Yangiliklar

OnePlus kompaniyasi yangi Ace 6 smartfonining to‘liq texnik tavsiflarini e’lon qildi. Bu haqda Gizmochina xabar bermoqda.

Modelning taqdimoti keyingi haftada o‘tkazilishi kutilmoqda. Smartfon 6,83 dyuymli 1,5K+ o‘lchamdagi displeyga ega bo‘lib, 165 Hz yangilanish chastotasini, Dolby Vision, HDR Vivid va HDR10+ texnologiyalarini qo‘llab-quvvatlaydi. Pikov yorqinlik 1800 nit, PWM chastotasi esa 2160 Hz bo‘ladi.

Qurilma Snapdragon 8 Elite protsessorida ishlaydi. 7800 mA/soat sig‘imli batareya 120 Vt tezkor quvvat olishni qo‘llab-quvvatlaydi va 2000 marta zaryadlangach ham 80 foiz sig‘imini saqlab qoladi.

Asosiy kamera 50 MP’lik sensor bilan jihozlangan bo‘lib, unga 8 MP keng burchakli obyektiv qo‘shilgan. OnePlus Ace 6 ultratovushli ekrandan o‘qiladigan...

Redmi K90 Pro Max smartfoni Xiaomi 17 flagmanidagi asosiy kameradan foydalanadi. Kompaniya endi ushbu kamera orqali olingan yuqori aniqlikdagi portret va ko‘cha suratlarini taqdim etdi.

Redmi K90 Pro Max trubkasi 50 MP’lik uch modulli tizimga ega. Asosiy Light Fusion 950 sensori (1/1,31 dyuym), 5 karra periskopik teleobyektiv (Samsung JN5) va 50 MP keng burchakli obyektiv (OV50M). Bu Redmi liniyasida ilk marta 5 karra zumli kamera o‘rnatilgan model hisoblanadi.

Smartfon, shuningdek, 2.1 formatdagi audio tizim bilan jihozlanadi, ovoz sozlamalari Bose kompaniyasi tomonidan kalibrlangan.

K90 Pro Max 7560 mA/soat sig‘imli akkumulyator bilan ta’minlanadi. Qurilma 100 Vt quvvatdagi simli, 50 Vt simsiz...

Xitoyning Zeekr brendi yangi avlod elektr krossoveri – Zeekr 7X modelini oldindan buyurtmaga taqdim etdi. Bu haqda Carnews China nashri xabar berdi.

Yangi avtomobil kuchliroq dvigatel, kattaroq batareya va zamonaviy 900V platforma bilan jihozlangan.

Model uchta versiyada taqdim etildi:

Oldindan buyurtma bergan...

Samarqandda YUNESKO Bosh konferensiyasining 43-sessiyasi o‘tkazilishi munosabati bilan shaharga kirish vaqtincha cheklanadi. Bu haqda Ichki ishlar vazirligi xabar berdi.

Unga ko‘ra, 2025-yil 30-oktabrdan 14-noyabrgacha Samarqand viloyati orqali tranzit tarzda o‘tuvchi transport vositalari uchun aylanma yo‘llar tashkil etiladi. Shu kunlarda shahar markaziga kirish cheklovlari joriy qilinadi.

Haydovchilar uchun maxsus flayerlar tayyorlanadi – undagi QR-kod orqali mobil ilova yordamida aylanma yo‘llar haqidagi ma’lumotni olish mumkin bo‘ladi.

Ichki ishlar vazirligi fuqarolarga murojaat qilib, quyidagicha bayonot berdi:

«Mazkur kunlarda Samarqandga safar rejalashtirgan bo‘lsangiz, imkon bo‘lsa, tashrifni boshqa kunga qoldiring. Bu choralar xalqaro anjumanni xavfsiz o‘tkazish uchun zarur».

Avvalroq...

O‘zbekistonda suv sohasini raqamlashtirish jarayonini jadallashtirish va barqaror rivojlantirish belgilandi. Bu haqda prezident farmoni imzolandi.

Unga ko‘ra, endilikda 400 dan ortiq ma’lumot raqamlashtiriladi. 600 mingdan ortiq suv iste’molchilari va 4,3 mln gektar sug‘oriladigan yer maydonlari haqidagi ma’lumotlar elektron tarzda shakllantiriladi.

Shuningdek, suvdan foydalanish bo‘yicha yagona ma’lumotlar bazasi yaratiladi. Soha innovatsion texnologiyalar asosida barqaror rivojlantiriladi.

Shu bilan birga, Suv xo‘jaligi vazirligi tarkibida yangi tashkilot – Suv xo‘jaligini raqamlashtirish va monitoring markazi tashkil etiladi. Markaz Markaziy dispetcherlik va suv balansi xizmati negizida faoliyat yuritadi.

Avvalroq «Kursiv» nashri Qirg‘iziston 2025-yilda O‘zbekistonga mineral suv eksportini qariyb to‘rt baravarga oshirgani haqida yozgandi.

Xitoyda yangi iQOO 15 flagmani bilan birga iQOO Watch GT 2 aqlli soati ham taqdim etildi. Yangi model o‘zining arzon narxi va ilg‘or funksiyalari bilan e’tibor qozondi. Bu haqda Gizmochina nashri xabar berdi.

Soat alyuminiy korpus va 2,07 dyuymli AMOLED-displey bilan jihozlangan. Ekranning aniqligi – 432×514 piksel, yangilanish tezligi – 60 Gs, yorqinligi esa 2400 nitgacha. Qurilmada Always-On Display funksiyasi mavjud.

iQOO Watch GT 2 sog‘liqni nazorat qilish uchun barcha zarur datchiklar bilan ta’minlangan: yurak urish tezligi (ChSS), SpO₂, uyqu sifati, stress darajasi va nafas olishni kuzatadi. Shuningdek, 100 dan ortiq sport rejimlarini qo‘llab-quvvatlaydi.

Soat Blue OS 3.0 tizimida...

Yaponiyaning Fujitsu kompaniyasi ultraportativ noutbuklar segmentida yangi rekord o‘rnatdi. Bu haqda Gizmochina nashri xabar berdi.

Kompaniya taqdim etgan FMV UX-K3 modeli og‘irligi atigi 634 gramm bo‘lib, bu uni dunyodagi eng engil 14 dyuymli noutbukga aylantirdi.

Qurilmaning yengilligi karbon va magniy-litiy qotishmasidan tayyorlangan korpus orqali ta’minlangan. Shunga qaramay, noutbuk mustahkamlikni saqlagan holda atigi 17,6 mm qalinlikka ega. FMV UX-K3 o‘tgan yili taqdim etilgan Lifebook WU5/J3 modelining engil noutbuk rekordi bilan tenglashdi.

Yangi modelda Intel Core Ultra 7 255U protsessori o‘rnatilgan bo‘lib, u 2 ta kuchli va 10 ta tejamkor yadrolardan tashkil topgan. U 4,8 GHz chastotagacha ishlaydi. Qurilma 16 GB...

21-oktabr kuni mamlakatning barcha hududlarida barqaror, iliq va yog‘insiz ob-havo saqlanib qoladi. Bu haqda «O‘zgidromet» xabar berdi.

Toshkent shahrida havo biroz bulutli bo‘ladi, yog‘ingarchilik kutilmaydi. Sharqdan esayotgan shamol 3–8 m/s tezlikda. Harorat kechasi 9–11°, kunduzi 23–25° atrofida bo‘ladi.

Qoraqalpog‘iston Respublikasi va Xorazm viloyatida havo biroz bulutli, yog‘ingarchilik bo‘lmaydi. Shamol sharqdan 7–12 m/s tezlikda esadi. Harorat kechasi 2–7°, kunduzi 18–23°.

Buxoro va Navoiy viloyatlarida havo biroz bulutli. Yog‘ingarchilik kutilmaydi. Shamol sharqdan 7–12 m/s. Harorat kechasi 5–10°, kunduzi 23–28°.

Toshkent, Sirdaryo, Jizzax va Samarqand viloyatlarida havo ochiq, yog‘ingarchilik bo‘lmaydi. Shamol sharqdan 7–12 m/s. Harorat kechasi 6–11°, kunduzi 23–28°.

Qashqadaryo va Surxondaryo...

Luvr muzeyidagi o‘g‘irlik, Jahon chempioniga aylangan Marokash yoshlari — 20-oktabrning muhim yangiliklari Kursiv Uzbekistan dayjestida.

Parijdagi Luvr muzeyida o‘g‘irlik sodir bo‘ldi

Parijdagi Luvr muzeyida o‘g‘rilik sodir bo‘ldi. Bu haqda Reuters nashri xabar berdi.

Jinoyatchilar kran yordamida ikkinchi qavat oynasini sindirib, toj javohirlaridan iborat noyob kolleksiyani o‘g‘irlab qochgan.

Marokash yoshlari Jahon chempioniga aylandi

Futbol bo‘yicha Chilida o‘tkazilgan «U-20» Jahon chempionati finalida Marokash terma jamoasi 2:0 hisobida argentinalik tengqurlaridan ustun keldi.

O‘zbekistondagi 320 ta vokzal va stansiyalar nomi almashtiriladi

O‘zbekistondagi vokzal, stansiya hamda razyezdlarning nomlari davlat tili qoida va me’yorlariga muvofiqlashtiriladi. Bu haqda hukumat qarori qabul qilindi.

«Toshkent» fond birjasining sobiq raisi Georgiy Paresishvili «Kapitalbank» kuzatuv kengashining mustaqil a’zosi etib saylandi. Bu haqda Yagona korporativ ma’lumotlar portalida xabar berilgan.

16-oktabr kuni o‘tkazilgan aksiyadorlarning navbatdan tashqari yig‘ilishida Georgiy Otarovich Paresishvili «Kapitalbank» kuzatuv kengashining mustaqil a’zosi sifatida uch yillik muddatga saylandi.

Bankning korporativ maslahatchisi Igor Pak Paresishvilining nomzodini Markaziy bank bilan belgilangan tartibda kelishishi lozim. U regulyator bilan kelishuvdan so‘ng o‘z vazifasiga kirishadi. Bank kuzatuv kengashi raisi Maksud Abdusamadovga yangi mustaqil a’zo bilan shartnoma tuzish topshirig‘i berilgan.

Shuningdek, Georgiy Paresishvili bankning affillangan shaxslar ro‘yxatiga kiritildi. Uning yashash manzili sifatida Toshkent shahri Mirzo Ulug‘bek tumani ko‘rsatilgan.

Eslatib o‘tamiz, Paresishvili...

OpenAI kompaniyasi O‘zbekistonda ChatGPT’ning yangi va arzonroq versiyasi ChatGPT Go xizmatini ishga tushirdi. Bu haqda kompaniya rasmiy sahifasida ma’lum qilindi.

Yangi ChatGPT Go obunasi oyiga atiga $5 etib belgilangan — bu hozirda mavjud ChatGPT Plus ($20) tarifiga nisbatan to‘rt barobar arzonroq.

OpenAI ma’lumotiga ko‘ra, ChatGPT Go versiyasi iqtisodiyoti rivojlanayotgan va o‘rta daromadli mamlakatlar uchun mo‘ljallangan.

Ushbu ro‘yxatga O‘zbekiston bilan bir qatorda barcha Markaziy Osiyo davlatlari, shuningdek Senegal, Misr, Tunis kabi Afrika mamlakatlari ham kiritilgan.

Avvalroq Kursiv Uzbekistan ChatGPT’da to‘g‘ridan to‘g‘ri xarid qilish funksiyasi ishga tushgani haqida yozgandi.

Raqobat qo‘mitasining Xorazm viloyati hududiy boshqarmasi fuqarodan kelib tushgan murojaat asosida ijtimoiy tarmoqda joylangan reklama holatini o‘rganib chiqdi.

Murojaatda «Jennifer Xorazmga kelishi uchun sabab — dietologimiz…» sarlavhasi ostida ozdiruvchi mahsulotlar reklama qilinganligi haqida ma’lumot berilgan edi.

O‘rganishlar davomida aniqlanishicha, reklamada amerikalik qo‘shiqchi Jennifer Lopezning montaj qilingan videosi ishlatilgan bo‘lib, unda biologik faol qo‘shimchalar haqida minglab kuzatuvchilarni chalg‘itishi mumkin bo‘lgan noto‘g‘ri ma’lumotlar berilgan.

Shu sababli, hududiy boshqarma huzuridagi maxsus komissiya reklama qonunchiligi buzilishi bo‘yicha tegishli hujjatlarni tayyorladi. Natijada, «Urganch bozori» nomli kanal administratori J. O‘rozmetovga nisbatan ma’muriy chora ko‘rish uchun materiallar sud organlariga yuborildi.

Avvalroq Kursiv Uzbekistan UzPost’ni xususiylashtirilishida Davaktivdan...

Prezident Shavkat Mirziyoyev Yangi Toshkent xalqaro aeroportiga metro liniyasi tortilishi rejalashtirilayotganini ma’lum qildi. Bu haqda davlat rahbari 15-oktabr kuni loyiha bilan tanishish jarayonida aytib o‘tdi, deb xabar berdi «O‘zbekiston 24» telekanalining «Menimcha» dasturi.

Yangi aeroport Toshkent viloyatining O‘rta Chirchiq va Quyi Chirchiq tumanlari hududida, 1,3 ming gektar maydonda quriladi. Loyihani Niderlandiyaning Naco Consulting kompaniyasi ishlab chiqmoqda.

Ko‘rsatuvda ta’kidlanishicha, yangi havo bandargohi hajmi jihatidan 16 ta Tashkent Cityga, yoki 1580 ta futbol stadioniga teng bo‘ladi. Hisob-kitoblarga ko‘ra, aeroportning barpo etilishi va samolyotlar parkini 105 tadan 180 tagacha oshirish orqali O‘zbekiston iqtisodiyotiga yiliga 770 million dollar daromad keltiriladi.

Prezidentning so‘zlariga ko‘ra, aeroport...

O‘zbekiston mahsulotlarini Saudiya bozoriga eksport qilish 60 kun ichida hal qilinadi. Bu haqda Saudiya Arabistoni investitsiya vaziri Xolid al-Falih ma’lum qildi.

Saudiya Arabistoni hozirda qishloq xo‘jaligi hamda meva-sabzavot mahsulotlarini asosan boshqa mamlakatlardan import qiladi. Shu bois bu mamlakat O‘zbekiston uchun katta va istiqbolli bozor hisoblanadi.

Prezident Shavkat Mirziyoyev 15-oktabr kuni Saudiya Arabistonining yirik kompaniyalari rahbarlari bilan uchrashuv chog‘ida O‘zbekiston mahsulotlarini ushbu bozorga olib kirish masalasini muhokama qildi.

«Niyat qilyapmizki, tezroq shu hamkorlikda yerlarni olib, chorvachilikni rivojlantirib, meva-sabzavotni rivojlantirib, bog‘larni rivojlantirib birgalikda katta-katta ishlarni qilib, Saudiya bozoriga, O‘zbekiston bozoriga eksport-importni tezlashtirishimiz kerak», — deydi davlat...

Yangi Toshkentda Saudiya Arabistonining Al Majdiah va First Avenue kompaniyalari ishtirokida Ar-Riyod mavzesi barpo etiladi. Bu haqda «O‘zbekiston 24» telekanalining «Menimcha» ko‘rsatuvida ma’lum qilindi.

Bu tashabbus O‘zbekiston prezidenti Shavkat Mirziyoyevning 15-oktabr kuni Saudiya Arabistonining yirik kompaniyalari rahbarlari bilan uchrashuvi chog‘ida muhokama qilingan. Uchrashuvda ACWA Power, Vision Invest, Al Majdiah, Riyadh Cables, InterHealth, Saudi Tabreed kabi kompaniyalar ishtirok etdi.

Uchrashuvda Al Majdiah va First Avenue kompaniyasi direktorlari kengashi raisi Abdulsalom Al-Majid O‘zbekistonga sarmoya kiritishga qiziqayotgan saudiyalik tadbirkorlar soni oshayotganini aytdi.

«Saudiya Arabistonida keyingi yillarda O‘zbekistonga sarmoya kiritish niyatida bo‘lgan ishbilarmonlar tobora ko‘paymoqda. Biz ham barqarorlik hukm surgan...

Samsung kompaniyasi Galaxy S24, S24 Plus, S24 Ultra va S24 FE modellari uchun chiqarilgan One UI 8 dasturiy yangilanishini o‘z serverlaridan olib tashladi. Bu haqda Sammobile xabar bermoqda.

Kompaniya so‘nggi haftalarda foydalanuvchilarda paydo bo‘lgan ayrim texnik nosozliklar sababli barqarorlik muammolarini aniqlaganini ma’lum qilgan. Samsung ilgari Galaxy S22 seriyasi uchun ham xuddi shunday yangilanishni bekor qilgan edi. Endilikda Galaxy S24 liniyasi ham shu holatga tushdi. Yangilanish hozircha faqat Janubiy Koreya serverlaridan o‘chirib tashlangan, boshqa mintaqalarga bu cheklov yetib borishi hozircha noma’lum.

Qizig‘i shundaki, Janubiy Koreyada hozircha Galaxy S22 modellari uchun ham One UI 8 yangilanishi qayta tiklanmagan, boshqa hududlarda esa...

20-oktabr kuni Amazon kompaniyasining bulutli xizmati AWS’da (Amazon Web Services) yuz bergan keng ko‘lamli nosozlik tufayli butun dunyo bo‘ylab ko‘plab taniqli saytlar va ilovalar vaqtincha ishlamay qoldi.

Nosozlik sababli Fortnite, Snapchat, Coinbase, Robinhood, Perplexity AI, Prime Video, Lyft va Signal kabi platformalarda uzilishlar kuzatildi. Ba’zi foydalanuvchilar hatto Amazon’ning o‘z saytidan xarid qila olmaganini ham bildirgan.

AWS vakillari tizimda xatoliklar va kechikishlar soni oshganini tasdiqlab, muammoni bartaraf etish ustida ishlayotganini ma’lum qildi.

Nosozlik nafaqat AQShda, balki Buyuk Britaniyada ham sezildi – Lloyds Bank, Bank of Scotland, shuningdek, Vodafone, BT va HMRC (soliq va bojxona xizmati) saytlarida ham muammolar kuzatildi.

AWS...

Qirg‘iziston 2025-yil yanvar – avgust oylarida O‘zbekistonga 905,2 ming litr mineral suv eksport qildi. Bu haqda tazabek nashri ma’lum qildi.

Ma’lum qilinishicha, bu ko‘rsatkich o‘tgan yilning shu davridagiga nisbatan 3,9 baravar ko‘p. O‘zbekiston Qirg‘izistondan eksport qilingan mineral suvning yarmidan ortig‘ini qabul qilgan va asosiy xaridor davlatga aylangan.

Ikkinchi o‘rinda esa Qozog‘iston turibdi. Bu mamlakatga eksport hajmi 45,4 foizga kamayib, 763,7 ming litrni tashkil etgan.

Bundan tashqari, Qirg‘iziston yana olti davlatga, jumladan, AQSh, Birlashgan Arab Amirliklari, Malayziya, Ozarbayjon, Buyuk Britaniya va Irlandiyaga ham mineral suv eksport qilgan.

Avvalroq Kursiv Uzbekistan mineral suv ishlab chiqaruvchilarining koʻrsatkich tekshiruvi bir joyda tashkil etilishi...

Korrupsiyaga qarshi kurashish agentligi Davlat aktivlarini boshqarish agentligi (Davaktiv)ga taqdimnoma kiritib, «O‘zbekiston pochtasi»dagi AJ (UzPost) davlat ulushini xususiylashtirish jarayonida ochiqlik va shaffoflik tamoyillariga qat’iy amal qilishni so‘radi.

Agentlik ma’lumotiga ko‘ra, UzPost transformatsiya qilinadigan yirik davlat korxonalari ro‘yxatiga kiritilgan bo‘lib, uning 29,4 foiz davlat ulushi ommaviy savdolar orqali xususiylashtirilishi rejalashtirilgan. Qonunchilikka binoan, bunday jarayonlarda barcha ma’lumotlar ochiq ma’lumotlar portalida e’lon qilinishi va tanlovlar teng raqobat muhitida o‘tkazilishi shart.

So‘nggi haftalarda UzPost’ning xususiylashtirilishi bo‘yicha ikki nomzod – O‘zbekistonning Uzum ekotizimi va Rossiyaning Wildberries onlayn platformasi haqida xabarlar paydo bo‘ldi. 13-oktabr kuni Uzum UzPost’ni sotib olish bo‘yicha tanlovda ishtirok etishga tayyorligini...

Samarqand viloyatining Oqdaryo tumanida joylashgan «M.M.M.N» fermer xo‘jaligi Qoradaryo daryosi hududidan qum-shag‘al aralashmasini noqonuniy ravishda qazib olgani aniqlandi. Natijada tabiatga 43,12 milliard so‘m miqdorida zarar yetkazilgan.

Ekologiya, atrof-muhitni muhofaza qilish va iqlim o‘zgarishi vazirligining ma’lum qilishicha, holat viloyat boshqarmasi inspektorlari tomonidan o‘tkazilgan tekshiruv chog‘ida fosh etilgan.

Qazib olish ishlari fermer xo‘jaligiga tegishli ekskavator va yuk mashinasi yordamida amalga oshirilgan.

Ayni paytda texnika vositalari vaqtincha jarima maydoniga joylashtirilgan, ish hujjatlari esa qonuniy baho berish va chora ko‘rish uchun Samarqand viloyati prokuraturasiga yuborilgan.

Avvalroq Kursiv Uzbekiston belgilangan joyga chiqindi tashlamaganlar 224 mln so‘m jarimaga tortilgani haqida xabar bergan edi.

Endilikda Rossiyada spirtli ichimlik yoki giyohvandlik moddasi ta’sirida transport vositasini boshqargan migrantlar, jumladan, o‘zbekistonliklar ham mamlakatda yashash ruxsatnomasidan mahrum etilishi mumkin. Bu haqda TASS xabar berdi.

Tegishli qonun loyihasini Rossiya Davlat Dumasiga «Adolatli Rossiya — haqiqat uchun» partiyasi fraksiyasi rahbari Sergey Mironov va deputat Fedot Tumusov taqdim etgan. Tashabbusga ko‘ra, agar xorijiy fuqarolar mast holatda avtomobil boshqargan bo‘lsa, ularga vaqtincha yashash ruxsatnomasini berish rad etiladi yoki u bekor qilinadi.

Mironovning so‘zlariga ko‘ra, ushbu hujjatning qabul qilinishi yo‘l-transport hodisalari sonini kamaytirish va harakat xavfsizligini oshirishga xizmat qiladi.

2025-yil boshiga ko‘ra, chet elda 1,35 millionga yaqin o‘zbekistonliklar mehnat qilmoqda. Shundan...

21-oktabr uchun valyuta kurslari e’lon qilindi. Shu kun uchun AQSh valyutasi 12 060,15 so‘m (-48,09 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 14-oktabr uchun dollar 12 149,55 so‘m (+8,64 so‘m) etib belgilangan edi. 15-oktabr kuni dollar 35,56 so‘m oshib 12 185,11 so‘mga teng bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi.

Markaziy bank ma’lumotlariga ko‘ra, yevro 104,53 so‘mga tushib, 14 064,55 so‘mni, rubl esa...

Dushanba kuni xalqaro bozorda neft narxlari yana pasaydi. Mutaxassislar buning sababini bozorda neft taklifi ortib ketayotgani va AQSh bilan Xitoy o‘rtasidagi savdo keskinligi bilan izohlashmoqda. Bu haqda Reuters xabar berdi.

Bugun soat 09:38 holatiga ko‘ra, Brent markali neft narxi 18 sentga tushib, bir barrel uchun $61,11, WTI markali Amerika nefti esa 17 sentga arzonlab, $57,37 bo‘ldi. Bozor tahlilchilari aytishicha, hozir savdogarlar neft tanqisligidan emas, balki ortiqcha neft to‘planib qolishidan xavotirda.

Bu holatda kompaniyalar neftni saqlab turib, keyinroq qimmatroq narxda sotishga harakat qiladi. Xalqaro energetika agentligi 2026-yilga borib dunyo bozorida neft taklifi ortib, narxlar bosimi kuchayishini taxmin qilgan.

Narxlarning pasayishiga...

Toshkentda qozog‘istonlik bloger Arujan Aybekova tomonidan suratga olingan ijtimoiy tajriba tarmoqlarda katta bahs-munozaraga sabab bo‘ldi.

Videoda bloger poytaxtdagi jamoat joylarida begona erkaklar yoniga o‘tirib, ularning roziligisiz ularga tegadi va kameraga qarab jilmayadi. Mazkur lavha qisqa vaqt ichida Instagram tarmog‘ida ommalashib, o‘zbekistonlik foydalanuvchilar orasida keskin tanqidga uchradi.

Ko‘plab foydalanuvchilar bu holatni nojo‘ya xatti-harakat deb baholashgan. Ularning fikricha, bunday videolar, ayniqsa, jamoat transportida ayollarga nisbatan tez-tez uchrayotgan tazyiq va bezorilik holatlari fonida, jamiyatda salbiy munosabat uyg‘otadi.

Faollar bu videoni provokatsion deb atab, voqeaga huquqiy baho berishni so‘rashgan. O‘zbekiston qonunchiligiga ko‘ra, jamoat tartibini buzish ma’muriy javobgarlikka sabab bo‘lishi mumkin.

Bloger hozircha tanqidlarga...