Yangiliklar

AQShda mart oyida Chevrolet Tahoe modeli uchun cheklangan chegirma aksiyasi e’lon qilindi. Bu haqda GMAutority nashri xabar bermoqda.

Ma’lumotlarga ko‘ra, 2025-yilgi Tahoe ayrim konfiguratsiyalarida $1 ming miqdorida chegirma taqdim etilmoqda. Chegirma faqat Premier va High Country komplektatsiyalariga taalluqli. Biroq panoramali lyuk bilan jihozlangan versiyalar ushbu taklifga kirmaydi. Aksiya 2026-yil 31-martgacha amal qiladi.

2026-yilgi Tahoe uchun hozircha hech qanday moliyaviy rag‘bat yoki chegirma dasturi e’lon qilinmagan. Model bir qator yangilanishlar bilan taqdim etilgan. Model uchun yangi RST Dark Essentials paketi paydo bo‘ldi. Bu paket qora rangli tashqi bezak elementlari va 24 dyuymli qora disklarni o‘z ichiga oladi.

Shuningdek...

Transfermarkt portali Angliya Premyer ligasida harakat qilayotgan futbolchilarning transfer narxlarini yangiladi.

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanovning transfer qiymati o‘zgarishsiz qolib, 35 mln yevroni tashkil etmoqda. 22 yoshli futbolchi joriy mavsumda «Manchester Siti» safida barcha musobaqalar doirasida 25 ta o‘yinda qatnashdi. U maydonda jami 1,7 ming daqiqa harakat qilgan.

Portal ma’lumotlariga ko‘ra, Premyer liganing eng qimmat futbolchisi maqomini 200 mln yevro narx bilan «Manchester Siti»ning norvegiyalik hujumchisi Erling Holand saqlab qolgan. Ikkinchi o‘rinni «Arsenal»ning 27 yoshli a’zosi Deklan Rays 120 mln yevro qiymat bilan band etgan bo‘lsa, kuchli uchlikni narxi 10 mln yevroga...

2026-yilgi Navro‘z umumxalq bayramiga tayyorgarlik ko‘rish va uni o‘tkazish tartibi belgilandi. Bu haqda prezident qarori qabul qilindi.

Qarorga ko‘ra, Navro‘z bayramini munosib nishonlash uchun «Navro‘zni ulug‘lash – insonni ulug‘lashdir!» degan ezgu g‘oya asosida tashkiliy-amaliy, madaniy-ma’naviy va targ‘ibot tadbirlarining dasturi tasdiqlandi va uning amalga oshirilishi ta’minlanadi.

Bayram Ramazon hayiti bilan hamohang tarzda o‘tkazilib, Mehribonlik, Saxovat va Muruvvat uylarida yashayotgan shaxslar holidan xabar olish, «Yashil makon» umummilliy loyihasi doirasida umumxalq hashari va «Men ham ko‘chat ekaman» aksiyalari tashkil etiladi.

Toshkent shahridagi Yangi O‘zbekiston majmuasida alohida dastur asosida xalq sayillari ham o‘tkaziladi.

Avvalroq «Kursiv» nashri o‘zbekistonliklar Navro‘z bayramida necha kun dam olishi...

Aviakompaniya dispetcherlari uchun smenadan oldingi tibbiy ko‘rik talabi bekor qilindi. Bu haqda Adliya vazirligi ma’lum qildi.

Unga ko‘ra, havodagi harakatni boshqarish dispetcherlarining har kuni smenadan oldin majburiy tibbiy ko‘rikdan o‘tishi talabi bekor qilindi. Bu o‘zgarish Xalqaro fuqaro aviatsiyasi to‘g‘risidagi konvensiya talablariga moslashtirish maqsadida qabul qilingan.

Shuningdek, xalqaro fuqaro aviatsiyasi konvensiyasi talablaridan kelib chiqib va o‘z ahamiyatini yo‘qotgani sababli ayrim qoidalar ham chiqarib tashlandi. Jumladan, bulutlarning quyi chegarasi minimal balandlikdan past bo‘lmagan holatda o‘tish eshelonidan pasayishga ruxsat berish kabi ayrim normalar bekor qilindi.

Yangi tartibga ko‘ra, havo kemalari jihozlanishiga qarab asosiy havo kemasi hamda qayta jihozlangan havo kemasi toifalariga ajratiladi.

Seshanba, 10-mart soat 16:00 dan metan «zapravka»lar faoliyatiga vaqtincha cheklov joriy etiladi. Bu haqda Energetika vazirligi ma’lum qildi.

Vazirlik respublika hududlariga sovuq va nam havo massalarining kirib kelishi sabab tabiiy gazga bo‘lgan talab oshganini qayd etdi. Magistral gaz quvurlarida bosimning pasayishi kuzatilmoqda.

Mazkur chora, avvalo, aholi xonadonlari hamda ijtimoiy soha obyektlarini tabiiy gaz bilan uzluksiz ta’minlash maqsadida qabul qilingan.

Shu bilan birga, ijtimoiy soha obyektlariga xizmat ko‘rsatuvchi hamda jamoat transport vositalari uchun gaz ta’minoti cheklovlarsiz davom ettiriladi. Energetika vazirligiga ko‘ra, bu choralar gaz ta’minoti barqarorligini saqlash uchun vaqtincha joriy etilmoqda.

Eslatib o‘tamiz, Kursiv Uzbekistan nashri 8-mart kuni metan «zapravka»lar...

Xitoyning Zeekr kompaniyasi yangi flagman krossoveri Zeekr 8X uchun oldindan buyurtmalarni 16-mart kuni boshlaydi. Bu haqda CarNewsChina nashri ma’lum qildi.

Modelning texnik taqdimoti ham shu kuni o‘tkazilishi rejalashtirilgan. Avtomobil joriy yilning ikkinchi choragida bozorga chiqadi. Yangi krossover SEA-S arxitekturasi asosida ishlab chiqilgan. Model plug-in gibrid tizim bilan jihozlangan. Unda Aurobay tomonidan ishlab chiqarilgan 2 litrli turbomotor ishlatiladi. Ushbu dvigatel 205 kVt yoki 275 ot kuchi quvvatga ega.

Yuqori komplektatsiyalarda avtomobil uch motorli megavattli tizim bilan taklif qilinadi. Bunday konfiguratsiyada umumiy quvvat 1 030 kVt yoki 1 381 ot kuchiga yetadi. Krossover 0 dan 100 km/soat tezlikka taxminan 2 soniyada...

2028-yildan boshlab biologik faol qo‘shimchalarga ruxsat berishda HAACP tizimi joriy etiladi va barcha mahsulotlar majburiy raqamli markirovkalashdan o‘tadi. Bu haqda prezident farmonida keltirildi.

Unga ko‘ra, shu yilning 1-iyunidan boshlab farmatsevtika va boshqa ishlab chiqaruvchi korxonalar, istisno tariqasida soliq va yig‘imlar bo‘yicha qarzdorlik miqdori belgilangan limitdan oshmagan hollarda, shuningdek, yuqori miqdordagi qarzdorlik bo‘lsa, qarzdorlik shakllangan kundan boshlab 10 kun ichida davlat xaridlarida ishtirok etishga ruxsat oladi.

Shu bilan birga, 2028-yil 1-yanvardan boshlab biologik faol qo‘shimchalarga ruxsat berishda Xatarlar tahlili va kritik nazorat nuqtalari (HAACP) tizimi joriy etiladi va barcha mahsulotlar majburiy raqamli markirovkalashdan o‘tadi.

Bundan tashqari, O‘zbekiston kimyo-farmatsevtika ilmiy-tadqiqot instituti...

Chexiya O‘zbekiston fuqarolari uchun har yili 150 ta mehnat vizasi kvotasi ajratadi. Migratsiya agentligi direktori Behzod Musayev Chexiyaning O‘zbekistondagi Favqulodda va muxtor elchisi Lyubomir Frebort bilan uchrashdi.

Tomonlar Chexiya mehnat bozori uchun O‘zbekistonda malakali kadrlar tayyorlash va tashkiliy mehnat migratsiyasini rivojlantirish bo‘yicha fikr almashdi. Ayniqsa, tibbiyot sohasidagi mutaxassislar, jumladan, hamshiralar va qariyalarni parvarishlash bo‘yicha xodimlarni tayyorlash masalasiga alohida e’tibor qaratildi.

Ma’lum qilinishicha, Chexiya O‘zbekiston fuqarolari uchun har yili 150 ta mehnat vizasi kvotasini ajratadi. Chexiya tomoni tibbiyot mutaxassislarini xorijda ishlashga tayyorlash bo‘yicha Toshkentdagi o‘quv kurslari faoliyati bilan ham tanishishga qiziqish bildirdi.

Uchrashuv yakunida tomonlar ushbu yo‘nalishda amaliy hamkorlikni davom...

Centrum Air aviakompaniyasi 12 – 13-mart kunlari Toshkent — Dubay — Toshkent yo‘nalishidagi C6351 va C6352 reyslari bekor qilinganini ma’lum qildi.

Aviakompaniya bekor bo‘lgan reyslar yo‘lovchilariga aviachipta pulini to‘liq qaytarish yoki jarimasiz boshqa sanaga qayta bron qilish imkoniyati berilishini bildirdi.

Qaytarish yoki qayta rasmiylashtirish masalalari bo‘yicha yo‘lovchilar Centrum Air qo‘llab-quvvatlash xizmatiga murojaat etishi mumkin. Buning uchun callcenter@centrum-air.com elektron pochtasi yoki +998 55 518 88 88 telefon raqami orqali bog‘lanish mumkin.

Eslatib o‘tamiz, 4-mart kuni UzAirways, CentrumAir va Qanot Sharq aviakompaniyalari Toshkent va Dubay o‘rtasida bir qator aviaqatnovlarni amalga oshirgandi. «Dunyo» axborot agentligi esa bu jarayondan keyin ikki...

Farmatsevtika sohasida ishlab chiqarish hajmi 8,5 trln so‘mga yetkazilishi belgilandi. Bu haqda prezident farmoni qabul qilindi.

Shuningdek, qiymati $1 mlrd bo‘lgan istiqbolli investitsiya loyihalarini shakllantirish, $800 mln qiymatidagi yangi investitsiya loyihalarini boshlash ham keltirib o‘tildi.

Farmonga ko‘ra, original dori vositalarining patent muddati tugagandan so‘ng 1 yil ichida texnologiyalar transferi xarajatlarining 50 foizi, lekin $50 mingdan ko‘p bo‘lmagan qismi yoki mahsulotni yaratishdagi ilmiy tadqiqot xarajatlarining 50 foizi, lekin $100 mingdan ko‘p bo‘lmagan qismi qoplanadi.

Shu bilan birga, 2027-yil 1-yanvardan esa GMP sertifikatiga ega korxonalar biologik faol qo‘shimchalarni ishlab chiqarishga ruxsat oladi.

Avvalroq «Kursiv» nashri O‘zbekistonda Milliy biofarmatsevtika ilmiy-tadqiqot instituti tashkil...

Zakot berish vaqti Ramazon oyiga bog‘liq emas. Muhimi, insonning mablag‘i nisob miqdoriga yetishi va o‘sha kundan boshlab bir yil o‘tishida. Bu haqda O‘zbekiston musulmonlari idorasi Fatvo markazi bosh mutaxassislari Abdug‘ofur domla Niyozqulov va Habibulloh domla Abdulg‘affor ma’lumot berdi.

«Har bir mo‘min-musulmon odam o‘zini, misol uchun, nisobga yetgan, ya’ni mablag‘i o‘sha hojati asliyasidan tashqari mablag‘i nisobga yetgan vaqtini e’tiborga olib qo‘yishi kerak. Balki u Ramazondan oldin bo‘lishi ham mumkin. Ana shu yetgan vaqtdan boshlab bir yil aylansa, u odamga zakot chiqarishligi farz bo‘ladi. Garchi u Ramazondan oldin bo‘lsa ham yoki Ramazondan keyin bo‘lsa ham. Endi ko‘pchilik...

Joriy yilning yanvar va fevral oylarida O‘zbekistonda kriminogen vaziyatni barqarorlashtirish maqsadida o‘tkazilgan tezkor tadbirlar davomida 45 ta uyushgan jinoiy guruh faoliyati bartaraf etildi. Bu haqda Ichki ishlar vazirligi ma’lum qildi.

Respublika bo‘ylab jami 6 mingta maxsus tezkor tadbir, jumladan, 806 ta tonggi yo‘qlama va 2,8 mingta tintuv o‘tkazilgan. Natijada qidiruvda bo‘lgan 533 nafar shaxs ushlanib, javobgarlikka tortilgan. Ikki oy davomida jami 3,1 mingta jinoyat ishi qo‘zg‘atilib, 2,9 ming kishi ma’muriy javobgarlikka tortilgan va 980 nafar shaxsga nisbatan qamoq ehtiyot chorasi qo‘llanilgan.

Tadbirlar davomida 116 ta tovlamachilik, 86 ta qimorxona tashkil etish, 40 ta odam savdosi hamda fohishaxona saqlash va...

General Motors yangilangan 2027-yilgi Chevrolet Bolt elektromobilini taqdim etdi. GM Authority jamoasi Los-Anjelesda avtomobilni sinovdan o‘tkazib, uni haydab ko‘rdi va yangi model haqida xulosa berdi.

Yangilangan Bolt tashqi ko‘rinishi bilan avvalgi modeldan ancha zamonaviy. Old va orqa qismi qayta ishlangan, yangi faralar avtomobilga zamonaviy ko‘rinish beradi. Model narxi ham nisbatan arzon hisoblanadi. Asosiy versiya taxminan $29 mingdan boshlanadi, to‘liq jihozlangan variant esa $40 mingga yaqin turadi.

Test-drayv davomida avtomobil boshqaruvi juda qulay ekani qayd etildi. Yangi elektr motor oldingisidan ham silliq ishlaydi va avtomobilni biroz tezroq qiladi. Tormoz tizimi ham to‘liq yangilangan. Oldingi Bolt modellari tormoz ishlashi bo‘yicha tanqid...

Honda kompaniyasi Xitoyda Honda HR‑V avtomobilining narxini keskin pasaytirdi. Model 109,9 ming yuan ($15 ming)dan taklif qilinmoqda.

Aksiya Dongfeng Honda tomonidan e’lon qilingan kampaniya doirasida HR-V bilan birga Honda Civic modeli ham maxsus moliyaviy shartlar bilan sotilmoqda. Xaridorlarga besh yilgacha bo‘lgan bo‘lib to‘lash imkoniyati taklif etilmoqda. Kreditning dastlabki ikki yili 0 foiz stavkada beriladi. Bundan tashqari, taklifni davlat va hududiy trade-in subsidiyalari bilan ham birlashtirish mumkin.

Aksiya 31-martgacha amal qiladi. Eng katta chegirma aynan HR-V modeliga berildi. Endi krossover 109 900 – 125 900 yuan ($15 – 17,3 ming) oralig‘ida sotilmoqda. Avval uning rasmiy narxi...

O‘zbekistonga Tojikistondan kontrabanda yo‘li bilan olib kirilayotgan katta miqdordagi narkotik moddalar musodara qilindi. Bu haqda Davlat xavfsizlik xizmati xabar berdi.

Birinchi holat Sirdaryo viloyatida qayd etildi. «O‘zbek – tojik» davlat chegarasining Xovos tumani, Sharqobod mahallasi hududidan o‘tuvchi qismida tojikistonlik narkokuryerlar tomonidan chegaradagi sim to‘siqlar ustidan uloqtirilgan 6 ta sumkani qabul qilib olayotgan vaqtida 1983 va 1990-yillarda tug‘ilgan ikki nafar mahalliy fuqaro chegara naryadi tomonidan qo‘lga olindi.

Sumkalar xolislar ishtirokida ko‘zdan kechirilganda, ularning ichida 8 kg 314 gramm geroin va 54 kg 458 gramm opiy (pishmagan ko‘knori) borligi aniqlandi.

Ikkinchi holat Surxondaryo viloyatining Sariosiyo tumanida aniqlangan. Tezkor tadbir davomida tumandagi...

Tijorat banklari tomonidan 10-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Angliya kubogi chorak final bahslariga qur’a tashlandi. Musobaqaning markaziy o‘yinida «Manchester Siti» va «Liverpul»ni kuch sinashadi.

Xosep Gvardiola shogirdlari nimchorak finalda «Nyukasl»ni 3:1 hisobida mag‘lub etib, keyingi bosqichga yo‘llanma olgan edi. Ularning raqibi «Liverpul» ham xuddi shunday hisobda «Vulverhempton» ustidan g‘alaba qozongan. Aprel oyida bo‘lib o‘tadigan ushbu to‘qnashuv turnirning yarim final ishtirokchilarini aniqlab beradi.

Qur’a natijalariga ko‘ra, uchinchi liga autsayderi «Port Veyl» o‘z maydonida «Chelsi»ga qarshi o‘ynaydi. Premyer-liga peshqadami «Arsenal» esa Chempionship vakili «Sautgempton» bilan mehmonda kuch sinashadi. «Lids» esa «Vest-Hem»ga qarshi maydonga chiqadi.

«Manchester Siti»ni mart va aprel oylarida o‘ta murakkab va tig‘iz uchrashuvlar kutib turibdi. Jamoa...

Volkswagen kompaniyasi Xitoy uchun yangi Volkswagen ID. Unyx 08 elektromobilini taqdim etdi. Bu haqda Motor1 portali xabar bermoqda.

Model faqat Xitoy bozorida sotiladi. Avtomobilni boshqa mamlakatlarda chiqarish rejalashtirilmagan. Yangi elektromobil salonida katta ekranlar asosiy rolni o‘ynaydi. Markaziy konsolda deyarli tugmalar yo‘q. Ularning o‘rnini 14,96 dyuymli ikkita sensor ekran egallagan. Ushbu displeylar 2.4K aniqlikda ishlaydi.

Shuningdek, haydovchi uchun 10,25 dyuymli alohida raqamli panel ham mavjud. Rul va eshiklarda esa oddiy boshqaruv tugmalari saqlab qolingan.

Avtomobilning yana bir muhim jihati – katta panoramali tom. Uning maydoni 1,74 kv metrni tashkil qiladi. Shisha qorayishini ovozli buyruq yoki sensor ekran orqali 10 xil...

Rossiyada amaliy va oilaviy krossoverlardan biri bo‘lgan Chevrolet Captiva avtomobili yana savdoga qaytdi. Bu haqda «Avtonovostidnya» nashri xabar bermoqda.

Model Rossiya bozoriga BAA orqali olib kelinmoqda. Narxi esa taxminan 2,15 mln rubldan boshlanadi. Yangi Captiva besh va yetti o‘rindiqli versiyalarda taklif qilinyapti. Eng arzon taklif Tver shahrida qayd etilgan. U yerda yetti o‘rindiqli Premier komplektatsiyasidagi avtomobilni 2,15 mln rubl ($23,5 ming)ga olib kelish mumkin.

Mazkur komplektatsiyada charm salon, charm rul, LED optika, iqlim nazorati va kruiz nazorati mavjud. Shuningdek, atrofni ko‘rish kameralari, parktroniklar, kalitsiz kirish tizimi va AutoHold funksiyali elektron qo‘l tormozi ham bor. Multimedia tizimi vertikal...

Google Play foydalanuvchilarni batareyani tez sarflaydigan ilovalar haqida ogohlantira boshladi. Bu haqda kompaniya rasmiy sahifasida xabar berdi.

Unga ko‘ra, Play Store’da yangi funksiyani joriy etilmoqda, u Android dasturlarining energiya sarfi yuqori bo‘lsa, bu haqda foydalanuvchilarga oldindan xabar beradi.

Yangi ogohlantirishlar 2026-yil 1-martdan boshlab bosqichma-bosqich ishga tushirilmoqda. Tizim bir necha hafta davomida barcha foydalanuvchilar uchun faol bo‘ladi.

Ilova sahifasida maxsus ogohlantirish paydo bo‘ladi

Agar dastur fon rejimida batareyani haddan tashqari ko‘p sarflasa, uning sahifasida quyidagicha xabar chiqadi:

«Bu ilova fon rejimida yuqori faollik sabab kutilganidan ko‘proq batareya sarflashi mumkin».

Bu ogohlantirish foydalanuvchilarga ilovani o‘rnatishdan...

«Kruzeyro» va «Atletiko Mineyro» o‘rtasida bo‘lib o‘tgan uchrashuv futbol tarixidagi eng keskin o‘yinlardan biriga aylandi. Braziliyaning Belo Horizonte shahrida o‘tkazilgan bahs oxirida maydonda ommaviy janjal yuzaga kelib, bosh hakam bir yo‘la 23 nafar futbolchiga qizil kartochka ko‘rsatdi, deya yozmoqda Globo sayti.

O‘yin yakunida janjal boshlandi

Mineyro ligasi finalida o‘tgan uchrashuvda hisobni ikkinchi bo‘lim boshida «Kruzeyro» hujumchisi ochdi. Shundan keyin «Atletiko Mineyro» jamoasi hisobni tenglashtirishga urindi, biroq ko‘plab hujumlarga qaramay gol ura olmadi.

Uchrashuvning so‘nggi daqiqalarida vaziyat keskinlashdi. «Kruzeyro» futbolchisining raqib darvozaboni bilan to‘qnashuvi janjalga sabab bo‘ldi. Darvozabon raqibini yiqitib yuborganidan keyin maydonga boshqa futbolchilar ham yugurib chiqdi va...

Chevrolet Traverse’ning 2026-yilgi modeli yangi rang bilan taqdim etildi. Avtomobil ishlab chiqaruvchisi model qatorini yangilab, krossover uchun Polar White Tricoat nomli yangi bo‘yoq variantini qo‘shdi. Bu haqda GMAuthority nashri xabar berdi.

Yangi rang avtomobilning barcha komplektatsiyalarida taklif etiladi va qo‘shimcha $995 turadi. Bu esa uni model uchun mavjud bo‘lgan ranglar orasida eng qimmat variantga aylantiradi.

Ranglar palitrasi kengaytirildi

2026-yilgi Traverse uchun jami sakkiz xil tashqi rang mavjud. Ular orasida ikkita yangi rang ham bor:

Kursiv Uzbekistan 9-mart kuni e’lon qilingan yangiliklarning muhimlarini bir joyga jamladi.

Mojtaba Xomanaiy Eronning yangi oliy rahnamosi

Eronda 88 nafar yuqori martabali shia ulamolaridan iborat kengash marhum Ali Xomanaiyning o‘g‘li Mojtabani mamlakatning uchinchi oliy rahnamosi etib sayladi. Bu haqda Reuters xabar bermoqda. AQSh prezidenti Donald Tramp yangi rahbar saylanishiga munosabat bildirib, «Agar u bizning ma’qullovimizni olmasa, uzoqqa bormaydi», – deya ta’kidladi.

Toshkent havosi eng ifloslangan shaharlar o‘nligiga kirdi

9-mart kuni Toshkent shahrida havo ifloslanish darajasi Jahon sog‘liqni saqlash tashkiloti (JSST) tavsiya qilgan me’yordan 12,5 barobarga yuqoriladi. Bu haqda IQAir portali ma’lum qildi. IQAir portali...

10-mart, seshanba kuni muborak Ramazon oyining yigirmanchi kuni bo‘lib, Toshkent shahrida saharlikning tugashi soat 5:26 ni tashkil qiladi. Iftorlik esa 18:28 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan:

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ’ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan 6-mart kuni saharlik va iftorlik vaqti haqida yozgandi.