Yangiliklar

Kia kompaniyasi 2026-yil uchun Niro Plug-in Hybrid (PHEV) modelini ishlab chiqarishni to‘xtatishini rasman tasdiqladi. Kompaniya bu qarorni bozordagi talab va sharoitlar o‘zgarishi bilan izohladi. Endilikda ushbu model AQSh bozorida sotilmaydi.

Kia bayonotiga ko‘ra, Niro PHEV liniyadagi eng kam ommalashgan model bo‘lgan. U benzinli Niro va to‘liq elektr Niro EV fonida «oraliq» variant sifatida yetarli qiziqish uyg‘ota olmagan.

O‘tgan yili Kia jami 31,2 ming dona Niro avtomobilini sotgan. Ularning eng kam qismi aynan plug-in gibrid versiyaga to‘g‘ri kelgani taxmin qilinmoqda. Biroq kompaniya sotuvlarni dvigatel turlari bo‘yicha alohida e’lon qilmaydi.

Yaxshi xabar shundaki, benzinli Kia Niro va Niro EV modellari kamida...

Samsung kompaniyasi 2026-yil iyul oyida yangi buklanuvchi smartfonini global bozorda taqdim etishni rejalashtirmoqda. Bu haqda Notebook Check nashri xabar berdi.

Qurilma SM-F971 model raqami ostida qayd etilgan bo‘lib, u hozirgi Galaxy Z Fold yoki Galaxy Z Flip seriyalariga kirmaydi.

IMEI ma’lumotlar bazasida ushbu smartfonning beshta mintaqaviy versiyasi aniqlangan. Jumladan, SM-F9710 – Xitoy bozori uchun, SM-F971N – Janubiy Koreya uchun, SM-F971U va SM-F971U1 – AQSh uchun, SM-F971W esa Kanada va boshqa xalqaro bozorlar uchun mo‘ljallangan.

Internet manbalarida qurilma vaqtincha Galaxy Z Wide Fold nomi bilan tilga olinmoqda. Texnik ma’lumotlarga ko‘ra, u Galaxy Z Fold7 modeliga nisbatan kengroq va pastroq korpusga...

Tesla AQShda Model Y qatorini kengaytirib, yangi Standard All-Wheel Drive versiyasini $42 ming narxda sotuvga chiqardi. Bu haqda Electrek nashri xabar bermoqda. Yangi modifikatsiya bazaviy orqa uzatmali modeldan bor-yo‘g‘i $2 mingga qimmatroqdir.

Yangi variant Standard RWD ($40 ming) va Premium RWD ($45 ming) modellari oralig‘idan joy oldi. Ushbu elektromobil 4,6 soniyada soatiga 96 km tezlikka erishadi, bu bazaviy model ko‘rsatkichidan deyarli ikki barobar tezroq. Biroq qo‘shimcha quvvat evaziga yurish masofasi biroz qisqargan. Yangi model bir quvvatlanishda 473 km masofani bosib o‘tadi.

Hozirda Tesla AQSh bozorida Model Y elektromobilining jami besh xil konfiguratsiyasini taklif qilmoqda. Standard versiyalar o‘tgan yilning oktabr...

Aviatsiya sanoatining yirik ishlab chiqaruvchilari – Boeing va Airbus 2025-yil yakunlari bo‘yicha buyurtmalar kitoblarini e’lon qildi.

Ushbu ma’lumotlar qaysi aviakompaniyalar, lizing kompaniyalari va davlat tuzilmalari tijoriy samolyotlarga buyurtma berganini ko‘rsatadi.

Yuqorida taqdim etilgan infografika yil davomida Airbus va Boeing samolyotlarining asosiy xaridorlarini yaqqol aks ettiradi.

Vizualizatsiyada, shuningdek, har bir mijoz qaysi ishlab chiqaruvchidan – Boeing’dan, Airbus’dan yoki ikkala kompaniyadan ham buyurtma bergani ko‘rsatilgan. Ranglar orqali xaridorlar turlarga ajratilgan: alohida aviakompaniyalar, aviatsiya guruhlari, lizing kompaniyalari va yuk tashuvchi operatorlar. Ma’lum qilingan buyurtmalar orasida Qatar Airways 161 ta samolyot bilan eng yirik xaridor bo‘ldi. Biroq umumiy hajmda eng katta ulush «oshkor...

Ijtimoiy tarmoqlarda Lady Eva kiyim-kechak do‘koni reklama roligi milliy va oilaviy qadriyatlarga zid ekani haqidagi muhokamalar jamoatchilik e’tiborini tortdi.

Mazkur holat yuzasidan Raqobat qo‘mitasi tomonidan belgilangan tartibda dastlabki o‘rganish ishlari olib borildi. Reklama mazmuni bo‘yicha Respublika Ma’naviyat va ma’rifat markazidan tegishli xulosa olindi.

Taqdim etilgan xulosaga ko‘ra, Lady Eva kiyim-kechak savdo do‘konining rasmiy sahifasida joylashtirilgan reklama roligida aks etgan obraz va iboralar axloq hamda ma’naviyatning umum qabul qilingan normalariga zid ekani qayd etilgan.

Reklama roligida kiyim do‘koni xodimi ayollar ich kiyimini reklama qilish uchun «qaynonalar uchun» iborasidan foydalangan.

Shu asosda Raqobat qo‘mitasi tomonidan mazkur savdo do‘konining rasmiy yurituvchisi...

Google kompaniyasi budjet segmentidagi yangi smartfoni Pixel 10a’ni rasman e’lon qildi. Qurilma 15 soniyalik qisqa tizer-video orqali tanishtirildi.

Unda smartfon dizaynidagi kichik o‘zgarishlar va oldindan buyurtma sanasi 18-fevral ekani ma’lum qilindi. Yangi Pixel 10a’da kamera bloki dizayni yangilangan: u oldingi modelga nisbatan biroz baland va korpus bilan deyarli tekis joylashgan.

Umuman olganda, dizayn Pixel 9a ga juda o‘xshash tekis qirralar va yumaloq burchaklar saqlab qolingan. Tizerda telefon binafsha-ko‘k rangda namoyish etildi. Bu rang Pixel 9a’dagi Iris rangiga o‘xshaydi. Google boshqa ranglar ham bo‘lishiga ishora qilmoqda.

Video orqali narx, texnik xususiyatlar va sotuv boshlanish sanasi ochiqlanmadi. Biroq mutaxassislar telefon...

AQSh federal sudi Ilon Mask va Davlat departamenti xodimlarini AQSh Xalqaro taraqqiyot agentligi (USAID) faoliyati tugatilishi yuzasidan sudda ko‘rsatma berishga majbur qilmoqda. Bu haqda Axios ma’lum qildi.

Seshanba kuni AQSh okrug sudi sudyasi Teodor Chuang Mask va Davlat departamenti vakillarining depozitsiyasi o‘tkazilishi kerakligi haqida qaror chiqardi. Sudya bu qarorni da’vogarlar boshqa yo‘l bilan zarur ma’lumotlarni ololmagani bilan izohlagan.

Da’vo arizasi USAID’ning anonim xodimlari tomonidan kiritilgan. Ular Mask rahbarlik qilgan Davlat samaradorligi departamenti USAID’ni tugatishga qonunga xilof tarzda uringanini ta’kidlamoqda. Sud qarorida aytilishicha, hujjatlar orqali yoki quyi lavozimdagi mansabdor shaxslar orqali ma’lumot olishning imkoni bo‘lmagan.

Sudya Chuang, shuningdek, avvalgi sud...

Tijorat banklari tomonidan 5-fevral kungi xorijiy valyutalarni ayirboshlash kurslari yangilandi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi. 

Interpol Milliy markaziy byurolari o‘rtasidagi xalqaro hamkorlik natijasida Birlashgan Arab Amirliklarida bo‘lgan qidiruvdagi shaxs O‘zbekistonga ekstraditsiya qilindi. Bu haqda Ichki ishlar vazirligi xabar berdi.

Interpolning Toshkent va Abu-Dabi Milliy markaziy byurolari o‘rtasidagi yaqin hamkorlik tufayli firibgarlik jinoyatini sodir etganlikda gumonlanib, huquqni muhofaza qiluvchi organlar tashabbusi bilan xalqaro qidiruvga berilgan fuqaro O‘zbekistonga olib kelindi.

Ekstraditsiya jarayoni ikki davlat vakolatli organlari o‘rtasidagi muvofiqlashtirilgan hamkorlik hamda Interpol kanallaridan samarali foydalanish orqali amalga oshirildi.

Hozirda fuqaro qonunchilikda belgilangan tartibda jinoiy javobgarlikka tortish va sud oldida javob berishi uchun vakolatli organlarga topshirildi.

Avvalroq «Kursiv» nashri avgust oyida Interpol xalqaro qidiruvdagi jinoyatchilarni O‘zbekistonga deportatsiya qilgani...

Google kompaniyasi Android tizimidagi Gemini uchun yirik yangilanishni tayyorlamoqda. Ilovaning 17.4 beta-versiyasi kodida aniqlangan ekran avtomatizatsiyasi funksiyasi yordamchi dasturga uchinchi tomon xizmatlariga kirish va vazifalarni bajarish imkonini beradi.

Yangi imkoniyat foydalanuvchiga buyruq yozish yoki ovozli xabar qoldirish orqali vazifalarni hal qilishga yordam beradi. Bunda sun’iy intellekt kerakli ilovani o‘zi ochib, tegishli harakatni amalga oshiradi. Google neyrotarmoq xatolarga yo‘l qo‘yishi mumkinligidan ogohlantirmoqda va buning uchun javobgarlik qurilma egasi zimmasida bo‘ladi. Dastlabki bosqichda funksiya cheklangan sonli ilovalar bilan ishlaydi.

Kompaniya Gemini interfeysi dizaynini ham o‘zgartirmoqda. Tezkor harakat tugmalari asosiy ekrandan olinib, Plyus menyusiga yashiriladi, bu esa qo‘shimcha bosishlarni talab qilishi mumkin...

AQShning Minnesota shtatida 1992-yilda ishlab chiqarilgan Geo Tracker sotuvga qo‘yildi. 4×4 to‘liq yuritmali ushbu mini SUV uchun sotuvchi $10,9 ming narx belgilagan. Bu haqda GM Authority xabar bermoqda.

Mazkur avtomobil General Motors va Suzuki hamkorligida tashkil etilgan CAMI Automotive loyihasi mahsulidir. Tracker o‘z davrida kichik o‘lchamiga qaramay, ramali konstruksiya va haqiqiy yo‘ltanlamas imkoniyatlari bilan ajralib turgan.

Sotuvga qo‘yilgan nusxa birinchi avlodga mansub bo‘lib, atigi 51 ming mil masofani bosib o‘tgan. Avtomobil uch nafar egaga tegishli bo‘lgan, yo‘l-transport hodisalarida qatnashmagan va toza hujjatlarga ega. Carfax hisoboti ham mavjud.

Tashqi ko‘rinishda original Medium Quasar Blue Metallic rang saqlanib qolgan. Olib tashlanadigan...

Chevrolet Captiva elektromobili Braziliyada sotuvlar bo‘yicha peshqadamga aylandi. Bu haqda GM Authority xabar bermoqda.

GM bayonotiga ko‘ra, elektromobil sotuvlar boshlanganidan atigi ikki oy o‘tib Braziliya ichki bozorida barcha raqobatchilarini ortda qoldirgan. Mamlakatda nol chiqindili avtomobillarga talab izchil oshib borayotgani fonida Captiva EV ushbu toifada yetakchi o‘rinni egallagan.

GM’ning Janubiy Amerika bo‘yicha mahsulot marketingi direktori Paula Saianining aytishicha, braziliyalik xaridorlar yangi harakatlantirish texnologiyalariga katta qiziqish bildirmoqda. Uning ta’kidlashicha, Chevrolet Captiva EV ilg‘or elektrifikatsiya texnologiyalarini amaliy va raqobatbardosh yechim bilan birlashtirgan. Model hatto an’anaviy ichki yonuv dvigatelli va gibrid avtomobillar bilan ham bemalol raqobat qila oladi.

General Motors Braziliyadagi bo‘linmasi hozircha...

Apple qayta tiklangan iPhone 16 modellari savdosini boshladi. Bu haqda GSMArena xabar bermoqda. Xaridorlar $270 gacha pul tejashlari mumkin.

Eng jozibador takliflar avval ishlab chiqarishdan chiqarilgan iPhone 16 Pro va iPhone 16 Pro Max modellari uchun taqdim etildi. Qayta tiklangan iPhone 16 modeli $619 narxda sotilmoqda. Yangi qurilma hozirda $699 turadi, sotuv boshida esa $799 bo‘lgan.

iPhone 16 Plus uchun belgilangan narx $699. Taqqoslash uchun, yangi model $799, dastlab esa $899 bo‘lgan.

iPhone 16 Pro qayta tiklangan ko‘rinishda $759 evaziga taklif etilmoqda. Ushbu model sotuv boshlangan paytda $1 ming turar edi. iPhone 16 Pro Max esa $929 narxda sotilmoqda...

O‘zbekiston va Pokiston o‘rtasida transport-logistika sohasidagi hamkorlikni yangi bosqichga olib chiqish bo‘yicha muhim kelishuvlarga erishildi. Bu haqda Transport vazirining birinchi o‘rinbosari Mamanbiy Omarov boshchiligidagi O‘zbekiston delegatsiyasining Pokistonga tashrifi doirasida ma’lum qilindi.

Tashrif davomida respublikaning yirik transport-ekspeditorlik kompaniyalari vakillari ishtirokida ikki tomonlama uchrashuvlar o‘tkazilib, mintaqaviy bog‘liqlikni mustahkamlash va yuk tashuvlarini kengaytirish masalalari muhokama qilindi.

Xususan, Pokiston Temir yo‘llar vaziri o‘rinbosari Mazxar Ali Shoh bilan bo‘lib o‘tgan uchrashuvda O‘zbekiston – Afg‘oniston – Pokiston temir yo‘l loyihasi bo‘yicha texnik-iqtisodiy asoslarni ishlab chiqish uchun yaqin muddatda dala-tadqiqot ishlarini boshlash bo‘yicha kelishuvga erishildi.

Shuningdek, Pokiston kommunikatsiyalar vaziri o‘rinbosari Ali Shoh Masud bilan Pokiston...

Qadimgi Baqtriya sivilizatsiyasiga mansub noyob arxeologik artefaktlar Buyuk Britaniyadan O‘zbekistonga olib kelindi. Ular hozirda Toshkent shahridagi Islom sivilizatsiyasi markazi ekspozitsiyasida namoyish etilmoqda. Bu haqda markaz matbuot xizmati ma’lum qildi.

Unga ko‘ra, ko‘rgazmada Baqtriya jamiyatida ijtimoiy mavqe va boylik ramzi bo‘lgan oltin bilaguzuklar, marosimiy va ruhiy himoya ma’nosini anglatuvchi marjon hamda bo‘yin taqinchoqlari, shuningdek, miloddan avvalgi IV asrga oid oltin pichoq qini namoyishga qo‘yilgan.

Ta’kidlanishicha, oltin pichoq qini Ahamoniylar davlati hamda Iskandar Makedonskiy yurishlari bilan bog‘liq tarixiy jarayonlarni aks ettiradi. Undagi hayvon va afsonaviy obrazlar sak, sug‘d va baqtriya san’ati an’analari uyg‘unlashganini ko‘rsatadi.

Mutaxassislar ushbu topilmalar Markaziy Osiyoda islomdan...

5-fevral sanasi dunyo madaniyati durdonasi bo‘lgan muzeyning ochilishi va haligacha topilmagan yadro quroli siri bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1852-yilda Sankt-Peterburgda imperator Nikolay I tashabbusi bilan Ermitaj muzeyi keng jamoatchilik uchun o‘z eshiklarini ochdi. Bugungi kunda ushbu majmua 3 milliondan ortiq eksponatni, jumladan, Leonardo da Vinchi, Rafael va Rembrandt kabi buyuk rassomlarning nodir asarlarini o‘z ichiga olgan dunyodagi eng yirik madaniy markazlardan biri hisoblanadi.

Fransiyada 1878-yili taniqli sanoatchi va Citroën avtomobilsozlik konserni asoschisi Andre Sitroen dunyoga keldi. U Yevropa avtomobil sanoatida birinchilardan bo‘lib Genri Fordning konveyer usulini joriy qilgan va...

Ilon Mask tarixda boyligi 800 milliard dollardan oshdi, saraton kasalligining 40 foizigacha oldini olish mumkin — 4-fevralda e’lon qilingan yangiliklar Kursiv Uzbekistan dayjestida.

Qozog‘iston vazirligi O‘zbekistonga 3 dollardan go‘sht sotilganini shubha ostiga oldi

Qozog‘iston Savdo va integratsiya vaziri o‘rinbosari Janel Kushukova O‘zbekistonga go‘shtning 1 kgni $3 evaziga eksport qilingani haqidagi ma’lumotlarga munosabat bildirdi. Rasmiy vakil ushbu statistikani shubhali deb atab, buni texnik xato bilan izohlash mumkinligini ta’kidladi.

Bojxona ma’lumotlariga ko‘ra, 2025-yilda O‘zbekiston Qozog‘istondan $189,9 mlnlik 66,1 ming tonna mol go‘shti va submahsulotlar sotib olgan. Bu har bir kilogramm uchun o‘rtacha $2,87 (35 ming so‘m) to‘g‘ri kelishini anglatadi. Ayni...

5-fevral kuni O‘zbekistonning ayrim joylarida yomg‘ir yoki qor yog‘ishi, tuman tushishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Vivo X300 Ultra flagmani kuchli texnik imkoniyatlarga ega bo‘ladi. Taniqli insayder X ijtimoiy tarmoqdagi sahifasida qurilmaning asosiy xususiyatlarini e’lon qildi.

Unga ko‘ra, yangi model Snapdragon 8 Elite Gen 5 chipiga asoslanadi va 6,82 dyuymli 2K o‘lchamli tekis ekran bilan ta’minlanadi.

Asosiy kamera 200 megapikselli sensorga ega bo‘ladi. Shuningdek, telefoto kamera ham 200 megapiksel bilan ishlaydi. Qurilmada 50 megapikselli ultra keng burchakli kamera va ranglarni yaxshilash uchun 5 megapikselli qo‘shimcha sensor mavjud bo‘ladi.

Vivo X300 Ultra 7000 mAh quvvatga ega batareya va 100 vatt tezkor zaryadlash imkoniyati bilan jihozlanadi. Qurilmada, shuningdek, IP69 himoya darajasi va USB-C 3.2 porti mavjud.

Yevropa va AQSh o‘rtasidagi siyosiy taranglik natijasida bir qator Yevropa mamlakatlarida davlat muassasalari Amerika dasturlaridan foydalanishni to‘xtatmoqda. Bu haqda AP nashri ma’lum qildi.

Fransiyada davlat xizmatchilari 2027-yilga kelib Zoom, Microsoft Teams, Webex va GoTo Meeting dasturlaridan voz kechadi va o‘zlari ishlab chiqqan fransuz dasturi – Visio xizmatiga o‘tadi. Qaror 2,5 mln davlat xizmatchisini qamrab oladi.

Avstriyada harbiylar Microsoft Office dasturidan voz kechib, hisob-kitob va hisobotlarni yozish uchun ochiq kodli dasturiy ta’minotdan foydalanmoqda. Shuningdek, Germaniyaning bir shtatidagi ayrim amaldorlar o‘zlarining ma’muriy ishlarini bepul dasturiy ta’minot orqali amalga oshirmoqda.

Manba xabariga ko‘ra, «raqamli suverenitet» konsepsiyasi Yevropaning bir qator hududlarida kengaymoqda...

Saudiya Arabistoni millionlab tuyalar uchun maxsus pasportlar berishni rejalashtirmoqda. Bu haqda davlat telekanali «Al-Ixboriya» xabar berdi.

Mamlakat Atrof-muhit, suv resurslari va qishloq xo‘jaligi vazirligi ushbu tashabbus tuyachilik sohasida samaradorlikni oshirish, shuningdek, hayvonlar bo‘yicha yagona va ishonchli ma’lumotlar bazasini shakllantirishga xizmat qilishini bildirdi.

Vazirlik tomonidan e’lon qilingan tasvirlarda davlat gerbi va oltin rangli tuya silueti tushirilgan yashil rangdagi pasport namoyish etilgan. «Al-Ixboriya» xabariga ko‘ra, ushbu hujjat tuyalarni sotish va xarid qilish jarayonlarini tartibga soladi, savdo va tashishni nazorat qiladi, mulk huquqini rasmiylashtirishni yengillashtiradi hamda egalarning huquqlarini himoya qiladi.

Unga ko‘ra, 2024-yil holatiga Saudiya Arabistonida qariyb 2,2 million tuya mavjud. Tuyalar...

2026-yilning 1-martidan dorilar narxlari 40 – 60 foizga arzonlashadi, 1-iyuldan esa yana 4 ming nomdagi dorilarning narxi tushiriladi. Bu haqda Farmatsevtika sohasini rivojlantirish agentligi rahbari Anvarxon Akabirov O‘zA’ga ma’lum qildi.

Yangi loyihalar va investitsiyalar

2025-yilda respublika bo‘yicha qiymati $136 mln bo‘lgan 48 ta yangi loyiha ishga tushirildi va 2441 yangi ish o‘rni yaratildi. Ushbu loyihalarga jami $392 mln investitsiya jalb qilindi, shundan 92 foizi xorijiy mablag‘ bo‘ldi.

Hududlarda jami $878 mln qiymatdagi 39 ta loyiha amalga oshirildi, jumladan, «Tashkent Pharma Park» klasterida $407 mln qiymatdagi 13 ta loyiha joylashtirildi. Farmatsevtika klasterida loyihalar soni 32 taga yetdi va...

CNET nashri 35 ta smartfon modeli ishtirokida o‘tkazilgan batareya sinovlari natijalarini eʼlon qildi. Bu haqda nashrning rasmiy sahifasida ma’lum qilindi.

Test ikki bosqichda amalga oshirildi: dastlab uch soat davomida Wi-Fi orqali maksimal yorqinlikda video translyatsiya qilindi, so‘ngra 45 daqiqalik intensiv yuklama – o‘yinlar, videoqo‘ng‘iroqlar va ijtimoiy tarmoqlardan faol foydalanish sinovdan o‘tkazildi.

Sinov natijalariga ko‘ra, eng yuqori avtonomlik ko‘rsatkichini iPhone 17 Pro Max namoyish etdi. Ushbu model $5088 mA·soat sig‘imli batareya bilan jihozlangan bo‘lib, barcha raqobatchilarini ortda qoldirdi.

Asosiy e’tibor esa bazaviy iPhone 17 natijasiga qaratildi. U umumiy reytingda OnePlus 15 bilan ikkinchi o‘rinni bo‘lishdi. Qizig‘i shundaki, iPhone 17 batareyasi...

Bugun, 4-fevral kuni Shavkat Mirziyoyev maktabgacha ta’lim va tarbiya tizimini yanada takomillashtirish bo‘yicha ishlab chiqilgan takliflar taqdimoti bilan tanishdi.

Taqdimotda maktabgacha taʼlim bolaning intellektual, ijtimoiy va maʼnaviy rivojlanishida muhim bosqich ekani taʼkidlandi. So‘nggi yillarda amalga oshirilgan islohotlar natijasida mamlakatda bog‘cha bilan qamrov 78 foizga yetdi. Biroq qamrovni 80 foizga chiqarish uchun qo‘shimcha bog‘cha o‘rinlari zarurligi, 39 ta tuman va shaharda bu ko‘rsatkich hanuz 70 foizdan past ekani qayd etildi.

Shuningdek, davlat bog‘chalarida pedagoglarning 61 foizi, nodavlat bog‘chalarda esa 76 foizi o‘rta maxsus maʼlumotga egaligi kadrlar salohiyatini oshirish dolzarb vazifa ekanini ko‘rsatmoqda.

Shu munosabat bilan maktabgacha taʼlim tizimini yangi bosqichga...