Yangiliklar

BYD 2026-yil boshida BYD Sealion 06 gibrid avtomobilining yangilangan uzoq masofali talqinini taqdim etadi. Bu haqda CarNewsChina xabar bermoqda.

Yangi versiya 175 kVt quvvatli elektromotor, 1,5 litrli BYD472QC benzin dvigateli hamda 220 kmgacha sof elektr yurish zaxirasi bilan taklif etiladi. Modelda God’s Eye C haydovchiga yordam tizimi va LiDAR sensori opsiyasi mavjud bo‘ladi.

Texnik ko‘rsatkichlar va samaradorlik

Sealion 06 DM-i’ning yangi talqini 175 kVt quvvatli elektromotor bilan jihozlanadi. Maksimal sof quvvat 70 kVtni tashkil etadi. Avtomobilning og‘irligi 1930 kg, maksimal ruxsat etilgan to‘liq massa 2385 kg etib ko‘rsatilgan.

Sof elektr yurish zaxirasi energiya yorlig‘iga ko‘ra 143 km deb...

Yanvar oyida Qozog‘iston avtomobil bozorida Kia avtomobillari Chevroletga nisbatan ko‘proq sotildi. Dilerlik markazlari orqali jami 14,1 mingta avtomobil sotildi.

Oy yakunlariga ko‘ra, brendlar reytingida birinchi o‘rinni Kia egalladi. Kompaniya 2,8 mingta avtomobil sotdi. Bu o‘tgan yilga nisbatan 183,1% ko‘p. Ikkinchi o‘rinda Hyundai 2,7 mingta avtomobil bilan joy oldi. Uchinchi o‘rinni esa 2,5 mingta sotuv bilan Chevrolet egalladi.

Mutaxassislar Kia’ning yuqori natijasini 2025-yilda ishlab chiqarilgan modellar uchun taqdim etilgan chegirmalar bilan bog‘lamoqda.

Modellar kesimida esa yetakchilik Chevrolet Cobalt’da qoldi. Yanvar oyida 2,2 mingta Cobalt sotildi. Ikkinchi o‘rinni 1,5 mingta natija bilan Kia Sportage egalladi. Uchinchi pog‘onada esa 1,4 mingta...

Butun dunyoda har yili yo‘llarda millionlab yo‘l-transport hodisalari sodir bo‘ladi. Ulardan eng ko‘pchiligi Qo‘shma Shtatlar hissasiga to‘g‘ri kelmoqda. Bu haqda UNECE ma’lumotlarida keltirilgan.

Yetakchilar

AQSh umumiy YTHlar soni bo‘yicha muntazam yetakchi hisoblanadi. UNECE hisobotiga ko‘ra, 2019-yilda u yerda qariyb 1,949 mln ta avariya ro‘yxatga olingan. Bu har 1 mln aholiga 5938 ta YTH to‘g‘ri kelishini anglatadi.

CEOWorld ma’lumotiga ko‘ra, umumiy YTHlar soni bo‘yicha yetakchilar qatoriga Yaponiya 540 ming bilan, Germaniya 300 ming bilan, Turkiya 174 ming bilan va Italiya 172 ming bilan kirgan. Biroq har 1 mln aholiga to‘g‘ri keladigan hodisalar soni bo‘yicha Avstriya Germaniyadan yuqori ko‘rsatkich qayd...

Pew Research Center ma’lumotlariga ko‘ra, aholisi eng ko‘p bo‘lgan ayrim davlatlarda fuqarolarning sezilarli qismi tashqi yordam bo‘lmasa, muntazam ravishda asosiy oziq-ovqat mahsulotlarini sotib olishga qiynaladi. Bu ro‘yxatda Indoneziya yetakchilik qilmoqda.

Mamlakat aholining qariyb uchdan bir qismi, ya’ni 82 mln kishi oziq-ovqat yordami oladi. Hukumat qashshoqlikni kamaytirish va aholining ijtimoiy himoyaga muhtoj qatlamlarini narxlar o‘sishidan himoya qilish maqsadida keng ko‘lamli oziq-ovqat subsidiyalari hamda maktab ovqatlanish dasturlarini kengaytirgan.

Ko‘plab davlatlar oziq-ovqat inqirozi siyosiy beqarorlikka aylanib ketmasligi uchun ommaviy tarqatish tizimlaridan faolroq foydalanmoqda. Bular qatoriga AQSh va Afrika mamlakatlari ham kiradi. Masalan, Nigeriyaning mazkur ro‘yxatdagi o‘rni oziq-ovqat xavfsizligining yomonlashuvi bilan bog‘liq. Tribune...

2026-yilda Navoiy viloyatida 40 ta mahalla ixtisoslashtiriladi. Bu haqda Adliya vazirligi ma’lum qildi. Loyihaviy yondashuv asosida hududlar ixtisoslashtiriladi.

«Yangi O‘zbekiston qiyofasidagi mahalla» maqomi berilgan 8 ta qishloq tumanidan tanlab olingan 16 ta mahallada shahar muhiti yaratiladi. Ushbu hududlarda zamonaviy infratuzilma va qulay yashash sharoitlari barpo etiladi.

Og‘ir toifadagi Konimex va Navbahor tumanlari, shuningdek, kambag‘allik darajasi yuqori bo‘lgan 12 ta mahallada kompleks chora-tadbirlar amalga oshiriladi. Aholining yashashi va tadbirkorlik faoliyati uchun infratuzilma hamda ijtimoiy-iqtisodiy sharoitlar yaxshilanadi.

Viloyatdagi 40 ta mahallani ixtisoslashtirish maqsadida 60 ta tik quduq qaziladi. Transformatorlar o‘rnatiladi, elektr tarmoqlari tortiladi va sug‘orish tizimlari betonlanadi.

2026 – 2027-yillarda viloyatda...

O‘zbekiston Tashqi ishlar vaziri Baxtiyor Saidov Armanistonning O‘zbekistondagi yangi tayinlangan elchisi Georgi Kocharyandan ishonch yorliqlari nusxalarini qabul qildi.

«O‘zaro manfaatli hamkorligimizni yanada kengaytirish yo‘llarini muhokama qildik. Shubhasiz, katta salohiyatga ega ko‘plab yo‘nalishlar mavjud», – deydi Saidov elchi bilan uchrashuv haqida.

Shuningdek, Saidov elchiga mamlakatdagi faoliyati davomida muvaffaqiyatlar tiladi.

Eslatib o‘tamiz, avvalroq Shavkat Mirziyoyev Armaniston bosh vazirini xalqaro mukofot bilan tabriklagandi. Joriy yilning 4-fevral kuni Abu-Dabi shahrida Shayx Zoid nomidagi «Insoniy birodarlik» xalqaro mukofotini topshirish marosimi bo‘lib o‘tdi.

Unda Shavkat Mirziyoyev marosim ishtirokchilariga videomurojaat yo‘llab, mukofot bilan taqdirlangan Ozarbayjon prezidenti Ilhom Aliyev va Armaniston bosh vaziri Nikol Pashinyanni tabrikladi.

Navoiyda «Qadimiy Karmana» turistik markazi tashkil etiladi. Prezident qarori bilan 2026-yilda Navoiy viloyatini barqaror ijtimoiy-iqtisodiy rivojlantirish chora-tadbirlari belgilandi.

Qarorga ko‘ra, viloyatda yalpi hududiy mahsulot hajmini o‘rtacha 7,9 foizga oshirish rejalashtirilgan. Sanoat ishlab chiqarishi 7,8 foizga, bozor xizmatlari 15,6 foizga, qishloq xo‘jaligi esa 5,7 foizga o‘sishi ko‘zda tutilgan.

Shuningdek, viloyatni kambag‘allik va ishsizlikdan xoli hududga aylantirish, aholi daromadlarini barqaror oshirish vazifasi qo‘yildi. 4,5 ming nafar fuqaro mehnat bozorida talab yuqori bo‘lgan kasblarga o‘qitiladi.

Karmana ko‘chasini renovatsiya qilish orqali uni milliy uslubdagi madaniy, turizm va xizmat ko‘rsatish markaziga aylantirish rejalashtirilgan. Qosim Shayx xonaqohi va Mirsaid Bahrom tarixiy ziyoratgohlari restavratsiya qilinib, o‘zaro...

17-fevral uchun valyutalar kursi yangilandi. Unga ko‘ra, dollar 29,68 so‘mga tushib, 12 191,30 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

9-fevral kuni 12 303,16 so‘mni (+23,68 so‘m) tashkil etdi. 10-fevral kuni esa 17,18 so‘mga oshib, 12 320,34 so‘mga yetgandi. 11-fevral kuni dollar 10,35 so‘mga tushib, 12 309,99 so‘mni, 12-fevral kuni esa 22,68 so‘mga tushib, 12 287,31 so‘mni tashkil etdi. 13-fevral uchun dollar 11,73 so‘mga tushib, 12 275,58 so‘mga yetgandi. 16-fevral kuni dollar 54,6 so‘mga tushib, 12 220,98 so‘mni tashkil etdi.

Markaziy bank ma’lumotlariga ko‘ra, yevro 30,32 so‘mga tushib, 14 464,98 so‘mni, rubl...

O‘zbekistonda oziq-ovqat mahsulotlari ishlab chiqaruvchilarini qo‘llab-quvvatlash bo‘yicha yangi mexanizmlar ishlab chiqilmoqda. Bu haqda bosh vazir o‘rinbosari Jamshid Xodjayev meva-sabzavot va oziq-ovqat eksportchilari bilan o‘tkazilgan ochiq muloqot davomida ma’lum qildi.

Uchrashuv davomida «Tino Agro Narpay» MChJ rahbari Ahror Abdujalilov an’anaviy bozor hisoblangan Rossiya va MDH davlatlaridagi vaziyat tufayli eksport hajmi kamayayotganini ta’kidladi. Tadbirkor Yevropa Ittifoqi va Janubi-Sharqiy Osiyo bozorlariga chiqishda transport xarajatlari yuqoriligi va O‘zbekistonning dengiz yo‘llaridan uzoqda joylashgani raqobatga to‘sqinlik qilayotganini aytib o‘tdi.

«Ushbu bozorlarga kirib olish uchun transportda subsidiya berish masalasida yordam so‘raymiz», – dedi eksportchi.

Jamshid Xodjayev ushbu taklifga javoban, transport xarajatlarini...

Huawei Maextro S800 yanvar oyida Xitoyda 2625 dona sotildi. U to‘liq o‘lchamli premium sedanlar segmentida birinchi o‘ringa chiqdi. Model BMW 7 Series va Mercedes-Maybach S-Class sotuvlarini qo‘shib hisoblaganda ham ortda qoldirgan.

Maextro Huawei va JAC qo‘shma loyihasi. S800 «yangi davr flagmani» sifatida taqdim etilgan. Narxi 708 mingdan 1,018 mln yuan gacha. Bu taxminan $98 mingdan $141 ming atrofida.

Yuqori narxga qaramay, talab o‘smoqda. O‘tgan yil dekabr oyida yetkazib berishlar 104 foizga oshgan. Asosiy xaridorlar Shenchjen, Guanchjou va Shanxay kabi boy megapolislar aholisidir.

JAC Group rahbari kompaniya S800 yig‘ilish sifatiga alohida e’tibor qaratayotganini bildirdi. Maextro brendi ostida yaqin vaqtda hashamatli...

Internetda Samsung Galaxy S26 Plus smartfoni rasmiy taqdimotdan bir hafta oldin sotuvga qo‘yilgani qayd etildi. Bu haqda Notebookcheck xabar bermoqda. Qurilma $1,6 ming narxda taklif qilingan.

Soha jargonida bunday nusxalar «yovvoyi» qurilmalar deb ataladi. Ular rasmiy sotuv boshlanishidan oldin norasmiy yo‘l bilan bozorga chiqadi. Odatda bunday smartfonlar ishlab chiqarish liniyasi yoki logistika zanjiridagi shaxslardan sizib chiqadi.

$1,6 ming narx Galaxy S Plus seriyasining odatiy boshlang‘ich bahosidan ancha yuqori. Masalan, Samsung Galaxy S24 Plus 2024-yil yanvarda $999 dan start olgan edi. Yangi modelga qo‘yilgan ustama 60 foizdan oshmoqda.

Samsung odatda Galaxy S flagmanlarini har yili yanvarda taqdim qiladi. Kompaniya hozircha...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 6-fevraldan 13-fevralgacha bo‘lgan davrda ijobiy dinamikani ko‘rsatib, UCI fond indeksi 2,49 foizga oshdi.

Ushbu davr mobaynida «Ipoteka-bank»ning imtiyozli aksiyalari eng katta o‘sishga erishib, 37,57 foizga qimmatlashdi. Shuningdek, «Biznesni rivojlantirish banki» (+13,40%) va «Dori-Darmon» (+12,83%) aksiyalarida ham o‘sish qayd etildi.

O‘z navbatida, «Trastbank» aksiyalari 7,22 foizga arzonlashib, haftaning eng katta pasayishini qayd etdi. Bundan tashqari, «O‘zsanoatqurilishbank» (-7,19%) va «Garant bank» (-6,67%) aksiyalari ham pasayish bilan ajralib turdi. Faqatgina «Ipoteka-bank» va «Aloqabank»ning oddiy aksiyalari narxida o‘zgarish kuzatilmadi.

Ushbu davrda bitimlar soni bo‘yicha «O‘zsanoatqurilishbank» (1 428 ta), «O‘zRTXB» (878 ta) va «Uzbekinvest...

Toshkent shahrining Chilonzor tumanida 15-fevral kuni sodir bo‘lgan yo‘l-transport hodisasida kuryer vafot etdi. Bu haqda poytaxt Yo‘l harakati xavfsizligi boshqarmasi ma’lumot berdi.

Qayd etilishicha, hodisa soat 18:00 da THAY – Chorbog‘ ko‘chalari kesishgan chorrahada sodir bo‘lgan. 1969-yilda tug‘ilgan haydovchi boshqaruvidagi Howo rusumli yuk avtomobili bir yo‘nalishda harakatlanib ketayotgan 2004-yilda tug‘ilgan kuryer boshqaruvidagi velosiped bilan to‘qnashgan.

Velosiped haydovchisi olgan tan jarohatlari tufayli vafot etgan.

Mazkur holat yuzasidan Toshkent shahar IIBB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.

Yo‘l harakati xavfsizligi boshqarmasi barcha yo‘l harakati qatnashchilarini qoidalarga rioya qilish, tezlikni belgilangan me’yorlardan oshirmaslik hamda charchoq holatida...

Yaponiya iqtisodiyoti 2025-yilning to‘rtinchi choragida kutilganidan ancha sust o‘sish qayd etdi, bu esa bosh vazir Sanae Takaichi hukumati uchun dastlabki jiddiy sinovga aylandi. Bu haqda Reuters xabar berdi.

Hukumat ma’lumotlariga ko‘ra, dunyoning to‘rtinchi yirik iqtisodiyoti yillik hisobda 0,2 foizga o‘sgan. Bu ko‘rsatkich tahlilchilar kutgan 1,6 foizlik o‘sishdan sezilarli darajada past bo‘lib, avvalgi chorakdagi 2,6 foizlik qisqarishdan keyingi kichik tiklanishni anglatadi. Choraklik o‘sish esa kutilgan 0,4 foiz o‘rniga atigi 0,1 foizni tashkil etgan.

Iste’mol, kapital xarajatlar va eksport kabi asosiy drayverlar kutilgan natijani bermagan. Ayniqsa, iste’mol o‘sishi hayotiy ehtiyojlar qimmatlashishi fonida 0,1 foizgacha sekinlashgan. Mazkur vaziyat bosh vazir Takaichining saylovoldi...

Sadir Japarov sobiq Milliy xavfsizlik davlat qo‘mitasi rahbari Qamchibek Tashiyev iste’fosi yuzasidan yana bir bor izoh berdi. Bu haqda 24.kg nashri xabar bermoqda. Prezident ular do‘st bo‘lib qolishini, biroq Tashiyev davlat xizmatiga qaytmasligini ta’kidladi.

Japarovning so‘zlariga ko‘ra, iste’fodan so‘ng ular shaxsan uchrashgan.

«Biz do‘st bo‘lib qolamiz. Ammo u davlat xizmatiga qaytmaydi. U dam olishi va sog‘lig‘i bilan shug‘ullanishi kerak», – degan prezident.

Davlat rahbari kadrlar bo‘yicha qarorlarni shaxsan o‘zi qabul qilganini bildirdi. Uning aytishicha, bu qarorlar hech qanday kelishuv yoki tashqi bosim bilan bog‘liq emas. Shuningdek, huquq-tartibot tizimidagi islohotlar davom etishini ma’lum qildi.

Japarov...

Qozog‘istonda Burger King tezkor ovqatlanish restoranlari tarmog‘i inklyuzivlik va korporativ etika normalarini buzishda ayblanib, jamoatchilikning keskin e’tirozlariga sabab bo‘ldi.

Mojaroga ijtimoiy tadbirkor Janat Karatayning Threads tarmog‘idagi posti sabab bo‘ldi. Uning so‘zlariga ko‘ra, autizm spektri buzilishi bo‘lgan o‘g‘li Alibek to‘rt yil davomida oshpaz bo‘lib ishlagan, biroq rahbariyat almashgach, unga nisbatan yashirin tazyiqlar boshlangan.

«Kuzdan beri Alibek o‘ziga o‘xshamay qolgandi… uni ishdan ketishga majburlashayotganini bildik», – deb yozdi xodimning onasi.

Ijtimoiy tarmoqlarda tarqalgan skrinshotlarga ko‘ra, sobiq xodimlar Rossiyadan kelgan yangi rahbariyatni kamsitish va oddiy xodimlar bilan maosh o‘rtasidagi katta tafovutda ayblamoqda. Shuningdek, kompaniyada ichki muloqot asosan...

Prezident topshirig‘iga asosan 100 nafar eksportchi tadbirkor Xitoy, Germaniya, Fransiya va Italiyaga tekinga o‘qishga yuboriladi. Bu haqda bosh vazir o‘rinbosari Jamshid Xodjayev oziq-ovqat mahsulotlari eksportchilari bilan ochiq muloqotda ma’lum qildi.

14-fevral kuni investitsiyalarni jalb qilish, sanoatni rivojlantirish va savdoni tartibga solish masalalari bo‘yicha hukumat komissiyasining meva-sabzavot va oziq-ovqat mahsulotlari eksportchilari bilan bo‘lib o‘tgan ochiq muloqotida bir nechta takliflar berildi.

Xususan, Navoiy viloyatidan kelgan tadbirkor importyorlar import qilgan o‘simlik yog‘ining 50 foizini ichki bozordagi ishlab chiqaruvchilar olib, qadoqlab, eksport qilishini yo‘lga qo‘yish taklifini berdi. Hukumat vakillari ushbu taklifni oziq-ovqat xavfsizligi nuqtayi nazardan ham qayta ko‘rib chiqishni ma’qulladi.

Shuningdek, shakar narxi...

Rossiyada qayta tiklanayotgan «Volga» brendi avtomobillari endi Geely asosida chiqariladi. Hozircha aynan qaysi modellar ishlab chiqilishi noma’lum.

Hafta boshida «Volga» brendining matbuot xizmati ish boshlagani ma’lum qilingan edi. Rasmiy bayonot yaqin kunlarda e’lon qilinishi aytilgandi.

Dastlabki ma’lumotlarga ko‘ra, yangi «Volga» modellari Rossiyada yaxshi tanilgan Geely avtomobillari asosida ishlab chiqiladi. Hujjatlar allaqachon rasmiylashtirilgani aytilmoqda.

Birinchi model Volga K50 bo‘lishi kutilmoqda. U Geely Monjaro asosida yaratiladi. Keyingi model Volga C50 bo‘lib, Geely Preface sedani bilan bir platformaga ega bo‘ladi. Uchinchi model esa Geely Atlas kloni bo‘lishi mumkin.

Agar loyiha tasdiqlansa, Rossiyada Geely modellari asosida yig‘iladigan yangi «Volga» avtomobillari yaqin oylar ichida...

OpenClaw asoschisi Piter Shtaynberger shaxsiy agentlarning keyingi avlodini ishlab chiqish maqsadida OpenAI kompaniyasiga o‘tdi. Bu haqda OpenAI bosh direktori Sem Altman ma’lum qildi.

Sem Altman X ijtimoiy tarmog‘idagi bayonotida Shtaynberger OpenAI tarkibida shaxsiy sun’iy intellekt agentlarini rivojlantirish bilan shug‘ullanishini ta’kidladi. Avvalroq Clawdbot yoki Moltbot nomlari bilan tanilgan OpenClaw yordamchisi elektron pochtalarni kuzatish, sug‘urta kompaniyalari bilan o‘zaro aloqa qilish va yo‘lovchilarni reysga ro‘yxatdan o‘tkazish kabi murakkab vazifalarni bajarishga qodir.

Loyiha o‘tgan yilning noyabr oyida ishga tushirilganidan buyon keskin ommalashdi. Shtaynbergerning blogidagi ma’lumotlarga ko‘ra, OpenClaw GitHub platformasida 100 mingdan ortiq yulduz to‘plagan va bir hafta ichida 2 mln tashrif buyuruvchini jalb...

Yanvarda yo‘l haqini to‘lamaganlar uchun 11 mingdan ortiq bayonnomalar rasmiylashtirildi. Transport vazirligiga ko‘ra, Toshkent shahrida avtobuslarda yo‘l haqini to‘lamasdan harakatlangan yo‘lovchilarga qarshi kuchaytirilgan reydlar o‘tkazilmoqda.

Toshkent shahar yo‘lovchi tashishni monitoring va nazorat qilish davlat muassasasi nazoratchilari tomonidan muntazam tekshiruvlar olib borilmoqda.

2026-yil yanvar oyi davomida avtobuslarda chiptasiz yurgan yo‘lovchilarga nisbatan 11,5 mingta ma’muriy bayonnoma rasmiylashtirilgan va jarimalar qo‘llanilgan.

Mutasaddilar har bir yo‘lovchini yo‘l haqini o‘z vaqtida to‘lashga chaqirmoqda. Bu avtobuslar muntazamligi va xizmat sifati uchun muhim ekani ta’kidlanmoqda.

Eslatib o‘tamiz, avvalroq poytaxt avtobuslarida yo‘l haqini to‘lamasdan harakatlanayotgan 3 mingga yaqin yo‘lovchilarga nisbatan jarima qo‘llanilgandi. Unga ko‘ra, 2025-yilning...

UzAuto Motors yangi Chevrolet Damas Max va Chevrolet Damas Move modellari uchun shartnoma tuzish jarayoni boshlanganini e’lon qildi. Modelning narxi 134,4 mln so‘mdan boshlanadi.

Mazkur avtomobillarni xarid qilish bo‘yicha shartnomani kompaniyaning barcha rasmiy dilerlik markazlarida rasmiylashtirish mumkin. Sotuvlar butun respublika bo‘ylab yo‘lga qo‘yilgan.

Qo‘shimcha ma’lumotlarni UzAuto Motors’ning +99878 141 77 77 raqamli call-markazi orqali olish mumkin. Shuningdek, kompaniyaning rasmiy saytida ham Damas Max va Damas Move modellari bo‘yicha batafsil ma’lumotlar taqdim etilgan.

Model haqida

Avtomobil orqa yuritgichli platformaga ega. Dvigatel atmosferali. Xaridorga 1,2 litr va 1,5 litr hajmdagi variantlar taklif etiladi. Motorlar to‘rt silindrli, qatorda joylashgan. Maksimal quvvat...

BYD kompaniyasi yangi o‘rta hajmli BYD Song Ultra elektromobilini Xitoy bozoriga olib chiqmoqda. Bu haqda CarNewsChina nashri ma’lum qildi. Modelning boshlang‘ich narxi $26 mingga teng.

Savdo maqsadi va pozitsiyasi

BYD Dynasty seriyasi rahbari Song Ultra EV oyiga 20 mingdan ortiq dona sotishni maqsad qilganini bildirgan. Model Song liniyasidagi eng katta avtomobil hisoblanadi. U DiPilot 300 yordamchi haydash tizimi bilan jihozlanadi. God’s Eye B deb ataluvchi ushbu tizim zamonaviy xavfsizlik va yarim avtonom funksiyalarni taklif qiladi.

O‘lcham va dizayn

Song Ultra EV kuzov o‘lchamlari 4850 mm uzunlik, 1910 mm kenglik va 1670 mm balandlikni tashkil etadi. G‘ildirak bazasi...

Omdia ma’lumotiga ko‘ra, Samsung Electronics ishlab chiqayotgan yangi maxfiy ekran texnologiyasi kelajakda Apple MacBook noutbuklarida ham qo‘llanishi mumkin.

Mazkur texnologiya dastlab Samsung Galaxy S26 Ultra modelida paydo bo‘lishi kutilmoqda. U Privacy Display deb nomlanadi va ekran yon tomondan qaralganda undagi ma’lumotni yashirish imkonini beradi.

Avvalroq Samsung’ning Shimoliy Amerika bo‘limi ushbu funksiyani namoyish etgan video e’lon qilgan edi. Unda ko‘rinishicha, foydalanuvchi ekran oldida to‘g‘ridan to‘g‘ri turganda tasvir aniq ko‘rinadi, biroq yon tomondan qaralganda kontent deyarli ko‘rinmaydi.

Omdia prognoziga ko‘ra, bu texnologiya 2029-yilgacha Apple MacBook qurilmalarida ham joriy etilishi mumkin. Bu foydalanuvchilarning shaxsiy ma’lumotlarini himoya qilishga qaratilgan yangi bosqich bo‘lishi kutilmoqda.

Chevrolet kompaniyasi Braziliyada Chevrolet Tracker 2026 modelini rasman taqdim etdi. Ijtimoiy tarmoqlarda yangi modelning tasvirlari tarqaldi.

Tashqi dizayni

Yangi Tracker tashqi ko‘rinishda ancha jiddiylashgan. Old qismda ikki qavatli optika yechimi qo‘llangan. Yuqorida ingichka LED chiziq kunduzgi chiroq vazifasini bajaradi. Asosiy faralar pastroq joylashgan. Bu dizayn modelni vizual jihatdan kengroq va agressivroq ko‘rsatadi.

Radiator panjarasi yiriklashgan. Qora yaltiroq va xrom elementlar uyg‘unlashgan. Markazda yirik Chevrolet logotipi joylashgan. Old bamper relyefli va havo kirish kanallari kattaroq ko‘rinadi. Pastki himoya elementi esa avtomobilga krossover ruhini beradi.

Yon tomondan qaralganda kuzov chiziqlari aniq. G‘ildirak arkalari plastik qoplamalar bilan ajratilgan. Bu esa yo‘ldan...