Yangiliklar

Tashanovga ma’muriy ish ochildi, APL futbolchilarining narxlari yangilandi — Kursiv Uzbekistan 10-mart kuni e’lon qilingan yangiliklarning muhimlarini bir joyga jamladi.

Surxondaryoda o‘qituvchi 180 ming dollarlik narkotikni sotayotganda qo‘lga olindi

Surxondaryo viloyatining Sariosiyo tumanida aniqlangan. Tezkor tadbir davomida tumandagi umumiy o‘rta ta’lim maktablaridan birida o‘qituvchi bo‘lib ishlovchi, 1984-yilda tug‘ilgan fuqaro avvaldan tojikistonlik narkokuryerlar tomonidan olib kelingan 14 kg 680 gramm opiyni shartli xaridorga $180 mingga sotayotgan vaqtida ashyoviy dalillar bilan qo‘lga olingan.

O‘zbekistonda bu yilgi Navro‘z bayrami qanday nishonlanadi

2026-yilgi Navro‘z umumxalq bayramiga tayyorgarlik ko‘rish va uni o‘tkazish tartibi belgilandi. Bayram Ramazon hayiti bilan hamohang tarzda o‘tkazilib, Mehribonlik...

Belarusda BelGee kompaniyasi 8-Mart munosabati bilan pushti rangdagi Geely EX2 elektromobilining cheklangan seriyasini taqdim etdi. Maxsus versiya atigi 89 dona ishlab chiqariladi, deb yozmoqda Tarantas News nashri.

Avtomobilning narxi o‘zgarmagan – 39,9 ming Belarus rubli (taxminan $12,2 ming). Kompaniya maxsus dizaynga qaramay, modelni bazaviy narxda taklif qilmoqda.

Texnik jihatdan elektromobil o‘zgarishsiz qolgan. U 395 kmgacha yurish zaxirasiga ega, orqa g‘ildirakdan tortuvchi tizim va mustaqil osma bilan jihozlangan. 1.66C tezkor zaryadlash texnologiyasi yordamida batareya 30 foizdan 80 foizgacha 21 daqiqada to‘ldiriladi.

Salonida Flyme Auto multimedia tizimi, ikkita HD ekran hamda sovuq iqlim uchun mo‘ljallangan qo‘shimcha qulayliklar mavjud. Bagaj hajmi esa...

Qashqadaryoda turizmni rivojlantirish maqsadida yangi tog‘ turizm markazlari va xalqaro kurortlar barpo etilib, mehmonxonalar soni ham sezilarli darajada oshiriladi. Bu haqda prezident ishtirokidagi yig‘ilishda muhokama qilindi.

Yiliga 1 mln sayyohni jalb etayotgan Miraki shaharchasi tajribasi asosida turizm loyihalarini boshqa tumanlarda ham kengaytirish zarurligi ta’kidlandi. Jumladan, Qamashi tumanida «Maydanak» baland tog‘ turizm markazini tashkil etish, Shahrisabz tumanida bir vaqtning o‘zida 13 ming sayyohga xizmat ko‘rsata oladigan «G‘elon» xalqaro umummavsumiy kurortini barpo qilish, Yakkabog‘ tumani Tatar qishlog‘ida turizmni rivojlantirish hamda Hazrati Sulton cho‘qqisi hududida treking yo‘nalishlari va chodirli uylar oromgohini tashkil etish rejalashtirilgan.

Shuningdek, joriy yilda viloyatda 45 ta mehmonxona va...

11-mart kuni O‘zbekiston bo‘ylab havo o‘zgaruvchan bo‘ladi, kechasi va ertalab ayrim joylarda qor yog‘ishi yoki tuman tushishi mumkin. Kunduzgi harorat 0–10° iliq, kechki harorat 0–15° atrofida sovuq bo‘ladi.

Quyida ob-havo ma’lumoti hududlar kesimida:

Nubia brendi yangi Red Magic Cooler 8 Pro sovitish tizimini taqdim etdi. Qurilma orqa qopqoqqa biriktiriladigan kichik blokli ventilyator sifatida ishlatiladi.

Yangi qurilma 1640 mm² maydonga ega termoelektrik sovitish plastinasi bilan jihozlangan bo‘lib, ishlab chiqaruvchi ma’lumotlariga ko‘ra, bu avvalgi avlod sovitqichga nisbatan samaradorlikni 130% ga oshiradi. Shuningdek, u 36 Vtgacha quvvatni chiqarish imkoniga ega.

Qurilma ichidagi ventilyator 6500 aylanma/minut tezlikda ishlaydi, bu esa sezilarli shovqin bilan birga keladi. Red Magic Cooler 8 Pro magnitlar yordamida smartfon korpusiga biriktiriladi, shuning uchun uni faqat ba’zi smartfonlar, jumladan, iPhone bilan ishlatish mumkin.

Nubia Red Magic Cooler 8 Pro’ning o‘lchamlari 70 x...

Avstraliya Yaqin Sharqqa harbiy kuzatuv samolyoti yuboradi va BAAga raketalar yetkazib beradi. Bu haqda mamlakat bosh vaziri Entoni Albanezega tayanib, Reuters ma’lum qildi.

Albanezening so‘zlariga ko‘ra, Avstraliyaning harbiy texnikalar ko‘rfaz mamlakatlariga Eron tomonidan bo‘lishi mumkin bo‘lgan hujumlardan himoyalanishga yordam beradi. U Avstraliya mojaroda faol tomon emasligini va mamlakat ishtiroki faqat mudofaa maqsadiga qaratilganini ta’kidladi.

Bosh vazirning aytishicha, Avstraliya Boeing kompaniyasi ishlab chiqargan E-7A Wedgetail erta ogohlantirish va havo nazorati tizimiga ega samolyotlardan birini dastlabki to‘rt hafta davomida Yaqin Sharq mamlakatlari havo hududini himoya qilish uchun yuboradi. Shuningdek, u BAA prezidenti Muhammad bin Zoid Ol Nahayon bilan telefon orqali...

O‘zbekistonda baliq resurslarini asrash va ularning tabiiy ko‘payishiga sharoit yaratish maqsadida ayrim suv havzalarida baliq ovlashga vaqtinchalik cheklovlar belgilanadi. Bu haqda Ekologiya vazirligi ma’lum qildi.

Belgilangan tartibga ko‘ra, 11-martdan 31-maygacha Amudaryo va Sirdaryoda baliq ovlash taqiqlanadi. Qoraqalpog‘iston Respublikasi va Xorazm viloyatidagi tabiiy suv havzalarida esa 26-apreldan 10-iyungacha baliq ovlashga ruxsat berilmaydi. Boshqa barcha tabiiy suv havzalarida 16-apreldan 31-maygacha baliq ovlash taqiqlanadi.

Mutaxassislar ta’kidlashicha, mazkur muddatlar baliqlarning ko‘payish davri hisoblanadi. Agar shu davrda baliq ovlash davom etsa, ularning soni keskin kamayishi va ayrim turlar yo‘qolib ketish xavfi yuzaga kelishi mumkin.

Shu bilan birga, ushbu cheklovlar sun’iy suv havzalari yoki...

2026 – 2027-yillarda Qashqadaryoda yangi sanoat zonalarini tashkil etib, $1,1 mlrddan ortiq investitsiya hisobiga 36 ta loyiha amalga oshirish va minglab yangi ish o‘rinlari yaratish rejalashtirilmoqda. Bu haqda davlat rahbari ishtirokidagi yig‘ilishda ma’lum qilindi.

Unda Muborak maxsus innovatsion sanoat zonasi hamda Qarshi yashil texnologiyalar sanoat zonasini tashkil etish rejalari ma’lum qilindi. Ushbu hududlarda 2026 – 2027-yillarda $1,1 mlrddan ortiq qiymatdagi 36 ta loyiha amalga oshirilishi va 6 mingga yaqin yangi ish o‘rni yaratilishi rejalashtirilgan.

Yig‘ilishda mahallalarni chuqur va o‘rta ixtisoslashtirish, imtiyozli kreditlar hamda subsidiyalar ajratish orqali kambag‘allikni qisqartirish zarurligi ham ta’kidlandi. Bu maqsadda mahallalarda 820 mlrd so‘mlik kreditlar...

Shavkat Mirziyoyev Qashqadaryo viloyatida amalga oshirilayotgan islohotlar natijalari va kelgusi ustuvor vazifalar yuzasidan yig‘ilish o‘tkazdi. Bu haqda prezident matbuot xizmati xabar berdi.

Unda viloyat katta hududi, boy tabiiy resurslari, rivojlangan sanoati hamda tadbirkor aholisi bilan katta iqtisodiy salohiyatga ega ekani ta’kidlandi. O‘tgan yilda hududda yalpi hududiy mahsulot 6,8 foizga, sanoat ishlab chiqarishi 7,2 foizga, xizmatlar sohasi 13,6 foizga, qishloq xo‘jaligi esa 4,3 foizga o‘sdi.

2017 – 2025-yillarda aholi jon boshiga yalpi hududiy mahsulot 3,2 barobar oshib, 26,9 mln so‘mga yetdi. Shu davrda ishsizlik darajasi 4,9 foizgacha, kambag‘allik darajasi esa 6,5 foizgacha kamaydi.

Yig‘ilishda 2026-yilda iqtisodiyot tarmoqlarida yangi loyihalarni amalga...

Samsung kompaniyasi Galaxy S26 flagman qurilmalarida yangi xavfsizlik funksiyasini ishga tushirdi. Bu haqda ITHome nashri ma’lum qildi.

Fevral oyidagi xavfsizlik patchi o‘rnatilganidan so‘ng, foydalanuvchilar sozlamalarda «Idle Auto Restart» (Faolsiz holda avtomatik qayta yuklash) nomli yangi kalitni ko‘rishlari mumkin.

Yangi funksiyaning ishlash prinsipi sodda bo‘lib, agar smartfon ekrani bloklangan holda 72 soat davomida ishlatilmasa va shu vaqt ichida qurilmani ochishga urinish bo‘lmasa, tizim avtomatik ravishda qurilmani qayta yuklaydi. Jarayon butunlay fon rejimida, foydalanuvchi aralashuvisiz amalga oshadi.

Asosiy maqsad – qurilma ma’lumotlarini yanada xavfsiz saqlash. Qayta yuklashdan so‘ng operatsion tizim yuksak xavfsizlik rejimiga o‘tadi. Shu holatda telefon bildirishnomalardagi ma’lumotlarni ko‘rsatmaydi...

So‘nggi paytlarda O‘zbekiston avtomobil bozorida eng ko‘p muhokama qilinayotgan modellardan biri — Kia Sonet bo‘lib qolmoqda. Ijtimoiy tarmoqlar va videoplatformalarda ushbu model haqida ko‘plab savollar berilmoqda. Ko‘pchilik uni bozorda keng tarqalgan Chevrolet Tracker bilan solishtirib, qaysi biri yaxshiroq ekaniga qiziqmoqda.

Quyida YouTube’dagi «Avto Shovvoz» kanali muallifi avtomobil haydovchilari tajribasi va real foydalanish fikrlariga asoslanib bildirgan tahlilini keltirib o‘tamiz.

Dizayn va ilk taassurot

Ba’zi avtomobil ixlosmandlari Kia Sonet’ni ilk bor ko‘rganida uning dizayni biroz noodatiy ekanini aytadi. U agressiv yoki sport ko‘rinishidagi krossoverlardan ko‘ra sodda va boshqacharoq dizaynga ega.

Buning sababi modelning aslida Hindiston bozori uchun ishlab...

Ijtimoiy himoya milliy agentligi direktori va O‘zbekiston milliy paralimpiya qo‘mitasi raisining birinchi o‘rinbosari Shahnoza Mirziyoyevaga 2026-yil Xalqaro ayollar kuni (IWD 2026) doirasida «Emerging Leader award» (Yangi avlod yetakchisi) mukofoti topshirildi. Bu haqda Xalqaro paralimpiya qo‘mitasi ma’lum qildi.

Mirziyoyeva O‘zbekistonda ayollarning huquqlarini ilgari surish, gender tengligi va inklyuziyani rivojlantirish bo‘yicha yetakchilardan biri sifatida tanilgan. Paralimpiya harakati doirasida u nogironligi bo‘lgan ayollar va qizlarni sportda ishtirok etishini rag‘batlantiradi, ularning imkoniyatlari va yetakchilik salohiyatini kengaytiradi.

«Ushbu mukofot O‘zbekistonda Paralimpiya sporti rivojiga hissa qo‘shayotgan barcha sportchilar, murabbiylar va fidoyi insonlarga tegishlidir. Sport orqali haqiqiy imkoniyatlar yaratadigan va mazmunli...

2025-yilda O‘zbekistonda 879,6 mingta tirik tug‘ilish holati qayd etilgan. Bu haqda Milliy statistika qo‘mitasi ma’lumotlari e’lon qilindi.

Bu ko‘rsatkich 2024-yilning yanvar – dekabr oylariga nisbatan 46,8 mingtaga kam.

Unga ko‘ra, eng ko‘p chaqaloq tug‘ilgan hududlar ro‘yxatida Namangan shahri 18,5 mingta ko‘rsatkich bilan birinchi o‘rinni egalladi. Undan keyingi o‘rinlarda Urgut tumani – 16,2 mingta, Andijon shahri – 14,6 mingta, Denov tumani – 12,4 mingta va Samarqand shahri – 11,8 mingta qayd etildi.

Ro‘yxatning keyingi pog‘onalarida esa Pastdarg‘om tumani – 9,8 mingta, Koson tumani – 9,1 mingta, Qamashi tumani – 9,1 mingta, Olmazor tumani – 9 mingta hamda Asaka tumani...

10-mart kuni Shavkat Mirziyoyev qishloq va suv xo‘jaligi sohasida muhandis kadrlar tayyorlash tizimini takomillashtirish bo‘yicha taqdimot bilan tanishdi. Bu haqda prezident matbuot xizmati ma’lum qildi.

Taqdimotda sohadagi ilmiy tadqiqotlar va amaliyot uyg‘unligi yetarlicha ta’minlanmayotgani, ayrim loyihalarda ilmiy asoslash va ekspertizaga yetarli e’tibor qaratilmayotgani, shuningdek olimlar va tadqiqotchilarning salohiyatidan to‘liq foydalanilmayotgani qayd etildi. Natijada ba’zi loyihalar kutilgan natijani bermayotgani ta’kidlandi.

Universitet salohiyati

Hozirgi kunda «Toshkent irrigatsiya va qishloq xo‘jaligini mexanizatsiyalash muhandislari instituti» milliy tadqiqot universitetida 11 mingdan ortiq talaba tahsil olmoqda. Universitetda 7 ta fakultet, 37 ta kafedra va 38 ta ta’lim yo‘nalishi faoliyat yuritadi. Bitiruvchilarning bandlik darajasi...

Chevrolet Tracker O‘zbekistonda ommabop ixcham krossoverlardan biri hisoblanib, 2026-yil yanvar oyida 4 ming dona xarid qilingan. «Kursiv» nashrining ushbu maqolasida Tracker avtomobilining foydalanish xarajatlari haqida so‘z boradi.

Avtomobilning haqiqiy foydalanish xarajatini faqat yonilg‘i sarfi bilan baholab bo‘lmaydi. Real hisob-kitob uchun texnik xizmat, sug‘urta, shina va sarf materiallari, rasmiy to‘lovlar, parkovka, kredit foizi hamda eng muhim bandlardan biri — amortizatsiya ham hisobga olinadi.

Qaysi Tracker modeli asos qilib olindi

Hisob-kitoblar O‘zbekistonda rasmiy sotilayotgan Chevrolet Tracker LS Plyus modeli asosida tayyorlandi. Avtomobil 1,2 litrli turbo dvigatel, 6 pog‘onali avtomat uzatma va old tortish tizimi bilan jihozlangan.

Ishlab chiqaruvchi ma’lumotiga...

Apple kompaniyasining uzoq kutilgan ilk buklanuvchi smartfoni bo‘lishi kutilayotgan iPhone Fold dizaynining 3D tasvirlari internetga tarqaldi. Qurilma kitob ko‘rinishida ochilishi va raqobatchilariga nisbatan ancha yupqa bo‘lishi taxmin qilinmoqda.

Tarqalgan ma’lumotlarga ko‘ra, yangi smartfonning asosiy xususiyati ixcham sharnir mexanizmi hisoblanadi. Buning natijasida ichki ekrandagi buklanish chizig‘i deyarli sezilmaydi. Ichki displey diagonalining 7,5—8 dyuym (20,3 sm) atrofida bo‘lishi kutilmoqda. Bundan tashqari, ichki ekranda old kamera ko‘zda tutilmagani va selfi uchun tashqi displeydan foydalanilishi taxmin qilinmoqda.

Orqa panelda iPhone Air modeliga o‘xshash qo‘shaloq kamera bloki joylashgan. Qurilmaning taqdimoti 2026-yilning kuzida bo‘lib o‘tishi mumkin. Narx masalasida aniq rasmiy ma’lumot yo‘q, biroq mutaxassislar uning...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 27-fevraldan 6-martgacha bo‘lgan davrda ijobiy dinamikani ko‘rsatib, UCI fond indeksi 3,8 foizga oshdi.

Ushbu davr mobaynida «O‘zbekneftgaz» aksiyalari eng katta o‘sishga erishib, 34,36 foizga qimmatlashdi. Shuningdek, «Kvarts» (+25,38%) va «O‘zmetkombinat» (+11,58) aksiyalarida ham o‘sish qayd etildi.

O‘z navbatida, «Dori-darmon» aksiyalari 4,88 foizga arzonlashib, haftaning eng katta pasayishini qayd etdi. Bundan tashqari, «Biokimyo» aksiyalari (-3,70%) va «Ipoteka-bank» (-3,18%) aksiyalari ham pasayish bilan ajralib turdi. Faqatgina «O‘zbektelekom»ning ham oddiy, ham imtiyozli aksiyalari narxida o‘zgarish kuzatilmadi (chunki ular boʻyicha savdolar toʻxtatilgan).

Ushbu davrda bitimlar soni bo‘yicha O‘zRTXB (1 353 ta), «Kapital sug‘urta...

Poytaxt aeroportida Bishkekdan uchib kelgan qo‘shni davlat fuqarosining yonidan giyohvandlik vositasi topildi. Bu haqda Bojxona qo‘mitasi ma’lum qildi.

U bojxonadan «yashil» yo‘lak orqali o‘tishga uringan vaqtida jomadoni tekshirilib, sport ozuqasi sifatida olib kirilayotgan 2 ta qutidagi 684 dona kapsula tarkibida 560,75 gramm «alfa-PVP» sintetik giyohvandlik moddasi borligi aniqlandi.

Mazkur holat yuzasidan Kontrabandaga qarshi kurashish sho‘’basi tomonidan Davlat xavfsizlik xizmati va ichki ishlar organlari bilan hamkorlikda Toshkent shahrida tezkor tadbir o‘tkazildi. Natijada ushbu moddaning qabul qiluvchisi Bektemir tumanida qo‘lga olindi.

Uning xonadoni ko‘zdan kechirilganda 114 dona kapsulada taxminan 80 gramm «alfa-PVP», 37 dona o‘ram, 2 gramm «marixuana...

Apple iOS 26.4, iPadOS 26.4 va macOS Tahoe 26.4 tizimlarining dasturchilar uchun beta-versiyasida sakkizta yangi emoji taqdim etdi. Bu haqda MacRumors nashri xabar berdi.

Yangi emojilar qatoriga trombon, xazina sandig‘i, shishgan yuz, yeti, janjal buluti, kosatka (qotil kit), ko‘chki hamda gender jihatdan neytral balerun/balerina tasviri kiritilgan. Bundan tashqari, kurashayotgan odamlar va quyon kostyumidagi insonlar emojilari uchun yangi teri ranglari variantlari ham qo‘shilgan.

Mazkur emojilar Unicode 17 yangilanishi tarkibiga kiradi. Ushbu standartning dastlabki versiyasi 2025-yil kuzida taqdim etilgan edi.

Odatda Apple yangi emojilarni qurilmalarga joriy etish uchun bir necha oy vaqt sarflaydi. Bunga sabab — har bir emoji uchun kompaniya...

Xorijiy investorlar, mutaxassislar va startap loyihalari ishtirokchilari uchun qulaylik yaratish maqsadida IT-viza berish qoidalariga o‘zgartirish va qo‘shimchalarni kiritildi. Bu haqda Adliya vazirligi ma’lum qildi.

Endi axborot texnologiyalari sohasidagi xorijiy investorlar va mutaxassislar, texnopark rezidentlarining ta’sischilari yoki ularning rahbarlari, raqamli startaplar dasturi ishtirokchilari va mutaxassislarga IT-viza beriladi. Shuningdek, axborot texnologiyalari sohasida ilmiy darajaga ega xorijiy professor-o‘qituvchilar ham IT-vizaga ega bo‘ladilar.

Shuningdek, IT-viza berish uchun yangi moliyaviy talablar joriy etildi. Xorijiy investor O‘zbekiston Respublikasi rezidenti bo‘lgan va axborot texnologiyalari sohasida faoliyat yuritayotgan yuridik shaxsni kamida $30 ming ekvivalentida moliyalashtirishi yoki ushbu yuridik shaxsning ustav fondidagi ulushi kamida $30 mingni tashkil...

Hyundai kompaniyasi tomonidan yangilangan Hyundai Accent 2026 taqdim etildi. Ushbu model boshqa hududlarda Hyundai Verna nomi bilan sotiladi.

Yangilangan versiyada dizayn biroz o‘zgartirilgan. Old bamper, radiator panjarasi va ayrim tashqi elementlar qayta ishlangan. Shu bilan birga avtomobil qator premium opsiyalar bilan boyitilganini ko‘rish mumkin.

Dvigatel variantlari

Hyundai Accent ikki xil 1,5 litrli benzin dvigateli bilan taklif qilinadi. Asosiy atmosferali motor taxminan 115 ot kuchi va 144 Nm moment ishlab chiqaradi. Ushbu dvigatel 6 pog‘onali mexanik uzatma yoki variator bilan birga ishlaydi.

Kuchliroq versiya turbomotor bilan jihozlangan. Bu dvigatel 160 ot kuchi va 253 Nm moment ishlab chiqaradi. U...

Volkswagen kompaniyasining operatsion foydasi AQSh bojlari va Xitoy bozoridagi kuchli raqobat oqibatida 2025-yilda ikki barobardan ko‘proqqa qisqardi. Bu haqda Reuters xabar bermoqda.

Xitoy bozoridagi ulushning yo‘qotilishi va AQSh tomonidan joriy etilgan bojlar kompaniyaga milliardlab dollar zarar keltirgan. 2025-yil yakunlariga ko‘ra, guruhning operatsion foydasi 8,9 mlrd yevroni tashkil etdi. Ushbu ko‘rsatkich tahlilchilar kutgan 9,4 mlrd yevrolik prognozdan past bo‘ldi. 2026-yil uchun daromad o‘sishi 0 dan 3 foizgacha bo‘lishi kutilmoqda.

Avto ishlab chiqaruvchi jahondagi eng yirik avtomobil bozori hisoblangan Xitoyda o‘z pozitsiyasini yo‘qotmoqda. 2024-yilda yetakchilikni BYD kompaniyasiga boy bergan bo‘lsa, 2025-yilda uchinchi o‘ringa tushib, Geely’dan ortda qoldi.

Moliya direktori Arno Antlits

9-mart holatiga Yaqin Sharq davlarlari o‘rtasidagi harbiy mojarolar oqibatida mintaqada 1764 kishi halok bo‘ldi. Bu haqda Reuters agentligi ma’lum qildi.

Eronning janubidagi Minob shahrida boshlang‘ich maktabga raketa hujumi 175 nafar xodim va o‘quvchi qizlar hayotiga zomin bo‘ldi. Umumiy hisobda Eronda kamida 1230 kishi vafot etdi.

Iroq politsiyasi va sog‘liqni saqlash rasmiylarining xabar berishicha, kamida 15 kishi halok bo‘ldi. Shuningdek, Eron tarafdori qurolli guruhlar ittifoqi komandiri vafot etdi. Isroil zarbalari oqibatida Livanda kamida 486 kishi halok bo‘ldi.

Isroil armiyasi ma’lumotlariga ko‘ra, janubiy Livanda ikki askar hamda mamlakat ichida 11 kishi vafot etdi. Jumladan 1-mart kuni Quddus yaqinidagi Beit Shemesh...

Xitoyning MG kompaniyasi yangi MG 07 elektromobilining ilk tizer tasvirini e’lon qildi. Bu haqda CarNewsChina nashri xabar bermoqda.

Yangi avtomobil avvalgi MG7 modelining dizayn uslubini saqlab qoladi. Biroq u to‘liq elektr arxitekturasiga ega bo‘ladi. Mutaxassislar bu modelni Xiaomi SU7 va BYD Seal uchun raqobatchi deb baholamoqda. MG 07 tom qismida LiDAR sensori bilan jihozlanadi. Bu esa shahar sharoitida Level 2+ darajadagi yarim avtonom haydash tizimini qo‘llab-quvvatlaydi.

Salonida MG va OPPO hamkorligida yaratilgan aqlli ulanish tizimi bo‘lishi kutilmoqda. Bu tizim OPPO smartfonlari bilan chuqur integratsiyani ta’minlaydi. Avtomobil SAIC’ning Nebula platformasida ishlab chiqiladi. Ushbu platforma 800 voltli elektr arxitekturasini qo‘llab-quvvatlaydi.

MG...