Yangiliklar

Rejissyor Kristofer Nolanning yangi filmi «Odissey» treyleri ilk 24 soat ichida ijtimoiy tarmoqlarda 121 mln martadan ortiq tomosha qilindi. Bu haqda Forbes nashri WaveMetrix kompaniyasi ma’lumotlariga tayanib xabar berdi.

Bu ko‘rsatkich Nolan’ning «Oppengeymer» treyleridan ikki baravar ko‘p. Ushbu kartina treyleri dastlabki sutkada qariyb 50 mln marta ko‘rilgan edi.

«Odissey» 2025-yilda Universal studiyasi uchun eng ko‘p tomosha qilingan treylerga aylandi. Tomoshalarning 27 foiz qismi TikTok platformasiga to‘g‘ri kelgan. Keyingi o‘rinlarda YouTube, Facebook, Instagram va X joylashgan.

Film qadimgi yunon shoiri Gomerning asari asosida suratga olingan. Syujet Troya urushidan keyin Odisseyning uzoq va mashaqqatli sayohati haqida hikoya qiladi. Bosh rolni Matt...

Keyingi yili taqdim etilishi rejalashtirilgan Xpeng P7+ EREV sedanining yangi dizayniga oid tasvirlar e’lon qilindi. Bu haqda CarNewsChina xabar bermoqda.

Suratlar modelning sinov vaqtida olingan. P7+ EREV tashqi ko‘rinishda hozirgi P7+ BEV siluetini saqlab qolgan. Old qismda pastki bamper qayta ishlangan. Havo kirish teshiklari kattalashtirilgan. Bu yangi 1.5T range-extender dvigatelini sovitishni yaxshilashga xizmat qiladi.

Orqa qismda fonarlar yangicha halqa shaklida ishlangan. Markazda Xpeng yozuvi joylashtirilgan. Qo‘shimcha ravishda haydovchiga yordamchi ko‘k rangli yorug‘lik elementi paydo bo‘lgan. Orqa bamper kuzov rangida bajarilgan. Kuzovning pastki o‘ng burchagida P7+ power ultra belgisi ko‘rinadi.

Yangi P7+ EREV uzunligi 5 071 mm. Kengligi...

O‘mon poytaxti Maskat shahrida onasi tomonidan hujjatsiz qoldirib ketilgan 2023-yilda tug‘ilgan o‘zbekistonlik bola Toshkentga qaytarildi. Bu haqda «Dunyo» AA xabar bermoqda.

O‘zbekiston elchixonasi O‘monning tegishli idoralari bilan olib borgan muzokaralari natijasida bolaga tug‘ilganlik haqidagi guvohnoma rasmiylashtirilgan. 18-dekabr kuni u elchixona xodimi hamrohligida Maskat — Dubay — Toshkent yo‘nalishi bo‘yicha O‘zbekistonga olib kelindi.

Ma’lumotlarga ko‘ra, bolaning onasi tug‘uruqxonaga nikoh tuzilganligi haqida hujjat taqdim etmagani sababli chaqaloqqa o‘z vaqtida hujjat olinmagan. Bundan tashqari, ayolga nisbatan O‘monda jinoiy ish qo‘zg‘atilgani bois u tug‘uruqxonani yashirincha tark etgan. Keyinchalik onasi bolani vaqtincha qarash bahonasida suriyaliklar xonadonida qoldirib, 2023-yilda O‘zbekistonga qochib ketgan.

Avvalroq Kursiv Uzbekistan...

Turkiya Superligasining birinchi davrasi yakunlariga ko‘ra shakllantirilgan mavsumning eng yaxshi futbolchilari ro‘yxatidan O‘zbekiston milliy terma jamoasi sardori Eldor Shomurodov joy oldi.

Eldor Shomurodov joriy mavsumda Turkiya maydonlarida ajoyib o‘yin namoyish etib, 12 marta raqiblar darvozasini ishg‘ol qildi va jamoadoshlariga 3 ta golli uzatma berdi. Ushbu ko‘rsatkichlar unga nafaqat o‘z klubining yetakchisiga aylanish, balki liganing eng xavfli hujumchisi sifatida e’tirof etilish imkonini berdi.

Ramziy jamoadan Shomurodovning asosiy ta’qibchilaridan biri, nigeriyalik hujumchi Pol Onuachu ham o‘rin olgan. Shuningdek, ro‘yxatda Superliganing boshqa nomdor yulduzlari, jumladan, Leroy Sane, Marko Asensio va Milan Shkriniyar kabi grand klublarning yetakchi o‘yinchilari ham qayd etilgan.

Avvalroq Kursiv...

26-dekabr uchun valyuta kurslari e’lon qilindi. Shu kun uchun AQSh valyutasi 12 078,47 so‘m (+10,87 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Netflix mashhur serialning davomi bo‘lgan «Shelbilar oilasi: O‘lmas odam» (Peaky Blinders: The Immortal Man) filmining ilk tizerini taqdim etdi. Killian Merfi Tommi Shelbi roliga qaytgan kartina 2026-yilning 20-mart kuni striming platformasida namoyish etiladi.

Film voqealari 1940-yilgi Birmingemda, Ikkinchi jahon urushi davrida kechadi. Syujetga ko‘ra, Tommi Shelbi o‘zining eng og‘ir sinovlariga duch keladi. Film ssenariysi serial yaratuvchisi Stiven Nayt tomonidan yozilgan bo‘lib, rejissyorlik vazifasini Tom Harper bajardi.

Aktyorlar tarkibida Killian Merfidan tashqari Rebekka Fergyuson, Barri Keogan, Tim Rot va Stiven Grem kabi yulduzlar o‘rin olgan.

Stiven Naytning ta’kidlashicha, bu film «Shelbilar oilasi» tarixidagi yorqin bob bo‘ladi. Kartina 2026-yil 6-martda...

Farmatsevtika tarmog‘ini rivojlantirish agentligi va Farmatsevtika texnik universiteti Turkmanistonning Altyn Kanun tashkiloti bilan hamkorlik to‘g‘risida kelishuv imzoladi.

Kelishuv ikki davlat hududida ishlab chiqariladigan farmatsevtika mahsulotlarini xarid qilish, sotish, eksport va import qilish yo‘nalishlarida hamkorlikni yo‘lga qo‘yishni nazarda tutadi. Bu farmatsevtika bozorlarini kengaytirish, mahsulot ayirboshlash hajmini oshirish va o‘zaro iqtisodiy aloqalarni mustahkamlashga xizmat qiladi.

Shuningdek, hujjat doirasida tibbiy ta’lim va kadrlar tayyorlash sohasidagi hamkorlikni rivojlantirish belgilangan. Jumladan, Turkmaniston fuqarolarini O‘zbekistondagi Farmatsevtika texnik universitetida professional ta’lim olishga yo‘naltirish rejalashtirilgan.

Eslatib o‘tamiz, avvalroq O‘zbekistonda elektron retsept tizimi ishga tushgani va qanday dorilarni retseptsiz sotib olish mumkinligi haqida xabar berilgandi. SSV ma’lumotiga...

Zeekr 2026-yilning birinchi choragida Xitoy bozoriga yangi Zeekr 9S gibrid krossoverini olib chiqadi. Avtomobil ilgari 8X nomi bilan tanilgan. Dastlabki ma’lumotlarga ko‘ra, narxi qariyb $64 ming bo‘ladi.

Zeekr 9S flagman 9X’ning ixcham va sport ruhidagi talqini sifatida joylashtirilmoqda. Model brendga xos dizaynni saqlab qolgan. Old qismida yirik radiator panjarasi, ikki darajali faralar va tomda LiDAR joylashgan. Qora rangli disklar sport kayfiyatni kuchaytiradi.

Salon markazida katta sensorli ekran o‘rnatiladi. Uch spikali rul ortida uzatma dastagi joylashgan. Markaziy konsol dizayni Porsche’ning Cayenne modelini eslatadi. O‘rindiqlar 5 yoki 6 kishilik variantda taklif etiladi. Tuzilishi 2+2+2 bo‘lishi mumkin.

Texnik qismda Zeekr 9S 9X...

Joriy yilning 24-dekabr kuni kechqurun Toshkentdagi Iso Masihning Muqaddas Qalbi cherkovida katoliklar Rojdestvo bayramini nishonlash uchun yig‘ildi. Kursiv Uzbekistan ushbu tadbirdan fotoreportaj tayyorladi.

Tadbir Injil matnlarini o‘qish, va’z aytish, xor qo‘shiqlari ijro etish va Rojdestvoning umid, tinchlik hamda ruhiy yangilanish voqeasi sifatidagi ma’nosini ta’kidlovchi bayramona liturgiya bilan birga o‘tkazildi.

Ibodat markazidan Iso Masihning tug‘ilishi haqidagi Injil hikoyasini o‘qish, ibodat va voqeaning ma’naviy ma’nosini ochib beruvchi va’z joy egalladi.

Bunda musiqa alohida rol o‘ynadi: xor qo‘shiqlari va Rojdestvo madhiyalari tantanali va diqqatni jamlagan muhitni yaratdi.

Eslatib o‘tamiz, avvalroq Saida Mirziyoyeva Rim Papasi Lev XIV bilan uchrashgandi. Uchrashuvda O‘zbekistonda turli konfessiyalar...

Tayvanning Taitung okrugida 24-dekabr kuni 6,1 magnitudali zilzila sodir bo‘ldi. Bu haqda orolning ob-havo ma’muriyati xabar berdi.

Zilzila poytaxt Taybeyda ham sezilgan. Rasmiylarga ko‘ra, yer osti silkinishlarining chuqurligi 11,9 km bo‘lgan. Favqulodda vaziyatlar agentligi hozircha zarar yoki talafotlar yuzasidan ma’lumot yo‘qligini bildirgan.

Taiwan Semiconductor Manufacturing Company (TSMC) zavodlarida evakuatsiya darajasiga etgan silkinish qayd etilmagan. Orol ikki tektonik plita tutashgan hududda joylashgan bo‘lib, zilzilalar tez-tez kuzatiladi.

2016-yilda janubiy hududda ro‘y bergan zilzila oqibatida yuzdan ortiq kishilar halok bo‘lgan. 1999-yilda magnitudasi 7,3 bo‘lgan kuchli zilzilada ikki mingdan ziyod odamlarning hayoti uzilgan.

Eslatib o‘tamiz, Kursiv Uzbekistan nashri Afg‘onistondagi zilzila O‘zbekistonda ham sezilgani...

Burundining «Les Guepiers du Lac» klubi yarim himoyachisi Igiraneza Aime Gerik o‘yin vaqtida maydonda vafot etdi. Guvohlarning so‘zlariga ko‘ra, fojiaga futbolchi o‘yin davomida og‘zida saqlagan tangani yutib yuborishi sabab bo‘lgan.

Voqea Ngaraga milliy texnik markazida «LLB Amasipiri Never Give Up» jamoasiga qarshi kechgan milliy ikkinchi divizion uchrashuvida yuz berdi. Futbolchi to‘satdan maydonga yiqilgan. Tibbiy guruhlarning tezkor aralashuviga qaramay, u shifoxonaga olib ketilayotganda hayotdan ko‘z yumdi.

Burundi futbol federatsiyasi zudlik bilan bayonot berib, marhumning oilasi va klubiga hamdardlik bildirdi, biroq rasmiy xabarda o‘limning aniq sababi keltirilmagan. Shunga qaramay, voqea joyidagi ko‘plab manbalar o‘limga futbolchi og‘zida bo‘lgan tanga sabab bo‘lganini tasdiqlamoqda.

Geely Galaxy liniyasidagi ilk range-extender MPV modeli – Geely Galaxy V900 rasman oldindan buyurtmaga qo‘yildi. Dastlabki bron narxi taxminan $14 etib belgilandi. Model EREV texnologiyasiga ega bo‘lib, umumiy yurish masofasi 1 200 km ga yetadi.

Galaxy V900’ni to‘liq elektromobil bo‘lgan LEVC L380 modelining range-extender talqini sifatida baholash mumkin. So‘nggi ikki yil ichida Geely Geometry va LEVC brendlarini Galaxy tarkibiga birlashtirib, strategiyasini qayta shakllantirdi.

Tashqi dizaynda ikki qavatli old panel ajralib turadi. Old qismida uzunligi 1 750 mm bo‘lgan uzluksiz LED chiroq va xrom panjara joylashgan. Orqa fonarlar qanot shaklida ishlangan bo‘lib, kuzov yon tomonlariga cho‘zilgan. Old qismida 24K oltin...

Toshkent viloyatida avval ham 14 yoshga to‘lmagan shaxsning nomusiga tegish jinoyatini sodir qilgani uchun sudlangan pedofil sud hukmi bilan o‘ta xavfli retsidivist deb topildi va qamaldi. Bu haqda Oliy sud matbuot kotibi Aziz Abidov xabar berdi.

Ohangaron tumanida joylashgan manzil koloniyadan qochib, 3-sinfda o‘qiydigan qizni zo‘rlagan pedofilga nisbatan sud ishi Jinoyat-protsessual kodeksining 19-moddasi (sudda jinoyat ishlarining oshkora ko‘rilishi) talablariga muvofiq yopiq sud majlisida nihoyasiga yetdi va yakuniy hukm chiqarildi.

E’lon qilingan sud hukmiga muvofiq 31 yoshli ayblanuvchi 9 yoshli qizga nisbatan Jinoyat kodeksining 119-moddasi (jinsiy ehtiyojni zo‘rlik ishlatib g‘ayritabiiy usulda qondirish) 4-qismida nazarda tutilgan jinoyatni sodir etganlikda aybli...

Xitoylik uyushgan jinoiy guruhlar Telegram messenjerini dunyodagi eng yirik noqonuniy kriptovalyuta iqtisodiyoti platformasiga aylantirmoqda. Ushbu bozorlar hajmi bo‘yicha tarixiy darknet gigantlarini ortda qoldirgani aytilmoqda.

Elliptic ma’lumotlariga ko‘ra, Huione Guarantee platformasi 2021 – 2025-yillar oralig‘ida $27 mlrdlik mablag‘ni qayta ishlagan. Bu tarixda kuzatilgan har qanday darknet platformasidan kattaroq ko‘rsatkich hisoblanadi. Telegram may oyida ushbu kanalni bloklagan bo‘lsa-da, faoliyat boshqa bozorlarga ko‘chgan.

Hozirda Tudou Guarantee (oyiga $1,1 mlrd) va Xinbi Guarantee (oyiga $850 mln) platformalari yetakchilik qilmoqda. Ikki bozorning oylik hajmi mashhur AlphaBay noqonuniy bozorining butun tarixiy ko‘rsatkichidan oshib ketadi.

Ushbu bozorlar pul yuvish xizmatlari, soxta investitsiya platformalari, o‘g‘irlangan shaxsiy ma’lumotlar...

1-dekabr holatiga ko‘ra, banklardagi muammoli kreditlar (NPL) umumiy miqdori 20,5 trln so‘mga pasaygan. Bu ko‘rsatkich 1-noyabr bilan solishtirilganda 8 foizga foizga, ya’ni 1,8 trln so‘mga pasaygan. Noyabr oyida bu ko‘rsatkich 22,3 trln so‘mni tashkil etgandi.

Jami kreditlardagi NPL ulushi 3,5 foizga pasaydi. Noyabr oyida bu ko‘rsatkich 3,8 foizni tashkil qilgan. 1-dekabr holatiga ko‘ra, banklarning kredit portfeli 595,3 trln so‘mni tashkil etgan. Noyabr oyiga nisbatan 2,5 trln so‘mga oshgan.

Davlat banklarida

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami miqdori 14,6 trln so‘mdan ortiqni tashkil qilgan. Bu noyabr oyiga nisbatan 7,9 foizga pasaygan

Davlat banklari orasida qaytarilmayotgan kredit qarzdorligi...

Yevrosiyo taraqqiyot banki O‘zbekiston Markaziy Osiyoda ombor (logistika) ko‘chmas mulki sektorining yetakchilaridan biriga aylanib borayotganini qayd etdi.

Prognozlarga ko‘ra, 2040-yilga borib O‘zbekistonda yuqori sifatli omborlarga bo‘lgan talab vaziyatga qarab 5,9 – 7,6 mln kvadrat metrgacha oshishi mumkin. Ombor ko‘chmas mulki segmentida eng yuqori investitsion o‘sish Samarqand, Farg‘ona, Toshkent va Urganch shaharlarida kuzatilmoqda.

Bank tahlillarida qayd etilishicha, talab tuzilmasi sezilarli darajada o‘zgaradi. Ombor maydonlari hajmining potensial o‘sishi quyidagicha baholanmoqda.

Xiaomi kompaniyasi yaqin kunlarda taqdim etiladigan Xiaomi 17 Ultra smartfoni maxsus Leica Edition talqinida ham chiqishini rasman tasdiqladi. Bu haqda Gizmochina xabar bermoqda.

E’lon bilan birga qurilmaning qutisi tasvirlangan tizer ham namoyish etildi. Quti qora rangda bo‘lib, unda Xiaomi va Leica logotiplari joy olgan.

Rasmiy namunalarga ko‘ra, 17 Ultra’ning kamera tizimida apparat va dasturiy yechimlar birgalikda ishlaydi. Kompaniya bu model mobil suratga olishda yangi bosqichni boshlab berishini ta’kidlamoqda.

Texnik jihatlar ham tasdiqlandi. Smartfon 1 dyuymli asosiy sensor bilan jihozlanadi. Periskop telefoto kamera 200 MP bo‘ladi. U Leica’ning apoxromatik optik sertifikatiga ega. Bu xromatik aberratsiyani kamaytiradi va tasvir aniqligini oshiradi...

Forbes jurnali 2025-yil uchun dunyoning eng qimmat 50 ta sport jamoasi reytingini e’lon qildi. Futbol olamining grandlari «Real Madrid», «Manchester Yunayted», «Barselona» va «Liverpul» kuchli elliktalikdan o‘rin olishga muvaffaq bo‘ldi.

Umumiy qiymati $353 mlrdga baholangan ushbu ro‘yxatda Amerika futboli (NFL) va basketbol (NBA) klublari yetakchilik qilmoqda. Joriy yilgi reytingda futbol klublarining ulushi qisqargan bo‘lib, bor-yo‘g‘i to‘rtta jamoa TOP – 50 likka kirdi. Ispaniyaning «Real Madrid» klubi $6,75 mlrd bilan 20-o‘rinni egalladi va futbol jamoalari orasida eng yuqori natijani qayd etdi.

Angliyaning «Manchester Yunayted» klubi $6,6 mlrd qiymat bilan 24-pog‘onadan joy oldi. «Barselona» esa $5,65 mlrd baho bilan 42-o‘rinda qayd...

Raqobat qo‘mitasi Toshkent viloyati hududiy boshqarmasiga fuqarolardan qurilish kompaniyalari faoliyati yuzasidan murojaatlar kelib tushganini ma’lum qildi.

Unga ko‘ra xaridorlar shartnoma bo‘yicha to‘lovlarni o‘z vaqtida amalga oshirgan bo‘lsa-da, ayrim quruvchi tashkilotlar belgilangan muddatda xonadonlarni topshirmagani qayd etilgan.

Shu asosda hududiy boshqarma tomonidan sudlarga 32 nafar iste’molchi manfaatini ko‘zlab 11 mlrd so‘mdan ortiq mablag‘ni undirish bo‘yicha da’vo arizalari kiritilgan.

Ko‘rilgan ishlar natijasida Glamur Gold, Transport Free Group, Lucky Technical, Broccoli Plus va Nur kompaniyalariga nisbatan sud qarorlari chiqarildi. Unga muvofiq, 16 nafar iste’molchi foydasiga jami 6,7 mlrd so‘m mablag‘ qaytarilishi belgilandi.

Qo‘mita hozirda qolgan iste’molchilarning buzilgan huquqlarini tiklash bo‘yicha sud...

Kredit tashkilotlarida iste’molchilarga xizmat ko‘rsatish talablariga rioya etilishini ta’minlash yuzasidan «sirli mijoz» usulidagi nazorat tadbirlari o‘tkaziladi. Bu bo‘yicha nizom Adliya vazirligida davlat ro‘yxatidan o‘tkazildi.

Nizomga ko‘ra, kredit tashkilotlarida moliyaviy xizmatlar iste’molchilari bilan o‘zaro munosabatlarni amalga oshirish chog‘ida kredit tashkilotlarining faoliyatiga qo‘yiladigan talablarga rioya etilishini tekshirish maqsadida «sirli mijoz» usulidagi nazorat tadbirlari o‘tkaziladi. Uni o‘tkazish uchun dastlab Markaziy bank raisining o‘rinbosari yoki Markaziy bank hududiy bosh boshqarmasi boshlig‘ining farmoyishi chiqariladi.

Nazorat tadbirini tashkillashtirish uchun 3 ish kunigacha, davomli operatsiyalar (harakatlar) uchun ushbu operatsiyaning (harakatning) oxirgi kunigacha bo‘lgan muddat belgilanadi.

Bunday tadbirlar Markaziy bank yoki uning hududiy filiallari mas’ul xodimlari tomonidan...

Xitoyning shimoli-sharqida joylashgan Xarbin shahrida 2025-yilgi mavsumning eng katta qorbolasi yasaldi. Uning balandligi taxminan 19 metr, uzunligi 14 metr va eni 11 metrni tashkil etadi. Qorbolani yasash uchun qariyb 3,5 ming kub metr qor sarflangan. U allaqachon shaharning asosiy sayyohlik maskanlaridan biriga aylangan.

Uni qurish uchun 64 nafar haykaltarosh va 100 dan ortiq ishchilar 11 kun davomida mehnat qilgan. Qor yetarli bo‘lishi uchun maxsus qor tayyorlash uskunalaridan ham foydalanilgan. Qurilish jarayoni butun dunyo tomoshabinlari uchun jonli efirda namoyish etilgan.

Qorbola olti qavatli bino balandligida bo‘lib, atrofdagi binolardan ancha baland ko‘rinadi. Xarbin shahrida bunday yirik qor haykallari an’anaga aylangan. Shaharda...

Samsung S Pen’ni buklanadigan smartfonlar segmentida qayta joriy qilishi mumkin. Bu haqda Sammobile nashri xabar bermoqda.

Avvalroq Samsung ayrim Galaxy Z Fold modellarida S Pen qo‘llab-quvvatlashni taklif qilgan edi. Manbalarga ko‘ra, Samsung yangi buklanadigan smartfon ustida ishlamoqda. Ushbu model hozirgi Galaxy Z Fold qurilmalariga nisbatan kengroq bo‘ladi. U aynan Apple’ning ilk iPhone Fold modeli bilan raqobat qilish uchun ishlab chiqilmoqda.

Yangi Galaxy Fold modeli S Pen’ni qo‘llab-quvvatlaydi. Bu qurilma Galaxy Z Fold 8’dan alohida bo‘ladi va Fold 8 modelida stilus bo‘lmasligi mumkin. S Pen ishlashi uchun displeyga maxsus digitayzer qo‘shilishi talab qilinadi. Shu sabab yangi model qalinroq bo‘lishi...

Xiaomi kompaniyasi Xiaomi Watch 5 smart soatini bir qator yangi funksiyalar bilan taqdim etdi. Bu haqda Weibo ma’lum qildi.

Qurilma ishlash tezligidan tortib tibbiy funksiyalargacha sezilarli yangilanishlarga ega. Xiaomi Watch 5 asosida yuqori ishlash va energiya samaradorligini ta’minlovchi Snapdragon W5 yagona chipli tizimi yotadi.

Soatning eng muhim yangiligi – unda birinchi marta mushak faolligini o‘lchaydigan elektromiografiya (EMG) va yurak ritmini tahlil qiladigan elektrokardiogramma (EKG) sensori o‘rnatilganidir. Ushbu funksiyalar sog‘liq holatini va jismoniy faollikni batafsil kuzatmoqchi bo‘lgan foydalanuvchilar uchun mo‘ljallangan.

Shuningdek, qurilma eSIM versiyasida ham, smartfondan mustaqil ravishda ishlaydi. Soat orqali internetga ulanish, qo‘ng‘iroqlarni amalga oshirish va onlayn xizmatlardan...

O‘zbekistonda banklarning daromadlilik bo‘yicha statistik ko‘rsatkichlari o‘sdi. Bu haqda Markaziy bank hisobotida keltirilgan.

Unga ko‘ra, banklarning joriy yilning 11 oyida sof foydasi 13,5 trln so‘mni tashkil etdi. Bu o‘tgan yilning mos davriga qaraganda taxminan 57 foizga o‘sishni anglatadi. 2024-yilda banklar 8,5 trln so‘m foyda ko‘rgan edi.

Statistikaning har bir ko‘rsatkichi bo‘yicha yuqorilash kuzatilgan. Jumladan, banklarning foizli daromadlari o‘tgan yilning 1-dekabr holatiga ko‘ra, 101 trln so‘m edi, bir yil ichida ushbu ko‘rsatkich taxminan 14,6 foizga oshgan ( 115,7 trln so‘m).

Daromadlarning foizsiz ko‘rinishi esa 17,6 trln so‘mga yoki 37,3 foizga o‘sdi. Mazkur ko‘rsatkich banklar tomonidan komissiya xizmatlari, hisob-kitob operatsiyalari...