Yangiliklar

Great Wall Motors kompaniyasiga qarashli Wey brendi 9-mart kuni o‘zining yangi Wey V9X katta hajmli yo‘ltanlamasini namoyish qildi. Ushbu avtomobil kompaniyaning GWM One platformasida ishlab chiqarilgan birinchi modeliga aylandi.

Yangi avtomobilning uzunligi 5,3 ming mm, kengligi 2 ming mm va balandligi 1,8 ming mmni, g‘ildiraklar bazasi esa 3,1 ming mmni tashkil etadi. Transport vositasi 2,0 litrli turbodvigatelga ega plagin-gibrid tizimi bilan jihozlangan bo‘lib, dvigatelning maksimal quvvati 175 kilovattga teng. Mashina faqat elektr quvvati bilan modifikatsiyasiga qarab 240 va 363 kilometr masofa bosa oladi.

Avtomobilning eng yuqori tezligi soatiga 210 kmgacha yetadi. U to‘liq elektr rejimida 100 km/soat tezlikka...

9-mart kuni Avstraliyada bo‘lib o‘tayotgan 2026-yilgi ayollar Osiyo kubogi 3-turida O‘zbekiston terma jamoasi Bangladesh ustidan 4:0 hisobida g‘alaba qozondi. Ushbu natija evaziga o‘zbekistonlik futbolchilar o‘z tarixida birinchi marta musobaqaning chorak final bosqichiga yo‘l oldi.

Birinchi bo‘limning 10-daqiqasida Diyoraxon Habibullayeva hisobni ochdi. Ikkinchi taym ancha sermahsul o‘tdi. Xususan, 62 va 66-daqiqalarda Dildora Nozimova dubl qayd etib, hisobni 0:3 ko‘rinishiga keltirdi. 88-daqiqa Nilufar Qudratova o‘yinga yakuniy nuqtani qo‘ydi – 0:4.

O‘zbekiston vakillari «B» guruhida jami 3 ochko to‘plab, yakuniy jadvalda uchinchi o‘rinni band etdi. Guruhda Xitoy terma jamoasi 100 foizlik natija qayd etib, 9 ochko bilan birinchi o‘rinni egalladi. Shimoliy Koreya...

Qozog‘istonning Shuchinsk shahridagi Osh markazi kafesida gaz aralashmasi portlashi oqibatida jabrlangan yana ikki kishi hayotdan ko‘z yumdi va qurbonlarning umumiy soni 11 nafarga yetdi.

Akmo‘la viloyati sog‘liqni saqlash boshqarmasi rahbari Nariman Yermekning ma’lum qilishicha, shifokorlarning barcha sa’y-harakatlariga qaramay, o‘ta og‘ir ahvoldagi ikki bemorni saqlab qolish imkoni bo‘lmagan.

«8-mart kuni Avitsenna-Burabay stansionarining reanimatsiya bo‘limida, 9-mart kuni esa Ko‘kshetau shahridagi Akmo‘la ko‘p tarmoqli viloyat shifoxonasida davolanayotgan bemor olamdan o‘tdi», – dedi boshqarma rahbari.

Boshqarma xabariga ko‘ra, shifokorlar jabrlanganlarning hayoti uchun kurashni davom ettirmoqda. Bemorlarga barcha tibbiy, kadrlar va texnik resurslarni jalb qilgan holda to‘liq hajmda yordam...

Ijtimoiy tarmoqlarda Erondagi neft obyektlariga qilingan hujumlardan so‘ng shakllangan kislotali bulutlar Markaziy Osiyoga yetib kelishi mumkinligi haqida xabarlar tarqaldi. «O‘zgidromet» ushbu ma’lumotlarni qat’iyan rad etib, ular hech qanday ilmiy asosga ega emasligini ta’kidladi.

Kislotali yog‘inlar atmosferada oltingugurt oksidlari (SO₂) va azot oksidlari (NO₂) uzoq vaqt to‘planib, bulutlarda suv bug‘i bilan kimyoviy reaksiyaga kirishishi natijasida hosil bo‘ladi. Bunday jarayonlar, asosan, yirik sanoat hududlari hamda to‘g‘ridan to‘g‘ri chiqindi manbalari yaqinida kuzatiladi.

Havo massalari uzoq masofalarga ko‘chishi jarayonida ifloslantiruvchi moddalar konsentratsiyasi turbulentlik va aralashish hisobiga keskin kamayadi. Shu sababli manbadan minglab kilometr uzoqlikda xavfli darajadagi kislotali yog‘inlar shakllanishi deyarli mumkin emasligi qayd...

Rossiyaning Moskva viloyatida bor-yo‘g‘i 13 ming kilometr masofa bosib o‘tgan 1996-yilgi Vaz-2106 avtomobili sotuvga qo‘yildi. Uning narxi 1,5 mln rubl (230 mln so‘m) etib belgilangan.

Sotuvchining ta’kidlashicha, avtomobil shu vaqtga qadar faqat bitta egaga xizmat qilgan. Asl egasi vafot etganidan so‘ng merosxo‘rlar mashinani o‘z nomlariga rasmiylashtirmagan. So‘nggi 20 yil davomida sedan yopiq avtoturargohda saqlangan va osma tizimga og‘irlik tushmasligi uchun maxsus tirgaklar ustiga qo‘yilgan.

Dvigatel uzoq muddatli saqlashdan keyin ham hech qanday muammosiz ishga tushgan. Sotuvchi avtomobilni kolleksionerlar uchun qiziqarli variant deb hisoblamoqda. Ma’lumot uchun, ushbu mablag‘ga Rossiyada o‘rtacha komplektatsiyadagi yangi Lada Iskra xarid qilish mumkin.

Mashina kapoti ostida...

8-mart kuni Germaniyaning g‘arbiy hududlarida meteorit qulashi kuzatildi va uning parchalari qator turarjoy binolariga zarar yetkazdi. Bu haqda DW xabar bermoqda.

Politsiya ma’lumotlariga ko‘ra, soat 19:00 atrofida Reynland-Pfals yeri, xususan, Koblens shahri hamda Xunsryuk va Ayfel tog‘ massivlarida uylarning tomlari shikastlangan. Koblensning Gyuls tumanidagi uylardan birining tomiga yongan osmon jismi qulagan.

Shu kuni kechqurun Quyi Saksoniya, Gessen, Saar, Baden-Vyurtemberg va boshqa hududlar aholisi osmonda yorqin nurli obyektni ko‘rgan. Qator fuqarolar buni raketa parvozi deb taxmin qilishgan. Kayzerslautern huquq-tartibot idoralari aholi xavfsizligiga hech qanday tahdid yo‘qligini ta’kidladi.

Eslatib o‘tamiz, 2024-yil yanvarida Berlin atrofida diametri qariyb 1 metr bo‘lgan meteorit...

9-mart kuni O‘zbekistonning bir qator hududlari hamda tog‘li zonalarda shamol tezligi 15 – 20 m/s gacha kuchayishi kutilmoqda. Bu haqda Gidrometeorologiya xizmati agentligi ma’lum qildi.

Qoraqalpog‘iston Respublikasi, shuningdek, Xorazm, Buxoro, Navoiy, Samarqand, Jizzax, Qashqadaryo, Surxondaryo va Farg‘ona viloyatlarining ayrim joylarida shamol tezligi 15-20 m/s gacha kuchayishi mumkin. Ba’zi joylarda shamol tezligi 22-25 m/s gacha yetib, chang-to‘zonlar yuzaga kelishi mumkin.

Shamolning asosiy kuchayishi, asosan, kunduzgi vaqtga to‘g‘ri kelishi ta’kidlangan. Toshkent shahrida ham ob-havo o‘zgarishi kutilmoqda. Poytaxtda kechasi shamol tezligi 10-12 m/s gacha kuchayishi ehtimoli mavjud.

Avvalroq Kursiv Uzbekistan bahorning ilk kunida O‘zbekistonning qaysi hududlarida qor yog‘ishi haqida xabar bergan...

Zeekr kompaniyasi o‘zining yangi 8X plagin-gibrid krossoveri interyerini rasman namoyish etdi. Bu haqda IT-home xabar bermoqda.

Yangi Zeekr 8X interyerida markaziy axborot ekrani va old yo‘lovchi uchun maxsus displeydan iborat qo‘sh ekranli tizim mavjud. Orqa o‘rindiq yo‘lovchilari uchun tomga o‘rnatilgan ko‘ngilochar ekran hamda Britaniyaning Naim kompaniyasiga tegishli audio tizimi taqdim etilgan. Shuningdek, salon panelida o‘rindiqlarni isitish, ventilyatsiya va massaj qilish funksiyalari uchun jismoniy tugmalar joylashtirilgan.

Avtomobilning uzunligi 5,1 ming mm va g‘ildiraklar bazasi 3 ming mm ni tashkil etadi. Model CATL va Geely qo‘shma korxonasi tomonidan ishlab chiqarilgan 55,1 kVt/soat hamda 70 kVt/soat sig‘imli akkumulyatorlar bilan taklif qilinadi. Ular...

9-mart kuni Toshkent shahrida havo ifloslanish darajasi Jahon sog‘liqni saqlash tashkiloti (JSST) tavsiya qilgan me’yordan 12,5 barobarga yuqoriladi. Bu haqda IQAir portali ma’lum qildi.

IQAir portali ma’lumotlariga ko‘ra, Toshkent havosining ifloslanish darajasini 156 AQI deb qayd etildi. Havo tarkibidagi PM2.5 zarrachalari konsentratsiyasi JSSTning o‘rtacha yillik tavsiya etilgan me’yoridan 12,5 barobar yuqori bo‘lgan.

Dunyodagi havosi eng ifloslangan shaharlar ro‘yxatida Pokistonning Lahor shahri 341 AQI ko‘rsatkichi bilan birinchi o‘rinni egalladi. Undan keyingi o‘rinlarda Nepalning Katmandu (202 AQI) va Bangladeshning Dakka (200 AQI) shaharlarida havo sifati pasaygani qayd etildi.

Toshkent ushbu reytingda 156 AQI ko‘rsatkichi bilan beshinchi o‘rinni egallagan. O‘xshash ifloslanish darajasi...

Xitoyning Vivo kompaniyasi katta sig‘imli akkumulyator va zarbaga chidamli korpusga ega yangi Y37+ smartfonini taqdim etdi.

Vivo Y37+ smartfoni 6,74 dyuymli IPS-displey bilan jihozlangan bo‘lib, u 1600×720 pikselli ruxsat va 90 Gts yangilanish chastotasiga ega. Qurilma MediaTek Dimensity 6300 protsessori, 8 GB tezkor hamda 256 GB doimiy xotira asosida ishlaydi.

Smartfonning o‘ziga xos xususiyatlaridan biri uning 6000 mA/soat sig‘imli akkumulyatoridir. Ishlab chiqaruvchining ta’kidlashicha, batareya 1600 ta quvvatlash va quvvatsizlanish siklidan keyin ham o‘z sig‘imining kamida 80 foizini saqlab qoladi. Shuningdek, qurilma 44 Vt tezkor quvvatlash texnologiyasini qo‘llab-quvvatlaydi.

Plastikdan ishlangan korpus tushib ketishga chidamlilik bo‘yicha SGS kompaniyasining besh yulduzli sertifikatini...

Xitoyning Chery kompaniyasiga qarashli Exeed premium brendi 2026-yil 8-mart kuni ommaviy ishlab chiqarishga kirgan EX7 modelining rasmiy interyer suratlarini taqdim etdi. Bu haqda CarNewsChina xabar bermoqda.

Avtomobil saloni raqamli texnologiyalarga asoslangan bo‘lib, 30 dyuymli integratsiyalashgan displey va haydovchi uchun alohida LCD uskunalar panelini o‘z ichiga oladi. Old yo‘lovchi o‘rindig‘i zero-gravity funksiyasiga ega bo‘lib, interyer qora va jigarrang ranglar uyg‘unligida ishlangan.

EX7 modeli E0X yuqori kuchlanishli platformasida ishlab chiqilgan bo‘lib, to‘liq elektr hamda gibrid versiyalarda taklif etiladi. To‘liq elektr modifikatsiyasi jami 353 kVt quvvatga va 97,68 kVt/soat sig‘imli batareyaga ega, uning yurish zaxirasi 726 km gacha yetadi. Gibrid versiyasi esa...

Eronda 88 nafar yuqori martabali shia ulamolaridan iborat kengash marhum Ali Xomanaiyning o‘g‘li Mojtabani mamlakatning uchinchi oliy rahnamosi etib sayladi. Bu haqda Reuters xabar bermoqda.

AQSh prezidenti Donald Tramp yangi rahbar saylanishiga munosabat bildirib, «Agar u bizning ma’qullovimizni olmasa, uzoqqa bormaydi», – deya ta’kidladi.

Mintaqadagi ziddiyatlar sababli global bozorda neft narxi keskin oshdi. Brent markali neft narxi 17 foizga qimmatlab, bir barrel uchun $108,7 ga yetdi. AQSh xom nefti fyucherslari esa 20 foizdan ko‘proqqa o‘sib, 2022-yilning iyulidan beri eng yuqori ko‘rsatkichni qayd etgan.

Ayni paytda AQSh harbiylari Eronning o‘tgan haftadagi hujumlari oqibatida yettinchi amerikalik harbiy halok bo‘lganini tasdiqladi...

8-mart kuni Tailandda boks bo‘yicha xalqaro Futures Cup musobaqasiga start berildi. Turnirning dastlabki kunida O‘zbekiston terma jamoasining 4 nafar a’zosi o‘z raqiblarini mag‘lub etib, navbatdagi bosqichga o‘tdi. Bu haqda O‘zbekiston boks federatsiyasi xabar bermoqda.

Ayollar o‘rtasida -54 kg vazn toifasida ishtirok etayotgan Sabrina Chakomanova xitoylik Vang Yaorunyu bilan kuch sinashdi. Qizg‘in kechgan bahs yakunida o‘zbekistonlik sportchi 3:2 hisobida zafar quchdi va terma jamoa uchun dastlabki g‘alabani taqdim qildi.

Erkaklar o‘rtasidagi bahslarda ham ijobiy natijalar qayd etildi. Xususan, -50 kg vaznda Abdug‘ani Yorqinjonov armanistonlik Tigran Kirakosyanni, -60 kg vaznda esa Bobomurod Boymirzayev gonkonglik Jefet Ordonezni bir xil — 5:0 hisobida...

Spark elektromobilining O‘zbekistondagi kelajagi, Saida Mirziyoyeva ayollarni qutladi — hafta davomida e’lon qilingan muhim yangiliklar Kursiv Uzbekistan dayjestida.

Yangi Chevrolet Spark elektromobili O‘zbekistonda ishlab chiqariladimi

General Motors (GM) kompaniyasi tomonidan taqdim etilgan yangi Chevrolet Spark elektromobili Lotin Amerikasining ayrim davlatlarida sotuvga chiqdi. Kursiv Uzbekistan modelning kelajakdagi rejalari va mahalliy bozorda qachon chiqishi yuzasidan «O‘zavtosanoat» AJ matbuot xizmatiga so‘rov yubordi.

Kompaniyaning qayd etishicha, hozirgi vaqtda GM kompaniyasi Chevrolet Spark modelini butunlay yangilab, 2026-yil uchun Spark EUV Activ deb nomlangan yangi elektr versiyasini taqdim etdi. Ushbu yangi model dastlab Braziliya bozorida sotuvga chiqarilishi rejalashtirilgan. Biroq yangilangan Chevrolet Spark elektromobilini O‘zbekistonda sotish va...

CarNewsChina nashri tomonidan Huawei va SAIC Motor hamkorligida yaratilgan Saic H5 avtomobili test-drayv qilindi. Modelning taxminiy narxi $22 mingni tashkil etadi.

Saic H5 HIMA platformasining yangi strategiyasini namoyish qiladi. Avvalgi HIMA modellarining ko‘pi premium segmentga mo‘ljallangan edi. H5 esa nisbatan arzon narx bilan keng auditoriyani jalb qilishga qaratilgan.

Max EREV versiyasi 179 800 yuan atrofida baholanadi va unda Huawei’ning zamonaviy avtonom haydash tizimi – Huawei ADS 4.0 qo‘llaniladi. Bu tizim avtomobilni murakkab shahar sharoitida ham mustaqil boshqarish imkonini beruvchi sensor va sun’iy intellekt algoritmlariga asoslangan.

Tashqi dizayn va o‘lchamlar

Saic H5 o‘rta o‘lchamli krossover segmentiga kiradi. Avtomobil uzunligi...

GM tomonidan Chevrolet Bolt elektromobilini xarididagi kredit uchun chegirma e’lon qilindi. Bu haqda GMAutority xabar bermoqda. Takliflar 31-martgacha amal qiladi.

Kompaniya yangi 2027-yilgi Bolt elektromobili uchun past foizli moliyalashtirish dasturini taklif qilmoqda. Kredit shartlariga ko‘ra, avtomobilni 36 oy muddatga 0,9 foiz stavkada rasmiylashtirish mumkin. 48 oyga kredit olinganda stavka 1,9 foizni tashkil etadi. 60 oyga kredit uchun 2,9 foiz, 72 oyga 3,9 foiz, 84 oyga esa 4,9 foiz stavka belgilangan. Kredit faqat GM Financial orqali beriladi.

Yangi Bolt AQSh bozoridagi eng arzon elektromobillardan biri hisoblanadi. Model ikki komplektatsiyada taklif etiladi. LT versiyasining boshlang‘ich narxi $28,9 ming, RS versiyasi esa...

O‘zbekistonning 18 yoshgacha bo‘lgan xokkey terma jamoasi jahon chempionatining uchinchi divizioni «A» guruhida g‘olib bo‘ldi. Musobaqa Gonkong shahrida bo‘lib o‘tdi.

Hal qiluvchi uchrashuvda O‘zbekiston terma jamoasi Isroil U18 xokkey terma jamoasi ustidan 6:3 hisobida g‘alaba qozondi va turnir oltin medallarini qo‘lga kiritdi.

Musobaqa davomida o‘zbekistonlik xokkeychilar barcha besh o‘yinda g‘alaba qozondi. Natijada jamoa keyingi mavsumda ikkinchi divizionning «B» guruhida ishtirok etish huquqini qo‘lga kiritdi.

Sportchilar ushbu muhim g‘alabani 8-mart bayramiga bag‘ishladi. Terma jamoani tantanali kutib olish marosimi 10-mart kuni Toshkent xalqaro aeroportida o‘tkazilishi rejalashtirilgan.

Kursiv Uzbekistan nashri AQSh 46 yildan keyin yana xokkey bo‘yicha Olimpiya chempioniga aylangani haqida...

General Motors (GM) kompaniyasi Chevrolet Blazer avtomobilining dvigatelidagi muammoga yechim chiqardi. Bu haqda GMAutority nashri xabar bermoqda.

Kompaniya 2026-yil fevral oyida yangi texnik xizmat byulletenini e’lon qildi. Hujjat PIP6101A raqami bilan chiqarilgan. U 2025 va 2026-yilgi Blazer modellarida kuzatilgan dvigatelning yuqori qismidagi g‘alati tovush muammosiga bag‘ishlangan.

Ma’lumotlarga ko‘ra, muammo ishlab chiqarish jarayonida dvigatel ichiga tushib qolgan mayda metall qoldiqlari bilan bog‘liq. Bu zarrachalar gidravlik klapan sozlagichiga tushib qoladi. Natijada detal moy bilan to‘liq ishlamaydi va klapan mexanizmida ortiqcha bo‘shliq paydo bo‘ladi. Aynan shu holat dvigateldan eshitiladigan tovushga sabab bo‘ladi.

Mazkur muammo ayniqsa 2 litrli turbo dvigatel bilan jihozlangan Blazer...

Milliy statistika qo‘mitasi ma’lumotlariga ko‘ra, 2026-yil yanvar oyida O‘zbekistonning tashqi savdo aylanmasida eksport hajmi $1,7 mlrdni tashkil etdi. Bu ko‘rsatkich o‘tgan yilning shu davriga nisbatan 26,7 foizga oshgan.

Statistikaga ko‘ra, O‘zbekiston mahsulotlari eng ko‘p Rossiya bozoriga eksport qilingan. Mazkur davlatga $325,8 mlnlik mahsulot yetkazib berilgan. Ikkinchi o‘rinda Xitoy turibdi. Bu mamlakatga eksport hajmi $178,1 mlnni tashkil qilgan.

Shuningdek, Afg‘oniston ham O‘zbekiston eksportida muhim o‘rin egallagan. Ushbu davlatga $136,7 mlnlik mahsulot yuborilgan. Yevropa davlatlari orasida esa Fransiya yetakchi bo‘lib, bu mamlakatga eksport $103,6 mlnni tashkil etgan.

Turkiyaga $84,3 mln, Qozog‘istonga esa $81,6 mln miqdorida mahsulot eksport qilingan. Markaziy Osiyo davlatlaridan...

AnTuTu platformasi fevral oyi uchun eng kuchli Android smartfonlari reytingini e’lon qildi. Natijalar fevral oyi davomida o‘tkazilgan testlarning o‘rtacha ko‘rsatkichlari asosida tuzilgan.

Reytingda birinchi o‘rinni Honor Power 2 egalladi. Qurilma AnTuTu testida o‘rtacha 2,2 mln ball to‘plagan. Smartfon MediaTek Dimensity 8500 Elite protsessori asosida ishlaydi. Chip Cortex-A725 yadrolari arxitekturasiga ega bo‘lib, yuqori ishlash tezligi bilan ajralib turadi.

Modelning asosiy xususiyatlaridan biri — juda katta batareya. Qurilma 10 080 mA/soat sig‘imli akkumulyator bilan jihozlangan. Shunga qaramay, smartfon korpusi atigi 7,98 mm qalinlikdan iborat.

Reytingda ikkinchi va uchinchi o‘rinlarni Oppo Reno 15 Pro hamda Oppo Reno 15 egalladi. Ularning natijalari mos...

Prezident Administratsiyasi rahbari Saida Mirziyoyeva O‘zbekiston ayollar va xotin-qizlarni 8-mart bayrami bilan qutladi. U o‘zining Telegram-kanalida post joyladi.

Mirziyoyevaning ta’kidlanishicha, zamonaviy jamiyatda ayollar faqat oilada emas, balki davlat va jamiyat hayotining barcha sohalarida faol ishtirok etmoqda. Bugun ular IT va texnologiyalar, biznes, ilm-fan, sport va boshqa ko‘plab yo‘nalishlarda yetakchi sifatida namoyon bo‘layotir.

Ayollar yetakchiligining kengayishi jamiyat rivojiga ham katta hissa qo‘shadi. Bu kuchli iqtisodiyot shakllanishiga xizmat qiladi va o‘zaro hurmatga asoslangan mustahkam oilalarni yaratishga yordam beradi.

Unga ko‘ra, ayollarning faol va teng huquqli ishtiroki insonlarning ertangi kunga bo‘lgan ishonchini oshiradi. Bu esa mamlakat tinchligi va barqarorligini mustahkamlashga xizmat qiladi.

2026-yil avtomobil bozori uchun muhim davr bo‘lishi kutilmoqda. Ishlab chiqaruvchilar endi faqat elektromobillarga tayanmayapti. Ko‘plab kompaniyalar gibrid, plug-in gibrid va zamonaviy ichki yonuv dvigatelli modellarga ham e’tibor qaratmoqda. Motor1 portali 2026-yilda taqdim etiladigan eng yaxshi yangi avtomobillar ro‘yxatini tuzdi.

Audi RS6

Audi RS6 Avant modelining yangilangan versiyasi 2026-yilda taqdim etilishi kutilmoqda. Yangi avtomobil plug-in gibrid tizim bilan jihozlanishi mumkin.

Model V8 dvigatelga ega bo‘lishi taxmin qilinmoqda. Uning umumiy quvvati 700 ot kuchidan oshishi mumkin. Tashqi dizaynda ham sezilarli o‘zgarishlar bo‘ladi. Old qism qayta ishlanadi va orqa tomonda yangi egzoz tizimi paydo bo‘ladi.

Bentley yangi elektr SUV ustida...

Kanada bosh vaziri Mark Karni Buyuk Britaniya qiroli Charlzga murojaat qilib, uning ukasi Endryu Mauntbetten-Vindzorni taxt vorisligi ro‘yxatidan chiqarishni taklif etdi. Karni bu bayonotni Tokio shahrida jurnalistlar bilan uchrashuvda aytgan.

Uning so‘zlariga ko‘ra, Endryuning harakatlari qattiq tanqidga loyiq va u vorislik ro‘yxatidan chiqarilishi kerak. Kanada bosh vaziri Endryu hozir taxt navbatida ancha uzoqda ekanini tan oldi. Biroq u bu masala prinsipial ahamiyatga ega ekanini ta’kidlagan.

2025-yil oktabr oyida Endryu Mauntbetten-Vindzor jiddiy mojaro ortidan barcha qirollik unvonlaridan mahrum qilingan edi. Mojaro uning amerikalik milliarder Jeffri Epshteyn bilan aloqalari bilan bog‘liq bo‘lgan. Shunga qaramay, sobiq shahzoda hali ham Britaniya taxti vorisligi ro‘yxatida...

Xitoyning BYD kompaniyasi 5 daqiqalik tez zaryadlash tarmog‘ini kengaytiradi. Bu haqda CarNewsChina nashri xabar bermoqda. Kompaniya yil oxirigacha mamlakat bo‘ylab 20 mingta megavatt darajasidagi zaryadlash stansiyasini ishga tushirishni maqsad qilgan.

Bu reja ikkinchi avlod Blade Battery batareyasi taqdimotidan keyin e’lon qilindi. Kompaniya vakillariga ko‘ra, yangi tizim elektromobillarni juda qisqa vaqt ichida zaryadlash imkonini beradi. Yangi Megawatt Flash Charge 2.0 texnologiyasi yordamida avtomobil batareyasi 10 foizdan 70 foizgacha atigi 5 daqiqada zaryad oladi. Bu esa elektromobilni tez to‘ldirish bo‘yicha an’anaviy batareya almashtirish tizimlariga yaqin natija hisoblanadi.

Masalan, NIO kompaniyasi batareya almashtirish texnologiyasi bilan mashhur. Ularning stansiyalarida batareya odatda 3 daqiqada...