Yangiliklar

O‘zbekistonliklar Mustaqillik kuni munosabati bilan 5 kunlik ish haftasida 3 kun, 6 kunlik ish haftasida esa 2 kun dam oladi. Bu haqda Kambagʻallikni qisqartirish va bandlik vazirligi ma’lum qildi.

1-sentabr – Mustaqillik kuni munosabati bilan 5 kunlik ish haftasida ishlovchilar 30-avgust (shanba), 31-avgust (yakshanba) va 1-sentyabrda 3 kun dam oladi. 6 kunlik ish haftasida ishlovchilar esa 31-avgust va 1-sentabr kunlari dam olishadi.

Ma’lumot uchun, bayram munosabati bilan qo‘shimcha dam olish kunlari belgilanmagan va dam olish kunlari ko‘chirilmagan.

Eslatib o‘tamiz, avvalroq otalar ham farzand tug‘ilganda haq to‘lanadigan ta’til olishlari mumkinligi haqida yozgan edik.

Xitoyga parvoz qilish huquqiga ega bo‘lgan O‘zbekiston aviatashuvchilari soni 8 taga yetkaziladi. Bu haqda Transport vazirligi xabar berdi.

12 − 14-avgust kunlari Qozogʻistonning Ostona shahrida boʻlib oʻtgan Markaziy Osiyo – Xitoy (S5+1) fuqaro aviatsiyasi boʻyicha ikkinchi konferensiyada muhim kelishuvlarga erishildi. Muzokaralar davomida ikki mamlakat oʻrtasidagi aviaqatnovlar sonini haftasiga 130 tagacha oshirish boʻyicha hujjat imzolandi.

Mazkur kelishuv natijasida Oʻzbekiston aviakompaniyalari Xitoyning yangi shaharlari bilan ham parvozlarni yoʻlga qoʻyish huquqiga ega boʻladi. Shu bilan birga, yoʻlovchi va yuk tashish qatnovlari soni sezilarli darajada ortadi.

Eslatib oʻtamiz, 2024-yil iyunida Sian shahrida oʻtkazilgan ilk konferensiyada aviakompaniyalar soni 3 tadan 6 taga oshirilgan, parvoz...

Shavkat Mirziyoyev sud tizimini takomillashtirish va odil sudlovni ta’minlashga oid yangi tashabbuslar taqdimoti bilan tanishdi. Bu haqda davlat rahbari matbuot xizmati matbuot xizmati ma’lum qildi.

So‘nggi yillarda sudlar jazolovchi organdan inson huquqlarini himoya qiluvchi tizimga aylantirildi. Ma’muriy sudlar tashkil etildi, oilaviy masalalar uchun maxsus sudyalar korpusi yaratildi, investitsion nizolar bo‘yicha alohida tarkib joriy etildi.

Taqdimotda «Raqamli sud» konsepsiyasi taqdim qilinib, korrupsiyani kamaytirish, sud ishlarini tezlashtirish va fuqarolar uchun qulayliklar yaratish yo‘llari belgilandi. Shuningdek, sudyalik lavozimining barqarorligi, mintaqaviy taftish sudlarini tashkil etish hamda Odil sudlov akademiyasini tashkil qilish masalalari muhokama etildi.

Eslatib o‘tamiz, avvalroq Yangi Toshkentda 60 dan ortiq davlat...

Uzbekistan Airways Toshkent — Urganch yo‘nalishida qo‘shimcha reyslarni yo‘lga qo‘yadi. Bu haqda kompaniya rasmiy sahifasida xabar berdi.

Unga ko‘ra, 25 – 29-avgust kunlari Toshkent — Urganch — Toshkent yo‘nalishida qo‘shimcha aviaqatnovlar amalga oshiriladi. Chiptalarni booking.uzairways.com rasmiy sahifasi, mobil ilova yoki Uzbekistan Airways Sales filiallari va rasmiy agentliklardan xarid qilish mumkin.

Bundan avval kompaniya shaxsiy ma’lumotlar sizib chiqqani haqidagi xabarlarni rad etgandi.

Aviakompaniya ma’lumotiga ko‘ra, hozirga qadar axborot tizimlariga ruxsatsiz kirish yoki yo‘lovchi hamda xodimlarning shaxsiy ma’lumotlari oshkor qilinganiga oid birorta ham tasdiqlangan holat qayd etilmagan. Barcha infratuzilma odatdagi tartibda ishlamoqda.

20-avgust kuni Shavkat Mirziyoyev tadbirkorlar o‘tkazgan ochiq muloqotida «tadbirkor» so‘zini 107 marta takrorladi. Bu haqda Iqtisodiy tadqiqotlar va islohotlar markazi tahlillarida ma’lum qilindi.

Tahlil jarayonida aniqlanishicha, nutq 4 241 so‘zdan iborat bo‘lib, eng ko‘p takrorlangan atamalar orasida «tadbirkor» (107 marta), «biznes» (34 marta), «korxona» (29 marta), «soliq» (21 marta) so‘zlari yetakchilik qildi.

Shuningdek, «investitsiya», «loyiha», «kredit» kabi so‘zlar 15 martadan ishlatilgan, «startup» va «bank» so‘zlari esa 13 martadan uchradi. «Eksport» tushunchasi ham 12 marta tilga olindi.

Prezidentning chiqishida «bosh kuch – bu tadbirkorlar», «yakka tartibdagi tadbirkor» kabi iboralar bir necha bor takrorlangan. «Biznes vakillari», «ochiq muloqot», «imtiyozli...

Milliy statistika qo‘mitasi ma’lumotiga ko‘ra, 2025-yilning yanvar – iyul oylarida 4,3 mlndan ortiq O‘zbekiston fuqarosi turistik maqsadda chet elga chiqqan.

Bu ko‘rsatkich o‘tgan yilning shu davriga nisbatan 954,4 ming kishiga yoki 28,2 foizga ko‘pdir.

Eng ko‘p borilgan davlatlar qatorida qo‘shni mamlakatlar yetakchilik qildi:

Shuningdek, Rossiyaga 274,3 ming, Saudiya Arabistoniga 151,7 ming, Turkiyaga 141,7 ming fuqaro safar qilgan.

Bundan tashqari, BAAga 82,5 ming, Misrga 38 ming, Vyetnamga 22,7 ming va Xitoyga 20,4 ming o‘zbekistonlik turist borgan. Qolgan davlatlarga jami 132,3 ming kishi safar qilgan.

Avvalroq...

Alkogolsiz ichimliklar va sharbat ishlab chiqaruvchilar uyushmasi raisi Alfiya Musina Shavkat Mirziyoyevni Tinchlik bo‘yicha Nobel mukofotiga nomzod sifatida ko‘rsatishni taklif qildi.

U bu fikrini davlat rahbari va tadbirkorlar o‘rtasidagi ochiq muloqot davomida bildirdi. Musinaning ta’kidlashicha, prezident so‘nggi yillarda Markaziy Osiyo va Kavkazning birodar xalqlarini yaqinlashtirish va birlashtirishga muvaffaq bo‘lgan.

«Menga qolsa, sizni tinchlik uchun Nobel mukofotiga nomzod qilib ko‘rsatgan bo‘lardim», dedi u.

Shuningdek, u prezidentning so‘nggi yillarda biznes muammolariga e’tiborli bo‘lib kelayotganini qayd etdi va ko‘rsatilgan qo‘llab-quvvatlash uchun minnatdorlik bildirdi.

Mazkur uchrashuvdan bir kun o‘tib, 21-avgustda prezident yana bir qator tadbirkorlarni taqdirladi. Ular...

2025-yilning yanvar – iyul oylarida O‘zbekistonning tashqi savdo aylanmasi $44,4 milliardni tashkil etdi. Davlat statistika qo‘mitasining ma’lumotiga ko‘ra, bu ko‘rsatkich o‘tgan yilning shu davriga nisbatan 19,9 foizga oshgan.

Respublikaning asosiy savdo hamkorlari sifatida Xitoy, Rossiya va Qozog‘iston yetakchilik qilmoqda. Xitoy bilan savdo hajmi $8 milliarddan oshgan bo‘lsa, Rossiya bilan $7,2 milliard, Qozog‘iston bilan esa $2,6 milliardni tashkil etdi.

Mamlakatning eksport hajmi $20,1 milliardni, import hajmi esa $24,3 milliardni tashkil qilgan. Bunda O‘zbekiston mahsulotlarini asosan Rossiya, Xitoy va Qozog‘iston xarid qilmoqda. Shu bilan birga, aynan ushbu davlatlar O‘zbekistonga o‘z mahsulotlarini faol yetkazib bermoqda.

Bundan tashqari, yanvar – iyulda mamlakat $7,7 milliardlik...

O‘zbekistonning Lixtenshteyn knyazligidagi birinchi elchisi Dilshod Axatov Valiahd shahzoda Aloizga ishonch yorliqlarini topshirdi. Bu haqda «Dunyo» axborot agentligi xabar berdi.

Shahzoda tarixda ilk bor mazkur mamlakatda O‘zbekiston elchisining tayinlanganini alohida e’tirof etdi.

Ikki davlat o‘rtasida diplomatik munosabatlar 2024-yil mart oyida o‘rnatilgan bo‘lib, bu Lixtenshteyn va O‘zbekiston hamkorligini kengaytirish uchun muhim asos bo‘lgani ta’kidlandi.

Eslatib o‘tamiz, Dilshod Axatov 2023-yil oktabr oyida O‘zbekistonning Germaniyadagi elchisi sifatida ham ishonch yorliqlarini topshirgan va hozirda Shveysariya hamda Chexiyada ham elchi vazifasini bajaradi.

Bundan oldin prezident Fransiya elchisini «Do‘stlik» ordeni bilan taqdirlagandi.

AQSh prezidenti Donald Tramp ikkinchi muddatga prezidentlikka saylanganidan beri 600 dan ortiq moliyaviy operatsiya amalga oshirgan. Bu haqda Reuters xabar berdi.

Nashr ma’lumotiga ko‘ra, siyosatchi sotib olgan qimmatli qog‘ozlar qiymati $100 milliondan oshadi. Tramp joriy yilda prezidentlikka saylangandan buyon korporativ, davlat va munitsipal obligatsiyalarni xarid qilgan. Prezident bo‘lganidan keyin Trampning aktivlari yanada oshgani qayd etilgan.

Tramp sotib olgan obligatsiyalar orasida Citigroup, Morgan Stanley va Wells Fargo, shuningdek Meta, Qualcomm, Home Depot, T-Mobile USA va UnitedHealth Group qimmatli qog‘ozlari bor.

Bundan tashqari, Oq uy rahbari shaharlar, shtatlar, okruglar va boshqa emitentlar chiqargan qimmatli qog‘ozlarni ham xarid qilgan.

Ma’lumotlarga ko‘ra, uning...

Yangi taqdim etilayotgan smartfonlar ko‘rinishi jihatdan bir biriga o‘xshashi mumkin. Shunday modellar borki, o‘zining noodatiy dizayni va tashqi ko‘rinishi bilan xaridorlarning diqqatini tortadi. Palach nashrining maqolasida 5 ta qiziqarli dizaynga ega smartfonlar haqida so‘z boradi.

CMF Phone 2 Pro

CMF Phone 2 Pro arzon, ammo kamerasi kuchli smartfon. Korpus modulli va matdan iborat. Orqa qopqoqka turli aksessuarlarni mahkamlash mumkin.

Ekrani 6,77 dyuym AMOLED, 120 Hz yangilanishga ega. Yorqinligi 3000 nit. Unda MediaTek Dimensity 7300 Pro chipi o‘rnatilgan. Kamerasi 50+50+8 MP va 16 MP old kamera. 2x optik zoom ham bor. Batareya 5000 mA·soat, 33 vatt tezkor quvvatlash.

Tecno Pova...

Bugun, 21-avgust kuni dollar kursi 52,65 so‘mga tushib, 12 413,79 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 48,9 so‘mga pasayib, 14468.27 so‘mni, rubl esa 0,56 so‘mga tushib, 154.86 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

UzAuto Motors 25-avgust kuni yangi Chevrolet Tahoe 2025 modelini O‘zbekiston bozoriga taqdim etishi mumkin. Kompaniya sirli modelining nomini hali ochiqlamagan bo‘lsa-da, avtomobil ko‘rinishi jihatdan yuqoridagi fikrni tasdiqlaydi.

Kursiv Uzbekistan Chevrolet.uz saytidagi sahifani kod holatiga aylantirganida tizer rasmi Tahoe2 nomi bilan yuklanganini ham aniqladi.

Chevrolet.uz saytida e’lon qilingan Chevrolet Tahoe modeli haqidagi sahifasida u 343 ot kuchi ishlab chiqarilishi haqida yozilgan. U 100 km/soat tezlikka 8 soniyada chiqadi.

Dinamik yonilg‘i boshqaruvi silindrlarni o‘chirib, yonilg‘i sarfini kamaytiradi va ekologik me’yorlarga moslashadi. Tahoe o‘rtacha atigi 12,6 litr yonilg‘i sarflaydi.

Tahoe – uch qatorli o‘rindiqlarga ega yirik model bo‘lib, AQSh bozorida u uch...

Namangan shahrida Ilg‘or kasbiy tayyorgarlik markazi (CoVE) ish boshladi. Bu haqda Oliy ta’lim, fan va innovatsiyalar vazirligi xabar berdi.

Tantanali ochilish marosimida Yevropa Ittifoqi, YuNESKO, Oliy ta’lim, fan va innovatsiyalar vazirligi hamda mahalliy hokimlik vakillari qatnashdi. Dastlab ramziy tasma kesildi, so‘ngra mehmonlar ta’mirlangan binolar, o‘qituvchilar uchun yangi xonalar va jihozlar bilan tanishdi.

Tadbirda xalqaro hamkor tashkilotlar vakillari va loyiha rahbarlari markazning maqsadlari hamda kutilayotgan natijalar haqida gapirib o‘tdi. Markaz direktori Shahnoza Mamajonova esa 2026-yilgacha rejalashtirilgan loyihalar haqida ma’lumot berdi.

Yangi markaz viloyatda kasbiy ta’limni rivojlantirish va malakali kadrlar tayyorlashga xizmat qiladi.

Bundan oldin Samarqandda Pedagogika mahorati markazi ochilgandi.

AQSh sudi Donald Tramp ma’muriyatiga Markaziy Amerika va Nepaldan kelgan 60 mingdan ortiq muhojirlarga berilgan vaqtinchalik deportatsiya himoyasini tugatish va ular uchun ish ruxsatnomalarini bekor qilishga ruxsat berdi. Bu haqda Reuters xabar bermoqda.

To‘qqizinchi okrug bo‘yicha AQSh Apellyatsiya sudining qarori hukumatga Nikaragua, Gonduras va Nepaldan kelgan muhojirlarga berilgan vaqtinchalik himoya maqomini bekor qilish imkonini beradi.

Nepal fuqarolari uchun himoya 5-avgust kuni yakunlangan bo‘lsa, Gonduras va Nikaragua fuqarolari uchun u 8-sentabrda tugaydi.

AQSh Ichki xavfsizlik vazirligi vakili Trishiya MakLaflinning ta’kidlashicha, bu qaror immigratsiya tizimining yaxlitligini tiklashga yordam beradi.

UCLA Immigratsiya huquqi va siyosati markazi vakili Axilan Arulanantam sud qarorini...

Navoiy viloyatida joylashgan Pirali oltin koni 99 milliard so‘mga sotildi. E-auksion saytida onlayn auksion yakunlangani ma’lum qilindi.

Savdolar natijasida konni geologik o‘rganish huquqi NBK 111 kompaniyasiga berildi. Kompaniya kon uchun 99,09 milliard so‘m to‘lashga rozi bo‘ldi. Bu miqdor boshlang‘ich narxdan qariyb 24 baravar yuqoridir.

Auksion 21-avgust kuni ertalab boshlangan va 23 soat 29 daqiqa davom etgan. Shu vaqt ichida jami 461 ta taklif berildi.

Ma’lumotlarga ko‘ra, NBK 111 2024-yil may oyida Toshkentda ro‘yxatdan o‘tgan. Korxona rangli metall rudalarini qazib olish bilan shug‘ullanadi, ustav kapitali esa 1,005 milliard so‘mni tashkil etadi.

Kompaniyaning 40 foizi xitoylik investor Chjan Tsyanga...

Ijtimoiy tarmoqlarda «Abdulloh» nomi bilan tanilgan tiktoker Yugay Valeriy qamoqqa olindi. Bu haqda Oliy sud matbuot xizmati ma’lum qildi.

Toshkent viloyati IIBB ma’lumotiga ko‘ra, u 2024-yilning oktabr–noyabr oylarida Koreyada bo‘lgan vaqtida ijtimoiy tarmoqlardagi sahifalari orqali millatlararo nizo keltirib chiqaruvchi, milliy qadriyatlarni tahqirlovchi va diniy e’tiqod asosida fuqarolarni kamsituvchi chiqishlar qilgan.

Joriy yil 24-mart kuni u Abu Dabi — Samarqand reysi orqali O‘zbekistonga qaytarilib, huquq-tartibot organlari tomonidan ushlangan. Sud jarayonida Yugay Valeriy o‘z qilmishidan pushaymonligini bildirib, xalqdan uzr so‘radi.

Nurafshon shahar sudi hukmiga ko‘ra, u Jinoyat kodeksining 156-moddasi (milliy, irqiy, etnik yoki diniy adovat qo‘zg‘atish) 2-qismi va 158-moddasi (O‘zbekiston...

Uzbekistan Airways ayrim OAV va onlayn-resurslarda go‘yoki kompaniya ma’lumotlar bazasidan ma’lumotlar sizib ketgani haqidagi xabarlar yuzasidan rasmiy munosabat berdi.

Aviakompaniya ma’lumotiga ko‘ra, hozirga qadar axborot tizimlariga ruxsatsiz kirish yoki yo‘lovchi hamda xodimlarning shaxsiy ma’lumotlari oshkor qilinganiga oid birorta ham tasdiqlangan holat qayd etilmagan. Barcha infratuzilma odatdagi tartibda ishlamoqda.

Shuningdek, ayrim nashrlarda keltirilgan misollar ishonchsiz ekani qayd etildi. Ular Uzbekistan Airways axborot tizimlariga aloqador emas va dastlabki taxminlarga ko‘ra, jamoatchilikda noto‘g‘ri taassurot uyg‘otish uchun sun’iy ravishda yaratilgan yoki tahrirlangan bo‘lishi mumkin.

Kompaniya xabariga ko‘ra, OAVdagi ma’lumotlar sababli xizmat tekshiruvi o‘tkazilgan. Natijada hech qanday ma’lumotlar komprometatsiya qilinmagan. Xavfsizlikni yanada kuchaytirish choralarini...

GM’ning Shimoliy Amerikadagi eng arzon elektromobili hisoblangan Chevrolet Equinox 2026 yangilanishdan so‘ng qimmatroq narxda sotiladi. Bu haqda GMAutority xabar bermoqda.

2026-yilgi krossover bir qator yangiliklarga ega, jumladan, Midnight Package va Polar White Tricoat rang variantida taqdim etiladi.

Boshlang‘ich narx $36,4 ming etib belgilangan. LT 2 versiyasi $43,2 mingdan, RS modeli esa $45,5 mingdan boshlanadi. Bu o‘tgan yilga nisbatan mos ravishda $1,5 mingga ko‘proq.

Dual Level Charge Cord endi barcha GM elektromobillarida standart bo‘lib, narx oshishiga sabab bo‘lgan omillardan biri. Shuningdek, 2027-yilda arzonroq bo‘lishi kutilayotgan yangi Chevrolet Bolt ham bozorda Equinox EV’ning o‘rnini qisqartirishi mumkin.

RS komplektatsiyasida qora tom yopmasi...

Xitoyda avtomobillar orasida C-NCAP xavfsizlik va avariya testi o‘tkazildi. Bu haqda CarNewsChina xabar berdi.

Ma’lum qilinishicha, C-NCAP testlarini Xitoy avtomobil texnologiyasi va tadqiqot markazi o‘tkazadi. Sinovlarda yo‘lovchilar, piyodalar va xavfsizlik tizimlari baholanadi. Natijalar foizlarda ifodalanadi va yulduzlar shaklida ko‘rsatib beriladi.

Mazkur test natijalariga ko‘ra, Huawei va Seres hamkorligida ishlab chiqarilgan Aito M8 yangi SUV modeli eng xavfsiz avtomobil sifatida e’tirof etildi. U C-NCAP xavfsizlik va avariya testida 93,7% natija bilan «besh yulduz +» bahosini olib, Xiaomi SU7 va boshqa raqiblarni ortda qoldirdi.

Aito M8 umumiy hisobda 93,7 foiz natija ko‘rsatdi. Faol xavfsizlik tizimlari bo‘yicha 96,34 foiz ball to‘plab...

Joriy yilning birinchi yarmida Qirg‘izistondan O‘zbekistonga qoramol eksporti o‘tgan yilga nisbatan besh baravar, qo‘y eksporti esa qariyb o‘n baravar qisqardi. Bu haqda Qirg‘iziston statistika qo‘mitasi hisobotlarida keltirib o‘tildi.

Unga ko‘ra, O‘zbekistonga 2025-yilning olti oyida 10 ming 270 bosh qo‘y va echki olib kirilgan. Bir yil oldin bu ko‘rsatkich 112 ming 206 boshni tashkil etgan edi.

2024-yil davomida esa Qirg‘izistondan O‘zbekistonga 130 ming 499 bosh qoramol hamda 233 ming 242 bosh qo‘y va echki eksport qilingan.

Avvalroq «Kursiv» nashri Mo‘g‘ulistondan O‘zbekistonga qo‘y eksporti start olgani haqida yozgandi.

Oʻzbekiston milliy terma jamoasi bosh murabbiyligiga nomzod sifatida Portugaliya terma jamoasi sobiq ustozi Paulu Bentu koʻrilmoqda. Bu haqda Championat.asia xabar berdi.

Ma’lumotlarga koʻra, Bentu soʻnggi bor BAA terma jamoasini boshqargan. Ammo jamoa JCh – 2026 saralashida muvaffaqiyat qozona olmaganidan soʻng lavozimidan ozod qilingan.

Bentu murabbiylik faoliyati davomida «Sporting» va «Olimpiakos» klublarida ishlagan. Shuningdek, u Portugaliya, Janubiy Koreya hamda Birlashgan Arab Amirliklari terma jamoalariga bosh murabbiylik qilgan.

Uning yutuqlari orasida 2012-yilda Portugaliya terma jamoasi bilan Yevropa chempionati yarim finaliga chiqishi va 2022-yilda Janubiy Koreya terma jamoasini Jahon chempionati pley-off bosqichiga olib chiqishi alohida ta’kidlanadi.

Avvalroq Kursiv Uzbekistan turkiyalik murabbiy Oʻzbekiston...

Samsung kompaniyasi yangi rekord o‘rnatishga tayyorlanmoqda. Samsung Galaxy S26 seriyasi o‘zidan oldingi modellardan ham yupqaroq bo‘lishi kutilmoqda. Bu haqda Dgl.ru nashri xabar bermoqda.

Ma’lumotlarga ko‘ra, barcha Galaxy S26 modellari Galaxy S25 seriyasidan yupqaroq bo‘ladi. Bu nafaqat ko‘rinishga, balki qurilmani ushlash qulayligiga ham ijobiy ta’sir qiladi.

Samsung, shu bilan birga, batareya sig‘imini ham oshirishni rejalashtirayotgani aytilmoqda. Mutaxassislarning fikricha, kompaniya kremniy-uglerod texnologiyasidan foydalanishi mumkin. Bu esa 7000 mA·soat quvvatga ega akkumulyatorni yupqa korpusga joylashtirish imkonini beradi.

Galaxy S26 Ultra ham avvalgi modeldan yengilroq va yupqaroq bo‘lishi haqida xabarlar tarqaldi. Ammo batareya sig‘imi borasida qarama-qarshi ma’lumotlar mavjud.

Shuningdek, kompaniya nomlash tizimida...

Tom’s Guide nashri 2025-yil uchun eng yaxshi smartfonlar haqida maqola e’lon qildi. Unda narx, texnik imkoniyatlar va kamera qulayligiga urg‘u qaratilgan.

Samsung Galaxy S25 Ultra

Samsung Galaxy S25 Ultra 200 MP kamera, AI ProVisual tizimi va uzoq quvvatli batareyasi bilan flagman smartfon. Qurilma 6,9 dyuymli AMOLED ekranga ega, 144 Hz yangilanish tezligi va HDR10+ qo‘llab-quvvatlaydi.

Snapdragon 8 Gen 4 protsessorida ishlaydi, 12/16 GB tezkor xotira va 256 GB dan 1 TB gacha saqlash imkoniyati mavjud. Batareyasi 5500 mA·soat, 65 Vt tezkor quvvatlash va simsiz zaryadlashni qo‘llab-quvvatlaydi.

Old kamera 50 MP, asosiy modul esa 200 MP bo‘lib, 10x optik zum...