Yangiliklar

26-avgust kuni mamlakat hududida kechasi harorat 17–25°, kunduzi esa 33–40° atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo viloyati viloyatlar kesimida:

O‘zbekiston elchisi Baxtiyor Ibragimov Qozog‘iston sog‘liqni saqlash vaziri Aqmaral Alnazarova bilan hamkorlik uchrashuvi o‘tkazdi. Bu haqda «Dunyo» AA ma’lum qildi.

Muloqotda Orolbo‘yi aholisi salomatligiga ta’sir etuvchi ekologik omillarni kamaytirishga qaratilgan qo‘shma dasturlar muhokama qilindi.

2026-yil aprel oyida Ostonada mintaqaviy ekologik sammit o‘tkazilishi rejalashtirilgan bo‘lib, Jahon sog‘liqni saqlash tashkiloti bilan hamkorlikda yangi loyihalar boshlash masalalari ham ko‘rib chiqildi.

Tomonlar Nukusda diagnostik laboratoriyalar tarmog‘ini yaratish tashabbusini qo‘llab-quvvatladilar. Shuningdek, sanitariya-epidemiologiya sohasidagi yangilangan bitimni tezkor kelishish va imzolash bo‘yicha kelishuvga erishildi.

Eslatib o‘tamiz, avvalroq O‘zbekiston va Britaniya strategik kommunikatsiyalar sohasida hamkorlik qilishi haqida yozgan edik.

Londonda O‘zbekiston elchixonasida Buyuk Britaniyaning strategik kommunikatsiyalar bo‘yicha yetakchi kompaniyasi – «Hudson Sandler» vakillari bilan hamkorlik uchrashuvi bo‘lib o‘tdi. Bu haqda «Dunyo» AA ma’lum qildi.

Muzokaralarda O‘zbekiston – Britaniya hamkorligini kengaytirish, «G2B» va «B2B» formatidagi aloqalarni kuchaytirish, Britaniyaning yirik kompaniyalari bilan yaqin hamkorlikni yo‘lga qo‘yish masalalari muhokama qilindi. Shuningdek, O‘zbekiston kompaniyalarining xalqaro kapital bozorlariga chiqishiga ko‘maklashish ustuvor vazifa sifatida qayd etildi.

Tomonlar kelgusida hukumat va biznes doiralarini jalb etgan holda qo‘shma tadbirlarni yuqori darajada tashkil etish bo‘yicha kelishib oldi.

Ma’lumot uchun, 1986-yilda tashkil etilgan «Hudson Sandler» kompaniyasi strategik kommunikatsiyalar va konsalting xizmatlarini ko‘rsatib, yirik kompaniya va brendlar bilan aloqalar...

Shavkat Mirziyoyev 25-avgust kuni Samarqandga tashrifi chog‘ida Imom Buxoriy maqbarasini ziyorat qildi, Qur’on tilovat qilinib, duo o‘qildi. Bu haqda davlat rahbari matbuot xizmati ma’lum qildi.

44 gektarga kengaytirilgan majmuada mo‘tabar maqbara, 10 ming kishilik masjid, ma’muriyat binosi va 75 metrlik minoralar barpo etilgan. Hozirda peshtoqlarga va ayvonlarga «Sahihi Buxoriy»dan hadislar bitilmoqda.

Prezident mazkur maskan nafaqat ziyoratgoh, balki ilm-ma’rifat va tarbiya o‘chog‘i bo‘lishi zarurligini ta’kidladi. Shu maqsadda Imom Buxoriy hayoti va merosini yorituvchi innovatsion muzey tashkil etilmoqda.

Ziyoratgoh atrofida mehmonxona va xizmat ko‘rsatish binolari qurilishi yakuniy bosqichga kirgan bo‘lib, rahbar sifat va qulayliklarga alohida e’tibor qaratishni topshirdi.

Eslatib o‘tamiz, avvalroq...

2026-yil 1-yanvardan dori vositalari va tibbiy jihozlar muomalasi xalqaro talablarga moslashtiriladi. Bu haqda Adliya vazirligi ma’lum qildi.

Unga ko‘ra, endilikda tibbiy jihozlar xavf darajasiga qarab 4 toifaga bo‘linadi va faqat klinik tadqiqotlarning ijobiy natijasi asosida ro‘yxatdan o‘tkaziladi.

2027-yildan boshlab dori vositalari uchun ishlab chiqaruvchining GMP milliy sertifikati, tibbiy jihozlar uchun esa ISO:13485 standartiga muvofiqlik sertifikati majburiy bo‘ladi.

Shuningdek, ro‘yxatdan o‘tkazilganlik guvohnomasi 5 yil muddatga beriladi. Mahalliy ishlab chiqaruvchilarning avval muddat cheklanmagan guvohnomalari ham yangi tartib asosida 5 yil bilan chegaralanadi.

Bundan tashqari, dori vositalari va tibbiy jihozlarni ishlab chiqarish huquq egasining buyurtmasi asosida, tegishli litsenziyaga ega ishlab chiqaruvchilar orqali...

O‘zbekiston Bosh konsulxonasi va Migratsiya agentligi hamkorligida Rossiya Federatsiyasi Ural federal okrugida muammoga duch kelgan 12 nafar hamyurtimizga amaliy yordam berildi. Bu haqda «Dunyo» AA ma’lum qildi.

Ularga zarur hujjatlar rasmiylashtirilib, olti nafar vatandoshimiz uchun «Yekaterinburg – Toshkent» yo‘nalishiga aviachiptalar taqdim etildi.

Ular 23-avgust kuni Toshkent shahriga kuzatib qo‘yildi. Mazkur tashabbus 30-iyul – 30-avgust kunlari o‘tkazilayotgan «Vatanga qaytarish» insonparvarlik aksiyasi doirasida amalga oshirildi.

Eslatib o‘tamiz, avvalroq O‘zbekistonga olib kelingan falastinliklar uchun maxsus jamg‘arma tashkil etilishi haqida yozgan edik.

Prezident qaroriga muvofiq, 2025-yildan boshlab har ikki yilda bir marta sentabr – noyabr oylarida Buxoro shahrida xalqaro zamonaviy san’at biennalesi tashkil etiladi. Bu haqda Adliya vazirligi ma’lum qildi.

Birinchi biennale 2025-yil 5-sentabrdan 20-noyabrgacha bo‘lib o‘tadi. Tadbir uchun maxsus tashkiliy qo‘mita tuziladi va 14 ta madaniy meros obyekti kreativ klasterga aylantiriladi.

Dastur doirasida ilmiy-ma’rifiy, madaniy-ko‘ngilochar, sayyohlik va gastronomik tadbirlar o‘tkazilib, dunyoga mashhur ijodkorlar, mutaxassislar va oshpazlar ishtirok etadi.

Shuningdek, 30 nafardan ortiq xalqaro ekspert, kurator va san’atshunoslar qatnashadigan akademik simpozium ham bo‘lib o‘tadi.

Eslatib o‘tamiz, avvalroq FIDE Grand Swiss shaxmat musobaqasi ilk bor Samarqandda o‘tkazilishi haqida xabar bergan...

Silk Avia texnik sabablarga ko‘ra sentyabr va oktyabr oylarida Toshkentdan Termiz, Namangan, Buxoro, Farg‘ona va Navoiy yo‘nalishidagi bir nechta aviaqatnovlarni vaqtincha bekor qildi. Bu haqda kompaniya rasmiy sahifasida ma’lum qilindi.

Yo‘lovchilar avval xarid qilingan chiptalar uchun pulni to‘liq qaytarib olishlari yoki bo‘sh joylar mavjud bo‘lsa, boshqa reyslarga qayta bron qilishlari mumkin.

Aviakompaniya noqulayliklar uchun uzr so‘rab, havo qatnovi xavfsizligi birinchi o‘rinda ekanini ta’kidladi.

Eslatib o‘tamiz, avvalroq Andijon aeroporti xalqaro reyslarni qayta tiklagani haqida xabar bergan edik.

Maktablarda 2025/2026-o‘quv yili dars jarayonlari 2-sentabr seshanba kunidan boshlanadi. Bu haqda Maktab va maktabgacha ta’lim vazirligi xabar berdi.

Shuningdek, o‘quv jarayonining birinchi dars soatlarida «Vatan uchun, millat uchun, xalq uchun!» shiori ostida «Kelajak soati» darslari o’tkaziladi.

Shu bilan birga, birinchi sinfga qabul qilinadigan 738 ming nafardan ortiq o‘quvchilarga 12 nomdagi o‘quv qurollaridan iborat «Prezident sovg‘asi» topshiriladi.

Avvalroq Kursiv Uzbekistan 3-sentabrdan – akademik litseylarning barcha bosqich o‘quvchilari va oliy ta’lim muassasalarining 1-bosqich talabalari uchun darslar start olishi haqida yozgandi.

Toshkent viloyatining Parkent tumanida o‘tkazilgan an’anaviy «Uzum sayli» festivaliga bu yil 500 mingdan ortiq mehmon tashrif buyurdi.

Festival davomida qishloq xo‘jaligi yarmarkalari, vino sanoatining xalqaro kompaniyalari ko‘rgazmalari, konferensiyalar va turli anjumanlar tashkil etildi.

Madaniy qismda folklor jamoalari va estrada san’atkorlari chiqishlari, hunarmandchilik mahsulotlari, milliy taomlar va kiyimlar ko‘rgazmalari mehmonlarga taqdim etildi. Xususan, xorijiy sayyohlar milliy taomlarga alohida qiziqish bildirdi.

Ma’lumot uchun, bugungi kunda Toshkent viloyatida jami 1 295 ta turistik maskan faoliyat yuritmoqda. Ular tarkibiga 51 ta mehmonxona, 76 ta dam olish zonasi, 1 015 ta oilaviy mehmon uyi, 109 ta xostel hamda 44 ta sanatoriy va sog‘lomlashtirish maskani...

Janubiy Koreyaning mis folga ishlab chiqaruvchisi SK Nexilis kompaniyasi Koreyada elektr energiyasi narxining yuqoriligi sababli O‘zbekistonda korxona ochish imkoniyatini ko‘rib chiqmoqda. Bu haqda Business Korea xabar berdi.

Xabarga ko‘ra, kompaniya ishlab chiqarishni Chonipa shahridan O‘zbekistonga ko‘chirishni rejalashtirmoqda. Shu bilan birga, SK Nexilis’ning Malayziyada bir nechta zavodi mavjud. Mis folga akkumulyator ishlab chiqarishda qo‘llaniladi.

Mis folga ishlab chiqarish tannarxining qariyb 15 foizi elektr energiyasi xarajatlariga to‘g‘ri keladi. Koreyada 1 kVt/soat narxi $0,13 ni tashkil etsa, O‘zbekistonda bu ko‘rsatkich $0,08 ni tashkil etadi. Bundan tashqari, O‘zbekiston katta mis zaxiralariga va xomashyo qazib olishning past tannarxiga ega.

«Biz...

Prezident qarori bilan O‘zbekistonda futbolni rivojlantirishning asosiy yo‘nalishlari belgilandi. Bu haqda Adliya vazirligi xabar berdi.

Qarorga ko‘ra:

Shuningdek, «Milliy futbol elektron platformasi» axborot tizimi yaratiladi. Bundan tashqari, 2026-yil 1-yanvardan boshlab futbol akademiya va maktablaridagi mashg‘ulotlarni onlayn kuzatish, futbolchilar seleksiyasi hamda ularning tibbiy va jismoniy ko‘rsatkichlarini monitoring qilish shu tizim orqali amalga oshiriladi.

2026-yil 1-martdan esa futbol o‘yinlariga chipta xaridi shaxsni identifikatsiya qilish va QR-kod texnologiyalaridan foydalangan holda...

2025-yilning aprel–iyun oylarida Oʻzbekistonga xorijdan pul o‘tkazmalari hajmi o‘tgan yilga nisbatan 21,4 foizga oshdi. Bu haqda Markaziy bankning shu yilning II choragi uchun tayyorlangan mehnat bozori sharhida ma’lum qilindi.

Shu vaqt davomida mehnat muhojirlari tomonidan O‘zbekistonga $4,8 mlrd pul yuborildi.

Pul o‘tkazmalarining barqaror o‘sishi mehnat muhojirlari yashayotgan mamlakatlarda valyuta kurslarining barqarorlashuvi, ish haqining ko‘tarilishi va iqtisodiy faollikning yuqoriligi bilan bog‘liq.

Hududlar kesimida sezilarli tafovut kuzatildi. Boltiq davlatlaridan kelgan o‘tkazmalar 65,6 foizga oshdi. Yevropa va boshqa mintaqalarda ham yuqori o‘sish qayd etildi. Biroq Rossiya (23,7%), AQSh (10,3%) va Yevropa (26,9%)dan jo‘natilgan mablag‘lar o‘sish sur’ati sekinlashdi. Osiyodan yuborilayotgan pul o‘tkazmalari...

Xiaomi 16 Pro smartfoni jiddiy o‘zgarishlar bilan taqdim etiladi. Bu haqda Gizmochina xabar bermoqda.

Smartfon 6,8 dyuymli tekis OLED LTPO displeyga ega bo‘lishi kutilmoqda. Uning 2K aniqlikda ishlashi va juda ingichka ramka bilan chiqarilishi aytilmoqda. Yangi Eye Care texnologiyasi esa ekranni bir vaqtning o‘zida yorqin va ko‘zlar uchun qulay qiladi. Taqqoslash uchun, o‘tgan yilgi Xiaomi 15 Pro 6,73 dyuymli OLED panel bilan chiqqan edi.

Ma’lumotlarga ko‘ra, Xiaomi 16 Pro orqa tomonda uch kamerali modul bilan jihozlanadi. Manbada datchiklar haqida to‘liq aytilmagan, ammo suratga olish sifati iPhone darajasiga yaqin bo‘lishi kutilmoqda.

Avvalroq tarqalgan xabarlarga ko‘ra, Xiaomi 16 seriyasi uch...

29-avgust kuni Chengdu avtosalonida Xiaomi SU7 Ultra Nürburgring Limited Edition 2025 avtomobili ilk bor omma oldida namoyish qilinadi. Bu haqda ITHome nashri ma’lum qildi.

Modelning narxi 814,900 yuan ($113600) etib belgilangan. Nürburgring Limited Edition Xiaomi SU7 Ultra bazasida ishlab chiqilgan bo‘lib, trassaga mos maxsus paket bilan jihozlangan. Modelga karbon tolali ikki kanalli kapot, aerodinamik himoya, orqa g‘ildirak qoplamalari va yirik karbon tolali spoiler o‘rnatilgan. Bu elementlar yuqori tezlikda mashinaning orqa qismini bosib turuvchi kuchni oshiradi.

Ichki qismda Sparco Competition h-2 karbon tolali sport o‘rindiqlari hamda olti nuqtali xavfsizlik kamarlaridan foydalanilgan. Orqa o‘rindiqlar butunlay olib tashlangan va ularning o‘rniga yarim...

Shavkat Mirziyoyev O‘zbekiston mustaqilligining 34 yilligi munosabati bilan respublikadagi davlat xizmatchilari, ishlab chiqarish va ijtimoiy-iqtisodiy soha xodimlaridan bir guruhini medal, orden va faxriy unvon bilan taqdirladi. Bu haqda prezident matbuot xizmati xabar berdi.

Mukofotlanganlar orasida Markaziy bank raisi Timur Ishmetov, Qurilish va uy-joy kommunal xo‘jaligi vaziri Sherzod Xidoyatov, Yozuvchilar uyushmasi raisi Sirojiddin Saidov bor.

Batafsil ro‘yxat bilan quyidagi havola orqali tanishish mumkin.

Avvalroq Kursiv Uzbekistan bir guruh harbiy va huquq-tartibot xodimlari mukofotlangani haqida yozgandi.

Prezident farmoni bilan Telekommunikatsiyalarni tartibga solish agentligi tashkil etiladi. Bu haqda Adliya vazirligi xabar berdi.

Unga ko‘ra, agentlik operator va provayderlar tomonidan ko‘rsatilayotgan xizmatlar sifatini tasdiqlangan reja asosida har oyda kamida bir marta monitoring qilib boradi.

Shuningdek, u moliyaviy va tashkiliy jihatdan hamda vakolatlari doirasida qaror qabul qilishda mustaqil hisoblanadi. O‘z faoliyatida Vazirlar Mahkamasiga hisobdor bo‘ladi.

Bundan avval prezident farmoniga ko‘ra, Axborot va ommaviy kommunikatsiyalar agentligi (AOKA) tugatilgandi. Bundan tashqari, uning axborot sohasidagi nazorat va monitoring vazifalari «O‘zkomnazorat» inspeksiyasiga o‘tkazildi.

Avvalroq Kursiv Uzbekistan Eksimbank O‘zbekistonda telekommunikatsiya sohasi uchun $500 million ajratishi haqida xabar bergandi.

Uzbekistan Airways 25-avgust kungi Samarqand – Sankt-Peterburg va Sankt-Peterburg – Urganch yo‘nalishidagi aviaqatnovlar jadvali o‘zgarganini ma’lum qildi.

Mazkur reys vaqti o‘zgarishiga havo kemasining kechikib kelishi sabab bo‘lgan.

Xabarga ko‘ra, HY9639 reysi quyidagi jadval asosida amalga oshiriladi:

HY9638 reysi:

Barcha vaqtlar mahalliy vaqt bo‘yicha ko‘rsatilgan.

Bundan avval «Aeroflot» sentabr oyidan O‘zbekistonga parvozlarni tiklashi haqida yozgandik.

Rossiyaning yirik aviakompaniyasi «Aeroflot» 14-sentabrdan boshlab Moskva va Sankt-Peterburgdan O‘zbekistonning bir necha shaharlariga muntazam parvozlarni qayta yo‘lga qo‘yadi. 

Bugun, 25-avgust kuni dollar kursi 51,29 so‘mga tushib, 12 305,80 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 58,65 so‘mga oshib, 14389,17 so‘mni, rubl esa 0,93 so‘mga tushib, 152,56 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.  

O‘zbekiston hududida 25–29-avgust kunlari yozning eng issiq kunlari kuzatilishi kutilmoqda. Bu haqda «O‘zgidromet» xabar berdi.

Unga ko‘ra, bugun, 25-avgustdan boshlab harorat ko‘tarilib, hafta davomida 36–39 daraja atrofida bo‘ladi. Janubiy va cho‘l hududlarda esa 40 darajagacha yetishi mumkin.

Respublika bo‘ylab ob-havo asosan ochiq va quruq bo‘ladi. Biroq shimoliy va cho‘l hududlarida shamol 13–18 m/s tezlikda esishi, ba’zi joylarda esa chang-to‘zonlar kuzatilishi ehtimoli bor.

Poytaxt Toshkentda ham havo ochiq va quyoshli bo‘lishi kutilmoqda. Shamol sharqdan esib, 3–8 m/s tezlikda harakatlanadi. Kunduzgi harorat 36–39 daraja issiqqa chiqsa, kechalari 21–24 daraja atrofida bo‘ladi.

Toshkent shahrida 2025-yil oxirigacha tungi avtobuslar qatnovi boshlanadi. Birinchi yo‘nalish (T1) Qo‘yliq dehqon bozori — Husayn Boyqaro ko‘chasi bo‘ylab harakatlanadi.

Ma’lum qilinishicha, mazkur avtobuslar tungi soat 22:00 dan ertalab 06:00 gacha qatnaydi. Ular aeroportlar, temiryo‘l vokzallari, metro bekatlari, yirik bozorlar, savdo markazlari va turizm ko‘chalari orqali yuradi.

Avtobuslar qizil rangda bo‘lib, chiptalar narxi kunduzgi qatnovlar bilan bir xil: QR-kod orqali 3000 so‘m, elektron to‘lovlarda 1700 so‘m.

Yo‘nalishlar ikki bosqichda ochiladi. 1-bosqich (136 km, 31 ta avtobus):

Chery va Huawei hamkorligida ishlab chiqilgan yangi Luxeed S7 2026 elektromobili rasman taqdim etildi. Bu haqda Autohome xabar bermoqda.

Model kuchli texnik imkoniyatlari va premium darajadagi jihozlari bilan ajralib turadi. Salon ikki xil rangli uslubda bezatilgan bo‘lib, unda yumshoq Nappa terisi va zamsha ishlatilgan. Haydovchi oldida 12,3 dyuymli raqamli panel joylashgan. Markaziy multimedia tizimi esa 16,1 dyuymli 3K ekran bilan jihozlangan.

Huawei Sound audio tizimi 21 ta dinamik orqali 7.1.4 formatida atrofiyaviy ovoz beradi. Sifatli qulayliklar qatorida nol gravitatsiya funksiyasiga ega o‘rindiqlar, isitish, ventilyatsiya va massaj rejimlari mavjud.

Avtomobil Huawei ADS 4 avtopilot tizimi bilan ta’minlangan. U lidar, uchta...

Oppo kompaniyasi yaqin orada yangi flagmani Oppo Find X9 Pro modelini taqdim etadi. Bu haqda Smartprix manbasi xabar berdi.

Qurilma kuchli texnik imkoniyatlari va ilg‘or kamerasi bilan ajralib turadi. Smartfon 6,78 dyuymli OLED ekran bilan jihozlanib, 1,5K aniqlik va 120 Hz yangilanish tezligini taklif qiladi. Asosiy protsessor sifatida MediaTek Dimensity 9500 ishlatiladi, xotira hajmi esa 16 GB RAM va 512 GB ROM bo‘ladi.

Find X9 Pro flagmanida kamera tizimi yuqori darajada ishlangan. Asosiy modul 50 megapikselli Sony LYT-828 sensori bilan jihozlangan. Ultra keng burchakli kamera sifatida 50 megapikselli Samsung ISOCELL JN5 ishlatiladi. Periskop modulida esa 200 megapikselli Samsung ISOCELL...

AQSh prezidenti Donald Tramp o‘zining ma’qullanish darajasi eng yuqori ko‘rsatkichlarga chiqqanini aytib, mamlakat ommaviy axborot vositalarini yolg‘on ma’lumot tarqatishda aybladi. Bu haqda o‘zining Truth Social’dagi sahifasida ma’lum qildi.

«Feyk yangiliklarda yozilganlarni hisobga olmaganda, hozirgi reytinglarim eng yuqorida. Ayrimlari 60, hatto 70 foizga yetmoqda. Rahmat», deb yozdi Tramp.

Biroq so‘nggi tadqiqotlar Trampning bayonotini rad etmoqda. Pew Research Center o‘tkazgan so‘rov natijalariga ko‘ra, prezidentning ma’qullanish reytingi avgust boshida 38 foizga tushib ketgan. 14-avgustda e’lon qilingan hisobot 3,5 ming respondentning fikriga asoslangan.

Mutaxassislar reyting pasayishini, jumladan, 2024-yilgi saylovlarda unga ovoz berganlar orasida qo‘llab-quvvatlashning kamayishi bilan izohlamoqda. Iyunda...