Yangiliklar

Fransiya tashqi ishlar vaziri Jan-Noel Barro X ijtimoiy tarmog‘idagi sahifasida 15 davlat tomonidan Falastinni davlat sifatida tan olish haqidagi qo‘shma bayonotni e’lon qildi.

Bayonotda Isroil va Falastin ikki mustaqil demokratik davlat sifatida tinchlikda, xavfsizlikda va xalqaro miqyosda tan olingan chegaralar doirasida yonma-yon yashashi kerakligi haqidagi qat’iy pozitsiya tasdiqlangan.

Tashqi ishlar vazirlari ushbu bayonotni 2025-yil sentabr oyida BMT Bosh Assambleyasining 80-sessiyasi doirasidagi davlat va hukumat rahbarlari uchrashuvi arafasida e’lon qilgan.

«Biz Andorra, Avstraliya, Kanada, Finlyandiya, Fransiya, Islandiya, Irlandiya, Lyuksemburg, Malta, Yangi Zelandiya, Norvegiya, Portugaliya, San-Marino, Sloveniya va Ispaniya tashqi ishlar vazirlari sifatida, Falastin davlatini tan olganimizni...

2025-yil 1-avgustdan O‘zbekistonda ekologik tartib-qoidalarni buzganlik uchun belgilangan jarimalar miqdori oshiriladi. Bu haqda Toshkent shahar Ekologiya boshqarmasi ma’lum qildi.

Yangi tartibga ko‘ra, chiqindilarni noqonuniy joylarga tashlash, daraxtlarni kesish, suvni ifloslantirish, atmosfera havosiga zarar yetkazish va boshqa qoidabuzarliklar uchun jarimalar 412 ming so‘mdan 20,6 mln so‘mgacha bo‘lgan miqdorda belgilanmoqda.

Shuningdek, sog‘lom daraxtni kesish holatida tabiatga yetkazilgan zarar ham alohida hisoblab chiqiladi.

Eslatib o‘tamiz, avvalroq «Yashil belgi» ekologik markirovka tartibi belgilangan edi.

Shavkat Mirziyoyevning tegishli farmoniga muvofiq bir qator mas’ullar yangi lavozimlarga tayinlandi. Bu haqda davlat rahbari matbuot xizmati ma’lum qildi.

Unga ko‘ra, Po‘lat Bobojonov prezidentning kadrlar bo‘yicha maslahatchisi o‘rinbosari lavozimiga tayinlanib, avvalgi birinchi o‘rinbosar lavozimidan ozod etildi.

Galina Saidova iqtisodiy siyosat bo‘yicha maslahatchi o‘rinbosari etib tayinlandi.

Obid Xakimov esa O‘zR prezidenti iqtisodiy siyosat bo‘yicha maslahatchisining o‘rinbosari lavozimi bilan birga Iqtisodiy tadqiqotlar va islohotlar markazi direktori bo‘ldi.

Abdusalom Azizov, Muzaffar Kamilov va Rustam Kamilov prezidentning vakillik organlari, NNTlar, din va yoshlar masalalari bo‘yicha maslahatchisi o‘rinbosari bo‘ldi.

Javlon Vahabov tashqi siyosat bo‘yicha maslahatchi o‘rinbosari – Markaziy Osiyo xalqaro instituti direktori lavozimini egalladi.

Banklar 31-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan 30-iyul kuni dollar kursi 91,56 so‘mga oshib, 12 591,57 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 74,52 so‘mga oshib, 14 545,78 so‘mni, rubl esa 1,86 so‘mga oshib, 153,82so‘mni tashkil qildi. 

Samsung Hindistonda yangi Samsung Galaxy Z Fold7 smartfoni kutilganidan ham ko‘proq talabga uchraganini bildirdi. Bu haqda Sammobile xabar bermoqda. Ba’zi hududlarda ushbu model hatto omborda qolmagani aytilmoqda.

Kompaniya Hindistondagi Noida zavodida ishlab chiqarishni oshirmoqda. Maqsad – ortib borayotgan ehtiyojni qondirish.

Galaxy Z Fold7 arzon bo‘lmasa ham mamlakatda juda mashhur bo‘lib ketdi. Atigi 48 soat ichida Fold7 va Flip7 modellari bo‘yicha 210 mingta oldindan buyurtma qabul qilingan.

Smartfonga talab nafaqat do‘konlarda, balki onlayn savdo kanallarida ham yuqori. Galaxy Z Fold7 ilgari ekstremal mustahkamlik testidan ham muvaffaqiyatli o‘tgan edi.

Eslatib o‘tamiz, Kursiv Uzbekistan nashri Samsung‘ning eng yaxshi smartfonlari haqida yozgan...

AQSh prezidenti Donald Tramp 1-avgustdagi bojlar muddati arafasida Janubiy Koreya bilan yangi savdo kelishuvini ma’lum qildi. Bu haqda CNN agentligi xabar berdi.

Bitimga ko‘ra, Janubiy Koreya AQShga $350 mlrd sarmoya ajratadi, mahsulotlariga esa 15 foizlik boj joriy etiladi. Bu avvalgi 10 foizlik minimal bojdan yuqori.

Tramp aprel oyida ayrim davlatlarga qo‘yilgan 25 foizlik bojlarni vaqtincha to‘xtatgan edi. Endi esa Yevropa Ittifoqi, Yaponiya va Braziliya kabi mamlakatlar ham 15 foizlik bojga duch kelmoqda. Janubiy Koreya avtomobillariga nisbatan bojlar yumshatilgan, biroq po‘lat va mis mahsulotlariga amaldagi bojlar saqlanib qoladi.

O‘tgan yili Janubiy Koreya AQShga $132 mlrdlik mahsulot eksport qilgan bo‘lsa, AQShdan...

2025-yil sentabrida BMT yig‘ilishida Kanada Falastin davlatini rasmiy tan olishini e’lon qilmoqchi. Bosh vazir Mark Karni bu qarorni G‘azo sektoridagi ocharchilik va gumanitar inqiroz bilan izohladi, deya xabar bermoqda Reuters.

Kanadaning bu qarori Fransiya va Buyuk Britaniyaning so‘nggi bayonotlari ortidan e’lon qilindi. Ular ham Falastin davlatini tan olish niyatida. Isroil va AQSh bunday e’tiroflarni «Hamasga mukofot» deb atab, tanqid qildi.

Karni tan olish qarori Falastin Ma’muriyatining islohotlar o‘tkazish va 2026-yilda umumiy saylov o‘tkazishga tayyorligi bilan bog‘liqligini aytdi. Bu orada G‘azoda ocharchilik sabab 154 kishi, jumladan, 89 bola hayotdan ko‘z yumdi.

Ekspertlar bu qaror Isroilga ikki davlatli yechimga qaytish uchun...

Ilgʻor pedagoglar va iqtidorli oʻquvchilar uchun Maktabgacha va maktab ta’limi vazirligi tizimidagi dam olish maskanlariga bepul yoʻllanma berish tartibi belgilandi. Bu haqda vazirlik matbuot xizmati ma’lum qildi.

Sentabr – may oylarida ilgʻor ustozlar, iyun – avgustda esa 7 – 14 yoshdagi iqtidorli oʻquvchilar 12 kunlik bepul dam olish imkoniga ega boʻladi. Yoʻllanmalar saralash mezonlari asosida taqsimlanadi.

Tanlov mezonlariga koʻra, xalqaro va respublika olimpiadalar gʻoliblari va ularni tayyorlagan ustozlar, shuningdek, xalqaro sertifikatlarga ega oʻqituvchilar ustuvorlik bilan tanlanadi. Dam olish davomida ma’rifiy, sport va ijodiy tadbirlar oʻtkaziladi.

Eslatib o‘tamiz, avvalroq pedagoglarning malaka testlariga ro‘yxatdan o‘tishi 1-avgustdan boshlanishi haqida yozgan edik.

Nozimaxon Eldarovna Davletova O‘zbekiston Respublikasi prezidenti Administratsiyasi rahbarining shartnoma asosidagi maslahatchisi – Inson kapitalini rivojlantirish bo‘yicha loyiha ofisi rahbari lavozimiga tayinlandi. Bu haqda davlat rahbari matbuot kotibi ma’lum qildi.

U mazkur sohada muhim islohotlar va tashabbuslarni ilgari surishda faol ishtirok etishi kutilmoqda.

Ma’lumot uchun, Davletova 1988-yilda tug‘ilgan. 2011-yilda Jahon iqtisodiyoti va diplomatiya universitetining Xalqaro munosabatlar fakultetini, 2013-yilda esa Yaponiyadagi Sukuba universitetining magistratura bosqichini tamomlagan.

Mehnat faoliyatini 2015-yildan boshlab Jahon iqtisodiyoti va diplomatiya universitetida o‘qituvchilik bilan boshlagan. Shuningdek, u Toshkentdagi Webster universitetida ham dars bergan.

2022-yilga qadar u Milliy mass-mediani qo‘llab-quvvatlash va rivojlantirish jamoat fondining direktori, keyinchalik esa Vasiylik kengashi...

AI-80 benzinining narxi oshishi, Xitoy va AQSh tariflar bo‘yicha kelisha olmagani, Apple Xitoyda ilk bor rasmiy do‘konini yopayotgani  — Kursiv Uzbekistan 30-iyulda yuz bergan muhim voqealarni bitta materialga jamladi.

Xitoy va AQSh tariflar bo‘yicha kelisha olmadi

Xitoy va AQSh o‘rtasida Stokgolmda o‘tgan ikki kunlik savdo muzokaralari yakuniga yetdi. Tomonlar 12-avgustdan kuchayishi kutilayotgan bojxona tariflarini oldini olish bo‘yicha kelishuvga erisha olmadi, deya xabar bermoqda CNN.

Apple Xitoyda ilk bor rasmiy do‘konini yopmoqda

Apple birinchi marta Xitoyda o‘zining rasmiy do‘konini yopmoqda. Dalyanda joylashgan Apple Store 9-avgustdan boshlab faoliyatini to‘xtatadi, deb xabar bermoqda TASS.

Kamchatkada 8,7 magnitudali zilzila yuz berdi

Rossiyaning Kamchatka...

31-iyul kuni O‘zbekiston hududida havo harorati kechasi 13–26°, kunduzi esa 23–40° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

30-iyul kuni prezidentga Samarqand viloyatidagi islohotlar samaralari va yangi rejalarga oid ma’lumotlar berildi. Bu haqda davlat rahbari matbuot xizmati ma’lum qildi.

So‘nggi 8 yilda viloyatda 1 mingdan ortiq ko‘p qavatli uylar qurilib, 56 ming oilaning turmush sharoiti yaxshilandi. Maktabgacha ta’lim qamrovi 21 foizdan 73 foizga, oliy ta’lim esa 45 foizga yetdi.

Hududda to‘qimachilik, qurilish materiallari va turizm jadal rivojlanmoqda. Sanoat hajmi 1,7 barobar oshib, 45 trln so‘mdan oshgan. Shu bilan birga, ayrim tumanlarda sanoat sust rivojlanayotgani qayd etildi.

Yangi loyihalar doirasida Nurobodda $472 mlnlik sanoat zonasi, Qo‘shrabotda granit qazib olish, Bulung‘urda esa biofarmatsevtika va urug‘chilik sohalarida sarmoyalar jalb qilinmoqda...

O‘zbekiston milliy terma jamoasi va Rossiyaning CSKA Moskva klubi futbolchisi Abbosbek Fayzullayev endilikda faoliyatini rasman Turkiyada davom ettiradi. Bu haqda O‘FA ma’lum qildi

Unga ko‘ra, futbolchi Superliga vakili «Istanbul Bashakshehir» klubi bilan shartnoma imzoladi.

2003-yilda tug‘ilgan Fayzullayev «Paxtakor» akademiyasida tarbiya topgan, keyinchalik CSKA safida Rossiya Premyer-ligasida to‘p surdi. U tezkorligi, texnikasi va kreativ o‘yini bilan ajralib turadi.

Ma’lumot uchun, «Istanbul Bashakshehir» klubi 1990-yilda tashkil topgan bo‘lib, 2014-yilda hozirgi nomini olgan. 2020-yilda Turkiya Superligasi chempioniga aylangan. Klub Istanbul shahrida joylashgan bo‘lib, Yevropa turnirlarida qatnashadi.

Eslatib o‘tamiz, avvalroq Fayzullayev «Bashakshehir»da yiliga bir mln yevro maosh olishi haqida xabar berilgan edi.

Xiaomi 2025-yil sentabr oyida Android 16 bazasidagi yangi HyperOS 3 operatsion tizimini taqdim etadi. Bu haqda XiaomiTime ma’lum qildi.

Dastlabki yangilanishni Xiaomi 15, 15 Pro, 15 Ultra, 14T Pro, 15T Pro, Redmi K70 Ultra va K80 Ultra modellari oladi.

Yangi tizimda silliq animatsiyalar, yaxshilangan tezlik, barqarorlik va Xiaomi ekotizimi bilan kuchli integratsiya ta’minlanadi.

Shuningdek, Xiaomi 16 va 16 Pro modellari HyperOS 3 oldindan o‘rnatilgan holda sotuvga chiqariladi.

Eslatib o‘tamiz, avvalroq Xiaomi 15T Pro smartfoni qanday xususiyatlarga egaligi haqida yozgan edik.

2025-yil 30-iyul kuni O‘zbekiston Respublikasining yangi Suv kodeksi tasdiqlandi. U suv resurslaridan oqilona foydalanish, ularni muhofaza qilish va boshqarish tartibini belgilaydi, deya xabar berdi Adliya vazirligi.

Kodeksga ko‘ra, suv umumxalq boyligi hisoblanadi va davlat tomonidan muhofaza qilinadi. Suvdan foydalanish ikki turga bo‘linadi: umumiy (ichimlik, cho‘milish, chorva sug‘orish, baliq ovlash) va maxsus (sanoat, energetika, qishloq xo‘jaligi uchun) foydalanish. Umumiy foydalanish ruxsatsiz, maxsus foydalanish esa ruxsatnoma asosida amalga oshiriladi.

Yangi hujjat suv obyektlaridan vaqtinchalik yoki doimiy foydalanish tartibini, shuningdek, suv servituti – suvdan o‘tish, foydalanish va chorva haydash huquqlarini ham belgilab beradi.

Suv olish tartibini buzgan yuridik shaxslarga moliyaviy sanksiyalar qo‘llanadi...

Air Marakanda kompaniyasi bergan ma’lumotga koʻra, 2025-yilning yanvar – iyun oylarida Samarqand xalqaro aeroporti 708 ming yoʻlovchiga xizmat koʻrsatdi. Bu koʻrsatkich oʻtgan yilga nisbatan 9,4 foizga koʻpdir.

Yoʻlovchilarning asosiy qismi – 678 ming nafari xalqaro yoʻnalishlarda, 29,6 ming nafari esa ichki reyslar orqali parvoz qilgan. Iyul oyi boshiga kelib, aeroportda 5,5 mingdan ortiq aviareys amalga oshirilgan. Bu esa oʻtgan yildagiga nisbatan 4,9 foiz oʻsishni anglatadi.

Joriy yilda aeroportdan birinchi bor Krasnoyarsk, Vladivostok va Dushanbe shaharlariga toʻgʻridan toʻgʻri reyslar yoʻlga qoʻyildi.

Air Marakanda kompaniyasi yoʻlovchilar uchun xizmat sifatini oshirish strategiyasini davom ettirayotganini bildirdi. Jumladan, Samarqand aeroporti Priority Pass va Lounge...

NASA Firefly Aerospace kompaniyasi bilan $176,7 mlnlik shartnoma imzoladi. Bu haqda NASA’ning rasmiy sahifasida ma’lum qilindi.

Unga ko‘ra, 2029-yilda Oyga ikki rover va uchta ilmiy uskuna yetkaziladi. Bu Firefly’ning to‘rtinchi Oy missiyasi bo‘lib, CLPS dasturi doirasidagi eng yirigi sanaladi.

Missiya doirasida kompaniya Blue Ghost qo‘nuvchisi va Elytra Dark orbital moduli orqali Oy janubiy qutbiga beshta ilmiy yuk jo‘natadi. Ular orasida AQSh va Kanada tomonidan ishlab chiqilgan roverlar ham bor. Qurilmalar Oy tuprog‘ini o‘rganish, foydali qazilmalarni aniqlash va kelajakdagi astronavtlar uchun zarur texnologiyalarni sinashga xizmat qiladi.

Elytra Dark apparati missiyadan so‘ng ham Oy orbitasida qolib, besh yil davomida aloqa va...

O‘zbekistonlik bokschi Lazizbek Mullajonovning doping sinovida taqiqlangan modda aniqlangani Xalqaro test agentligi (ITA) tomonidan ma’lum qilindi.

Rasmiy xabarga ko‘ra, 2025-yil 11-iyun kuni o‘tkazilgan doping nazorati chog‘ida sportchidan olingan namunada metasteron moddasining izlari topilgan. Mazkur modda Jahon antidoping agentligi (WADA) tomonidan taqiqlangan anabolik steroidlar toifasiga kiradi. U sun’iy yo‘l bilan tayyorlanadigan gormon bo‘lib, mushak massasini oshirish, kuch va chidamlilikni ko‘paytirish xususiyatiga ega.

Xalqaro test agentligi Mullajonovni ushbu holat yuzasidan rasmiy ravishda ogohlantirgan. Sportchining endilikda «B namunasi»ni tahlilga topshirish huquqi mavjud. Agar «B namunasi» ham ijobiy natijani tasdiqlasa yoki sportchi tekshiruvdan bosh tortsa, holat antidoping qoidalarini buzish sifatida baholanadi va unga...

Stellantis avtomobil korporatsiyasi 2025-yilning birinchi yarmida 2,3 milliard yevro miqdorida sof zarar koʻrganini e’lon qildi. Bu haqda kompaniyaning moliyaviy hisobotiga tayanib, NBC News xabar berdi. Oʻtgan yilning shu davrida kompaniya 5,6 mlrd yevro daromad olgan.

Jeep, Dodge va Fiat kabi yirik brendlar egasi hisoblangan Stellantis kompaniyasining umumiy daromadi yilning birinchi olti oyida 13 foizga kamayib, 74,3 milliard yevroni ($85,4 milliard) tashkil etdi. Kompaniya zarariga AQSh prezidenti Donald Tramp ma’muriyatining savdo siyosati muhim ta’sir koʻrsatgani qayd etilgan.

Stellantis rahbariyatining hisob-kitoblariga koʻra, boj toʻlovlari tufayli yil oxiriga qadar korporatsiya 1,5 milliard yevro ($1,7 milliard) miqdorida toʻgʻridan toʻgʻri moliyaviy yoʻqotishga duch...

Eksportchi va issiqxonachilar bilan ishlash bo‘yicha shtab tashkil etiladi. Bu haqda prezident raisligidagi yig‘ilishda ma’lum qilindi.

Unga ko‘ra, hukumatga yangi shtab tashkil etish topshirildi. Ushbu shtab eksportchi, issiqxonachi va boshqa meva-sabzavot yetishtiruvchilar bilan doimiy muloqot platformasini yo‘lga qo‘yadi.

Shuningdek, hozirgacha 200 ming gektarda suv tejovchi texnologiyalar joriy qilingani katta samaradorlik bergani ta’kidlandi. Natijada 420 million kub metr suv iqtisod qilinib, qo‘shimcha 65 ming gektarda meva va sabzavot yetishtirish imkoniyati yaratilgan.

Bu ishlar uchun o‘tgan yili 2,6 trillion so‘m, joriy yilda esa 1,2 trillion so‘m sarflangan. Yil yakunigacha yana 10 ming gektarda tomchilatib va yomg‘irlatib sug‘orish tizimini joriy qilish...

Yaponiyada 1,9 mln kishi evakuatsiya qilindi. Mamlakat shimolida 40 santimetrli to‘lqinlar kuzatildi. Rasmiylar to‘lqinlar bir sutkadan ortiq davom etishi mumkinligini aytmoqda. Bu haqda BBC xabar bermoqda.

Rossiyaning sharqiy qismida 8,8 magnitudali kuchli zilzila yuz berdi. Zilzila soat 11:25 da sodir bo‘ldi. Sunami xavfi sababli bir nechta davlatlarda ogohlantirish e’lon qilindi.

Gavayi orollariga ham sunami yaqinlashmoqda. Kaliforniya aholisi ham dengizdan uzoqroq bo‘lishga chaqirildi. Xitoy, Filippin, Indoneziya, Yangi Zelandiya, Peru va Meksikada ham xavf haqida ogohlantirishlar berilgan.

Eslatib o‘tamiz, Kursiv Uzbekistan Kamchatkada 8,7 magnitudali zilzila yuz bergani haqida yozgan edi.

Shu yilning dastlabki olti oyida «O‘zbekiston respublika tovar-xom ashyo birjasi» (O‘zRTXB) orqali sotilgan qimmatbaho metallarning sotuvi hajmi o‘tgan yilning mos davriga nisbatan ikki baravar oshgan. Bu haqda birja matbuot xizmati Kursiv Uzbekistan’ga ma’lum qildi.

Birja faoliyatining yarim yillik yakunlari bo‘yicha bo‘lib o‘tgan matbuot anjumanida birja savdolarida xususiy sektor subyektlari tomonidan mingdan ortiq turdagi mahsulotlar sotilgani keltirib o‘tildi.

Shuningdek, yanvar – iyun oylarida birja savdolarida umumiy qiymati 3 trln so‘mdan ziyod 2,6 tonna qimmatbaho metallar sotuvi amalga oshirilgan.

Savdolarda qiymati 3 trln so‘mlik 2,4 tonna oltin, 2,2 mlrd so‘mlik 0,15 tonna kumushning sotuvi amalga oshirilgan.

Shu bilan birga, o‘tgan davr...

Chevrolet Onix — UzAuto Motors tomonidan 2023-yildan boshlab O‘zbekistonda yig‘ila boshlagan eng yangi sedanlardan biri. U uzoq yillar ishlab chiqarilgan Nexia-3 (Ravon) modelining o‘rnini bosuvchi zamonaviy avlod sifatida taqdim etilgan. Ushbu maqolada Chevrolet Onix avtomobilining texnik xususiyatlari, afzallik va kamchiliklari, xizmat xarajatlari haqida batafsil ma’lumot beriladi.

Texnik xususiyatlari

Chevrolet Onix O‘zbekistonda 1,2 litrli, 3 silindrli benzin dvigatelining ikki xil varianti bilan taklif etiladi. Birinchisi oddiy atmosferali dvigatel, ikkinchisi esa turbo dvigatel hisoblanadi.

Oddiy dvigatel 90 ot kuchiga va 115 Nm aylantiruvchi momentga ega. U 5 pog‘onali mexanik uzatma qutisi bilan birga ishlaydi. Turbo versiyada esa 132 ot kuchi...

Endi Toshkent shahrida qurilishi to‘xtatilgan tashkilotlarni shr-tashkent.uz sayti orqali onlayn tekshirish mumkin. Bu haqda Toshkent shahar hokimligi ma’lum qildi.

Mazkur sayt orqali qurilishi vaqtincha to‘xtatilgan firma va kompaniyalarning holatini onlayn tarzda tekshirish imkoniyati mavjud.

Bunda qidirish joyiga qurilish kompaniyasining nomi (loyiha nomi emas) kiritiladi. Qidiruv natijasiga ko‘ra, uning faoliyati vaqtincha to‘xtatilgan yoki yo‘qligini bir necha soniya ichida bilib olish mumkin.

Quruvchi tashkilotlar kamchiliklarni bartaraf etishi va yangi tashkilotlar aniqlanishi bilan ushbu ro‘yxat muntazam yangilanadi.

Bundan avval Toshkentdagi 59 ta obyektda qurilish ishlari butunlay toʻxtatilgani haqida yozgandik.