Yangiliklar

Xiaomi kompaniyasi yangi foto-flagman Xiaomi 17 Ultra smartfonini kelasi dushanba kuni, 15-dekabr sanasida rasman taqdim etadi. Qurilma savdosi Xitoyda 25-dekabr kuni boshlanishi kutilmoqda.

Xiaomi 17 Ultra Snapdragon 8 Ultra Gen 5 protsessori bilan jihozlanadi. U mazkur platformada 1 dyuymli kamera sensori o‘rnatilgan yagona flagman bo‘lishi aytilmoqda. Smartfon tekis displeyga ega bo‘ladi. Ekranda energiya sarfini kamaytiruvchi va 2K dan yuqori aniqlikni ta’minlovchi yangi texnologiya qo‘llanadi. Qurilmada ekran ostiga joylashtirilgan ultratovushli barmoq izi skaneri ham bo‘ladi.

Yangi flagman taxminan 7000 mA/soat sig‘imli batareya bilan ta’minlanadi. Sim orqali quvvatlash quvvati 100 Vtni, simsiz quvvatlash esa 80 Vtni tashkil etadi. Smartfon IP68 darajasida...

Og‘ir jinoyatlarda ayblanib, xalqaro qidiruvda bo‘lgan «Gryaz» laqabli jinoiy uyushma yetakchisi O‘zbekistonga ekstraditsiya qilindi. Bu haqda Ichki ishlar vazirligi xabar berdi.

Uning qo‘lga olinishi va vataniga qaytarilishi 5-dekabr kuni Ichki ishlar vazirligi, Davlat xavfsizlik xizmati hamda O‘zbekistonning Istanbuldagi Bosh konsulxonasi hamkorligida amalga oshirilgan.

Ma’lumotlarga ko‘ra, mazkur shaxs 2023-yilda Toshkent shahrining Yashnobod tumani ichki ishlar bo‘limi tomonidan qidiruvga berilgan.

Unga nisbatan bir nechta jinoyat moddalari bo‘yicha ish qo‘zg‘atilgan. Ular orasida o‘ldirish bilan tahdid qilish, bosqinchilik, tovlamachilik, mulkka qasddan zarar yetkazish hamda jinoiy uyushma tashkil etish ayblovlari bor.

Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Ozarbayjon Bosh prokuraturasi...

Samsung kompaniyasi Samsung Galaxy A seriyasidagi smartfonlar narxini oshirishga tayyorlanmoqda. Bu haqda Sammobile xabar bermoqda. Narxlar avvaliga Hindistonda ko‘tariladi. Keyinchalik boshqa bozorlarda ham narxlar qayta ko‘rib chiqilishi mumkin.

Hindistonda Galaxy A seriyasining aksariyat modellari narxi 1 ming hind rupiyasiga oshiriladi. Bu taxminan $11 ga teng. O‘zgarish deyarli butun Galaxy A qatoriga ta’sir qiladi.

Alohida ta’kidlanishicha, Galaxy A56 modeli eng ko‘p qimmatlashadi. Ushbu smartfon narxi 2 ming rupiyaga oshishi mumkin. Bu taxminan $22 degani. Narx oshishi katta ko‘rinmasligi mumkin, ammo Galaxy A seriyasida arzon va qimmat modellarning farqi katta. Masalan, Galaxy A06 kabi eng arzon qurilmalar uchun bu o‘zgarish sezilarli...

Chevrolet Damas O‘zbekiston avtomobil bozorida alohida o‘rin egallagan avtomobillardan biri hisoblanadi. Kichik o‘lchamlariga qaramay ushbu model keng imkoniyatlarga ega. Yillar davomida Damas minglab haydovchilar uchun ishonchli transport vositasiga aylangan. Ayniqsa, kichik biznes egalari, savdo va xizmat ko‘rsatish sohasida faoliyat yuritayotganlar uchun u daromad keltiruvchi muhim yordamchi vazifasini bajaradi. «Kursiv» nashrining ushbu maqolasida Chevrolet Damas avtomobilini sotib olish uchun 5 ta asosiy sabab keltiriladi.

Maqoladan quyidagilarni bilib olasiz:

Germaniyaning Manxaym shahrida yengil motorli samolyot favqulod tarzda gavjum ko‘chaga qo‘ndi. Bu haqda Tagesschau portali xabar berdi. Hodisa shahar markazidagi asosiy yong‘in deposi yaqinida sodir bo‘lgan.

Politsiya ma’lumotiga ko‘ra, samolyot to‘g‘ridan to‘g‘ri avtomobillar qatnovi kuchli bo‘lgan yo‘lga qo‘ngan. Samolyot eshigi ochilmagani sababli qutqaruvchilar bortdagi uch nafar yo‘lovchini majburan chiqarishga majbur bo‘lgan.

Samolyotda 23 yoshli uchuvchi, uning tengdoshi bo‘lgan hamrohi va 37 yoshli erkak bo‘lgan. Uchuvchi og‘ir tan jarohati olgan. Qolgan ikki yo‘lovchi yengil jarohatlar bilan qutulgan. Ularning barchasi shifoxonaga yetkazilgan.

Dastlabki baholashlarga ko‘ra, samolyotga yetkazilgan zarar taxminan 400 ming yevroni tashkil etadi. Hodisa tufayli yo‘l harakati vaqtincha to‘xtatilgan. Ushbu...

2026-yildan boshlab paxta hosilining 50 foizini o‘z hisobidan yetishtirgan fermerlarga 5 foiz subsidiya beriladi. Bu haqda Shavkat Mirziyoyevning qishloq xo‘jaligi xodimlariga yo‘llangan tabrigida qayd etildi. Qarzdorligi bo‘lmagan fermerlar 2 foizgacha imtiyozli kredit olish imkoniga ega bo‘ladi.

3 mingdan ortiq fermerlar gektaridan 50 – 60 sentner paxta hosili oldi. Shundan qariyb 1,5 ming xo‘jalik 70 sentnerdan yuqori natijaga erishdi. G‘allachilikda esa 3,5 mingdan ortiq xo‘jalik o‘rtacha 100 sentnerdan hosil yig‘di. Eksport salohiyati ham kengaydi. O‘zbekiston meva-sabzavot mahsulotlarini import qilayotgan davlatlar soni 18 taga ko‘payib, 83 taga yetdi.

Global iqlim o‘zgarishi sharoitida aholining sifatli oziq-ovqat bilan ta’minlanishi ustuvor vazifa ekani ta’kidlandi...

BAAning Dubay shahrida boks bo‘yicha kattalar o‘rtasidagi IBA Jahon chempionati yakunlandi. Musobaqada O‘zbekiston terma jamoasi muvaffaqiyatli ishtirok etdi.

Milliy terma jamoa hisobiga 2 ta oltin, 4 ta kumush va 3 ta bronza medal yozildi. Shuningdek, yana ikki nafar bokschi chorak finalgacha yetib borib, musobaqani 5-o‘rin bilan yakunladi.

Joriy yilgi IBA Jahon chempionatining umumiy sovrin jamg‘armasi $8,2 mlnni tashkil etdi. Mukofot pullari sportchilar o‘rtasida quyidagicha taqsimlandi.

Oltin medal uchun $300 ming, kumush medal sohiblariga esa $150 mingdan berildi. Bronza medal uchun $75 ming ajratildi. 5-o‘rinni egallagan bokschilar esa $10 mingdan mukofotlandi.

Mazkur natijalarga ko‘ra, O‘zbekiston terma jamoasi vakillari jami...

Namangan viloyati va Xitoyning China Everbright Environment kompaniyasi shahar qattiq chiqindilarini qayta ishlash bo‘yicha $150 millionlik investitsiya loyihasini amalga oshirishni tezlashtirishga kelishib oldi. Bu haqda «Namanganskaya pravda» xabar bermoqda.

Tomonlar loyiha qurilishini 14 – 16 oy ichida to‘liq yakunlash va obyektni 2027-yilning birinchi choragida foydalanishga topshirish bo‘yicha kelishuvga erishdi.

Mazkur loyiha hududdagi ekologik vaziyatni sezilarli darajada yaxshilashi, zamonaviy «yashil» texnologiyalarni joriy etishi hamda yangi ish o‘rinlari yaratishi kutilmoqda.

Xizmat safari doirasida Namangan viloyati delegatsiyasining investitsiyalar, sanoat va ekologiya yo‘nalishlarida hamkorlikni kengaytirishga qaratilgan Xitoyning yetakchi kompaniyalari bilan qator uchrashuvlari ham rejalashtirilgan.

Eslatib o‘tamiz, Kursiv Uzbekistan nashri Sirdaryodagi IES uchun Yaponiyadan...

AQSh prezidenti Donald Tramp Tailand va Kambodjani harbiy harakatlarni to‘xtatmasa, yangi bojlar joriy etish bilan tahdid qildi. Bu haqda u The Wall Street Journal nashriga bergan intervyusida ma’lum qildi.

Tramp bojlarni tashqi siyosatda muhim vosita deb hisoblaydi. Prezident intervyu vaqtida Tailand va Kambodja bilan bog‘liq keskinlikni bartaraf etish uchun bojlar masalasini muhokama qilganini aytdi. U agar urush davom etsa, mavjud savdo kelishuvlarini bekor qilishini va ushbu davlatlarga nisbatan bojlar joriy etishini bildirgan.

Nashr ma’lumotiga ko‘ra, intervyu juma kuni yozib olingan. Tramp shu kuni Tailand va Kambodja bosh vazirlari Anutin Charnvirakul va Hun Manet bilan telefon orqali muloqot qilgan. Prezidentning...

14-dekabr, yakshanba kuni O‘zbekistonning shimoliy hududlari va cho‘l zonasida yomg‘ir hamda qor yog‘ishi prognoz qilinmoqda. Bu haqda «O‘zgidromet» ma’lum qildi. Ayrim hududlarda havo harorati 0° gacha pasayadi.

Mamlakatning janubiy viloyatlarida havo harorati +11…+16° atrofida bo‘ladi. Ayrim joylarda tuman tushishi mumkin.

Toshkent shahrida kunduz kuni havo +13…+15° gacha isiydi. Kechga yaqin yog‘ingarchilik kutilmoqda. Shamol tezligi 12 m/s gacha kuchayadi.

Tog‘li hududlarda yomg‘ir va qor yog‘ishi ehtimoli bor. Havo harorati +3…+8° ni tashkil etadi. Qor ko‘chishi xavfi saqlanib qolmoqda.

Eslatib o‘tamiz, Kursiv Uzbekistan nashri 13-dekabr kuni qanday ob-havo kuzatilishi haqida yozgan edi.

Yangi taqdim etiladigan OnePlus 15R smartfoni haqida to‘liq ma’lumotlar taqdim etildi. Bu haqda Gizmochina nashri ma’lum qildi. Yangi model seriya tarixidagi eng ilg‘or old kamera bilan ta’minlanadi.

15R 32 megapikselli avtofokusli selfi-kameraga ega bo‘ladi. Bu R seriyasidagi eng kuchli old kamera hisoblanadi. Taqqoslash uchun, o‘tgan yilgi OnePlus 13R’da 16 megapikselli kamera qo‘llanilgan edi.

Yangi old kamera 4K formatda soniyasiga 30 kadr tezlikda video yozib oladi. Avvalgi modelda bu ko‘rsatkich 1080p bilan cheklangan edi. Qurilmada DetailMax Engine texnologiyasi ham mavjud bo‘lib, u hisoblash fotografiyasi orqali surat sifatini yaxshilaydi.

15R old kamera imkoniyatlari bo‘yicha asosiy OnePlus 15 modeliga yaqinlashadi. OnePlus 15’da...

Toshkent shahrining Mirzo Ulug‘bek tumanida 57 yoshli erkak 77 yoshli onasini o‘ldirgani uchun 15 yilga ozodlikdan mahrum etildi. Hodisa erkak kuchli spirtli ichimlik ta’sirida bo‘lgan paytda sodir bo‘lgan.

Toshkent shahar sudlarining Telegramda bergan ma’lumotiga ko‘ra, erkak onasiga bir necha bor qo‘l va oyoqlari bilan zarba bergan hamda uni bo‘g‘ib qo‘ygan. Ayol og‘ir tan jarohatlari olgan. Qovurg‘alar sinishi va miya shikastlanishi qayd etilgan.

Tergov jarayonida aniqlanishicha, fojiaga oilaviy kelishmovchiliklar sabab bo‘lgan. Erkak Rossiyaga ko‘chib ketishni rejalashtirgan. U yerda uning sobiq rafiqasi va qizi yashaydi. Onasi bu rejalarga qat’iy qarshi chiqqan va bu holat janjalga sabab bo‘lgan. Oiladagi uzoq davom etgan...

Banklar 14-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.

Samsung Galaxy S25 FE iPhone 17 modeliga qaraganda yaxshiroq displeyga ega ekani ma’lum bo‘ldi. Bu DxOMark mutaxassislari o‘tkazgan sinovda qayd etildi. Qurilma yangi model bo‘lmasa-da, test natijalari yuqori baholangan.

Sinov yakuniga ko‘ra, Galaxy S25 FE ekrani 156 ball oldi. Smartfon umumiy reytingda 10-o‘rinni egalladi va Pixel 9 bilan bir qatorda joylashdi. Bu natija Galaxy S24 Ultra hamda iPhone 17 ko‘rsatkichlaridan yuqori bo‘ldi.

DxOMark hisobotida aytilishicha, ekran deyarli barcha mezonlar bo‘yicha yuqori baho olgan. Faqat sensorning sezgirligi biroz pastroq baholangan. Premium toifa ichida Galaxy S25 FE ikkinchi o‘rinni egallagan. Bu segmentda u faqat Galaxy S25’dan ortda qolgan.

Avvalroq Kursiv Uzbekistan...

AQShning Braun universitetida otishma sabab talabalar karantinga olindi. CNN xabariga ko‘ra, 9 kishi shifoxonaga yotqizilgan, ikki kishi halok bo‘lgan.

Karantin bir necha soat davom etgan. Bu vaqt ichida kutubxonadagi talabalar kuchli ruhiy bosim ostida bo‘lgan. Huquq-tartibot organlari binodagi barcha xonalarni tekshirgan va doimiy patrul olib borgan. Talabalar politsiya xodimlariga qanday murojaat qilish, ularning shaxsini qanday aniqlash masalasida ham ikkilanib qolganini bildirgan.

Providens shahridagi Rod-Aylend shifoxonasiga o‘qotar qurol bilan bog‘liq jarohatlar olgan 9 nafar bemor yotqizildi. Shifoxona ma’lumotiga ko‘ra, olti nafar bemorning ahvoli og‘ir, ammo barqaror. Yana bir bemor o‘ta og‘ir ahvolda. Ikki nafar bemorning holati barqaror deb baholanmoqda.

Huquq-tartibot...

Surxondaryo va Namangan viloyatlarida pora bilan bog‘liq uchta holat fosh etildi. Bu haqda Davlat xavfsizlik xizmati (DXX) xabar bermoqda.

DXX hamda Surxondaryo viloyati prokuraturasi hamkorligida o‘tkazilgan tezkor tadbirda Bojxona boshqarmasining kontrabandaga qarshi kurashish bo‘limi katta tezkor xodimi noqonuniy ravishda $400 olayotgan vaqtida ashyoviy dalillar bilan ushlandi.

Aniqlanishicha, u xizmat mavqeyidan foydalanib, Termiz tumanida yashovchi fuqaroning $20 ming pul mablag‘ini deklaratsiya hujjatlarini rasmiylashtirmasdan, tanishlari orqali «Sariosiyo» chegara bojxona posti orqali Tojikiston Respublikasiga olib o‘tib berishni va’da qilgan.

Mazkur holat yuzasidan unga nisbatan Jinoyat kodeksining 168-moddasi 3-qismi «v» bandi hamda 25, 211-moddasi 1-qismi bilan jinoyat ishi qo‘zg‘atildi.

Namangan viloyatida o‘tkazilgan yana...

Huawei kompaniyasi Huawei MatePad 11.5 S 2026 planshetini global bozorga olib chiqdi. Bu haqda kompaniya rasmiy saytida ma’lum qilindi. Yangi modelning bazaviy versiyasi 480 yevroga baholangan. PaperMatte Edition maxsus ekran qoplamali talqini esa 530 yevro turadi.

MatePad 11.5 S 2026 11,5 dyuymli IPS displeyga ega. Ekran o‘lchami 2800 × 1840 pikselni tashkil etadi. Yangilanish chastotasi 144 Hz. Planshet HarmonyOS 4.3 operatsion tizimida ishlaydi.

Qurilma yupqa korpus bilan ajralib turadi. Qalinligi 6,1 mm. O‘lchamlari 177×261 mm. Og‘irligi 515 gramm. Dizayn soddaligi va yengilligi bilan kundalik foydalanishga mos.

Xotira konfiguratsiyalari 12/256 GB va 12/512 GB variantlarda taqdim etilgan. Protsessor modeli rasman...

14-dekabr sanasi O‘zbekistonning yangi siyosiy davrga qadam qo‘yishi, insoniyatning Yer sharidagi eng sovuq nuqtalaridan birining zabt etishi va jahon futbolidagi yorqin yulduzlarning tug‘ilishi bilan tarixda qolgan. Kursiv Uzbekistan kunning eng muhim voqealarini taqdim etadi.

2016-yili Oliy Majlis Qonunchilik palatasi va Senatining qo‘shma majlisida Shavkat Mirziyoyev O‘zbekiston Respublikasi prezidenti sifatida qasamyod qabul qildi. Saylovchilarning 88,61 foiz ovozini to‘plagan davlat rahbari o‘z nutqida xalq bilan muloqot qilish, inson huquq va manfaatlarini ta’minlashni islohotlarning asosiy ustuvor vazifasi etib belgiladi.

1503-yili Fransiyada taniqli munajjim, shifokor va bashoratchi Mishel de Nostrdam (Nostradamus) dunyoga keldi. U o‘zining «Bashoratlar» kitobi bilan nom qozongan va uning...

Yevropa Ittifoqi Rossiyaning 210 mlrd yevrolik aktivlarini muzlatadi, Qanday dorilarni retseptsiz sotib olish mumkin, Avtosport olamining eng kuchlilari Toshkentda taqdirlandi — Kursiv kun davomida e’lon qilingan eng muhim xabarlarni bir joyga jamladi

Yevropa Ittifoqi Rossiyaning 210 mlrd yevrolik aktivlarini muzlatadi

Yevropa Ittifoqi 12-dekabr kuni Rossiya Markaziy bankining Yevropada joylashgan aktivlarini nomaʼlum muddatga muzlatish boʻyicha kelishuvga erishdi.

Ta’kidlanishicha, YI Rossiyaning 2022-yilda Ukrainaga bosqinidan soʻng muzlatilgan 210 milliard yevrolik suveren aktivlarini endilikda har olti oyda qayta ovozga qoʻymasdan, zarurat tugaguncha cheklangan holda saqlashni rejalashtirmoqda. Bu Rossiya agressiyasi YI xavfsizligiga tahdid solayotgan davr davomida amal qiladi.

Qanday dorilarni retseptsiz sotib...

Joriy yilning yanvar – noyabr oylarida Oʻzbekistonga xorijdan kelgan pul oʻtkazmalari hajmi $17,3 mlrdni tashkil etdi. Bu oʻtgan yilning mos davriga nisbatan 25 foizga yoki $3,5 mlrdga koʻp. Bu haqda Markaziy bankning Ichki valyuta bozori sharhida ma’lum qilindi.

Ma’lumotlarga koʻra, yil davomida pul oʻtkazmalarining oylik hajmi notekis boʻlgan. Eng yuqori koʻrsatkich iyul oyida qayd etilib, oʻsha oyda mamlakatga $1,97 mlrd kirib kelgan. Keyingi oylarda pasayish tendensiyasi kuzatilgan. Xususan, oktabr oyida oʻtkazmalar $1,86 mlrdni tashkil etgan boʻlsa, noyabrda bu koʻrsatkich keskin qisqarib, $1,48 mlrdgacha tushgan.

Shu bilan birga, xalqaro pul oʻtkazmalari orqali Oʻzbekistondan xorijga chiqib ketgan mablagʻlar hajmi...

Amerikalik aktyor va prodyuser Vin Dizel Krishtianu Ronaldu «Forsaj» film franshizasida rol ijro etishini ma’lum qildi. Bu haqda aktyor oʻz Instagram sahifasida xabar berdi.

Dizel portugaliyalik futbolchi bilan tushgan suratini eʼlon qilib, Ronaldu uchun franshizada maxsus rol yozilganini ta’kidladi.

«Hamma undan ʼForsajʼ filmida rol oʻynashini soʻragan edi. Aytishim kerakki, u juda zoʻr. Biz unga alohida rol yozib berdik», – deb yozdi Dizel.

Ma’lumot uchun, Vin Dizel avvalroq franshizaning 11-qismi yakuniy boʻlishini ma’lum qilgan edi. Uning soʻzlariga koʻra, «Forsaj 11» filmining premyerasi 2027-yil aprel oyiga rejalashtirilgan.

Ronaldu besh karra «Oltin toʻp» sohibi, Chempionlar ligasining besh...

2025-yilning yanvar – oktabr oylarida 75 ming nafar xorijiy fuqaro davolanish maqsadida Oʻzbekistonga tashrif buyurgan. Bu haqda Milliy statistika qoʻmitasi ma’lum qildi.

Ta’kidlanishicha, tibbiy xizmat olish uchun kelganlarning qariyb 70 foizi Tojikiston fuqarolari hissasiga toʻgʻri keladi. Xususan, hisobot davrida 53 ming nafar Tojikiston fuqarosi davolanish uchun Oʻzbekistonga kelgan.

Keyingi oʻrinlarda Qirgʻiziston (13 ming nafar), Qozogʻiston (6, 9 ming nafar) qayd etilgan. Shuningdek, Rossiyadan 1,7 ming, Afgʻonistondan 533, Turkmanistondan 215 nafar fuqaro Oʻzbekistonda davolangan.

Bundan tashqari, Turkiyadan 43, AQShdan 15, Xitoydan 14, Ozarbayjondan 10 nafar fuqaro tibbiy xizmatlar uchun mamlakatga kelgan. Boshqa davlatlar hissasi jami 65 nafarni tashkil etgan.

AQShga taqdim etilgan Ukrainadagi mojaroni tinch yoʻl bilan hal qilish boʻyicha variantda mamlakatning 2027-yil 1-yanvargacha Yevropa Ittifoqiga qoʻshilishi nazarda tutilgan. Bu haqda Financial Times xabar berdi.

Nashr ma’lumotiga koʻra, Bryussel Kiyevning Yevropa Ittifoqiga a’zo boʻlish intilishlarini siyosiy jihatdan qoʻllab-quvvatlaydi. Biroq Ukrainani qisqa muddat ichida YIga qabul qilish amaldagi a’zolik tartib-qoidalarini tubdan qayta koʻrib chiqishni talab qiladi.

Reutersʼga izoh bergan ismi oshkor etilmagan yevropalik rasmiy va diplomatlar esa Ukrainaning 2027-yilgacha Yevropa Ittifoqiga qoʻshilishi mutlaqo imkonsiz ekanini ta’kidlagan. Ularning fikricha, Kiyev YIga a’zolik uchun belgilangan texnik va huquqiy mezonlarning katta qismini hali bajarmagan.

Avvalroq Yevrokomissiya Ukrainani Yevropa Ittifoqiga qabul qilish boʻyicha...

Transfermarkt portali Ispaniya La ligasi futbolchilarining yangilangan transfer narxlarini e’lon qildi.

Yangilangan jadvalga koʻra, «Real Madrid» hujumchisi Kilian Mbappening transfer qiymati 20 million yevroga oshib, 200 million yevroga yetkazildi. Natijada Mbappe «Barselona» vingeri Lamin Yamal hamda «Manchester Siti» hujumchisi Erling Holandga yetib oldi.

Transfermarkt ma’lumotlariga koʻra, La liga doirasida Mbappe va Yamal birinchi oʻrinni boʻlishib turibdi. Uchinchi oʻrinda «Real Madrid» yarim himoyachisi Jud Bellingem joylashib, uning bozor qiymati 160 million yevroga teng. Keyingi oʻrinlarda Vinisius Junior (150 million yevro) va Pedri (140 million yevro) qayd etilgan.

La liganing eng qimmat oʻn futbolchisi orasida besh nafar oʻyinchi «Real Madrid»ga tegishli boʻlib...