Yangiliklar

Jizzaxda 2026-yildan butlovchi qismlar validatsiyasi xarajatining 50 foizi Savdoni rivojlantirish kompaniyasidan qoplab beriladi. Bu haqda Shavkat Mirziyoyev xalq deputatlari Jizzax viloyati Kengashining navbatdan tashqari sessiyasida ma’lum qildi.

Prezident rahbarligidagi yig‘ilishda viloyatning respublika avtomobilsozligidagi ulushi hozir 25 foizga yetgani ta’kidlandi. Mirziyoyevga ko‘ra, endi asosiy maqsad korxonalar atrofida qo‘shimcha tarmoqlarni rivojlantirish, mahalliylashtirish darajasini oshirish va tannarxni pasaytirishdan iborat.

Bunda Texnopark hududidagi 10 ming kvadrat metr bo‘sh bino tadbirkorlarga qulay sharoitlarda taqdim etiladi. Shuningdek, Sharof Rashidov tumani sanoat zonasidagi 118 gektar bo‘sh maydonda tayyor bino qurilib, yangi loyihalar joylashtiriladi.

Jizzax politexnika instituti boshqaruvi Vengriya universitetiga topshiriladi

Davlat rahbari institut boshqaruvi Vengriyaning...

Termiz — Hayraton ko‘prigi orqali fuqarolarni o‘tkazish punktlari qayta ish boshladi. Bu haqda Savdo-sanoat palatasi xabar bermoqda.

Chegarani kesib o‘tishda viza talabi saqlanib qoladi. Chegaradan o‘tish tartibining qayta yo‘lga qo‘yilishi eksport qiluvchi korxonalar uchun katta qulaylik yaratmoqda. So‘nggi yillarda Afg‘onistonga eksport hajmi barqaror o‘sib bormoqda. Ushbu yo‘nalishning tiklanishi 2026-yilda eksport hajmini $2,5 mlrdgacha yetkazish uchun yangi imkoniyatlar ochmoqda.

Hayraton yoki Mozori Sharifda ombor ochgan tadbirkorlarga omborni saqlash bilan bog‘liq barcha xarajatlar to‘liq qoplab beriladi. Shuningdek, mahsulotlarni Afg‘onistonning 34 viloyatida reklama qilish xarajatlari ham to‘liq kompensatsiya qilinadi.

Eslatib o‘tamiz, Kursiv Uzbekistan Mozori Sharifda O‘zbekistonda ishlab chiqarilgan maishiy texnika markazi...

Yevropa Ittifoqi (YI) Jahon banki orqali Yevropa va Markaziy Osiyo davlatlarida davlat moliyasini boshqarish tizimlarini takomillashtirishni davom ettiradi. Bu haqda Toshkentda o‘tgan Transkaspiy transport koridori bo‘yicha Investitsiya forumida yangi hamkorlik kelishuvi e’lon qilindi.

Unga ko‘ra, YI Jahon bankiga «Davlat moliyasini boshqarishda o‘zaro o‘rganish va tajriba almashish» (PEMPAL) dasturini qo‘llab-quvvatlash uchun 1 million yevro mablag‘ ajratadi.

Dastur hozirda Yevropa va Markaziy Osiyoning 20 dan ortiq mamlakatlarini qamrab oladi.
PEMPAL dasturi ishtirokchi davlatlarning moliya vazirliklariga budjet jarayonini shaffoflashtirish, ichki audit va nazorat tizimlarini kuchaytirish, g‘aznachilikni modernizatsiya qilish kabi yo‘nalishlarda islohotlarni yanada samarali amalga oshirishga yordam beradi.

YI tomonidan ajratilgan mablag‘lar...

Butunjahon antidoping agentligi (WADA) ijroiya qo‘mitasi yig‘ilishida O‘zbekiston Milliy antidoping tashkilotini talab qilingan me’yorlarga mos kelmagani sababli kuzatuv ro‘yxatiga kiritildi.

Kuzatuv ro‘yxatiga kiritish WADA tomonidan rasmiy jazo hisoblanmasa-da davlat antidoping tizimidagi kamchiliklarni bartaraf etishning so‘nggi imkoniyati sanaladi. Agar talab qilingan tuzatishlar to‘rt oy ichida amalga oshirilmasa, WADA rasmiy nomuvofiqlik to‘g‘risida xabarnoma yuborishi va tegishli sanksiyalarni qo‘llashi mumkin.

WADA prezidenti Vitold Banka Ijroiya qo‘mitasining qarorlari kelgusi oylar va yillarda sportchilarga ijobiy ta’sir ko‘rsatishiga ishonch bildirdi. Shuningdek, yig‘ilishda 2027-yilgi Jahon Antidoping kodeksi va tegishli Xalqaro standartlarning yangilanish jarayoni yakuniy ko‘rib chiqildi. Mazkur jarayonda 60 dan ortiq mamlakat va 70 sport turidan...

2026-yilda O‘zbekiston banklaridagi omonatlar hajmi 20 – 25 foizga oshadi. Fitch Ratings tomonidan e’lon qilingan CIS+ Banking Outlook 2026 hisobotida O‘zbekiston bank tizimi uchun umumiy prognoz «barqaror» deb baholandi.

Hisobotda ta’kidlanishicha, O‘zbekistonda 2026-yilda iqtisodiy o‘sish 6,3 foiz atrofida bo‘lishi kutilmoqda va bu banklar faoliyatiga ijobiy ta’sir qiladi. Kreditlash hajmi oshishda davom etadi, depozit bazasi ham kengayadi.

Shu bilan birga, agentlik davlat banklarida eski muammoli kreditlar hali ham bosim o‘tkazayotganini ta’kidladi. 2026-yilda bunday kreditlar ulushi 9-10 foizgacha chiqishi mumkin. Bu esa zaxira ajratish xarajatlarini oshiradi va ayrim banklar foydasiga ta’sir qiladi.

Xususiy banklar esa yuqori daromad keltiruvchi yo‘nalishlar: kichik...

Ulug‘bek Mustafoyev Jizzax viloyati hokimi etib tayinlandi. Bu haqda prezident matbuot xizmati xabar bermoqda.

Jizzax viloyati xalq deputatlari Kengashining navbatdagi sessiyasida tashkiliy masala ko‘rib chiqilgan. Shavkat Mirziyoyev unga kelgusi yilda viloyatga $4,5 mlrd xorijiy investitsiya jalb qilish, eksport hajmini $500 mlnga yetkazish, 175 ming aholini ish bilan ta’minlash va 15 ming oilani kambag‘allikdan chiqarish bo‘yicha qat’iy ishlash vazifasini belgilab bergan.

Mustafoyev 1968-yil 14-avgustda Jizzax viloyatida tug‘ilgan. 1991-yilda Toshkent xalq xo‘jalik institutini «Moliya va kredit» mutaxassisligi bo‘yicha tamomlagan. Shundan so‘ng bank sohasida mehnat faoliyatini boshlagan.

2010-yilda Mustafoyev Markaziy bank raisining birinchi o‘rinbosari etib tayinlangan. U mazkur lavozimda 2016-yilgacha ishlab, bank...

Tailandning Bangkok shahrida o‘tkazilgan boks bo‘yicha Jahon kengashida G‘afur Rahimov WBC EuroAsia prezidenti etib saylandi. Bu haqda O‘zbekiston professional boks federatsiyasi xabar berdi.

WBC’ning 63-konvensiyasi doirasida bo‘lib o‘tgan direktorlar kengashi yig‘ilishida CISBB (MDH, Slavyan va Boltiqbo‘yi mamlakatlari boks byurosi) tashkiloti rasman WBC EuroAsia deb o‘zgartirildi. Kengashning bir ovozdan qabul qilgan qarori bilan o‘zbekistonlik G‘afur Rahimov WBC EuroAsia prezidentiga aylandi.

WBC prezidenti Maurisio Suleyman G‘afur Rahimovni tabriklab, uni «O‘zbekistonda zamonaviy boksning otasi» deb atadi. Suleyman Rahimov sportni rivojlantirish yo‘lida ulkan ish olib borganini va u 2023-yilda WBC Oliy kengashiga a’zo bo‘lganidan so‘ng xalqaro hamkorlikka beqiyos hissa qo‘shganini ta’kidladi.

Avvalroq Kursiv...

Apple kompaniyasi oktabr oyida sotuvlarni 12 foizga oshirib, bozor ulushini 24,2 foizga yetkazdi. Bu Apple uchun tarixdagi eng yuqori ko‘rsatkich bo‘ldi. Bu haqda Counterpoint Research nashri xabar berdi.

Tahlilchilar bunday daraja kompaniyaning hatto iPhone 6 (2014-yil) yoki iPhone 12 (2020-yil) kabi mashhur avlodlar davrida ham kuzatilmaganini aytmoqda.

Rekordning asosiy drayveri — iPhone 17

Nashr yozishicha, iPhone 17 seriyasiga bo‘lgan kuchli talab Apple o‘sishining bosh omiliga aylandi. Bunga qo‘shimcha ravishda iPhone 16 va 16e modellari ham sotuvlarda sezilarli ulush qo‘shgan.

Apple turli narx va funksional imkoniyatlarga ega keng assortiment taqdim etgani tufayli xaridorlar tanlovi kengaygan, bu esa talabni yanada...

3-dekabr uchun valyuta kurslari e’lon qilindi. Shu kun uchun AQSh valyutasi 11 880,93 so‘m (-14,64 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m), 2-dekabr kuni esa 11 895,57 so‘m (-45,38 so‘m) etib belgilandi.

Markaziy bank ma’lumotlariga ko‘ra, yevro 31,27 so‘mga tushib, 13 794,95 so‘mni, rubl esa 0,3 so‘mga oshib, 153,28 so‘mni tashkil qildi.

Eslatib o‘tamiz, Kursiv Uzbekistan hafta davomida dollar qanchaga pastlagani haqida yozgan edi.

AVO bank boshqaruvi raisi o‘rinbosari, Operatsion va Moliyaviy direktor lavozimida ishlab kelgan Dmitriy Svyatoslavovich Musiyenko bankning yangi boshqaruv raisi etib tayinlandi. Bank ma’lumotiga ko‘ra, 2025-yil 25-noyabr kuni AVO bank Kuzatuv kengashining yig‘ilishi bo‘lib o‘tdi.

Uning nomzodi Markaziy bank tasdig‘idan o‘tguniga rais vazifasini bajaruvchi sifatida faoliyat yuritadi.

Ma’lumot uchun, 2023-yil fevralidan beri bank boshqaruvi raisi lavozimida ishlagan Artyom Popov kelgusi shaxsiy va professional loyihalarni amalga oshirish rejalariga ko‘ra o‘z lavozimini tark etdi. U 2025-yil oxirigacha kuzatuv kengashi va aksiyadorlar bilan yaqin hamkorlikda ishlashni davom ettirishini bildirdi.

Yangi rahbar sifatida tayinlanayotgan Dmitriy Musiyenko xalqaro moliya sohasida 19 yillik tajribaga ega...

Moskva sudi O‘zbekiston va Qirg‘iziston fuqarolariga ustuvorlik berilgan ish e’lonlarini tarqatishni taqiqladi. Bu haqda «RIA Novosti» sud materiallariga tayanib xabar berdi.

Prokuratura internetda ayrim ish beruvchilar tomonidan joylashtirilgan e’lonlarda faqat Qirg‘iziston fuqarolari talab qilinishi, ayrim e’lonlarda esa o‘zbekistonliklar uchun alohida imtiyozli ish sharoitlari taklif etilganini aniqlagan.

Sud ushbu e’lonlarni dastlabki ko‘rinishida tarqatish noqonuniy deb topdi va ular joylashtirilgan internet manzillarni bloklashga qaror qildi. Shuningdek, sud ishga qabul qilish jarayonida millat yoki fuqarolik belgisi bo‘yicha tanlov o‘tkazish kamsitish ekanini eslatdi va bunday amaliyot Rossiya qonunchiligiga zid ekanini ta’kidladi.

Avvalroq Kursiv Uzbekistan Aqtau shahridagi Bosh konsulxona o‘zbekistonliklarni chegaradan o‘tish bo‘yicha ogohlantirgani...

Shanxay Jiao Tong universiteti olimlarining tadqiqotlari asosida atmosferadan suv yig‘ish bo‘yicha dunyodagi birinchi keng qamrovli kompleks taqdim etildi. Bu haqda China Daily xabar berdi.

ITEWA yetakchi olimi va 2023-yilgi Global Energy Prize laureati Van Ruju ta’kidlashicha, havodan ichimlik suvi olish «insoniyatning notekis suv taqsimotini hal qilishdagi eng oliy orzularidan biridir». Mutaxassislar ushbu yechimlar yuqori harorat va namlik, past harorat va namlik, shuningdek, yuqori harorat va past namlik kabi turli iqlim sharoitlarida suv tanqisligini bartaraf etishga moslashtirilganini izohladi.

Innovatsiyalar orasida infratuzilma talab qilmaydigan, quyosh energiyasi bilan ishlaydigan avtonom tashqi ichimlik suvi stansiyasi mavjud. Kichik avtobus bekati hajmiga teng ushbu qurilma...

Yaponiyaning Science kompaniyasi o‘zining ilk «Kelajak odam yuvish mashinasi»ni tijoriy ishlab chiqarishni boshladi.

Mazkur mashinadan hozircha faqat 50 dona tayyorlanadi va har biri $385 mingdan sotiladi. Ushbu kapsula olti yil davomida yaratilgan va oddiy vannadan ancha farq qiladi. Qurilma foydalanuvchining orqa qismiga o‘rnatilgan sensor orqali biometrik ko‘rsatkichlarni (yurak urishi va boshqalar) o‘lchaydi va yuvinish jarayonini shaxsning holatiga mos ravishda avtomatik sozlaydi. Shuningdek, suv harorati va oqimi real vaqt davomida kayfiyatga qarab boshqariladi.

Kompaniya ta’rifiga ko‘ra, bu 1970-yilgi Osaka EXPO’da Sanyo tomonidan namoyish qilingan mashhur «inson yuvish mashinasi»ning zamonaviy va ancha rivojlangan versiyasi.

Asosiy texnologiya — mikroko‘piklar

Chevrolet kompaniyasi 2026-yilgi NASCAR Cup Series mavsumida ishtirok etadigan Camaro ZL1 poyga avtomobili yangilangan dizaynda taqdim etilishini rasman e’lon qildi. Bu haqda kompaniya rasmiy saytida ma’lum qilindi.

Yangilangan modelning ilk rasmiy chiqishi 2026-yil fevral oyidagi Cook Out Clash at Bowman Gray musobaqasida bo‘lib o‘tadi.

Qayd etilishicha, avtomobil tashqi qiyofasidagi o‘zgarishlar Chevrolet tomonidan yaqinda ishlab chiqarilayotgan Camaro ZL1 Carbon Performance Package aksessuarlar to‘plamiga moslashtirilgan. Ushbu to‘plam oltinchi avlod Camaro ZL1 seriyali avtomobillarining aerodinamikasini va yo‘ldagi unumdorligini oshirishga qaratilgan. Dizayn yangilanishlari NASCAR va jamoalar bilan hamkorlikda ishlab chiqildi.

Camaro ZL1 poyga avtomobilining asosiy o‘zgarishlari kattaroq kuchli havo yo‘naltiruvchi qopqoq (power dome...

Opta platformasining superkompyuteri O‘zbekiston milliy terma jamoasining 2026-yilgi Jahon chempionatida g‘alaba qozonish imkoniyatini hisoblab chiqdi. Unga ko‘ra, O‘zbekistonning jahon chempionatida yutish ehtimoli 0,2 foizni tashkil etadi.

Hisob-kitoblariga ko‘ra, Ispaniya terma jamoasining g‘alaba qozonish ehtimoli eng yuqori bo‘lib, 17 foizni tashkil etdi. Undan keyin Fransiya (14,1 foiz) va Angliya (11,8 foiz) joy oldi. Argentinaning yutish ehtimoli 8,7 foiz deb baholangan.

Shuningdek, Gaiti, Kurasao va Iordaniya kabi terma jamoalarning musobaqada g‘alaba qozonish ehtimoli esa nol foizga teng deb belgilandi.

Eslatib o‘tamiz, Goal.com portali ham «JCh – 2026»ga chiqqan jamoalarning imkoniyatlarini baholagan edi. Sayt ekspertlari O‘zbekiston terma jamoasini ro‘yxatda 27 jamoadan...

Xiaomi kompaniyasining mashhur Redmi Note 15 seriyasi global bozor uchun yangilanmoqda. Bu haqda GSMArena xabar bermoqda.

Redmi Note 15 oilasi Xitoyda avgust oyida taqdim etilgan bo‘lib, endi uning xalqaro versiyalari tez orada sotuvga chiqarilishi kutilmoqda. So‘nggi sizib chiqqan ma’lumotlarga ko‘ra, global bozor uchun Redmi Note 15 Pro+, Redmi Note 15 Pro va Redmi Note 15 modellari tayyorlangan. Ushbu smartfonlarning asosiy texnik ko‘rsatkichlari, narxlari va rasmiy dizaynlari internetda paydo bo‘ldi.

Redmi Note 15 Pro+

Seriyaning eng yuqori versiya 6,83 dyumli OLED displey bilan jihozlanadi. Ekran 1280×2772 piksel (1.5K) aniqlikka ega bo‘lib, 120 Hz yangilanish tezligini qo‘llab-quvvatlaydi. Smartfon Snapdragon 7s...

Indoneziya, Tailand va Shri-Lankada kuzatilgan kuchli yog‘ingarchilik natijasida yuzaga kelgan suv toshqinlarida o‘zbekistonlik qurbonlar qayd etilmagan. Bu haqda O‘zbekiston Tashqi ishlar vazirligi rasmiy bayonot berdi.

TIV ushbu davlatlardagi qurbonlarning oila a’zolari va yaqinlariga chuqur hamdardlik bildirdi. Shuningdek, jarohat olganlarning tez fursatda sog‘ayib ketishini tilagan.

Vazirlikning diplomatik vakolatxonalari favqulodda vaziyat yuzasidan mahalliy hokimiyatlar bilan uzluksiz aloqada bo‘lmoqda. Rasmiy ma’lumotga ko‘ra, hozirgi vaqtga qadar O‘zbekiston fuqarolari orasida halok bo‘lgan, bedarak yo‘qolgan yoki jarohat olganlar aniqlanmadi.

TIV vaziyatni doimiy nazorat ostiga olganini ma’lum qildi va xorijdagi o‘zbekistonliklar uchun aloqa raqamlarini e’lon qildi.

Favqulodda vaziyat bo‘yicha murojaat uchun aloqa raqamlari:

O‘zbekistonning Indoneziyadagi...

Ozarbayjonda «Ozarbayjon Xalq fronti» yetakchisi Ali Kerimli ikki yarim oyga hibsga olindi. U hokimiyatni zo‘rlik bilan egallashga urinishda ayblanmoqda va umrbod qamoq jazosiga hukm qilinishi mumkin.

1-dekabr kuni Boku shahrining Sabail tuman sudi Ali Kerimli va partiya rahbariyat a’zolaridan biri Mamed Ibrohimni 2 oy 15 kun muddatga hibsga olishga qaror qildi. Ular hukumatni zo‘ravonlik yo‘li bilan ag‘darishga suiqasd qilishda ayblanmoqda.

Kerimli 29-noyabr kuni qo‘lga olingan. Davlat OAVlari xabariga ko‘ra, uning uyida tintuv vaqtida prezident ma’muriyatining sobiq rahbari Ramiz Mextiyevga tegishli deb aytilayotgan bir nechta xatlar topilgan. Mextiyevning o‘zi ham bir necha ayblovlar, jumladan, davlat to‘ntarishiga urinish va davlatga xiyonat...

Jizzaxda 290 mlrd so‘mlik yo‘l o‘tkazgich va yangi avtomobil yo‘li qurildi. Bu haqda prezident matbuot xizmati xabar bermoqda.

Mazkur yo‘l sutkasiga 14 mingdan ortiq avtomobillar harakatini ta’minlaydi. Avvallari aholi shahar tomon qatnashi uchun 25 kilometr aylana yo‘ldan foydalanishga majbur edi. Yangi o‘tkazgich orqali bu masofa 4 kilometrgacha qisqardi va tirbandlik muammosi bartaraf etildi. Yangi infratuzilma haydovchilar, tadbirkorlar, logistika hamda xizmat ko‘rsatish sohasi uchun qulaylik yaratdi.

O‘tkazgich metall konstruksiyalar asosida zamonaviy texnologiyalar bilan barpo etilgan bo‘lib, uning xizmat muddati 100 yilga baholanmoqda. Taqqoslash uchun, an’anaviy temir-beton yo‘l o‘tkazgichlar odatda 50 yil xizmat qiladi.

Yangi inshoot yana bir muammoni ham bartaraf...

Samsung o‘zining birinchi uch buklamali smartfoni, Galaxy Z TriFold modelining sotuvga chiqish sanasini e’lon qildi.

Unga ko‘ra, model joriy yil 12-dekabrda Janubiy Koreyada, keyin esa Xitoy, Tayvan, Singapur, BAA va AQSh kabi boshqa bozorlarda sotuvga chiqishi kutilmoqda.

Galaxy Z TriFold’ni xarid qilgan mijozlarga Google AI Pro’da olti oylik sinov muddati, Gemini ilovasida Veo3 bilan ishlaydigan video generatsiyasi kabi kuchli funksiyalarga, shuningdek, 2TB xavfsiz bulutli xotiraga kirish imkoniyati beriladi.

Bundan tashqari, har bir Galaxy Z TriFold xaridori displeyni ta’mirlash xarajatlariga bir martalik 50 foiz chegirma olish huquqiga ega bo‘ladi.

Galaxy Z TriFold haqida

Qurilma uch buklanuvchi konstruksiya...

1-dekabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 31,4 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,1 foizni, yuridik shaxslar ulushi esa 23,1 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

2025-yilning yanvar – oktabr oylarida O‘zbekiston 31 ta davlatdan jami 12,2 ming tonna baliq va dengiz mahsulotlarini import qilgan.

Milliy statistika qo‘mitasiga ko‘ra, import qiymati qariyb $28,9 millionni tashkil etgan bo‘lib, bu ko‘rsatkich o‘tgan yilning shu davriga nisbatan 2,3 ming tonnaga yoki 23,3 foizga ko‘p.

O‘zbekistonga eng ko‘p dengiz mahsulotlari Rossiyadan (5,8 ming tonna) keltirilgan. Shuningdek, davlatlar ro‘yxatida Vyetnam (3,3 ming tonna) va Norvegiya (1 ming tonna) ham yuqori uchlikdan o‘rin olgan.

Shuningdek, Litvadan 705,6 tonna, Qozog‘istondan 657,1 tonna, Buyuk Britaniyadan 140 tonna va Farer orollaridan 138,3 tonna dengiz mahsulotlari olib kirilgan. Boshqa davlatlardan esa jami 379,2 tonna...

2-dekabr kuni Toshkentdagi havo sifati keskin yomonlashdi. IQAir xalqaro monitoring platformasi ma’lumotlariga ko‘ra, poytaxtda havodagi zararli moddalar miqdori me’yordan 20,6 baravar yuqori darajani qayd etdi.

Soat 11:00 dagi ko‘rsatkichlarga ko‘ra, havo sifati indeksi (AQI) 184 birlikni tashkil etgan. Bu ko‘rsatkich havoni «zararli» toifasiga kiritadi. PM2.5 zarrachalarining konsentratsiyasi esa Jahon sog‘liqni saqlash tashkiloti tavsiya qilgan yillik me’yoridan 20,6 baravar yuqori bo‘lgani aniqlandi.

Shu bilan birga, reytingda poytaxt havosi ifloslanish darajasi bo‘yicha dunyoning eng iflos 10 shahri ro‘yxatida 9-o‘rinda turibdi.

Ma’lumot uchun, 28-noyabr kuni Toshkent shahridagi atmosfera havosining sifati avvalgi kunlarga nisbatan biroz yaxshilangani ma’lum bo‘lgandi.

Shuningdek, O‘zbekistonda payshanba va juma...

2025-yil oktabr oyida Xitoy global avtomobil savdosining 38 foiz ulushini egalladi. Bu haqda CarNewsChina Xitoy Yengil avtomobillar assotsiatsiyasi bosh kotibi Suy Dunsyuga tayanib ma’lum qildi.

Statistikaga ko‘ra, oktabr oyida jahon bo‘yicha avtomobil savdosi 8,64 mln donani tashkil etgan. Bu o‘tgan yilning shu davriga nisbatan 4 foizga o‘sish, sentabr oyiga nisbatan esa 1 foizga ko‘proq ko‘rsatkichdir.

Shu umumiy hajmning qariyb 3,3 mln donasi Xitoy hissasiga to‘g‘ri kelib, mamlakatning bozor ulushi 38 foizga yetgan. Bu natija bir yil avvalgiga nisbatan yana 1 foiz bandga yuqori.

Yanvardan oktabrgacha bo‘lgan davrda dunyo bo‘yicha jami 79,25 mln dona avtomobil sotilgan. Bu ko‘rsatkich...