Yangiliklar

Adliya vazirligi tomonidan «Qurilish obyektlarida QR-kodli (matrik shtrixli kod) pasport o‘rnatish tartibi to‘g‘risida»gi nizom davlat ro‘yxatidan o‘tkazildi.

Nizomga ko‘ra, pasport qurilish obyektining hududiy inspeksiyada ro‘yxatdan o‘tgan kunidan boshlab buyurtmachi tomonidan obyektning kirish qismiga yoki ko‘rinadigan joyiga majburiy ravishda o‘rnatiladi. U obyekt foydalanishga topshirilgungacha amalda bo‘lishi lozim.

Pasport namlik va tashqi ta’sirlarga chidamli materialdan tayyorlanishi, umumiy o‘lchami 2400×1200 mm bo‘lishi hamda yer sathidan kamida bir metr balandlikda o‘rnatilishi shart.

Bundan tashqari, obyekt hududiy inspeksiyada ro‘yxatga olingach, «Shaffof qurilish» axborot tizimida u haqidagi dastlabki ma’lumotlar joylashtiriladi. So‘ng ular uchun QR-kod avtomatik shakllantiriladi.

Ushbu tartib 1-sentabrdan boshlab O‘zbekistonda har bir qurilayotgan obyekt...

O‘zbekiston mustaqilligining 34 yilligi munosabati bilan ichki turizmni rivojlantirish va aholiga qo‘shimcha qulayliklar yaratish maqsadida bir qator chegirmalar joriy etildi. Bu haqda Turizm qo‘mitasi xabar berdi.

Unga ko‘ra, quyidagilarga 20 foizgacha chegirma qo‘llanadi:

Chegirma asosidagi mehmonxonalar, mehmon uylari va xostellar bilan ushbu portal.gov.uz havolasi orqali tanishishingiz mumkin.

«Ayni vaqtda turizm sohasi vakillari va mahalliy hokimliklar bilan hamkorlikda turli madaniy-ko‘ngilochar tadbirlar, ichki turizm yarmarkalari va bayram aksiyalarini tashkil etish bo‘yicha ham ishlar olib borilmoqda», deyiladi qo‘mita xabarida.

Xitoyda Skoda yangi avtomobillariga katta chegirmalar e’lon qildi. Bazaviy Skoda Superb avtomobili avval $23,5 ming bo‘lgan bo‘lsa, hozir $16,8 mingga sotilmoqda.

O‘zbekiston bozorida bu mashinalar yetkazib berish va rasmiylashtirish xarajatlari bilan birga 350 mln so‘m atrofida. Bu ularni Chery Teggo 7 Pro Max va Geely Preface kabi xitoy sedanlariga nisbatan arzonroq alternativaga aylantirmoqda.

Xitoyda sotilayotgan Skoda Superb avtomobillari 2,0 litrli turbo dvigatel (220 ot kuchi) va 7 pog‘onali DSG robot uzatmalar qutisi bilan jihozlangan.

Ma’lumot uchun, Skoda Yevropaning eng qadimiy avtomobil ishlab chiqaruvchilaridan biri bo‘lib, uning tarixi 1895-yilda Chexiyada asos solingan Laurin & Klement ustaxonasidan boshlanadi.

1925-yilda kompaniya...

Yevropa Chempionlar ligasi saralashining hal qiluvchi bahsida Olmaota klubi «Qayrat» penaltilar seriyasida g‘alaba qozonib, YChL yo‘llanmasini qo‘lga kiritdi.

Uchrashuv asosiy va qo‘shimcha vaqtda golsiz yakunlandi. Natijada g‘olib penaltilar seriyasida aniqlandi. Unda Olmaotaning «Qayrat» klubi 3:2 hisobida ustun kelib, g‘alabani qo‘lga kiritdi. Dastlabki o‘yin ham 0:0 hisobida tugagan edi.

Shunday qilib, «Qayrat» tarixiy natija qayd etdi va endi Chempionlar ligasi guruh bosqichida kuchli klublarga qarshi maydonga tushadi.

Bu natija orqali «Qayrat» UEFA tomonidan belgilangan 20 mln yevroga yaqin mukofot puli oladi. Bungacha Qozog‘iston klublaridan faqat «Astana» 2015/2016-yilgi mavsumda Chempionlar ligasi guruh bosqichida o‘ynagan.

Ma’lumot uchun, «Qayrat» o‘tgan mavsum 47 ochko...

Daniya bosh vaziri Mette Frederiksen Falastin davlatini tan olish ehtimolini inkor etmadi. Bu haqda «Ria Novosti» ma’lum qildi.

Unga ko‘ra, mamlakat faqat Falastin demokratik davlat shaklida tashkil topgandagina qo‘llab-quvvatlanishini ta’kidladi.

«Biz Falastinni davlat sifatida tan olishga yo‘q demaymiz. Biz bunga tarafdormiz. Ammo u demokratik davlat bo‘lishiga ishonch hosil qilishimiz kerak», dedi Frederiksen Reuters’ga bergan izohida.

16-avgust kuni Frederiksen Daniya hali Falastinni tan olishga tayyor emasligini, chunki G‘azo sektorining katta qismi Hamas nazorati ostida ekanini bildirgan edi.

Bugungi kunda Falastinni 147 davlat tan olgan. 2024-yilda AQSh Falastinning BMTga to‘laqonli a’zoligiga veto qo‘ygandi. O‘sha yildan buyon...

Banklar 27-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.   

Kaliforniyada 16 yoshli o‘smir Adam Reynning o‘z joniga qasd qilishi ortidan uning ota-onasi OpenAI va kompaniya rahbari Sem Altman ustidan sudga da’vo kiritdi. Bu haqda Reuters agentligi xabar qildi.

Da’voga ko‘ra, ChatGPT o‘smir bilan oylar davomida suhbatlashib, xavfli usullar haqida batafsil ma’lumot bergan va hatto xayrlashuv xatini yozishda yordam taklif qilgan.

Ota-onalar kompaniyani xavfsizlikdan ko‘ra foydani ustun qo‘yganlikda ayblamoqda. Da’vo OpenAI’ni nohaq o‘lim uchun javobgarlikka tortish, foydalanuvchilar yoshini tekshirish va psixologik xavflar haqida ogohlantirish tizimlarini joriy etishga majburlashni ko‘zlaydi.

OpenAI esa chuqur hamdardlik bildirgan holda ChatGPT’da xavfsizlik choralarini kuchaytirish, ota-onalar nazorati va inqirozda yordam tarmoqlarini yaratish ustida ishlayotganini ma’lum...

Davlat xavfsizlik xizmati va Iqtisodiy jinoyatlarga qarshi kurashish departamenti Toshkent shahrida tezkor tadbir o‘tkazib, noqonuniy dori vositalari ishlab chiqarilayotgan yashirin sexni aniqladi. Bu haqda DXX matbuot xizmati ma’lum qildi.

Tekshiruvda 11 dona dori ishlab chiqarish uskunalari, 389 kg kukun va tabletkalar, qoliplar, kapsulalar hamda boshqa jihozlar ashyoviy dalil sifatida olindi. Ekspertiza xulosasiga ko‘ra, korxonada «Ursosan», «Neyromidin» va «Fanigan» dorilari qalbakilashtirilgan.

Shuningdek, dorixonalardan 15 turdagi 1 067 quti qalbaki va 14 turdagi 274 quti muddati o‘tgan dori vositalari aniqlangan.

Hozirda uch nafar shaxsga nisbatan JKning 186-3-moddasi 2-qismi bo‘yicha jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq O‘zbekistonda qariyb...

Xan Yunisdagi «Nasser» shifoxonasiga Isroil tomonidan ikki marotaba hujum uyushtirilishi oqibatida kamida 20 kishi, jumladan xalqaro OAVda faoliyat yuritgan besh nafar jurnalist halok bo‘ldi, deya xabar bermoqda BBC.

G‘azo sog‘liqni saqlash vazirligining ma’lumotiga ko‘ra, qurbonlar orasida to‘rt nafar tibbiyot xodimi ham bor. Ikkinchi zarba birinchi hujumdan keyin jabrlanganlarga yordam berish uchun kelgan qutqaruvchilarni nishonga olgan. Halok bo‘lgan jurnalistlar Reuters, AP, Al Jazeera va Middle East Eye nashrlari bilan ishlagan.

Isroil Bosh vaziri Binyamin Netanyahu voqeani «fojiali tasodif» deb atab, hozirda keng ko‘lamli tergov olib borilayotganini bildirdi.

BMT ma’lumotiga ko‘ra, G‘azodagi deyarli ikki yil davom etayotgan mojaro vaqtida kamida...

Dollar 45 so‘mdan ko‘proqqa oshdi, fuqaroga usti bo‘yalgan holda berilgan Onix yangisiga almashtirildi, O‘zbekistonlik yoshlar xalqaro kosmik turnirda g‘alaba qozondi – Kursiv Uzbekistan nashri 26-avgustda sodir bo‘lgan eng muhim voqea va hodisalarni bitta materialga joyladi.

Toshkent aeroportida taksi xizmatini tashkil etish bo‘yicha lotlar auksionga qo‘yildi

Toshkent xalqaro aeroportining uchib kelish zalida beshta taksi xizmatiga avtoturargohlar tayyorlandi. Bu xizmatlarni yo‘lga qo‘yish uchun kompaniya elektron auksion orqali bir nechta lotlarni savdoga chiqardi. Har bir nuqtaning maydoni 3 kvadrat metrni tashkil etadi. Auksion shartlariga ko‘ra, kvadrat metri uchun boshlang‘ich ijaraning qiymati 1 million so‘m (QQSsiz) etib belgilangan.

TAQA kompaniyasi O‘zbekistondagi...

O‘zbekiston Respublikasi Vazirlar Mahkamasi avtomobil bozoridagi tartiblarni tubdan yangilash bo‘yicha qaror qabul qildi.

Qarorga ko‘ra, ilgari ishlatilgan avtomobillarni yangisiga yoki yuqori toifadagisiga almashtirish mexanizmlari – trade-in va trade-up qonuniy kuchga kirdi. Xaridor eski mashinasini topshirib, narx farqini to‘lash orqali yangisini olish imkoniyatiga ega bo‘ladi. Bu jarayon endi distribyutor va dilerlar orqali rasmiy shartnoma asosida amalga oshiriladi.

Avtomobillarni texnik identifikatsiya qilish majburiy bo‘ldi. Agregat raqamlari va boshqa parametrlar YHXX bazasiga mosligi tekshiriladi. Ro‘yxatdan o‘tkazishdan oldin avtomobil bilan vaqtincha yurishga ruxsat beruvchi 10 kunlik ma’lumotnoma joriy qilindi. Muhimi, avtomobilni ko‘zdan kechirish (identifikatsiya) uchun endi hech qanday to‘lov undirilmaydi.

Notarial tartibda...

27-avgust kuni O‘zbekiston hududlarida kunduzi havo asosan 34-40° atrofida issiq bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Mercedes-Benz Yaponiyaning Nissan Motor kompaniyasidagi 3,8% ulushini 47,83 mlrd yen ($325 mln)ga sotdi. Bu haqda Reuters agentligi ma’lum qildi.

Xabar ortidan Nissan aksiyalari 6% ga tushib, iyuldan beri eng katta pasayishni ko‘rsatdi.

Ulushlar 341,3 yen narxda sotilib, talab taklifdan oshdi, eng yirik 10 investor jami ulushlarning 70% ini oldi. Mercedes-Benz bu ulush strategik ahamiyatga ega emasligini va sotuv «portfelni tozalash» bo‘lganini bildirdi.

Nissan esa AQSh va Xitoydagi savdo pasayishi hamda tariflar sabab o‘tgan chorakda 535 mln dollar zarar ko‘rdi. Kompaniya yangi bosh direktori Ivan Espinosa 2027-yilgacha ishlab chiqarish hajmini 3,5 mlndan 2,5 mlngacha qisqartirishni rejalamoqda.

Renault esa Nissan’dagi...

Uzbekistan Airways yo‘lovchilar talabiga binoan sentyabr oyida mahalliy yo‘nalishlarda qo‘shimcha parvozlarni yo‘lga qo‘ymoqda. Bu haqda aviakompaniya rasmiy sahifasida ma’lum qilindi.

Qo‘shimcha reyslar quyidagicha tashkil etiladi:

Yo‘lovchilar parvozlar jadvali bilan tanishib, chiptalarni aviakompaniya rasmiy sayti, mobil ilova, Uzbekistan Airways Sales filiallari yoki rasmiy agentlar orqali xarid qilishlari mumkin.

Eslatib o‘tamiz, avvalroq 9-avgustdan boshlab Uzbekistan Airways Toshkent – Andijon – Toshkent yo‘nalishi bo‘yicha aviaqatnovlarni boshlashi haqida xabar bergan edik.

Bugun, 26-avgust kuni UzAuto Motors 420 ot kuchiga ega Chevrolet Tahoe High Country yangi modelini taqdim etdi. Kursiv Uzbekistan nashri model haqida ma’lumotlar va tadbirdan tasvirlarni taqdim qiladi.

Yangilangan Chevrolet Tahoe avtomobilining texnik xususiyatlari

Model yangilangan radiator panjarasi, orqa optika va glushitellarga ega.
Avtomobil avvalgi versiyasidan balandroq, yo‘l oralig‘i 20 dan 25 sm gacha kengaytirilgan. Tahoe High Country’da avtomatik suriladigan ostonalar va suriladigan bar ham joriy etilgan.
Boshqa yangilanishlar orasida rul chambaragi va displey dizayni, uzatmalarni almashtirish uchun rul osti selektori mavjud. Iqlim nazorati, zamonaviy multimedia tizimi yaxshilandi.

Tahoe High Country narxi 1,4 mlrd so‘m deb belgilangan bo‘lib, u kuch, qulaylik va...

Ilon Mask asos solgan xAI startapi AQShning Texas shtatida Apple va OpenAIga qarshi sud da’vosi kiritdi. Bu haqda haqda Reuters agentligi ma’lum qildi.

Kompaniya ularni sun’iy intellekt bozorida raqobatni cheklash, monopoliyani mustahkamlash hamda raqiblarni chetga surishda ayblamoqda. Da’vo arizasida milliardlab dollar miqdorida tovon undirish ham talab qilingan.

xAI’ning bildirishicha, Apple OpenAI bilan tuzgan eksklyuziv kelishuv orqali ChatGPTni iPhone, iPad va Mac tizimlariga chuqur integratsiya qilgan. Natijada, Maskning X va Grok ilovalari App Store’da yuqori o‘rinlardan joy ololmayapti. Mask ijtimoiy tarmog‘i X’da yozganidek, «Grok millionlab foydalanuvchi bahosiga ega bo‘lsa-da, Apple uni ro‘yxatlarda umuman ko‘rsatmayapti».

OpenAI bu ayblovlarni rad etib, da’voni...

18 – 20-avgust kunlari Nukusda CyberWeek dasturining mintaqaviy bosqichi bo‘lib o‘tdi. Tadbir Markaziy bank, Ichki ishlar vazirligi va Uzacard to‘lov tizimi hamkorligida tashkil etildi. Unda Kursiv Uzbekistan muxbiri Ichki ishlar vazirligi Tezkor qidiruv departamenti Kiberxavfsizlik markazi mas’ul xodimi Maqsad Mirabdullayev bilan kiberxavfsizlik sohasi haqida suhbatlashdi.

Kiberxavfsizlikda kadrlar muammosi

Mirabdullayevning ta’kidlashicha, kiberxavfsizlik sohasida malakali mutaxassislar yetishmaydi. Shu sababdan Ichki ishlar vazirligi akademiyasi qoshida yangi fakultet ochilib, yuzdan ortiq kursant qabul qilingan.

Mutaxassis ma’lumotiga ko‘ra, 2024-yilda O‘zbekistonda sodir etilgan jinoyatlarning 44,4 foizi axborot texnologiyalari yordamida amalga oshirilgan. Bu holatning oldini olish tizimni yil sayin takomillashtirish zarurligini ko‘rsatmoqda.

Asosiy tahdidlar va...

Samarqand shahrida Shavkat Mirziyoyev va Iordaniya podshohi Abdulla II ibn al-Husayn uchrashuvi yakunida sheriklik munosabatlarini mustahkamlash to‘g‘risida qo‘shma bayonot qabul qilindi. Bu haqda prezident matbuot xizmati ma’lum qildi.

Unga ko‘ra, muzokaralar doirasida ikki davlat o‘rtasida jami 15 ta hujjat imzolandi.

Bitimlar orasida ekstraditsiya, investitsiyalarni qo‘llab-quvvatlash va himoya qilish, qo‘shma komissiya tuzish hamda vizasiz tartibni joriy etishga doir hujjatlar bor. Shuningdek, oliy ta’lim, ilmiy tadqiqotlar, turizm, qishloq xo‘jaligi, o‘simliklar himoyasi va veterinariya sohalarida hamkorlikni kengaytirishga oid kelishuvlar imzolandi.

Bundan tashqari, havo qatnovi bo‘yicha hukumatlararo bayonnoma, standartlashtirish va din ishlari yo‘nalishida memorandumlar ham qabul qilindi. Mazkur hujjatlar O‘zbekiston va Iordaniya o‘rtasidagi...

Iordaniya Podshohining O‘zbekistonga davlat tashrifi doirasida Shavkat Mirziyoyev Iordaniyaning oliy mukofoti «An-Nahda» (Renessans) ordeni bilan taqdirlandi. Bu haqda prezident matbuot xizmati xabar berdi.

Mukofotni davlat rahbariga Iordaniya Hoshimiylar Podshohligi Podshohi Abdulloh II ibn al-Husayn shaxsan topshirdi.

«Ushbu mukofotni ko‘p qirrali hamkorlikni kengaytirish borasidagi umumiy sa’y-harakatlarimizning munosib e’tirofi, shuningdek, mamlakatimizda Uchinchi Renessans poydevorini yaratib borayotgan O‘zbekiston xalqiga bo‘lgan do‘stona munosabat va hurmat ifodasi sifatida katta mamnuniyat bilan qabul qilaman», dedi Mirziyoyev.

Podshoh Abdulloh II ibn al-Husaynning O‘zbekistonga tarixiy tashrifi va samarali muzokaralar natijasida ikki davlat o‘rtasidagi munosabatlar yangi sheriklik darajasiga ko‘tarildi.

Davlat rahbarlari siyosiy, savdo-iqtisodiy...

Market Yandex Go xizmati O‘zbekistonning Farg‘ona, Andijon, Namangan, Buxoro, Jizzax, Sirdaryo va Qashqadaryo viloyatlari hamda Navoiy shahrida ishga tushdi. Bu haqda kompaniya «Kursiv»ga ma’lum qildi.

Xizmatda elektronika, maishiy texnika, kiyim-kechak, poyabzal, uy-ro‘zg‘or va ta’mirlash uchun mahsulotlar, shuningdek, Yandex Factory brendi ostidagi maxsus tovarlar mavjud. Foydalanuvchilar mahsulotlarni narxi va xususiyatlari bo‘yicha taqqoslab, o‘z qiziqishlariga mos tavsiyalar lentasidan foydalanishlari mumkin.

Yangi hududlarda buyurtmalar kuryer orqali yetkazib beriladi. Bundan tashqari, Buxoro, Farg‘ona va Marg‘ilonda bir kun ichida Buyurtma Tarqatish Punktlari (BTP) orqali mahsulotni olish imkoni mavjud. Tez orada BTP xizmati boshqa hududlarda ham yo‘lga qo‘yiladi. To‘lovni ilova orqali karta bilan yoki BTPda...

Namanganda Migratsiya agentligining ikki nafar xodimi fuqarolarni Koreyaga ishga yuborishni va’da qilib, pora olgani aniqlandi. Bu haqda Davlat xavfsizlik xizmati xabar berdi.

Xabarga ko‘ra, Migratsiya agentligi Namangan viloyati filialining bosh mutaxassisi xizmat mavqeyidan foydalanib, aldov yoʻli bilan fuqarolarning ishonchiga kirgan. Ularni Janubiy Koreyaga ishga yuborish evaziga $41 ming olgani aniqlandi va qoʻlga olindi.

Shuningdek, tekshiruv jarayonida ushbu noqonuniy faoliyatni u Migratsiya agentligi markaziy apparati bosh mutaxassisi bilan birga amalga oshirgani ochiqlangan. Tezkor tadbir davomida markaziy apparat xodimi ham $15 mingni olayotganda jinoyat ustida qoʻlga olindi.

Aniqlanishicha, ushbu xodimlar 2024-yilda 80 nafardan ortiq fuqaroni Koreyaga yuborish bahonasida $700 mingdan ortiq...

Hukumat qarori bilan «Kasb va xorijiy tillarga o‘qitish uchun vaucher berish tartibi to‘g‘risida»gi nizom tasdiqlandi.

Nizomga ko‘ra, «Kambag‘al oilalar reyestri»ga kiritilgan oilalarning ishsiz a’zolari yoki rasmiy daromadga ega bo‘lmagan ish qidirayotgan shaxslarning kasb va xorijiy tillarga o‘qish xarajatlari vaucher asosida qoplab beriladi.

Bunda Kambag‘allikni qisqartirish va bandlik vazirligining ecosys.mehnat.uz tizimida vaucher asosida o‘qitadigan ta’lim tashkilotlarining elektron reyestri yuritiladi.

Shuningdek, talabgor vaucher olish uchun vazirlikning tuman (shahar) bo‘limlariga, mahallalardagi hokim yordamchilari orqali yoki ecosys.mehnat.uz tizimi orqali ariza bilan murojaat qilishi mumkin.

Bundan tashqari, talabgor avvalo tuman (shahar) bo‘limlari tomonidan bir kun ichida uning mutaxassisligiga mos bo‘sh ish o‘rinlari bilan tanishtiriladi...

Toshkentda ikki boshqaruv kompaniyasi 2,1 mlrd so‘mlik elektr energiyasidan noqonuniy foydalangan. Bu haqda «O‘zenergoinspeksiya» xabar berdi.

Toshkent shahri Shayxontohur tumanidagi ko‘p qavatli uylarning elektr qurilmalari boshqaruv servis kompaniya tomonidan hisoblagichdan chetlab ulanganligi aniqlandi. Natijada elektr ta’minoti korxonasiga 1,6 mlrd so‘mlik zarar yetkazilgani hisoblab chiqildi.

Bundan tashqari, o‘tgan haftada Uchtepada ham shunday holat aniqlangan. Bu yerda ham boshqaruv servis kompaniyasi tomonidan lift va yo‘laklaridagi elektr qurilmalari hisoblagichdan tashqari tarmoqqa ulangan. Natijada elektr ta’minoti korxonasiga 444 million so‘mlik zarar yetkazilganligi ma‘lum bo‘ldi.

Har ikkala holat bo‘yicha ham hozirda huquqni muhofaza qiluvchi organlar tergovga qadar tekshiruv olib bormoqda.

Prezident Shavkat Mirziyoyev tadbirkorlar...

Ikki hafta ketma-ket yuqori o‘sishdan keyin «Hamkorbank» aksiyalari keskin arzonlashdi. «O‘zbektelekom»ning esa ham imtiyozli, ham oddiy aksiyalarida o‘sish qayd etildi.

«Toshkent» respublika fond birjasida (RFB) joy olgan yuqori likvidli aksiyalarning aksariyati 18-avgustdan 22-avgustgacha bo‘lgan davrda turli dinamikani ko‘rsatib, UCI fond indeksi 2,32 foizga o‘sdi.

Mazkur indeks bundan oldin ketma-ket to‘rt hafta pasayishni qayd etgandi. Shuningdek, o‘tgan haftada ko‘plab aksiyalar narxi ham qimmatlashdi.

Masalan, «O‘zbektelekom»ning imtiyozli va oddiy aksiyalari mos ravishda eng katta o‘sishga erishib, 6,29 va 5,18 foizga qimmatlashdi. Shuningdek, «Qo‘qon mexanika zavodi» (+2,94%) aksiyalarida ham o‘sish qayd etildi.

Biroq «Hamkorbank» aksiyalari 11,65 foizga arzonlashib, haftaning eng katta pasayishini...