Yangiliklar

Joriy yilning fevral oyi yakunlariga soʻmdagi kreditlarning oʻrtacha tortilgan stavkasi 23,7 foizgacha, yaʼni 0,4 foizga arzonlashdi. Bunda chakana kreditlarning narxi 0,7 foizga arzonlashib, 24,4 foizga pasaydi. Korporativ kreditlarning stavkasi 22,9 foiz darajasida oʻzgarishsiz qolgan.

Soʻmdagi stavkalar pasaygan boʻlsa, valyutadagi kreditlarning oʻrtacha tortilgan stavkasi maksimum 9,8 foizga yetgan.

Eslatib o‘tamiz, O‘zbekistonda valyuta kreditlari faqat kompaniyalarga beriladi. Fuqarolarga bunday kreditlar berish taqiqlanadi.

«Biznes uchun yana valyutadagi kreditlarning afzalligi illyuziyasi paydo boʻlayotganga oʻxshaydi. Vaqtincha uzilishlarni yopib turish uchun qisqa muddatli valyuta kreditlariga murojaat qilishni tushunsa boʻladi, lekin uzoq muddatli valyuta kreditlari boʻyicha, ayniqsa hozirgi yuqori...

16-mart kuni Oʻzbekiston Superligasining 3-tur oʻyinlaridan joy olgan Surxon – Andijon oʻyinida mezbonlarning himoyachisi Yegor Krimets qizil kartochka bilan jazolandi.

Surxon futbol klubi andijonlik raqiblariga 2:3 hisobida magʻlubiyatga uchradi va hakam oʻyinni yakunlagandan soʻng Surxon himoyachisi oʻz raqibini boʻyin qismidan boʻgʻgani uchun maydondan chetlatildi. U ikkita o’yinni o’tkazib yuboradi.

Avvalroq «Kursiv» O‘zbekiston milliy terma jamoasi JCh-2026 saralash turniriga yo‘llanma olganini e’lon qilgan edi.

28-mart kuni O‘zbekiston Respublika valyuta birjasida dollarning o‘rtacha tortilgan qiymati 19,95 so‘mga ko‘tarildi va 12 620,09 so‘mni tashkil qildi.

Bugun mamlakatning banklari AQSh valyutasini 12 535 – 12 580 so‘mdan xarid qilishmoqda va 12 605 – 12 685 so‘mdan sotishmoqda.

Eslatib o‘tamiz, 27-mart kuni dollarning o‘rtacha narxi ilk bor 12 600 so‘mdan yuqoriga ko‘tarildi. Kecha uning qiymati 10,14 so‘mga o‘sgan edi.

Toshkentda Yunusobod tumanidagi ko‘chalardan biri qisman to‘sib qo‘yiladi, deb xabar berdi shahar hokimligi.

28 mart soat 21:00 dan 29 mart soat 06:00 ga qadar Temur Malik ko‘chasida Universitet ko‘chasi bilan kesishgan qismidan Mirzo Ulug‘bek ko‘chasi bilan kesishgan qismigacha avtotransport vositalari harakati cheklanadi.

Sababi Salar va Hojikent stansiyalari oʻrtasidagi temir yoʻl kesishmasidagi muammolarni bartaraf etish.

Avvalroq Kursiv Toshkent rasmiylari jamoat transportida yurishi shart bo‘lishi haqida yozgan edi.

Rossiya gazining Qozogʻiston orqali Oʻzbekistonga tranziti joriy yilda 3,8 mlrd kub metrni tashkil qiladi, bu oʻtgan yilga nisbatan qariyb uch baravar koʻpdir. Bu haqda «TASS» Qozogʻiston Energetika vazirligiga tayanib xabar bermoqda.

Qozogʻiston vazirligi maʼlumotlariga koʻra, avval Oʻzbekistonga Qozogʻiston orqali 1,28 mlrd kub metr yonilgʻisi yetkazib berilgan edi.

Eslatib oʻtamiz, «Gazprom» korporatsiyasi Oʻzbekiston va Markaziy Osiyoning boshqa davlatlari bilan 15 yilga moʻljallangan gaz shartnomasini imzolashni rejalashtirgan.

Joriy yilning yanvar-fevral oylari yakunlariga koʻra, Oʻzbekistonga qariyb $167 millionlik gaz import qilingan boʻlsa, eksport esa $26,7 millionga yetdi. Shu davrda mamlakatimizda gaz qazib olish hajmi 7,7 milliard kub metrni tashkil etdi. Yil davomida bu koʻrsatkich deyarli...

QzR Senati yalpi majlisda Qozog‘iston va O‘zbekiston hukumatlari o‘rtasidagi fuqarolarning o‘zaro sayohatlari shartlari to‘g‘risidagi bitimga o‘zgartirishlar kiritish to‘g‘risidagi bayonnomani ratifikatsiya qildi. Hujjat imzolash uchun prezidentga yuborildi, deb yozadi «Zakon.kz».

«Protokol bo‘yicha, ikki davlat fuqarolari(Qozog‘iston va O‘zbekiston) yengillashtirilgan tartibda davlat chegarasidan o‘tib 30 kalendar kungacha registratsiyasiz istiqomat qilishlari mumkin bo‘ladi»- deyiladi hujjatda

O‘zaro sayohatlarni soddalashtirish to‘g‘risidagi protokol 2022-yil 22-dekabr kuni Toshkent shahrida Qozog‘iston Prezidenti Qosim-Jomart To‘qayevning O‘zbekistonga tashrifi doirasida imzolangan edi.

Ushbu hujjatga ko‘ra, har ikki davlat fuqarolarining bir-birining hududida qolish muddati 5 kundan 30 kungacha oshiriladi.

Avvalroq «Kursiv» Qozog‘iston va O‘zbekiston o‘zaro sayyohlik oqimini ko‘paytirish va sayyohlik agentliklariga ma’lumot...

Harakatlanib ketayotgan avtomashina ustida qoʻshiq kuylagan «xonanda» jarimaga tortildi. Bu haqda «Renessans» telekanali xabar berdi. Bu haqdagi video Yo‘l harakati xavfsizligi xizmatining Telegram-kanalida e’lon qilindi.

Maʼlum boʻlishicha, voqea Qoraqalpogʻiston respublikasi Beruniy tumanida davlat ahamiyatiga molik boʻlmagan ichki yoʻllarning birida 1996-yilda tugʻilgan fuqaro tomonidan sodir etilganligi aniqlandi.

Holat yuzasidan Yoʻl harakati xavfsizligi xodimlari tomonidan fuqaro bilan profilaktik maslahatlar oʻtkazdi va jarimaga tortildi. Shuningdek, avtomashina ham tegishli tartibda jarima maydonchasiga qoʻyildi.

Avvalroq «Kursiv» 2023-yilda Oʻzbekistonda yoʻl-transport hodisalari oqibatida 2282 kishi halok boʻlgani haqida xabar bergan edi.

Ijtimoiy tarmoqlar foydalanuvchilari Toshkent shahri va Toshkent viloyatida qulagan daraxtlar va singan avtomobillar aks etgan surat va videolarni tarqatmoqda.

Shu tariqa, Toshkentda shamol daraxtni Cobalt avtomobili ustiga qulagan, deb xabar berdi Uzb Meteo Telegram kanali.

Mahalliy ijtimoiy tarmoqlar Cobalt yonida turgan yana bir qancha mashinalar ham zarar ko’rganini yozmoqda.

Shaharning Uchtepa tumanida piyodalar yo‘lagiga daraxt qulab tushdi va dorixonaga kirish yo‘lini to‘sib qo‘ydi. Chilonzor tumanida esa daraxt gaz trubasiga qulab tushgan.

Bundan tashqari, kuchli shamol chiroq ustunlarini ham silkitmoqda.

Avvalroq Kursiv Toshkent hokimligi odamlarni mashinalarni daraxtlar tagiga qo‘ymaslikka, shuningdek, o‘zini va boshqalarni ehtiyot qilishga chaqirgani haqida...

Toshkent xalqaro aeroportidan Mozori Sharifga ko‘tarilgan Solenta Aviation samolyoti texnik sabablarga ko‘ra uchish punktiga qaytdi. Buni FlightRadar24 saytidagi ma’lumotlar tasdiqlaydi.

Samolyot Jizzax va Samarqand o‘rtasida parvoz qilayotganida ekipaj a’zolari ortga qaytishga qaror qilgan.

Charter reysi Xalqaro Qizil Xoch qo‘mitasi manfaatlarini ko‘zlab amalga oshirildi.

Eslatib o‘tamiz, 27-mart kuni Qarshidan Moskvaga uchayotgan «Ural Airlines» aviakompaniyasi samolyoti Yekaterinburg Koltsovo aeroportiga favqulodda qo‘ngan edi.

Toshkent shahrida jamoat transporti faoliyatini optimallashtirish uchun yagona intellektual tizim joriy etiladi. Bu haqda Oʻzbekiston prezidenti Shavkat Mirziyoyev tegishli qarorni imzoladi.

Platformada yoʻlovchilar oqimi, avtobuslarning texnik holati va haydovchilar ishini tahlil qilish, shuningdek, toʻlovlar kelib tushishini nazorat qilish hamda ajratilgan yoʻlaklarda yoʻl harakati qoidalarini buzish holatlarini qayd etish koʻzda tutilgan.

Shuningdek, 1 iyunga qadar jamoat transportida yoʻl haqini elektron toʻlov tizimlari orqali toʻlashda imtiyozli tariflar nazarda tutilgan.

Maʼlumot uchun, 29-mart kuni Toshkent shahrida «Avtomobilsiz kun» aksiyasi oʻtkaziladi.

Toshkent hokimligi poytaxt aholisini kuchli shamol tufayli avtomobillarini daraxtlar tagida qoldirmaslikka chaqirdi.

Shuningdek, shahar hokimligi fuqarolardan o‘zlarini va yaqinlarini ehtiyot qilishni so‘radi.

«Favqulodda vaziyatlarda siz 1050 va 1055 raqamlariga qo’ng’iroq qilishingiz mumkin», — deya ta’kidladi hokimiyat.

Tashkent Land Telegram-kanali poytaxt ko‘chalaridan birida ko‘p yillik daraxt Cobalt ustiga qulab tushgani haqida xabar berdi.

Avvalroq Kursiv bugun, 28-mart kuni Toshkentda yomg’ir va shamol kuchayishi kutilayotgani haqida yozgan edi.

Air Samarkand kelgusi oylarda Dubay, Jidda va Tbilisiga parvozlar amalga oshirish niyatida, deb xabar beradi «Kursiv»ga aviakompaniya matbuot xizmati.

Samarqanddan Istanbulga birinchi xalqaro reysini amalga oshirgan kompaniya boshqa yo‘nalishlar bo‘yicha parvozlarni kengaytirmoqchi.

Shuningdek, 2024-yilning yoz mavsumida Air Samarkand Crystal Bay bilan birgalikda Bali, Pxuket, Fukuok va Nachanga charter reyslarini boshlaydi. Kompaniya yana bir zamonaviy Airbus A321neo samolyotini yetkazib berishni kutmoqda va yangi shartnomalar tuzilgach, o‘z parkini kengaytiradi.

Avvalroq «Kursiv» Air Samarkand aviakompaniyasi birinchi xalqaro parvozini amalga oshirganini e’lon qildi.

Xorazm viloyatining Urganch tumanida 3,3 mlrd soʻmlik tabiiy gazdan noqonuniy foydalangan fermer xoʻjaligi aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti axborot xizmati xabar berdi.

Departamentning viloyat boshqarmasi boshqa tegishli tashkilotlar bilan hamkorlikda Urganch tumanidagi fermer xoʻjaligida 11 ta isitish qozonlari umumiy foydalanishdagi gaz tarmogʻiga ulaganligini aniqladi. Korxona tomonidan davlatga jami 3,3 mlrd soʻmlik zarar yetkazildi.

Hozirda mazkur holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari oʻtkazilmoqda.

Avvalroq «Kursiv» Namangan viloyatida korxona tomonidan 340,8 million so‘mlik tabiiy gaz o‘g‘irlangani haqida xabar bergan edi.

IQAir havo sifati monitoringi portali maʼlumotlariga koʻra, 28-mart, payshanba kuni soat 10:10 holatiga koʻra, Toshkent havosidagi PM2.5 zarralari konsentratsiyasi meʼyordan besh baravar oshib ketgan.

Kecha poytaxt havosida bunday moddalarning konsentratsiyasi me’yorda edi.

PM2.5 – chang, asfalt, shinalar va og’ir metal birikmalaridan zarralar. Ular nafas olish yo’llari va yurak-qon tomir tizimi kasalliklarini keltirib chiqarishi mumkin.

11:30 holatiga ko‘ra havoda PM2.5 miqdori normadan 2 barovar yuqoriligi ma’lum boldi/

Avvalroq «Kursiv» fevral oyida Toshkent havoning ifloslanishi bo‘yicha shaharlar reytingida birinchi o‘rinni egallagani haqida yozgan edi.

Oʻzbekiston vazirlik va davlat idoralari xodimlari Kuala-Lumpurdagi oʻquv kurslarida malaka oshiradi. Oʻzbekistonning Malayziyadagi elchisi Karomiddin Gadoyev va Malayziya Tashqi ishlar vazirligi bosh kotibi oʻrinbosari Bala Chandran Tarman bilan bo‘lgan uchrashuvda bu haqda kelishib olindi, deb xabar bermoqda «Dunyo» axborot agentligi.

Treninglar iqtisodiy diplomatiya, davlat boshqaruvi, korrupsiyaga qarshi kurashish, islomiy moliya va bank ishi, halol sanoat, mintaqaviy iqtisodiy rivojlanish, axborot texnologiyalari, taʼlim, kiberxavfsizlik, turizm kabi yoʻnalishlarda olib boriladi.

Kurslar Malayziyaning texnik hamkorlik dasturi doirasida asosida tashkil qilinadi.

Shuningdek, uchrashuvda Kuala-Lumpurning 2025-yilda Janubi-Sharqiy Osiyo davlatlari assotsiatsiyasiga (ASEAN) raisligi doirasida oliy darajadagi muloqotlarni tashkil etish masalalari muhokama qilindi.

Avvalroq Oʻzbekiston respublikasi Vazirlar...

Amerika texnologiya giganti Amazon til modellari va sun’iy intellekt (SI) tizimlarini yaratishga ixtisoslashgan Anthropic startapiga yana $2,75 mlrd sarmoya kiritadi, deb xabar berdi Bloomberg.

Kompaniya birinchi marta 2023-yilda startapga sarmoya kiritishini e’lon qilgan edi. Keyin uni rivojlantirish uchun $1,25 mlrd sarmoya kiritishni rejalashtirishgan.Yangi transh bilan Anthropic kompaniyasini moliyalashtirishning umumiy miqdori $4 mlrd oshadi.

Bundan tashqari, Anthropic Amazonning ma’lumotlar markazlari va kompyuter chiplaridan foydalanishga muvaffaq bo‘ldi.

Anthropic 2021-yilda SI bozori yetakchisi OpenAI kompaniyasining sobiq xodimlari tomonidan tashkil etilgan.

Avvalroq «Kursiv» 2023-yilda texnologiya gigantlari sunʼiy intellektning asosiy sarmoyadorlariga aylanganini e’lon qilgan edi.

Moskva viloyatidagi Crocus City Hall konsert zalida sodir etilgan teraktdan soʻng xorijliklar tomonidan Rossiyaga kirish qoidalari buzilishi boʻyicha Moskva sudlari koʻproq qarorlar chiqara boshladi, deb xabar bermoqda BBC rus xizmati.

Unga koʻra, 25-27-martga qadar 784 ta shunday hujjat roʻyxatga olindi. Oʻtgan hafta davomida ularning umumiy soni 1106 tani tashkil etdi. Gap Rossiya federatsiyasi Maʼmuriy javobgarlik toʻgʻrisidagi kodeksining 18.8-moddasida nazarda tutilgan qarorlar haqida bormoqda.

Chet elliklar bilan ishlaydigan advokatlardan birining soʻzlariga koʻra, Moskva politsiyasi poytaxtdagi migratsiya holatini tekshirishni kuchaytirgan. Tojikiston fuqarolariga esa alohida eʼtibor qaratilmoqda. Mahalliy diaspora tojikistonliklarni Rossiya federatsiyasidan chiqarib yuborish boʻyicha qarorlar toʻlqinlarini kutmoqda.

22-mart kuni Moskva viloyatidagi...

O‘zbekiston Tashqi ishlar vazirligida (TIV) Belgiyaning yangi elchisi Anri Vantigem ishonch yorliqlarini topshirdi, dedi TIV vaziri Baxtiyor Saidov.

«Ikki va koʻp tomonlama oʻzaro manfaatli hamkorlikni yanada rivojlantirishga tayyormiz. Kompaniyalarini yaqin aloqalarni oʻrnatishga va ularni jadal rivojlantirishga chaqirib qolamiz».— deb yozdi Saidov oʻzining Telegram-kanalida.

O‘zbekiston TIV vaziri ham elchiga faoliyatida muvaffaqiyatlar tiladi.

Vantigem avvalroq Belgiyaning Qozog‘iston, Qirg‘iziston va Tojikistondagi elchisi bo‘lgan. Bungacha u Belgiya TIVda protokol xizmatini boshqargan, huquqshunos va biznes maktabida tijorat huquqi professori bo‘lgan.

Avvalroq «Kursiv» dekabr oyida O‘zbekiston Tashqi ishlar vazirining sobiq o‘rinbosari G‘ayrat Fozilov Belgiyaga elchi etib tayinlanganini e’lon qilgan...

Asli oʻzbek boʻlgan rossiyalik milliarder Alisher Usmonov, uning fikricha, Germaniyaning Frankfurt-Mayn shahri Bosh prokuraturasi tomonidan sodir etilgan jinoiy huquqbuzarlik yuzasidan bayonot berdi, deb yozadi Forbes nemis nashrlariga tayanib.

Usmonovning bayonoti bilan ikki prokurorga nisbatan tergov boshlandi. Bundan tashqari, ismi oshkor etilmagan yana bir shaxsning ayblovlari inobatga olinmoqda.

Milliarder Germaniya shahar bosh prokuraturasini tazyiq va adolatga to‘sqinlik qilishda ayblamoqda. Bir yil avval Frankfurt sudi qonunbuzarliklar tufayli pul yuvish ishida Usmonovning mulkini tintuv qilishni bekor qilgan edi. Ammo musodara qilingan ashyolar tadbirkorga qaytarilmagan, bu esa sud qarori bilan amalga oshirilishi kerak edi.

Eslatib o‘tamiz, 2024-yil yanvarida Usmonovning boyligi $29,4 mln oshib...

O‘zbekiston fuqarolari mamlakatning Istanbuldagi Bosh konsulligi e’tiborini mahalliy aeroportda politsiya xodimlarining qo‘pol xatti-harakatlari holatlariga qaratdi. Diplomatlar Turkiya rasmiylariga murojaatida bu muammoni ko‘tardi, deb xabar bermoqda TASS axborot agentligi.

«Fuqarolarimizning barcha shikoyat va eʼtirozlari diplomatik kanallar orqali Turkiya tomoniga yetkazilgan, hozirda rasmiy tashkilotlar bilan muzokaralar olib borilmoqda», — deyiladi Bosh konsullik xabarida.

Shuningdek, ular O‘zbekiston fuqarolarini Turkiya qonunlarini hurmat qilishga chaqirdilar.

Yanvar-fevral oylarida 163 nafar O‘zbekiston fuqarosi Turkiyaga kiritilmagan. Ulardan 54 nafari avval ushbu mamlakatda huquqbuzarlik sodir etgan.

Istanbul aeroporti avvalroq xorijliklarga nisbatan nazorat choralarini kuchaytirgan edi. Yo‘lovchilarning terrorchilik tashkilotlariga aloqadorligi tekshiriladi.

Avvalroq «Kursiv...

Bugun, 28-mart kuni Buxoro, Navoiy viloyatlarida kunning birinchi yarmida, qolgan hududlarida kun davomida ba’zi joylarda yomg‘ir yog‘adi, ayrim joylarda kuchli yog‘ishi, momaqaldiroq bo‘lishi mumkin, deb xabar berdi O‘zgidromet. 

Qoraqalpog‘iston Respublikasi, Xorazm viloyatida kunning ikkinchi yarmida ba’zi joylarda yomg‘ir yog‘adi. Shamol 7-12 m/s tezlikda esadi, ba’zi joylarda 15-20 m/s gacha kuchayadi, ayrim joylarda ba’zida 22-25 m/s gacha kuchayishi mumkin. Harorat 12-17° iliq bo‘ladi.

Poytaxtimizda vaqti-vaqti bilan yomg‘ir yog‘adi, momaqaldiroq bo‘lishi mumkin. Shamol 5-10 m/s tezlikda esadi, 12-17 m/s gacha kuchayishi mumkin. Harorat 14-16° iliq bo‘ladi.

Tog‘ oldi va tog‘li hududlarda vaqti-vaqti bilan yog‘ingarchilik, ba’zi joylarda kuchli bo‘ladi, momaqaldiroq bo‘lishi mumkin. Tog...

O‘zbekistonda yig‘ilgan KIA Sonet krossoverining sotuvi 10-apreldan boshlanadi, deb xabar berdi ADM Jizzax matbuot xizmati.

Ushbu avtomobilning konsepti ilk bor 2020-yilda taqdim etilgan va uning ishlab chiqarilishi oʻsha yilning kuzida Hindistonda boshlangan. Bugungi kunda ushbu krossover Xitoy va Vetnamda ham ishlab chiqariladi.

2023-yil oxirida BAA, Janubiy Afrika, Hindiston va boshqa mamlakatlarda KIA Sonet sotilishi 101,5 mingtadan oshdi.

KIA Sonet 1,5 litrli benzinli dvigatel va olti bosqichli avtomat uzatmalar qutisi bilan jihozlangan. Mashina beshtagacha odamni tashishi mumkin.

Tasdiqlanmagan ma’lumotlarga ko‘ra, mamlakatimizda yig‘ilgan KIA Sonet narxi $15,8 ming boshlanadi.KIA Uzbekistan savdo bo‘limida «Kursiv» muxbirining aytishicha, rasmiy dilerlardan biri keyinroq qo‘ng‘iroq qilib...

Surxondaryo viloyati Qumqoʻrgʻon tumanida piyoz yigʻim-terimi boshlandi, deb xabar bermoqda Qishloq xoʻjaligi vazirligi matbuot xizmati.

Vazirlikning ma’lumotlariga koʻra, mazkur hududda yetishtirilgan hosil ichki bozorga va eksportga joʻnatiladi. Fermerlardan biri 3 ming tonna piyoz yigʻib olishni kutayotganini aytdi.

Eslatib oʻtamiz, 2024-yilning yanvar-fevral oylarida Oʻzbekiston xorijga $18,4 millionlik 73,1 ming tonna piyoz eksport qilindi.

2023-yil yakuniga koʻra, mamlakatimizdan $61,2 million dollarlik 299,6 ming tonna piyoz eksport qilindi.

Avvalroq «Kursiv» O‘zbekiston joriy yilning dastlabki ikki oyda 250 ming tonnadan ortiq sabzavot-meva eksport qilgani haqida xabar bergan edi.

O‘zbekistonda aholini ro‘yxatga olish 2025-2026-yillarda o‘tkazilishi rejalashtirilmoqda. Bu haqda prezidentning yaqinda qabul qilingan qarorida aytilgan. Ilgari bu tadbir 2022-yilda o‘tkazilishi kerak edi, keyin esa 2023-yilga ko‘chirildi, ammo oxir-oqibat amalga oshmadi. 27-mart kuni bo‘lib o‘tgan matbuot anjumanida Statistika agentligi vakili sabablarni aytib o‘tdi.

“Aholini roʻyxatga olish boyicha 2019-yildan buyon tayyorgarlik ishlari boshlangan va davom etib kelyapti. 2021-yilda respublikamizning 4 ta hududida sinov tariqasida aholini roʻyxatga olish tadbirini oʻtkazdik, bu jarayonda roʻyxatga olishni 3 ta usulini sinab testdan oʻtkazdik», – deydi ro‘yxatga olish jarayonlarini tashkil etish va o‘tkazish boshqarmasi boshlig‘i Qobil Berdiqulov.

Unga ko‘ra, endi...