qo‘nishini muvaffaqiyatli amalga oshirdi. Bu voqea 2025-yil 27-avgust kuni Starlink 10-56 missiyasi davomida sodir bo‘ldi.

Raketa Floridadagi Kape Kanaveraldan uchirilgach, oradan 8,5 daqiqa o‘tib Just Read the Instructions platformasiga qo‘ndi. Shu tariqa SpaceX ilk marta 2016-yilda amalga oshirgan tajribasidan to‘qqiz yil o‘tib, texnologiyani mukammallashtirib, uni yuqori darajadagi ishonchlilikka olib chiqdi.

Dengizdagi qo‘nish texnologiyasi

SpaceX bugungi kunda uchta avtonom platformadan foydalanadi: Just Read the Instructions, A Shortfall of Gravitas va Of Course I Still Love You. Ularning barchasi maxsus pozitsiyalash tizimlari bilan jihozlangan bo‘lib, Falcon 9 hamda Falcon Heavy raketalarining birinchi...

«El-yurt umidi» jamg‘armasi 2025-yilgi 1-ochiq stipendiya tanlovi natijalarini e’lon qildi. Bu haqda jamg‘arma rasmiy sahifasida xabar berdi.

Test va suhbat bosqichlarida yuqori ball to‘plagan nomzodlar Jamg‘arma Boshqaruv kengashi qarori bilan «El-yurt umidi stipendiyasi sovrindori» deb e’tirof etildi.

Tanlov g‘oliblariga jamg‘armaning stipendiya dasturiga qabul qilinganligi haqida rasmiy xatlar elektron pochta orqali yuborilgan.

Batafsil ro‘yxat bilan eyuf.uz havolasi orqali tanishishingiz mumkin.

Tanlov doirasida jami 450 ta o‘rin ajratilgan bo‘lib, shundan 130 tasi bakalavriat, 220 tasi magistratura va 100 tasi doktorantura bosqichi uchun mo‘ljallangan. Ajratilgan o‘rinlar STEM yo‘nalishlari (ilm-fan, texnologiya, muhandislik, matematika), iqtisodiyotning ustuvor tarmoqlari (energetika, transport, urbanizatsiya, arxitektura...

Toshkent viloyati Nurafshon shahriga yangi Yutong avtobuslari keltirildi. Bu haqda Transport vazirligi xabar berdi.

Unga ko‘ra, «Nurafshon jamoat transporti» korxonasi tomonidan Xitoyda ishlab chiqarilgan 8 dona zamonaviy Yutong avtobusi olib kelindi. Mazkur avtobuslar Nurafshon shahar ichki yo‘nalishlarida qatnovni yo‘lga qo‘yadi.

Ma’lumot uchun, joriy yil boshidan buyon viloyatda jamoat transporti xizmatlarini yaxshilash doirasida Olmaliq shahriga 42 dona, Angren shahriga esa 15 dona yangi avtobus keltirilib, brutto shartnoma asosida aholiga xizmat ko‘rsatmoqda.

Avvalroq Kursiv Uzbekistan Toshkentda 2025-yil oxirigacha tungi avtobuslar yo‘lga qo‘yilishi haqida yozgandi.

Yil boshidan beri qaysi hududlarga avtobuslar olib kelindi

Avgust oyida Buxoro viloyatida jamoat transporti xizmatlari...

WhatsApp foydalanuvchilar uchun xabarlarni qayta yozishga yordam beradigan yangi Writing Help funksiyasini ishga tushirdi. Endi xabarlarni uch xil ohangda berish mumkin: professional, yumoristik va qo‘llab-quvvatlovchi.

Qanday ishlaydi

Foydalanuvchi chatda xabar yozishni boshlaganda, matn oynasidagi qalamcha ikonkasini bosish kifoya. Shundan so‘ng sun’iy intellekt matnga muqobil variantlarni taqdim etadi. Ularni to‘liq qabul qilish yoki o‘zgartirish imkoniyati ham mavjud.

Maxfiylik kafolatlari

Funksiya Private Processing texnologiyasi asosida ishlaydi. Bu WhatsApp yoki Meta kompaniyasi foydalanuvchi xabarlari mazmuniga yoki sun’iy intellekt tomonidan taqdim etilgan variantlarga kira olmasligini anglatadi. Shu sababli xabarlarning maxfiyligi to‘liq saqlanadi.

Nima uchun muhim

Yangi funksiya, ayniqsa, professional...

Meta kompaniyasi Instagram’da Odnoklassniki’ga o‘xshash yangi imkoniyatni sinovdan o‘tkazishni boshladi. Bu haqda Kursiv Media nashri xabar berdi.

Unga ko‘ra, endi AQShdagi kollej va universitet talabalariga o‘z profiliga o‘qiyotgan ta’lim muassasasi nomi tushirilgan banner qo‘shish imkoniyati beriladi.

Foydalanuvchi o‘z o‘quv yurti ma’lumotini tasdiqlaganidan so‘ng, u maxsus katalog orqali boshqa talabalarni topishi va ular bilan muloqot qilishi mumkin bo‘ladi. Shuningdek, kursdoshlarni bitiruv yili bo‘yicha ham saralash imkoni paydo bo‘ladi. Profil sahifasida «Maktabni qo‘shish» tugmasi paydo bo‘ladi.

Meta vakillarining ta’kidlashicha, bu yangilik talabalar o‘rtasida muloqotni mustahkamlash, qiziqishlarni birgalikda o‘rganish va yangi jamoalar yaratish imkonini beradi.

Ayni paytda funksiyaning AQShda va boshqa davlatlarda...

Toshkent shahri Olmazor tumanida joylashgan Talabalar shaharchasidagi banket zali qarzlarni undirish doirasida majburiy auksionga chiqarildi. Bu haqda E-auksion ma’lumotlarida keltirilgan.

Unga ko‘ra, uch qavatli bino va qo‘shimcha majmualar joylashgan obyekt 12 sotix yer maydonida barpo etilgan bo‘lib, umumiy maydoni 2994 kvadrat metrni tashkil etadi. Uning 2412 kvadrat metri foydali maydon hisoblanadi. Majmuada banket zali, oshxona, kimyoviy tozalash shahobchasi, atelye va go‘zallik saloni faoliyat yuritib kelgan.

Obyekt Toshkent madaniyat kolleji va Toshkent davlat texnika universitetining neft-gaz fakulteti yaqinida joylashgan. Binoda barcha kommunikatsiyalar — elektr, gaz, suv ta’minoti va kanalizatsiya mavjud.

Shu bilan birga, lot tarkibida 144 kvadrat metr noqonuniy egallangan...

So‘nggi kunlarda «Tashabbusli budjet» loyihasida ovoz berish bahonasida fuqarolarning bank kartalaridan mablag‘ o‘g‘irlash holatlari kuzatilmoqda.

Iqtisodiyot va moliya vazirligi ovoz to‘plash bosqichida fuqarolarga SMS-xabarnomalar faqat «IMV» nomi ostida yoki 2710 qisqa raqami orqali borishini eslatdi.

Amaldagi tartibga ko‘ra:

Shuningdek, vazirlik fuqarolardan shaxsiy ma’lumotlarini hech kimga bermaslikni va faqat rasmiy manbalar orqali ovoz berishga chaqirmoqda.

Bundan avval Jizzax davlat pedagogika universiteti hamda Qiziltepa tumanidagi tibbiyot tashkilotlarida xodimlarni majburiy ovoz berishga jalb qilish holatlari haqida xabarlar tarqalgandi.

Iqtisodiyot va moliya vazirligiga ko‘ra...

26-avgust kuni Rossiyaning Krasnoyarsk o‘lkasi janubidagi «Artyomovskiy rudnik» AJ konida qulash yuz bergan. Krasnoyarsk o‘lkasi prokuraturasining xabariga ko‘ra, 30 yoshli O‘zbekiston fuqarosi halok bo‘lgan.

Dastlabki ma’lumotlarga ko‘ra, patent asosida ishlayotgan o‘zbekistonlik konda tog‘ jinslarini keyinchalik mustahkamlash uchun burg‘ulash ishlarini olib borgan. Shu vaqt ichida tog‘ massasi qulab tushgan. Ishchi qulab tushgan jinslar ostida qolib, olgan tan jarohatlaridan voqea joyida halok bo‘lgan.

Baxtsiz hodisa sodir bo‘lgan vaqtda kon odatdagi rejimda ishlayotgan bo‘lib, yerostida jami 48 kishi bo‘lgan. Hozircha avariya sodir bo‘lgan hududda xavfsizlik postlari o‘rnatildi.

Prokuratura ish beruvchi tomonidan mehnat muhofazasi va sanoat xavfsizligi bo‘yicha qonunchilik talablariga rioya qilingan yoki...

Bugun, 28-avgust kuni dollar kursi 69,4 so‘mga oshib, 12 482,38 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 154,08 so‘mga oshib, 14540,72 so‘mni, rubl esa 0,95 so‘mga oshib, 155,23 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Xitoyning Xpeng kompaniyasi tomonidan yangi Xpeng P7 elektromobili sotuvga chiqarildi. Bu haqda CarNewsChina xabar bermoqda.

Yangi P7 Xmart Face dizayn tilida ishlab chiqilgan. Old qismida ingichka LED chiroq va yoritiladigan Xpeng logosi joylashgan. Aktive aerodinamik tizimda yopiladigan havo kirish teshigi va orqa spoiler mashinaga 0,201 Cd havo qarshilik koeffitsientini beradi.

Model 20 yoki 21 dyuymli disklar, shuningdek, qaychi eshiklar va Brembo tormozlari bilan jihozlanadi. O‘lchamlari: 5017×1970×1427 mm, g‘ildirak bazasi 3008 mmni tashkil etadi.

Ichki makon uch xil rangda: to‘q kulrang, och kulrang va binafsha. 15,6 dyuymli ekran burilib ishlaydi, 8,8 dyuymli panel va 87 dyuymli AR HUD displey...

3-sentabr kuni O‘zbekiston prezidenti Shavkat Mirziyoyev Xitoydagi harbiy paradda qatnashadi. Bu haqda «Sinxua» agentligi ma’lum qildi.

Ushbu tadbir Xitoyning Yaponiya bosqinidan ozod qilinganligining 80 yilligi va Ikkinchi jahon urushi tugaganiga bag‘ishlab o‘tkazilmoqda.

O‘zbekiston rahbaridan tashqari, tantanali tadbirlarda Qozog‘iston, Qirg‘iziston, Tojikiston va Turkmaniston prezidentlari ham ishtirok etishi kutilmoqda. Shuningdek, Rossiya, Belarus, Armaniston va Ozarbayjon rahbarlari ham Xitoyga kelishi rejalashtirilgan.

Bundan tashqari, 2019-yildan beri ilk bor Koreya xalq demokratik respublikasi (KXDR) rahbari Kim Chen In Xitoyga tashrif buyuradi. Umuman olganda, 21 nafar xorijiy davlat rahbariga taklif yuborilgan.

Parad pandemiyadan keyingi davrdagi eng yirik tadbir bo‘lishi kutilmoqda. Mashg‘ulotlardan olingan kadrlarga ko‘ra...

Toshkent shahridagi maktablarda ta’lim sifatini oshirish bo‘yicha «Toshkent tajribasi» loyihasi boshlandi. Bu haqda shahar hokimligi xabar berdi.

Unga ko‘ra, endi poytaxtdagi ayrim maktablarda sinf xonalari ta’mirlanadi, robototexnika va VR xonalari tashkil etiladi, fizika, kimyo, biologiya va informatika laboratoriyalari zamonaviy uskunalar bilan jihozlanadi. Shuningdek, sport anjomlari, badiiy adabiyotlar va ko‘rgazmali jihozlar xarid qilinadi.

Mazkur loyiha quyidagi maktablarda amalga oshiriladi:

Ushbu maktablarda o‘qituvchilar tanlov asosida saralanadi va ilg‘or metodlar asosida dars o‘tadi. Ularning faoliyati o‘quvchilarni qiziqtirish darajasi hamda o‘zlashtirish ko‘rsatkichlariga qarab baholanadi. Shu mezonlarga asosan qo‘shimcha haq to‘lash tizimi joriy etiladi.

Xalqaro baholash dasturlari – PISA, TIMSS, PIRLS va STEAM...

Yevropa Ittifoqi (YI) Rossiyaga qarshi yangi sanksiyalar paketini tayyorlamoqda. Bu haqda Bloomberg nashri xabar berdi.

Unga ko‘ra, 19-paket asosan rossiyaliklarning ukrainalik bolalarni o‘g‘irlashiga qarshi choralarni o‘z ichiga oladi.

Shu hafta oxirida Kopengagenda yig‘iladigan YI tashqi ishlar vazirlari Rossiyaning neft-gaz va moliya sektoriga qo‘shimcha cheklovlar hamda tovarlar import-eksportini yanada cheklash masalalarini ham ko‘rib chiqadi.

Muhokama qilinayotgan eng asosiy masalalardan biri bu 2023-yilda qabul qilingan, biroq hali qo‘llanmagan sanksiyalarni chetlab o‘tishga qarshi vosita hisoblanadi. Bu mexanizm Rossiyaga yordam berayotgan deb topilgan uchinchi davlatlarga mahsulot yetkazib berishni taqiqlash imkonini beradi.

Rossiyaga qo‘llanilgan 18-sanksiyalar paketi

Shu yilning 18-iyul kuni Yevropa Ittifoqi(YI) Rossiyaga...

Bugun, 28-avgust kuni Uzcard tizimida rejalashtirilmagan profilaktik ishlar amalga oshirilmoqda. Bu haqda «Yagona umumrespublika protsessing markazi» AJ (Uzcard) matbuot xizmati xabar berdi.

Shu munosabat bilan vaqtinchalik uzilishlar quyidagilarda kuzatilishi mumkin:

Shuningdek, Uzcard saytida ham uzilishlar qayd etilmoqda.

Avvalroq Kursiv Uzbekistan Uzcard kartalari bilan bog‘liq operatsiyalarda uzilishlar kuzatilayotgani haqida yozgandi.

Osiyo taraqqiyot banki (OTB) Qoraqalpog‘istondagi A-380 avtomagistralini modernizatsiya qilish uchun $233,1 million ajratishni ma’qulladi. Mablag‘ kredit ko‘rinishida taqdim etiladi, deya xabar berdi xalqaro moliya institutining matbuot xizmati.

Loyiha G‘uzor — Buxoro — Nukus — Beyneu (A380) yo‘lining 12 km uzunlikdagi qismini rekonstruksiya qilishni, shuningdek, To‘rtko‘l — Ellikqal’a — Beruniy yo‘nalishi bo‘yicha 75 km uzunlikdagi aylanma yo‘l qurilishini o‘z ichiga oladi.

Trassaning sement-beton qoplamasi, ilg‘or drenaj tizimi va yo‘l to‘sig‘ining balandligi obyektni iqlimiy xatarlarga nisbatan yanada barqaror qiladi.

Yo‘l bo‘ylab transportni avtomatik tortish tizimlari o‘rnatiladi. Shuningdek, trassa bo‘ylab beshta dam olish zonasi tashkil etilib, ularda tijoriy xizmatlar va elektromobillar uchun...

Portugaliyalik mutaxassis Paulu Bentu O‘zbekistonga uchib keldi. U tez orada O‘zbekiston milliy terma jamoaning bosh murabbiyi sifatida e’lon qilinishi mumkin.

Bentuning so‘nggi manzili BAA terma jamoasi bo‘lgan edi. Ammo BAA JCh–2026 saralash bosqichida muvaffaqiyat qozona olmagach, murabbiy iste’foga chiqarilgan edi.

Shu bilan birga, u murabbiylik faoliyatida «Sporting» va «Olimpiakos» klublarida ishlagan, shuningdek, Portugaliya, Janubiy Koreya jamoalariga ham boshchilik qilgan.

Ayni paytda O‘zbekiston terma jamoasini vaqtincha boshqarib kelayotgan Timur Kapadze xorijlik hamkasbiga o‘z o‘rnini bo‘shatishi ehtimoldan yiroq emas. Sport OAVlarining yozishicha, 43 yoshli mutaxassis katta tanaffus qilmaydi va tez orada Toshkentning «Paxtakor» klubi bosh murabbiyi sifatida faoliyatini davom ettirishi...

Uzcard plastik kartalari bilan mobil ilovalarda va to‘lov terminallarida to‘lov qilishda uzilishlar yuz bermoqda. Kursiv Uzbekistan bir nechta mobil ilovalar va terminallarni tekshirdi.

Hozircha kompaniya bu bo‘yicha rasmiy izoh bermagan.

Shuningdek, kompaniyaning rasmiy sayti ham vaqtincha ishlamayapti.

Avvalroq Kursiv Uzbekistan Uzcard SMS-xabarnoma xizmati narxi 1-martdan ikki baravar oshishi haqida yozgandi.