Yangiliklar

Ijtimoiy tarmoqlarda Indeks bozorida yong‘in chiqdi degan xabarlar tarqaldi. Favqulodda vaziyatlar vazirligi bu ma’lumotni rad etib, voqea boshqa hududda yuz berganini ma’lum qildi.

Rasmiy xabarga ko‘ra, 22-avgust kuni soat 13:29 da Toshkent shahar FVBga Yangihayot tumanining Chortoq mahallasidagi Rayhon ko‘chasida joylashgan qog‘ozni qayta ishlash sexi hududida qog‘oz chiqindilari va quruq o‘t yonayotgani haqida xabar kelib tushgan.

Yong‘in joyiga 8 ta yong‘in-qutqaruv ekipaji jalb etilgan. Ekipajlar soat 13:33 da voqea joyiga yetib borgan va soat 13:52 da yong‘inni nazorat ostiga olib, 14:16 da to‘liq bartaraf etishgan.

Vazirlikning ta’kidlashicha, yong‘in Indeks bozori hududida emas, balki sex hududidagi ochiq maydonda sodir bo‘lgan...

Toshkentda o‘zlariniki bo‘lmagan yerni to‘rt million dollarga sotmoqchi bo‘lganlar qamoqqa olindi. Bu haqda Davlat xavfsizlik xizmati xabar berdi.

Toshkentda qurilish obyektlarini loyihalash bilan shug‘ullanuvchi MChJning ofis menejeri va maklerlik bilan shug‘ullanib kelgan fuqaro tadbirkorni aldagan. Ular o‘zlariga tegishli bo‘lmagan Mirzo Ulug‘bek tumanidagi 50 sotix yer maydonini $4 million evaziga sotmoqchi bo‘lib, avans sifatida $100 ming olgan.

Shuningdek, ular yuqori lavozimlarda ishlovchi tanishlari orqali yer hujjatlarini o‘zgartirib berish, turar joyga ruxsatnoma olish va boshqa hujjatlarni rasmiylashtirish evaziga qo‘shimcha $200 ming talab qilgan.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari olib borgan tezkor tadbirda ular 200 ming...

«Zamonaviy axborot texnologiyalaridan foydalangan holda amalga oshiriladigan investitsiya faoliyatini tartibga solish chora-tadbirlari to‘g‘risida»gi prezident qarori qabul qilindi.

Unga ko‘ra, 2025-yil 1-oktabrdan 2026-yil 1-oktabrgacha investitsiya platformalaridan «Tartibga solish qumdoni» maxsus huquqiy rejimi asosida foydalanishga ruxsat etiladi. Bu platformalar qimmatli qog‘ozlarni joylashtirish va sotib olishda, venchur va pay fondlarini moliyalashtirishda hamda kommandit shirkatlarga hissa qo‘shishda qo‘llanadi.

Investitsiya platformasi operatori faqat O‘zbekistonda ro‘yxatdan o‘tgan yuridik shaxs bo‘lishi kerak va davlat organining maxsus reyestriga kiritiladi. U belgilangan qoidalarga rioya qilib ishlaydi va platformada tuzilgan shartnomalar reyestrini yuritadi.

Bundan avval 2030-yilgacha tadbirkorlar uchun maxsus huquqiy rejim joriy etilgandi.

Realme kompaniyasi 27-avgust kuni 10 000 mA·soatdan katta akkumulyatorli smartfonni taqdim etadi. Bu haqda kompaniyaning o‘zi ma’lum qildi.

«Smartfon bozorida endi megapiksellar emas, balki akkumulyator hajmi bo‘yicha raqobat kuchaymoqda. Kompaniyalar birin-ketin katta quvvatli batareyaga ega modellarning premyerasini e’lon qilmoqda. Bu jarayonda faol ishtirok etayotgan brendlardan biri», deya qayd etgan Realme.

May oyida kompaniya 10 000 mA·soat sig‘imli batareyaga ega, ammo atigi 8,5 mm qalinlikdagi modelni tanishtirgandi. Endi esa Realme o‘z rekordini yangilashga hozirlanmoqda — yangi smartfon batareyasi 10 000 mA·soatdan ham katta bo‘lishi kutilmoqda.

Aniq texnik ma’lumotlar hozircha berilmagan. Biroq kompaniya qoldirgan savol belgisi...

Joriy yil boshidan buyon O‘zbekiston – Turkmaniston o‘rtasidagi savdo hajmi $700 millionga yetdi. Bu haqda prezident matbuot xizmati xabar berdi.

Turkmanistondagi «Avaza» milliy turizm zonasidagi Kongress markazida Shavkat Mirziyoyev va Gurbanguli Berdimuhamedov uchrashuv o‘tkazdi.

Muzokaralarda O‘zbekiston va Turkmaniston o‘rtasidagi do‘stlik, yaxshi qo‘shnichilik va strategik sheriklikni yanada mustahkamlash masalalari muhokama qilindi. Ikki davlat o‘rtasidagi hamkorlik barcha sohada rivojlanib borayotgani ta’kidlandi.

Fevraldan boshlab mamlakatlar o‘rtasida erkin savdo rejimi amal qilmoqda, poytaxtlarda savdo uylari ochilgan. Sanoat, energetika, transport, qishloq va suv xo‘jaligi kabi sohalarda qo‘shma loyihalar amalga oshirilmoqda. Yil yakuniga qadar «Shovot – Toshovuz» savdo zonasini ishga tushirish rejalashtirilgan.

Shuningdek, bo‘lajak...

Tecno kompaniyasi yangi Tecno POVA 7 Pro 5G smartfonini taqdim etdi. Mobile Review nashri smartfon haqida maqola e’lon qildi.

Model kiberpank uslubidagi dizayn, shaffof korpus va yorug‘lik beruvchi LED g‘ilf bilan ajralib turadi. Bu g‘ilf xabarnomalarni ko‘rsatadi va qo‘shimcha funksiyalarga ega, masalan, taymer sifatida ishlatiladi.

Qurilma MediaTek Dimensity 7300 Ultimate protsessori bilan jihozlangan bo‘lib, 12 GB tezkor xotira va 256 GB doimiy xotiraga ega. 6,78 dyuymli AMOLED displey 144 Hz yangilanish chastotasi va Corning Gorilla Glass 7i himoyasi bilan taqdim etilgan. Smartfonda 6000 mA·soat batareya, 45 Vt simli va 30 Vt simsiz quvvatlash mavjud.

Asosiy kamera 64 MP IMX...

O‘zbekiston prezidenti Shavkat Mirziyoyev Turkman xalqining milliy yetakchisi, Xalq maslahati raisi Gurbanguli Berdimuhammedov taklifiga binoan amaliy tashrif bilan Turkmanistonga yetib bordi. Bu haqda Prezident matbuot xizmati xabar bermoqda.

Davlat rahbarini Turkmanboshi shahri aeroportida Turkmaniston Vazirlar Mahkamasi raisi o‘rinbosari Nokerguli Ataguliev va boshqa rasmiylar kutib oldi.

Bugun Shavkat Mirziyoyev «Ozarbayjon – Turkmaniston – O‘zbekiston» uch tomonlama uchrashuvida qatnashadi hamda ikki tomonlama muzokaralar o‘tkazadi.

Eslatib o‘tamiz, Kursiv Uzbekistan nashri O‘zbekiston prezidenti Turkmanistonga amaliy tashrif bilan jo‘nab ketgani haqida yozgan edi.

Apple kompaniyasining iPhone 16e smartfoni xaridorlar orasida juda mashhurlikka erishdi. «Palach» nashrining yozishicha, bunga sabab uning tez eskirmasligi bo‘lishi mumkin.

iPhone 16e’da 60 Hz ekran, bitta kamera bo‘lib, MagSafe singari mashhur funksiya yo‘q. Shunga qaramay, u bozorda muvaffaqiyatli sotilmoqda. Smartfon ko‘plab foydalanuvchilar tomonidan ijobiy baholangan.

Apple 2026-yil boshida iPhone 17e modelini chiqarishi kutilmoqda. Tarqalgan ma’lumotlarga ko‘ra, yangilanish faqat Dynamic Island funksiyasi bilan cheklanadi. Ekran esa yana 6,1 dyuymli OLED, 60 Hz chastotali bo‘lib qoladi, chip esa A19, kamera esa 48 megapikselli bitta moduldan iborat bo‘ladi.

Mutaxassislar fikricha, iPhone 16e shu qadar muvaffaqiyatli model bo‘lganki, uni yangilashning hojati yo‘q. Xuddi...

Prezident qarori bilan Yaponiya xalqaro hamkorlik agentligi (JICA) ishtirokida Respublika ixtisoslashtirilgan nevrologiya va insult markazini tashkil etish loyihasi tasdiqlandi. Bu haqda Adliya vazirligi xabar berdi.

Qarorda aholiga ixtisoslashtirilgan nevrologik yordam ko‘rsatish samaradorligini oshirish belgilangan. Shuningdek, tibbiyot va ta’lim muassasalarini mustahkamlash hamda ularni zamonaviy tibbiy va diagnostik uskunalar bilan ta’minlash ko‘zda tutilgan.

Loyihani amalga oshirish muddati 2025 – 2032-yillar etib belgilandi. Shuningdek, qarorga muvofiq, Respublika ixtisoslashtirilgan nevrologiya va insult ilmiy-amaliy tibbiyot markazi Nevrologiya va neyroreabilitatsiya milliy tibbiyot markazi deb qayta nomlandi.

Sog‘liqni saqlash vazirligi JICA ko‘magida yapon mutaxassislarini jalb etish uchun Yaponiyaning Yakuzemi Information Education Center bilan xorijiy valyutada bir...

Instagramdagi Iwash_tashkent va Abdurahmonmufid profili egalari konsalting korxonasi xizmatlarini noto‘g‘ri shaklda reklama qilganligi aniqlandi. Bu haqda Raqobat qo‘mitasi xabar berdi.

Unga ko‘ra, ijtimoiy tarmoqlarda faoliyat yurituvchi @iwash_tashkent sahifasi blogeri Otabek Jo‘rayev hamda @abdurahmonmufid sahifasi yurituvchisi Abdurahmon Abdurahmonov tomonidan «Adworld group» MChJ faoliyatiga oid reklama materiallari joylashtirilgan. Ushbu materiallarda fuqarolarga konsalting emas, balki bevosita xorijda ishlashga yuborish xizmatlari taklif etilgan.

Qonunchilikka ko‘ra, xorijga ishga joylashtirish bo‘yicha xizmatlar faqat tegishli litsenziya mavjud bo‘lgan taqdirda amalga oshirilishi belgilangan. Litsenziyasiz bunday faoliyat bilan shug‘ullanish qat’iyan taqiqlanadi.

Shuningdek, litsenziya yoki majburiy sertifikatsiz faoliyat va tovarlarni reklama qilish ham taqiqlangan. Mazkur holat...

Xitoyning BYD kompaniyasi Qozog‘istonda yangi BYD Sealion 7 modelini taqdim etdi. Bu haqda Kursiv Media xabar bermoqda.

Rasmiy diler ma’lumotiga ko‘ra, avtomobil ikki versiyada, 567 km gacha zaxira yurish masofasi bilan taklif qilinadi. Narxlar 20,4 mln tengedan ($37 ming) boshlanadi.

Yangi model avgust oxiridan savdoga chiqariladi. Sealion 7 zamonaviy dizayn va premium darajadagi imkoniyatlarga ega bo‘lib, oq, ko‘k, kulrang va qora ranglarda sotuvga chiqadi.

Distribyutor ma’lumotiga ko‘ra, krossover dinamik haydash, amaliylik va texnologiyalarni uyg‘unlashtirgan xaridorlarga mo‘ljallangan. BYD Sealion 7’ni elektr transport vositalari segmentida premium mahsulot sifatida ko‘rmoqda.

Hozirda Qozog‘iston bozorida kompaniya Song Plus, Han va Yuan up modellarini taklif...

O‘zbekistonda mahalliylashtirish dasturi doirasida yangi avlod traktorlarini ishlab chiqarish yo‘lga qo‘yildi. Bu haqda «O‘zA» xabar berdi.

Zoomlion brendining RS 1604 (160 ot kuchi) modeli bo‘yicha ilk traktorlar avgust oyidan ishlab chiqarila boshlandi. Mazkur texnika avvalroq mamlakatning barcha hududida muvaffaqiyatli sinovdan o‘tkazilgandi.

Yil oxirigacha yana ikki model Zoomlion RC 804 (80 ot kuchi) hamda Zoomlion RG 2004 (200 ot kuchi) ishlab chiqarilishi rejalashtirilgan.

Zavod imkoniyatiga ko‘ra, yiliga 1000 donagacha traktor ishlab chiqarish ko‘zda tutilgan.

Avvalroq «Kursiv» nashri O‘zbekiston va Pokiston traktor ishlab chiqarishni yo‘lga qo‘yishi haqida yozgandi.

Ijtimoiy tarmoqlarda «Islom davlati» terrorchilik tashkiloti g‘oyalari ta’siriga tushgan bir guruh shaxslar qo‘lga olindi. Bu haqda Davlat xavfsizlik xizmati xabar berdi.

Ma’lumotlarga ko‘ra, operativ tadbirlar davomida Namangan viloyatida 21 kishidan iborat guruh ushlangan. Guruh rahbari ijtimoiy tarmoqlarda ushbu terrorchilik tashkiloti g‘oyalari aks etgan materiallar joylashtirilgan kanallar ochgan.

Shuningdek, u ijtimoiy tarmoqlar orqali Farg‘ona viloyatida yashovchi, mavsumiy ishlash uchun Janubiy Koreyaga ketgan bir yigit bilan tanishgan. Bundan tashqari, ular ota-onasining roziligisiz shar’iy nikohdan o‘tgan. Keyinchalik ular jangovar hududlarda jang qilayotgan jangarilarga qo‘shilishni rejalashtirgan. Bundan tashqari, ular yaqinlari va tanishlarini ham ekstremistik g‘oyalarni ilgari surish orqali o‘z safiga jalb qilishga...

O‘zbekiston milliy UZ domen zonasida yangi rekord qayd etildi — ro‘yxatdan o‘tgan domenlar soni 140 mingdan ortdi. Bu ko‘rsatkich mamlakatning raqamli makonidagi faol rivojlanishidan dalolat beradi, deya yozmoqda Raqamli texnologiyalar vazirligi.

Uz domeni bugungi kunda nafaqat biznes va davlat tashkilotlari, balki oddiy foydalanuvchilar uchun ham asosiy vositaga aylanmoqda. Har bir yangi domen onlayn xizmatlar, elektron tijorat va innovatsion loyihalarning rivojida xizmat qilmoqda.

Mutaxassislarning ta’kidlashicha, 140 minglik chegara yengib o‘tilishi milliy domen zonasiga bo‘lgan talab va ishonchning ortayotganidan dalolat beradi. Bu esa O‘zbekistonning raqamli infratuzilmasini yanada mustahkamlashga xizmat qilmoqda.

Eslatib o‘tamiz, avvalroq Uzbekistan Airways shaxsiy ma’lumotlar sizib chiqqani haqidagi xabarlarni...

Davlat fuqarolik xizmati vakant lavozimlarining yagona ochiq portalida 3241 ta bo‘sh ish o‘rni uchun tanlov e’lon qilingan va arizalar qabuli davom etmoqda. Bu haqda Boshqaruv samaradorligi agentligi ma’lum qildi.

Shundan 2108 ta lavozimga hujjat topshirish uchun ish staji talab qilinmaydi. Nomzodlar barcha mavjud bo‘sh ish o‘rinlari bilan tanishib, onlayn tarzda hujjat topshirishlari mumkin.

Ish staji talab qilinmaydigan ish o‘rinlari ro‘yxati bilan ushbu havola orqali tanishish mumkin.

Eslatib o‘tamiz, avvalroq Namanganda ilg‘or kasbiy tayyorgarlik markazi ochilgani haqida xabar bergan edik.

7000 mA·soat batareyaga ega Poco M7 sotuvga chiqdi. Bu haqda 4pda texnologiya nashri xabar bermoqda.

Model 6,9 dyuymli FHD+ (2340×1080) IPS ekranga ega. U 144 Hz yangilanish chastotasini qo‘llaydi. Wet Touch 2.0 texnologiyasi esa barmoqlar ho‘l bo‘lsa ham ekranni to‘g‘ri tanlash imkoniyatini beradi.

Qurilmada Snapdragon 685 protsessori, 8 GB tezkor xotira va 256 GB doimiy xotira mavjud. Asosiy kamera 50 megapikselli bo‘lib, portret, tungi va turli filtrlarda suratga olish imkonini beradi.

Old kamera 8 MP bo‘lib, sifatli rasm olishga imkon beradi. Shuningdek, qurilmada baland ovozli dinamiklar, NFC moduli va IP64 himoya standarti mavjud. Operatsion tizim Android 15 bo‘lib, ilovalarning...

Qishloq xo‘jaligi sohasida robototexnika, dron va boshqa zamonaviy qurilmalar yordamida xizmat ko‘rsatish imkoniyatlari kengaytiriladi. Bu haqda prezident farmoni qabul qilindi.

Endilikda tadbirkor va tashkilotlar dron xizmatlaridan foydalanish uchun Agroportal orqali ariza topshirishi, shartnoma tuzishi va to‘lovlarni amalga oshirishi mumkin bo‘ladi.

Hujjatga ko‘ra, balandligi 30 metrgacha uchadigan dronlardan foydalanish vakolatli idoralar bilan kelishilgan hududlarda, ularga berilgan yillik ruxsatnomalar asosida amalga oshiriladi.

Bundan tashqari, Agroportal orqali shu yilning 1-dekabridan ikkilamchi ijaraga beriladigan yerlarni belgilash, ijara shartnomalarini rasmiylashtirish, davlat ro‘yxatidan o‘tkazish va to‘lovlarni amalga oshirish imkoniyati yaratiladi.

Shuningdek, platformada kelasi yilning 1-martidan qishloq xo‘jaligi yerlarining toifasini o‘zgartirish bo‘yicha arizalarni onlayn topshirish, ularning...

Xitoyning Taychjou shahridagi zavodda yangi Volvo XC70 gibrid avtomobili ishlab chiqarila boshlandi. Bu haqda Kursiv Media xabar bermoqda.

Premium darajadagi ushbu model XC60 va XC90 modellari orasidagi bo‘shliqni to‘ldiradi. U ilg‘or gibrid qurilmalari uchun mo‘ljallangan SMA Super Hybrid Architecture platformasida yaratilgan. Modelning rasmiy taqdimoti va oldindan buyurtmalari avgust oxirida Chendu avtosalonida boshlanadi.

Dizayn va tashqi ko‘rinish

XC70 uzunligi 4 815 mm, kengligi 1 890 mm, balandligi 1 650 mm. G‘ildirak bazasi esa 2 895 mmni tashkil etadi. Tashqi ko‘rinishda yangi Volvo elektr modellariga xos yopiq radiator panjarasi ishlatilgan. Avtomobil EX90 modeliga o‘xshash qilib tayyorlangan.

Yon profilida yashirilgan eshik...

Madaniyat vaziri Ozodbek Nazarbekov bu safar Kokand University xususiy o‘quv muassasasining reklamasida ko‘rinish berdi.

Video ta’lim muassasasining Instagram sahifasida e’lon qilingan. Rolikda u yoshlarni imkondan foydalanib, universitetga kirishga chaqiradi.

Madaniyat vazirligi hamda Raqobatni rivojlantirish qo‘mitasi bu holat yuzasidan hech qanday izoh bermagan.

«Davlat fuqarolik xizmati to‘g‘risida»gi Qonunning 13-moddasiga ko‘ra, davlat xizmatchilariga pedagogik, ilmiy va ijodiy faoliyatdan tashqari boshqa haq to‘lanadigan faoliyat bilan shug‘ullanish taqiqlanadi. Faqat prezident normativ hujjatlarida belgilangan hollargina bundan mustasno.

Eslatib o‘tamiz, Madaniyat vaziri ilgari ham reklama roligida suratga tushgandi. 2024-yilda u KINGSMAN kiyimlar do‘koni reklamasi roligida paydo bo‘lgan. Videoni do‘konning Instagram sahifasiga joylashtirishgan, biroq keyinchalik...

AQSh poytaxti Vashington meri Miriyel Bauzer 1-sentabr sanasini rasman O‘zbekiston Respublikasi Mustaqilligining 34 yilligi kuni deb e’lon qildi. Bu haqda «Dunyo» AA xabar berdi.

Mazkur qaror nafaqat O‘zbekiston mustaqilligiga hurmat ifodasi, balki O‘zbekiston va AQSh o‘rtasidagi tobora mustahkamlanib borayotgan hamkorlikning ramzi sifatida ham baholanmoqda.

Deklaratsiyada O‘zbekistonning mustaqillik yo‘lidagi yutuqlari ta’kidlanib, AQSh bu jarayonda mamlakatimizni birinchilardan bo‘lib tan olgani eslatib o‘tildi. Vashington meriyasi shuningdek, O‘zbekiston elchixonasiga ikki tomonlama munosabatlarni rivojlantirish va madaniy aloqalarni kengaytirishga qo‘shgan hissasi uchun minnatdorlik bildirdi.

Eslatib o‘tamiz, avvalroq o‘zbekistonliklar Mustaqillik kuni munosabati bilan necha kun dam olishi haqida yozgan edik.

Endilikda qishloq xo‘jaligi sohasidagi 30 dan ortiq axborot tizimlari yagona platformaga birlashtiriladi. Bu haqda prezident farmoni qabul qilindi.

Farmon bilan 4 million gektardan ortiq maydonda ekinlarni ekish va sug‘orish jarayonlarini to‘liq raqamlashtirish belgilandi. Ikkinchidan, sohada joriy etilgan 30 dan ortiq axborot tizimlarini yagona platformaga birlashtirish orqali foydalanuvchilarga qulaylik yaratish va ma’lumotlar ishonchliligini ta’minlash kutilmoqda.

Shuningdek, 2026-yil hosilidan boshlab qishloq xo‘jaligidagi tashkilotlar o‘z yer maydonlariga ekilishi rejalashtirilgan ekinlar haqidagi ma’lumotlarni mustaqil ravishda «Raqamli qishloq xo‘jaligi» yagona integratsion platformasiga — Agroportalga joylab boradi.

Agroportal esa qishloq xo‘jaligi mahsulotlarini yetishtiruvchi, qayta ishlovchi va xizmat ko‘rsatuvchi korxonalar uchun sohada xizmat ko‘rsatishning «yagona nuqtasi...

Londonda ro‘yxatga olingan TBC Bank Group O‘zbekistondagi eng yirik onlayn e’lonlar platformasi OLX Uzbekistan’ning nazorat paketini Prosus kompaniyasidan sotib oldi.

OLX UZ oyiga 5,4 mln faol foydalanuvchi va 2,2 mln e’loni bilan mamlakat internet foydalanuvchilarining 20 foizidan ortig‘iga xizmat ko‘rsatadi.

Bitim Titan Investments bilan qo‘shma korxona asosida amalga oshirildi. Unda TBC Bank Group 50 foiz+1 aksiyani egallaydi, qolgan ulush Titan Investmentsga tegishli bo‘ladi. OLX Uzbekistan esa o‘z brendi ostida ishlashda davom etadi.

Mutaxassislar bu kelishuvni O‘zbekiston texnologiya sektoridagi so‘nggi 30 yildagi eng yirik bitimlardan biri sifatida baholamoqda. TBC Bank Group esa OLX’ni o‘z ekotizimiga qo‘shib, yangi mijoz segmentlariga chiqishni...

Yevropa Konferensiyalar Ligasi 4-saralash bosqichidan oʻrin olgan bahsda «Istanbul Bashakshehir» o‘z maydonida «Universitatya Krayova» jamoasini qabul qildi va 1:2 hisobida mag‘lub bo‘ldi.

Birinchi boʻlimda hisobni ruminlar 45+2-daqiqada Chikildu goli orqali ochishdi. 61-daqiqada Mora hisobni yana bittaga oshirdi. Turk klubi safida maydonga ikkinchi boʻlimda tushgan Ebosele 87-daqiqada hisobni qisqartirdi.

Oʻzbekiston milliy jamoasi sardori Eldor Shomurodov asosiy tarkibda maydonga tushib, toʻliq 90 daqiqa harakat qildi. Abbosbek Fayzullayev esa 77-daqiqada oʻyinga qoʻshilib, turk klubi safida debyutini amalga oshirdi.

Sofascore ma’lumotlariga koʻra, Shomurodov ushbu bahsda 6,3, Fayzullayev esa debyut bahsi uchun 6,7 bahoga loyiq koʻrildi.

Ma’lumot uchun, javob oʻyini 28-avgust kuni boʻlib oʻtadi.

Avvalroq...

Shavkat Mirziyoyev 22-avgust kuni ertalab Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedovning taklifiga binoan Turkmanistonga jo‘nab ketdi. Bu haqda prezident matbuot xizmati xabar berdi.

Xabarga ko‘ra, davlat rahbari «Avaza» milliy turizm zonasida bo‘lib o‘tadigan «Ozarbayjon – Turkmaniston – O‘zbekiston» formatidagi sammit tadbirlarida ishtirok etadi.

Shuningdek, sammit doirasida prezident Shavkat Mirziyoyevning ikki tomonlama uchrashuvlari ham rejalashtirilgan.

Bundan avval Alkogolsiz ichimliklar va sharbat ishlab chiqaruvchilar uyushmasi raisi Alfiya Musina Shavkat Mirziyoyevni Tinchlik bo‘yicha Nobel mukofotiga nomzod sifatida ko‘rsatishni taklif qilgandi.