Yangiliklar

Samsung Electronics America o‘zining Tactical Edition liniyasini yangi Galaxy Tab Active5 Tactical Edition plansheti bilan kengaytirganini e’lon qildi. Bu haqda kompaniya saytida xabar berilgan.

Ushbu qurilma AQSh Mudofaa vazirligi bilan hamkorlikda ishlab chiqilgan bo‘lib, harbiy va razvedka xizmatlari uchun mo‘ljallangan.

«Bizning Tactical Edition yechimlarimiz tijorat qurilmalari kuchini murakkab operatsiyalarda harbiy xizmatchilarning ehtiyojlarini qondiradigan noyob dasturiy ta’minot bilan birlashtiradi. Galaxy Tab Active5 Tactical Edition – bu soha uchun bizning eng kuchli, katta ekranli taktik planshetimizdir», – degan Samsung Electronics America kompaniyasining B2B biznesi rahbari Tayler Gipson.

Galaxy Tab Active5 Tactical Edition «taktik radiotizimlar», dronlar, lazer...

Shavkat Mirziyoyev Ta’lim sifatini ta’minlash milliy agentligini tashkil etish to‘g‘risidagi qarorni imzoladi. Bu haqda Adliya vazirligi xabar bermoqda.

Tashkilot maktablar, oliy o‘quv yurtlari va o‘rta maxsus ta’lim muassasalarini akkreditatsiya qilish bilan shug‘ullanadi. Mamlakatda ta’lim muassasalarini tan olish tartibi har besh yilda bir marta amalga oshiriladi.

Agentlik bitiruvchilarning mehnat bozoriga mosligini baholash uchun butun mamlakat bo‘ylab ish beruvchilar o‘rtasida so‘rov o‘tkazadi.

Kursiv Uzbekistan nashri 2025/2026-o‘quv yilidan boshlab O‘zbekistonda sirtqi ta’lim shakliga qabul to‘xtatilishi haqida yozgan edi.

23-maydan boshlab Janubiy Koreyaning T’way Air arzon aviakompaniyasi Seul – Toshkent – Seul yo‘nalishida muntazam parvozlarni yo‘lga qo‘ymoqda. Bu haqda Uzbekistan Airport matbuot xizmati xabar berdi.

Parvozlar haftasiga to‘rt marotaba – dushanba, chorshanba, juma va yakshanba kunlari amalga oshirilishi rejalashtirilgan. Yo‘lovchilarni Boeing 777-300 va Airbus A330-300 rusumidagi samolyotlar tashiydi.

T’way Air 2010-yilda tashkil etilgan bo‘lib, bosh ofisi Seul shahrida joylashgan. Kompaniya Janubiy Koreyada faoliyat yurituvchi yirik budjet aviakompaniyalardan biri hisoblanadi.

Avvalroq Kursiv Uzbekistan Uzbekistan Airways Moskvaga parvozlar yo‘nalishini o‘zgartirgani haqida yozgandi.

Smartfon xarid qilishda nimalarga ahamiyat berish kerak? Kamera, batareya yoki xotira tanlovda eng muhim omil bo‘lishi mumkin. Kursiv Uzbekistan nashri eng yaxshi batareyaga ega smartfonlar haqida ma’lumotlarni bitta maqolaga jamladi.

Ushbu maqolada quyidagilarni bilib olasiz:

Batareya nima uchun muhim?

Samsung Galaxy M51

Vivo V50 Lite

Realme Narzo 30A

Umidigi A9 Pro

Xiaomi Redmi Note 10 Pro

Motorola Moto G Power 5G

Batareya nima uchun muhim?

Smartfon tanlashda batareya juda muhim, chunki u telefonning qanchalik uzoq ishlashini belgilaydi. Kuchli batareyaga ega qurilma bir necha soat emas, balki bir kun yoki undan...

2025-yilning aprel oyida O‘zbekistonga ilk bor bir milliondan ortiq sayyohlar tashrif buyurdi. Bu haqda Turizm qo‘mitasi ma’lum qildi.

Mamlakatimizga eng ko‘p Qirg‘iziston, Qozog‘iston va Tojikiston fuqarolari tashrif buyurishgan.

«Bu raqam nafaqat tarixiy natija, balki mamlakatimizda turizm sohasida olib borilayotgan izchil islohotlar, xususan, ochiqlik va xalqaro hamkorlikni mustahkamlash natijasi», – deya qo‘shimcha qilgan qo‘mita.

Respublikada kelgusida xorijliklar uchun turizm xizmatlari ko‘lamini kengaytirish va o‘zbek turizmining jahon bozoridagi mavqeyini mustahkamlash rejalashtirilmoqda.

Avvalroq Kursiv Uzbekistan nashri Turizm qo‘mitasida «AirAsia X» aviakompaniyasi raisi Datuk Kamaruddin Meranun va kompaniya direktori Benyamin Ismoil boshchiligidagi Malayziya delegatsiyasi bilan aviareyslarni yo‘lga...

9-may, juma kuni O‘zbekiston prezidenti Shavkat Mirziyoyev va Rossiya prezidenti Vladimir Putin Moskvada uchrashuv o‘tkazadi. Bu haqda «RIA Novosti» nashri xabar bermoqda.

Prezidentlar o‘tgan haftadagi telefon muloqoti davomida mazkur uchrashuvni o‘tkazishga kelishib olgan.

9-may kuni bo‘lib o‘tadigan suhbatning asosiy mavzusi O‘zbekiston va Rossiya o‘rtasidagi savdo-iqtisodiy hamkorlik bo‘ladi.

Ikkinchi jahon urushidagi g‘alabaning 80 yilligi munosabati bilan Moskvaga 29 davlat rahbari tashrif buyuradi. Shu kuni Rossiya prezidenti Slovakiya, Serbiya va Braziliya yetakchilari bilan ham ikki tomonlama uchrashuvlar o‘tkazadi.

Shavkat Mirziyoyev bilan uchrashuv G‘alaba kuni munosabati bilan rasmiy tadbirlar dasturidagi yakuniy uchrashuv bo‘ladi.

Avvalroq «Kursiv» O‘zbekiston harbiylari Moskvada o‘tkaziladigan paradda ishtirok...

Qozog‘iston Respublikasi Shimoliy Qozog‘iston viloyatining Ualixonov tumanida sanoat kanopini yetishtirish rejalashtirilmoqda. Bu haqda Kursiv Media xabar bermoqda.

Shu maqsadda viloyatda ushbu o‘simlikni yetishtirish va qayta ishlash bo‘yicha agromajmua qurish rejalashtirilgan.

Kanopdan 500 dan ortiq turdagi mahsulotlar ishlab chiqarish mumkin. Bularga qog‘oz, to‘qimachilik va porox kiradi, deya ta’kidladi bo‘lim.

Qozog‘iston Qishloq xo‘jaligi vazirligining qo‘shimcha qilishicha, investor allaqachon loyihani amalga oshirish bo‘yicha mintaqaviy hokimiyatlar bilan muzokaralar olib bormoqda.

Eslatib o‘tamiz, Kursiv Uzbekistan nashri Qozog‘istonda yangi «oltin viza» tartibi joriy qilingani haqida yozgan edi.

Ijtimoiy tarmoqlarda O‘zbekistonda Chevrolet Damas 2026 avtomobilining nomi ostida rasmlar tarqaldi. Kursiv Uzbekistan modelning asl nomi va taqdim etilgan manzilini o‘rgandi.

Tarqalgan fotolarda InduAuto nomini ko‘rish mumkin. Bu O‘zbekistonda emas, balki Chevrolet’ning Ekvadorda joylashgan kompaniyasi.

Modelning o‘ziga keladigan bo‘lsak, Ekvadorda Chevrolet N400 nomi bilan ommalashgan, yo‘lovchi tashish modeli. U 640 kg yuk ko‘tarish qobiliyatiga ega va 7 tagacha yo‘lovchini tashishi mumkin.

O‘zbekistondagi ijtimoiy tarmoqlarda tarqalgan video:

Chevrolet N400 Passenger musiqa tinglash uchun AM/FM ovoz tizimi, CD, MP3 pleyer va ikkita dinamik mavjud. Bundan tashqari, qo‘shimcha qulaylik uchun masofadan boshqariladigan markaziy qulflash, taksometr va raqamli soat bilan jihozlangan.

Urganch xalqaro aeroportiga yetib kelgan yo‘lovchilarga shu yerning o‘zida avtomobilni ijaraga olish imkoniyati yaratildi. Bu haqda Uzbekistan Airports matbuot xizmati xabar berdi.

15-apreldan boshlab SIXT brendi ostidagi xalqaro avtomobil ijarasi kompaniyasi aeroport binosida rasmiy faoliyatini boshladi. Ijaraga beriladigan savdo nuqtasi E-auksion.uz elektron savdo platformasi orqali savdolar asosida joylashtirilgan bo‘lib, u aeroportning umumiy uchib kelish zalida joylashgan.

Yo‘lovchilar avtomobilni ijaraga olish uchun SIXT peshtaxtasiga murojaat qilib, shaxsni tasdiqlovchi hujjat hamda haydovchilik guvohnomasini taqdim etishlari kifoya. Kompaniya mutaxassislari mijozga mos avtomobil tanlashda yordam beradi va ijara shartnomasi tuzadi.

Ma’lumot uchun, Sixt SE – Yevropaning eng yirik va nufuzli avtomobil ijarasi kompaniyalaridan...

O‘zbekiston va yana 12 davlatning harbiylari Moskvada Ikkinchi jahon urushida qozonilgan g‘alabaning 80-yilligiga bag‘ishlangan paradda ishtirok etadi. Bu haqda Rossiya prezidenti yordamchisi Yuri Ushakov xabar berdi.

Unga ko‘ra, paradda Markaziy Osiyo bilan birga Janubi-Sharqiy Osiyo davlatlarining harbiylari ham qatnashadi. Ushakov, shuningdek, Shimoliy Koreya askarlari ushbu tadbirda ishtirok etmasligini qo‘shimcha qildi.

Avvalroq Ukraina Tashqi ishlar vazirligi xorijiy davlatlarni Moskvaga harbiy yuborishdan tiyilishga chaqirgan edi.

«Bu, ayniqsa, Rossiyaning Ukrainaga qarshi tajovuziga nisbatan neytral pozitsiya tutayotgan yoki xalqaro munosabatlarda neytral siyosat yuritayotgan davlatlar uchun muhim», – deb ta’kidlagan Ukraina vazirligi.

Vazirlikka ko‘ra, ushbu tadbirda ishtirok etish...

UEFA Chempionlar ligasi yarim finalining javob o‘yinida Italiyaning «Inter» jamoasi Ispaniyaning «Barselona» jamoasini 4:3 hisobida mag‘lub etdi.

Eslatib o‘tamiz, birinchi o‘yinda jamoalar 3:3 hisobida durang o‘yin ko‘rsatgandi. Umumiy hisobda 7:6 bilan «Inter» finalga yo‘l oldi.

Birinchi taym: ikkita gol va «Inter»ning ustunligi

O‘yinning birinchi bo‘limida mezbonlar taktik va o‘yin nazorati jihatidan ustunlikka ega bo‘lishdi. Uchrashuv yuqori tezlikda, lekin ehtiyotkorlik bilan boshlandi. Himoyaviy harakatlarga alohida e’tibor qaratildi.

23-daqiqada «Inter» hisobni ochdi. «Barselona» markazda xatoga yo‘l qo‘ydi, bu esa tezkor hujumga sabab bo‘ldi. Dimarko Denzel Dyumfrisni darvozabon bilan yakkama-yakka chiqardi. Dyumfris to‘pni Lautaro Martinesga uzatdi, u esa bo‘sh darvozaga go‘l kiritdi...

Samsung Galaxy telefonlari uchun signallar sonining yuqori chegarasini 50 tadan 100 tagacha belgiladi. Bu haqda ITHome nashri xabar bermoqda.

Bu tartib Galaxy S24 Ultra bilan cheklanmaydi. Boshqa Samsung qurilmalari, jumladan, yangi Galaxy S25 Ultra modeliga ham tatbiq etadi.

Bu cheklov ba’zi foydalanuvchilar uchun g‘alati tuyulishi mumkin. Turli odamlar turli xil jadvallarga ega va ba’zi odamlar o‘zlarini eslatish uchun juda ko‘p signallarga ehtiyoj sezishi mumkin. Bundan tashqari, signallarni o‘rnatish uchun Gemini kabi ovozli yordamchilardan foydalanadigan foydalanuvchilar beixtiyor ko‘p sonli yozuvlarni belgilashi mumkin. Bu miqdor muammosini yanada kuchaytiradi.

Eslatib o‘tamiz, Kursiv Uzbekistan nashri Samsung kompaniyasi Galaxy Note 20 va Galaxy Note...

Sovet davrida uchirilgan «Kosmos-482» sayyoralararo kosmik apparatning yerga qulashi bilan bog‘liq xabarlarga Uzcosmos vakili javob berdi.

Ahror Agzamovga ko‘ra, 1972-yil 31-mart sanasida sobiq Sovet Ittifoqining «Venera» dasturi bo‘yicha «Kosmos-482» sayyoralararo kosmik apparati fazoga uchirilgan. Biroq raketa-tashuvchining yakuniy bosqichi muvaffaqiyatsiz ishlashi oqibatida u Yer orbitasida qolib ketgan.

Taxminiy hisob-kitoblarga ko‘ra, apparatning yerga qulashi 9 – 11-may kunlariga to‘g‘ri kelishi mumkin.

«Kosmos-482″ning aniq qayerga qulashini aytish biroz mushkul. Uning O‘zbekiston hududiga tushishining ehtimoli esa hozircha 0,3-0,5% oralig‘ida baholanmoqda.

Apparatning katta qismi atmosferaga kirishi bilan yonib ketsa-da, Veneraning og‘ir sharoitlarida qo‘nish va ishlash uchun mo‘ljallangan yarim tonnaga (500 kg) yaqin massali titan...

Uzbekistan Airways Hindiston va Pokistonga parvozlarni jadval asosida amalga oshirishni rejalashtirmoqda. Bu haqda aviakompaniya matbuot xizmati Kursiv Uzbekistan muxbiriga xabar berdi.

«Agar cheklovlar joriy qilinsa yoki havo hududi yopilsa, biz tezkor qarorlar qabul qilamiz», – deya izoh berdi Uzbekistan Airways vakillari vaziyat yuzasidan.

Eslatib o‘tamiz, 7-mayga o‘tar kechasi Hindiston aprel oyida Kashmirdagi teraktga javoban Pokiston hududiga zarba berdi. Yuz bergan voqeada Nyu-Dehli aybni Islomobodga yukladi. Biroq Pokiston bu voqeaga aloqadorligini rad etmoqda.

Hindistonning hujumiga javoban Pokiston qo‘shni davlatga artilleriya zarbasi berdi. 7-may tongi holatga ko‘ra, Hindiston tomonidan uch kishi halok bo‘lgan, Pokiston esa sakkiz...

Raqobat qo‘mitasi tomonidan «Tenge bank»ka nisbatan moliyaviy jarima qo‘llanildi. Bunga sabab bank faoliyatida reklama qonunchiligi buzilgan holatlar aniqlangan.

Qo‘mita axborotiga ko‘ra, bank tomonidan «Tenge 24» ilovasi orqali «Osongina onlayn mikroqarz – 50 million so‘mgacha beramiz» degan mazmundagi reklama joylashtirilgan.

Ammo ushbu reklamalarda «Reklama to‘g‘risida»gi Qonunning 43-moddasiga muvofiq taqdim etilishi lozim bo‘lgan muhim shartlar – mikroqarz yillik foizi, muddati va maksimal miqdori haqida ma’lumotlar ko‘rsatilmagan.

Mazkur qonunbuzarlik holati bo‘yicha bankka nisbatan moliyaviy jarima belgilandi.

Avvalroq Kursiv Uzbekistan banklarning yangi reytingi e’lon qilingani haqida yozgandi.

Haydovchilar ultra tez zaryadlash evaziga batareya umrini qisqartirishmoqda. Bu haqda CarNewsChina nashri ma’lum qildi.

2025-yil elektr transport vositalarining zaryadlash texnologiyasida katta yutuqlarga boy bo‘ldi. Tez va ultra tez zaryadlash foydalanuvchilarga vaqt tejash imkonini berdi. Biroq bu qulaylik batareya umrini sezilarli qisqartirishi mumkin.

So‘nggi tadqiqotlar bu kabi zaryadlash batareya quvvatini ikki yil ichida 15% gacha kamaytirishini ko‘rsatdi. Ayniqsa, kuniga 100 km.dan ortiq masofani bosib o‘tadigan haydovchilarda bu jarayon tezlashadi.

120 kVt dan yuqori quvvatdagi zaryadlar batareya umrini 40% gacha kamaytirishi mumkin. Shu sababli, ko‘plab ishlab chiqaruvchilar zaryad chastotasiga cheklov qo‘yuvchi kafolat siyosatini joriy etmoqda.

Mutaxassislar ultra tez zaryadlashni haftasiga bir...

Moskva havo hududi yopilgani munosabati bilan Uzbekistan Airways kompaniyasi oltita samolyotni muqobil aerodromlarga yo‘naltirdi. Bu haqda kompaniya matbuot xizmati xabar bermoqda.

Kompaniyaning qo‘shimcha qilishicha, O‘zbekiston Respublikasi poytaxtidan Domodedovoga yo‘lovchi HY601 reysi Sankt-Peterburg aeroportiga qo‘ngan.

Eslatib o‘tamiz, Kursiv Uzbekistan nashri UzAirways aviakompaniyasi Toshkent – Jidda – Toshkent yo‘nalishidagi reyslarda Umra vizasiga ega yo‘lovchilarni qabul qilishni to‘xtatgani haqida yozgan edi.

Casio Yaponiyada sport ixlosmandlari uchun mo‘ljallangan yangi G-Shock GBA-950 modelini rasmiy ravishda taqdim etdi. Bu haqda Gizmochina nashri ma’lum qildi.

Soat uchta rangda – qora (GBA-950-1A), binafsha-qora (GBA-950-2A) va oq-kulrang (GBA-950-7A) – mavjud. Har birining narxi 25 300 yen (taxminan $176 ) etib belgilangan.

GBA-950 modeli yugurish va jismoniy faollikni kuzatishga mo‘ljallangan zamonaviy funksiyalar bilan jihozlangan. Pedometr, yugurish masofasi, sur’at, kaloriya hisoboti, intervallar taymeri hamda avtomatik aylanishlarni aniqlovchi tizim mavjud. Masofa haqida aniq ma’lumot olish uchun soat smartfonning GPS tizimiga ulanadi va Bluetooth orqali Casio Watches ilovasi bilan sinxronlanadi. Ilova foydalanuvchi faoliyati tarixini, kunlik maqsadlar va natijalarni ko‘rsatadi.

Foto...

6-may kuni Hindiston Pokiston hududlari hamda Pokiston nazoratidagi Kashmirga zarbalar berdi. Bu haqda BBC News ma’lum qildi.

Unga ko‘ra, rasmiy Dehli bu hujumlarni Hindistonga qarshi rejalashtirilgan terrorchilik harakatlariga javoban amalga oshirganini bildirdi. Pokiston esa zarbalar tinch aholi yashaydigan joylarga yo‘naltirilganini aytib, 8 kishi halok bo‘lgani, 35 kishi jarohatlangani va 2 kishi bedarak yo‘qolganini ma’lum qildi.

Pokiston bosh vaziri Shahbaz Sharif bu harakatga javoban Hindistonga «munosib javob» berilishini ta’kidladi. Har ikki tomon chegarada artilleriya o‘q otishlarini boshlagan, maktablar yopilgan.

Bu orada Hindiston nazoratidagi Kashmirda noma’lum harbiy samolyot halokatga uchradi. Voqea guvohlari samolyot Wuyan qishlog‘iga qulaganini, portlash yuz berganini, baxtga...

2025-yil 1-iyuldan boshlab yangi tashkil etiladigan o‘rta maxsus, kasbiy, oliy hamda oliy ta’limdan keyingi muassasalar faoliyati ikki bosqichda yo‘lga qo‘yiladi. Bu haqda prezident farmoni qabul qilindi.

1-bosqichda ta’lim faoliyatini boshlash uchun muassasalar belgilangan tartibda litsenziyalanadi. Kadrlarni qayta tayyorlash va malakasini oshirish markazlari esa xabardor qilish tartibida ochiladi.

2-bosqichda esa kadrlar tayyorlanadigan ta’lim dasturlari maxsus davlat akkreditatsiyasidan o‘tkaziladi.

Akkreditatsiyadan o‘tmagan dasturlar asosida o‘quvchilarning qabul qilinishi taqiqlanadi. Bunday holat litsenziya shartlarini qo‘pol buzish hisoblanadi va muassasa litsenziyasining bekor qilinishiga olib keladi.

Eslatib o‘tamiz, avvalroq Ta’lim sifatini ta’minlash milliy agentligi tashkil etilishi haqida yozgan edik.

7-may kuni O‘zbekiston hududlarida asosan biroz bulutli va quruq ob-havo kuzatiladi. Bu haqda «O‘zgidromet» agentligi ma’lum qildi.

Unga ko‘ra, respublikaning ko‘p qismida yog‘ingarchilik kutilmaydi, faqat Qoraqalpog‘iston hududlarida qisqa muddatli yomg‘ir va momaqaldiroq bo‘lishi mumkin.

Toshkent shahrida havo ochiq bo‘ladi, harorat kunduzi 36-38° gacha ko‘tariladi.

Qoraqalpog‘iston va Xorazmda havo biroz salqinroq: kunduzi 28-33°, ammo ba’zi joylarda shamol kuchayib, chang-to‘zonlar yuzaga kelishi ehtimoli bor.

Buxoro, Navoiy, Qashqadaryo va Surxondaryo viloyatlarida jazirama kuzatiladi – harorat 35-40° atrofida bo‘ladi.

Sirdaryo, Jizzax va Samarqandda ham issiq davom etadi – 33-38° oralig‘ida.

Farg‘ona vodiysi viloyatlarida havo nisbatan yumshoqroq bo‘lib, harorat 32-37° atrofida saqlanadi.

Tog‘li hududlarda...

Prezident farmoni bilan Ta’lim sifatini ta’minlash milliy agentligi tashkil etiladi va u ushbu yo‘nalishdagi maxsus vakolatli davlat organi hisoblanadi.

Agentlik o‘rta maxsus, kasbiy, oliy va oliy ta’limdan keyingi bosqichlardagi ta’lim muassasalarini kompleks va maxsus davlat akkreditatsiyasidan o‘tkazadi.

Kompleks akkreditatsiya har 5 yilda tashqi baholash natijalariga asoslanadi, maxsus akkreditatsiya esa yangi o‘quv dasturlari bo‘yicha darslar boshlanishidan oldin amalga oshiriladi. Agentlik, shuningdek, bitiruvchilarning mehnat bozoriga mosligini aniqlash maqsadida Umummilliy ish beruvchilar so‘rovnomasini ham o‘tkazadi.

Eslatib o‘tamiz, avvalroq sirtqi ta’limga qabul bekor qilinishi haqida yozgan edik.

2025/2026-o‘quv yilidan boshlab O‘zbekistonda sirtqi ta’lim shakliga qabul to‘xtatiladi. Bu prezident farmoniga asosan amalga oshiriladi.

Shu bilan birga, kunduzgi ta’limdan boshqa muqobil ta’lim shakllari uchun qabul kvotalari bosqichma-bosqich oshirib boriladi.

Endi oliy ta’lim muassasalarida muqobil shakldagi qabul umumiy kvotalari kunduzgi ta’lim qabulining 50 foizidan oshmasligi belgilandi. Shuningdek, magistratura bosqichida muqobil shaklda ilmiy-pedagogik kadrlar tayyorlashga ruxsat beriladi.

Oliy ta’lim muassasalarida kredit-modul tizimiga asoslangan part-time (ma’qullashtirilgan kunduzgi) ta’lim shakli joriy qilinadi. Muqobil shakllarda talaba qabul qilish belgilangan normadan oshsa, bu litsenziya talablarini buzish deb hisoblanadi va litsenziya bekor qilinishi mumkin.

Eslatib o‘tamiz, avvalroq Pekin texnologiya instituti Toshkentda o‘z filialini ochishi haqida...

Xitoyning Guichjou provinsiyasida yuz bergan fojiali hodisa oqibatida ko‘plab insonlar halok bo‘lgani va jarohatlangani munosabati bilan Shavkat Mirziyoyev Xitoy raisi Si Szinpinga ta’ziya yo‘lladi. Bu haqda davlat rahbari matbuot kotibi ma’lum qildi.

Unga ko‘ra, prezident halok bo‘lganlarning oila a’zolari va yaqinlariga chuqur hamdardlik bildirib, jabrlanganlarga tez fursatda sog‘ayib ketishlarini tiladi.

Ma’lumot uchun, 2025-yil 4-may kuni Xitoyning Guichjou provinsiyasida ikki sayyohlik qayig‘i ag‘darilib, uch kishi halok bo‘ldi, 60 kishi shifoxonaga yotqizildi. Xabarlarga ko‘ra, Qianxi shahridagi daryoda taxminan 70 kishi suvga tushib ketgan.

Hozirda 14 kishi bedarak yo‘qolgan bo‘lib, qidiruv-qutqaruv ishlari davom etmoqda. Xitoy rahbari Si Szinpin jarohatlanganlarga yordam ko‘rsatish va...