Yangiliklar

Endilikda yangi sotib olingan avtotransportni Yagona portal orqali onlayn ro‘yxatdan o‘tkazish mumkin. Xizmat sinov tariqasida ishga tushirildi.

Hozirda bu xizmat Toshkent shahridagi «Fayzobod» ro‘yxatdan o‘tkazish va imtihon olish (RO‘ va IO) bo‘limida sinovdan o‘tkazilmoqda. Agarda test muvaffaqiyatli yakunlansa, tizim avval Toshkent shahri bo‘ylab, keyinchalik qolgan hududlarda joriy etiladi.

Ariza jo‘natgan talabgor xizmatni qay tarzda bajarilishini belgilashi lozim. Bunda RO‘ va IO bo‘limiga borgan holda ro‘yxatdan o‘tkazishni yoki Yo‘l harakati xavfsizligi xizmati (YHXX) xodimining o‘zi belgilangan manzilga kelishini ko‘rsatish kerak. YHXX xodimi kelishi qo‘shimcha to‘lov asosida amalga oshiriladi.

Xizmat ko‘rsatish uchun belgilangan to‘lovlar quyidagicha:

Shanxayda bo‘lib o‘tgan avtoko‘rgazmada BMW 3 Sereis sedanining maxsus versiyasini taqdim etdi. Bu haqda 32cars nashri xabar bermoqda.

Ushbu model 2500 ta mashina bilan cheklanadi va faqat Xitoy bozori uchun ishlab chiqariladi. Uning narxi konfiguratsiyaga qarab $47 mingdan boshlanadi.

Uning tashqi ko‘rinishi avval faqat BMW dasturida mavjud bolgan yaltiramaydigan kulrang bilan ajralib turadi. Dizayn yangi 19 dyuymli g‘ildirak jantlari bilan to‘ldirilgan. Ichki qismida Xitoy bozori uchun birinchi marta qo‘llanilgan Alcantarali o‘rindiqlar, rul va eshik panellari mavjud.

Model ruldagi qizil marker, 50 Years yozuvli o‘ymakorligi bilan qoplangan qoplama, shuningdek, bosh o‘rindiqlar va texnik uzatmalarni boshqarish moslamasiga ega.

Avtomobil 2,0 litrli...

Honor kompaniyasi tomonidan Honor X70i smartfoni chiqarildi. Bu haqda ITHome nashri xabar bermoqda.

Yangi telefon Dimensity 7025 Ultra protsessori, yon tomonidagi jismoniy sun’iy intellekt kamerasi tugmasi va o‘rnatilgan 6000 mA/soat batareya bilan jihozlangan.

Uning qalinligi taxminan 7,29 mm va og‘irligi taxminan 178,5 g. Orqa qopqoq mikro-baxmal teksturali yangi materialdan tayyorlangan.

Yangi telefon yon tomonida «AI Photo Button» deb nomlangan jismoniy tugma bilan jihozlangan. U kamerani ishga tushirish uchun bir marta bosishni, suratga olish uchun yana ikki marta bosishni talab qiladi. Ushbu tugma sun’iy intellekt aqlli ko‘rish funksiyasini faollashtirish uchun surma masshtabni va uzoq bosib turishni qo‘llab-quvvatlaydi.

Honor X70i telefonining...

23-aprel, chorshanba kuni bahorning quyoshli kunida minglab odamlar Rim papasi Fransisk bilan vidolashish uchun Avliyo Pyotr maydoniga yigʻildi. Rim koʻchalari ziyoratchilar, sayyohlar va mahalliy aholi bilan toʻldi.

Ular cherkovga kirish va pontifik jasadi ochiq tobutda qoʻyilgan Avliyo Pyotr bazilikasida unga hurmat bajo keltirish uchun navbatda turishdi.

88-yoshli Fransisk ikki kun avval insultdan soʻng Santa-Marta pansionidagi yotoqxonasida vafot etdi. Chorshanba kuni ertalab uning jasadi tantanali marosim bilan bazilikaga olib kelindi.

Yaqinda ikki tomonlama pnevmoniyadan besh hafta davolanib chiqqan Fransisk soʻnggi bor Pasxa yakshanbasida avliyo Pyotr maydonidan papaning ochiq avtomobilida oʻtib, jamoat oldida koʻrinish bergan edi. Bu voqea uning vafotidan bir kun...

Gulnora Karimova tomonidan noqonuniy oʻzlashtirilgan $95 mln Shveysariyadan Oʻzbekistonga qaytarildi. Bu haqda Iqtisodiyot va moliya vaziri oʻrinbosari Otabek Fozilkarimov ma’lum qildi, deya xabar bermoqda Kursiv Uzbekistan muxbiri.

Fozilkarimovning ta’kidlashicha, jami $131 mlnlik mablagʻni mamlakatimizga qaytarish boʻyicha kelishuvga erishilgan. Shuningdek, Karimovadan ayni paytgacha mamlakatga kelib tushgan $87 million ta’lim va tibbiyotni qoʻllab-quvvatlashga yoʻnaltirilgani aytildi.

Eslatib oʻtamiz, joriy yilning aprel oyida Belgiya hukumati Toshkentga $108 million oʻtkazdi. Pul Karimovaga tegishli boʻlishi mumkin. U Oʻzbekistonda ishlash huquqi uchun xorijiy telekompaniyalardan pora olganlikda ayblangan.

Avvalroq «Kursiv» Oʻzbekiston Oliy sudi Gulnora Karimovaning ozod etilgani haqidagi xabarlarni rad etgani haqida yozgan edi.

General Motors Janubiy Koreyada Chevrolet Trailblazer 2026 modelini ishlab chiqarishni boshladi. Bu haqda GMAuthority nashri xabar bermoqda.

Modelning ishlab chiqarilishi 2025-yil 1-apreldan boshlangan bo‘lib, Janubiy Koreyadagi Bupyeong zavodida yig‘ilmoqda.

Trailblazer White Sands va Apex Red ranglari bilan chiqadi. Yangi Trailblazer modelida ham dizayn va texnik jihatlar bo‘yicha katta o‘zgarishlar kutilmaydi.

Chevrolet Trailblazer 2026 modelining narxlari quyidagi jadvalda:

Eslatib o‘tamiz, Kursiv Uzbekistan nashri Chevrolet Onix qo‘shni respublikalarda qanday narxlarda sotilayotgani haqida maqola e’lon qilgan edi.

Raqobat qo‘mitasi tomonidan shu yilning mart oyida hududlar kesimida davlat xaridlarida jami 5,6 mlrd so‘mlik qonunbuzilish holatlari aniqlanib, ularning oldi olindi. Bu haqda qo‘mita matbuot xizmati xabar berdi.

Jumladan, Surxondaryoda Avtomobil yo‘llari bosh boshqarmasi tomonidan umumiy qiymati 2,6 mlrd so‘mlik, Xiva shahar «Nurli maskan» ixtisoslashtirilgan maktab-internatida 1,4 mlrd so‘mlik va «Xiva milliy non» MCHJ tomonidan 200 mln so‘mga yaqin davlat xaridida qonunbuzilish holatlari qayd etildi.

Shuningdek, Toshkent shahrida «Geoinnovatsiya markazi» tomonidan 800 mln so‘mlik xaridda, Qarshi shahridagi Olimpiya va paralimpiya sport maktabida 600 mln so‘mlik xarid jarayonida ham qonunga zid harakatlar aniqlangan.

Natijada buyurtmachilarga nisbatan qo‘mitaning hududiy boshqarmalari tomonidan...

UzAuto Motors kompaniyasi Cobalt, Onix va Damas ishlab chiqarishni oshirdi. Bu haqda Statistika qo‘mitasi xabar bermoqda.

Kompaniyaning ishlab chiqarish hajmi deyarli o‘zgarmagan. 2025-yilning yanvar – mart oylarida 76,9 mingta avtomobil ishlab chiqarilgan bo‘lsa, 2024-yilning shu davrida 76,5 mingta avtomobil ishlab chiqarilgan. UzAuto Motors’ning ishlab chiqarish hajmi o‘tgan yilning mos davriga nisbatan 0,49 foizga o‘sdi.

Yuqoridagi modellarning ko‘proq ishlab chiqarilishi Lacetti modelining to‘xtatilgani va Tracker avtomobilining qisqargani bilan bog‘liq.

Quyidagi jadvalda 2025-yil yanvar – mart oylaridagi ishlab chiqarish statistikasi bilan tanishishingiz mumkin.

Eslatib o‘tamiz, Kursiv Uzbekistan nashri Chevrolet Onix qo‘shni respublikalarda qanday narxlarda sotilayotgani haqida yozgan edi.

FIFA rasmiy saytida e’lon qilingan «U-17 Osiyo kubogida porlagan futbolchilar» nomli maqolada Oʻzbekiston U-17 terma jamoasi hujumchisi Asilbek Aliyev ham e’tirof etildi.

FIFA materialida ta’kidlanishicha, Aliyev Oʻzbekistonning chempionlik yoʻlida eng muhim rollardan birini bajargan. U turnirning guruh bosqichidan chorak finalgacha boʻlgan uchrashuvlarda oʻzining sovuqqonlik, ishonch va instinktga boy hujumchilik fazilatlari bilan ajralib turgan. Yoshiga nisbatan yuksak yetuklik namoyon etgan futbolchi Markaziy Osiyo futbolining eng istiqbolli yulduzlaridan biri sifatida baholanmoqda.

«Bu yosh iqtidor Oʻzbekistonning chempionlik yoʻlida asosiy futbolchilardan biri boʻlib, hujum chizigʻini ishonch va sovuqqonlik bilan boshqardi. Turnirning dastlabki toʻrt uchrashuvida u beshta gol urib...

Bugun, 24-aprel kuni Markaziy bank asosiy stavkani 14 foiz darajasida saqlab qolish toʻgʻrisida qaror qabul qildi. Bu haqda regulyatorning matbuot xizmati xabar berdi.

«Ushbu qaror inflyatsiya ko‘rsatkichlari va kutilmalarini barqaror pasayish trendiga qaytarishga va o‘rta muddatli istiqbolda 5 foizlik targetga erishish uchun yetarli sharoit yaratishga xizmat qiladi», – deyiladi Markaziy bank xabarida.

Markaziy bank o‘rta muddatli istiqbolda inflyatsiyaning 5 foizlik maqsadli darajasigacha pasayishini ta’minlash uchun pul-kredit sharoitlarini yetarli darajada qat’iy shakllantirishni davom ettirishini ma’lum qildi. May oyida kutilayotgan energiya narxlari erkinlashtirilishining navbatdagi bosqichi inflyatsiya va inflyatsion kutilmalarga ikkilamchi ta’sirlaridan kelib chiqqan holda pul-kredit sharoitlari qayta...

Mart oyida «Ipoteka-bank» O‘zbekistondagi banklar orasida muammoli kreditlar bo‘yicha eng yuqori ko‘rsatkichni qayd etdi – 3,5 trln so‘m. Shu bilan u ilgari bu o‘rinda bo‘lgan «O‘zmilliybank»ni ortda qoldirib, yangi antiliderga aylandi.

1-aprel holatiga ko‘ra, muammoli kreditlar umumiy miqdori 23,5 trln so‘mga yetgan. Bu ko‘rsatkich 1-mart bilan solishtirilganda 3,5 foizga kamaygan. Jami kreditlardagi NPL ulushi esa 4,3 foizga pasaygan. Fevral oyida bu ko‘rsatkich 4,5 foizni tashkil qilgan.

Shuningdek, birinchi chorak bo‘yicha banklarning kredit portfeli 551,8 trln so‘mni tashkil qilgan. Fevral oyiga nisbatan 11,8 trln so‘mga oshgan.

Davlat ulushi mavjud banklar

Muammoli kreditlarning asosiy qismi davlat ulushi mavjud banklarga to‘g‘ri...

Checheniston rahbari Ramzan Qodirovning 17 yoshli o‘g‘li Adam Qodirov mintaqaviy Xavfsizlik kengashi kotibi lavozimini egalladi. Bu haqda kengash rasmiy Telegram sahifasida ma’lum qilindi.

Unga ko‘ra, kotiblik lavozimiga tayinlovni to‘liq Ramzan Qodirov amalga oshiradi.

Adam Qodirov, shuningdek, otasining xavfsizligi uchun mas’ul bo‘lim boshlig‘i, Ukrainadagi harbiy batalonlar kuratori va boshqa muhim lavozimlarni ham egallab kelmoqda. U «Checheniston Qahramoni» unvoniga sazovor bo‘lgan va Rossiya rekordlar kitobiga eng yosh xavfsizlik rahbari sifatida kiritilgan.

Uning faoliyati jamoatchilik e’tiborini tortgan, ayniqsa, tergov izolyatorida Qur’onni yoqishda ayblangan shaxsni kaltaklaganidan so‘ng u yuqori martabalarga ko‘tarila boshladi.

Eslatib o‘tamiz, avvalroq Ramzan Qodirov Rossiyadagi migratsiya siyosatini haqida fikr...

Boeing kompaniyasi 2025-yilning birinchi choragida moliyaviy koʻrsatkichlarini sezilarli darajada yaxshilaganini e’lon qildi. Kompaniyaning sof zarari oʻtgan yilning shu davriga nisbatan 11 baravarga kamayib, $355 milliondan $31 milliongacha tushdi. Bu haqda kompaniya hisobotida ma’lum qilindi.

Daromad esa 18 foizga oshib, $19,5 milliardga yetdi va tahlilchilar prognozlaridan yuqori boʻldi. Tijorat boʻlimi tushumni 75 foizga oshirib, $8,1 milliardga olib chiqdi. Samolyot yetkazib berish hajmi 56 foizga koʻpayib, 130 donani tashkil etdi – bu kompaniya uchun bir yildan ortiq vaqt ichidagi eng yaxshi choraklik natija boʻldi.

23-aprel kuni Boeing aksiyalari deyarli 9 foizga koʻtarilib, $176,6 ga yetdi – bu oxirgi bir oydagi...

Toshkent viloyatining Yuqori Chirchiq tumanida noqonuniy qum-shag‘al qazib olish holati aniqlandi. Bu haqda Ekologiya vazirligi ma’lum qildi.

Unga ko‘ra, Ekologiya boshqarmasi va viloyat IIBB tomonidan o‘tkazilgan reyd davomida Chirchiq daryosi yaqinidagi hududda yuk mashinalariga ruxsatsiz qum-shag‘al yuklab berilayotgani fosh etildi.

Holat yuzasidan qonuniy choralar ko‘rilayotganda, ayrim haydovchilar voqea joyidan yashirindi. Ushbu harakatlar bilan ular ekologiya va yer osti boyliklari haqidagi qonunlarni buzgan.

Natijada tabiatga 4,3 mlrd so‘mdan ortiq zarar yetkazilgan. Mazkur holat yuzasidan hujjatlar Toshkent viloyati prokuraturasiga topshirildi.

Eslatib o‘tamiz, avvalroq umummilliy birdamlik bog‘lari tashkil etilishi haqida yozgan edik.

Yangi Lexus ES avtomobili Shanxay avtosalonida ilk bor taqdim etildi. Bu haqda ITHome nashri xabar bermoqda.

Model uchta versiyada taklif etiladi: gibrid va to‘liq elektrli. U 300h 2.5 litrli gibrid tizimga ega bo‘lib, 350e old g‘ildirakli, 482 km yurish masofasini taqdim etadi. ES 500e esa to‘liq g‘ildirakli va DIRECT4 tizimi bilan jihozlangan. Dizayn LF-ZC kontseptidan ilhomlangan.

Lexus ES avtomobili TNGA GA-K platformasida ishlab chiqilgan. Uning ichki qismida 14 dyuymli ekran va yangi panel mavjud.

Avtomobil Apple CarPlay va Android Auto’ni qo‘llab-quvvatlanadi. Mark Levinson audio tizimi ham taqdim etilgan. Shuningdek, u yangi xavfsizlik tizimi bilan jihozlangan bo‘lib, Lexus Safety...

Xitoy 2030-yilga borib o‘z astronavtlarini Oyga tushirishni rejalashtirib, kosmik sohada global yetakchilikka intilmoqda. Bu haqda Reuters nashri ma’lum qildi.

Unga ko‘ra, mazkur yo‘nalishda Xitoy Rossiya bilan hamkorlikda Xalqaro Oy tadqiqot stansiyasi ustida ishlamoqda.

Kelajakdagi baza uchun asosiy masala – energiya ta’minoti. Yaqinda e’lon qilingan rejaga ko‘ra, Xitoy Oyda yadro elektr stansiyasi qurish imkoniyatini ko‘rib chiqmoqda. Shu bilan birga, quyosh panellari va quvurlar tarmog‘i orqali elektr va issiqlik bilan ta’minlash variantlari ham ishlab chiqilmoqda.

Xalqaro Oy tadqiqot stansiyasi doimiy faoliyat yurituvchi baza bo‘lishi kutilmoqda. «Chang’e-8» missiyasi esa bu baza qurilishiga asos solishi kerak. Shu bilan birga, Rossiya 2035-yilgacha Oyda yadroviy...

24-aprel kuni mamlakatimizda havo biroz bulutli, ammo yog‘ingarchilik kutilmaydi. Respublikaning barcha hududlarida asosan sharqiy yo‘nalishdagi shamol esishi mumkin, deya xabar beradi «O‘zgidromet».

Toshkent shahrida havo ochiq, kunduzi harorat 25-27 daraja atrofida bo‘ladi.

Qoraqalpog‘iston va Xorazm viloyatlarida kunduzi 28-33°, ba’zi joylarda shamol kuchayishi mumkin.

Buxoro va Navoiy viloyatlarida harorat 27-32° gacha ko‘tariladi, shamol kuchliroq esadi.

Toshkent, Sirdaryo, Jizzax va Samarqand viloyatlarida kunduzi 25-30° iliqlik saqlanadi.

Qashqadaryo va Surxondaryo viloyatlarida havo 28-33° oralig‘ida bo‘ladi.

Andijon, Namangan va Farg‘ona viloyatlarida esa 24-29° atrofida iliq havo kuzatiladi.

Tog‘ oldi va tog‘li hududlarda esa yomg‘ir yog‘ishi ehtimoli bor, harorat kunduzi 15-20° ni tashkil etadi...

Jurnalistika va ommaviy kommunikatsiyalar universiteti rektori Sherzodxon Qudratxo‘ja Rossiya tashqi ishlar vaziri Sergey Lavrovning Samarqanddagi «Motamsaro ona» yodgorligida rus tilidagi yozuv yo‘qligi haqidagi bayonotiga munosabat bildirdi.

Avvalroq Lavrov mazkur yodgorlikni ziyorat qilganida, halok bo‘lgan askarlarga bag‘ishlangan so‘zlar o‘zbek va ingliz tillarida yozilganiga e’tibor qaratgan, rus tilidagi yozuv nega yo‘qligini so‘ragan edi.

Rektorning fikricha, har bir mamlakat yodgorliklar va tarixiy obidalardagi til siyosatini mustaqil belgilash huquqiga ega. Boshqa davlat yuqori martabali vakillarining bu kabi e’tirozlari noo‘rin.

«Boshqa davlat tashqi ishlar vazirining chetdan kelib, bizni tanqid qilishi noto‘g‘ri. Axir biz ularning mustamlakasi emasmiz!» – dedi Qudratxo‘ja.

23-aprel kuni Istanbulda 6.2 magnitudali zilzila yuz berdi. Mahalliy vaqt bilan soat 12:49 da sodir bo‘lgan zilzila shaharda vahima keltirib chiqargani oqibatida 150 dan ortiq kishilar balandlikdan sakrab jarohat oldi, deya yozmoqda Euronews.

Unga ko‘ra, zilzilaning epitsentri Marmara dengizida, Istanbuldan 40 km janubi-g‘arbda joylashgan bo‘lib, silkinish boshqa viloyatlarda ham sezilgan. Bir nechta kuchsiz takroriy zilzilalar ham qayd etildi.

Rasmiylarga ko‘ra, jiddiy talafotlar aniqlanmagan. Aholi ochiq joylarga chiqib, binolardan uzoqlashishga chaqirildi. Prezident Erdo‘g‘an yurt va xalqqa tinchlik tiladi.

Eslatib o‘tamiz, avvalroq O‘zbekistonda 4 ballik zilzila sodir bo‘lgan edi.

Tramp ma’muriyati Xitoydan import qilinadigan mahsulotlarga qo‘yilgan boj stavkalarini tushirish masalasini ko‘rib chiqmoqda. Bu haqda Reuters nashri Wall Street Journal nashriga tayanib xabar berdi.

Unga ko‘ra, bu qaror Pekin bilan olib borilayotgan muzokaralar doirasida amalga oshiriladi. Bojlar 50 – 65% oralig‘iga tushirilishi mumkin. Tramp yanvardan beri bu stavkalarni 145% gacha oshirgan edi. Oq uy bu borada hali yakuniy qaror chiqarmadi.

Tariflarni pasaytirish orqali AQSh-Xitoy o‘rtasidagi iqtisodiy keskinlikni yumshatish maqsad qilingan. Tramp agar kelishuv bo‘lsa, bojlar «sezilarli darajada» kamaytirilishini bildirdi.

Eslatib o‘tamiz, avvalroq Tramp bojlarining O‘zbekiston savdosiga ta’siri haqida yozgan edik.

Prezident qaroriga binoan Toshkent davlat tibbiyot universiteti tashkil etiladi. Bu universitet Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya institutining negizida barpo etiladi, deya xabar berdi Adliya vazirligi.

Mazkur qarorga ko‘ra, Toshkent tibbiyot akademiyasining markaziy ilmiy-tadqiqot laboratoriyasi asosida Tibbiyot ilmiy-innovatsion tadqiqot instituti faoliyati yo‘lga qo‘yiladi. Urganch filiali esa alohida Urganch davlat tibbiyot institutiga aylantiriladi.

Toshkent tibbiyot akademiyasi, pediatriya va stomatologiya institutlariga qarashli klinikalar va akademik litseylar yangidan nomlanib, Toshkent davlat tibbiyot universiteti tarkibiga kiradi. Tarmoq klinikalari va filiallar ham shu universitetga birlashtiriladi.

2025/2026-o‘quv yilidan boshlab magistratura bosqichida xorijiy tillarda ta’lim beriladigan maxsus guruhlar tashkil etiladi. Bu...

«Banklarga o‘rnatiladigan makroprudensial normativlar hamda ular tomonidan beriladigan kreditlar (mikroqarzlar) bo‘yicha to‘lovlarning eng yuqori qiymatlariga doir talablar to‘g‘risida»gi nizom davlat ro‘yxatidan o‘tkazildi. Bu haqda Adliya vazirligi ma’lum qildi.

Unga ko‘ra mazkur hujjat banklar, jumladan mikromoliya banklari tomonidan jismoniy shaxslarga beriladigan kreditlar yuzasidan amal qilinishi lozim bo‘lgan normativ va cheklovlarni belgilaydi.

Nizomga ko‘ra, banklarga qarz yuki ko‘rsatkichi, kreditning garovga nisbati hamda kreditlar bo‘yicha to‘planganlik (konsentratsiya) koeffitsiyentlari kabi asosiy makroprudensial ko‘rsatkichlar joriy etiladi.

Yangi tartibga muvofiq, banklar mijozga kredit berganida, uning qarz yuki ko‘rsatkichi 50 foizdan oshmasligi lozim. Shuningdek, kredit bo‘yicha foizlar va boshqa to‘lovlar yig‘indisi asosiy qarzga nisbatan kunlik...

Qatar davlatida yurtdoshlarimiz bort kuzatuvchiligi kasbi bo‘yicha ishga taklif qilinadi. Bu haqda Migratsiya agentligi xabar bermoqda.

Nomzodlarga 21-30 yosh orasida bo‘lgan sudlanmagan va chet elga chiqish taqiqida bo‘lmaganlik talabi qo‘yiladi. Shuningdek, bo‘yi 1,65 smdan yuqori bo‘lishi shart. Tanasida chiziq va orttirilgan belgilar bo‘lmasligi muhim.

Eng kam ish haqi $2000 dan boshlanadi. Ariza topshirish uchun ushbu havola ustiga bosing.

Qo‘shimcha savollar yuzasidan «GlobalHR» xususiy bandlik agentliklari mutaxassislariga murojaat qilishingiz mumkin:

95-839-99-99

95-933-09-99

95-757-99-90

Eslatib o‘tamiz, Kursiv Uzbekistan nashri Bolgariyada ishlash niyatida bo‘lgan o‘zbekistonliklar kuryer sifatida faoliyat yuritishi mumkinligi haqida yozgan edi.

Farg‘ona viloyatida Fargo-Gold brendi ostida zargarlik mahsulotlari ishlab chiqarilishi rejalashtirilgan. Bu haqda viloyat hokimi Hayrullo Bozorov Turkiyadan kelgan investorlar bilan uchrashuv paytida ma’lum bo‘ldi.

Loyihaning amalga oshirilishi 2025-yil may oyidan boshlanishi ko‘zda tutilgan. Mazkur ishlab chiqarish natijasida 300 ta yangi ish o‘rni yaratiladi.

Turkiyalik investorlar, shuningdek, qurilish sohasi bo‘yicha ham yangi loyihalarni amalga oshirishga qiziqish bildirdilar.

Avvalroq Kursiv Uzbekistan zargarlik sohasi uchun yangi soliq imtiyozlari joriy etilgani haqida yozgandi.