Yangiliklar

Shu yilning birinchi yarim yilligida respublika bo‘ylab 950 mingdan ziyod fuqaro o‘z kredit tarixini tekshirgan. Bu haqidagi statistik ma’lumotlar Kredit-axborot tahliliy markazi (KATM) tomonidan e’lon qilindi.

Jismoniy shaxslar kesimida

Kredit oluvchilarning 69 foizi erkaklar (654,6 ming nafar), 31 foizi ayollar (294,1 ming nafar). Skoring ballariga ko‘ra:

Hududlar kesimida esa eng ko‘p kreditga ega...

Navoiy viloyatidagi «Temirchi» oltin koni uchun geologik-qidiruv huquqi auksionda 67,8 mlrd so‘mga sotildi. Savdo natijalari haqida ma’lumot E-auksion platformasida e’lon qilindi.

249 gektar maydonga ega ushbu yer uchastkasi Zafarobod posyolkasi yaqinida joylashgan. Dastlabki baholarga ko‘ra, kon zaxiralari qariyb olti tonna qimmatbaho metallni (sof oltin hisobida) tashkil qiladi.

Savdolar boshlanganda dastlabki narx 4,1 mlrd so‘m etib belgilangandi. 12 soat davomida ishtirokchilar 300 dan ortiq takliflar kiritdi. Natijada lotning yakuniy narxi boshlang‘ich qiymatdan 16,5 baravar yuqori bo‘ldi.

Konga eng yuqori taklifni «Zauris» MChJ berdi. Mazkur firma 10 mln so‘m ustav kapitali bilan shu yilning iyul oyida Toshkentda ro‘yxatdan o‘tkazilgan. Kompaniyaning asosiy...

2025-yilning yanvar – iyun oylarida barcha turdagi xo‘jaliklarda jami 369,3 ming tonna poliz ekinlari yetishtirilgan. Bu haqda Milliy statistika qo‘mitasi ma’lum qildi.

Ushbu ko‘rsatkich o‘tgan yilning shu davridagiga nisbatan 8,3 foizga ko‘p. Umumiy hajmdan 123,5 ming tonnasi fermer xo‘jaliklariga, 235,7 ming tonnasi dehqon va tomorqa xo‘jaliklariga, 10,1 ming tonnasi esa qishloq xo‘jaligi bilan shug‘ullanuvchi tashkilotlarga to‘g‘ri keladi.

Shuningdek, O‘zbekiston tarvuz eksportida ham yangi rekord o‘rnatdi. Joriy yilning faqat ikki oyida – may va iyunda eksport hajmi oldingi yillarning butun yilgi ko‘rsatkichlaridan yuqori bo‘ldi.

Xalqaro savdo statistikasi va Milliy statistika qo‘mitasi ma’lumotlariga ko‘ra, 2025-yilning may-iyun oylarida mamlakat...

O‘zbekiston va Qozog‘iston Senatlari hamkorlik «Yo‘l xaritasi»ni imzoladi. Bu haqda «Dunyo» axborot agentligi xabar berdi.

O‘zbekiston parlamenti delegatsiyasining Ostona shahriga tashrifi davomida Oliy Majlis Senati raisi Tanzila Norboyeva va Qozog‘iston Parlamenti Senati raisi Maulen Ashimbayev uchrashdi.

Suhbatda siyosiy, iqtisodiy, gumanitar va mintaqaviy sohalarda hamkorlikni kengaytirish masalalari muhokama qilindi.

Tomonlar ikki davlat rahbarlari siyosiy irodasi tufayli O‘zbekiston – Qozog‘iston munosabatlari strategik sheriklik darajasiga ko‘tarilganini ta’kidlashdi. Shuningdek, parlamentlararo komissiya faoliyati, xalqaro maydondagi qo‘shma tashabbuslar va barqaror rivojlanish bo‘yicha hamkorlik istiqbollari muhokama qilindi.

Uchrashuv yakunida 2025 – 2026-yillarga mo‘ljallangan hamkorlikni rivojlantirish bo‘yicha «Yo‘l xaritasi» imzolandi.

Bundan oldin Tanzila Norboyeva Qozog‘istonning «Do‘stlik...

Kia kompaniyasi yangilangan Kia Carnival 2026 modelini 1-sentabrdan bozorga chiqarishini ma’lum qildi. Bu haqda Autohome xabar bermoqda.

Bu yilgi yangilanish katta o‘zgarishlarga emas, balki asosan jihozlanishga qaratilgan. Komplektatsiyalar soni ko‘payadi, ularning jihozlari o‘zgaradi, biroq tashqi dizayn deyarli o‘zgarmaydi. Autohome ma’lumotiga ko‘ra, modelning narxi ham pasayishi mumkin.

Yangi Carnival hozirgi model dizaynini saqlab qoladi. Salonida ikkita 12,3 dyuymli ekran, elektron aylanuvchi uzatma selektori mavjud. Avtomobil 2+2+3 sxemadagi yetti o‘rinli joylashuvda taqdim etiladi.

Texnik qismda ham katta yangiliklar amalga oshirilmagan. Mashina 232 ot kuchiga ega 2,0 litrli turbomotor bilan jihozlangan. U 8 pog‘onali avtomatik transmissiya bilan ishlaydi.

Eslatib o‘tamiz, Kursiv Uzbekistan...

ET News xabariga ko‘ra, Apple 2026-yilda iPhone liniyasini sezilarli darajada yangilashni rejalashtirmoqda. Kompaniya bazaviy iPhone 18 modelini chiqarishdan voz kechib, premium hamda bukiladigan qurilmalarga e’tibor qaratishi mumkin.

Manbalarga ko‘ra, 2026-yil bahorida iPhone 17e taqdim etilishi kutilmoqda. Kuzgi taqdimotda esa iPhone 18 Pro, 18 Pro Max va 18 Air modellari bozorga chiqarilishi mumkin.

So‘nggi yillarda Apple model nomlash tizimini ham o‘zgartirmoqda: masalan, iPhone SE endi iPhone 16e deb atalmoqda, iPhone 16 Plus esa o‘rnini iPhone 17 Air’ga bo‘shatmoqda.

ET News yozishicha, bu strategiya kompaniya sotuvlarini oshirishga qaratilgan. Rejaga ko‘ra, yilning birinchi yarmida ko‘proq modellar taqdim etiladi, ikkinchi yarmida esa premium...

Farg‘ona viloyatining Dang‘ara tumanidagi plastmassa mahsulotlari sexida noqonuniy gazdan foydalanish holati aniqlandi. Bu haqda Energetika vazirligi xabar berdi.

Tekshiruv davomida gaz hisoblagichining muhrlari buzilib, maxsus uskuna yordamida tabiiy gaz o‘g‘irlangani ma’lum bo‘ldi. Dastlabki hisob-kitoblarga ko‘ra, yetkazilgan zarar 4,8 milliard so‘mni tashkil etadi.

Hozirda mazkur holat yuzasidan tergovga qadar tekshiruv ishlari olib borilmoqda.

Bundan avval Kursiv Uzbekistan Bo‘ka tumanida yuqori bosimli gaz quvuri zarar ko‘rgani haqida yozgandi. Unga ko‘ra, 18-avgust kuni soat 21:40 da tuman hududidan o‘tgan yuqori bosimli yerosti gaz quvuriga ekskavator shikast yetkazgani uzilish sababiga aylangan.

Natijada tumandagi 12 512 ta xonadon va 267 ta yirik iste’molchiga...

Shu yilning 10-sentabridan Toshkent viloyatidagi markaziy issiqlik ta’minoti korxonalari tomonidan ko‘rsatiladigan xizmatlar narxlari yangilanadi. Bu haqda xalq deputatlari Toshkent viloyati Kengashi 18-avgust kuni qabul qilgan qarorida keltirilgan.

Qarorga ko‘ra, aholiga, budjet tashkilotlariga hamda ulgurji iste’molchilarga taqdim etiladigan issiq suv va issiqlik energiyasi xizmatlarida o‘sish kuzatiladi.

Yangilangan tariflar (QQS bilan, so‘mda):

Shuningdek, budjet tashkilotlari va yirik iste’molchilar uchun ham issiqlik energiyasi narxi bir xil qilib belgilandi – 700 ming so‘m (1 Gkal, QQS bilan).

Qarorga ko‘ra, mazkur tariflar erta qo‘llanilmasligi va asossiz oshirib yuborilmasligi uchun mas’ullar shaxsan javobgar hisoblanadi.

Avvalroq Kursiv Uzbekistan 1-oktabrdan Toshkent shahrida issiqlik ta’minoti va issiq...

Favqulodda vaziyatlar vazirligining ma’lumotiga ko‘ra, yong‘in soat 11:32 da o‘rab olinib, 11:34 da to‘liq o‘chirilgan. Hodisa natijasida 19 kvadrat metr maydonda izolyatsiya mahsuloti yonib zararlangan.

Xabarlarga ko‘ra, voqea joyiga Bosh vazir Abdulla Aripov borib, vaziyatni o‘rgandi.

Yong‘in oqibatida fuqarolar jabrlanmagan, bino ichki qismi shikastlanmagan va unda nodir eksponatlar saqlanmagan.

Bundan oldin Kursiv Uzbekistan Islom sivilizatsiyasi markazi hududida yong‘in yuz bergani, yong‘in-qutqaruv ekipajlari jalb qilinib, o‘t o‘chirish ishlari olib borilayotgani haqida yozgandi.

Tesla Xitoy bozorida yangi Tesla Model Y L elektromobilini rasman taqdim etdi. Bu haqda CarNewsChina xabar bermoqda.

Avtomobilning boshlang‘ich narxi 339 ming yuan ($47 ming) etib belgilangan. Dastlabki yetkazib berish ishlari sentabr oyida boshlanishi rejalashtirilgan.

Model Y L standart Model Y’dan biroz farq qiladi. Tom chizig‘i va orqa spoyleri qayta ishlangan, bu esa avtomobilga yanada dinamik ko‘rinish berib, aerodinamik ko‘rsatkichni 0,216 gacha pasaytirgan. O‘lchamlari 4976×1920×1668 mm. G‘ildirak bazasi 3040 mmni tashkil etadi.

Salonida 16 dyuymli yangi markaziy sensorli ekran o‘rnatilgan. Oldingi simsiz quvvatlash panellari endi bir vaqtning o‘zida 50 Vt va 30 Vt tezkor quvvatlashni qo‘llaydi. Audio tizimi...

18-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,2 foizga pasayib, 36,1 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 24,2 foizni, yuridik shaxslar ulushi esa 22,2 foizni ko‘rsatmoqda.

11-avgust holatiga ko‘ra, mikroqarzlarning o‘rtacha foiz stavkasi 36,3 foizni tashkil etgandi.

Eng yuqori foiz stavkasi quyidagi banklarda qayd etilgan:

Oʻzbekiston 2025-yilning yanvar – iyul oylarida 17 ta davlatga qiymati $51 millionga teng boʻlgan 25,2 ming tonna gilos eksport qildi. Bu haqda Milliy statistika qoʻmitasi ma’lum qildi.

Ma’lumotlarga koʻra, eng koʻp gilos Rossiyaga – 18,2 ming tonna yetkazib berilgan. Shuningdek, Qozogʻistonga 3,6 ming tonna, Qirgʻizistonga 2,7 ming tonna, Belarusga 232 tonna, Iroqqa 127 tonna, Birlashgan Arab Amirliklariga 126 tonna va Latviya bozoriga 34 tonna gilos eksport qilingan. Qolgan davlatlarga jami 93 tonna mahsulot yetkazib berilgan.

Avvalroq yuqori talab sababli O‘zbekistonning gilos eksporti qisqargan edi. Unga ko‘ra, joriy yilgi O‘zbekistondan yangi gilos eksport mavsumi oldingi yillarga nisbatan ancha qisqa...

Bugun, 19-avgust kuni soat 11:11 da Toshkent shahrining Olmazor tumani, Zarqaynar ko‘chasida joylashgan Islom sivilizatsiyasi markazi hududida yong‘in yuz berdi. Bu haqda Favqulodda vaziyatlar vazirligi (FVV) xabar berdi.

Ma’lum qilinishicha, hududda qurilish mahsulotlari yonib ketgan. Voqea joyiga navbatchilikdagi va qo‘shimcha yong‘in-qutqaruv ekipajlari jalb qilinib, o‘t o‘chirish ishlari olib borilmoqda.

Hozircha yong‘in oqibatida tan jarohati olganlar haqida ma’lumot kelib tushmagan. Vazirlik qo‘shimcha ma’lumotlarni keyinroq taqdim etishini bildirgan.

Eslatib o‘tamiz, Kursiv Uzbekistan nashri Pop tumanidagi o‘rmonda yong‘in sodir bo‘lgani haqida yozgan edi.

Donald Tramp Oq uyda Ukraina prezidenti Vladimir Zelenskiy hamda Yevropa yetakchilari bilan uchrashuv o‘tkazdi.

Bu safargi muloqot fevral oyidagi sovuqroq uchrashuvdan farqli ravishda iliqroq ruhda kechgan bo‘lsa-da, unday katta kelishuvlar sodir bo‘lmadi. Quyida Tramp va Zelenskiy uchrashuvidagi eng ahamiyatli jihatlarni sanab o‘tamiz.

Zelenskiy uchrashuvga alohida tayyorgarlik ko‘rib keldi

Amerika nashrlari Zelenskiyning uchrashuv kiyimiga alohida e’tibor qaratdi. Chunki avvalgi uchrashuvlarda uning oddiy kiyimi tanqid qilingandi. Bundan tashqari, uning ko‘rinishi uchrashuv ruhini belgilashi alohida tilga olindi. Chunki Oq uy uchrashuvdan oldin Zelenskiy rasmiy kiyimda kelish-kelmasligini ham so‘rab olgan.

Mutaxassislarning fikricha, Zelenskiy bu safargi uchrashuvga jiddiyroq tayyorlangan: u rasmiy kostyum kiyib...

Vazirlar Mahkamasi huzuridagi Texnik jihatdan tartibga solish agentligi fuqarolarning avtomobil xaridida chalg‘ituvchi holatlarga duch kelmasliklari uchun mamlakatda muvofiqligi tasdiqlangan rasmiy dilerlar ro‘yxatini tasdiqladi.

Rasmiy dilerlar ro‘yxati:

Ro‘yxatda 19 ta ishlab chiqaruvchi va ularning rasmiy dilerlari hamda ular haqidagi ma’lumotlar keltirilgan bo‘lib, faqat ushbu dilerlar orqali sotilayotgan avtomobillar qonuniy muomalada ekani ta’kidlandi.

Eslatib o‘tamiz, avvalroq Chevrolet Cobalt sotib olish uchun oylik maoshni qancha vaqt jamg‘arish kerakligi haqida yozgan edik.

Xitoyda yangi Jetour Shanhai L7 Plus avtomobili savdoga chiqarildi. Avval narxi 200 ming yuan atrofida bo‘lishi kutilgan edi, biroq boshlang‘ich narx 129,9 ming yuan ($18 ming) etib belgilandi.

Model oltita komplektatsiyada taqdim etildi. Birinchi ikkisi 5 o‘rinli, qolganlari esa 7 o‘rinli. Eng qimmat versiya narxi 179,9 ming yuanga teng. O‘lchamlari 4810×1930×1705 mm, g‘ildirak bazasi 2820 mm. Bu mashina Geely Mojaro bilan taqqoslanadi. Disk diametri 19 yoki 20 dyuym.

Salon jihozida 15,6 dyuymli ekranli media tizim, 12 dinamikli akustika, 50 vattli simsiz quvvatlash mavjud. Shuningdek, avtomobil ikkita sovitkich bilan ta’minlangan – biri podlokotnikda, ikkinchisi 20 litr hajmda yukxonada. Barcha o‘rindiqlar...

Hyundai kompaniyasi Xitoy bozorida to‘rtta mashina modeliga katta chegirma e’lon qildi. Elantra, Sonata, Tucson L va Custo avtomobillari avgust oxirigacha arzonlashtirilgan narxlarda sotiladi.

Ma’lum qilinishicha, eng katta chegirma 27 ming yuanga teng. Hyundai Elantra 18 ming yuan arzonlashib, endi 69,8 ming yuanga ($9,6 ming) sotilmoqda. Sonata esa 19 ming yuan chegirma bilan 115,8 ming yuanga ($16 ming) tushdi.

Eng katta chegirma Tucson L krossoveriga qo‘yilgan bo‘lib, 27 ming yuanni tashkil etadi. Mashina narxi $16 mingga teng. Hyundai Custo miniveni esa 26 ming yuan arzonlashib, 139,8 ming yuanga ($19,3 ming) taklif qilinmoqda. Chegirmalarga davlat subsidiyasi ham qo‘shilgan.

Eslatib o‘tamiz, Kursiv...

Xiaomi prezidenti Lu Veybing yangi Redmi Note 15 Pro+ smartfonining mustahkamligini namoyish etdi. Bu haqda ITHome xabar bermoqda.

U telefonni turli hajmdagi bolg‘alar bilan urib ko‘rdi va 1,8 metr balandlikdan tushirishni sinovdan o‘tkazdi. Natijada ekranda hatto tirnalish ham kuzatilmadi.

Smartfon Xiaomi Dragon Crystal flagman oynasi bilan himoyalangan. Bu texnologiya ilgari Xiaomi 14 seriyasida qo‘llangan edi. Orqa panel esa egilishga chidamli maxsus shishavolokondan yasalgan bo‘lib, qurilmani yengil va mustahkam qilgan. Xiaomi ma’lumotiga ko‘ra, model 10 baravar ko‘proq zarbaga bardosh bera oladi.

Rasmiy sinovlarda Note 15 Pro+ 2 metr balandlikdan granitga 50 marta tashlanganda ham butunligicha qolgan. Yangi Note 15 seriyasining...

Qozog‘iston prezidenti Qosim-Jomart Toqayev Oliy Majlis Senati raisi Tanzila Norboyevani II darajali «Do‘stlik» ordeni bilan taqdirladi. Bu haqda Senat matbuot xizmati ma’lum qildi.

Toqayev senatorning ikki xalq o‘rtasidagi do‘stlik, yaxshi qo‘shnichilik va parlamentlararo aloqalarni mustahkamlashdagi xizmatlarini yuksak baholadi.

Tanzila Norboyeva samimiy qabul uchun minnatdorlik bildirib, Shavkat Mirziyoyevning salomini yetkazdi hamda O‘zbekiston va Qozog‘iston o‘rtasidagi hamkorlikni yanada rivojlantirishga doimo hissa qo‘shishga tayyor ekanini ta’kidladi.

Eslatib o‘tamiz, avvalroq Mirziyoyev 112 nafar ishbilarmonni «Faol tadbirkor» ko‘krak nishoni bilan taqdirlagan edi.

Ijtimoiy tarmoqlarda tarqalgan o‘limga olib keluvchi muzqaymoq haqidagi video asossiz ekani ma’lum qilindi. Bu haqda Sanepidqo‘mita xabar berdi.

Qo‘mita so‘nggi yillarda O‘zbekistonda muzqaymoq iste’moli bilan bog‘liq zaharlanish yoki og‘ir salbiy holatlar qayd etilmaganini qayd etdi.

Mamlakatda ishlab chiqarilayotgan barcha muzqaymoqlar tegishli tashkilotlar nazorati ostida bo‘lib, laboratoriya sinovlaridan o‘tkaziladi. Shuningdek, O‘zbekiston oziq-ovqat xavfsizligi bo‘yicha xalqaro standartlarga amal qiladi.

Mutasaddilar fuqarolardan yolg‘on xabarlarga ishonmaslikni va faqat rasmiy manbalarga tayanishni so‘ramoqda. Muzqaymoqni faqat sertifikatlangan savdo shoxobchalaridan xarid qilish tavsiya etiladi.

Avvalroq «Kursiv» nashri O‘zbekiston yarim yilda ikki ming tonnaga yaqin muzqaymoq import qilgani haqida yozgandi.

Rossiya va O‘zbekiston qiymati qariyb $3,5 mlrdga teng loyihalarni amalga oshirish ustida ishlamoqda. Bu haqda Rossiya eksport markazi vakolatxonasi rahbari Pavel Buxanov Kursiv Uzbekistan muxbiriga ma’lum qildi.

Tomonlar 40 dan ortiq mintaqalararo kelishuvlarni amalga oshirmoqda. 2023-yildan buyon respublikada Rossiya ishtirokidagi yuridik shaxslar soni 3 mingdan oshdi.

Rossiya O‘zbekistonda ishlab chiqarish yoki vakolatxona ochgan xorijiy davlatlar orasida birinchi o‘rinda turadi. 2023-yilda Tatariston bilan hamkorlikda tashkil etilgan Chirchiq texnoparki ish boshlagan bo‘lib, uning hududlari to‘liq band etilgan, yangi maydonlarni o‘zlashtirish ishlari davom etmoqda.

Shuningdek, Navoiy viloyati va Samarqandda ham shunday zonalarni tashkil qilish rejalashtirilmoqda.

Eslatib o‘tamiz, avvalroq Rossiya korxonasi 100 nafar o‘zbekistonlikni...

Uzcosmos va BMT qurg‘oqchilikni monitoring qilish tizimini yaratmoqda. Bu haqda agentlik axborot xizmati xabar berdi.

Global iqlim o‘zgarishi oqibatida Markaziy Osiyo, jumladan, O‘zbekistonda ham qurg‘oqchilik xavfi ortib bormoqda. Bu jarayon hosildorlikning kamayishi, chorva yo‘qotilishi va aholining yashash sharoitiga salbiy ta’sir ko‘rsatishi mumkin.

Shu sababli Uzcosmos agentligi BMTning Osiyo va Tinch okeani uchun iqtisodiy va ijtimoiy komissiyasi (UNESCAP) bilan hamkorlikda qurg‘oqchilikni monitoring qilish tizimini ishlab chiqmoqda. Tizim sun’iy yo‘ldosh ma’lumotlariga asoslanib, tuproq namligi, ekinlar holati va suv havzalari bo‘yicha tezkor kuzatuvlarni olib boradi.

Loyiha 2025-yil may oyida ishga tushirilgan bo‘lib, O‘zbekiston, Qirg‘iziston va Tojikiston hududlarini qamrab oladi. Mutaxassislarning ta’kidlashicha, kosmik...

Bugun, 19-avgust kuni Azerbaijan Airlines aviakompaniyasining Toshkent – Boku yoʻnalishidagi J2-532 reysi noma’lum muddatga qoldirildi. Bu haqda Uzbekistan Airports xabar berdi.

Reys qoldirilishiga texnik nosozliklar sabab bo‘lgan. Aviakompaniya ma’lumotiga koʻra, yoʻlovchilar vaqtincha mehmonxonalarga joylashtirilmoqda. Parvozning yangi vaqti hozircha belgilanmagan.

Kompaniya batafsil ma’lumot olish uchun aviakompaniya vakillariga murojaat qilishni tavsiya etmoqda.

Avvalroq Kursiv Uzbekistan Toshkent – Moskva reyslari vaqti yana o‘zgargani haqida yozgandi.

Bo‘ka tumandagi 12 512 ta xonadon va 267 ta yirik iste’molchiga tabiiy gaz yetkazib berish vaqtincha to‘xtatildi. Bu haqda Energetika vazirligi ma’lum qildi.

Unga ko‘ra, 18-avgust kuni soat 21:40 da tuman hududidan o‘tgan yuqori bosimli yerosti gaz quvuriga ekskavator shikast yetkazgani uzilish sababiga aylangan.

Gaz ta’minoti korxonasi mutaxassislari hozirda quvurni ta’mirlash ishlarini olib bormoqda. Ishlar yakunlangach tumandagi barcha iste’molchilarga gaz yetkazib berish qayta tiklanadi.

Aholidan gaz uzilishi vaqtida xavfsizlik qoidalariga qat’iy rioya etish va gaz jihozlaridan ehtiyotkorlik bilan foydalanish so‘ralmoqda.

Eslatib o‘tamiz, avvalroq poytaxtdagi Shuhrat chorrahasidan Chilonzor metrosigacha bo‘lgan yo‘l 13 kunga yopilgan edi.