Yangiliklar

Samsung kompaniyasi yaqin yillarda taqdim etiladigan flagman smartfonlari narx siyosatini o‘zgartirmasligi mumkin. Bu haqda insayder Ice Universe ma’lum qildi.

Unga ko‘ra, Samsung Galaxy S26, Galaxy Z Fold8 va Galaxy Z Flip8 modellari avvalgi avlod qurilmalari bilan bir xil narxda sotuvga chiqarilishi rejalashtirilgan. Buklanadigan Galaxy Z Fold8 va Galaxy Z Flip8 smartfonlari taxminan 2026-yil iyul oyida taqdim etiladi. Shu davrgacha Samsung flagman qurilmalari narxini oshirishni rejalashtirmayapti.

Shuningdek, Samsung Galaxy S26, Galaxy S26 Plus va Galaxy S26 Ultra modellari 25-fevral kuni AQShning San-Fransisko shahrida o‘tkaziladigan yirik tadbirda namoyish qilinishi, chakana savdolar esa mart oyining boshida boshlanishi kutilmoqda.

Eslatib o‘tamiz, avvalroq...

Hukumat qarori bilan «Mahalliy ishlab chiqarilgan tovar to‘g‘risidagi sertifikat yoki ekspert xulosasini rasmiylashtirish bilan bog‘liq xarajatlarni qoplab berish tartibi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Nizomga muvofiq, «O‘zbekekspertiza» AJ tomonidan mebel va yog‘ochsozlik mahsulotlarining mahalliy korxonalar tomonidan ishlab chiqarilganini aniqlash bo‘yicha ekspertiza ishlari bepul amalga oshiriladi. Ushbu jarayon yakunida mahalliy ishlab chiqarilgan tovar to‘g‘risidagi sertifikat yoki ekspert xulosasi rasmiylashtiriladi.

Shuningdek, «Savdoni rivojlantirish kompaniyasi» AJ tomonidan mazkur sertifikat yoki ekspert xulosasini rasmiylashtirish bilan bog‘liq xarajatlar uning amal qilish muddati davomida bir marotaba qoplab beriladi.

Vakolatli organ xarajatlarni kompensatsiya qilish uchun har hafta yakunida tegishli ma’lumotlar keltirilgan...

Rossiya Federatsiyasining Xabarovsk shahrida vafot etgan O‘zbekiston fuqarosi bilan bog‘liq holat Vladivostokdagi Bosh konsulxona va Migratsiya agentligi tomonidan nazoratga olindi. Bu haqda Tashqi ishlar vazirligi matbuot kotibi ma’lum qildi.

Unga ko‘ra, Bosh konsulxona marhumning yaqinlari bilan doimiy aloqada bo‘lib, ularga zarur konsullik va amaliy yordam ko‘rsatmoqda. Fuqaroning jasadini Vatanga qaytarish bo‘yicha tegishli ishlar olib borilmoqda.

Hodisa yuzasidan O‘zbekiston Bosh konsulxonasi Xabarovsk o‘lkasi prokuraturasi, Tergov boshqarmasi hamda Rossiya Federatsiyasi Tashqi ishlar vazirligining Xabarovskdagi vakolatxonasiga notalar yuborib, holatni xolisona va qonuniy tartibda o‘rganishni so‘radi.

Hozirgi paytda fuqaroning vafot etish sabablari bo‘yicha rasmiy tasdiqlangan ma’lumot mavjud emas. Tegishli idoralardan aniq ma’lumotlar...

Ilon Maskning Neuralink kompaniyasi 2026-yilda miya-kompyuter interfeysi qurilmalarini yirik hajmda ishlab chiqarishni boshlashini va jarayonni to‘liq avtomatlashtirilgan jarrohlik usuliga o‘tkazishini e’lon qildi. Bu haqda Reuters agentligi xabar berdi.

Kompaniya tomonidan ishlab chiqilgan implant umurtqa pog‘onasi shikastlangan bemorlar kabi og‘ir holatdagi odamlarga yordam berish maqsadida mo‘ljallangan. Birinchi bemor uni video o‘yin o‘ynash, internetda sayr qilish, ijtimoiy tarmoqlarda post joylash va noutbukdagi kursorni harakatlantirish uchun muvaffaqiyatli ishlatgan.

Neuralink 2024-yilda insonlar ustida sinovlarni boshladi. Buning oldidan 2022-yilda AQSh Oziq-ovqat va dori vositalari boshqarmasi xavfsizlik sabablariga ko‘ra kompaniya arizasini rad etgan edi. Keyinchalik kompaniya barcha xavfsizlik muammolarini bartaraf etdi.

2025-yil sentabr oyida...

Oppo kompaniyasi global bozorda yangi Oppo Reno 15 Pro Max va Oppo Reno 15 Pro smartfonlarini taqdim etdi. Bu haqda Gizmochina nashri ma’lum qildi.

Yangi modellarda 120 Gts chastotali AMOLED-displeylar, IP68/IP69 himoyasi va Android 16 asosida ishlovchi ColorOS 16 operatsion tizimi mavjud. Katta model 6,78 dyuymli ekran bilan jihozlangan bo‘lsa, Reno 15 Pro 6,32 dyuymli Full HD+ displeyga ega.

Ikkala smartfon ham MediaTek Dimensity 8450 yadro tizimi asosida ishlaydi va 12 GB LPDDR5x operativ xotira bilan ta’minlangan. Reno 15 Pro Max konfiguratsiyasi 12 GB RAM va 512 GB UFS 3.1 xotira bilan, Reno 15 Pro esa 256 GB...

Eron bo‘ylab davom etayotgan norozilik namoyishlarida yetti kishi halok bo‘ldi. Ular orasida huquqni muhofaza qiluvchi organ xodimlari va namoyishchilar bor, deb xabar beradi AP nashri.

Noroziliklar 28-dekabrda Tehronning asosiy bozorida boshlangan edi. Shu kuni ko‘chaga do‘kon egalari va talabalar chiqib, valyuta kursining tushishi va narxlarning keskin oshishidan norozi bo‘ldilar. Reuters hisob-kitoblariga ko‘ra, 2025-yilda Eron rialining dollarga nisbatan qiymati deyarli ikki barobar pasaydi, dekabr oyida esa inflyatsiya 42,5% ga yetdi.

Keyinchalik mamlakatning turli hududlarida odamlar ixtiyoriy norozilik namoyishlariga chiqdilar. Eng keskin to‘qnashuvlar Azna shahrida ro‘y berdi.

Xabar qilinishicha, Eron hukumati namoyishchilar bilan dialog o‘rnatishga chaqirmoqda. Huquqni muhofaza qiluvchi...

2026-yil 1-yanvar holatiga ko‘ra, mamlakatimizda 1815 nafar chaqaloq dunyoga keldi. Ulardan 921 nafari o‘g‘il, 894 nafari qiz bola, deya xabar bermoqda Sog‘liqni saqlash vazirligi matbuot kotibi.

Hududlar kesimida eng ko‘p chaqaloq Surxondaryo viloyatida (243 nafar) tug‘ilgan. Shu bilan birga, Farg‘ona viloyatida 216, Namangan viloyatida 194, Qashqadaryo va Samarqand viloyatlarida 191 nafardan, Andijonda 157, Toshkent shahrida 143, Toshkent viloyatida 129, Buxoroda 85, Jizzaxda 76, Xorazmda 65, Navoiyda 55, Qoraqalpog‘istonda 41 va Sirdaryo viloyatida 29 nafar chaqaloq dunyoga kelgan.

Dunyo kelgan bolalar orasida 17 juft egizak mavjud bo‘lib, jami 37 nafar bola shu guruhga kiradi. Shulardan 30 nafari ikki hоmilalik...

2026-yil 1-yanvar kuni yarim tunda Shveysariyadagi Alp tog‘larida joylashgan Kran-Montana kurortidagi Le Constellation barida kuchli yong‘in sodir bo‘ldi. Hodisa oqibatida qariyb 40 kishi halok bo‘lgan, yana 115 nafar fuqaro o‘g‘ir jarohat olgan, deya xabar bermoqda CNN.

Hozircha vafot etganlarning aniq soni tasdiqlanmagan. Valais kantoni politsiyasi qurbonlarni aniqlash va ularning yaqinlarini xabardor qilish ishlarini olib bormoqda. Mamlakatda besh kunlik motam e’lon qilingan.

Rasmiylarning qayd etishicha, jarohatlanganlar orasida 13 nafar Italiya fuqarosi bor, yana 6 nafar italiyalik bedarak yo‘qolgan. Yong‘in sabablari hozircha aniqlanmagan. Mutaxassislar vayron bo‘lgan bino ichiga hali kira olmayapti. Huquq-tartibot idoralari hodisa terrorchilik yoki hujum bilan bog‘liq emasligini...

2-yanvar sanasi insoniyat tabiat mo‘jizasini saqlab qolishidagi ilk dadil qadamlari, moda va kino olamidagi yo‘qotishlar hamda sport tarixidagi unutilmas fojialar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1929-yili AQSh va Kanada o‘rtasida tabiatni muhofaza qilish bo‘yicha tarixiy hujjat imzolandi. Ikki davlat vakillari Shimoliy Amerikaning eng go‘zal tabiat mo‘jizalaridan biri bo‘lgan Niagara sharsharasini saqlab qolish to‘g‘risida kelishuvga erishdilar. Bu hujjat sharshara suvining energetika maqsadlarida ishlatilishini tartibga solib, uning tabiiy go‘zalligini kelajak avlod uchun asrashni kafolatladi.

1953-yilda moda olamining afsonaviy vakili, mashhur «Gucci» brendi asoschisi Guchchio Guchchi 71 yoshida vafot etdi. U 1921-yilda Florensiyada...

Yillik inflyatsiya 7,3 foizni tashkil etdi, 2030-yilgacha har yili bittadan davlat banki xususiylashtiriladi – Kursiv Uzbekistan tomonidan 1-yanvarning muhim hodisalari jamlandi.

100 nafar tozalik xodimi farzandlarining kontrakt to‘lovi qoplab berildi

«Tabiat uyg‘unligi himoyachisi» tanlovi g‘oliblari, xususan, respublika bo‘yicha 100 nafar tozalik xodimining oliy ta’limda o‘qiyotgan farzandlari uchun kontrakt to‘lovlari to‘lab berildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Andijonda 12 mlrd so‘m investitsiya evaziga gastronomik ko‘cha ochildi

Yangi yil bayrami arafasida Andijon shahrining O‘rikzor mahallasida joylashgan Mashrab ko‘chasi to‘liq yangilanib, 24/7 tartibida ishlaydigan gastronomik, turizm va savdo-servis ko‘chasi sifatida foydalanishga topshirildi. Mazkur ko‘chani barpo etish...

AQSh Demokratik partiyasi a’zosi Zohran Mamdani rasman Nyu-York shahrining yangi meri sifatida qasamyod qabul qildi. Marosim Manxettendagi meriya binosi yaqinida joylashgan Old City Hall metro bekatida bo‘lib o‘tdi.

Mamdani Nyu-York tarixida islom diniga e’tiqod qiluvchi ilk mer bo‘ldi. Shu sababli qasamyod Qur’on asosida qabul qilindi. Qasamyodni Nyu-York shtati bosh prokurori Letisiya Jeyms qabul qildi.

Eslatib o‘tamiz, Nyu-York meri saylovi 2025-yilning 4-noyabr kuni bo‘lib o‘tgandi. 34 yoshli Zohran Mamdani so‘nggi 100 yil ichida ushbu lavozimni egallagan eng yosh siyosatchi hisoblanadi.

Mamdanining saylovdagi g‘alabasidan so‘ng Isroilning diaspora va antisemitizmga qarshi kurash masalalari bo‘yicha vaziri Amixay Shikli 5-noyabr kuni Nyu-Yorkdagi yahudiylarni Isroilga...

Hukumat qarori bilan Andijon viloyatining Bobur shahrida rassomlar festivalini tashkil etish va o‘tkazish tartibi tasdiqlandi.

Nizomga ko‘ra, festival 2026-yildan boshlab har ikki yilda bir marta, odatda may oyida o‘tkaziladi. Festivalda ishtirok etishni istagan nomzodlar festival bo‘ladigan yilning 1-fevraliga qadar tashkilotchilarga hujjat topshirishi kerak.

Nomzodlar rezyume, 6×9 sm o‘lchamdagi uchta rangli fotosurat, tasviriy san’at sohasidagi tajribani tasdiqlovchi hujjatlar nusxalari, shuningdek, o‘z ijodiy ishlarining kamida 10 ta sifatli fotosurati va ularni yaratish jarayoni aks etgan videomateriallarni taqdim qiladi.

Tashkiliy qo‘mita 1-aprelga qadar festival ishtirokchilari ro‘yxatini shakllantiradi va bu haqda nomzodlarga xabar beradi.

Festival «Gran-pri», «Eng yaxshi rangtasvirchi rassom», «Eng yaxshi haykaltarosh...

Yanvar oyi O‘zbekistonda odatda qishning eng sovuq davrlaridan biri hisoblanadi. «O‘zgidromet»ga ko‘ra, 1 – 2-yanvar kunlari O‘zbekiston bo‘yicha quruq va yog‘ingarchiliksiz ob-havo bo‘lishi prognoz qilinmoqda.

3-yanvardan boshlab esa Kaspiy dengizi hududlaridan nam havo massalari kirib keladi. Shu kuni respublika bo‘yicha yomg‘ir yog‘adi, ayrim joylarda yog‘ingarchilik qorga aylanishi mumkin. Markaziy va janubi-sharqiy hududlarda 4-yanvar kechasi va ertalab yog‘ingarchilik saqlanib turadi.

Yanvar oyining birinchi o‘n kunligi oxiriga kelib, respublika hududida yog‘ingarchilik ehtimoli kamayadi. Bu davrda kechalari havo harorati asosan 2 daraja sovuqdan 3 daraja iliqqacha, ayrim joylarda 5 daraja sovuqqacha tushadi. Kunduz kunlari esa harorat 8–13 daraja iliqdan 0–5 daraja iliqqacha...

O‘zbekiston hukumati beshta davlat bankini xususiylashtirishni rejalashtirmoqda. Bu «O‘zbekiston – 2030» yangilangan strategiyasi loyihasida qayd etilgan. Hujjat jamoatchilik muhokamasi uchun e’lon qilindi.

Hozirda davlatga tegishli to‘qqizta bank mavjud. Bular Milliy bank, «Agrobank», «Sanoatqurilishbank», «Asakabank», Xalq banki, Biznesni rivojlantirish banki, «Mikrokreditbank», «Aloqabank» va «Turonbank» hisoblanadi.

Rejaga ko‘ra, 2026-yilda davlat banklari soni sakkiztaga tushadi. 2030-yilga borib esa davlat faqat to‘rtta bank egasi bo‘lib qoladi. Shu tariqa har yili kamida bitta davlat bankini xususiylashtirish ko‘zda tutilgan.

Strategiyada davlat banklarining bank tizimidagi aktivlardagi ulushini kamaytirish ham belgilangan. Agar 2026-yilda bu ko‘rsatkich 65% bo‘lsa, 2030-yilga kelib 55% ga tushirilishi rejalashtirilmoqda. 2025-yil 1-dekabr holatiga...

General Motors Braziliya bo‘limi 2025-yil yakuniga bag‘ishlangan korporativ videoda kutilmaganda yangi Chevrolet Sonic modelini namoyish qildi. Speedme’ga ko‘ra, ushbu avtomobil 2026-yilda brendning eng muhim yangiligi bo‘ladi.

Yangi Sonic arzon SUV sifatida Onix va Tracker modellari orasidagi narx bo‘shlig‘ini to‘ldiradi. Avtomobil Braziliyaning Gravatai shahridagi zavodda, Onix Plus bilan bir platformada ishlab chiqariladi.

Dastlabki tasvirlarga qaraganda, Chevrolet Sonic o‘lchamlari jihatidan Onix’ga yaqin bo‘ladi. Orqa qismida ketma-ket yonuvchi LED chiroqlar, yangilangan bagaj qopqog‘i va spoyler bo‘ladi. Bu yechimlar Sonic’ni oddiy xetchbekdan vizual jihatdan uzoqlashtirishga xizmat qiladi.

Old tomondan model yanada yirikroq ko‘rinishga ega bo‘lishi kutilmoqda. Buning uchun ikki qavatli optika qo‘llanadi...

Milliy statistika qo‘mitasi palov tayyorlashda ishlatiladigan asosiy mahsulotlar narxlari asosida 1 kilogramm palovning o‘rtacha qiymatini hududlar kesimida hisoblab chiqdi. Hisob-kitobda kungaboqar yog‘i, piyoz, mol go‘shti, sabzi, guruch, no‘xat, zira va osh tuzi narxlari inobatga olingan.

Natijalarga ko‘ra, 1 kg palovning eng arzon qiymati Qoraqalpog‘iston Respublikasida qayd etilgan. Eng qimmat palov esa Toshkent shahri va Farg‘ona viloyatida kuzatilgan. Hududlar o‘rtasidagi farq asosan go‘sht, sabzi va guruch narxlari bilan bog‘liq.

Quyida 2025-yil dekabr oyida 1 kg palov uchun hisoblangan o‘rtacha qiymatlar keltirilgan.

Mutaxassislar ta’kidlashicha, hududlar kesimida palov narxidagi tafovut bozorlar taklifi, transport xarajatlari va go‘sht mahsulotlari narxiga bevosita bog‘liq. Umuman olganda...

Milliy statistika qo‘mitasi yillik inflyatsiya ko‘rsatkichlarini e’lon qildi. Ma’lumotlarga ko‘ra, 2025-yilda inflyatsiya 7,3 foizni tashkil etdi.

Bu 2024-yil dekabriga nisbatan inflyatsiya bosimi pasayganini ko‘rsatadi. Taqqoslash uchun, 2024-yil dekabrida yillik inflyatsiya 9,8% darajasida bo‘lgan edi. 2025-yil davomida o‘rtacha oylik narxlar o‘sishi 0,6% bo‘ldi, bu ham o‘tgan yilga nisbatan past ko‘rsatkich.

Oziq-ovqat narxlari: sabzavotlar keskin qimmatlashdi

Dekabr oyida oziq-ovqat mahsulotlari 1,5 foizga qimmatlashdi. Ayrim asosiy mahsulotlar narxida o‘sish qayd etildi. Xususan:

Yangi yil bayrami arafasida Andijon shahrining O‘rikzor mahallasida joylashgan Mashrab ko‘chasi to‘liq yangilanib, 24/7 tartibida ishlaydigan gastronomik, turizm va savdo-servis ko‘chasi sifatida foydalanishga topshirildi.

Mazkur ko‘chani barpo etish uchun 12 mlrd so‘m investitsiya yo‘naltirilgan. Hududda 50 ta savdo, xizmat ko‘rsatish va ovqatlanish obyekti tashkil qilindi. Natijada 120 nafar fuqaro doimiy ish bilan ta’minlandi.

Tungi paytda ko‘cha yorqin chiroqlar, zamonaviy infratuzilma va bayramona muhit bilan yanada jozibador ko‘rinish kasb etmoqda. Yangi yil arafasida bu yerda konsert dasturlari ham uyushtirilib, shahar aholisi va mehmonlariga ko‘tarinki kayfiyat ulashilmoqda.

Eslatib o‘tamiz, avvalroq Toshkent viloyatining Parkent tumanida gastronomik ko‘cha va Uzumlar uyi ochilishi...

«Tabiat uyg‘unligi himoyachisi» tanlovi g‘oliblari, xususan, respublika bo‘yicha 100 nafar tozalik xodimining oliy ta’limda o‘qiyotgan farzandlari uchun kontrakt to‘lovlari to‘lab berildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Agentlikka ko‘ra, tanlovga respublika bo‘yicha 182 nafar xodim ariza topshirdi. Arizalar maxsus komissiya tomonidan shaffof va adolatli tarzda ko‘rib chiqilib, 100 nafar munosib xodim g‘olib deb topildi. Ularning farzandlari uchun jami 916,7 mln so‘mlik kontrakt to‘lovlari agentlikning budjetdan tashqari mablag‘lari hisobidan qoplab berildi.

30-dekabr kuni Toshkent shahrida xodimlarga farzandlarining kontrakt to‘lovi qoplangani haqidagi maxsus sertifikatlar topshirildi.

Eslatib o‘tamiz, avvalroq Surxondaryoda «Toza hudud» muassasasiga 12 ta yangi...

Markaziy bank dam olish kunlari aholiga qulaylik yaratish maqsadida bir qator tijorat banklarida valyuta ayirboshlash va xalqaro pul o‘tkazmalari xizmatlari davom etishini ma’lum qildi.

Yangi yil munosabati bilan berilgan dam olish kunlari quyidagi banklarning ayrim shoxobchalari faoliyat yuritadi:

Shavkat Mirziyoyev O‘zbekiston xalqini Yangi yil bayrami munosabati bilan qutladi. Davlat rahbarining ta’kidlashicha, tugallangan yil mamlakat hayotida muhim o‘zgarishlarga boy bo‘ldi.

«Dunyodagi murakkab vaziyatlarga qaramasdan biz o‘z oldimizga qo‘ygan barcha maqsad va marralarga erishdik. O‘zbekiston yalpi ichki mahsuloti hajmi ilk bor $145 mlrddan oshdi va mamlakatimiz o‘rta daromadli davlatlar qatoridagi o‘rnini mustahkamladi. Iqtisodiy o‘sish samarasi odamlarimiz hayotida, oilalar daromadida, mahallalar qiyofasida, yoshlarimizning kelajakka bo‘lgan ishonchida yaqqol namoyon bo‘ldi», – dedi prezident.

Shuningdek, Mirziyoyev 2025-yilda iqtisodiy, madaniy, sport va boshqa sohalardagi yutuq va o‘zgarishlarga ham alohida urg‘u berdi.

«Biz kelgusi yilda...

Germaniyada jinoyatchilar qariyb 30 million yevroni o‘g‘irladi, uch investorga MobiUz’ni sotib olish bo‘yicha takliflarini yaxshilash uchun vaqt berildi — 31-dekabrda yuz bergan eng muhim hodisalar Kursiv Uzbekistan dayjestida.

Germaniyada bank talonchiligi: jinoyatchilar qariyb 30 million yevroni o‘g‘irladi

Germaniyaning Gelsenkirchen shahrida joylashgan Sparkasse banki bo‘limida yirik talonchilik sodir etildi. Jinoyatchilar burg‘ilash moslamasi yordamida bank seyfiga kirib, taxminan 30 million yevroga teng naqd pul va qimmatbaho buyumlarni olib ketdi.

Politsiya ma’lumotiga ko‘ra, jinoyat Rojdestvo bayrami kunlaridagi sokin vaziyatdan foydalangan holda amalga oshirilgan. Talonchilar bankka yonidagi avtoturargoh orqali kirgan va puxta reja asosida harakat qilgan. Huquq-tartibot idoralari hodisani juda professional tarzda bajarilgan...

Eronda yashash narxlarining keskin oshishi fonida keng ko‘lamli norozilik namoyishlari kuchaymoqda. Tehrondagi to‘rtta universitetda yuzlab talabalar ketma-ket uchinchi kun namoyishga chiqdi. Ularga savdo markazlari va bozor savdogarlari ham qo‘shilgan.

Hukumat noroziliklarni rasman tan olganini ma’lum qildi. Hukumat vakili Fatemeh Mohajerani aholining kundalik daromadlari jiddiy bosim ostida qolganini aytdi va rasmiylar norozilik tashabbuskorlari bilan muloqot qilishga tayyor ekanini bildirdi.

Eslatib o‘tamiz, Kursiv Uzbekistan nashri Eron poytaxti boshqa hududga ko‘chirilishi rejalashtirilayotgani haqida yozgan edi.

Unga ko‘ra, davlat rahbari bu masalani kechiktirib bo‘lmasligini ta’kidlagan. Pezeshkianning aytishicha, avval davlat budjeti bunday ulkan loyihani amalga oshirishga imkon bermagan. Ammo hozirgi sharoit Tehronda yashash...

O‘zbekistonda ijtimoiy soha obyektlarini qurish va ta’mirlashni moliyalashtirish uchun Ijtimoiy soha muassasalarini qurish va ta’mirlash jamg‘armasi tashkil qilinadi. Bu haqda prezident qarorida qayd etildi.

Jamg‘arma mablag‘lari umumta’lim maktablari, tibbiyot va sport muassasalarini qurish, rekonstruksiya qilish hamda kapital ta’mirlash ishlariga yo‘naltiriladi.

Shuningdek, mablag‘lar ta’lim, tibbiyot va sport muassasalarining moddiy-texnika bazasini mustahkamlashga, ularni zamonaviy jihozlar, o‘quv va tibbiy anjomlar hamda axborot-kommunikatsiya texnologiyalari bilan ta’minlashga sarflanadi. Bundan tashqari, boshqa ijtimoiy yo‘nalishlardagi qurilish va ta’mirlash ishlari ham jamg‘arma hisobidan moliyalashtiriladi.

Eslatib o‘tamiz, Kursiv Uzbekistan nashri elektromobillarni quvvatlash uskunalari bojxona bojidan ozod qilinishi haqida yozgan edi.