Yangiliklar

Samsung kompaniyasi tomonidan taqdim etiladigan Samsung Galaxy S26 Ultra smartfoni 45 vatt quvvatlash bilan cheklanishi ma’lum qilindi. Bu haqda Sammobile nashri xabar bermoqda.

Samsung muxlislari kutgan tezkor quvvatlash yangilanishi amalga oshmadi. Xitoyning 3C regulyatori Galaxy S26 Ultra (SM-S9480) uchun sertifikat chiqargan. Unda smartfon 10V/4,5A yoki 15V/3A parametrlari bilan atigi 45 vatt quvvatlashni qo‘llab-quvvatlashi ko‘rsatilgan. Bu ko‘rsatkich 2019-yilda chiqqan Galaxy S20 Ultra bilan bir xil.

Bundan tashqari, sertifikatga ko‘ra, batareya sig‘imi ham o‘zgarmaydi. Smartfon 5000 mA/soat bilan taqdim etiladi. Ko‘plab foydalanuvchilar kamida tezkor quvvatlashda yangilik bo‘lishiga umid qilgan edi, ammo bu safar ham kutgan natija bo‘lmadi.

Shuningdek, Galaxy S...

Xitoyda Haval Big Dog Plus nomi bilan tanilgan yangi Haval Dargo Plus avtomobili 15-sentabrdan sotuvga chiqariladi. Bu haqda ITHome xabar bermoqda.

Avtomobilning rasmiy narxlari $18 mingdan boshlanadi, biroq oldindan buyurtma davrida avtomobilni $15,7 mingdan xarid qilish mumkin. Yangi model yangilangan dizaynga ega. Unga yoritiladigan logotipli radiator panjarasi, qo‘shimcha himoya qoplamalari va ko‘p qirrali orqa chiroqlar avtomobilga zamonaviy ko‘rinish beradi. Salon minimalistik uslubda yaratilgan bo‘lib, unda 14,6 dyuymli markaziy displey va yangilangan uzatma dastagi joylashtirilgan.

Texnik jihatdan Haval Dargo Plus gibrid tizimga ega. Asosiy dvigatelda 1,5 litrli benzinli motor (154 – 167 ot kuchi), unga qo‘shimcha ravishda...

Toshkent shahridagi Lutfiy ko‘chasining Farhod ko‘chasidan Shirin ota ko‘chasigacha bo‘lgan qismida olib borilayotgan rekonstruksiya ishlari sababli ayrim avtobus yo‘nalishlari vaqtincha o‘zgartirildi. Bu haqda Toshkent shahar transport va yo‘l-transport infratuzilmasini rivojlantirish bosh boshqarmasi ma’lum qildi.

Bir tomonlama harakat vaqtida 2, 9t, 13, 17t, 56 va 113-sonli avtobuslar Farhod, Katta Xirmontepa va Shirin ko‘chalari orqali qatnaydi.

Shuningdek, 41, 70, 127 va 150-sonli avtobuslar Kichik halqa yo‘li, Farhod, Maqsud Shayxzoda va Shirin ko‘chalari orqali o‘z yo‘nalishini davom ettiradi.

Tirbandlik kuchayishi mumkinligi inobatga olinib, qatnovlarda qo‘shimcha o‘zgarishlar kiritilishi ehtimoli bor. Shu sababli avtobuslarning harakat vaqti ham odatdagidan uzoqroq bo‘lishi mumkin.

Avvalroq Kursiv Uzbekistan...

Poytaxtda ToshTech texnika universiteti tashkil etadi. Bu haqda prezident qarori qabul qilindi.

Yangi oliygoh akademik, moliyaviy va tashkiliy-boshqaruv sohalarida mustaqil bo‘ladi. Ta’lim jarayoni bosqichma-bosqich yo‘lga qo‘yiladi: 2025/2026-o‘quv yilidan boshlab Davlat budjeti hisobidan 1 yillik tayyorlov kurslari ochiladi.

Keyingi bosqichda – 2026/2027-yildan bakalavriat dasturlari joriy etiladi. 2027/2028-o‘quv yilidan esa magistratura va oliy ta’limdan keyingi bosqichlar ochilishi rejalashtirilgan.

Universitetda o‘qitish davlat granti va to‘lov-kontrakt asosida, davlat va xorijiy tillarda olib boriladi. Muhim jihati shundaki, 2029/2030-o‘quv yiligacha o‘qishga qabul qilingan barcha talabalar to‘liq davlat granti asosida ta’lim oladilar.

Avvalroq Kursiv Uzbekistan TDTUda O‘zbekiston – Xitoy transport fakulteti yo‘lga qo‘yilishi haqida yozgandi.

Albaniyada davlat xaridlarini boshqarish uchun Diella nomli sun’iy intellekt bot vazir sifatida joriy qilindi. Bu haqda Reuters agentligi ma’lum qildi.

Bosh vazir Edi Ramaga ko‘ra, Diella barcha tenderlarni boshqarib, jarayonlarni 100 foiz korrupsiyasiz amalga oshirishga xizmat qiladi.

Diella avval e-Albania platformasida virtual yordamchi bo‘lib, fuqarolarga hujjatlar olishda ko‘maklashgan. Endilikda u davlat shartnomalarini nazorat qiladi.

Biroq ijtimoiy tarmoqlarda ayrimlar bu tashabbusga shubha bilan qaramoqda va korrupsiya davom etishi mumkinligini ta’kidlamoqda.

Eslatib o‘tamiz, avvalroq Fransiyada yangi bosh vazir tayinlangani haqida xabar bergan edik.

2025-yilning yanvar – iyul oylarida 10,7 ming nafar chet ellik talaba o‘qish uchun O‘zbekistonga kelgan. Bu haqda Milliy statistika qo‘mitasi ma’lum qildi.

Ushbu ko‘rsatkich o‘tgan yilning shu davriga nisbatan ikki ming nafarga ko‘payib, 22,4 foizga oshgan.

Talabalarning eng katta qismi Turkmanistondan (3,2 ming) va Hindistondan (2,8 ming) bo‘lgan. Shuningdek, Tojikiston (1,2 ming), Xitoy (532), Janubiy Koreya (428), Pokiston (377), Qirg‘iziston (286), AQSh (254), Afg‘oniston (193) va Turkiyadan (181) ham talabalarning ma’lum qismi kelgan. Boshqa davlatlardan esa 1,2 ming nafar talaba O‘zbekistonda ta’lim olayotgani qayd etilgan.

Avvalroq 2024-yilda oliy ta’lim muassasalari talabalari ishtirokida 761 ta jinoyat sodir etilgani haqida...

Chery kompaniyasi tomonidan yangi arzon Jetour X70L avtomobili uchun oldindan buyurtmalar qabul qilish boshlandi. Bu haqda ITHome xabar bermoqda.

Avtomobilning rasmiy narxi 125,9 mingdan ($17 ming) boshlanadi. Model 5 va 7 o‘rinli variantlarda, shuningdek, 1,5 va 2,0 litrli dvigatellar bilan taqdim etiladi.

Yangi X70L Jetour uchun butunlay yangi dizaynga ega bo‘lib, old tomonda С-shaklli faralar, orqa qismida esa ikki tomonlama ikki dona chiqindi trubalari joylashgan. Salon raqamli asboblar paneli (10 dyuym) va 15,6 dyuymli katta multimedia ekrani bilan jihozlangan. Qurilmalar Snapdragon 8155 chipi va TOUR OS 3.0 tizimi asosida ishlaydi.

Avtomobilning uzunligi 4810 mm, kengligi 1930 mm, balandligi...

Apple’ning yangi iPhone 17 modeli iPhone 16’ga qaraganda sezilarli yangiliklar bilan taqdim etildi. Kursiv Uzbekistan Palach nashriga tayanib, qiziqarli ma’lumotlarni to‘pladi.

Ekran — iPhone 17 endi ProMotion texnologiyasiga ega, ya’ni 120 Hz yangilanish tezligini qo‘llab-quvvatlaydi. Bundan tashqari, 1 Hz gacha tushira olishi tufayli Always-On Display funksiyasi ham ishlaydi. Ekran o‘lchami ham kattalashdi: 6,1 dyuymdan 6,3 dyuymga.

Chipset — yangi A19 protsessori o‘rnatilgan, u A18 ga qaraganda taxminan 20% tezroq ishlaydi. Operativ xotira 8 GB darajasida qolgan, lekin bazaviy xotira 128 GB’dan 256 GB’ga oshirilgan.

Kamera — asosiy modul o‘zgarmagan (48 + 12 MP), ammo old kamera endi 18 MP...

Banklar 12-sentabr kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.  

HMD kompaniyasi tomonidan yangi HMD Vibe 5G smartfoni taqdim etildi. Bu haqda Gizmochina xabar bermoqda.

Modelning narxi $100 etib belgilangan. Smartfon 6,67 dyuymli IPS ekranga ega bo‘lib, HD+ aniqlik va 90 Hz yangilanish tezligini qo‘llab-quvvatlaydi. Qurilma 6 nanometrlik Unisoc T760 protsessorida ishlaydi, 4 GB tezkor va 128 GB ichki xotira bilan ta’minlangan.

Operatsion tizim sifatida Android 15 o‘rnatilgan bo‘lib, ikki yil davomida xavfsizlik yangilanishlari va qo‘llab-quvvatlash kafolatlangan.

Kamera tizimi 50 megapikselli asosiy modul va 2 megapikselli yordamchi sensordan iborat. Old kamera 8 megapikselli. Batareya sig‘imi 5000 mA·soat bo‘lib, 18 vatt tezkor quvvatlashni qo‘llaydi va zaryadlovchi blok komplektda taqdim etiladi.

Migratsiya agentligi o‘zbekistonliklarni Bolgariyaning yirik Glavbolgarstroy kompaniyasida brigada bo‘lib ishlashga taklif etmoqda. Bu haqda Migratsiya agentligi ma’lum qildi.

Umumiy talablar quyidagilar: texnika xavfsizligiga rioya qilish, boshlang‘ich yoki o‘rta maxsus ta’limga ega bo‘lish, sudlanmaganlik va O‘zbekistondan chiqishga taqiq bo‘lmasligi.

Kompaniya ishchilarga bir qator imtiyozlarni taqdim etadi. Ular orasida aviachiptalar va transfer, ishchi vizasi, yotoqxona yoki xostelda yashash joyi, tibbiy sug‘urta, ish joyiga qatnov xarajatlarini qoplash kiradi. Shuningdek, yil yakunida qo‘shimcha mukofot beriladi. Shahar tashqarisida ishlaganlarga oyiga 100 yevro qo‘shimcha to‘lov ham to‘lanadi.

Batafsil ma’lumotni havola orqali olish mumkin. Murojaat uchun telefon raqami: 71-202-33-55 (ichki 133). Nomzodlar tanlov asosida saralanadi.

Sayyohlar uchun qulaylik yaratish va mavjud qatnovlardagi yuklamani kamaytirish maqsadida Samarqand – Toshkent – Samarqand yo‘nalishida «Afrosiyob» elektropoyezdining qo‘shimcha reyslari tashkil etiladi. Bu haqda Transport vazirligi ma’lum qildi.

Qo‘shimcha qatnovlar 11, 12, 14, 18, 19, 20, 21, 25, 27 va 28-sentabr kunlari amalga oshiriladi.

Harakat jadvali quyidagicha:

Chiptalarni eticket.railways.uz, Uzrailways Ticket mobil ilovasi hamda temir yo‘l kassalari orqali xarid qilish mumkin.

Eslatib o‘tamiz, avvalroq 9-sentabrdan «Afrosiyob» poyezdlari jadvaliga o‘zgartirishlar kiritilgan edi.

Samsung Electronics raisi Li Chje-yongning o‘g‘li Li Ji-xo kelasi haftada harbiy-dengiz kuchlarida xizmatni boshlaydi. Bu haqda Yonhap ma’lum qildi.

Unga ko‘ra, Li Ji-xo AQSh fuqaroligidan voz kechib, 39 oy davom etadigan majburiy xizmatni o‘tashga qaror qildi.

2000-yilda AQShda tug‘ilgan va ikki fuqarolikka ega bo‘lgan Li Ji-xo 1-dekabr kuni dengiz flotida leytenant unvoni bilan xizmatni boshlashi rejalashtirilgan. Bu qaror yosh Li’ning mamlakat oldidagi burchini ado etishga bo‘lgan mas’uliyatini ko‘rsatadi.

Janubiy Koreya qonunchiligiga ko‘ra, barcha sog‘lom yigitlar kamida 18 oy davomida harbiy xizmatni o‘tashlari shart. Shu tariqa Samsung rahbarining o‘g‘li ham bu talabni bajarish orqali jamoatchilik e’tiborini tortmoqda.

Eslatib o‘tamiz, avvalroq...

«Tashabbusli budjet»ning 2-mavsumi yakunlariga ko‘ra, dastlab g‘olib bo‘lmagan 35 ta loyiha qo‘shimcha mablag‘ ajratilishi bilan g‘olib deb topildi. Bu haqda Iqtisodiyot va moliya vazirligi ma’lum qildi.

Mahalliy budjetning qo‘shimcha 47,657 mlrd so‘mi xalq deputatlari tuman (shahar) Kengashlari tomonidan loyihalarni moliyalashtirishga yo‘naltirildi.

Bu orqali jamoatchilik tashabbuslarini qo‘llab-quvvatlash, mahalliy loyihalarni rivojlantirish va aholining hayot sifatini yaxshilashga katta hissa qo‘shildi.

Amaldagi tartibga ko‘ra, deputatlar qo‘shimcha mablag‘ hisobidan yangi g‘olib loyihalarni e’lon qilish huquqiga ega. G‘olib loyihalar ro‘yxati bilan bu havola orqali tanishish mumkin.

Eslatib o‘tamiz, avvalroq «Tashabbusli budjet»da g‘olib bo‘lgan loyihalarga 3,2 trln so‘m ajratilishi haqida yozgan edik.

O‘zbekiston va Rossiya ichki pasport bilan kirish tartibini kelishmoqda

O‘zbekiston va Rossiya fuqarolarining ichki pasportlar bilan kirishi masalasi bo‘yicha muzokaralar davom etmoqda. Bu haqda «Izvestya» nashri ma’lum qildi. O‘zbekiston TIV xabariga ko‘ra, hozirda ayrim jihatlar kelishilmoqda va zarur ichki tartib-taomillar o‘tkazilmoqda. Shu bois aniq muddat haqida gapirishga hali erta.

Ronaldu «Barcha davrlarning eng yaxshi futbolchisi» sovriniga sazovor boʻldi

Saudiya Arabistonining «An Nasr» klubi hujumchisi Krishtianu Ronaldu Portugaliya ligasi tomonidan tashkil etilgan tadbirda «Barcha davrlarning eng yaxshi futbolchisi» sovrinini qoʻlga kiritdi. Liga rasmiy maʼlumotiga koʻra, marosimda futbolchining oʻzi shaxsan ishtirok etmagan, biroq tashkilotchilar uning mukofot bilan chiqish qilgan videomurojaatini namoyish...

12-sentabr kuni O‘zbekistonda havo biroz bulutli bo‘ladi, yog‘ingarchilik faqat ayrim joylarda kuzatilishi mumkin, shamol sharqdan 3-18 m/s tezlikda esadi, kechasi harorat 10-22°, kunduzi esa 23-39° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev aholi va qishloq xo‘jaligini ro‘yxatga olish ishlarini samarali tashkil etishga oid takliflar bilan tanishdi. Bu haqda prezident matbuot xizmati ma’lum qildi.

Ro‘yxatga olish orqali aholining demografik va ijtimoiy-iqtisodiy holati, yashash darajasi hamda qishloq xo‘jaligi resurslari haqida aniq ma’lumotlar olinadi.

Yurtimizda oxirgi umummilliy ro‘yxatga olish 1989-yilda o‘tkazilgan. So‘nggi yillarda sinov tariqasida 2021-yilda aholi, 2022-yilda esa qishloq xo‘jaligi ro‘yxatdan o‘tkazilgan. 2026-yil 15-yanvardan 28-fevralga qadar esa to‘laqonli ro‘yxatga olish tadbirlari boshlanadi: dastlabki 17 kun internet orqali, keyingi bir oy «mahalla yettiligi» ishtirokida uyma-uy amalga oshiriladi.

Yangi usul xarajatlarni sezilarli qisqartiradi, savollar soni 328 tadan 71 taga kamaytiriladi. Ro‘yxat natijasida...

Shavkat Mirziyoyevning farmoniga muvofiq, O‘zbekiston ta’lim-tarbiya tizimida fidokorona mehnat qilgan o‘qituvchi va murabbiylar mukofotlandi. Bu haqda prezident matbuot xizmati ma’lum qildi.

Xususan, «O‘zbekiston Respublikasi xalq o‘qituvchisi» faxriy unvoni, «Mehnat shuhrati», «Do‘stlik», «Shuhrat» ordenlari, shuningdek, «Sog‘lom avlod uchun» va «Sog‘lom turmush» medallari bilan bir guruh pedagoglar taqdirlandi.

Mukofotlanganlar orasida maktab, oliygoh, prezident maktablari va ixtisoslashtirilgan ta’lim muassasalari o‘qituvchilari, shuningdek, xorijlik mutaxassislar ham bor.

To‘liq ro‘yxat bilan ushbu havolada tanishish mumkin

Eslatib o‘tamiz, avvalroq Shavkat Mirziyoyev o‘qituvchi va o‘quvchilarni bilimlar kuni bilan tabriklagan edi.

Shavkat Mirziyoyev Toshkent viloyatida iqtisodiy rivojlanish, yangi loyihalar va rejalarga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Keyingi yillarda hududga 18 milliard dollarlik investitsiya jalb qilingan, minglab korxonalar ishga tushirilgan va eksport hajmi oshgan.

Viloyatda xitoylik investorlar ishtirokida $2,1 mlrdlik sanoat parklari qurilmoqda. Shuningdek, 2025 – 2027-yillarda 40 trln so‘mlik dasturlar amalga oshiriladi. Bu orqali ishsizlik va kambag‘allik darajasi 4,5 foizga tushirilishi rejalashtirilgan.

Hududlarda avtomobil ehtiyot qismlari, oziq-ovqat, to‘qimachilik va turizm loyihalari yo‘lga qo‘yiladi. Umumiy qiymati $2,5 mlrdlik tashabbuslar natijasida 11 mingdan ortiq ish o‘rni yaratiladi va $434 mlnlik eksport quvvati hosil bo‘ladi.

Shavkat Mirziyoyev...

O‘zbekiston Tashqi ishlar vazirligi matbuot xizmati Afg‘onistonga 57 ta vertolyot topshirilgani haqidagi xabarni rad etdi. Avvalroq Kabul Times O‘zbekiston qo‘shni davlatga aviatsiya texnikasini berishga tayyorlanayotgani haqida yozgandi.

«Bu feyk», – dedi Kursiv Uzbekistan muxbiriga vazirlik matbuot kotibi Ahror Burhonov.

Kabul Times toliblar vakili Zabihullo Mujohidga tayangan holda Toshkent yaqin kunlarda aviatsiya texnikasini Kobulga berishi haqida xabar qilgan edi.

Uch yil oldin Afg‘oniston harbiylari tomonidan O‘zbekistonga olib kelingan 46 dona aviatsiya texnikasi bor edi. Ular orasida transport vertolyotlari va shturmoviklar ham bo‘lgan. Joriy qishda Toshkent ushbu texnikalardan yettitasini AQShga topshirgan edi.

Eslatib o‘tamiz, avvalroq O‘zbekiston Afg‘onistonga...

Belarus AQSh prezidenti Donald Trampning murojaatidan so‘ng 52 nafar turli millatdagi mahbusni ozod qildi va ular AQSh delegatsiyasi bilan Litvaga yo‘l oldi. Bu haqda Reuters agentligi ma’lum qildi.

Buning evaziga AQSh Belarus milliy aviakompaniyasi Belaviaga nisbatan sanksiyalarni yumshatib, uning Boeing samolyotlariga xizmat ko‘rsatish va ehtiyot qismlar sotib olishiga ruxsat berdi.

Bu Lukashenkoning eng katta avfi bo‘ldi, lekin Tramp talab qilgan 1300 – 1400 mahbusdan ancha kam son ozod qilindi. Ular orasida Nobel mukofoti sovrindori Ales Belyatskiy bor-yo‘qligi noma’lum. Shunga qaramay, Litva prezidenti bu voqeani AQSh va xalqaro hamjamiyat uchun muhim diplomatik yutuq deb atadi. Belta xabariga ko‘ra, ozod qilinganlar...

O‘zbekiston va Rossiya fuqarolarining ichki pasportlar bilan kirishi masalasi bo‘yicha muzokaralar davom etmoqda. Bu haqda «Izvestya» nashri ma’lum qildi.

O‘zbekiston TIV xabariga ko‘ra, hozirda ayrim jihatlar kelishilmoqda va zarur ichki tartib-taomillar o‘tkazilmoqda. Shu bois aniq muddat haqida gapirishga hali erta.

Ma’lumki, may oyida O‘zbekiston Rossiya, Qozog‘iston va Ozarbayjon fuqarolariga ichki pasport bilan kirishga ruxsat berish niyatini bildirgan edi. Bu tashabbus turizmni rivojlantirish va odamlar o‘rtasidagi aloqalarni yengillashtirishga xizmat qilishi kutilmoqda.

1-sentabr kuni Rossiya prezidenti Vladimir Putin ikki davlat o‘rtasidagi munosabatlar barcha sohada izchil rivojlanayotganini qayd etdi. Uning ta’kidlashicha, bu hamkorlik nafaqat ikki xalq manfaatlariga mos keladi, balki Markaziy Osiyoda...

Markaziy bank raisi Timur Ishmetov kredit foiz stavkalari nega pasaymayotgani bo‘yicha izoh berdi. Unga ko‘ra, foizlarni tushirish hozircha imkonsiz, chunki bu inflyatsiya darajasi va aholining inflyatsion kutilmalari bilan bog‘liq.

Ishmetovning ta’kidlashicha, Markaziy bankning asosiy vazifasi narxlar barqarorligini ta’minlab, inflyatsiyani maqsadli ko‘rsatkichgacha tushirishdir. Shundan keyingina kredit va depozit stavkalari ham pasayishi mumkin.

Shuningdek, u direktiv kreditlarning bozordagi ulushi kamayib borayotganini qayd etdi.

«Qanchalik imtiyozli kreditlar ulushi yuqori bo‘lsa, albatta, bozordagi foiz stavka oshishiga o‘zini ta’sirini ko‘rsatmay qolmaydi. Shuning uchun bu yo‘nalishda direktiv kreditlashni pasaytirish siyosati yillar davomida amalga oshirilyapti. O‘tgan yil yakuni bo‘yicha hisob kitoblarga ko‘ra...

AQShdagi mashhur konservativ bloger va Donald Trampning yaqin ittifoqchisi Charlz Kirkning o‘ldirilishi mamlakatda siyosiy zo‘ravonlik to‘lqinini kuchaytirishi mumkin. Bu haqda Reuters xabar bermoqda.

Joriy yilning dastlabki olti oyida AQShda 150 ga yaqin siyosiy sabablarga ko‘ra hujum qayd etilgan, bu o‘tgan yilga nisbatan deyarli ikki baravar ko‘p.

«Vaziyat juda xavfli. Agar bu jarayon to‘xtatilmasa, mamlakatda keng ko‘lamli tartibsizliklar boshlanishi mumkin», degan tadqiqotchi Mayk Jensen.

Mutaxassislarning fikricha, iqtisodiy qiyinchiliklar, irqiy va etnik demografiyaning o‘zgarishi, siyosiy nutqlardagi keskinlik hamda ijtimoiy tarmoqlardagi targ‘ibot zo‘ravonlikni kuchaytirmoqda. Siyosiy qarama-qarshilik endi oddiy siyosat emas, balki shaxsiy adovat tusini olayotgani ta’kidlanmoqda.