Yangiliklar

Zeekr brendining flagman modeli Zeekr 9X (premium gibrid krossover) savdoga chiqqan ilk davridayoq texnik nosozliklar bilan yuzlashdi. Autonews’ga ko‘ra, mutaxassislar va avtomobil egalari orqa motor-reduktor ishdan chiqayotganini qayd etgan.

Asosiy sabab zavoddagi konstruktiv xato bo‘lib, reduktor korpusi uchun tanlangan alyuminiy-magniy qotishmasi sovuq havoda harorat farqiga bardosh bera olmaydi. Natijada metall ichida bosim paydo bo‘lib, yoriqlar yuzaga keladi.

Nosozlikning ilk belgisi avtomobil ostida pushti yoki qizil rangli transmissiya suyuqligi izlari paydo bo‘lishi. Agar bunga vaqtida e’tibor berilmasa, moy yetishmovchiligi sabab reduktor butunlay ishdan chiqadi va uni tiklab bo‘lmaydi.

Muammo qanchalik keng tarqalgan

Servis markazlari ma’lumotiga ko‘ra, ilk partiyadagi...

«KazTransOil» 2026-yil 1-martdan boshlab neftni quvurlar orqali uzatish bo‘yicha tariflarni oshiradi. Bunda Rossiyadan O‘zbekistonga tranzit qilinadigan neft uchun tarif 0,4 foizga ko‘tarilib, bir tonna uchun $28,02 ni tashkil etadi. Ushbu narx QQSsiz belgilangan.

«Shag‘ir» punktida neftni temiryo‘l sisternalariga quyish xizmati ham qimmatlashadi. Rossiya nefti uchun ushbu tarif mart oyidan 14 foizga oshib, bir tonna uchun $0,96 ga yetadi. Qozog‘iston neftini eksport qilishda esa ushbu xizmat narxi 84 foizga oshib, 517 tenge ($1) etib belgilanadi.

Eksport qilinayotgan Qozog‘iston neftini Qosimov nomidagi neft nasos stansiyasi orqali Kenkiyak – Atirau quvuriga uzatish narxi 0,8 foizga oshadi va bir tonna uchun 80,99 tenge...

Shaxsiy moliya bo‘yicha «Boy ota, kambag‘al ota» kitobining muallifi Robert Kiyosaki o‘quvchilariga bozor hali ham sezilarli pasayishni boshdan kechirayotgan bir paytda oltin, kumush va bitkoinni «chegirma bilan» sotib olishni maslahat berdi. Bu haqda u o‘zining X sahifasida yozdi.

Yozuvchining so‘zlariga ko‘ra, bozor qulashi paytida eng kuchli farq boy va kambag‘al investorlar o‘rtasidagi farqdir.

«Walmart’da chegirmalar bo‘lganda, kambag‘allar u yerga shoshilib, sotib olishda davom etadi. Moliya bozorida chegirmalar bo‘lganda, ya’ni inqiroz bo‘lganda, kambag‘allar o‘z aktivlarini sotib, qochib ketishadi, boylar ham u yerga shoshilib sotib olishadi, sotib olishadi, sotib olishadi», – deb yozgan Kiyosaki.

U...

Xiaomi SU7 265 ming kmdan so‘ng ham batareya sig‘imining 94,5 foizini saqlab qoldi. Bu haqda CarNewsChina xabar bermoqda.

Ushbu voqeaga guvoh bo‘lgan avtomobil egasi bu natija uni ham hayratda qoldirganini aytgan. U dastlab batareya sig‘imi kamida 90 foizgacha tushadi deb o‘ylaganini, biroq tekshiruv natijasi kutilganidan ancha yuqori chiqqanini ta’kidlagan.

Ushbu natijalar orqa yetaklovchi g‘ildiraklarga ega Xiaomi SU7 Pro versiyasiga tegishli. Avtomobil kuniga o‘rtacha 600 km masofani bosib o‘tgan. Bunday yuklama hatto an’anaviy ichki yonuv dvigatelli avtomobillar uchun ham jiddiy hisoblanadi.

94,3 kVt/soat sig‘imli batareya taxminan 506 ta to‘liq zaryadlash sikliga teng yuklama ostida ishlagan. Amalda esa qisman zaryadlashlar bundan...

YouTube’dagi «Blog taksista» kanalida e’lon qilingan yangi sharhda 2025-yilgi BYD Destroyer 05 modeli taksi nuqtai nazaridan baholandi. Kursiv Uzbekistan video asosida maqola tayyorladi.

Gibrid tizim va real yoqilg‘i tejamkorligi

Taksi haydovchisi e’tibor qaratgan asosiy jihat past yoqilg‘i sarfi. Aralash rejimda BYD Destroyer 05 100 km masofada o‘rtacha 3-4 litr yoqilg‘i sarflaydi. Faol haydashda ham bu ko‘rsatkich kamdan-kam hollarda 5,5 litrdan oshadi. Elektr va gibrid rejimlar o‘rtasidagi uzluksiz almashuv zaryadlash stansiyalariga bog‘lanib qolmasdan ishlash imkonini beradi. Shu sababli haydovchi uzoq masofali buyurtmalardan ham cho‘chimaydi.

Osma tizim yumshoq sozlangan bo‘lib, shahar yo‘llaridagi notekisliklar va «tezlik pasaytirgich»larni samarali yutadi. Bu esa...

2025-yilda O‘zbekistonda tijorat banklari tomonidan aholiga ajratilgan avtokreditlar va mikroqarzlar miqdori mos ravishda 26,2 va 56,7 foizga o‘sdi. Bu haqda Markaziy bankning 2025-yil yakunlari bo‘yicha hisobotida keltirilgan.

Bank hisobotida berilgan statistikaga ko‘ra, 2025-yil davomida o‘zbekistonliklarga mashina xarid qilish uchun 21,56 trln so‘m kredit berilgan. Bu miqdor 2024-yilda taqdim qilingan avtokredit miqdoridan (17,08 trln so‘m) 26,2 foizga (4,5 trln so‘m) ko‘pni tashkil уеmoqda.

O‘tgan yili mashina sotib olish uchun eng ko‘p kredit oktabrda berilgan (3,54 trln so‘m) bo‘lsa, eng kami martda berilgan (1,06 trln so‘m). Iyul oyidan boshlab asta-sekin kredit miqdori osha boshlagan. 2024-yilning butun davri davomida ajratilgan kredit...

2-fevral holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 23,4 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,4 foizni, yuridik shaxslar ulushi esa 23,6 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Oliy Majlis Qonunchilik palatasi deputatlari o‘zboshimchalik bilan egallab olingan yerlarga nisbatan huquqlarni e’tirof etishni tezlashtirishga qaratilgan qonunni qabul qildi. Bu haqda Qonunchilik palatasi matbuot xizmati xabar berdi.

Qonun loyihasi orqali amaldagi qonunchilikka, xususan, «O‘zboshimchalik bilan egallab olingan yer uchastkalariga…» hamda «Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida»gi qonunlarga o‘zgartirish va qo‘shimchalar kiritilmoqda.

Asosiy maqsad ma’lumotlarni avtomatlashtirilgan axborot tizimiga kiritish tartibini takomillashtirish va shikoyatlarni ko‘rib chiqish mexanizmlarini optimallashtirishdir. Loyihada «soliq qarzdorligi» tushunchasiga aniqlik kiritilgan. Unga ko‘ra, soliq qarzdorligi bazaviy hisoblash miqdorining 30 baravaridan oshadigan qismi etib belgilanmoqda.

Bu yer solig‘i va mol-mulk solig‘i bo‘yicha takrorlanishlarni bartaraf etishga xizmat qiladi...

3-fevral kuni bo‘lib o‘tgan Osiyo kubogi chorak finalida O‘zbekiston futzal terma jamoasi Eron bilan bahs olib bordi. Keskin kurashlarga boy o‘tgan uchrashuvda 7:4 hisobi qayd etilib, vakillarimiz musobaqadagi ishtirokini to‘xtatdi.

Uchrashuv O‘zbekiston vakillari uchun omadli boshlandi: 1-daqiqada Ixtiyor Ropiyev penaltidan hisobni ochgan bo‘lsa, 5-daqiqada Elbek To‘lqinov oradagi farqni ikkitaga oshirdi. Biroq Eron terma jamoasi tezkorlik bilan vaziyatni o‘nglab, birinchi bo‘limning o‘zidayoq Moslem Oladghobad, Saeid Ahmad Abbasi, Mohammadhossein Derakhshani va Hossein Sabzi tomonidan kiritilgan gollar evaziga hisobni 4:2 ko‘rinishiga keltirdi.

Ikkinchi bo‘lim dramatik voqealarga boy kechdi. 24-daqiqada Ilhom Hamroyev o‘z jarima maydoni ichida to‘pni qo‘li bilan qaytargani sababli penalti belgilandi...

SpaceX dushanba kuni sun’iy intellekt sohasidagi xAI kompaniyasini sotib olganini ma’lum qildi. Bu kelishuv Ilon Maskning ikki yirik loyihasini birlashtirib, dunyodagi eng qimmat xususiy kompaniyani tashkil etdi. Bu haqda CNN xabar bermoqda.

Ilon Mask ushbu voqeani shunchaki yangi bosqich emas, balki «SpaceX va xAI missiyasidagi keyingi kitob», deb atadi. Ma’lumotlarga ko‘ra, 2025-yil dekabr holatiga ko‘ra SpaceX $800 mlrd, xAI esa $230 mlrdga baholangan edi. Birlashuv sun’iy intellektning jadal rivojlanishi va uning energiya ta’minoti bilan bog‘liq muammolarni hal qilishga qaratilgan.

SpaceX o‘tgan juma kuni Federal aloqa komissiyasiga orbitaga 1 mlnta sun’iy yo‘ldosh uchirish bo‘yicha ariza topshirdi. Rejaga ko‘ra, ular «sun’iy...

Elektromobillar bozori so‘nggi yillarda keskin kengaydi va endi Tesla yagona sifatli tanlov emas. Consumer Reports mutaxassislari bozorni keng tahlil qilib, 2026-yilda xarid qilish mumkin bo‘lgan eng yaxshi elektromobillarni toifalar bo‘yicha saralab chiqdi. Quyida har bir segment bo‘yicha tavsiya etilgan modellar keltiriladi.

Sedanlar

Consumer Reports sedanlar segmentida ikki modelni alohida ajratib ko‘rsatdi. Hyundai Ioniq 6 qulay boshqaruv va sokin yurishi bilan ajralib turadi. Biroq uning yukxonasi kichik bo‘lgani sababli yuk tashish imkoniyati cheklangan. Tesla Model 3 esa tezkor tezlanish va tez zaryadlanishi bilan ustun. Shu bilan birga, burilish ko‘rsatkichlarini boshqarish noqulayligi hamda CarPlay va Android Auto yo‘qligi kamchilik sifatida...

Buyuk Britaniyada Samsung Galaxy A56 uchun chegirmalar e’lon qilindi. Bu haqda Sammobile xabar bermoqda. Xaridorlar 100 yevrogacha pul tejashi mumkin.

Chegirmalar 17-fevralgacha amal qiladi. Ushbu sanagacha Galaxy A56 ni xarid qilgan foydalanuvchilar Samsung’ning maxsus portalida murojaat qilib, pulni qaytarib olish imkoniga ega bo‘ladi. Taklif tafsilotlari Samsung rasmiy do‘konida e’lon qilingan.

Bundan tashqari, Buyuk Britaniyada Galaxy A56 xaridorlari uchun trade-in dasturi ham amal qiladi. Samsung hatto singan yoki yorilgan qurilmalarni ham qabul qilishini bildirgan. Qaytarib beriladigan summa holatiga qarab 30 yevrodan 244 yevrogacha yetishi mumkin. Shu orqali umumiy tejash miqdori 100 yevrodan ancha yuqori bo‘lishi ehtimoli bor.

Aksiya doirasida foydalanuvchilar...

International IQ Test 2026-yilning boshiga qadar xalqaro IQ reyestri ma’lumotlari asosida shakllantirilgan mamlakatlar aholisining o‘rtacha intellekt koeffitsiyenti (IQ) bo‘yicha har yili yangilanib boradigan reyting natijalarini e’lon qildi.

Reyting 137 mamlakat va hududlardan 1,2 million kishilar orasida o‘tkazilgan test natijalariga asoslangan. Barcha respondentlar o‘zlarining intellektual qobiliyatlarini baholash uchun bir xil vazifalarni bajargan.

Reytingda Janubiy Koreya aholisi o‘rtacha 106,97 ball bilan birinchi o‘rinni egalladi, undan keyin Xitoy aholisi 106,48 ball va Yaponiya aholisi 106,3 ball bilan ikkinchi va uchinchi o‘rinlarni egalladi.

Kuchli beshlikka, shuningdek, Eron (104,8 ball) va Avstraliya (104,45 ball) aholisi ham kiradi.

Rossiyaliklar 103,78 ball bilan oltinchi o‘rinni egalladi...

Ijtimoiy tarmoqlarda ayrim davlat axborot tizimlaridan O‘zbekiston fuqarolarining shaxsiy ma’lumotlari tarqalgani haqida xabarlar chiqdi. Kiberxavfsizlik markazi ushbu holat yuzasidan o‘rganish ishlari olib borilayotganini ma’lum qildi.

Shuningdek, markaz fuqarolardan shaxsiy ma’lumotlarini begona shaxslarga bermaslik, davlat va boshqa elektron tizimlarga kirishda murakkab login va parollardan foydalanish kerakligini eslatdi.

Milliy statistika qo‘mitasi esa tarmoqlarda aholi va qishloq xo‘jaligini ro‘yxatga olishdagi rasmiy sayt ishlamayotgani, xakerlik hujumlari bo‘lgani haqida xabarlar tarqalayotganini va bu asossiz ekanini bildirdi.

Unga ko‘ra, online ro‘yxatdan o‘tish joriy yil 31-yanvarda yakunlangani sababli platforma yopilgan. Census.stat.uz sayti 2026-yil 15 – 31-yanvar kunlari faol bo‘lgan. Axborot xavfsizligini ta’minlash maqsadida ro‘yxatga...

Hyundai kompaniyasi Hyundai Tucson 2027 modelini taqdim etishga tayyorlanmoqda. Bu haqda Carcoops xabar bermoqda. Ma’lumotga ko‘ra, model 2027-yilda bozorga chiqadi va hozirgi avloddan tubdan farq qiladi.

Tashqi ko‘rinish

Prototiplarga qaraganda, yangi Tucson silliq va yumaloq chiziqlardan voz kechadi. Uning o‘rnini keskin qirralar, burchakli elementlar va deyarli kvadrat siluet egallaydi. Krossover tashqi ko‘rinishda ancha jiddiy va «katta» avtomobil taassurotini uyg‘otadi. Bu bilan Hyundai Tucson raqobatchilaridan vizual jihatdan ajralib chiqishni maqsad qilmoqda. Bu taxminlar haqida avtomobil jurnalistlari Carscoops sahifalarida ham yozmoqda.

Salon va raqamli texnologiyalar

Ichki qismda asosiy e’tibor texnologiyalarga qaratiladi. Yangi avlod Tucson Android Automotive platformasidagi multimedia tizimini...

Ispaniyaning «Leganes» klubi tizimida harakat qilgan o‘zbekistonlik yarim himoyachi Lazizbek Mirzayev Toshkent viloyatining «G‘azalkent» jamoasiga ko‘chib o‘tdi. Bu haqda Narzulla Saydullayev ma’lum qildi.

Lazizbek Mirzayev 2006-yilning 5-oktabrida tavallud topgan bo‘lib, u O‘zbekiston U-17 terma jamoasi sardori sifatida Indoneziyada o‘tgan Jahon chempionatida ishtirok etgan. Hujumkor yarim himoyachi ampluasida harakat qiluvchi futbolchi bungacha Toshkentning «Lokomotiv» klubi tizimida to‘p surgan.

Uning «Leganes»ga o‘tishi o‘z vaqtida o‘zbek futbolidagi istiqbolli voqealardan biri sifatida baholangan edi. «G‘azalkent» futbol klubi Toshkent viloyatining Bo‘stonliq tumanida joylashgan G‘azalkent shari sharafini himoya qiladi. Jamoa mahalliy ligalarda ishtirok etib kelmoqda.

Hozircha transferning moliyaviy shartlari va shartnoma muddati bo‘yicha rasmiy ma’lumotlar...

AQShning sobiq prezidenti Bill Klinton va uning rafiqasi Hillari Klinton Vakillar palatasining Nazorat qo‘mitasiga ko‘rsatma berishga rozi bo‘ldi. Bu haqda BBC xabar bermoqda. Qo‘mita respublikachilar tashabbusi bilan pedofiliya bo‘yicha sudlangan moliyachi Jeffri Epshteynning nufuzli shaxslar bilan aloqalarini o‘rganmoqda.

Vakillar palatasi qo‘mitasi er-xotinni taxminan besh oy avval ko‘rsatma berish uchun chaqirtirgan, biroq ular kelmagan edi. Shu sababli Kongress ularni qonun chiqaruvchi organga hurmatsizlikda ayblab, jinoiy javobgarlikka tortish masalasini ovozga qo‘ymoqchi bo‘lgan. AQSh qonunchiligiga ko‘ra, Kongressga hurmatsizlik 100 ming dollargacha jarima va bir yilgacha ozodlikdan mahrum qilish bilan jazolanishi mumkin.

Adliya vazirligi tomonidan e’lon qilingan hujjatlarda Bill Klintonning ismi ko‘p marotaba...

BYD’ning ikkinchi avlod megavattli tezkor zaryadlash tizimiga oid ma’lumotlar paydo bo‘ldi. Bu haqda CarNewsChina xabar bermoqda. Yangi tizim maksimal 1 500 kVt quvvat va 1 500 amper tokni qo‘llab-quvvatlaydi.

Texnik ma’lumotlarga ko‘ra, yangi megavattli zaryadlash stansiyalari 1 000 voltgacha bo‘lgan doimiy tok kuchlanishida ishlaydi. Kirish quvvati esa 2 100 kVtgacha yetadi. Bunday yechim elektr tarmog‘iga tushadigan yukni boshqarish hamda yuqori kuchlanishli elektromobillarda zaryadlash vaqtini sezilarli qisqartirishga qaratilgan.

Xitoylik texnoblogerlar tarqatgan ma’lumotlarda aytilishicha, ikkinchi avlod stansiyalari real sharoitda 1 360 kVtgacha quvvat bera oladi. Bu 10C va undan yuqori tezlikda zaryadlashni ta’minlaydi. Taxminlarga ko‘ra, atigi besh daqiqada elektromobilga qariyb...

Tesla kompaniyasi AQShda eng ko‘p sotiladigan Model Y SUVning yangi AWD (all-wheel drive) variantini taqdim etdi. Yangi modelning narxi $41,9 ming, deya xabar bermoqda Reuters.

Bu yangilik Tesla kompaniyasining oktabr oyida chiqarilgan arzonroq «Standard» Model Y va Model 3 sedanlaridan so‘ng e’lon qilindi. Ushbu versiyalar avvalgi bazaviy modellardan taxminan $5 ming arzonroq bo‘lib, Tesla 2026-yil strategiyasining muhim qismi hisoblanadi. Maqsad – yangi ommaviy bozor avtomobilini kutmasdan, ko‘proq xaridorlarni jalb qilish.

Shuningdek, kompaniya bosh direktori Ilon Mask Tesla Model S va Model X sedanlarini ishlab chiqarishni to‘xtatib, Kaliforniyadagi zavodda joyni gumanoid robotlar ishlab chiqarishga yo‘naltirishini ma’lum qildi.

Eslatib o‘tamiz...

Kanadada 2027-yilga mo‘ljallangan Chevrolet Bolt elektromobilining rasmiy energiya samaradorligi ko‘rsatkichlari chop etildi. Bu haqda GMAutority xabar bermoqda.

Kanadaning Natural Resources Canada tashkiloti bahosiga ko‘ra, 2027-yilgi Bolt aralash siklda 17,5 kVt/soat/100 km energiya sarflaydi. Shahar sharoitida bu ko‘rsatkich 15,6 kVt/soat/100 km, trassada esa 19,8 kVt/soat/100 km ni tashkil etadi. Rasmiy yurish masofasi 422 km etib belgilangan. Bu avvalgi Bolt EV va Bolt EUV modellari bilan solishtirganda biroz yaxshiroq natija hisoblanadi.

Yonilg‘i ekvivalenti bo‘yicha ham Bolt kuchli natijalarni ko‘rsatdi. Aralash siklda ko‘rsatkich 118 MPGe ga teng. Shahar rejimida 131 MPGe, trassada esa 107 MPGe qayd etilgan. Bu ko‘rsatkichlar arzon elektromobillar segmentida...

AQSh va Hindiston o‘rtasida yangi savdo kelishuviga erishildi. Hindiston mahsulotlariga qo‘llaniladigan AQSh bojxona stavkalari 50% dan 18% gacha pasaytirildi. Buning evaziga Hindiston Rossiya nefti sotib olishni to‘xtatadi va savdo to‘siqlarini kamaytiradi.

AQSh prezidenti Donald Tramp kelishuvni Hindiston Bosh vaziri Narendra Modi bilan telefon orqali muloqot qilgandan so‘ng e’lon qildi. Hindiston endi neftni AQShdan sotib oladi va texnologiya, qishloq xo‘jaligi mahsulotlari va energiya resurslarini xarid qiladi.

Kelishuv xabari e’lon qilinishi bilan AQShda ro‘yxatga olingan Hindiston kompaniyalarining aksiyalari ko‘tarildi. Masalan, Infosys 4,3%, Wipro 6,8%, HDFC Bank 4,4% ga oshdi, iShares MSCI India ETF esa 3% ko‘tarildi.

Tramp Hindistonning AQShga nisbatan...

Qimmatbaho metallar bozorining qulashiga xitoylik treyderlarning spekulyatsiyalari sabab bo‘lgan. Bu haqda Bloomberg xabar berdi.

O‘tgan oyda qimmatbaho metallar narxi sezilarli darajada oshdi, ammo to‘satdan narxlar pasayib ketdi. Yanvar oyida qimmatbaho metallar, xususan, oltin va kumush narxlarining keskin ko‘tarilishi kuzatildi va bu oy oxirida eng yuqori cho‘qqisiga chiqdi. Biroq o‘tgan oy oxirida bozor quladi: kumush bir savdo kunida taxminan 26 foizga, oltin esa taxminan 9 foizga pasaydi. Eng barqaror aktivlardan biri hisoblangan qimmatbaho metallar bozoridagi bunday to‘satdan va sezilarli o‘sish ko‘plab treyderlar uchun kutilmagan holat bo‘ldi.

Agentlikka ko‘ra, qimmatbaho metallar bozorining qulashiga xitoylik treyderlarning spekulyatsiyalari sabab bo‘lgan. Nashrning ta’kidlashicha...

Prezidentning «Jizzax viloyatida sanoat va qishloq xo‘jaligi boshqaruvini takomillashtirishga oid qo‘shimcha chora-tadbirlar to‘g‘risida»gi qarori qabul qilindi. Hujjatga ko‘ra, viloyat hokimligi tuzilmasi doirasida ikki yangi hokim o‘rinbosari lavozimi joriy etiladi.

Endilikda o‘rinbosarlardan biri tog‘li hududlar va yaylovlarni rivojlantirish, investitsiya va savdo masalalari uchun, ikkinchisi esa dasht va cho‘l hududlarida sanoatni rivojlantirish, investitsiya va savdo yo‘nalishlari uchun mas’ul bo‘ladi. Yangi lavozimlar mavjud shtat birliklari hisobidan kiritiladi.

Qaror bilan 2026-yildan ushbu hokim o‘rinbosarlari faoliyatini baholashda natijaga yo‘naltirilgan boshqaruv tizimi tajriba-sinov tariqasida joriy etilishi belgilandi. Ularning ish samaradorligi KPI ko‘rsatkichlari asosida baholanadi. KPI hududlarda sanoatni rivojlantirish va investitsiyalarni jalb qilish bo‘yicha strategik maqsadlardan...

Banklar 3-fevral kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.